MPT သုံးစွဲသူများအတွက် သီချင်းနှင့် ဖျော်ဖြေရေးကဏ္ဍများ ဆောင်ယူပေးရန် MPT နှင့် Big 9 တို့ပူးပေါင်းဆောင်ရွက်

(ရန်ကုန်၊ ၃၀ ရက် မတ်လ ၂၀၁၈) – မြန်မာ့ဦးဆောင်ဆက်သွယ်ရေး အော်ပရေတာဖြစ်သည့် MPT က Big 9 နှင့်အတူ ပူးပေါင်း၍ MPT သုံးစွဲသူများအတွက် တေးသီချင်းများအပါအဝင် စိတ်ဝင်စားဖွယ်ရာ ဖျော်ဖြေရေးကဏ္ဍများစွာ ပါ၀င်မည့် Big 9 Go အက်ပလီကေးရှင်းကို စတင်မိတ်ဆက်လိုက်ပြီဖြစ်ကြောင်း ယနေ့သတင်းထုတ်ပြန်ကြေညာလိုက်သည်။ MPT သုံးစွဲသူများအနေဖြင့် Big 9 Go အက်ပလီကေးရှင်း မှတစ်ဆင့် နောက်ဆုံးပေါ် တေးဂီတရုပ်သံဗွီဒီယိုများကို အချိန်နှင့်အမျှရယူကြည့်ရှု့နိုင်မည့်အပြင် အထူးသီးသန့် ဖျော်ဖြေရေးအစီအစဉ်များစွာကိုလည်း ရယူခံစားနိုင်မည် ဖြစ်သည်။

Big 9 Go အက်ပလီကေးရှင်းမှာ ပြည်တွင်းထုတ် ဖျော်ဖြေရေးဝန်ဆောင်မှု အက်ပလီကေးရှင်းတစ်ခုဖြစ်ပြီး Iron Cross Music Band မှ နိုင်ငံကျော် ဂီတအနုပညာရှင် များဖြစ်သော လေးဖြူ၊ မျိုးကြီးတို့မှ ဦးစီးဆောင်ရွက်နေခြင်းဖြစ်သည်။ ယခုကဲ့သို့ ပူးပေါင်းဆောင်ရွက်မှုကြောင့် နိုင်ငံတစ်ဝန်းရှိ MPT သုံးစွဲသူများအနေဖြင့် တေးသီချင်းများနှင့် ဖော်ပြပါ ဖျော်ဖြေရေး ကဏ္ဍများကို အကန့်အသတ်မရှိ နားဆင်ခံစားနိုင်မည်ဖြစ်သည်။ Big 9 Go ဝန်ဆောင်မှုတွင် Iron Cross ၀ုိင်းတော်သားများ၏ သီချင်းများအပြင် Lifestyle, ဖျော်ဖြေရေး၊ ဖက်ရှင်နှင့် အလှအပရေးရာ၊ ကျန်းမာရေး၊ အားကစား၊ ခရီးသွားတင်ဆက်မှုတွေ ကိုပါ ရယူနိုင်မည်ဖြစ်သည်။

MPT သုံးစွဲသူများအနေဖြင့် Big 9 Go အက်ပလီကေးရှင်းကို တစ်ရက်လျှင် ၉၉ ကျပ်နှုန်းဖြင့် သက်သာစွာ ရယူနိုင်ပြီး တေးသီချင်းများ၊ ဖျော်ဖြေရေးကဏ္ဍများ ကို အကန့်အသတ်မရှိ ရယူအသုံး ပြုမည်နိုင်မည် ဖြစ်သည်။ ထို့အပြင် သုံးစွဲသူများ စိတ်ကြိုက်ခံစားနိုင်ရန် ရည်ရွယ်၍ ဝန်ဆောင်မှုစတင် ရယူသုံးစွဲသူတိုင်း တစ်ပတ်အခမဲ့သုံးစွဲနိုင်မည်ဖြစ်ပါသည်။ အင်တာနက်အသုံးပြုခအတွက် ကျသင့်မည်ဖြစ်ပါသည်။

MPT-KSGM Joint Operations ၏ Chief Commercial Officer ဖြစ်သူ Mr. Rezio Umeda က “ကျွန်တော်တို့ MPT အနေနဲ့ သုံးစွဲသူတွေကို စိတ်ဝင်စားဖွယ်ရာ တေးသီချင်းနှင့် ဖျော်ဖြေရေး ကဏ္ဍများကို ယူဆောင်လာပေးမယ့် Big 9 နဲ့ ပူးပေါင်း ဆောင်ရွက်နိုင်လို့ အရမ်းပဲ ပျော်ရွှင်မိပါတယ်။ သုံးစွဲသူတွေက မိုဘိုင်းလ်ဖုန်းထဲမှာ သီချင်းနှင့် အခြားသော ဗွီဒီယိုတွေကို သိမ်းဆည်းဖို့ နေရာပေး စရာမလိုဘဲ MPT ရဲ့ မြန်နှုန်းမြင့် 4G LTE+ ကွန်ရက်ပေါ်ကနေတစ်ဆင့် တိုက်ရိုက်ခံစားကြည့်ရှုလို့ရပါပြီ” ဟု ပြောကြားခဲ့ပါသည်။

Big 9 Go အက်ပလီကေးရှင်းကို Android ဖုန်းများတွင် ရယူအသုံးပြုနိုင်မည်ဖြစ်ပြီး Google Play (သို့မဟုတ်) http://bg.lotayamm.com တွင် ဝင်ရောက်၍ ဒေါင်းလုတ်ယူနိုင်မည်ဖြစ်သည်။ အသေးစိတ်သိရှိလိုပါက MPT Call Centre ၁၀၆ ၊ Hotline နံပါတ် ၀၉-၄၄၁၁၂၂၂၂၅ သို့ ဆက်သွယ်မေးမြန်းနိုင်မည်ဖြစ်သည်။

MPT က နှလုံးသားထဲကမြန်မာ “ နိုင်ငံအဝှမ်းစုပေါင်းသန့်ရှင်းရေးလှုပ်ရှားမှု” ကို မြန်မာနိုင်ငံ အနှံ့အပြားရှိ မြို့ကြီးများတွင် ကျင်းပပြုလုပ်ခဲ့

(ရန်ကုန်၊ ၂၈ မတ်လ ၂၀၁၈) – လွန်ခဲ့သောရက်သတ္တပတ် စနေ့နေ့(မတ်လ ၂၄ ရက်)က မြန်မာ့ဦးဆောင်ဆက်သွယ်ရေး လုပ်ငန်းဖြစ်သော MPTက “နှလုံးသားထဲက မြန်မာ” အမည်ရှိ နိုင်ငံအဝှမ်းစုပေါင်းသန့်ရှင်းရေးလှုပ်ရှားမှုကို နိုင်ငံ တစ်ဝှမ်းရှိ မြို့ကြီးများတွင်ရှိသော နေရာဒေသ ၁၈ ခုတွင် တစ်ပြိုင်တည်း ကျင်းပခဲ့ပါသည်။ နိုင်ငံအတွင်းရှိ အများပြည်သူတို့ နေထိုင်သွားလာကြသည့် ဒေသများသန့်ရှင်းလှပစေရေး ရည်ရွယ်ချက်ဖြင့် မတ်လ ၂၄ရက်နေ့ နံနက် ရနာရီမှ စတင်ကာ MPT မှတာဝန်ရှိသူများ၊ ဝန်ထမ်းများနှင့် ဒေသခံပြည်သူများ ပူးပေါင်း၍ နိုင်ငံအတွင်းရှိ တိုင်းဒေသကြီးနှင့် ပြည်နယ်အသီးသီးရှိ ထင်ရှားသည့် အမှတ်အသားနေရာများ၊ အများပြည်သူတို့ သွားလာရာ အထင်ကရနေရာများ နှင့် စေတီပုထိုးများတွင် အမှိုက်ကင်းစင်ရေးအတွက် အတူတကွ ဝိုင်းဝန်း ဆောင်ရွက်ခဲ့ကြပါ သည်။

စုပေါင်းသန့်ရှင်းရေးလှုပ်ရှားမှုကို အောက်ဖော်ပြပါ နေရာများတွင် ဆောင်ရွက်ခဲ့ကြပါသည်။ Continue reading “ MPT က နှလုံးသားထဲကမြန်မာ “ နိုင်ငံအဝှမ်းစုပေါင်းသန့်ရှင်းရေးလှုပ်ရှားမှု” ကို မြန်မာနိုင်ငံ အနှံ့အပြားရှိ မြို့ကြီးများတွင် ကျင်းပပြုလုပ်ခဲ့”

MPT သုံးစွဲသူများအတွက် အနာဂတ်ဟောစာတမ်းများ ရယူနိုင်မည့် နေလ အက်ပလီကေးရှင်းအသစ်

(ရန်ကုန်၊ ၂၁ မတ် ၂၀၁၈) – မြန်မာ့ဦးဆောင်ဆက်သွယ်ရေးအော်ပရေတာဖြစ်သည့် MPT က ဗေဒင် ချစ်သူများအတွက် နေလအမည်ရှိ အက်ပလီကေရှင်းအသစ်ကို ယနေ့ စတင်မိတ်ဆက်လိုက်ပါသည်။ အဆိုပါ နေလ အက်ပလီကေးရှင်း မိုဘိုင်းလ်ဝန်ဆောင်မှုတွင် သုတ၊ ရသများ၊ အချစ်ရေး၊ အိမ်ထောင်ရေး၊ ကျန်းမာရေး၊ အလုပ်အကိုင်၊ ပညာရေး နှင့် မိသားစုအရေး အစရှိ သည်တို့နှင့် ပတ်သက်သော ဗေဒင် တွက်ချက်မှု ဟောစာတမ်းအမျိုးမျိုးတို့ကို MPT သုံးစွဲသူများက ဖတ်ရှုလေ့လာနိုင်မည် ဖြစ်ပါသည်။

MPT အနေဖြင့် သုံးစွဲသူများ၏ နေ့စဉ်ဘဝတွင် ကံမြင့်လာဘ်ပွင့်စေရန် ရည်ရွယ်၍ နေလ မိုဘိုင်းလ် အက်ပလီကေးရှင်းကို စတင်မိတ်ဆက်ခြင်းဖြစ်ပြီး ၎င်းအက်ပလီကေးရှင်းတွင် တားရော့၊ ဆယ့်နှစ်ရာသီ ဂြိုလ်ခွင်နှင့်ဆက်စပ်သော ဗေဒင်ပေါင်းချုပ်၊ မင်္ဂလာမြန်မာ နှစ်၁၀၀ပြက္ခဒိန်၊ မဟာဘုတ်၊ ဖုန်းရွှေတွက်နည်း အပြင် အခါကြီးရက်ကြီးများနှင့် ပွဲတော်ရက်များကိုလည်း ကြည့်ရှုနိုင်မည်ဖြစ်သည်။ အဆိုပါ အက်ပလီ ကေးရှင်းတွင် တရုတ်ရိုးရာဇာတာခွင်များ၊ သတင်းအချက်အလက်များကိုလည်း ဖတ်ရှုနိုင်မည် ဖြစ််သည်။

ယခု ဝန်ဆောင်မှုကို MPT သုံးစွဲသူများသာ ရယူအသုံးပြုနိုင်မည်ဖြစ်ပြီး ကုန်သွယ်ခွန်အပါအဝင် သင်တင့်သော နှုန်းထားဖြစ်သည့် တစ်ရက်လျှင် ၁၅၈ ကျပ်သာ ကျသင့်မည်ဖြစ်သည်။ MPT က မြန်မာ့နှစ်သစ်ကူး အခါသမယကို ကြိုဆိုသောအားဖြင့် နေလဝန်ဆောင်မှုကို ရယူထားသော သုံးစွဲသူတိုင်းအတွက် ရရက်တာ အခမဲ့ အသုံးပြုခွင့်ပေးအပ်မည်ဖြစ်သည့်အပြင် ပရိုမိုးရှင်းကာလဖြစ်သည့် (၂၁-၃-၂၀၁၈ မှ ၂၀-၄-၂၀၁၈) အတွင်း ဝန်ဆောင်မှုရယူထားသူများ အနေဖြင့် “တန်ခူး”ကံစမ်းမဲ အစီအစဉ်တွင် ပါဝင်ခွင့်ရရှိမည်ပြီး မော်တော်ဆိုင်ကယ် (၃)စီးနှင့် (၃၀၀၀) ကျပ်တန် ငွေဖြည့်ကတ်ဆုမဲ (၁၀၀)ကို ကံစမ်းရရှိနိုင်မည် ဖြစ်သည်။

နေလအက်ပလီကေးရှင်းအား ရယူအသုံးပြုလိုသူ MPT သုံးစွဲသူများအနေဖြင့် ဝန်ဆောင်မှုကို အသုံးပြုရန် 8998 သို့ “DL” ဟု စာတိုပေးပို့ ရမည်ဖြစ်သည်။ ထို့အပြင် နေလ အက်ပလီကေးရှင်းကို Google Play Store နှင့် လိုတရဝက်ဘ်ဆိုက်၏ [http://nl.lotayamm.com] တွင် ဒေါင်းလုတ်ရယူနိုင်သည်။ အဆိုပါ အက်ပလီကေးရှင်းကို ဒေါင်းလုတ်ရယူပြီးသည်နှင့် ဝန်ဆောင်မှုအား လွယ်ကူစွာ ရယူအသုံးပြုနိုင်ပြီ ဖြစ်ပါသည်။

MPT-KSGM Joint Operations ၏ Chief Commercial Officer ဖြစ်သူ Mr. Reizo Umeda က “ကျွန်တော်တို့ရဲ့ မြန်နှုန်းမြင့် 3G နဲ့ 4G LTE+ ဆက်သွယ်ရေးကွန်ရက်ကို မိတ်ဆက်ပေးပြီးကတည်းက ပိုမို ကောင်းမွန်တဲ့အစီအစဉ်တွေကို MPTသုံးစွဲသူတွေအတွက် ကျယ်ကျယ်ပြန် ့ပြန် ့အသုံးပြုနိင်ဖို့ လုပ်ဆောင် နေပါတယ်။ ဒီအက်ပလီကေးရှင်းမှာ MPT အသုံးပြုသူတိုင်းက နေ့စဉ်ဘဝ တွေ အတွက် ဗေဒင်ပညာရှင်တွေ တွက်ချက်ထားတဲ့ ဟောစာတမ်းတွေကို လွယ်ကူရိုးရှင်းစွာနဲ့ သက်သာတဲ့နှုန်းထားတစ်ခုနဲ့ ဖတ်ရှုနိုင်အောင် မိတ်ဆက်ပေးခွင့်ရတဲ့အတွက် အလွန်ပဲကျေနပ်မိပါတယ်”ဟု ပြောကြားသည်။

အလားတူပင် Htut Company ၏ MD ဖြစ်သူ ဦးဝေဖြိုး က “ ကျွန်တော့်အနေနဲ့ MPT နဲ ့အခုလို လက်တွဲပီး နေလ မိုဘိုင်းလ်အက်ပလီကေးရှင်းကို ဖြန့်ချိခွင့်ရတဲ့အတွက် တကယ့်ကိုဂုဏ်ယူမိပါတယ်။ သုံးစွဲသူတွေ အတွက် စေတနာ၊ မေတ္တာနဲ့ ကံကောင်းခြင်းတွေရဖို့ ဒီအက်ပလီကေးရှင်းကို လုပ်ဆောင်ခဲ့တာဖြစ်ပြီး နည်းပညာဖွံ့ဖြိုးတိုးတက်လာတာနဲ့အညီ ပိုမိုကောင်းမွန်တဲ့ တစ်ခြားအက်ပလီကေးရှင်းတွေကို ဆက်ထုတ်ဖို့လည်း ဆောင်ရွက်နေပါတယ်။ ရှေ့သို့လှမ်းချီ မြန်မာပြည် ဆိုတဲ့ MPTရဲ့ ဆောင်ပုဒ်အတိုင်း ကျွန်တော့်တို့ဘက်ကလည်း ပိုပြီးကောင်းမွန်တဲ့ စိတ်ချယုံကြည်ရတဲ့ ၀န်ဆောင်မှုတွေကို ဆက်လက် လုပ်ဆောင်သွားပါမယ်လို့ ကတိပေးပါတယ်” ဟု ပြောကြားသည်။
ဝန်ဆောင်မှုနှင့်ပတ်သက်၍ အသေးစိတ်သိရှိလိုပါက www.naylaapp.com သို့ ဝင်ရောက်၍ဖြစ်စေ၊ MPT Call Center နံပါတ် ၁၀၆ (သို့မဟုတ်) hotline +959 8998 400 07 နှင့် +959 4208 056 67 တို့သို့ ခေါ်ဆို၍ စုံစမ်းမေးမြန်းနိုင်ပါ သည်။

မိုဘိုင်းလ်ဖုန်းပေါ်တွင် မြင်တွေ့ရမည့် နေလအက်ပလီကေးရှင်း၏ ပုံစံဒီဇိုင်း

AirAsia နှင့် MPT တို့ ပူးပေါင်း၍ MPT ဆင်းမ်ကတ် အသုံးပြုသူများအတွက် လေယာဉ်လက်မှတ်ဈေးနှုန်းများ ၂၀ ရာခိုင်နှုန်း အထိလျှော့ချပေးသွားမည်

ရန်ကုန်၊ ၂၀ မတ်လ၊ ၂၀၁၈ ခုနှစ် – နိုင်ငံတကာသို့ ပျံသန်းနေသည့် AirAsia လေကြောင်းလိုင်းနှင့် မြန်မာနိုင်ငံ၏ ဦး ဆောင်ဆက်သွယ်ရေးအော်ပရေတာ MPT တို့ပူးပေါင်း၍ MPT ဖုန်းသုံးစွဲနေသူများအားလုံး ဈေးနှုန်းသက်သာစွာဖြင့် လေယာဉ်စီးနင်း ခရီးသွားလာနိုင်ရန်အတွက် အထူးသီးသန့် လျှော့ဈေးအစီအစဉ်သစ်တစ်ရပ်ကို စတင်လုပ်ဆောင် လိုက်ပြီဖြစ်ကြောင်း သတင်းထုတ်ပြန်ကြေညာလိုက်သည်။

AirAsia က မိုဘိုင်းလ်ဖုန်းမှတစ်ဆင့် လေယာဉ်လက်မှတ်များကို အလွယ်တကူဝယ်ယူနိုင်ရေး အတွက် ရည်ရွယ်ပြုလုပ်သော “AirAsia On Sale” အစီအစဉ်ကို စတင်မိတ်ဆက်ပြီး AirAsia လေယာဉ်လက်မှတ်များ ကို AirAsia မိုဘိုင်းလ်အက်ပလီကေးရှင်း ပေါ်မှတစ်ဆင့် ဝယ်ယူမည့် MPT ဆင်းမ်ကတ်အသုံးပြုသူ များအားလုံးအတွက် ၂၀ ရာခိုင်နှုန်းအထိ လျှော့ချပေးအပ်သွားမည် ဖြစ်သည်။

MPT အသုံးပြုသူများအနေဖြင့် AirAsia မိုဘိုင်းလ်အက်ပလီကေးရှင်းတွင် promo code “MPT20” ဟု ထည့်သွင်းပြီး ၂၀၁၈ ခုနှစ် မတ်လ ၂၉ ရက် (၂၂:၃၀ နာရီ) မှ ၂၀၁၈ ခုနှစ် ဧပြီလ ၁ ရက်နေ့ (၂၂:၃၀ နာရီ) အထိ အထူးဈေးနှုန်းဖြင့် ဝယ်ယူနိုင်မည်ဖြစ်ပြီး ခရီးသွားလာနိုင်မည့်ကာလမှာ ၂၀၁၈ ခုနှစ် ဇူလိုင်လ ၁ ရက်နေ့မှ ၂၀၁၈ ခုနှစ် စက်တင်ဘာလ ၃၀ ရက်နေ့ အထိ ဖြစ်ပါသည်။

ယခု ပြုလုပ်သည့် အထူးလျှော့ဈေးအစီအစဉ်တွင် AirAsia ဂျပန် (လေကြောင်းလိုင်းအမှတ် DJ) နှင့် AirAsia အင်ဒိုနီးရှား (လေကြောင်းလိုင်းအမှတ် QZ) တို့မှအပ ကျန်ခရီးစဉ်များအားလုံးအတွက် အကျုံးဝင်မည် ဖြစ်ပါသည်။
ကမ္ဘာ့ဈေးနှုန်းအသက်သာဆုံးလေကြောင်းလိုင်းအဖြစ် ဦးဆောင်နေသည့် AirAsia အနေဖြင့် အရည်အသွေး ကောင်းမွန်မှုရှိပြီး မြန်မာနိုင်ငံရှိ စီးပွားရေးလေကြောင်းသယ်ယူပို့ဆောင်ရေးများ အပေါ် တောင်းဆိုချက်များ မြင့်မားလာခြင်းကို သိရှိထားသကဲ့သို့ ဈေးကွက်အတွင်း ကမ္ဘာ့အဆင့်မီ ဝန်ဆောင်မှုများ ဆက်လက်လုပ်ဆောင်သွား နိုင်ရန်လည်း ရည်မှန်းထားပါသည်။

AirAsia လေကြောင်းလိုင်း၏ Regional Head of Partnership ဖြစ်သော Mr. Matthew Mok က “AirAsia အနေနဲ့ ပျံသန်းတဲ့အတွေ့အကြုံကို တိုးတက်ကောင်းမွန်လာစေဖို့အပြင် လူတိုင်း ဈေးသက်သက်သာသာနဲ့ လေယာဉ်စီးနှင်း ခရီးသွားနိုင်စေဖို့အတွက် ကြိုးပမ်းနေပါတယ်။ အခုလို အမြော်အမြင်ရှိလှတဲ့ ကျွန်တော်တို့ရဲ့ မိတ်ဖက် MPT နဲ့ ပူးပေါင်းဆောင်ရွက်ခွင့်ရတဲ့အတွက်ကြောင့် မြန်မာနိုင်ငံသားတွေအနေနဲ့ လွတ်လွတ်လပ်လပ် ခရီးသွားလာပြီး အခြားဒေသက ယဉ်ကျေးမှုတွေကို မြင်တွေ့ခံစားနိုင်ကြမယ်လို့ မျှော်လင့်ပါတယ်။ ဒီပူးပေါင်းဆောင်ရွက်မှုဟာ မြန်မာနိုင်ငံမှာရှိတဲ့ AirAsia အတွက် နောက်ထပ်အရေးပါတဲ့ မှတ်တိုင်တစ်ခုဖြစ်သလို အလားအလာရှိတဲ့ ဒေသတွင်း အခွင့်အလမ်းတွေကိုရှာဖွေပြီး ကျွန်တော်တို့ရဲ့အမှတ်တံဆိပ်ကို ပိုမိုခိုင်မာလာအောင် ဆက်လက်ဆောင်ရွက်သွား ပါမယ်” ဟု ပြောကြားသည်။

MPT-KSGM Joint Operations ၏ Chief Commercial Officer ဖြစ်သူ Mr.Reizo Umeda က “MPT ရဲ့ အကျယ်ပြန့်ဆုံး မိုဘိုင်းလ်ကွန်ရက်နဲ့အတူ မြန်မာနိုင်ငံအနှံ့အပြားကများပြားလှတဲ့ အသုံးပြုသူတွေဆီကို အခုလို အံ့အားသင့်ဖွယ် ကောင်းတဲ့အထူးလျှော့ဈေး အခွင့်အရေးကို ထောက်ပံ့ပေးသွားမှာဖြစ်ပါတယ်။ အားလုံးသော MPT အသုံးပြုသူတွေအနေနဲ့ ကိုယ့်ရဲ့ စမတ်ဖုန်းတွေထဲတွေမှာ AirAsia အက်ပလီကေးရှင်းကို ရယူပြီး အဲ့ဒီကနေတစ်ဆင့် ကိုယ်နှစ်သက်တဲ့ ခရီးစဉ်တွေကို ၂၀ ရာခိုင်နှုန်းသီးသန့်လျှော့ဈေးနှင့်အတူ ရယူနိုင်မှာပဲဖြစ်ပါတယ်” ဟု ပြောကြားသည်။

ဆက်လက်၍ Mr. Reizo Umeda က “ကျွန်တော်တို့အနေနဲ့ AirAsia နဲ့အတူတကွ လက်တွဲဆောင်ရွက်ခွင့်ရတဲ့ အတွက် အထူးပဲစိတ်လှုပ်ရှားမိပြီး ကျွန်တော်တို့ရဲ့ တန်ဖိုးရှိလှတဲ့ မြန်မာပြည်သူတွေအတွက် သင့်တင့်တဲ့ဈေးနှုန်းနဲ့ နိုင်ငံရပ်ခြားခရီးစဉ်များကို လှည့်ပတ်သွားလာပြီး အတွေ့အကြုံတွေရယူနိုင်ဖို့ ကျွန်တော်တို့အနေနဲ့ ဆောင်ကျဉ်းပေးနိုင်မယ်လို့ ယုံကြည်ပါတယ်” ဟု ထပ်လောင်း ပြောကြားပါသည်။

AirAsia လေကြောင်းလိုင်းအနေဖြင့် လက်ရှိတွင် ရန်ကုန်-ဘန်ကောက် (ဒွန်မောင်းအပြည်ပြည်ဆိုင်ရာလေဆိပ်) တိုက်ရိုက်လေကြောင်း ကို တစ်ရက်လျှင် လေးကြိမ်၊ ရန်ကုန်-ကွာလာလမ်ပူ ခရီးစဉ်ကို တစ်ရက်လျှင် တစ်ကြိမ် နှင့် မန္တလေး-ဘန်ကောက် (ဒွန်မောင်းအပြည်ပြည်ဆိုင်ရာလေဆိပ်) ခရီးစဉ်ကို တစ်ရက်လျှင် တစ်ကြိမ် ပျံသန်းပြေးဆွဲ လျက် ရှိပါသည်။ ခရီးသည်များအနေနှင့် ဘန်ကောက်နှင့် ကွာလာလမ်ပူမြို့များသာမက အခြားသော နိုင်ငံများသို့ ပျံသန်းသွားလာလိုခြင်းများအတွက်လည်း AirAsia ၏ Fly-Thru ဝန်ဆောင်မှုနှင့်အတူ အထက်ပါ နိုင်ငံတခုတွင် Single Transit ပြုလုပ်ခြင်းဖြင့် ကျယ်ပြန့်လှသည့် နေရာများသို့ အလွယ်တကူသက်သာသွာ ပျံသန်းသွားလာနိုင်မည် ဖြစ်ပါသည်။

AirAsia ၏ ယခုပြုလုပ်သော ဈေးနှုန်းလျှော့ချခြင်း အထူးအစီအစဉ်နှင့်ပတ်သက်၍ အသေးစိတ် ထပ်မံသိရှိလိုပါက AirAsia ၏ လူမှုကွန်ရက်စာမျက်နှာဖြစ်သည့် www.facebook.com/AirAsia တွင်လည်ကောင်း၊ www.twitter.com/AirAsia နှင့် www.airasia.com ဝက်ဘ်ဆိုက်စာမျက်နှာတွင် ဝင်ရောက်ကြည့်ရှုလေ့လာနိုင် ပါသည်။ ခရီးသည်များအနေဖြင့် AirAsia အက်ပလီကေးရှင်းကို App Store နှင့် Google Play Store များတွင် ဒေါင်းလုတ် ရယူပြီး အထူးလျှော့ချပေးထားသည့် သင့်တင့်သောနှုန်းထားများဖြင့် ကျေနပ်ပျော်ရွှင်မှုများ ခံစား နိုင်ကြမည် ဖြစ်ပါသည်။

လူ့အသက်ပေါင်းများစွာ ကယ်တင်နိုင်ရန် MPT ဝန်ထမ်းများက သွေးလှူဘဏ် နှင့် ဆေးရုံများတွင် စုပေါင်းသွေးလှူဒါန်း

(ရန်ကုန်၊ ၁၇ မတ် ၂၀၁၈) – လွန်ခဲ့သည့် မတ်လ ၁၆ ရက်နေက နိုင်ငံတစ်ဝှမ်းရှိ သွေးလှူဘဏ်များနှင့်ဆေးရုံများတွင် စေတနာ့ဝန်ထမ်းများအဖြစ် သွေးလှူဒါန်းခဲ့ကြသည့် MPT ဝန်ထမ်း ၄၀၀ ကျော်ကို အထူးကျေးဇူးတင်ရှိကြောင်း MPT သတင်းထုတ်ပြန်လိုက်သည်။ တစ်နိုင်ငံလုံးမှ သွေးလှူရှင်များကိုအားပေးထောက်ခံခြင်းနှင့်အတူ ရန်ကုန်တိုင်းဒေသကြီးရှိ MPT တာဝန်ရှိသူများက လသာမြို့နယ်၊ ရွှေတိဂုံဘုရားလမ်းရှိ အမျိုးသားသွေးဌာနတွင် လာရောက်ကာ သွေးလှူဒါန်းသူများနှင့်အတူလာရောက် အားပေးခဲ့ကြပါသည်။ နိုင်ငံ၏ အကြီးမားဆုံးနှင့် အကျယ်ပြန့်ဆုံး ဆက်သွယ်ရေးအော်ပရေတာ၏ များစွာသောလူမှုအကျိုးပြုလုပ်ငန်းများထဲမှ တစ်ခုဖြစ်သည့် ယခုလိုသွေးလှူဒါန်းမှုမှာ ဝန်ထမ်းများစုပေါင်းပြီးသွေးလှုဒါန်းခဲ့သည့် ကာလအနေဖြင့် ၂၀၁၈ ခုနှစ်တွင် တစ်နှစ်ပြည့်မြောက်ခဲ့ပြီဖြစ်သည်။

သွေးသည် လူ့ခန္ဓာကိုယ်အတွက် အလွန်ပင်အရေးကြီးသည့် ကဏ္ဍတစ်ခုအဖြစ် တည်ရှိနေပြီး ယခုလို MPT ဝန်ထမ်းများ၏ သွေးလှူဒါန်းမှုဖြင့် တစ်နိုင်ငံလုံး အတိုင်းအတာဖြင့် အရေးပေါ် ခွဲစိတ်ကုသမှုတိုင်းတွင် လိုအပ်သောသွေး အထောက်အပံ့ကိုဖြစ်စေပြီး မလိုလားအပ်သည့် အသက်ဆုံးရှုံးမှုများမှ ရှောင်လွှဲနိုင်မည်ဖြစ်သည်။ သွေးသွင်းကုသရခြင်းမှာ အခြေအနေအမျိုးအမျိုးအလိုက် လိုအပ်လျက်ရှိနေသဖြင့် အမျိုးသားသွေးဌာနတွင် သွေးလှူရှင်များလှူဒါန်းထားသည့် သွေးပမာဏမှာ ၂ရက် (သို့) ၃ ရက်ခန့်စာသာ
လုံလောက်မှုရှိကြောင်း ၎င်းဌာန၏ ဝက်ဘ်ဆိုက်တွင်လည်း ဖော်ပြထားသည်။

ကမ္ဘာပေါ်တွင်လည်း အမျိုးသမီး ၈၀၀ နီးပါးမှာ ကိုယ်ဝန်ဆောင်ခြင်း သို့မဟုတ် သန္ဓေသားနှင့်ပတ်သက်သည့် ရောဂါအခြေအနေများကြောင့် မှန်ကန်သည့် သွေးအမျိုးအစားနှင့် လုံလောက်သည့် သွေးပမာဏရရှိ ရုံဖြင့်ဖြေရှင်းနိုင်သည့် ဖြစ်ရပ်များမှာ သွေးအခက်အခဲကြောင့် သေဆုံးနေရကြောင်း ကမ္ဘာ့ကျန်းမာရေးအဖွဲ့ (WHO) ကထုတ်ပြန်ထားသည်။ အမျိုးသားသွေးဌာန၏ သတင်းအရ မြန်မာနိုင်ငံအတွင်းတွင် သွေးလိုအပ်မှု ပမာဏမှာသွေးလှုုဒါန်းမှုများထက် မြင့်မားနေကြောင်း ထုတ်ပြန်ထားသည်။ ထို့ကြောင့် လုံလောက်သည့် သွေးပမာဏကိုထောက်ပံ့ပေးနိုင်ရန် လုပ်ဆောင်နေသည့် အမျိုးသားသွေးဌာန၏ ဆောင်ရွက်ချက်များအတွက် MPT က ၎င်း၏လူမှုအကျိုးပြုလုပ်ငန်း၏ တစ်စိတ်တစ်ဒေသအဖြစ် ယခုလိုလှူဒါန်းမှုပြုရခြင်း လည်းဖြစ်ပါသည်။ MPT အနေဖြင့်
နိုင်ငံတစ်ဝှမ်းက ၎င်း၏ ဝန်ထမ်းများ၊ ပူးပေါင်းဆောင်ရွက်မှုများ၊ လူမှုရေးလုပ်ရှားမှုများဖြင့် မြန်မာနိုင်ငံအားရှေ့သို့လှမ်းချီနိုင်အောင်ကြိုးပမ်းလျက်ရှိသည်။ ကျန်းမာရေး၊ ပညာရေး၊ စွန့်ဦးတီထွင်နှင့် စီးပွားရေးလုပ်ငန်းငယ်များဖွံ့ဖြိုးတိုးတက်ရေး အပါအဝင် အခြားသော နယ်ပယ်များတွင် ဆောင်ရွက်နေသည့်လူမှုအကျိုးပြုလုပ်ငန်းများက နှလုံးသားထဲကမြန်မာဟူသည့် စကားကို သက်သေပြရန် ဆောင်ရွက်နေသည့် MPT၏ ကတိကဝတ်များပင်ဖြစ်ပါသည်။

MPT-KSGM Joint Operations ၏ Chief Operating Officer ဖြစ်သူ Mr. Yoshiaki Benino က “အရေးပေါ်လိုအပ်တဲ့သွေးကို ရှာဖွေရတဲ့ အခြေအနေက လူနာရော၊ လူနာ မိသားစုဝင်တွေပါ အားလုံးကို ပူပင်သောကရောက်စေပါတယ်။ ခွဲစိတ်ကုသမှုခံနေရတဲ့ ကလေးငယ်တွေ၊ မတော်တဆမှုတွေကြောင့် အရေးပေါ်အခြေအနေရောက်နေတဲ့ လူတွေအတွက် ကျွန်တော်တို့အားလုံးရဲ့ ပေါင်းစည်း သွေးလှူဒါန်းမှုက ကူညီပေးနိုင်မှာဖြစ်လို့အရမ်းပဲ ကြည်နူးမိပါတယ်။ ရှေ့ လျှောက်လည်း MPT ဝန်ထမ်းတွေက ခုထက်ပိုတဲ့ အင်အားနဲ့ လာရောက်လှူဒါန်းသွားဦးမှာဖြစ်ပါတယ်။ ဂုဏ်ယူစရာကောင်းတဲ့ ကိစ္စကို ကူညီပံ့ပိုးပေးခဲ့တဲ့အပြင် အချိန်ပေးပြီးပါဝင်လှူဒါန်းခဲ့ကြတဲ့သူတိုင်းကို ကျေးဇူးအထူးတင်ရှိပါတယ်” ဟု ပြောကြားသွားပါသည်။

အမျိုးသားသွေးလှူဌာန၏ ဒုတိယညွှန်ကြားရေးမှူးချုပ် ဖြစ်သူ ဒေါက်တာ သီတာအောင်က “တစ်နိုင်ငံလုံးမှာ စဉ်ဆက်မပြတ် သွေးလှူဒါန်းမှုတွေဆောင်ရွက်နေတဲအ့ တွက် MPT ဝန်ထမ်းတွေကို အထူးကျေးဇူးတင်ပါတယ်။ သွေးလှူဒါန်းမှုက လူတွေရဲ့ကျန်းမာရေးစနစ် ကောင်းကောင်းမွန်းမွန် လည်ပတ်နိုင်ဖို့ အရေးကြီးတဲ့ အစိတ်အပိုင်းလည်း ဖြစ်ပါတယ်။ ကလေးငယ်တွေနဲ့ လူကြီးတွေအတွက် မရှိမဖြစ်လိုအပ်တဲ့သွေးတွေ ရရှိနိုင်ဖို့ သွေးလှူရှင်တွေက အမြဲတမ်းသွေးလှူပေးဖို့ လိုအပပ် ါတယ်။ တကယ်လို့ တစ်နိုင်ငံလုံး အသက်တွေက ကို ကယ်ဖို့ မိမိတို့ရဲ့သွေးကို လှူဒါန်းချင်တယ်ဆိုရင်တော့ www.donatebloodmyanmar.org လိပ်စာမှာ ဝင်ရောက်ကြည့်ရှုကြဖို့ တိုက်တွန်းချင်ပါတယ်” ဟု ပြောကြားသွားပါသည်။

MPT သည် ၂၀၁၇ ခုနှစ်တွင် စတင်ပြီး သွေးလှူဒါန်းသည့် လှုပ်ရှားမှုများကို တစ်နိုင်ငံလုံးတွင် စတင်ဆောင်ရွက်ခဲ့သည်။ ယခုလိုလှုပ်ရှားမှုတွင် သွေးအိတ်ပေါင်း ၁၀၀၀ ကျော်ကို လှူဒါန်းနိုင်ခဲ့ပြီး ယင်းသိုသောကောင်းမွန်သည့် လှုပ်ရှားမှုကိုလည်း ဆက်လက်ဆောင်ရွက်သွားမည်ဖြစ်သည်။ အရေးပေါ်အခြေအနေတိုင်းနှင့် ခွဲစိတ်ကုသမှုဆောင်ရွက်စဉ်တွင် လူ့အသက်ကို ကယ်တင်နိုင်သဖြင့် သွေးလှူဒါန်းမှုမှာ မြန်မာတို့အတွက် မြင့်မြတ်သည့် အလှူတစ်မျိုးလည်းဖြစ်ပါသည်။ သွေးလှူဒါန်း၍ လူအများ၏အသက်များကို မည်သို့ ကယ်တင်နိုင်သည်ကို ပိုမို လေ့လာနိုင်ရန် https://www.donatebloodmyanmar.org/ တွင် ဝင်ရောက်လေ့လာနိုင်ပါသည်။ MPT ၏ လူမှု အကျိုးပြုလုပ်ငန်းများနှင့်ပတ်သက်၍ http://mpt.com.mm/mm/abouthome/csr-activities-mm/ တွင် ဝင်ရောက်ကြည့်ရှုနိုင်ပါသည်။

နာမည်ကြီးအနုပညာရှင်များ၏ ဟော့အဖြစ်ဆုံးနှင့် နောက်ဆုံးရ သတင်းများကို သယ်ဆောင်လာပေးမည့် MPT ၏ Cele Club အက်ပလီကေးရှင်းအသစ်

(ရန်ကုန်၊ ၂၀၁၈ ခုနှစ်၊ မတ်လ ၁၆ ရက်)- မြန်မာ့ဦးဆောင်ဆက်သွယ်ရေး အော်ပရေတာဖြစ်သည့် MPTက နာမည်ကြီးအနုပညာရှင်များ၊ ထင်ပေါ်ကျော်ကြားသူများ အကြောင်းကို နေ့စဉ်မပြတ်၊ အကန့်အသတ်မရှိ ဖတ်ရှုနိုင်မည့် Cele Club အက်ပလီကေးရှင်းအသစ်ကို စတင်မိတ်ဆက်လိုက်ပြီ ဖြစ်သည်။ Contents Hub Services ကုမ္ပဏီလီမိတက်နှင့်အတူ ပူးပေါင်းဆောင်ရွက်သည့် အဆိုပါ အက်ပလီကေးရှင်းတွင် ပြည်တွင်းမှ နာမည်ကြီးအနုပညာရှင်များ၏ တစ်နေ့တာလှုပ်ရှားမှုများ၊ Blogs များ၊ ရှိုးပွဲများနှင့် အနုပညာလှုပ်ရှားမှု သတင်း များကို သတင်းဓါတ်ပုံများ၊ ဗီဒီယိုသတင်းများအဖြစ် ဖတ်ရှုခံစား ကြည့်ရှုနိုင်မည် ဖြစ်ပါသည်။

Cele Club မှာ နာမည်ကြီးအနုပညာရှင်များ၏ သတင်းများကို ဖော်ပြပေးမည့် မြန်မာ့ပထမဆုံး အက်ပလီကေး ရှင်း တစ်ခုဖြစ်ပြီး MPT သုံးစွဲသူများအတွက် ၎င်းတို့စွဲလန်းနှစ်သက်သော အနုပညာရှင်များနှင့် ရင်းရင်းနှီးနှီး ဆက်သွယ်နိုင်မည့်အပြင် ဖက်ရှင်မော်ဒယ်လ်များနှင့် အခြားသောအနုပညာရှင်များ၏ နောက်ဆုံးရ သတင်းများ ကိုလည်း မျက်ခြေမပြတ်စောင့်ကြည့်ဖတ်ရှုနိုင်မည် ဖြစ်သည်။ Cele Club အက်ပလီကေးရှင်းကို ရယူလိုသော MPT သုံးစွဲသူများအနေဖြင့် 8441 သို့ “CELE” ဟု စာတိုပေးပို့ရမည် ဖြစ်ပြီး ဒေါင်းလုတ်ပြုလုပ်ရမည့် လင့်ခ်ကို ပြန်လည်ပေးပို့ပေးမည်ဖြစ်သည်။ ထို့အတူ လိုတရဝက်ဘ်ဆိုက် http://cc.lotayamm.com တွင် အခမဲ့ ဒေါင်းလုတ်ရယူနိုင်မည်ဖြစ်ပြီး Google Play Store မှလည်း ရယူနိုင်မည် ဖြစ်သည်။ အသုံးပြုသူများအနေဖြင့် Celebrity တစ်ဦးအတွက် တစ်ရက်လျှင် ဝန်ဆောင်ခ ၉၉ ကျပ် ၊ Live streaming video တစ်ခုအတွက် ငွေကျပ် ၁၅၈ ကျပ် (ကုန်သွယ်လုပ်ငန်းခွန် ပါဝင်ပြီး) သာ ကုန်ကျမည်ဖြစ်သည်။

ယခု ဝန်ဆောင်မှုတွင် နာမည်ကြီး အနုပညာရှင်များ၏ နေထိုင်မှုပုံစံများနှင့် ၄င်းတို့၏ တစ်နေ့တာ လှုပ်ရှားမှု အကြောင်းများကို MPT က သုံးစွဲသူများအတွက် အလျင်မြန်ဆုံးသော LTE+ 4G ကွန်ရက်ပေါ်မှတစ်ဆင့် သယ် ဆောင်ပေးသွားမည် ဖြစ်သည်။ ထို့အပြင် လက်ရှိတွင် ရေပန်းစားလျက်ရှိသော အနုပညာရှင်များ၏ ဓါတ်ပုံများ၊ ဗီဒီယိုများ၊ ဘလော့ဂ်များ နှင့် ၎င်းတို့၏ တိုက်ရိုက်ဗီဒီယိုထုတ်လွှင့်မှုများကိုလည်း မြင်တွေ့ရမည် ဖြစ်ပါသည်။ မကြာမီကျင်းပပြုလုပ်မည့် အနုပညာပွဲများ၊ ပွဲလက်မှတ်ပရိုမိုးရှင်းများနှင့် ပွဲအစီအစဉ်အကြောင်းအရာများ၊ ဓါတ်ပုံများကို လည်း အချိန်နှင့်တပြေးညီ တင်ဆက်ဖော်ပြပေးနေမည်လည်း ဖြစ်ပါသည်။

အသုံးပြုသူများအနေဖြင့် ယခု Cele Club အက်ပလီကေးရှင်းတွင် လူသိများထင်ရှားပြီး နာမည်ကျော်ကြားသည် ထင်ရှားသူ ၁၀ ဦးဖြစ်သော နီနီခင်ဇော်၊ ခင်ဝင့်ဝါ၊ အေးဝတ်ရည်သောင်း၊ ထွန်းထွန်း၊ ကျော်ကျော်၊ အောင်သူလွင် (Kelvin Kate) ၊ မေရတီဇော်၊ ဖြိုးပပ၊ Tyron နှင့် Russell တို့၏နောက်ဆုံးရအချက်အလက်များနှင့် လှုပ်ရှားမှုများကို စတင်ရယူနိုင်မည်ဖြစ်ပြီး နောက်ပိုင်းတွင်လည်း သုံးစွဲသူ ပရိသတ်များအကြိုက် နာမည်ကြီးအနုပညာရှင်များ နှင့်ချိတ်ဆက်ကာ ထပ်တိုးဆောင်ရွက်သွားမည်ဖြစ်ပါသည်။

Cele Club အက်ပလီကေးရှင်းစတင်မိတ်ဆက်ခြင်း အထိမ်းအမှတ်အနေဖြင့် ၂၀၁၈ ခုနှစ် မတ်လ (၁၆)ရက်မှ မတ်လ (၂၉)ရက် အတွင်း အက်ပလီကေးရှင်းကို ရယူအသုံးပြုသူများအတွက် တစ်ပတ်တာ အခမဲ့ အသုံးပြုခွင့်ကို ပေးအပ်သွားမည်ဖြစ်သည်။ အဆိုပါကာလအတွင်း စာရင်းသွင်းရယူသူများက ကံစမ်းမဲအစီအစဉ် တွင် အလိုအလျောက်အကျုံးဝင်မည်ဖြစ်ပြီး iPhone X (၁)လုံး၊ Samsung Galaxy S9+ (၃)လုံးနှင့် ၃၀၀၀ ကျပ် တန် MPTငွေဖြည့်ကတ် (၁၀၀) ဆုများကိုပါ ကံစမ်းရရှိနိုင်မည်။

MPT-KSGM Joint Operations ၏ Chief Commercial Officer ဖြစ်သူ Mr. Rezio Umeda က “ ကျွန်တော်တို့ ရဲ့ MPT အသုံးပြုသူတွေအတွက် အခု မိတ်ဆက်လိုက်တဲ့ Cele Club အက်ပလီကေးရှင်းလောက် အနုပညာတွေနဲ့ နီးနီးကပ်ကပ်ရင်းနှီးတွေ့ဆုံခွင့်ရှိစေမယ့် အရာတစ်ခုမှ မရှိနိုင်တော့ပါဘူး။ သူတို့သဘောကျနှစ်သက်တဲ့ အနုပညာငွေကြယ်ပွင့်တွေအကြောင်းကို ဒီအက်ပလီကေးရှင်းပေါ်ကနေ သက်သာတဲ့ စျေးနှုန်းတစ်ခုနဲ့ရယူပြီး ပျော်ရွှင်ခံစားနိုင်တော့မယ့်အပေါ် ကျွန်တော်တို့အနေနဲ့လည်း ဝမ်းသာပျော်ရွှင် နေမိပါတယ်။ ဒါ့အပြင် ကျွန်တော်တို့ရဲ့ အလွန်လျင်မြန်လှတဲ့ 3G နဲ့ 4G LTE+ ကွန်ရက်အသုံးပြုသူတွေက တစ်နေ့ တစ်ခြား အလျင်အမြန်တိုးတက်များပြားလာနေချိန်မှာ အခုလို Cele Club App ကို စတင် မိတ်ဆက်လိုက်တဲ့အပေါ် ကျွန်တော်တို့ အလွန်ပဲ စိတ်လှုပ်ရှားနေမိပါတယ်။ အနုပညာကို အမှန်တကယ် ချစ်မြတ်နို်းသူတွေအတွက် Fan Club တစ်ခုကို ဖန်တီးပေးတာ ဖြစ်သလို ပရိသတ်တွေအနေနဲ့ post တွေ တင်တာ၊ မေးမြန်းတာတွေနဲ့ သုံးသပ်ချက်၊ ထင်မြင်ချက်တွေကိုလဲ ဒီအက်ပလီကေးရှင်းထဲမှာ ရေးသားနိုင်မှာ ဖြစ်ပါတယ်။” ဟု ပြောကြား သည်။

အလားတူပင် Contents Hub ၏ MD ဖြစ်သူ ဒေါ်မီမီလင်းမောင်ကလည်း “ မတူညီတဲ့ နယ်ပယ်အသီးသီးက အနုပညာရှင်တွေရဲ့ Live video တွေ၊ ဓါတ်ပုံ၊ ဗွီဒီယိုတွေကို ကြိုက်နှစ်သက်ရာ ရွေးချယ်ပြီး စိတ်တိုင်းကျ အသုံးပြုနိုင်မှာဖြစ်တဲ့အတွက် သုံးစွဲသူမိဘပြည်သူတွေအားလုံးလဲ စိတ်ကျေနပ်နိုင်မယ် လို့ယုံကြည်မိပါတယ်။ ဒီ Cele Club အက်ပလီကေးရှင်းဟာဆိုရင် Social Media တွေဖြစ်တဲ့ Facebook ၊ Youtube နဲ့ တစ်ခြားသော Channel တွေမှာကြည့်ရှုလို့မရနိုင်တဲ့ ဖန်တီးမှုတွေကို ပျော်ပျော်ကြီး ကြည့်ရှုနိုင်မှာဖြစ်ပြီး၊ သုံးစွဲသူတွေ အနေနဲ့ ကျေနပ်နှစ်သက်မယ် ဆိုတာကို ယုံကြည်မိပါတယ်” ဟုပြောကြားခဲ့ပါသည်။

အသေးစိတ် သိရှိလိုသည်များအတွက် MPT Call Centre နံပါတ် 106 သို့လည်ကောင်း၊ ဖုန်းနံပါတ် ၀၉ ၂၅၈၅၃၉၉၅၅ နှင့် ၀၉ ၂၅၈၅၃၉၉၆၆ သို့ ဆက်သွယ် မေးမြန်းနိုင်မည်။

MPT က လူကြိုက်များလှသည့် ကိုရီးယားရုပ်သံစီးရီးများကို အကန့်အသတ်မရှိ ကြည့်ရှုနိုင်မည့် စိတ်လှုပ်ရှားစရာ Shwe Stream အက်ပလီကေးရှင်းအသစ်ကို စတင်မိတ်ဆက်

(ရန်ကုန်၊ ၂၀၁၈ ခုနှစ်၊ မတ်လ ၁၃ ရက်) – မြန်မာ့ဦးဆောင်ဆက်သွယ်ရေးအော်ပရေတာ MPT က ရုပ်သံဗွီဒီယို များကို အွန်လိုင်းပေါ်က တိုက်ရိုက်ကြည့်ရှုနိုင်မည့် ထိပ်တန်းဝန်ဆောင်မှု ထုတ်ကုန်သစ်တစ်ခုဖြစ်သော Shwe Stream အက်ပလီကေးရှင်းကို ယနေ့စတင် မိတ်ဆက်လိုက်ပြီဖြစ်သည်။ ယခုဝန်ဆောင်မှုအသစ်တွင် MPT သုံးစွဲသူများ အနေဖြင့် ကိုရီးယား ရုပ်သံဇာတ်လမ်းများ၊ ကိုရီးယား Variety Show များ ကို ကြည့်ရှုခံစားနိုင်မည် ဖြစ်သည်။

Shwe Stream အက်ပလီကေးရှင်းတွင် ပြည်တွင်းမှကြည့်ရှုသူများအကြား ရေပန်းစားလျက်ရှိသည့် ကိုရီးယား ရုပ်သံ ဇာတ်လမ်းတွဲများနှင့် Variety Show များစွာအပါအဝင် မိမိတို့နှစ်သက်ရာ ရာပေါင်းများစွာသော ရုပ်ရှင်များ နှင့် တီဗွီအစီအစဉ်များကို ကြည့်ရှုနိုင်မည်ဖြစ်ပါသည်။ ထို့အပြင် Shwe Stream အက်ပလီကေး ရှင်းတွင် Variety Shows၊ လူကြိုက်များထင်ရှားသော ကိုရီးယားရုပ်သံ စီးရီးများ၊ ဂျပန် နှင့် ထိုင်းစီးရီး အချို့အပါအဝင်ရသစုံ ရုပ်သံစီးရီးများကို အင်္ဂလိပ် မြန်မာ နှစ်ဘာသာဖြင့် အကန့်အသတ်မရှိ ကြည့်ရှု ခံစားနိုင်မည် ဖြစ်ပါသည်။

အဆိုပါဝန်ဆောင်မှုအသစ်ကို အလွန်သက်သာသော နေ့စဉ်ပေးဝန်ဆောင်မှုစနစ်ဖြင့် တစ်ရက်လျှင် ၉၉ ကျပ်(ကုန်သွယ်လုပ်ငန်းခွန် ပါဝင်ပြီး) ပေးသွင်းရုံဖြင့် ရယူအသုံးပြုနိုင်မည် ဖြစ်သည်။ ဝန်ဆောင်မှုအသစ်ကို ရယူသုံးစွဲကြမည့် MPT သုံးစွဲသူအားလုံးအတွက် ကျေးဇူးတုံ့ပြန်သောအားဖြင့် ပထမတစ်ပတ်တာ ဝန်ဆောင်မှု အသုံးပြုခကို အခမဲ့ပေးအပ်သွားမည် ဖြစ်သည်။ Shwe Stream ကို အသုံးပြုသူများအနေဖြင့် မည်သည့် နေရာတွင် ရောက်ရှိနေသည်ဖြစ်စေ လွယ်ကူအဆင်ပြေစွာ ကြည့်ရှုနိုင်မည်ဖြစ်ပြီး မိုဘိုင်းလ်ဖုန်းများ၊ တက်ဘလက်များဖြင့် MPT ကွန်ရက်ပေါ်မှ ရယူအသုံးပြုနိုင်မည် ဖြစ်သည်။

MPT-KSGM Joint Operations ၏ Chief Commercial Officer ဖြစ်သူ Mr.Reizo Umeda က “ ကျွန်တော် တို့ရဲ့ သုံးစွဲသူတွေအတွက် အကောင်းဆုံး၊ အကျယ်ပြန့်ဆုံး ဖျော်ဖြေရေးအစီအစဉ်တွေကို စျေးသက်သက်သာ သာနဲ့ ရယူသုံးစွဲနိုင်မယ်ဆိုတဲ့ ပေးအပ်ထားတဲ့ကတိကို ထပ်လောင်းအတည်ပြုတဲ့အနေနဲ့ အခုလိုအကောင်းဆုံး ကိုရီးယားရုပ်သံစီးရီးတွေ၊ ဇာတ်လမ်းတွဲ အစီအစဉ်တွေကို မြန်မာနိုင်ငံက သုံးစွဲသူတွေအတွက် သယ်ဆောင်လာခဲ့ပေးနိုင်ပြီဖြစ်လို့ တကယ့်ကိုပဲ စိတ်လှုပ်ရှားမိပါတယ်။ ဒီဝန်ဆောင်မှုဟာ ကြည့်ရှုမယ့်သူတွေ မျှော်လင့်နေကြတဲ့ လိုအပ်ချက်အတိုင်း သူတို့လိုချင်တဲ့အချိန်မှာ သူတို့နှစ်သက်တဲ့ဖျော်ဖြေရေး အစီအစဉ်တွေ ကို ပေးစွမ်းသွားမှာဖြစ်ပါတယ်။ အရည်အသွေးကောင်းမွန်တဲ့ ဗွီဒီယိုတွေကြောင့် ကြည့်ရှုသူတွေအနေနဲ့ စိတ်ကျေနပ်မှုအပြည့်အဝ ရှိမယ်လို့လည်း ကျွန်တော်တို့ ယုံကြည်ပါတယ်။ ကျွန်တော်တို့အနေနဲ့ကတော့ ပိုပိုပြီးတော့ ကောင်းမွန်တဲ့ ဆက်သွယ်ရေးကွန်ရက်တွေကို ပံ့ပိုးကူညီပေးနိုင်ရုံသာမက ကိုယ်လိုချင်တဲ့ ဝန်ဆောင်မှုကို ရယူနိုင်မယ့် အခပေး ရုပ်သံဝန်ဆောင်မှု စနစ်တစ်ခုကိုပါ ထောက်ပံ့သွားမှာဖြစ်ပါတယ်” ဟု ပြောကြားပါသည်။

Shwe Stream အက်ပလီကေးရှင်း ဝန်ဆောင်မှုအသစ်ကို http://bit.ly/ShweStreamApk တွင် Android Version အတွက် ဒေါင်းလုတ်ခ်ပြုလုပ် ရယူနိုင်မည် ဖြစ်ပါသည်။

တစ်လလျှင် ၂ သောင်းကျပ်မှ စတင်ကာ ဒေတာအကန့်အသတ်မရှိ သုံးစွဲနိုင်သော MPT ၏ ADSL အစီအစဉ်သစ်

(ရန်ကုန်၊ ၂၀၁၈ ခုနှစ် မတ်လ၊ ၁၂ ရက်) – MPT က အိမ်သုံးအင်တာနက် ADSL အစီအစဉ်သစ်ကို များစွာချိုသာသည့် နှုန်းထားများနှင့်အတူ ယခုလာမည့် ၂၀၁၈ခုနှစ်၊ ဧပြီလ (၁) ရက်နေ့မှ စတင်ကာ သတ်မှတ်ဆောင်ရွက်သွားမည် ဖြစ်ကြောင်း ယနေ့သတင်း ထုတ်ပြန်ကြေညာလိုက်သည်။ ယခုလက်ရှိ ရယူအသုံးပြုနေသည့် ADSL အင်တာနက်လိုင်းကို မြန်နှုန်းအသစ်သို့ သိသိသာသာ အဆင်မြှင့်တင် ထားသည့်အပြင် သုံးစွဲသူများအနေဖြင့် အရည်အသွေးမြင့် အင်တာနက်လိုင်းကို သုံးစွဲနိုင်မည့် နေရာ ဒေသအလိုက် စျေးနှုန်းအလွန်သက်သာစွာဖြင့် အကန့်အသတ်မရှိ ရယူ အသုံးပြုနိုင်တော့မည် ဖြစ်ပါသည်။

ကုန်သွယ်လုပ်ငန်းခွန် ပါဝင်ပြီးဖြစ်သည့် နှုန်းထားအသစ်များမှာ အောက်ပါအတိုင်း ဖြစ်ပါသည်။(ရန်ကုန်၊ ၂၀၁၈ ခုနှစ် မတ်လ၊ ၁၂ ရက်) – MPT က အိမ်သုံးအင်တာနက် ADSL အစီအစဉ်သစ်ကို များစွာချိုသာသည့် နှုန်းထားများနှင့်အတူ ယခုလာမည့် ၂၀၁၈ခုနှစ်၊ ဧပြီလ (၁) ရက်နေ့မှ စတင်ကာ သတ်မှတ်ဆောင်ရွက်သွားမည် ဖြစ်ကြောင်း ယနေ့သတင်း ထုတ်ပြန်ကြေညာလိုက်သည်။ ယခုလက်ရှိ ရယူအသုံးပြုနေသည့် ADSL အင်တာနက်လိုင်းကို မြန်နှုန်းအသစ်သို့ သိသိသာသာ အဆင်မြှင့်တင် ထားသည့်အပြင် သုံးစွဲသူများအနေဖြင့် အရည်အသွေးမြင့် အင်တာနက်လိုင်းကို သုံးစွဲနိုင်မည့် နေရာ ဒေသအလိုက် စျေးနှုန်းအလွန်သက်သာစွာဖြင့် အကန့်အသတ်မရှိ ရယူ အသုံးပြုနိုင်တော့မည် ဖြစ်ပါသည်။
ကုန်သွယ်လုပ်ငန်းခွန် ပါဝင်ပြီးဖြစ်သည့် နှုန်းထားအသစ်များမှာ အောက်ပါအတိုင်း ဖြစ်ပါသည်။ 

 

မြန်နှုန်းလစဉ်ကြေး ( ကုန်သွယ်ခွန်ပါပြီး)
1.0Mbps၂၀,၀၀၀ ကျပ်
2.0Mbps၃၉,၀၀၀ ကျပ်
3.0Mbps၅၅,၀၀၀ ကျပ်

သုံးစွဲသူများအနေဖြင့် ယခုလက်ရှိအချိန်ထိ ADSL လိုင်းအတွက် နှစ်စဉ်ကြေး ၅၂,၅၀၀ ကျပ်ကို ပေးသွင်း ခဲ့ကြရပါသည်။ သို့ရာတွင် အစီအစဉ်သစ်အရ ယခုနှစ်မှစတင်ကာ နှစ်စဉ်ကြေးပေးသွင်းရန် လိုအပ်တော့မည် မဟုတ်သောကြောင့် အသုံးပြုသူများအတွက် နှစ်စဉ်ကြေးကုန်ကျငွေဖြစ်သည့် ၅၂,၅၀၀ ကျပ်တိတိ သက်သာသွားမည် ဖြစ်ပါသည်။

ထို့အပြင် ADSL အင်တာနက်လိုင်းအား ယခုအချိန်အထိ ရယူအသုံးပြုနေသည့် MPT သုံးစွဲသူများကို
ကျေးဇူးတုန့်ပြန်သောအားဖြင့် 512 Kbps၊ 1.0Mpbs နှင့် 1.5Mpbs မြန်နှုန်းလိုင်းများ ရယူထားသူများ အတွက် ယခင်စျေးနှုန်းဖြင့်နှင့် များစွာကွာခြားမှုမရှိဘဲ အမြန်နှုန်း၂ဆ အထိ တိုးမြှင့်ရရှိနိုင်မည်ဖြစ်ပြီး 2Mbps နှင့် 2.5 Mbps မြန်နှုန်းများ ရယူထားသည့် အသုံးပြုသူများအနေဖြင့်လည်း ယခင်နှုန်းထားထက် များစွာသက်သာသည့် စျေးနှုန်းဖြင့် 3Mbps မြန်နှုန်းအထိ တိုးမြှင့်ရရှိနိုင်မည် ဖြစ်ပါသည်။ MPT ၏ ADSL သုံးစွဲသူများအနေဖြင့် နှစ်စဉ်ကြေး ကောက်ခံခြင်းမရှိတော့သည့် အစီအစဉ်သစ်ကြောင့် တစ်နှစ်တာ ကာလအတွင်းတွင် အင်တာနက်လိုင်းအတွက် ငွေကြေးများစွာကို ပိုမိုချွေတာနိုင်မည်ဖြစ်ပြီး သိသိသာသာ မြင့်မားလာသည့် အမြန်နှုန်းများဖြင့်လည်း အသုံးပြုနိုင်မည် ဖြစ်ပါသည်။

 

လက်ရှိအမြန်နှုန်းတိုးမြှင့်မည့်အမြန်နှုန်း
512Kbps1.0Mbps
1.0Mbps2.0Mbps
1.5Mbps3.0Mbps
2.0Mbps3.0Mbps
2.5Mbps3.0Mbps

အထက်ပါ အဆင့်မြှင့်တင်မှုလုပ်ငန်းများကို တစ်ဆင့်ပြီးတစ်ဆင့် ဆောင်ရွက်သွားမည်ဖြစ်ပြီး လုပ်ငန်းဆောင်ရွက်မှု အခြေအနေများ ပြီးဆုံးပါက MPT ၏ တရားဝင်ဝက်ဘ်ဆိုက်နှင့် ဖေ့စ်ဘွတ် စာမျက်နှာများတွင်လည်း ထုတ်ပြန်ကြေညာပေးသွားမည်ဖြစ်ပါသည်။ ယခင်ADSL အစီအစဉ်တစ်ခုစီ အတွက် ပြင်ဆင်ပြောင်းလဲလိုက်သည့် နှုန်းထားနှင့် တစ်နှစ်တာသက်သာမည့် ပမာဏများကိုလည်း အောက်ဖော်ပြပါ ဇယားတွင် ကြည့်ရှုနိုင်ပါသည်။

 

လက်ရှိအမြန်နှုန်းထပ်တိုးရရှိမည့်အမြန်နှုန်းစုစုပေါင်းရရှိမည့်အမြန်နှုန်းအသစ်နှစ်အလိုက်လျှော့ဈေး
512Kbps512Kbps1.0Mbps၂၆,၇၀၀ ကျပ်
1.0Mbps1.0Mbps2.0Mbps၁၂,၉၀၀ ကျပ်
1.5Mbps1.5Mbps3.0Mbps၂၂,၅၀၀ ကျပ်
2.0Mbps1.0Mbps3.0Mbps၂၁၁,၅၀၀ ကျပ်
2.5Mbps512Kbps3.0Mbps၄၀၀,၅၀၀ ကျပ်

MPT ၏ ADSL အစီအစဉ်သစ်နှင့်ပတ်သက်၍ အသေးစိတ်အချက်အလက်များ သိရှိရယူလိုပါက သက်ဆိုင်ရာ မြို့နယ်အလိုက် ဖွင့်လှစ်ထားသော MPTအမှတ်တံဆိပ်စတိုးဆိုင်များတွင် မေးမြန်းခြင်း( သို့) ဖုန်းနံပါတ် (၀၁-၂၃၉၉၁၀၆) သို့ ဆက်သွယ်မေးမြန်းခြင်း (သို့မဟုတ်) http://bit.ly/2I9PFwT သို့ တိုက်ရိုက် ဝင်ရောက်ကြည့်ရှုလေ့လာနိုင်ပါသည်။ အော်တိုတယ်လီဖုန်းဝန်ဆောင်မှုနှင့် ပတ်သက်၍ အသေးစိတ်သိရှိလိုပါက မရမ်းကုန်းမြို့နယ် (၈မိုင်) တွင် ဖွင့်လှစ်ထားသော နည်းပညာ ဌာနရုံး (သို့) နီးစပ်ရာ မြို့နယ်အိတ်ချိန်းရုံးများတွင် သွားရောက်မေးမြန်းနိုင်ပါသည်။

ရခိုင်ပြည်နယ်တွင်း လူသားချင်းစာနာမှုအကူအညီအထောက်အပံ့ပေးရေး၊ ပြန်လည်နေရာချထားရေး၊ ဖွ့ံဖြိုးရေးစီမံကိန်း၏ လူသားချင်းစာနာထောက်ထားမှု လုပ်ငန်းစဉ်များအတွက် MPT သုံးစွဲသူများ၏ SMS လှူဒါန်းမှုအစီအစဉ်မှ ငွေကျပ် သိန်း ၁,၀၀၀ ကျော် လွှဲပြောင်းလှူဒါန်း

(ရန်ကုန်၊ ၂၀၁၈ ခုနှစ် မတ်လ ၈ ရက်) – ရခိုင်ပြည်နယ်ပြည်သူများအတွက် SMS မှတစ်ဆင့် အလှူငွေ ထည့်ဝင်နိုင်သည့် အစီအစဉ်ကို ပြုလုပ်ခဲ့ရာ MPT သုံးစွဲသူ စေတနာရှင်များထံမှ စုစုပေါင်း အလှူငွေကျပ် ၁၀၁,၇၉၂,၀၀၀ တိတိ လက်ခံရရှိခဲ့ကြောင်း MPT မှ ဝမ်းမြောက်ဝမ်းသာစွာဖြင့် ထုတ်ပြန်ကြေညာလိုက်ပါသည်။

ရခိုင်ပြည်နယ် ပြည်သူများအတွက် လိုအပ်သည့် နေရာများတွင် အထောက်အကူရရှိစေရေးအတွက် MPT က လက်ခံရရှိသည့် အလှူငွေများကို လူသားချင်းစာနာမှုအကူအညီအထောက်အပံ့ပေးရေး၊ ပြန်လည် နေရာချထားရေး၊ ဖွ့ံဖြိုးရေးစီမံကိန်း ကော်မတီသို့ လွှဲပြောင်း ပေးအပ်ခဲ့ပါသည်။ အဆိုပါလှူဒါန်းမှုအခမ်းအနားကို နေပြည်တော်ရှိ လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန အစည်းအဝေးခန်းမ၌ ကျင်းပပြုလုပ်ခဲ့ရာ UEHRD ၏ ဒုတိယဥက္ကဌအဖြစ် တာဝန်ယူထားသည့် ပြည်ထောင်စုဝန်ကြီး ဒေါက်တာဝင်းမြတ်အေးက လက်ခံရယူခဲ့ပါသည်။

MPT ၏ အထွေထွေမန်နေဂျာဖြစ်သူ ဦးနိုင်ကိုကို က “နိုင်ငံအနှံ့အပြားမှာ ရှိနေတဲ့ ကျွန်တော်တို့ MPT သုံးစွဲသူတွေဆီကနေ ဒီလိုမျိုး အထောက်အပံ့ကောင်းတွေ လက်ခံရရှိခဲ့တဲ့အတွက် တကယ့်ကို အထူးပဲကျေးဇူးတင်ကြောင်း ပြောကြားချင်ပါတယ်။ ရခိုင်ပြည်နယ်မှာ ဖြစ်ပွားခဲ့တဲ့ စိတ်မချမ်းမြေ့ဖွယ်ရာ ဖြစ်ရပ်တွေကြောင့် လူသားချင်းစာနာထောက်ထားမှုတွေ အများအပြားလိုအပ်ခဲ့သလို MPT သုံးစွဲသူတွေ အနေနဲ့လည်းအခုလို အတူတကွပူးပေါင်းပြီး ရခိုင်လူမှုအသိုက်အဝန်းအတွက် အရေးတကြီး လိုအပ်နေတဲ့ အကူအညီတွေကို ပေးနိုင်ခဲ့တဲ့အတွက် အပြုသဘောဆောင်တဲ့ အကျိုးသက်ရောက်မှုတွေ များစွာရရှိစေမှာ ဖြစ်ပါတယ်။ အခုလို ကျွန်တော်တို့ရဲ့ SMS ကတစ်ဆင့် လှူဒါန်းခြင်းအစီအစဉ်ကို ဆောင်ရွက်ပေးနိုင်မှုနဲ့ ရခိုင်ပြည်နယ်မှာ လူသားချင်းစာနာထောက်ထားမှု လုပ်ငန်းတွေကို ရှေ့ဆောင် လုပ်ကိုင်နေတဲ့ UEHRDတို့ရဲ့ အတူတူ လက်တွဲဆောင်ရွက်ခြင်းကတစ်ဆင့် အမှန်တကယ်အကူအညီ လိုအပ်နေသူ ထောင်ပေါင်းများစွာအတွက် အပြောင်းအလဲတစ်ခုကို ဆောင်ကျဉ်းပေးနိုင်ဖို ကျွန်တော်တို့ရဲ့ သုံးစွဲသူတွေက ငွေကျပ် သိန်းပေါင်းတစ်ထောင်ကျော်ကို လှူဒါန်းနိုင်ခဲ့ပြီ ဖြစ်ပါတယ်” ဟု ပြောကြားသည်။

MPT အနေဖြင့် ရခိုင်ပြည်နယ်ရှိဖြစ်ရပ်များကြောင့် အသက်မွေးဝမ်းကျောင်းလုပ်ငန်းများ၊ နေအိမ်များ ပျက်စီဆုံးရှုံးခဲ့ကြရသူများ၏ စိုးရိမ်ပူပန်မှုများအား ဖြေလျှော့ပေးနိုင်ရေးအတွက် SMS မှတစ်ဆင့်လှူဒါန်းမှု ပြုလုပ်နိုင်ရန် ဆောင်ရွက်ပေးခဲ့ခြင်း ဖြစ်ပါသည်။ စည်းလုံးညီညွတ်မှုနှင့် တိုင်းရင်းသားညီအစ်ကိုမောင်နှမ စိတ်ဓါတ်တို့ဖြင့် လှူဒါန်းမှုများမှတစ်ဆင့် ရရှိလာသည်များကို ရခိုင်ဒေသတွင်းဖြစ်ပွားခဲ့ရသည့် ပျက်စီးဆုံးရှုံးမှုများနှင့် သက်ရောက်ခဲ့သည့် ဒေသများနှင့် ဒေသခံများအတွက် လူသားချင်းစာနာမှု အကူအညီ အထောက်အပံ့ပေးရေး၊ ပြန်လည် နေရာချထားရေးနှင့် ဖွံ့ဖြိုးရေးလုပ်ငန်းများတွင် ထောက်ပံ့ သုံးစွဲသွားမည် ဖြစ်ပါသည်။ နိုင်ငံပိုင် ဆက်သွယ်ရေး အော်ပရေတာတစ်ခု ဖြစ်သည်နှင့်အညီ အကူအညီများ လိုအပ်နေသည့် လူမှုအသိုက်အဝန်းများ အတွက် လိုအပ်သည့် အချိန်တွင် ကူညီမှုများကို ပေးအပ်ဆောင်ရွက်သွားရန်လည်း MPT က သံန္နိဌာန်ချမှတ် ဆောင်ရွက်နေပါသည်။

“ရခိုင်ပြည်နယ်က အမှန်တကယ်ထိခိုက်ခံစားခဲ့ကြသူတွေ၊ အိုးမဲ့အိမ်မဲ့ဖြစ်ခဲ့ရသူတွေနဲ့ ထပ်တူ ကျွန်တော်တို့ရင်ထဲမှာ ခံစားရပါတယ်။ ရခိုင်ပြည်နယ်အတွက် လူသားချင်းစာနာထောက်ပံ့မှုတွေ၊ ပြန်လည်နေရာချထားရေးတွေနဲ့ ဖွံ့ဖြိုးရေးလုပ်ငန်းတွေကို လုပ်ကိုင်နေတဲ့ UEHRD ကိုလည်း အထူးပဲ ကျေးဇူး တင်ရှိပါတယ်လို့ ပြောကြားချင်ပါတယ်” ဟု ဦးနိုင်ကိုကို က ထပ်မံပြောကြားသည်။