MPT ၏ ‘လိုတရ’ Web Portal ဝန်ဆောင်မှုကို သုံးစွဲသူများ ပိုမိုအကျိုးရှိစေမည့် အစီအစဉ်များထပ်မံဖြည့်စွက်

(ရန်ကုန်၊ မြန်မာ၊ ၂၀၁၆ မေ ၃၀) – မြန်မာနိုင်ငံ၏ ပထမဆုံးနှင့် ဦးဆောင်ဆက်သွယ်ရေးအော်ပရေတာဖြစ်သော မြန်မာ့ဆက်သွယ်ရေးလုပ်ငန်း (MPT) သည် လူသိများပြီးဖြစ်သော လိုတရ web portal ဝန်ဆောင်မှုတွင် ဆုလက်ဆောင်များရရှိနိုင်မည့် အစီအစဉ်များကို မိတ်ဆက်မည်ဖြစ်ကြောင်း ယနေ့တွင်ကြေညာလိုက်သည်။ ထပ်မံဖြည့်စွက်လိုက်သည့် ကူပွန်များ၊ ကံစမ်းမဲအစီအစဉ်များဖြင့် လိုတရ portal သုံးစွဲသူများသည် သက်သာသော စျေးနှုန်းများရရှိခြင်းနှင့် အခမဲ့ဆုလက်ဆောင်များအပါအဝင် ကြိုတင်ငွေဖြည့်ကတ်များကိုပါ ဇွန်လ ၁ရက်နေ့မှ စတင်ပြီး ရရှိကံစမ်းနိုင်မည် ဖြစ်သည်။

၂၀၁၆ မတ်လက မိတ်ဆက်ခဲ့သည့် လိုတရ web portal သည် သုံးစွဲသူများလိုအပ်သည့် အချက်အလက်များအားလုံး တစ်နေရာတည်းတွင် ရရှိနိုင်ရန် ပြင်ဆင်ထားသည့် မြန်မာနိုင်ငံ၏ ပထမဆုံးသော web portal လည်းဖြစ်သည်။ MPT ၏ လိုတရ web portal သုံးစွဲသူများသည် မြန်မာနိုင်ငံနှင့် ကမ္ဘာအရပ်ရပ်မှ သတင်းများအပါအဝင် မိုးလေဝသသတင်း၊ နိုင်ငံတကာငွေလဲလှယ်နှုန်း၊ MPT ၏ ထပ်ဆောင်းဝန်ဆောင်မှုများကို လေ့လာဖတ်ရူ့နိုင်သော အထူးဝန်ဆောင်မှုပေးထားသည့် web portal တစ်ခုဖြစ်သည်။ MPT သုံးစွဲသူများမှာ ယခုထပ်မံဖြည့်စွက်လိုက်သည့် လိုတရ ကူပွန်နှင့် ကံစမ်းမဲအစီအစဉ်တွင် ပါဝင်သည့် စျေးဆိုင်များ၊ စားသောက်ဆိုင်များတွင် ရရှိထားသော ကူပွန်များဖြင့် သွားရောက် စားသောက်နိုင်မည့် အခွင့်အရေးများနှင့် ကြိုတင်ငွေဖြည့်ကတ်များကို ကံထူးနိုင်မည့် အခွင့်အရေးများ ရရှိမည်ဖြစ်သည်။

လိုတရစာမျက်နှာတွင် ပါဝင်၍ ကူပွန်များ ပံ့ပိုးပေးမည့် စားသောက်ဆိုင်၊ စတိုးဆိုင်များတွင် YKKO, KFC, Fresh Thai, Potato Break, Hot Pot City, Manhattan, Pezzo, Gong Cha, Golden Park, First Thai Spa နှင့် KMD တို့ပါဝင်မည်ဖြစ်ပြီး အသုံးပြုသူများမှ အဆိုပါဆိုင်များမှ မိမိနှစ်သက်ရာ ကူပွန်များကို ရွေးချယ်၍ ပါဝင်ဆင်နွဲနိုင်မည်ဖြစ်သည်။

ကူပွန်များကိုနောင်လိုအပ်သည့်အချိန်တွင် အသုံးပြုနိုင်ရန် “issue” ကို ရွေးချယ်ပြီးမှတ်သား သိမ်းဆည်းရမည် ဖြစ်သည်။ အသုံးပြုသူများမှ “My coupon list” ကို မှတ်သားမသိမ်းဆည်းမီ “customer info” ကို ပြည့်စုံစွာ ဖြည့်စွက်ရမည်ဖြစ်သည်။ ဆိုင်သို့ ရောက်ရှိသွားချိန်တွင် အသုံးပြုသူများသည် “My Coupon” ကို အလွယ်တကူ ဖွင့်နိုင်ပြီး ၄င်းတို့သိမ်းဆည်းထားသည့် ကူပွန်ကို ရွေးချယ်ရမည်။ သို့သော် “USE” ခလုပ်ကို မနှိပ်မိရန်မှာ အရေးကြီးသည်။ အဘယ့်ကြောင့်ဆိုသော် ယင်းခလုပ်မှာ သက်ဆိုင်ရာ ရောင်းချသူ နှိပ်ရန်အတွက်သာဖြစ်သည်။ ယင်းလုပ်ငန်းစဉ် ဆောင်ရွက်မှုပြီးစီးပါက လိုတရ အသုံးပြုသူများအနေဖြင့် ၄င်းတို့၏ အခမဲ့လက်ဆောင် သို့မဟုတ် သက်သာခွင့်ကို ရရှိမည်ဖြစ်ပြီး ကူပွန်တစ်ခုကို ပရိုမိုးရှင်းအစီအစဉ် တစ်ခုအတွက် တစ်ကြိမ်သာလျှင် အသုံးပြုနိုင်မည်ဖြစ်သည်။

ကံစမ်းမဲအစီအစဉ်ကိုမူ ကံစမ်းမဲ ရွေးချယ်သည့်စက်ဖြင့် ရွေးချယ်သွားမည်ဖြစ်သည်။ MPT အသုံးပြုသူအားလုံးသည် (စီဒီအမ်အေ အသုံးပြုသူများမှ လွှဲ၍) ကံစမ်းနိုင်သည့် အခွင့်အရေးကိုရရှိမည်ဖြစ်သည်။ ကံစမ်းမဲ စက်ထဲမှ အမှတ်တံဆိပ်များတစ်ခုနှင့်တစ်ခုတူညီသွားပါက အပိုထပ်ဆောင်း ငွေဖြည့်ကတ်ဆုများကို ရရှိမည်ဖြစ်သည်။ MPT မှ ကံထူးရှင် ၃ဝဦးကို ရွေးချယ်သွားမည်ဖြစ်ပြီး တစ်ထောင်တန် ငွေဖြည့်ကတ်များကို အသုံးပြုသူများ အား ၁ဝဆတိုးပြီး ကံစမ်းပေးသွားမည်ဖြစ်သည်။ ထို့ကြောင့် ပထမအပတ် (ဇွန် ၁-ရရက်ကြား)တွင် ကံထူးရှင် ၃ဝဝကို ရွေးချယ်၍ ဆုများပေးအပ်သွားမည် ဖြစ်သည်။ ထိုကံစမ်းမဲအစီအစဉ်တွင် ပါဝင်နိုင်ရန် အသုံးပြုသူများမှ လိုတရ ကံစမ်းမဲအစီအစဉ်ရှိ “start” ခလုတ်ကို နှိပ်ထားရန်လိုအပ်သည်။ ပထမအကြိမ် ကံထူးရှင်စာရင်းတွင် မပါဝင်ပါက စိတ်ပျက်စရာမလိုပဲ နောက်ထပ် မိနစ် ၃ဝအကြာတွင် ထပ်မံကံစမ်းခွင့်ရှိသည်။ ထို့အပြင် ကံထူးရှင်များ၏ ဆုကြေးများကို သူတို့၏ အပိုထပ်ဆောင်းငွေပမာဏအဖြစ် ၁၄ရက်အတွင်း လွှဲပြောင်းပေးမည်ဖြစ်သည်။ ကံစမ်းမဲပေါက်သူများအနေဖြင့် နောက်တစ်ကြိမ်ထပ်မံ ကံစမ်းလိုပါ ကလည်း နောက်တစ်ရက်တွင် ထပ်မံကံစမ်းနိုင်မည်ဖြစ်သည်။

MPT အနေဖြင့် လိုတရ web portal အသုံးပြုသူများအတွက် ကူပွန်နှင့် ကံစမ်းမဲများသာမက အသုံးပြုသူများ အလွယ်တကူ ရှာဖွေမှုများပြုလုပ်နိုင်ရန် search box ကိုပါ အဆင့်မြင့်ပေးခဲ့ပါသည်။ ယခင်က search box တွင် စာလုံးတစ်လုံးရှာဖွေပါက Google မှ ရှာဖွေရလာသော အဖြေသာရရှိခဲ့ပါသည်။ ယခု လိုတရ ဒုတိယပိုင်းတွင် ထပ်ဆောင်းဝန်ဆောင်မှုများ (Infotainment)၊ ခေါ်သူနားဆင်တေးသံစဉ် (CRBT) ဝန်ဆောင်မှုများ နှင့် ပတ်သက်သော အဖြေများကိုပါ search box တွင် ရှာဖွေနိုင်မည်ဖြစ်ပါသည်။

“လိုတရ web portal ဝန်ဆောင်မှုရဲ့ ဒုတိယအပိုင်းကို မိတ်ဆက်ပေးဖို့က MPT ရဲ့ ဦးစားပေးကိစ္စလည်းဖြစ်ပါတယ်။ ဒါ့အပြင် ကျွန်တော်တို့ကို အားပေးနေသူတွေအတွက် ၂၄နာရီစလုံး သတင်းအချက်အလက်တွေ ပံ့ပိုးခြင်းတွေကို ကျွန်တော်တို့ရဲ့ ဝန်ဆောင်မှုကိုဝယ်ယူအသုံးပြုသူတွေ ငွေကုန်ကြေးကျသက်သာစွာနဲ့ ဝန်ဆောင်မှုတွေအားလုံကိုအသုံးပြု နိုင်အောင် ချိန်ညှိလုပ်ဆောင််ထားပါတယ် ” ဟု MPT-KSGM Joint Operations ၏ CCO ဖြစ်သူ မစ္စတာ Koichi Kawase ကပြောသည်။

MPT ဖုန်း ငွေဖြည့်ကတ်များကို ဖြည့်ရင်း ၁၀၀% အထိ အပိုဆောင်း ငွေများ ရနိုင်ပြီ

အပိုဆောင်းငွေဖြည့် အစီအစဉ် သည် သုံးစွဲသူများကို ၁၀၀% အထိ အပို လက်ကျန်ငွေ လက်ဆောင် ပေးနိုင်

(ရန်ကုန်။ ၂၀၁၆ ခုနှစ် ဇွန်လ ၂၇ ရက်) – မြန်မာနိုင်ငံ၏ ဦးဆောင် ဆက်သွယ်ရေး အော်ပရေတာ ဖြစ်သော မြန်မာ့ဆက်သွယ်ရေး လုပ်ငန်း MPT က သုံးစွဲသူ သန်း ၂၀ ပြည့်မြောက်ခြင်း အထိမ်းအမှတ်နှင့် အားပေးကြ သူ မိဘပြည်သူများအား ကျေးဇူးတုံ့ပြန်ခြင်း အထိမ်းအမှတ်အနေဖြင့် ဇွန်လ ၂၈ ရက်မှ ဇူလိုင်လ ၂ ရက်နေ့ အတွင်း ဖုန်းလက်ကျန်ငွေ ဖြည့်သွင်းသူများအား ၁၀၀%အထိ အပိုဆောင်း ငွေများ ပေးသွားမည် ဖြစ်ကြောင်း ယနေ့ သတင်းထုတ်ပြန် ကြေငြာလိုက်သည်။

MPT ၏ GSM/WCDMA/CDMA များ၏ ကြိုတင်ငွေ ပေးချေစနစ် သုံးစွဲသူအားလုံး ဤအထူး အစီအစဉ်တွင် အကျုံးဝင်မည်ဖြစ်ပြီး အပိုဆောင်းရရှိသည့် ဖုန်းလက်ကျန်ငွေများသည် ရရှိသည့်ရက်မှ ၁၀ ရက်အတွင်း အသုံးပြုနိုင်မည်ဖြစ်သည်။ လက်ကျန် ငွေဖြည့်သည့် ပမာဏ များလေ အပိုဆောင်းပမာဏ ၁၀၀% အထိ ရရှိနိုင်မည့် အခွင့်အရေးများလေဖြစ်မည် ဖြစ်သည်။

လက်ကျန် ငွေဖြည့်ပမာဏ (ကျပ်)အပိုဆောင်းရရှိမည့် ရာခိုင်နှုန်းအပိုဆောင်းရရှိမည့် ငွေပမာဏ (ကျပ်)
၁,၀၀၀၂၀ %၂၀၀
၃,၀၀၀၃၃ %၁၀၀၀
၅,၀၀၀၄၀ %၂၀၀၀
၁၀,၀၀၀၁၀၀ %၁၀၀၀၀
100%၂၀၀၀၀
၃၀,၀၀၀၁၀၀ %၃၀၀၀၀

ယခုရရှိသော အပိုဆောင်း ဖုန်းလက်ကျန်ငွေများကို (MPT အချင်းချင်း) ဖုန်းခေါ်ဆိုမှုများ၊ (MPT အချင်းချင်း) စာတို ပေးပို့မှုများနှင့် အင်တာနက် အသုံးပြုနိုင်မည်ဖြစ်သည်။

GSM/WCDMA အသုံးပြုသူများသည် ဖုန်းလက်ကျန် ငွေဖြည့်ခြင်းကို ခဲခြစ်ငွေဖြည့်ကတ်ဖြင့်လည်းကောင်း၊ eTopup ဖြင့်လည်းကောင်း၊ ဘဏ်မှ တစ်ဆင့် ငွေဖြည့်ခြင်းဖြင် ့လည်းကောင်း၊ Myanmar MM မှလည်းကောင်း၊ လုပ်ဆောင်နိုင်မည်ဖြစ်ပြီး CDMA အသုံးပြုသူများ အတွက်မူ ခဲခြစ်ငွေဖြည့်ကတ်ကို ဝယ်ယူကာ ငွေဖြည့်ခြင်းဖြင့် လုပ်ဆောင် နိုင်မည်ဖြစ်သည်။ ငွေဖြည့်ကတ်များကို MPT အမှတ်တံဆိပ်ရှိသည့် အရောင်းဆိုင်တိုင်းတွင် အလွယ်တကူ ဝယ်ယူနိုင်သည်။

MPT-KSGM Joint Operation ၏ Chief Commercial Officer ဖြစ်သူ Mr. Koichi Kawase က “MPT အနေနဲ့ သုံးစွဲသူတွေကို ငွေကြေးအရ အကုန်အကျ သက်သာစေချင်ပါတယ်၊ ဒါကြောင့် ဒီ အပိုဆောင်းငွေ အစီအစဉ်ဟာ MPT ကနေပြီးတော့ သုံးစွဲသူတွေ အပေါ်ကျေးဇူးတုံ့ပြန်တဲ့ အနေနဲ့ပြုလုပ်တဲ့ စိတ်ဝင်စားစရာ အစီအစဉ်တွေများစွာထဲက တစ်ခုဖြစ်ပါတယ်” ဟု ပြောသည်။

နှစ်သက်ဖွယ်စျေးနှုန်းသစ်ဖြင့် MPT ၏ ခေါ်သူနားဆင် တေးသံစဉ် ဝန်ဆောင်မှု (CRBT)ကိုအသုံးပြု၍ တေးသီချင်းများကို နားဆင်နိုင်ပြီ

(ရန်ကုန်၊ မြန်မာ၊ ၂၀၁၆ မေလ ၂ရရက်) မြန်မာနိုင်ငံ၏ ဦးဆောင်ဆက်သွယ်ရေး အော်ပရေတာဖြစ်သော မြန်မာ့ဆက်သွယ်ရေးလုပ်ငန်း (MPT) သည် ယခုချိန်တွင် သုံးစွဲသူပေါင်း သန်း၂ဝကျော်သို့ ရောက်ရှိပြီဖြစ်သည်။ ထိုအောင်မြင်မှုကို ကျေးဇူးတုံ့ပြန်သောအားဖြင့် MPT ၏ ‘Caller Ring Back Tone’ (CRBT) ဝန်ဆောင်မှု အသုံးပြုသူများအား နှစ်သက်ဖွယ်ရာစျေးနှုန်းဖြင့် သီးသန့်ဖုန်းတေးသံ အသုံးပြုနိုင်မည့် အစီအစဉ်ကို မိတ်ဆက်လိုက်သည်။

CRBT ဝန်ဆောင်မှုသည် တစ်စုံတစ်ဦး သင့်ဖုန်းကို ခေါ်ဆို၍ ဖုန်းပြန်လည်ဖြေကြားမှုကိုစောင့်ဆိုင်းနေစဉ် အချိန်အတွင်း သီချင်းများနားဆင်နိုင်မည့် ဝန်ဆောင်မှုဖြစ်သည်။ ယခုချိန်တွင် ရွေးချယ်နိုင်မည့် သီချင်းအပုဒ်ရေ တစ်ထောင်ကျော် ရှိနေပြီး အပတ်စဉ်တိုင်း သီချင်းအသစ်များ ထပ်မံဖြည့်ဆည်းပေးသွားမည်ဖြစ်ကာ အဆိုပါဝန်ဆောင်မှုသည် မိုဘိုင်းဖုန်းအသုံးပြုသူများအတွက် မိမိနှစ်သက်ရာတေးသံစဉ်များဖြင့် နားဆင်နိုင်မည့် ့အခွင့်အလမ်းများ ပိုမိုခံစားနိုင်မည်ဖြစ်သည်။

ဇွန်လ ၁ရက်နေ့မှ တင်၍ MPT GSM နှင့် WCDMA ဖုန်း အသုံးပြုသူများသည် ယခုအခါ လစဉ်ကြေး ၁ဝဝဝကျပ်နှင့် သီချင်းတစ်ပုဒ်လျှင်တစ်လ ၃၀၀ ကျပ်နှုန်းဖြင့် CRBT ခေါ်သူနားဆင်တေးသံစဉ်ဝန်ဆောင်မှုကို ရွေးချယ်အသုံးပြုနိုင်ပါသည်။ ယခုသတ်မှတ်လိုက်သည့် စျေးနှုန်းသစ်သည် ယခင်က လစဉ်ကြေး ၂ဝဝဝကျပ်နှင့် သီချင်းတစ်ပုဒ်ဝယ်ယူတိုင်း ၃၀၀ ကျပ်နှုန်း ပေးရသည့် ပမာဏထက် သိသာစွာ လျှော့ချလိုက်သည့် စျေးနှုန်းသစ်လည်းဖြစ်သည်။ (အဆိုပါ ဝန်ဆောင်ခများကို ကုန်သွယ်လုပ်ငန်းခွန် ၅% ထပ်ဆောင်း ပေးဆောင်ရပါမည်)။ အဆိုပါ CRBT ဝန်ဆောင်မှုကို ရယူလိုသူများသည် နှစ်သက်ရာသီချင်းများကို MPT မှ မတ်လအတွင် မိတ်ဆက်ခဲ့သည့် (http://lotayamm.com) စာမျက်နှာတွင် ရွေးချယ် နားဆင် ပြီးရယူနိုင်ပါသည်။ CRBT ဝန်ဆောင်မှုကို ရယူအသုံးပြုလိုသူများသည် REG ဟုရိုက်နှိပ်ပြီး 7979 သို့ စာတိုပေးပို့ကာ ဇွန်လ ၁ရက်နေ့မှ စတင်ရယူနိုင်ပါသည်။

အသုံးပြုလိုသူများသည် ပြည်တွင်း နာမည်ကျော်အဆိုတော်များ ဖြစ်သည့် မျိုးကြီး၊ အိုင်းရင်းဇင်မာမြင့်၊ နီနီခင်ဇော်၊ ဝိုင်းဆုခိုင်သိန်း၊ ဝဏ္ဏ၊ ရွှေထူး၊ နိုင်းဝမ်း နှင့် ဂျီဂျီကဲ့သို့သော အဆိုတော်များ၏ သီချင်းများအပြင် နိုင်ငံတကာမှ နာမည်ကျော်သီချင်းများကိုလည်း ရွေးချယ်ရယူနိုင်သည်။ ထို့အပြင် ယခင် နံပါတ် 1772 နှင့် 1773 များသို့ မက်ဆေ့ချ်ပေးပို့၍ CRBT ဝန်ဆောင်မှု ရယူထားသူများမှာ ယခု စျေးနှုန်းအသစ်ကို ရယူနိုင်ရန် ပထမဦးစွာ ယခင်ရယူထားသော CRBT ဝန်ဆောင်မှုကို ပယ်ဖျက် (Unsubscribe) ရမည်ဖြစ်ပြီး ယခင်စျေးနှုန်းဖြင့် ဒေါင်းလုဒ်ရယူထားသည့် သီချင်းများကိုမူ ဆက်လက်အသုံးပြု၍ ရနိုင်တော့မည်မဟုတ်ပါ။ MPT ၏ CRBT ဝန်ဆောင်မှုကို ရယူထားသူများအတွက် အထူးအစီအစဉ်များရှိနေသည့်အတွက် နောင်လာမည့် အထူးအစီအစဉ်များကို လက်မလွှတ်စေရန်လည်း အမြဲမပြတ် စောင့်ကြည့်ထားသင့်သည်။

“ယခုလိိုစိတ်ဝင်စားဖွယ်ကောင်းတဲ့ CRBT ဝန်ဆောင်မှုကို အသုံးပြုလိုကြတဲ့ လူငယ်လူရွယ်တွေအများအပြား ရှိနေပါတယ်။ ဒီလိုမျိုး သီချင်းတွေအများကြီးကို နှစ်သက်ဖွယ်ရာစျေးနှုန်းနဲ့ ရယူနိုင်အောင် ပံ့ပိုးပေးခြင်ဟာ သုံးစွဲသူတွေရဲ့ လိုအပ်ချက်တွေနဲ့ ဆန္ဒတွေကို MPTက ဖြည့်ဆည်းပေးသလိုဖြစ်တာကြောင့် CRBT ဝန်ဆောင်မှုကိုလည်း ပိုမို အသုံးပြုလာလိမ့်မှာဖြစ်ပါတယ်။” ဟု MPT-KSGM Joint Operation ၏ Chief Commercial Officer ဖြစ်သူ Mr. Koichi Kawase ကပြောသည်။

MPT မှ သုံးစွဲသူ သန်း ၂၀ ပြည့်မြောက်ခြင်း အထိမ်းအမှတ်အဖြစ် ဆုလက်ဆောင်များပေးအပ်ကာ ကျေးဇူးတုံ့ပြန်

(ရန်ကုန်။ ၂၀၁၆ ခုနှစ် မေလ ၂၀ ရက်) – မြန်မာနိုင်ငံ၏ ဦးဆောင်ဆက်သွယ်ရေးအော်ပရေတာဖြစ်သော မြန်မာ့ဆက်သွယ်ရေးလုပ်ငန်း (MPT) သည် ယခုအခါ သုံးစွဲသူပေါင်း သန်း ၂၀ ရှိပြီဖြစ်ပြီး ၄င်း အောင်မြင်မှုအတွက် သုံးစွဲသူတစ်ဦးချင်းစီအား ကျေးဇူးတုံ့ပြန်သောအားဖြင့် MPT သုံးစွဲသူအားလုံး အတွက် ကံစမ်းမဲအစီအစဉ်တစ်ခုကို စတင်တော့မှာဖြစ်ပါသည်။ မေလ ၂၀ ရက်နေ့မှ ဇွန်လ ၂ ရက်နေ့ အတွင်း ပြုလုပ်မည့် ထိုကံစမ်းမဲအစီအစဉ်ကို ပါဝင်သူတိုင်းသည် ငွေကျပ် ၂ သန်းဖိုး နှင့်ညီမျှသော ဖုန်းငွေဖြည့်ပေးခြင်းကို ရရှိပိုင်ဆိုင်နိုင်မည်ဖြစ်သည်။

ဤကံစမ်းမဲအစီအစဉ်သည် MPT သုံးစွဲသူ မိဘပြည်သူ သန်း၂ဝအတွက် “မိသားစု”ဆန်သော အောင်ပွဲခံခြင်းအထိမ်းအမှတ်ဖြစ်ပြီး သုံးစွဲသူတိုင်းက ကံထူးခွင့်ရရှိနိုင်မည့် အခွင့်အရေးလည်းဖြစ်သည်။ MPT ၏ ကြိုတင်ငွေချေစနစ်သုံးနှင့် ကျသင့်ငွေချေစနစ်သုံး GSM/WCDMA/CDMA သုံးစွဲသူတိုင်း အတွက် အကျုံးဝင်ပြီး SMS နံပါတ် ၂၂၂၂ သို့ “20”ဟု စာတိုပေးပို့လိုက်ရုံဖြင့် ဖုန်းငွေဖြည့်ပေးခြင်းကို ဆွတ်ခူးနိုင်မည့်ကံစမ်းမဲအစီအစဉ်သို့ ပါဝင်ခွင့် ရရှိမည်ဖြစ်သည်။ (အဝင်ဖုန်းခေါ်ဆိုမှု ပိတ်ခံထားရသော၊ သို့မဟုတ် အဝင်/အထွက် ဖုန်းခေါ်ဆိုမှုများ ပိတ်ခံထားရသော SIM ကတ်များလည်း ယခုကံစမ်းမဲအစီအစဉ်တွင် ပါဝင်နိုင်ရန် ငွေပြန်ဖြည့်၍ ပါဝင်နိုင်မည်ဖြစ်သည်)။

အခမဲ့ရရှိမည့် ဖုန်းလက်ကျန်ငွေသက်တမ်းများမှာ-

ဆုကြေးများသက်တမ်း ဆုအရေအတွက်
ကျပ် ၂,၀၀၀,၀၀၀(MPT အချင်းချင်းဖုန်းခေါ်ဆိုမှု အတွက် ကျပ် ၁၀ သိန်းနှင့် ဖုန်းအင်တာနက်သုံးစွဲရန် ကျပ် ၁၀ သိန်း)၅ နှစ်၂၀
ကျပ် ၂၀၀,၀၀၀ (MPT အချင်းချင်းဖုန်းခေါ်ဆိုမှု အတွက် ကျပ် ၁ သိန်းနှင့် ဖုန်းအင်တာနက်သုံးစွဲရန် ကျပ် ၁ သိန်း)ရက်ပေါင်း ၃၆၀၂၀၀
ကျပ် ၂၀,၀၀၀ (MPT အချင်းချင်းဖုန်းခေါ်ဆိုမှု အတွက် ကျပ် ၁ သောင်းနှင့် ဖုန်းအင်တာနက်သုံးစွဲရန် ကျပ် ၁ သောင်း)ရက်ပေါင်း ၆၀၂,၀၀၀
ကျပ် ၂,၀၀၀ (MPT အချင်းချင်းဖုန်းခေါ်ဆိုမှု အတွက် ကျပ် ၁ ထောင်နှင့် ဖုန်းအင်တာနက်သုံးစွဲရန် ကျပ် ၁ ထောင်)၁၀ ရက်၂၀၀,၀၀၀
ကျပ် ၂၀၀ (MPT အချင်းချင်းဖုန်းခေါ်ဆိုမှုနှင့် ဖုန်းအင်တာနက်သုံးစွဲရန်)၅ ရက်အခြားစာတိုပေးပို့ကံစမ်းသူများ

MPT-KSGM Joint Operations ၏ Chief Commercial Officer ဖြစ်သူ Mr. Koichi Kawase က “ပထမဆုံး အနေနဲ့ MPT ကို အစဉ်တစိုက်အားပေးနေကြတဲ့ သုံးစွဲသူတွေမိဘပြည်သူအားလုံးကို ကျေးဇူးတင်ပါတယ်။ MPT ဟာ မြန်မာပြည်ရဲ့ ပထမဆုံးနဲ့ သက်တမ်းအရှည်ကြာဆုံး အော်ပရေတာဖြစ်ပါတယ်၊ အခုဆိုရင် MPT ဟာ ဆက်သွယ်ရေးနယ်ပယ်မှာ ဆန်းသစ်တီထွင်မှုတွေနဲ့အတူ အသုံးပြုသူများအတွက် အကျိုးကျေးဇူးတွေ အများကြီးပါရှိနေပြီး စိတ်ဝင်စားစရာကောင်းတဲ့ အနေအထားမှာ ရှိနေပါပြီ။ ကျွန်တော်တို့ရဲ့ ရှေ့သို့လှမ်းချီမြန်မာပြည် ဆိုတဲ့ဆောင်ပုဒ်အတိုင်း ဖြစ်မြောက်အောင် ကူညီပံ့ပိုးခဲ့ကြတဲ့ သုံးစွဲသူတွေအတွက် ကျေးဇူးတုံ့ပြန်လိုပါတယ်၊ ဒါကြောင့်လည်း ဒီသုံးစွဲသူ သန်း ၂ဝလုံး ပါဝင်ခံစားနိုင်မယ့် ကံစမ်းမဲအစီအစဉ်ကိုပြုလုပ်ခြင်းဖြင့် ကျေးဇူးတုံ့ပြန်တာဖြစ်တဲ့အပြင် MPT မိသားစုဝင်တွေ ပိုမိုများပြားလာဖို့လည်း သုံးစွဲသူအသစ်တွေကို ကြိုဆိုနေပါတယ်” ဟု ပြောသည်။

MPT ဖုန်းများတွင် သောကြာနေ့မှာကြိုတင်ငွေဖြည့်၍ အင်တာနက်အခမဲ့ သုံးနိုင်ပြီ

MPT ၏ အပိုဆောင်းငွေဖြည့်ခြင်းအစီအစဉ်ဖြင့် သုံးစွဲသူများ စနေ၊ တနင်္ဂနွေပိတ်ရက်တွင် အင်တာနက်အခမဲ့ အသုံးပြုနိုင်တော့မည်ဖြစ်သည်။

(ရန်ကုန်၊ ၂၀၁၆ ဇွန်လ ၁၅ရက်) – သုံးစွဲသူ သန်း၂ဝကျော်ရှိနေပြီး မြန်မာနိုင်ငံ၏ ဦးဆောင်ဆက်သွယ်ရေး အော်ပရေတာဖြစ်သော မြန်မာ့ ဆက်သွယ်ရေးလုပ်ငန်း (MPT) သည် စနေ၊ တနင်္ဂနွေ ပိတ်ရက်များတွင် လက်ကျန်ငွေ ဖြည့်လိုက်သည် နှင့်တပြိုင်နက် အင်တာနက် အခမဲ့အသုံးပြုနိုင်မည့် အထူးလက်ဆောင် အစီအစဉ်ကို စတင်မည်ဖြစ်ကြောင်း ယနေ့ကြေငြာချက်ထုတ်ပြန်လိုက်သည်။ MPT သည် အမြဲမပြတ် အားပေးနေသော သုံးစွဲသူများကို အထူးကျေးဇူးတင် သည့်အနေဖြင့် ဇွန်လ ၁ရရက် သောကြာနေ ့တွင် ငွေဖြည့်ပါက စနေ၊ တနင်္ဂနွေ ပိတ်ရက်များတွင် အင်တာနက် အခမဲ့ အသုံးပြုနိုင်မည်ဖြစ်သည်။

အဆိုပါ အထူး လက်ဆောင် အစီအစဉ်ကို ဇွန်လ ၁၇ ရက် (သောကြာနေ့)မှ နောက်ထပ်မကြေညာခင်အချိန်အထိိသောကြာနေ့ တိုင်းရယူနိုင်ပါသည်။MPT ဝန်ဆောင်မှုအသုံးပြုသူများ သည် သောကြာနေ့တွင် ကြိုတင်ငွေဖြည့်ခြင်းဖြင့် စနေနေ့ နှင့် တနင်္ဂနွေ ပိတ်ရက်များတွင် အင်တာနက် အခမဲ့ အသုံးပြုနိုင်မည်ဖြစ်ပြီး ငွေဖြည့် ပမာဏပေါ် မူတည်၍ ပမာဏများလျှှင် များသလို အင်တာနက်ကို အခမဲ့ များများ အသုံးပြုနိုင်မည်ဖြစ်သည်။ ယခုအခမဲ့ အင်တာနက် ဝန်ဆောင်မှုသည် သောကြာနေ့ ငွေဖြည့်သူများ အတွက်သာ အသုံးပြုနိုင်မည်ဖြစ်သည်။ MPT ၏ GSM နှင့် WCDMA အသုံးပြုပြီး ဆွေသဟာ ဝန်ဆောင်မှု ရယူထားသူ အားလုံးသည် ယခု အင်တာနက် အခမဲ့ အသုံးပြုမှု အစီအစဉ်တွင် ပါဝင်နို်င်ပါသည်။

ငွေဖြည့်သည့် ပမာဏအလိုက် အောက်ပါအခမဲ့ ဒေတာအသုံးပြုမှုများ ရရှိမည်ဖြစ်သည်။

Top-up denomination [Ks]Free Data[MB]
100020
3,00080
5,000150
10,000400
20,000800
30,0001,200

MPT-KSGM Joint Operations ၏ Chief Commercial Officer ဖြစ်သူ Mr. Koichi Kawase က “ကျွန်တော်တို့ရဲ့ အတွေ့အကြုံအရ ကျွန်တော်တို့ရဲ့ သုံးစွဲသူတွေဟာ ပိတ်ရက်တွေမှာ သူတို့ရဲ့ ဓါတ်ပုံတွေကို လူမှုကွန်ရက် စာမျက်နှာတွေမှာ ဝေမျှတာတွေနဲ့ မိသားစု၊ မိတ်ဆွေတွေနဲ့ တွေ့ကြဆုံကြ ချိန်းကြ ဖို့အင်တာနက်ကို ပိုသုံးတယ်လို့ သိထားပါတယ်။ ကျွန်တော်တို့ အနေနဲ့ သုံးစွဲသူတွေရဲ့ လိုအပ်ချက်တွေကို နားထောင်ပြီး အကောင်းဆုံး ဝန်ဆောင်မှုတွေ ပြန်ပေးသွားဖို့ အမြဲတမ်း ကြိုးစားနေပါတယ်။ အခု ကျွန်တော်တို့ရဲ့ ပိတ်ရက်တွေမှာ အင်တာနက် အခမဲ့အသုံးပြုနိုင်မယ့် အထူး လက်ဆောင် အစီအစဉ်ကလည်း အားလုံး နားနေတဲ့ စနေ၊ တနင်္ဂနွေတွေမှာ ချစ်ခင်သူတွေနဲ့ ပို အဆက်အသွယ် ရှိစေနိုင်မယ်လို့ မျှော်လင့်ပါတယ်။ ဒါကြောင့် ကျေးဇူးပြုပြီး သောကြာနေ့မှာ လက်ကျန် ငွေဖြည့်ပြီး ပိတ်ရက် တွေမှာ အပိုဆောင်း လက်ဆောင် အင်တာနက် ကြိုက်သလောက် သုံးလိုက်ပါ။ ”ဟု ပြောသည်။

ကဆုန်လပြည့်နေ့အခါသမယတွင် MPT မှ သျှစ်သောင်းပုထိုးတော်ကြီး၌ အလှူဒါနများ ပြုလုပ်သွားမည်

(ရန်ကုန်၊ မြန်မာ၊ ၂၀၁၆ မေလ ၁၆ရက်) – မြန်မာနိုင်ငံ၏ ဦးဆောင်ဆက်သွယ်ရေးအော်ပရေတာဖြစ်သော မြန်မာ့ဆက်သွယ်ရေးလုပ်ငန်း (MPT) သည် လာမည့် မေလ ၂၁ရက် စနေနေ့တွင် ကျရောက်မည့် ကဆုန်လပြည့်နေ့အခါသမယ နေ့ထူးရက်မြတ်တွင် ရခိုင်ပြည်နယ်မြောက်ပိုင်း၌ တည်ထားကိုးကွယ်ထားသော သျှစ်သောင်းပုထိုးတော်ကြီးတွင် ဘုရားဖူးများအား ယောဂီတဘက်များ လှူဒါန်းသွားမည်ဖြစ်သည်။

ကဆုန်လပြည့်နေ့အခါသမယသည် ဗုဒ္ဓမြတ်စွာဘုရား ဖွားမြင်တော်မူသည့်နေ့၊ ဒိဗ္ဗစက္ခုဉာဏ်အလင်း ရရှိတော်မူသောနေ့နှင့် ပရိနိဗ္ဗာန်စံတော်မူသည့်နေ့ စသည့် နေ့ထူးနေ့မြတ်ကြီးတစ်ခုဖြစ်သည်။ ထိုကဲ့သို့သော နေ့ထူးနေ့မြတ်တွင် မြန်မာနိုင်ငံအနှံ့အပြားမှ ဗုဒ္ဓဘာသာဝင်များသည် ဘုရားစေတီပုထိုးများသို့ သွားရောက်၍ မြတ်စွာဘုရားပွင့်တော်မူခဲ့သည့် ဗောဓိညောင်ပင်တွင် ရေသွန်းလောင်းသပ္ပါယ်ပူဇော်သည့် အလှူဒါနကို ပြုလုပ်လေ့ရှိကြသည်။

MPT မှ ရခိုင်ပြည်နယ်မြောက်ပိုင်း မြောက်ဦးမြို့ရှိ သျှစ်သောင်းပုထိုးတော်ကြီး၏ နှစ်စဉ်ကျင်းပသည့် ပွဲတော်အချိန်အခါတွင် ပါဝင်ဆင်နွှဲခြင်းဖြင့် ကဆုန်လပြည့်နေ့ကို ကျင်းပမည်ဖြစ်သည်။ မေလ ၂၁ရက်မှ ၂၅ရက် ထိ ကျင်းပမည့် အဆိုပါပွဲတော်အခါသမယတွင် မြန်မာနိုင်ငံ၏ ဦးဆောင်ဆက်သွယ်ရေးအော်ပရေတာဖြစ်သည့် MPT မှ ဘုရားဖူးများအား ယောဂီတဘက်များ လှူဒါန်းသွားမည့်အပြင် ပျော်ရွှင်စရာအစီအစဉ်များဖြစ်သည့် အထူးအစီအစဉ်များ၊ ဂိမ်းများ၊ မျက်လှည့်၊ အကအဖွဲ့များနှင့် လက်ဆောင်များပေးအပ်ခြင်းတို့ကိုပါ ပြုလုပ်သွားမည်ဖြစ်သည်။

မင်းဘာကြီး သို့မဟုတ် ဗုဒ္ဓရုပ်ပွားတော် ရှစ်သောင်းတည်ထားကိုးကွယ် ထားသည့်အတွက် သျှစ်သောင်းပုထိုးတော်ဟု လူသိများသည့် အဆိုပါပုထိုးတော်ကြီးသည် နန်းတော်ရာနေရာနှင့် မြောက်ဘက်မိုင်ဝက်ခန့်အကွာတွင် တည်ရှိပြီး မြောက်ဦးခေတ်တွင် တန်ခိုးသြဇာအကြီးမားဆုံး ရှင်ဘုရင်တစ်ဦး၏ ရှေးဟောင်းသမိုင်းဝင် စေတီတော်တစ်ဆူ ဖြစ်သည်။ သျှစ်သောင်းပုထိုးတော်ကြီး၏ ဗုဒ္ဓပူဇနိယပွဲတော်ကို ပုထိုးတော်ကြီး၏ပရဝုဏ်အတွင်းတွင် နှစ်စဉ် ကဆုန်လပြည့်နေ့တိုင်း ကျင်းပမြဲဖြစ်သည်။

“မြန်မာနိုင်ငံရဲ့ ဦးဆောင်ဆက်သွယ်ရေးအော်ပရေတာ တစ်ခုအနေနဲ့ မြန်မာနိုင်ငံရဲ့ နေ့ထူးနေ့မြတ်တွေမှာ ပါဝင်ဆင်နွှဲပြီး နေရာအနှံ့အပြားကပြည်သူတွေနဲ့ ထိတွေ့ခွင့်ရတဲ့အတွက် ဝမ်းမြောက်မိပါတယ်။ ဒီလိုမျိုး ဘုရားဖူးတွေကို ယောဂီတဘက်တွေလှူဒါန်းခြင်းနဲ့ ပျော်ရွှင်စရာလှုပ်ရှားမှုတွေကို ပံ့ပိုးပေးခြင်းကနေတစ်ဆင့် ကျွန်တော်တို့ MPT အနေနဲ့ မြန်မာနိုင်ငံသူနိုင်ငံသားတွေနဲ့ ပိုမိုရင်းနှီးအကျွမ်းဝင်မှုရှိသလို ကျွန်တော်တို့ရဲ့ ဝန်ဆောင်မှုတွေ၊ ပရိုမိုးရှင်းတွေကိုပဲ ရောင်းချနေတာမဟုတ်ပဲ ပြည်သူတွေရဲ့ ပျော်ရွှင်မှုအတွက် အလေးထားဆောင်ရွက်ပေးနေတာကို သိမြင်နိုင်ပါတယ်။” ဟု MPT-KSGM (KDDI Summit Global Myanmar Co. Ltd.) ၏ CCO ဖြစ်သူ မစ္စတာ Koichi Kawase ကပြောသည်။

ရခိုင်ပြည်နယ်တွင် MPT ၏ ယခုကဲ့သို့ ကူညီမှုသည် ယခုအကြိမ်သာမကဘဲ ၂၀၁၅ခုနှစ် ဇူလိုင်လကလည်း ဆိုင်ကလုန်းမုန်တိုင်း ကိုမန်ကြောင့် ပျက်စီးဆုံးရှုံးခဲ့သည့်နေရာများကို ကူညီထောက်ပံ့ပေးမှုများ ဆောင်ရွက်ခဲ့သည်။ ရေဘေးပြန်လည်ထူထောင်ရေးနှင့် ရေဘေးသင့်ပြည်သူများအား ကူညီပံ့ပိုးပေးခြင်းများ ဆောင်ရွက်ခဲ့သည့်အပြင် စစ်တွေမြို့၏ အထိမ်းအမှတ် နာရီစင် ပြန်လည်မွမ်းမံမှုတွင်လည်း ပါဝင်ဆောင်ရွက်ခဲ့သည်။

ကရင်ပြည်နယ်၊ မွန်ပြည်နယ်နှင့် ပဲခူးတိုင်းဒေသကြီးများရှိ ဘုန်းတော်ကြီးသင်ပညာရေး ကျောင်းများအား MPT မှ မီးအလင်း ပေးနိုင်ခဲ့

[:en]ဆင်းရဲနွမ်းပါးသော ကျောင်းသားကလေးငယ်များထံသို ့ခေတ်မီ နေရောင်ခြည်စွမ်းအင်သုံးမီးအိမ်များ လှူဒါန်းမှုအစီအစဉ်ရောက်ရှိလာ

မွန်ပြည်နယ်၊ ကျိုက်ထိုနှင့် ကရင်ပြည်နယ်၊ ဘားအံ၊ (မေလ ၁ဝရက် ၂၀၁၆) – မြန်မာနိုင်ငံ၏ ဦးဆောင် တယ်လီဖုန်း ဆက်သွယ်ရေး အော်ပရေတာ ကုမ္ပဏီသည် ၎င်းတို ့၏ “ရှေ့သို ့လှမ်းချီ လင်းလက်စေမည်” အမည်ရှိ ထူးခြားကောင်းမွန်သည့် လူမှုအကျိုးပြု CSR အစီအစဉ်ဖြင့်မြန်မာနိုင်ငံရှိ ဘုန်းတော်ကြီးသင် ပညာရေး ကျောင်းများအား နေရောင်ခြည်စွမ်းအင်သုံး မီးအိမ်များ လှူဒါန်းပေးလျက်ရှိရာ ယင်းအစီအစဉ်၏ တစ်စိတ် တစ်ပိုင်းအဖြစ် မွန်ပြည်နယ်၊ ကျိုက်ထိုမြို ့ရှိ ပန်းတော့ဘုန်းတော်ကြီးကျောင်း နှင့် ကရင်ပြည်နယ် ဘားအံရှိ တောင်တန်းသာသနာပြု ဘုန်းတော်ကြီးကျောင်းတို့၌ နေရောင်ခြည်စွမ်းအင်သုံးမီးအိမ် ပေးအပ်လှူဒါန်းပွဲများ ကျင်းပခဲ့သည်။ အဆိုပါ လှူဒါန်းမှုများတွင် ကရင်ပြည်နယ်၊ မွန်ပြည်နယ်နှင့် ပဲခူးတိုင်းဒေသကြီးတို့ရှိ ဘုန်းတော်ကြီး စာသင်ကျောင်း များအား နေရောင်ခြည်စွမ်းအင်သုံးမီးအိမ် စုစုပေါင်း ၁၇၄ လုံးတိတိ သွားရောက်လှူဒါန်းခဲ့ပြီး စာသင်ခန်းများ အတွင်း၌ မီးအလင်းရောင်ရရှိစေကာ၊ ယင်းဒေသများရှိ ဆင်းရဲနွမ်းပါးသော ကျောင်းနေ ကလေးငယ်များ၏ စာသင်ကြားမှု အခြေအနေကို မြှင့်တင်ပေးနိုင်ခဲ့ပြီ ဖြစ်ပါသည်။

မွန်ပြည်နယ် ကျိုက်ထို၌ ကျင်းပခဲ့သော နေရောင်ခြည်စွမ်းအင်သုံးမီးအိမ်များ ပေးအပ်ပွဲတွင်၊ ဆိပ္ဖူးတောင် ဘုန်းတော်ကြီးသင်ပညာရေး ကျောင်း၏ ကျောင်းထိုင်ဆရာတော် အရှင်ဦးဇော်တိက က နေရောင်ခြည်စွမ်းအင်သုံး မီးအိမ်လှူဒါန်းမှုနှင့် ပတ်သက်၍ ၎င်း၏ ဝမ်းမြောက် ဝမ်းသာပီတိဖြစ်မှုအား ယခုလို မိန့်ကြားခဲ့ပါသည်။ “လျှပ်စစ်မီးမရှိရင် ဒီဒေသက ဘုန်းတော်ကြီးသင် ပညာရေးကျောင်းတွေဟာ ညနေပိုင်းနှင့် ရာသီဥတုဆိုးရွားချိန်တွေမှာ အလင်းရောင်ကင်းမဲ့မှုကြောင့် စာသင်ကြားရာမှာ အဆင်ပြေစေမယ့် နေရာရှာဖွေရတဲ့ အခက်အခဲနဲ့ ရင်ဆိုင်ရပါတယ်၊ MPT ရဲ့ ပူးပေါင်း လုပ်ဆောင်မှုဟာ ကျောင်းသားများကို ပညာရေးမှာ ပိုစိတ်ဝင်စားလာစေဖို့ လှုံ့ဆော်ပေးပြီး စာပေကိုကောင်းစွာ သင်ကြားနိုင်စေဖို့အတွက် တကယ့်ကို အကူအညီဖြစ်စေပါတယ်။ သူတို့ရဲ့ အခုလို အားစိုက်ထုတ်မှုအတွက် အထူးပဲ ကျေးဇူးတင်မိပါတယ်။” ဟု ဆရာတော်က မိန် ့ကြားခဲ ့သည်။

ကရင်ပြည်နယ်ရှိ ဘုန်းတော်ကြီးသင်ပညာရေးကျောင်း၏ ကိုယ်စားပြုသူဖြစ်သည့် ကျောင်းထိုင်ဆရာတော် ဦးဓမ္မကလည်း ကျောင်းသားများ၏ဘဝများကို ကောင်းမွန်သော ပြောင်းလဲမှုများဖြစ်စေသောကြောင့် MPT ကို ကျေးဇူးတင်ကြောင်းမိန့်ကြားခဲ့သည်။ “ဘုန်းတော်ကြီးစာသင်ကျောင်းများဟာဆင်းရဲနွမ်းပါးတဲ့ ကလေး သူငယ်များနှင့်လူငယ်များ ပုံမှန်ကျောင်းပညာရေးကို မရရှိနိုင်တဲ့ အခါမျိုးမှာ အကူအညီ ပေးနေကြတဲ့နေရာများ ဖြစ်ပါတယ်။ ပညာသင်ရာမှာ အဓိကကျတဲ့အရာဟာ စာသင်ခန်းတွေဖြစ်ပြီး ကျောင်းသားတွေဟာ စာသင်နှစ် တွေရဲ့ အချိန်တော်တော်များများကို စာသင်ခန်းထဲမှာပဲကုန်ဆုံးကြရပါတယ်။ ဒီနေရောင်ခြည်စွမ်းအင်သုံး မီးအိမ်တွေဟာ သူတို့ လေးတွေအတွက် ပိုမိုကောင်းမွန်တဲ့ ဝန်းကျင်ကောင်းရရှိအောင် ပံ့ပိုးပေးနိုင်တော့မှာ ဖြစ်ပါတယ်” ဟု မိန် ့ကြားခဲ့သည်။

ယခုနှစ်မှာလည်း “ရှေ့သို့လှမ်းချီလင်းလက်စေမည်” လုပ်ငန်းစဉ်ဖြင့် MPT မှ နေရောင်ခြည်စွမ်းအသုံးလျှပ်စစ် မီးအိမ်များကို အခြားဒေသ များရှိ ဘုန်းတော်ကြီးသင်ပညာရေးကျောင်းများသို့ ပေးပို့လှူဒါန်းသွားမည် ဖြစ်ပါသည်။ MPT မှ နေရောင်ခြည်စွမ်းအင်သုံး နေရောင်ခြည်စွမ်းအင်သုံးမီးအိမ်အလုံးရေပေါင်း (၂,၀၀၀)အား ဖြန့်ဝေပေးပြီး ပညာရေးအတွက် လိုအပ်နေသော ကျောင်းသား၊ ကျောင်းသူပေါင်း (၅၈,၀၀၀)ခန့်ကို အကူအညီအထောက်အကူပေးပြီး မြန်မာနိုင်ငံရှိ ကျောင်းပေါင်း (၆၃၂) ကျောင်းသို့ ပေးပို့လှူဒါန်းမည် ဖြစ်ပါသည်။ ယခုဆိုလာမီးအိမ် အလုံး(၂၀၀၀)ကျော်ကို ဘုန်းတော်ကြီးသင်ပညာရေးကျောင်းများ၌ သင်ကြားနေသော ကျောင်းသား၊ ကျောင်းသူများအား ပေးအပ်နိုင်ရခြင်းမှာ ၂၀၁၅ ခုနှစ်၊ ဒီဇင်ဘာလတွင် ကျင်းပခဲ့သော MPT ၏ နံပါတ်အလှများ လေလံတင်ရောင်းချပွဲမှရရှိသည့် ကျပ်ငွေပေါင်း (၂၉၂.၇)သန်းကို MPT အသုံးပြုသော ပြည်သူလူထုများမှ တစ်ဆင့် ရယူနိုင်ခဲ့ခြင်းဖြစ်ပါသည်။

နေရောင်ခြည်စွမ်းအင်သုံး လျှပ်စစ်မီးအိမ် များမှာ Panasonic အမျိုးအစားဖြစ်သော “Enelop Solar Storage” များဖြစ်ကြပါသည်။ ဤနေရောင်ခြည်စွမ်းအင်သုံး လျှပ်စစ်မီးအိမ်များမှာ လွယ်ကူစွာ သုံးစွဲနိုင်သော ပစ္စည်းများဖြစ်ပြီး နေရောင်ခြည်စွမ်းအင်သုံးလျှပ်စစ်ပြားနှင့် ဘထ္ထရီများပါဝင်ကာ နေ့ပိုင်းတွင် နေရောင်ခြည် စွမ်းအင်သုံး လျှပ်စစ်စွမ်းအင်မှတစ်ဆင့် အားဖြည့်သွင်းနိုင်ပြီး ထိုစွမ်းအင်ဖြင့် LED မီးလုံးနှစ်လုံးကို ည သို့မဟုတ် အလင်းရောင်းမရှိသော အချိန်များတွင် သုံးစွဲနိုင်ပါသည်။ သုံးစွဲမှုအတိုင်းအတာပေါ်မူတည်ပြီး ၆ နာရီခန့်အားသွင်းရုံဖြင့် ၂၄ နာရီခန့် သုံးစွဲနိုင်ပါသည်။ ထိန်းသိမ်းစရိတ်လုံးဝမရှိဘဲ လည်ပတ်ရန် အတွက်လည်း ငွေကုန်ကျမှု ရှိမည်မဟုတ်ပါ။ ထို့ပြင် ဤမီးအိမ်များဖြင့် ညအခါ အလင်းရောင် ကောင်းစွာရရှိနိုင်ပြီး USB ကြိုးမှ တစ်ဆင့် မိုလ်ဘိုင်းဖုန်းများကိုလည်း အားဖြည့်သွင်းနိုင်ခြင်းဖြင့် ဒေသခံအချင်းချင်း ဆက်သွယ်ရေးများ ပိုမိုကောင်းမွန်လာစေနိုင်မည့် အစီအစဉ်လည်းဖြစ်သည်။

မြန်မာ့ဆက်သွယ်ရေးလုပ်ငန်း၏ လူမှုရေးလုပ်ငန်းစဉ်များနှင့် ပတ်သက်သည့် အသေးစိတ်အချက်အလက် များကို လေ့လာလိုပါက
https://www.mpt.com.mm/en/whats-new/csr-activities/တွင် ဝင်ရောက် လေ့လာနိုင်ပါသည်။

MPT မှ သုံးစွဲသူများ စျေးနှုန်းချိုသာစွာ ဖုန်းခေါ်ဆိုနိုင်ရန် နာရီတိုင်းမှာငါးမိနစ်စာ အစီအစဉ်အား ဝယ်ယူနိုင်သော package အဖြစ်စတင်

(ရန်ကုန်။ ၂၀၁၆ ခုနှစ် မေလ ၉ ရက်) — မတ်လနှင့် မေလများတွင် ပြုလုပ်ခဲ့သော “နာရီတိုင်းမှာ ငါးမိနစ်စာ” အထူးအစီအစဉ်သည် အောင်မြင် လူကြိုက်များခဲ့သောကြောင့် ယခုအခါတွင် မြန်မာ့ဆက်သွယ်ရေးလုပ်ငန်း MPT မှ နာရီတိုင်းမှာငါးမိနစ်စာ package ကို စတင်လိုက်ပြီဖြစ်သည်။ ဤ package သည် နာရီတိုင်းမှာ ငါးမိနစ်စာကို နှစ်သက်ကြပြီး စျေးနှုန်းသက်သာစွာဖြင့် ဖုန်းခေါ်ဆိုမှုများကို ပြုလုပ်လိုသော သုံးစွဲသူများ၏ တောင်းဆိုမှုဖြင့် စတင်ခဲ့ခြင်းဖြစ်သည်။

နာရီတိုင်းမှာငါးမိနစ်စာ package ကို ရယူခြင်းအားဖြင့် MPT သုံးစွဲသူများသည် ယင်းအစီအစဉ်၏ သက်တမ်း၏ ရက်ပေါင်း ၃၀ အကျိုးခံစားရရှိမည်ဖြစ်သည်။ ယင်းအားသာချက်မှာ မည်သည့် လိုင်းဖုန်းသို့မဟုတ် မိုဘိုင်းဖုန်းသို့ ခေါ်ဆိုသည်ဖြစ်စေ ပထမဖုန်းခေါ်ဆိုချိန် ၅ မိနစ်စာအတွက်သာ ပုံမှန်ဖုန်းခေါ်ဆိုခနှုန်းထားအတိုင်း ပေးချေရပြီး ကျန်သည့်ခေါ်ဆိုချိန်များအတွက်မူ ၅၅ မိနစ်အထိ အခမဲ့ ပြောဆိုနိုင်မည်ဖြစ်သည်။ ဥပမာ- MPT သုံးစွဲသူတစ်ဦးသည် မိတ်ဆွေထံသို့ သူ၏ MPT ဖုန်းမှ (လိုင်းဖုန်း သို့မဟုတ် မိုဘိုင်း) ၄၅ မိနစ်ကြာဖုန်းခေါ်ဆိုမှုကို ပြုလုပ်ပါက ပထမဖုန်းခေါ်ဆိုချိန် ၅ မိနစ်စာ အတွက်ကျသင့်ငွေ ၁၁၅ ကျပ် (ဖုန်းငွေခွန်မပါ) ပေးရပြီး နောက်ထပ်ကျန်ရှိသော ကြာမြင့်ချိန် မိနစ် ၄၀ အတွက် (ဖုန်းငွေခွန်မပါ ၉၂၀ ကျပ်ဖိုး)ကို အခမဲ့ပြောဆိုနိုင်မည်ဖြစ်သည်။

ယခုတစ်ကြိမ်တွင်မူ နာရီတိုင်းမှာ ငါးမိနစ်စာ ခေါ်ဆိုမှုပုံစံအား MPT ဖုန်းအချင်းချင်းခေါ်ဆိုမှုတိုင်းအတွက် အကျုံးဝင်ပြီး ၂၄ နာရီပတ်လုံး ခေါ်ဆိုနိုင်မည်ဖြစ်သည် (ယခင် နာရီတိုင်းမှာ ငါးမိနစ်စာ အထူးအစီအစဉ် ပြုလုပ်ခဲ့စဉ်က ညနေ ၆ နာရီမှ ည ၁၀ နာရီအတွင်း ခေါ်ဆိုမှုများကို ပုံမှန်စျေးနှုန်းကောက်ခံမှုဖြင့် ကောက်ယူခဲ့သည်)။

MPT-KSGM Joint Operation ၏ Chief Commercial Officer ဖြစ်သူ Mr. Koichi Kawase က “အရင် ပထမတစ်ခါလုပ်ခဲ့တဲ့ နာရီတိုင်းမှာငါးမိနစ်စာ အထူးပရိုမိုးရှင်းအစီအစဉ်က အရမ်းကိုအောင်မြင်ခဲ့ပါတယ်၊ ဒီဟာကို လူကြိုက်များလွန်းတာကြောင့် ကျွန်တော်တို့က သုံးစွဲသူတွေ စျေးသက်သက်သာသာနဲ့ ကိုယ်ချစ်ခင်သူတွေနဲ့ ဖုန်းအကြာကြီးပြောလို့ရနိုင်အောင်ရယ် ကိုယ်ကြိုက်တဲ့အချိန်မှာ ပြောနိုင်အောင်ရယ် ဒီ package ကိုစတင်ခဲ့တာပါ၊ ဒီအစီအစဉ်ကို ရယူဖို့အတွက်ကတော့ သုံးစွဲသူတွေက သတ်မှတ်စျေးနှုန်းနဲ့ပေးချေပြီး subscribe ရယူရမှာပါ” ဟု ပြောသည်။

ဤ Package ကို ၂၀၁၆ ခုနှစ်၊ မေလ ၉ ရက်နေ့မှ ဇူလိုင် ၇ ရက်နေ့အထိ လျှောက်ထားရယူနိုင်မည်ဖြစ်ပြီး MPT ၏ GSM/WCDMA ဖြင့် ဆွေသဟာသုံးစွဲသူတိုင်းသည် *555# ကို ဖုန်းခေါ်ဆိုခြင်းဖြင့် package ကို ရယူနိုင်မည်ဖြစ်ကာ တစ်ခါရယူလျှင် ကျသင့်ငွေ ၁၅၀၀ ကျပ်ကို ပေးဆောင်ရမည်ဖြစ်သည်။

စတင်ရယူချိန်မှ ရက်ပေါင်း ၃၀ အတွင်း သုံးစွဲနိုင်မည်ဖြစ်ပြီး ဆက်လက်သုံးစွဲလိုသူများက Package ထပ်မံဝယ်ယူပြီး သက်တမ်းတိုးဆက်လက်သုံးစွဲနိုင်သည်။ အခြေခံဖုန်းခေါ်ဆိုစနစ်ကို သုံးစွဲနေသူများက ဤ package ကို ရယူလိုလျှင် ပထမဦးစွာ ဆွေသဟာစနစ်သို့ ပြောင်းလဲရမည်ဖြစ်သည်။ ဆွေသဟာသို့ ပြောင်းလဲရန် SMS နံပါတ် 1332 သို့ “SWE” ဟု စာတိုပေးပို့ကာ ပြောင်းလဲပြီး package ကို subscribe ရယူနိုင်သည်။

mpt1[:]

မိုဘိုင်းဖုန်းအသုံးပြုသူများ လုံခြုံစွာနှင့်အကျိုးရှိစွာ အသုံးချနိုင်ရန်အတွက် mobile seminar များကို တနိုင်ငံလုံးအနှံ့ MPT မှ ပြုလုပ်သွားမည်

(ရန်ကုန်။ ၂၀၁၆ ခုနှစ် မေလ ၂ ရက်) — မြန်မာနိုင်ငံ၏ ဦးဆောင်ဆက်သွယ်ရေးအော်ပရေတာဖြစ်သော မြန်မာ့ဆက်သွယ်ရေးလုပ်ငန်း MPT မှ ဖေဖော်ဝါရီလတွင်ပြုလုပ်ခဲ့သော မိုဘိုင်းဖုန်းပညာဆွေးနွေးပွဲများ၏ အောင်မြင်မှုကြောင့် ယခုအခါတွင် ဆွေးနွေးပွဲများကို တနိုင်ငံလုံးအနှံ့တွင်ပြုလုပ်သွားကာ သုံးစွဲသူပေါင်း ၂၃,၀၀၀ ကို ရည်ရွယ်ဦးတည်လျက်ရှိကြောင်း သတင်းထုတ်ပြန်ကြေညာလိုက်သည်။ ၂၀၁၆ ခုနှစ် မေလ ၁၆ ရက်နေ့မှ ဇူလိုင် ၁၇ ရက်အတွင်း မြို့နယ်ပေါင်း ၆၇ ခုတွင် စမတ်ဖုန်းများအသုံးပြုပုံနှင့် အင်တာနက်ကိုလုံခြုံစွာအသုံးပြုနိုင်ရန် ဦးတည် ရည်ရွယ်၍ ဆွေးနွေးပွဲများကိုပြုလုပ်သွားမည်ဖြစ်သည်။

အခမဲ့တက်ရောက်ခွင့်ရမည့် ဤပညာပေးဆွေးနွေးပွဲများကို မြန်မာတနိုင်ငံလုံးရှိ MPT အမှတ်တံဆိပ် သီးသန့်အရောင်းဆိုင်များတွင် ပြုလုပ်သွားမည်ဖြစ်ပြီး အထက်တန်းကျောင်းများ၊ တက္ကသိုလ်များနှင့် စက်ရုံအလုပ်ရုံများမှ ပညာပေးဆွေးနွေးပွဲများ ပြုလုပ်လိုကြောင်း တရားဝင်ဆက်သွယ်လာပါကလည်း ထိုနေရာများတွင် SPOT မိုဘိုင်းဆွေးနွေးပွဲများ စီစဉ်ကျင်းပသွားမည်ဖြစ်သည်။ ဆွေးနွေးပွဲပြုလုပ်ပေးစေလိုသူများအနေဖြင့် www.mpt.com.mm ဝက်ဆိုက်သို့သွားရောက်ကာ လျှောက်လွှာဖောင်ကို ဒေါင်းလုဒ်ရယူ ရမည်ဖြစ်ပြီး ထိုဖောင်ကိုဖြည့်သွင်း၍ အီးမေးလ်လိပ်စာ [email protected] သို့ ပြန်လည်လျှောက်ထားရမည်ဖြစ်သည်။ MPT ၏ Customer Care ဌာနမှ လျှောက်ထားသူထံသို့ ပညာပေးဆွေးနွေးပွဲပြုလုပ်မည့် နေ့ရက်နှင့် အချိန်နေရာအသေးစိတ်များကို အတည်ပြုပြန်လည် အကြောင်းကြားမည်ဖြစ်သည်။

ဆွေးနွေးပွဲများတွင် MPT မှဟောပြောပေးသူများက သုံးစွဲသူများအနေဖြင့် ၎င်းတို့၏ စမတ်ဖုန်းများကို ပိုမို အကျိုးရှိစွာ အသုံးပြုနိုင်ရန်နှင့် လုံခြုံစိတ်ချမှုအပြည့်ဖြင့် အသုံးဝင်သည့်နေရာတိုင်းတွင် အသုံးချနိုင်ရန်ရှင်းလင်းပြောကြား သွားမည် ဖြစ်သည်။

မြန်မာလူမျိုးတို့၏ ဘဝကိုမြှင့်တင်ပေးမည်ဟူသည့် MPT ၏ ခံယူချက်နှင့်အညီ MPT မှ စမတ်ဖုန်းများ၏ အသုံးဝင် ပုံများ၊ စမတ်ဖုန်းကို လွဲမှားစွာအသုံးပြုပါက ဖြစ်ပေါ်လာနိုင်သောပြဿနာရပ်များနှင့် MPT ၏ ဝန်ဆောင်မှုများအား အကောင်းဆုံးအသုံးပြုပုံများကို ရှင်းလင်းပြောကြားပေးမည်ဖြစ်သည်။ ထို့ပြင် မိုဘိုင်းဒေတာအသုံးပြုမှုများကို မည်သို့ ထိန်းချုပ်ရမည်၊ မရည်ရွယ်ဘဲ အသုံးပြုမှုမရှိစေရန် မည်သို့ပြုလုပ်ရမည် စသည့်အကြံပေးချက်များကိုလည်း ထည့်သွင်းပြောကြားမည်ဖြစ်သည်။

MPT-KSGM Joint Operation ၏ Chief Commercial Officer ဖြစ်သူ Mr.Koichi Kawase က “စမတ်ဖုန်းတွေ ရောင်းချရမှုဟာ မြင့်တက်လာပြီး ဖုန်းနဲ့အင်တာနက်အသုံးပြုမှုဟာလည်း ပိုမိုများပြားလာတဲ့အတွက် MPT အနေနဲ့ သုံးစွဲသူတွေကို အင်တာနက်လုံခြုံရေးနဲ့ ပတ်သက်ပြီး ပိုမိုသိရှိနားလည်လာစေဖို့ လိုလားပါတယ်၊ ဒါကြောင့်လည်း ကျွန်တော်တို့အနေနဲ့ သုံးစွဲသူတွေက တိုက်ရိုက်တောင်းဆိုလာတဲ့ ဒီမိုဘိုင်းအသိပညာပေးဆွေးနွေးပွဲတွေကို ထပ်ပြီး တိုးချဲ့စတင်လိုက်ဖို့ ဆုံးဖြတ်ခဲ့တာပါ၊ ဒီဆွေးနွေးပွဲတွေကို တနိုင်ငံလုံးအနှံ့လုပ်ဆောင်ခြင်းအားဖြင့် MPT အနေနဲ့ ပိုမို များပြားတဲ့သုံးစွဲသူတွေနဲ့ ထိတွေ့နိုင်လာပြီး ဖုန်းတွေဘယ်လိုအသုံးပြုရမယ်၊ အင်တာနက်လုံခြုံရေးတွေဘယ်လိုရှိတယ် ဆိုတာတွေ ရှင်းပြရင်း ကျွန်တော်တို့ ပေးထားတဲ့ ဝန်ဆောင်မှုတွေကို ဘယ်လိုအကောင်းဆုံးသုံးမလဲဆိုတာပါ မျှဝေနိုင်လာမှာဖြစ်ပါတယ်” ဟု ပြောသည်။

ယခုနှစ် အစောပိုင်းက ပြုလုပ်ခဲ့သော MPT ၏ မိုဘိုင်းဆွေးနွေးပွဲများမှ သုံးစွဲသူ ခုနှစ်ထောင် ကျော်အား အသိပညာများမျှဝေခဲ့ကြသည်။ ဖေဖော်ဝါရီနှင့် မတ်လတွင် MPT မှ ဧရာဝတီတိုင်းဒေသကြီးနှင့် မန္တလေးတိုင်းဒေသကြီးတို့ရှိ မြို့နယ် ၂၈ ခုတွင် ဆွေးနွေးပွဲပေါင်း ၅၆ ခု ပြုလုပ်ပေးခဲ့သည်။ ဆွေးနွေးပွဲများကို ဒေသခံ ကျောင်းများ၊ တက္ကသိုလ်များနှင့် စက်မှုဇုံများတွင် ပြုလုပ်ခဲ့ကာ MPT အဖွဲ့သားများမှ အကြံဉာဏ်များနှင့် နည်းစနစ်များကို ဝေမျှခဲ့ခြင်းဖြစ်သည်။

ယခုအခါတွင် MPT မှ အောက်ပါတိုင်းဒေသကြီးများရှိ မြို့နယ် ၆၇ ခုတွင် မိုဘိုင်းဆွေးနွေးပွဲများပြုလုပ်ရန် စီစဉ်ထားရှိသည်။ ပြည်နယ်နှင့် တိုင်းဒေသကြီးများမှာ – ပဲခူး၊ ချင်း၊ ကချင်၊ ကရင်၊ မကွေး၊ နေပြည်တော်၊ မွန်၊ ရခိုင်၊ စစ်ကိုင်း၊ ရှမ်းပြည်မြောက်ပိုင်း၊ ရှမ်းပြည်တောင်ပိုင်း၊ ရှမ်းပြည်အရှေ့ပိုင်း၊ တနင်္သာရီနှင့် ရန်ကုန် တိုင်းဒေသကြီးတို့ ဖြစ်ကြသည်။

MPT Mobile Seminar ကျင်းပရန် လိုအပ်ချက်များ

သင်၏ကျောင်း၊ ဌာန၊ အလုပ်ရုံတွင် MPT Mobile Seminar ဆွေးနွေးပွဲကို ကျင်းပနိုင်ရန် အောက်ဖော်ပြပါအချက်များနှင့် ကိုက်ညီရန် လိုအပ်ပါသည်။ MPT၏ဆွေးနွေးပွဲကိုလက်ခံပြုလုပ်ရန် အဆင့်သင့်ဖြစ်ပါက ဆွေးနွေးပွဲတောင်းခံလွှာကို တင်သွင်းပါ။ 


ဆွေးနွေးပွဲကြာမြင့်ချိန်                       – ၁ နာရီခွဲ

ဆွေးနွေးပွဲ ဝန်ဆောင်ခ               – အခမဲ ့

တက်ရောက်မည့်သူ                                 – အနည်းဆုံး ၁၀၀

ဆွေးနွေးပွဲအတွက်လိုအပ်သည့်အရာများ                     – ကျင်းပလိုသူမှ သင့်လျော်သော ခန်းမ၊ခုံများ စီစဉ်ရပါမည်။

တက်ရောက်မည့်သူအသက်ကန် ့သတ်ချက်                  – အသက်၁၅နှစ်နှင့်အထက်ဖြစ်ရမည်

# ဆွေးနွေးပွဲ၏အစီအစဉ်နဲ ့ပက်သက်ပြီး [email protected] သို ့ဆက်သွယ်ပြီးစုံစမ်းမေးမြန်းနိုင််ပါသည်။

Click here to download the registration form.