MPT က သုံးစွဲသူများအတွက် ထောင်ပေါင်းများစွာသော မြန်မာရုပ်ရှင်နှင့်ဗွီဒီယိုဇာတ်လမ်းများစွာကို မိုဘိုင်းလ်ဖုန်းများမှတစ်ဆင့် ကြည့်ရှုခံစားနိုင်မည့် မဟာမိုဘိုင်းလ်အက်ပလီကေးရှင်းကို ယူဆောင်လာပြီ

(ရန်ကုန်၊ ၂၀၁၈ခုနှစ်၊ ဇွန်လ ၂၇ ရက်) – မြန်မာ့ဦးဆောင်ဆက်သွယ်ရေးအော်ပရေတာ MPTက မဟာမိုဘိုင်းလ်အက်ပလီကေးရှင်း နှင့် အတူပူးပေါင်းဆောင်ရွက်လိုက်ပြီ ဖြစ်ကြောင်း ယနေ့သတင်း ထုတ်ပြန်ကြေညာလိုက်သည်။ အဆိုပါ ပူးပေါင်းဆောင်ရွက်မှုအရ MPT ဖုန်းသုံးစွဲသူများအနေဖြင့် ဟာသ၊ ဒရမ်မာ၊ အချစ်၊ အက်ရှင် နှင့် သည်းထိတ်ရင်ဖိုဖြစ်စေမည့် ရသများ ပေးစွမ်းနိုင်သည့် အမျိုးအစား စုံလင်သော မြန်မာရုပ်ရှင်နှင့်ဗွီဒီယိုဇာတ်လမ်းပေါင်းများစွာကို အသက်သာဆုံးနှုန်းထား ဖြစ်သည့် တစ်ကားလျှင် ၉၉ ကျပ် နှုန်းဖြင့် သတ်မှတ်ထားသည့် ပရိုမိုရှင်း ကာလအတွင်း ကြည့်ရှုနိုင်မည် ဖြစ်သည်။

ပြည်တွင်း၊ ပြည်ပရှိ MPT ဖုန်းသုံးစွဲသူများ နှင့် မြန်မာရုပ်ရှင်/ဗွီဒီယိုချစ်သူများအနေဖြင့် အဆိုပါ အထူးသီးသန့်ဖျော်ဖြေရေး အက်ပလီကေးရှင်းဖြစ်သော မဟာမိုဘိုင်းလ်အက်ပလီကေးရှင်းကို အသုံးပြု၍ ရုပ်ရှင်နှင့်ဗီဒီယိုဇာတ်လမ်းများကို မိမိတို့၏ မိုဘိုင်းလ်ဖုန်းများမှတစ်ဆင့် တိုက်ရိုက်ကြည့်ရှုနိုင် တော့မည် ဖြစ်သည်။ သုံးစွဲသူများသည် မဟာမိုဘိုင်းလ်အက်ပလီကေးရှင်းကို ဒေါင်းလုတ်ပြုလုပ်ပြီး MPT ဖုန်းနံပါတ်အသုံးပြု၍ဖြစ်စေ၊ အခြားနည်းလမ်းများဖြစ်သည့် အီးမေးလ်အကောင့် နှင့် Facebook အကောင့်တို့ဖြင့် ဖြစ်စေ စာရင်းသွင်းရုံဖြင့် အမျိုးအစားစုံလင်လှသော မြန်မာရုပ်ရှင်ဇာတ်လမ်းကမ္ဘာသို့ ဝင်ရောက် နိုင်မည်ဖြစ်ကာ မိမိတို့ကြိုက်နှစ်သက်ရာဇာတ်လမ်းများကို အွန်လိုင်းပေါ်မှ တိုက်ရိုက် ကြည့်ရှုနိုင်မည် ဖြစ်သည်။

ထို့အပြင် ရုပ်ရှင်/ဗွီဒီယိုဇာတ်လမ်းများကို ဒေါင်းလုတ်ပြုလုပ်၍ (၇) ရက်အတွင်း အခမဲ့ပြန်လည်ကြည့်ရှုနိုင်မည် ဖြစ်သည်။ ဒေါင်းလုတ်ပြုလုပ်ထားသည့် ဇာတ်ကားတစ်ကားကို ဖုန်းအတွင်းသိမ်းဆည်းရန်အတွက် မိမိဖုန်းတွင် သိုလှောင်မှုပမာဏ ပျမ်းမျှ 330 MB လိုအပ်မည်ဖြစ်သည်။ မဟာမိုဘိုင်းလ် အက်ပလီကေးရှင်းကို အသုံးပြုသူအားလုံးအနေဖြင့် သတ်မှတ်ထားသော ရုပ်ရှင်/ဗွီဒီယိုအချို့ကို အခမဲ့ ကြည့်ရှုခွင့်ရမည် ဖြစ်သော်လည်း MPT ဖုန်းသုံးစွဲသူများသာလျှင် အက်ပလီကေးရှင်း၏ ဝန်ဆောင်မှု အပြည့်အစုံကို ခံစားရရှိနိုင်မည် ဖြစ်သည်။ မြန်မာရုပ်ရှင်/ဗွီဒီယိုချစ်သူများသည် ဇာတ်လမ်းအသစ်များ နှင့် ခေတ်ဟောင်းဂန္တဝင်ဇာတ်လမ်းများကို သတ်မှတ်ထားသည့် ပရိုမိုးရှင်းကာလ (ဇွန်လ ၂၇ ရက်မှ ဇူလိုင်လ ၃၁ ရက်) အတွင်း ရုပ်ရှင်/ဗွီဒီယို တစ်ကားလျှင် သက်သာသော နှုန်းထားဖြစ်သည့် ၉၉ ကျပ် နှုန်းဖြင့် ကြည့်ရှုခံစားနိုင်မည်ဖြစ်ပြီး အဆိုပါ ကာလကျော်လွန်သွားပါက ပုံမှန်နှုန်းထားဖြစ်သော တစ်ကားလျှင် ၁၅၀ ကျပ်ဖြင့် ဝယ်ယူကြည့်ရှုနိုင်မည် ဖြစ်သည်။ ဒေါင်းလုတ်ဆွဲခြင်း ကဲ့သို့သော နောက်ဆက်တွဲ ဒေတာအသုံးပြုမှုများအတွက်မူ အသုံးပြုသည့်ပမာဏအလိုက်ကျသင့်သော အစီအစဉ် (Pay-As-You-Go) (သို့မဟုတ်) ဝယ်ယူထားသည့် ဒေတာပက်ကေ့ချ်များအလိုက် ကျသင့်မည်ဖြစ်သည်။

MPT-KSGM Joint Operations စီးပွားရေးဌာနကြီး၏ အရာရှိချုပ်ဖြစ်သူ Mr. Reizo Umeda က “ကျွန်တော်တို့ MPT က သုံးစွဲသူတွေရဲ့လိုအပ်ချက်တွေကို ဖြည့်ဆည်းပေးဖို့ အမြဲစဉ်းစားပေးနေတယ် ဆိုတာ အားလုံးအသိပဲဖြစ်ပါတယ်။ မြန်မာနိုင်ငံရဲ့ ဝေးလံတဲ့ဒေသတွေမှာ နေထိုင်ကြတဲ့ သုံးစွဲသူတွေကိုပါ မြန်မာ့ရုပ်ရှင်နဲ့ ဗွီဒီယိုဇာတ်လမ်းတင်ဆက်မှုတွေကို တစ်ဝကြီး ကြည့်ရှုခံစား နိုင်စေမယ့် မဟာမိုဘိုင်းလ်အက်ပလီကေးရှင်းကို သုံးစွဲသူတွေနဲ့ မိတ်ဆက်ပေးနိုင်တဲ့အတွက်လည်း တကယ်ကိုပဲ စိတ်လှုပ်ရှားမိပါတယ်။ အခုလို ပြည်တွင်းဖျော်ဖြေရေးအစီအစဉ်တွေကို သုံးစွဲသူတွေရဲ့ မိုဘိုင်းလ်ဖုန်းတွေကနေတစ်ဆင့် အရောက်ပို့ဆောင်ပေးသလိုပဲ နေရာဒေသအသီးသီးမှာ နေထိုင် ကြတဲ့ MPT ဖုန်းသုံးစွဲသူတွေရဲ့ နေထိုင်မှုဘဝတွေ ပိုပြီး ပျော်ရွှင်စရာကောင်းလာအောင် ပိုပိုပြီး အသုံးဝင်စေမယ့် ထပ်ဆောင်းဝန်ဆောင်မှုတွေကိုလည်း ထပ်ပြီးပေးအပ်သွားမယ်လို့ ကတိပြု ပါတယ်” ဟု ပြောကြားသည်။

ABC Content Solutions ကုမ္ပဏီလီမိတက် (မဟာ) ၏ အမှုဆောင်အရာရှိချုပ် ဦးဝင်းခိုင်က “မြန်မာနိုင်ငံက အရွယ်စုံပရိသတ်တွေ အကြိုက်တွေ့စေမယ့် အရည်အသွေးမြင့်မားပြီး ကောင်းမွန်တဲ့ မြန်မာ့ရုပ်ရှင်/ဗွီဒီယိုဇာတ်လမ်းတွေကို MPT နဲ့ အတူလက်တွဲပြီး သုံးစွဲသူတွေဆီ ယူဆောင်လာပေးနိုင်ခဲ့တဲ့အတွက် တကယ်ပဲဝမ်းသာမိပါတယ်။ ကျွန်တော်တို့ရဲ့ တစ်မူထူးခြားတဲ့ မဟာမိုဘိုင်းလ်အက်ပလီကေးရှင်းက နောက်ဆုံးထွက် နာမည်ကျော်ရုပ်ရှင်ဇာတ်လမ်းတွေအပြင် လူတိုင်းနှစ်သက်ခဲ့ကြတဲ့ ခေတ်ဟောင်းဂန္တဝင် ဇာတ်လမ်းတွေကိုပါ နေရာဒေသမရွေး၊ အချိန်မရွေး ခံစားကြည့်ရှုနိုင်အောင် ကူညီပေးသွားမှာပါ” ဟု ပြောကြားသည်။

လက်ရှိတွင် အဆိုပါအက်ပလီကေးရှင်းကို android ဖုန်းသုံးစွဲသူများသာ အသုံးပြုနိုင်မည်ဖြစ်ပြီး လိုတရ portal (http://mh.lotayamm.com/) မှတစ်ဆင့် ဒေတာကုန်ကျစရိတ်မရှိဘဲ ဒေါင်းလုတ်ပြုလုပ်နိုင်မည့်အပြင် Google Play Store (https://play.google.com/store/apps/details?id=com.abccontent.mahartv) မှလည်း ဒေါင်းလုတ်ဆွဲကာ ရယူအသုံးပြုနိုင်မည်ဖြစ်သည်။ မဟာမိုဘိုင်းလ်အက်ပလီကေးရှင်းကို အဆင်ပြေ ချောမွေ့စွာ အသုံးပြုနိုင်ရန် android version 5.0 နှင့် အထက်ရှိရန် လိုအပ်ပါသည်။ ထို့အပြင် iOS အသုံးပြုသူများ အတွက်လည်း Apple Store တွင် မကြာခင် ရရှိနိုင်တော့မည် ဖြစ်သည်။

မဟာမိုဘိုင်းလ်အက်ပလီကေးရှင်းအကြောင်း ပိုမိုပြည့်စုံစွာ သိရှိလိုပါက MPT call center နံပါတ် 106 နှင့် သုံးစွဲသူဝန်ဆောင်မှုအဖွဲ့ ၀၉-၄၅၅ ၅၀၀ ၄၄၀ သို့မဟုတ် ၀၉ ၄၅၅ ၅၀၀ ၈၈၀ သို့ ဆက်သွယ်မေးမြန်းနိုင်ပါသည်။

MPT က မြန်မာနိုင်ငံ၏ အကြီးမားဆုံး အွန်လိုင်းဂိမ်းပြိုင်ပွဲအတွက် အဓိက ကူညီပံ့ပိုး

(ရန်ကုန်၊ ၂၀၁၈ ခုနှစ် ဇွန်လ ၂၅ ရက်)- မြန်မာ့ဦးဆောင်ဆက်သွယ်ရေးအော်ပရေတာ MPT က မကြာမီစတင်တော့မည့် e-game ပြိုင်ပွဲဖြစ်သည့် “MOBILE LEGENDS: BANG BANG SOUTH EAST ASIA CUP 2018 MYANMAR MPT QUALIFIER” တွင် မိတ်ဖက်အဖြစ် ဂုဏ်ယူစွာပါဝင်လိုက်ကြောင်း ယနေ့သတင်းထုတ်ပြန်လိုက်သည်။ လူကြိုက်များပြီး လူအများစုပေါင်း ကစားနိုင်သည့် အခမဲ့ ရယူနိုင်သော အွန်လိုင်းတိုက်ပွဲ (MOBA) ဂိမ်းကို မြန်မာနိုင်ငံမှ ကစားသမား တစ်သန်းကျော်က နေ့စဉ်နှင့်အမျှ ယှဉ်ပြိုင်ဆော့ကစားနေကြခြင်းလည်း ဖြစ်သည်။

မြန်မာနိုင်ငံကိုယ်စားပြုအသင်းအား ရွေးချယ်မည့် ပွဲစဉ်ကို ၇ ရက်ကြာ ကျင်းပသွားမည်ဖြစ်ပြီး ပထမအဆင့် အွန်လိုင်း ပွစဲ ဉ်များမှာ ဇူလိုင်လ ၁ ရက်နေ့တွင် ပြီးဆုံးမည်ဖြစ်သည်။ ဒေသတွင်းချန်ပီယံပွဲစဉ်များကို ရန်ကုန်မြို့ Junction Square ရှော့ပင်းမောလ်၌ ဇူလိုင်လ ၇ ရက်နှင့် ၈ ရက်နေ့တွင် ကျင်းပမည်ဖြစ်ပြီး MPT သုံးစွဲသူများအတွက် သီးသန့်အထူးကံစမ်းမဲအစီအစဉ်ကို ဇွန်လ ၂၇ ရက်နေ့မှ ဇူလိုင် ၁၀ ရက်နေ့အတွင်း ကျင်းပသွားမည်ဖြစ်သည်။ ကံစမ်းမဲအစီအစဉ်တွင် လူကြိုက်များသည့် Hero & Skin Bundle နှင့် အခြားသော အမိုက်စား Bundle များအပါအဝင် ဂိမ်းအတွင်းအသုံးပြုနိုင်သည့် in-game vouchers များကို ဆုလက်ဆောင်အဖြစ် MPT သုံးစွဲသူ ၄,၀၀၀ ကျော်တို့အတွက် စီစဉ်ထားခြင်းဖြစ်ကာ MPT သုံးစွဲသူများအနေဖြင့် မှတ်ပုံတင်ရန်မလိုအပ်ဘဲ ပါဝင် ကံစမ်းခွင့်ရမည် ဖြစ်သည်။ Coda Shop တွင် ၅,၀၀၀ ကျပ်နှင့်အထက် ပမာဏအား အသုံးပြုသည့်အကြိမ် တိုင်းအတွက် နေ့စဉ်ပေးအပ်နေသည့် ဆုမဲပေါင်း ၃၀၀ ကျော်ကို ကံစမ်းနိုင်မည့် အခွင့်အရေးတစ်ကြိမ်စီ ရရှိမည် ဖြစ်သည်။

MPT-KSGM Joint Operations ၏ Chief Commercial Officer ဖြစ်သူ Mr. Reizo Umeda က “MPTရဲ့ LTE+ လို မြန်နှုန်းမြင့်ကွန်ရက်တွေ မြန်မာနိုင်ငံမှာအသုံးပြုနိုင်လာတာနဲ့အမျှ အထူးသဖြင့် မိုဘိုင်းလ်ဂိမ်းကစားခြင်းဟာ လူငယ်တွေအကြားမှာ ရေပန်းစားလာပါပြီ။ နိုင်ငံအတွင်းက ဖွံ့ဖြိုးတိုးတက်လာတဲ့ အွန်လိုင်းဂိမ်း အဖွဲ့အစည်းတွေကို ထောက်ပံ့ပေးနိုင်ဖို့အတွက် မြန်မာနိုင်ငံထဲက အကြီးမားဆုံး e-gaming ယှဉ်ပြိုင်ပွဲ တစ်ခုဖြစ်တဲ့ “MOBILE LEGENDS: BANG BANG SOUTH EAST ASIA CUP 2018 MYANMAR MPT QUALIFIER” ပွဲမှာ အခုလို အထောက်အပံ့ပေးနိုင်တဲ့အတွက် အထူးပဲဝမ်းမြောက်မိပါတယ်။ ပြိုင်ပွဲဝင်တွေကလည်း အခုလိုမျိုး ပွဲကတစ်ဆင့် အောင်မြင်အောင်ကြိုးစားပြီး ဒီနှစ်နောက်ပိုင်းမှာ ကျင်းပမဲ့ နိုင်ငံတကာအဆင့်ပြိုင်ပွဲမှာ ကိုယ့်နိုင်ငံရဲ့အလံကို ဂုဏ်ယူဝံ့ကြွားစွာနဲ့ လွှင့်တင်နိုင်မယ့်နေရာတစ်နေရာရလာအောင် အားသွန်ခွန်စိုက် ကြိုးစားယှဉ်ပြိုင်ကြလိမ့်မယ်လို့ မျှော်လင့်ပါတယ်။ ပြိုင်ပွဲဝင်တွေအတွက်တော့ ယှဉ်ပြိုင်ပွဲက စပါပြီ” ဟု ပြောကြား ခဲ့သည်။

Mobile Legends: Bang Bang ကို iOS နှင့် Android အသုံးပြုသူအားလုံး အခမဲ့ဒေါင်းလုပ်ရယူပြီး ကစားနိုင်မည်ဖြစ်သည်။ ပိုမိုသိရှိလိုပါက Call Center နံပါတ် ၁၀၆ သို့မဟုတ် သုံးစွဲသူဝန်ဆောင်မှုအဖွဲ့ နံပါတ်များဖြစ်သည့် ၀၉-၄၅၅၅၀၀၄၄၀၊ ၀၉-၄၅၅၅၀၀၈၈၀ နှင့် MPT တရားဝင် Facebook စာမျက်နှာ www.facebook.com/mptofficialpage/ များသို့ ဆက်သွယ်စုံစမ်းနိုင်ပါသည်။

ဆိုရှယ်မီဒီယာသုံးစွဲမှု အထူးနှစ်ခြိုက်သူများအတွက် MPT က Social Packs ကို ပိုမိုကောင်းမွန်သည့် နှုန်းထားအသစ်သို့ ပြောင်းလဲသတ်မှတ်

(ရန်ကုန်၊ ၂၀၁၈ ခုနှစ် ဇွန်လ၂၅ ရက်) – မြန်မာ့ဦးဆောင်ဆက်သွယ်ရေးအော်ပရေတာ MPT က Facebook, Messenger, Viber, LINE နှင့် Instagram တို့အပါအဝင် သုံးစွဲသူများကြိုက်နှစ်သက်သည့် ဆိုရှယ်မီဒီယာများကို သက်သာသည့်ဈေးနှုန်းဖြင့် သုံးစွဲနိုင်စေရန် Social Packs နှုန်းထားအသစ်များကို ယနေ့ ထုတ်ပြန်လိုက်သည်။ ဈေးနှုန်းအသစ်ပြောင်းလဲထားသည့် Social Packs တွင် အနည်းဆုံးနှုန်းထားအဖြစ် 190MB လျှင် ၁၉၉ ကျပ်သာ ကျသင့်ကာ နှစ်ရက်တာအထိ အသုံးပြုခွင့်ရရှိမည့် ပက်ကေ့ချ် မှစတင်ကာ အသုံးပြုနိုင်မည်ဖြစ်သည်။

MPT-KSGM Joint Operations ၏ စီးပွားရေးဌာနကြီးမှအရာရှိချုပ်ဖြစ်သူ Mr. Reizo Umeda က “တစ်နိုင်ငံလုံးဖြန့်ကျက်ထားတဲ့ ကျွန်တော်တို့ MPT ရဲ့ LTE+ ကွန်ရက်ပေါ်မှာ မြန်နှုန်းမြင့် အင်တာနက်ကို အသုံးပြုနေကြတဲ့ သုံးစွဲသူတွေနဲ့အတူ မြန်မာနိုင်ငံရဲ့ ဆိုရှယ်မီဒီယာသုံးစွဲသူပမာဏက တစ်နေ့ထက်တစ်နေ့ တိုးမြင့်လာနေပါပြီ။ အစဉ်တစိုက်အားပေးလာကြတဲ့ သုံးစွဲသူတွေကို ကျေးဇူးတုံ့ပြန်ဖို့အတွက် ကျွန်တော်တို့ MPT အနေနဲ့ သုံးစွဲသူတွေအကြိုက်နဲ့ ကိုက်ညီတဲ့အရာတွေ၊ လူကြိုက်များတဲ့ကဏ္ဍတွေကို စိတ်ဝင်တစား အသုံးပြုမှုအပေါ်ကို လိုက်ပြီး ပိုမိုကောင်းမွန်တဲ့ ဝန်ဆောင်မှုတွေပေးနိုင်ဖို့ ဆောင်ရွက်နေပါတယ်။ ဆိုရှယ်မီဒီယာ အတွေ့အကြုံတွေကို ပိုပြီးခံစားနိုင်စေမယ့် သက်သာတဲ့နှုန်းထားနဲ့ ဒီ Social Packs တွေကြောင့် သုံးစွဲသူတွေအနေနဲ့ သူတို့ရဲ့သူငယ်ချင်း၊ မိသားစုတွေနဲ့ ဆက်သွယ်တဲ့နေရာမှာ အရင်ကထက် ပိုပြီး အဆင်ပြေတော့မှာ ဖြစ်လို့ MPT အနေနဲ့ အထူးပဲ ကျေနပ်ဝမ်းသာဖြစ်မိပါတယ်” ဟု ပြောကြားခဲ့သည်။

MPTသုံးစွဲသူများအနေဖြင့် ဆိုရှယ်မီဒီယာအက်ပလီကေးရှင်းများအတွက် သက်သာသောနှုန်းထားဖြင့် သတ် မှတ်ထားသော ဒေတာပမာဏများအလိုက် ၂ ရက်၊ ၇ ရက်၊ ၃၀ ရက် ပက်ကေ့ချ်များအဖြစ် ရွေးချယ်ဝယ်ယူနိုင်မည်ဖြစ်သည်။ အဆိုပါပက်ကေ့ချ်အသစ်များက ဆိုရှယ်မီဒီယာသုံးစွဲသူများအတွက် ကျေနပ်မှု ပိုမိုပေးစွမ်းနိုင်မည်ဖြစ်ပြီး MPT ၏ နိုင်ငံတစ်ဝှမ်းကျယ်ပြန့်စွာ ချိတ်ဆက်ထားသော ကွန်ရက်ပေါ်မှတစ်ဆင့် ၎င်းတို့စိတ်ကြိုက် အက်ပလီကေးရှင်းများကို ရယူသုံးစွဲနိုင်မည်ဖြစ်သည်။

MPT GSM/WCDM၊ ဆွေသဟာ၊ ရှယ်ပြော၊ ရွှေစကား သုံးစွဲသူများ ရယူနိုင်မည့် Social Packs အသစ်များ

Social Packsဈေးနှုန်း (ကျပ်) (ကုန်သွယ်ခွန်ပါဝင်ပြီး)ဒေတာပမာဏ (MB) ပက်ကေ့ချ် တစ်ခုချင်းစီ ရယူရန်တိုက်ရိုက် ရယူရန်
၂ ရက်စာ ပက်ကေ့ချ်၁၉၉ ကျပ်190 MB*3001# သို့ ခေါ်ဆိုပါ 

*3333# သို့ ခေါ်ဆိုပါ

 

၇ ရက်စာ ပက်ကေ့ချ်၉၉၉ ကျပ်950 MB*3002# သို့ ခေါ်ဆိုပါ
ရက် ၃၀ စာ ပက်ကေ့ချ်၂,၉၉၉ ကျပ်2,850 MB*3003# သို့ ခေါ်ဆိုပါ

*သတ်မှတ်ထားသည့် ဒေတာပမာဏထိ အသုံးပြုပြီးပါက ပုံမှန်နှုန်းထား (PAY-AS-You-Go) သို့မဟုတ် Data Pack နှုန်းထားများဖြင့် ကောက်ခံသွားမည်ဖြစ်သည်။

MPT ၏ Social Packs အသစ်များနှင့် အခြားသော ဝန်ဆောင်မှုများနှင့်ပတ်သက်၍ သိရှိလိုပါ Call Center နံပါတ် ၁၀၆ သို့မဟုတ် တရားဝင် Facebook Page www.facebook.com/mptofficialpage/ တွင် ဆက်သွယ်စုံစမ်းနိုင်ပါသည်။

MPT မှ ငွေတောင်းခံလွှာများကို KBZ ၊ CB ဘဏ်ခွဲများအပြင် Mobile Banking စနစ် မှတစ်ဆင့် ပေးဆောင်နိုင်ပြီ

(၂၀၁၈ ခုနှစ်၊ ဇွန်လ ၂၂ ရက်) – မြန်မာ့ဦးဆောင်ဆက်သွယ်ရေးအော်ပရေတာ MPT က သုံးစွဲသူများအတွက် MPT ဖုန်းဘီလ်ပေးဆောင်ရာတွင် ယခင်ကထက် ငွေပေးချေမှုလုပ်ငန်းများကို ပိုမိုလွယ်ကူမြန်ဆန်စွာ ဆောင်ရွက်နိုင်ရန်အတွက် ဇွန်လမှ စတင်၍ နိုင်ငံတစ်ဝန်းလုံးရှိ KBZ နှင့် CB ဘဏ်တို့၏ ဘဏ်ခွဲများတွင် ဖြစ်စေ၊ ၎င်းတို့၏မိုဘိုင်းလ်ငွေကြေးစနစ်ဖြစ်သည့် Mobile Banking စနစ်ကို အသုံးပြု၍ဖြစ်စေ ပေးချေဆောင်ရွက်နိုင်ပြီ ဖြစ်ကြောင်း သတင်းထုတ်ပြန်လိုက်သည်။

ကြိုးဖုန်းများ၊ ADSL နှင့် FTTH အပါအဝင် postpaid mobile (အသုံးပြုပြီးမှပေးချေသည့် စနစ်သုံး) မိုဘိုင်းလ်သုံးစွဲသူများအနေဖြင့် MPTမှထုတ်ပေးသည့် ပြေစာကို စာရွက်ဖြင့်ဖြစ်စေ (သို့မဟုတ်) မိမိတို့၏ ဖုန်းနှင့် အခြားအီလက်ထရောနစ် စက်ပစ္စည်းများအတွင်း သိမ်းဆည်း၍ဖြစ်စေ ယူဆောင်လာရမည်ဖြစ်ပြီး ဘဏ်သို့ ချက်လက်မှတ် (သို့) ငွေသားဖြင့် ပေးသွင်းပါက သတ်မှတ်ထားသည့်ဘဏ်များမှ ငွေပေးချေမှုလုပ်ငန်းများကို စတင်လုပ်ဆောင် ပေးသွားမည် ဖြစ်သည်။

သက်ဆိုင်ရာဘဏ်များ၏ Mobile Banking စနစ်အသုံးပြုသူများအနေဖြင့်လည်း ၎င်းတို့၏ စမတ်ဖုန်း၊ တက်ဘလက်များရှိ Mobile Banking အက်ပလီကေးရှင်းမှတစ်ဆင့် ငွေပေးချေမှုများကို ဆောင်ရွက်နိုင်မည် ဖြစ်သည်။ သုံးစွဲသူများအနေဖြင့် ငွေပေးချေမှုဆောင်ရွက်ရန် ၎င်းတို့၏ ဘဏ်အကောင့်များသို့ ဝင်ရောက်ကာ MPT ၏ ဖုန်းဘီလ်အတွက် သင့်လျော်သည့်ပေးချေမှုပုံစံကိုရွေးချယ်ပြီးသည်နှင့် လိုအပ်သည့် အချက်အလက် အသေးစိတ် (သုံးစွဲသူကုတ်နံပါတ်၊ ပြေစာနံပါတ်၊ ပေးချေရန်ပမာဏ) အစရှိသည်တို့ကို မှန်ကန်စွာ ဖြည့်သွင်းပြီး ငွေလွှဲခြင်းလုပ်ငန်းစဉ်ကို အပြီးသတ်လုပ်ဆောင်ပြီး ငွေပေးချေမှုများကို ဆောင်ရွက်နိုင်မည် ဖြစ်သည်။

ပုံ – MPT ၏ အသုံးပြုပြီးမှပေးချေသည့်စနစ်သုံး ပြေစာ နမူနာ။ ဘယ်ဘက်ထိပ်တွင် MPT တံဆိပ်နှင့် ညာဘက်ထိပ်တွင် QR Code ပါသည့် ပြေစာများသာလျှင် ငွေပေးချေမှုအတွက် အသုံးပြုနိုင်ပါသည်။

“ကျွန်တော်တို့ရဲ့ သုံးစွဲသူတွေအတွက် ငွေပေးချေမှုအပိုင်းမှာ ပိုပြီး အဆင်ပြေလွယ်ကူစေဖို့အတွက် KBZ ဘဏ်၊ CB ဘဏ်တို့နဲ့အတူ လက်တွဲပြီး ငွေပေးချေနိုင်တဲ့ နည်းလမ်းပိုများလာအောင် ဆောင်ရွက်နေပါတယ်။ နိုင်ငံတစ်ဝှမ်းမှာရှိတဲ့ ဘဏ်ခွဲ ၇၀၀ ကျော်တွေရဲ့ ကွန်ရက်တွေနဲ့ အွန်လိုင်းဝန်ဆောင်မှုတွေကြောင့် သုံးစွဲသူတွေအနေနဲ့ မြန်ဆန်လွယ်ကူတဲ့ ဝန်ဆောင်မှုတွေ ရရှိနိုင်မှာ ဖြစ်ပါတယ်။ MPT အနေနဲ့ Postpaid ဝန်ဆောင်မှုတွေကို ပေးအပ်ရာမှာ အကောင်းဆုံးဝန်ဆောင်မှုတွေနဲ့ အတွေ့အကြုံကောင်းတွေကို ပေးစွမ်း သွားမယ်လို့ ဒီနေရာကနေ ပြောကြားချင်ပါတယ်။ ဒါ့အပြင် ဒီဝန်ဆောင်မှုကနေတစ်ဆင့် သုံးစွဲသူတွေအနေနဲ့ အကျိုးကျေးဇူးကောင်းတွေရရှိမယ်လို့ ယုံကြည်ပါတယ်” ဟု MPT-KSGM Joint Operations ၏ Chief Commercial Officer ဖြစ်သူ Mr. Reizo Umeda က ပြောသည်။

ထို့အပြင် Mobile Banking စနစ်ဖြင့်လည်းကောင်း၊ ဘဏ်ခွဲများမှ တစ်ဆင့်လည်းကောင်း ငွေပေးချေမှု ပြုလုပ် ရာတွင် သုံးစွဲသူများအနေဖြင့် ဝန်ဆောင်ခထပ်မံပေးသွင်းရန် မလိုအပ်ဘဲ အခမဲ့ဆောင်ရွက်နိုင်မည်ဖြစ်သည်။

MPT ၏ FTTH နှင့် ADSL ဝန်ဆောင်မှုများနှင့် အခြားသော ဝန်ဆောင်မှုများအကြောင်း အသေးစိတ် သိရှိလိုပါက 106 (သို့မဟုတ်) MPT ၏ တရားဝင်ဝက်ဘ်ဆိုက် http://mpt.com.mm/mm/ (သို့မဟုတ်) Facebook စာမျက်နှာဖြစ်သည့် www.facebook.com/mptofficialpage တို့တွင် ဝင်ရောက် လေ့လာနိုင်မည် ဖြစ်သည်။ ထို့အပြင် KBZ နှင့် CB ဘဏ်တို့၏ Mobile Banking ဝန်ဆောင်မှုများနှင့် ပတ်သက်၍ သက်ဆိုင်ရာ ဘဏ်များထံသို့ တိုက်ရိုက်ဆက်သွယ်မေးမြန်းနိုင်ပါသည်။

Payment Through Bank Channel FAQs MM

Payment Through Bank Channel

၁။ Payment through bank channel အသစ်ဆိုတာဘာလဲ။

Payment through bank channel ဆိုသည်မှာ မကြာသေးခင်ကအထိ မိမိပေးဆောင်ရမည့် MPT ဘေလ်များအား TRA counter ၊ MEB online payment နှင့် MPT မှသတ်မှတ်ထားသော တယ်လီဖုန်းဌာန များတွင်သာပေးချေနိုင်ရာမှ ယခုအခါ ဇွန်လ (၁) ရက်နေ့မှစ၍ KBZ နှင့် CB bank ဘဏ်များ၏ ဘဏ်ခွဲတိုင်းတွင်မက mobile/ibanking များမှတဆင့်လည်း ငွေပေးချေနိုင်သော ဝန်ဆောင်မူဖြစ်ပါသည်။

၂။ မည်သည့်ဘေလ်အမျိုးအစားများကိုပေးချေနိုင်ပါသလဲ?

မြန်မာကျပ်ငွေဖြင့် ပေးဆောင်ရသော လိုင်းဖုန်းဘေလ်များ , ADSL , FTTH and postpaid mobile phone ဘေလ်များအားလုံးအကျုံးဝင်ပါသည်။

၃။ ယခင် MPT မှသတ်မှတ်ထားသော တယ်လီဖုန်းဌာနများတွင် ငွေပေးချေမူများ ဆက်လက်ပြုလုပ်နိုင်ပါသလား။

ယခင်ပေးချေနေသော MPT မှသတ်မှတ်ထားသော ရန်ကုန် ၊ မန္တလေး နှင့် နေပြည်တော် တယ်လီဖုန်းဌာနများတွင် လည်းငွေပေးချေမူများ ဆက်လက်ပြုလုပ်နိုင်ပါသည်။

၄။ Mobile / Internet Banking မှတဆင့်ငွေပေးချေရန်အတွက် မည်သည့်အချက်များလိုအပ်သနည်း။

Mobile / Internet Banking မှတဆင့်ငွေပေးချေရန်အတွက် KBZ ဘဏ် နှင့် CB ဘဏ် တို့်မှ ဘဏ်စာရင်းရှိရန် နှင့် မိမိ၏ ဘဏ်စာရင်းနှင့် Mobile / Internet Banking အကောင့်ချိတ်ဆက်ထားရန် လိုအပ်ပါသည်။

၅။ ဘေလ်ပေးဆောင်ရန် အတွက် အခြား အပိုဝန်ဆောင်ခများ ထပ်မံပေးဆောင်ရန်လိုအပ်ပါသလား။

ဘေလ်ပေးဆောင်ရန် အတွက် ဘဏ်ဝန်ဆောင်ခ အခမဲ့ ဖြစ်၍ မည်သည့်ုဝန်ဆောင်ခမျှ ထပ်မံပေးဆောင်ရန်မလိုအပ်ပါ။

၆။ မိမိ၏ KBZ bank/ CB bank ဘဏ်စားရင်းနှင့် mobile/internet banking ချိတ်ဆက်ထားချင်းမရှိသော် ဘဏ်မှတဆင့်ငွေပေးချေနိုင်သောဝန်ဆောင်မူကိုဆက်လက်ပြုလုပ်လိုရနိုင်ပါသလား။

mobile/internet banking ချိတ်ဆက်ထားချင်းမရှိသော်လည်း KBZ bank/ CB bank ဘဏ်ခွဲတိုင်းတွင် လက်ငင်းငွေသား ဖြင့်ဖြစ်စေ၊ cheque ဖြင့်ဖြစ်စေ ပေးဆောင်ခြင်းဖြင့် ငွေပေးချေမူလုပ်ငန်းများကိုဆက်လက်လုပ်ဆောင်နိုင်ပါသည်။

၇။ ဘဏ်တွင်ငွေပေးချေရန် မည်သည့်အချက်အလတ်များ ယူဆောင်လာရန်လိုအပ်ပါသနည်း။

ဘဏ်ကောင်တာမှတဆင့် ငွေပေးချေရန်အတွက် ငွေတောင်းခံလွာ မူရင်း သို့ မိတ္တူ၊ လက်ငင်းငွေသား နှင့် cheque ဖြင့်ပေးဆောင်မည်ဆိုပါက သက်ဆိုင်ရာဘဏ်များ၏ ချက်လက်မှတ်များယူဆောင်လာရန်လိုအပ်ပါသည်။

၈။ ငွေပေးချေရန် ကိုယ်စားလွတ်၍ပေးဆောင်နိုင်ပါသလား။

ကိုယ်စားလွတ်၍ပေးဆောင်ပါက ငွေပေးချေရန် ငွေတောင်းခံလွာ မူရင်း သို့ မိတ္တူ ပြသရန် လိုအပ်ပါသည်။

၉။ Mobile / Internet Banking မှတဆင့်ငွေပေးချေရန်အတွက် မည်သည့်အချက်များလိုအပ်သနည်း။

Mobile / Internet Banking မှတဆင့်ငွေပေးချေရန်အတွက်
(၁) KBZ ဘဏ် နှင့် CB ဘဏ် တို့်မှ ဘဏ်အကောင့်ရှိရန်
(၂) မိမိ၏သက်ဆိုင်ရာဘဏ်အကောင့်သို့ Mobile / Internet Banking လျှောက်ထားရန်
(၃) Mobile / Internet Banking မှတဆင့်ငွေပေးချေရန်အတွက် application တွင်လိုအပ်သည့်အချက်အလက်များကို ငွေပေးချေသူမှ ဖြည့်စွက်ရန်လိုအပ်ပါသည်။

၁၀။ Mobile / Internet Banking ငွေပေးချေရာတွင် ပေးချေရမည့် ပမာဏထက် နည်း၍ /များ၍ပေးချေမိသော် မည်ကဲ့သို့ပြုလုပ်ရမည်နည်း။

(၁) ပေးချေရမည့်ပမာဏထက် ပိုမို၍ပေးချေမိပါက နောက်လ၏ဘေလ်နှင့်သာ ညှိနှိုင်းပေးချေရမှာဖြစ်ပါသည်။
(၂) ပေးချေရမည့်ပမာဏထက် နည်း၍ပေးချေမိပါက လိုအပ်သည့် ပမာဏကိုနောက်တကြိမ်ထပ်မှန်ပေးချေရန် လိုအပ်ပါသည်။ (အကယ်၍ လိုအပ်သည့်ပမာဏကို ထပ်မံမဖြည့်ဆောင်ခဲ့ပါက ဘေမဆောင်သည်ဟု ယူဆ၍ ယာယီလိုင်းဖြတ်တောက်ခြင်းမျာဖြစ်ပေါ်နိုင်ပါသည်။)

၁၁။ KBZ bank mobile/internet banking ဖြင့်ဘေလ်ပေးဆောင်ပါက မည်ကဲ့သို့လုပ်ဆောင်ရမည်နည်း။

KBZ bank mobile/internet banking ဖြင့်ဘေလ်ပေးဆောင်ရန် အသေးစိတ်အချက်အလက်များကို (Link ) သို့ဝင်ရောက်လေ့လာနိုင်ပါသည်။

၁၂။ CB bank mobile/internet banking ဖြင့်ဘေလ်ပေးဆောင်ပါက မည်ကဲ့သို့လုပ်ဆောင်ရမည်နည်း။

CB bank mobile/internet banking ဖြင့်ဘေလ်ပေးဆောင်ရန် အသေးစိတ်အချက်အလက်များကို (Link ) သို့ဝင်ရောက်လေ့လာနိုင်ပါသည်။

Payment Bank Channel

Payment Through Bank Channel အသစ်ဆိုတာဘာလဲ

MPT မှ FTTH ဘေလ်အပါအဝင် အခြား လိုင်းဖုန်းဘေလ်များ , ADSL , postpaid (အသုံးပြုပြီးမှပေးဆောင်ရသော) mobile phone ဘေလ်များအားလုံး ဘေလ်ပေးဆောင်ခြင်းလုပ်ငန်းများကို လက်ရှိပေးဆောင်နေသော TRA counter ၊ MEB online payment၊ CB၊ KBZ BANK နှင့် MPT မှသတ်မှတ်ထားသော တယ်လီဖုန်းဌာန များတွင်သာမက MEB နှင့် ချိတ်ဆက်ထားသော CITY MART၊ JUNCTION၊ OCEAN၊ SUPERONE၊ MYANMA APEX BANK ၊ UNITED LIVING MALL စသည့် ဈေးဝယ်စင်တာများမှတဆင့်လည်း လွယ်ကူစွာ ငွေပေးချေနိုင်ပါသည်။

ငွေပေးချေမှုပြူလုပ်နိုင်သော ဈေးဝယ်စင်တာများ
AKK BRANCHCITY MART SHWE MYA YARMEB BRANCH(5) YANGON
AUNG SATKYAR CO. LTD.City Mart Shwe Pin LonMEB Magway
City Mart 19th Street MDYCity Mart South DagonMEB Mawlamyaing
CITY MART 47TH STREETCity Mart Sule SquareMEB NAYPYITAW
CITY MART AUNG SANCITY MART THAMINEMEB Pathein
City Mart AyarwonCity Mart WaizayandaMEGA MOBILE SERVICE 1
CITY MART CHINATOWN POINTCITY MART YANKINMYANMA APEX BANK  YANGON
CITY MART FMICITY MART ZAWANAMYANMA APEX BANK MANDALAY
CITY MART GOLDEN VALLEYFANCY HOUSEMYANMAR BANNER
City Mart HAGL GroupGEOCOMP MYANMAROCEAN 73
City Mart HladenGOOD FRIENDOCEAN SHWE GON DINE
CITY MART HOLDINGInternet Wallet MyanmarSAVING BRANCH(3) YANGON
CITY MART JUNCTION – 8JUNCTION NaypyitawShopping Mall Myanmar
CITY MART JUNCTION MAWTINJUNCTION SQUARESIBIN BANK NAYPYITAW
CITY MART MYAYNIGONEKYAUK MYAUNG MARTSIBIN BANK YANGON
CITY MART OCEAN NORTH POINTMEB BRANCH (2)YANGONSUPERONE KYAIK KA SAN
CITY MART OCEAN PAZUNDAUNGMEB BRANCH(1) MANDALAYSUPERONE SHWE BON THAR
City Mart PinLon SittaungMEB BRANCH(1) YANGONUNITED LIVING MALL 1
City Mart Pyay 6.5MEB BRANCH(2) MANDALAY
ငွေပေးချေမှုပြူလုပ်နိုင်သော MPT TRA ကောင်တာများ
REGIONTRA NAMEADDRESS
YANGON CitiesSULENO, 465,469 , Conner Of the Mahabandoola St  &  Bosunpat St , Pabedan T/s.
YANGON CitiesGPONO,39 , Conner Of the Kannar St & Bo Aung Kyaw St , Kyauktada T/s.
YANGON CitiesAhloneNO, 189,  Lower  Kyimyindine  Rd ,  Ahlone T/s.
YANGON Cities40th StreetNO. 103 , 40 st ,  Middle  Blk , Kyauktada T/s.
YANGON CitiesThingangyunExchange Ground, 16th QR, Part 4, Thumingalar St, Thingangyun T/s.
YANGON CitiesInn SeinNo.2 , Hlaing River St , East Ywarma, Insein Post Ground. Insein T/s.
YANGON CitiesMayangoneExchange Ground, kabaraye Pagoda Rd, 5 th Qr, Mayangone T/s
YANGON CitiesTarmweNo.101 , Banyadala Rd, Tamwe Post , Tamwe/Ts.
YANGON CitiesHlaingNo.5 , 9th Qr, Yangon-Insein Rd , Hlaing T/s
YANGON CitiesShwegondineNo. 74 , East Shwegonedaing Rd , Bahan T/s.
YANGON CitiesPansodanNo.125 , Conner of the Mahabandoola Rd & Pansoedan Rd , Kyauktada T/s.
YANGON CitiesSawbwargyigoneKyauksein Lanmagyi  &  Kyauksein  5th St Top  , Sawbwargyigone Ground ,  Insein T/s .
MANDALAYMandalayRegional Manager Office, MPT, Between 25th street and 80*81 street, Aungmyaytharzan Township, Mandalay
NaypyitawNaypyidawTRA, Central Postoffice, Naypyitaw
MANDALAYMyingyanNO,313, 7 QR, WEST Ayemyathida Zay, Myingyan
MAGWAYMagwayTRA, Regional Manager Office, Lane 5, Magway
ငွေပေးချေမှုပြူလုပ်နိုင်သော BANK များ
KBZAny KBZ bank branch over the counter and through mobile banking
CBAny CB bank branch over the counter and through mobile banking

ပေးချေနိုင်သောဘေလ်အမျိုးအစားများ

  • လိုင်းဖုန်းဘေလ်များ
  • ADSL
  • FTTH and postpaid
  • အသုံးပြုပြီးမှပေးဆောင်ရသော Mobile phone ဘေလ်များအားလုံး

ဘေလ်ပေးဆောင်ရန်လိုအပ်သည့်အချက်အလတ်များ

  •  MEB နှင့် ချိတ်ဆက်ထားသော ဆိုင်များနှင့် ဈေးဝယ်စင်တာများတွင်ငွေပေးချေရန်အတွက် ငွေတောင်းခံလွာ မူရင်း သို့ မိတ္တူ၊ လက်ငင်းငွေသား ရန်လိုအပ်ပါသည်။
  •  ဘဏ်ကောင်တာမှတဆင့် ငွေပေးချေရန်အတွက် ငွေတောင်းခံလွာ မူရင်း သို့ မိတ္တူ၊ လက်ငင်းငွေသား နှင့် cheque ဖြင့်ပေးဆောင်မည်ဆိုပါက သက်ဆိုင်ရာဘဏ်များ၏ ချက်လက်မှတ်များယူဆောင်လာရန်လိုအပ်ပါသည်။
  • Mobile/Internet banking မှတဆင့် ငွေပေးချေရန်အတွက် KBZ နဲ့ CB ဘဏ်များတွင် ဘဏ်စာရင်းရှိပြီး Mobile/Internet Banking အကောင့်ချိတ်ဆက်ထားရန်လိုအပ်ပါသည်။

Mobile banking ဖြင့်ပေးဆောင်ရန်

Mobile/Internet banking ကနေငွေပေးချေရန်အတွက် မိမိပေးချေလိုသောသက်ဆိုင်ရာဘဏ်များတွင် ဘဏ်စာရင်းရှိပြီး Mobile/Internet Banking အကောင့်ချိတ်ဆက်ထားရန်လိုအပ်ပါသည်။

Note:

  • ဘဏ်များနှင့် mobile banking မှ ငွေပေးချေမှုပြုလုပ်ရန် ထပ်ဆောင်း ဝန်ဆောင်ခပေးဆောင်ရန်မလိုပါ။
  • MEB နှင့် ချိတ်ဆက်ထားသော ဆိုင်များနှင့် ဈေးဝယ်စင်တာများတွင်ငွေပေးချေရာတွင် သက်မှတ်ထားသောဝန်ဆောင်ခနှုန်းထားများ ပေးဆောင်ရန်လိုအပ်ပါသည်။

Data Promotions


Special Offer for You

*555# ကိုခေါ်ဆိုလိုက်တာနဲ့ 1 Kyat/MB ၈၉ ၉ ကျပ်မှ စတင် ပြီး နေ့စဉ်မတူညီတဲ့ အပိုလက်ဆောင်တွေကိုရရှိမှာနော်။

More Data Promotions →

မေးခွန်းများ

၁။ ငွေပေးချေမှုအား ပြင်ပသို့ထွက်ခွာပေးသွင်းစရာမလိုပဲ ပေးသွင်းချင်ပါတယ် ။ဘယ်လိုလုပ်ရမလဲ။

သုံးစွဲသူအနေဖြင့် Mobile Banking ကနေတဆင့်ပေးသွင်းနိုင်ပါသည်။ သုံးစွဲသူအနေဖြင့် KBZ or CB bank အကောင့်တခုခုရှိရမည်ဖြစ်ပြီး ၎င်းအကောင့်များကိုလည်း ဘဏ်အ‌ကောင့် စာရင်းပေး သွင်းပြီးသား ဖြစ်ရပါမည်။ လိုအပ်သော အသေးစိတ်အချက်အလက်များအား သက်ဆိုင်ရာ ဘဏ်မှ လမ်းညွှန်ဆောင်ရွက်ပေးပါမည်။

အကယ်၍ KBZ or CB bank အကောင့်ရှိပြီးသားဖြစ်ပါက

  • KBZ ဘဏ် Mobile Banking အတွက် လမ်းညွှန်ချက်များအား (Link) တွင်စစ်ဆေးပါ။
  • CB ဘဏ် Mobile Banking အတွက် လမ်းညွှန်ချက်များအား (Link) တွင်စစ်ဆေးပါ။

၂။ ကျွန်တော်/ကျွန်မမှာ KBZ or CB Mobile Banking အကောင့်မရှိပါ။ ကျွန်တော်/ကျွန်မ ၏ ဘေအားဘယ်မှာ သွင်းနိုင်ပါမလဲ။

သုံးစွဲသူအနေဖြင့် နီးစပ်ရာ MPT ငွေသွင်းကောင်တာများ၊ စာတိုက်များ၊ KBZ ဘဏ်များ၊ CB ဘဏ်များ နှင့် Myanmar Economic Bank (MEB)၏ ကိုယ်စားလှယ်များဖြစ်သော CITY MARTများ၊ JUNCTION များ၊ OCEAN များ၊ SUPERONE များ၊ MYANMA APEX BANK၊ UNITED LIVING MALL များနှင့် အခြား MEB ၏ ကိုယ်စားလှယ် စျေးဆိုင်များတွင်လည်း လွယ်ကူလျင်မြန်စွာ ဘေအတွက် ငွေပေးချေနိုင်ပါသည်။

၃။ ငွေပေးချေရန် ဘာတွေလိုအပ်သလဲ။

(ငွေစက္ကူဖြင့်ပေးချေခြင်း)

သုံးစွဲသူအနေဖြင့် ဘေစာရင်းဘောင်ချာစာရွက် ယူဆောင်သွားရန် နှင့် KBZ or CB bank များတွင် ချက် (သို့) ငွေစက္ကူဖြင့်ပေးဆောင်နိုင်ပါသည်။

(Mobile Banking ဖြင့်ပေးချေခြင်း)

သုံးစွဲသူအနေဖြင့် Mobile Banking ဖြင့်ပေးချေလိုပါက လူကြီးမင်း၏ သုံးစွဲသူနံပါတ်၊ ဘောင်ချာနံပါတ် နှင့် ကျသင့်ငွေပမာနအား ထည့်သွင်းပေးရမည်ဖြစ်ပါသည်။ ဘဏ်နှင့်သက်ဆိုင်သော အခြားအချက်အလက်များလည်း ထည့်သွင်းရနိုင်ပါသည်။

၄။ ငွေလွဲခ အနေဖြင့် ထပ်မံပေးဆောင်ရန် လိုအပ်ပါသလား။

သုံးစွဲသူအနေဖြင့် နီးစပ်ရာ MPT ငွေသွင်းကောင်တာများ၊ စာတိုက်များ၊ KBZ ဘဏ်များ၊ CB ဘဏ်များ တွင်ပေးချေပါက ငွေလွဲခ ပေးဆောင်ရန်မလိုအပ်ပါ။

Myanmar Economic Bank (MEB)၏ ကိုယ်စားလှယ်များဖြစ်သော CITY MARTများ၊ JUNCTION များ၊ OCEAN များ၊ SUPERONE များ၊ MYANMA APEX BANK၊ UNITED LIVING MALL များနှင့် အခြား MEB ၏ ကိုယ်စားလှယ် စျေးဆိုင်များမှ ပေးချေပါက ၂၀၀-၅၀၀ ကျပ်ကျသင့်မည်ဖြစ်ပါသည်။

၅။ သုံးစွဲသူအတွက် အခြားတစ်ဦးဦးက ကိုယ်စားအ‌နေဖြင့် ငွေပေးချေမှုအား ပြုလုပ်နိုင်ပါသလား။

ပေးချေနိုင်ပါသည်။ လိုအပ်သော ဘောင်ချာစာရွက် (သို့) soft copy ယူဆောင်သွားပြီး နီးစပ်ရာ ဘဏ်များတွင် ကိုယ်စားပေးချေ နိုင်ပါသည်။

၆။ ဘေအတွက် ငွေပေးချေရာတွင် ငွေကြေးပမာန လွဲမှားပေးဆောင်မိပါက ဘယ်လိုလုပ်ရမလဲ။

အကယ်၍ ဘောင်ချာတွင်ပေးချေရမည့် ငွေပမာနထက် ပိုမိုပေးဆောင်မိပါက ၎င်းပိုလျှံနေသော ငွေပမာနအား နောက်လစာ ဘေတွင် လျော့တွက်ပေးသွားမည်ဖြစ်ပါသည်။ သို့ဖြစ်ပါ၍ နောက်လစာ ဘေတွင် သတ်မှတ်ငွေပမာနထက် လျော့နည်းပြီး ငွေပေးချေနိုင်မည်ဖြစ်ပါသည်။

အကယ်၍ ဘောင်ချာတွင်ပေးချေရမည့် ငွေပမာနထက် လျော့နည်းပြီး ငွေပေးဆောင်ပါက လိုအပ်နေသော ပမာနအား ပေးဆောင်ရန် MPT မှ တူညီသော ဘောင်ချာနံပါတ်ဖြင့် တောင်းခံလွှာ လက်ခံရရှိနိုင်ပြီး ၎ဘောင်ချာကိုလည်း ဆက်လက်ပေးဆောင်ရန် အနေဖြင့် သတ်မှတ်ထားပြီး သတ်မှတ်ရက်အတွင်း ပေးဆောင်ခြင်း မရှိပါက ကျသင့်ငွေပမာနအား ပေးဆောင်ပြီးသည့်အချိန်အထိ လိုင်းယာယီ ပြတ်တောက်နိုင်ပါသည်။

BalloneStar Promotion FAQs MM

ဘောလုံးစတား ပရိုမိုးရှင်း

၁။ ဒီပရိုမိုးရှင်းအစီအစဉ်အကြောင်းအရာကဘာလဲ။

ဒီပရိုမိုးရှင်းကတော့ ဘောလုံးပွဲကိုကြိုက်နှစ်သက်ကြတဲ့ ဘောလုံးချစ်သူတွေအတွက် ဘောလုံးစတားအက်ပလီကေးရှင်းကို အသုံးပြုရင်း KIA Picanto ကားအသစ်ကြီး တစ်စီးကို ပိုင်ဆိုင်ခွင့်ရမယ့် အစီအစဉ်သစ်တစ်ခုဖြစ်ပါတယ်။ ဒီပရိုမိုးရှင်းဟာ ကျွန်တော်တို့ရဲ့ သုံးစွဲသူတွေ အားလုံးအတွက် ကျေးဇူးတုန့်ပြန်တဲ့ အစီအစဉ်တစ်ခုဖြစ်သလို ဘောလုံးအားကစားကို စိတ်အားထက်သန်စွာ အားပေးကြတဲ့ သူတွေအတွက် သူတို့ရဲ့ ဘောလုံးအားကစားအပေါ်ထားရှိတဲ့ အားကစားစိတ်ဓါတ်ကို မျှဝေခံစား နိုင်ကြဖို့လည်းဖြစ်ပါတယ်။

၂။ ပရိုမိုးရှင်းအစီအစဉ်က ဘယ်တော့လောက်စမှာလဲ။

ပရိုမိုးရှင်းအစီအစဉ်ကို ဇွန်လ ၁၂ ရက် ၂၀၁၈ ခုနှစ်ကနေ သြဂုတ်လ ၁၂ရက် ၂၀၁၈ ခုနှစ်အတွင်း လုပ်သွားမှာ ဖြစ်ပါတယ်။

၃။ ဘယ်သူတွေပါဝင်ခွင့်ရမှာလဲ။

ဘောလုံးစတားအက်ပလီကေးရှင်းကို ရယူအသုံးပြုထားတဲ့ဘယ်သူမဆိုပါဝင်ကံစမ်းခွင့်ရှိပါတယ်။ နေ့စဉ်ပေးစနစ်နဲ့ ရ ယူအသုံးပြုတဲ့သုံးစွဲသူတွေအနေနဲ့ကတော့ အနည်းဆုံး ၂၁ရက် ၀န်ဆောင်မှုရယူထားပြီးတာနဲ့ ပါဝင်ခွင့်ရမှာဖြစ်ပါတယ်။ တစ်ပတ်ချင်းပေးစနစ်နဲ့ ရယူသုံးစွဲထားသူတွေကတော့ အနည်းဆုံး ၃ပတ် ဆက်တိုက်ဝန်ဆောင်မှု ရယူထားပြီးတာနဲ့ ပါဝင်ခွင့်ရမှာပါ။

၄။ ဒီဝန်ဆောင်မှုကို ဘယ်လိုရယူနိုင်မလဲ။

သုံးစွဲသူတွေအနေနဲ့ ဒီဝန်ဆောင်မှုကို ရယူချင်တယ်ဆိုရင်
(၁) bs.lotayamm.com ကနေ တိုက်ရိုက်ရယူနိုင်သလို
(၂) 8118 ကို DL ဆိုပြီး SMS ပေးပို့ခြင်းဖြင့်လည်း ဒေါင်းလုတ်လင့်ကိုရယူနိုင်ပါတယ်။
(၃) Google Play Store ကနေ လည်း ရယူနိုင်ပါတယ်။
အက်ပလီကေးရှင်းကို ဒေါင်းလုတ်လုပ်ပြီးပြီဆိုရင်တော့ ဘောလုံးစတားအက်ပလီကေးရှင်းကို စတင်သုံးစွဲဖို့ MPT အသုံးပြုသူတွေက လွယ်လွယ်ကူကူစာရင်းသွင်းနိုင်ပါပြီ။ စာရင်းသွင်းပြီးတာနဲ့ ဒီအက်ပလီကေးရှင်း ကို နေ့စဉ်(သို့)အပတ်စဉ် ဝန်ဆောင်ခပေးစနစ်နဲ့ ရယူနိုင်မှာဖြစ်ပြီး သုံးစွဲသူတွေက ကိုယ့်စိတ်ကြိုက်ပုံစံနဲ့ ရယူနိုင်မှာပါ။ နေ့စဉ်ဝန်ဆောင်ခအတွက် ၁၀၅ ကျပ်(ကုန်သွယ်ခွန်ပါပြီး) နဲ့ အပတ်စဉ်အတွက် ၅၂၅ ကျပ် (ကုန်သွယ်ခွန်ပါပြီး) ကျသင့်မှာပါ။

၅။ ဒီအစီအစဉ်က ဘယ်လိုပုံစံမျိုးပါလဲ။

ဒီပရိုမိုးရှင်းအစီအစဉ်မှာပါဝင်နိုင်ဖို့အတွက် ဘောလုံးစတားအက်ပလီကေးရှင်းကို နေ့စဉ်ဝန်ဆောင်ခပေးစနစ်နဲ့ အသုံးပြုသူတွေက ၂၁ ကြိမ်အသုံးပြုထားပြီးအခြေအနေနဲ့ အပတ်စဉ်ဝန်ဆောင်ခပေးစနစ်နဲ့ ၃ ကြိမ်အထိ ပရိုမိုးရှင်း ကာလ (ဇွန်လ ၁၂ရက် ၂၀၁၈ မှ သြဂုတ်လ ၁၂ရက် ၂၀၁၈)အတွင်း ပါဝင်အသုံးပြုထားဖို့လိုပါတယ်။

၆။ ဘောလုံးစတားအက်ပလီကေးရှင်းအတွက် ဒီပရိုမိုးရှင်းအစီအစဉ်ရဲ့ အထူးဆုကဘာများလဲ။

အထူးဆုကတော့ အခွန်ဆောင်ပြီးသား KIA Picanto ကားအသစ်တစ်စီးဖြစ်ပါတယ်။

၇။ ဒီကားကရော ပိုင်ရှင်အမည်ပေါက်နဲ့ လိုင်စင်ပြုလုပ်ပေးမှာလား။

ကံထူးရှင်ရွေးချယ်ပြီးလို့ ကြေညာပြီးတာနဲ့ ကံထူးရှင်ရဲ့ နာမည်နဲ့ အမည်ပေါက် လိုင်စင်ပြုလုပ်ပေးမှာပါ။ ဒီအတွက် အခကြေးငွေနောက်ထပ်တစ်စုံတစ်ရာ ပေးချေဖို့လိုအပ်မှာမဟုတ်ပါဘူး။

၈။ ဘယ်လိုပုံစံမျိုးနဲ့ ဘယ်အချိန်မှာ ကံထူးရှင်ကို ရွေးချယ်ပေးမှာပါလဲ။ ကံထူးရှင်ကို ဘယ်လိုပုံစံမျိုးနဲ့ သိခွင့်ရနိုင်မလဲ။

ကံထူးရှင်ကိုတော့ လာမယ့် သြဂုတ်လကုန်တွင် ရွေးချယ်မှာဖြစ်ပြီးတော့ MPT ရုံးချုပ်နဲ့ သက်ဆိုင် ခြင်းမရှိတဲ့ ပြင်ပပုဂ္ဂလိက စာရင်းစစ်အဖွဲ့ကနေ MPT ရုံးချုပ်မှာပဲ ရွေးချယ်ပေးသွားမှာပါ။ စာရင်းစစ်အဖွဲ့က ရွေးချယ်ပြီး လို့ ကံထူးရှင်ကိုသိရပြီဆိုတာနဲ့ တစ်ပြိုင်နက် ကံထူးရှင်ဖြစ်သူဆီကို ဆက်သွယ်ပေးသွားမှာဖြစ်သလို MPT နဲ့ ဘောလုံး စတားအက်ပလီကေးရှင်းရဲ့ တရားဝင်ဖေ့စ်ဘွတ်စာမျက်နှာပေါ်မှာလည်း ကံထူးရှင်ကို ပွင့်လင်းမြင်သာစွာ ဖေပြပေး သွားမှာပါ။

ပရိုမိုးရှင်းစည်းမျဉ်းများ

၁။ MPT ဖုန်းနံပါတ်ဖြင့် ဘောလုံးစတား နေ့စဉ် (သို့မဟုတ်) အပါတ်စဉ် ဝန်ဆောင်မှုအား ရယူထားရမည်ဖြစ်သည်။
၂။ ပရိုမိုးရှင်းကာလမှာ (၁၂/၆/၂၀၁၈) မှ (၁၂/၈/၂၀၁၈) အထိဖြစ်ပါသည်။
၃။ ဝန်ဆောင်မှု ရယူထားသူမည်သူမဆို သတ်မှတ်ထားသောပရိုမိုးရှင်းရက်အတွင်း ဝန်ဆောင်မှု အကြိမ်အရေအတွက်အား ရေတွက်သွားမှာဖြစ်ပါသည်။
၄။ ဘောလုံးစတားဝန်ဆောင်မှုကို တစ်ရက်ဝန်ဆောင်မှု ရယူထားသူ များအတွက် အနည်းဆုံး၂၁ ကြိမ်၊ တစ်ပတ်ဝန်ဆောင်မှု ရယူထားသူူ များအတွက် အနည်းဆုံး ၃ ကြိမ်ငွေပေးချေအသုံးပြုထားသူများအား ပရိုမိုးရှင်းအစီအစဉ်မှာပါဝင်ပြီးဖြစ်ပါမည်။ (သို့မဟုတ်) ဝန်ဆောင်ခ ၂၁ ကြိမ်နှင့် ညီမျှသော ငွေပေးချေထားသူများ အားလုံးပါဝင်နိုင်မည်ဖြစ်ပါသည်။
၅။ ဘောလုံးစတား နှင့် MPT မှ ဝန်ထမ်းများကိုပရိုမိုးရှင်းအစီအစဉ်တွင် ပါဝင်ခွင့်ပြုမည်မဟုတ်ပါ။
၆။ အကယ်၍ တစ်စုံတစ်ရာ ကွဲလွဲချက်များ ရှိပါက MPT နှင့် ဘောလုံးစတားတို့ ၏ ဆုံးဖြတ်ချက်အတိုင်းသာ လိုက်နာရပါမည်။
၇။ ကံထူးရှင်အား MPT ရုံးချုပ်တွင် (MPT ရုံးချုပ်နှင့် သက်ဆိုင်ခြင်းမရှိသော) ပြင်ပပုဂ္ဂလိက စာရင်းစစ်အဖွဲ့၏ အကူအညီနှင့် အတူ ရွေးချယ်ပေးသွားမည်ဖြစ်သည်။ ကံထူးရှင်ရွေးချယ်ပြီးသည်နှင့် တစ်ပြိုင်နက် ကံထူးရှင်ဖြစ်သူဆီကို ဆက်သွယ်ပေးသွားမှာဖြစ်သလို MPT နှင့် ဘောလုံး စတားအက်ပလီကေးရှင်းတို့၏ တရားဝင်ဖေ့စ်ဘွတ်စာမျက်နှာများမှ တဆင့် ကံထူးရှင်အား ပွင့်လင်းမြင်သာစွာ ဖော်ပြပေး သွားမှာပါသည်။
၈။ ကံစမ်းမဲ အစီအစဉ်အား အသေးစိတ်သိရှိလိုပါက http://www.ballonestar.com/promotion/ (သို့) ၀၉၄၅၅၅၀၀၈၈၀၊ ၀၉၄၅၅၅၀၀၄၄၀ သို့ စုံစမ်းသိရှိနိုင်ပါသည်။

MPT က ဘောလုံးစတားအက်ပလီကေးရှင်းသုံးစွဲသူများအတွက် ကားအသစ်တစ်စီး ရယူနိုင်မည့် အထူးအစီအစဉ်ကို စတင်

(ရန်ကုန်၊ ၂၀၁၈ခုနှစ် ဇွန်လ ၁၂ ရက်)- မြန်မာ့ဦးဆောင်ဆက်သွယ်ရေးအော်ပရေတာ MPT က ဘောလုံးချစ်သူ များအတွက် ကျေးဇူးတုံ့ပြန်သည့်အနေဖြင့် ဘောလုံးစတားအက်ပလီကေးရှင်း၏ အထူးအစီအစဉ်ကို ယနေ့စတင် မိတ်ဆက်လိုက်သည်။ ယခုကံစမ်းမဲအစီအစဉ်တွင် KIA Picanto 2018 မော်ဒယ် ကားအသစ် တစ်စီးကို ကံစမ်းနိုင်မည်ဖြစ်ပြီး သုံးစွဲသူများအနေ နှင့် ပရိုမိုးရှင်းကာလဖြစ်သည့် ၂၀၁၈ ခုနှစ် ဇွန်လ ၁၂ရက်မှ သြဂုတ် ၁၂ရက်နေ့အတွင်း MPT ဖုန်းနံပါတ်ဖြင့် ဘောလုံးစတားအက်ပလီကေးရှင်းဝန်ဆောင်မှုအား ရယူထားရမည်ဖြစ်ပါသည်။

MPT-KSGM Joint Opearations ၏ စီးပွားရေးရာဌာနကြီးမှ အရာရှိချုပ်ဖြစ်သူ Mr. Reizo Umeda က “ဘောလုံးစတားမိုဘိုင်းလ်အက်ပလီကေးရှင်းကို အသုံးပြုကြတဲ့ MPT ဘောလုံးချစ်သူတွေအတွက် စိတ်လှုပ်ရှားစရာ ကောင်းတဲ့ အစီအစဉ်ကို မိတ်ဆက်ပေးနိုင်လို့ အရမ်းဂုဏ်ယူမိပါတယ်။ ကျွန်တော်တို့ရဲ့ သုံးစွဲသူတွေက ကိုယ်ကြိုက်တဲ့ နိုင်ငံတကာက ဘောလုံးအသင်းတွေ၊ ကစားသမားတွေအကြောင်းတွေကို အမြဲမပြတ် ထိတွေ့နိုင်မှာဖြစ်သလို များပြားလှတဲ့ အကြောင်းအရာတွေကို ဖတ်ရှုခံစားရင်း KIA ကားအသစ် ပိုင်ဆိုင်မယ့် အခွင့်အရေးကိုလည်း ရနိုင်မှာဖြစ်ပါတယ်” ဟု ပြောကြားခဲ့သည်။

ဘောလုံးစတားအက်ပလီကေးရှင်း ဖန်တီးထားသည့် ထွဋ်ကုမ္ပဏီ၏ မန်နေဂျင်းဒါရိုက်တာ ဦးဝေဖြိုးထွဋ်က “MPT နဲ့ ပူးပေါင်းပြီး ဖန်တီးထားတဲ့ ဘောလုံးစတား အက်ပလီကေးရှင်းမှာ မြန်မာဘာသာစကားနဲ့ နောက်ဆုံးရသတင်း တွေကို အွန်လိုင်းပေါ်ကနေ သက်တောင့်သက်သာ ဖတ်ရှုနိုင်မှာဖြစ်ပါတယ်။ ဘောလုံးစတားကို သုံးစွဲသူတွေ အတွက် လွယ်လွယ်ကူကူသုံးနိုင်တဲ့ ပလက်ဖောင်းတစ်ခုအဖြစ်ဖန်တီးထားပါတယ်။ ပရိုမိုရှင်းအစီအစဉ်ကနေ တစ်ဆင့် မိုဘိုင်းလ်ဖုန်းပေါ်မှာတင် ကမ္ဘာ့ဘောလုံးသတင်းတွေကို ထူးထူးခြားခြားဘယ်လိုဖော်ပြထားလဲ ဆိုတာကို သုံးစွဲသူတွေ လေ့လာနိုင်မယ်လို့ ကျွန်တော်တို့ မျှော်လင့်ထားပါတယ်” ဟု ပြောကြားခဲ့သည်။

ယခုဝန်ဆောင်မှုကို စတင်ရယူသူများအတွက် တစ်ပတ်တာအခမဲ့သုံးစွဲခွင့်ကို ပေးအပ်သွားမည်ဖြစ်ပြီး ရက်သတ္တပတ်ကျော်လွန်ပါက တစ်ရက်လျှင် ၁၀၅ကျပ်နှုန်းဖြင့် ရယူအသုံးပြုနိုင်မည်ဖြစ်သည်။ ပရိုမိုးရှင်း အစီအစဉ်အတွင်း ပါဝင်လိုသည့် သုံးစွဲသူများအနေဖြင့် ပရိုမိုးရှင်းကာလတွင် တစ်ရက်တာဝန်ဆောင်မှုကို အနည်းဆုံး ၂၁ ကြိမ် (သို့မဟုတ်) တစ်ပတ်တာဝန်ဆောင်မှုကို အနည်းဆုံး ၃ကြိမ် (သို့မဟုတ်) စုစုပေါင်း ၂၁ရက်စာ ဝန်ဆောင်မှုအား ရယူ၍ ပါဝင်နိုင်မည်ဖြစ်သည်။ ကံထူးရှင်ကို ပြင်ပရှိ လွတ်လပ်သော ပုဂ္ဂလိက စာရင်းစစ်အဖွဲ့ကတစ်ဆင့် MPT ရုံးချုပ်၌ ရွေးချယ်ပေးသွားမည်ဖြစ်ပြီး ၂၀၁၈ ခုနှစ် သြဂုတ်လကုန်တွင် သတင်းထုတ်ပြန်သွားမည်ဖြစ်သည်။

MPT သုံးစွဲသူများသာ သီးသန့်ရယူနိုင်မည့် ဘောလုံးစတားအက်ပလီကေးရှင်းမှာ ဘောလုံးအားကစားကိုနှစ်သက်ကြသူများ တစ်ထိုင်တည်းရယူအသုံးပြုနိုင်မည့် အွန်လိုင်းဝန်ဆောင်မှု လည်းဖြစ်သည်။ ကမ္ဘာ့ဘောလုံးအသင်းများ၊ ကစားသမားများနှင့် နောက်ဆုံးရသတင်းများကို အဆင်သင့် ဖတ်ရှုနိုင်ရန် ဆောင်ရွက်ထားပြီး လွယ်ကူရိုးရှင်းသည့်ပုံစံကြောင့် ဗီဒီယိုများ၊ ပွဲချိန်စာရင်း၊ ဒဏ်ရာရကစားသမား ဂိုးရလဒ်များနှင့် ပွဲကြိုခန့်မှန်းချက်များကဲ့သို့သော သီးသန့်အကြောင်းအရာများကို မိုဘိုင်းလ်ဖုန်းပေါ်တွင် အလွယ်တကူဖတ်ရှုနိုင်မည်ဖြစ်သည်။

Android သုံးစွဲသူများအနေဖြင့် ဘောလုံးစတားအက်ပလီကေးရှင်းကို ဒေတာသုံးစွဲရန်မလိုအပ်ဘဲ လိုတရ (http://bs.lotayamm.com/ )တွင် ဒေါင်းလုတ်ရယူနိုင်မည်ဖြစ်ပြီး 8118 သို့ “DL”ဟု SMS ပေးပို့ခြင်းဖြင့်လည်း ဒေါင်းလုတ်လင့်ခ်ကို ရယူနိုင်မည်ဖြစ်သည်။ ဘောလုံးစတားအက်ပလီကေးရှင်းနှင့်ပတ်သက်၍သိရှိလိုပါက 106 သို့မဟုတ် Customer Service Team ဖုန်းနံပါတ် ၀၉၄၅၅၅၀၀၄၄၀ သို့မဟုတ် ၀၉၄၅၅၅၀၀၈၈၀ သို့ ဆက်သွယ် ခေါ်ဆိုမေးမြန်းနိုင်ပါသည်။

မြန်မာနိုင်ငံတစ်ဝှမ်းရှိ အမာခံ ဘောလုံးအားကစား ပရိသတ်များအတွက် MNL အသင်းများ၏ နောက်ဆုံးရသတင်းများ၊ ဂိုးရလဒ်များနှင့် ပွဲစဉ်အခြေအနေများကို ဖော်ပြပေးမည့် အက်ပလီကေးရှင်းအသစ်ကို MPT စတင်မိတ်ဆက်

(ရန်ကုန်၊ ၂၀၁၈ ခုနှစ်၊ ဇွန်လ ၅ ရက်)- မြန်မာ့ဦးဆောင်ဆက်သွယ်ရေးအော်ပရေတာ MPT က မြန်မာနေရှင်နယ်လိဂ် (MNL) နှင့် ပူးပေါင်း၍ နိုင်ငံတွင်း ရေပန်းစားလူကြိုက်များသည့် ထိပ်တန်းလိဂ် ပွဲစဉ်များ၏ နောက်ဆုံးရသတင်းများ၊ ပွဲစဉ်များ၊ ဂိုးရလဒ်နှင့် ပွဲစဉ်သုံးသပ်ချက်များကို ဖော်ပြပေးမည့် MPT MNL ဘောလုံးအက်ပလီကေးရှင်းကို စတင်မိတ်ဆက်လိုက်ကြောင်း ယနေ့ သတင်းထုတ်ပြန် လိုက်သည်။

နိုင်ငံ့အကောင်းဆုံးလိဂ်များအကြောင်းနှင့် ပြည်တွင်းဘောလုံးလောက၏ စိတ်လှုပ်ရှားဖွယ်ရာ တိုးတက်မှုများ ကို ပရိသတ်များ ရှေ့မှောက်သို့ ဆောင်ယူလာပေးမည့် အက်ပလီကေးရှင်းအသစ်ကို Google Play စတိုးနှင့် MPT လိုတရ ဝက်ဘ်ဆိုက်မှတစ်ဆင့် ဒေါင်းလုတ်ရယူနိုင်ရုံသာမက *3101# သို့ခေါ်ဆို၍လည်း ဒေါင်းလုတ်လင့်ခ် ကို ရယူနိုင်မည်ဖြစ်သည်။ Continue reading “ မြန်မာနိုင်ငံတစ်ဝှမ်းရှိ အမာခံ ဘောလုံးအားကစား ပရိသတ်များအတွက် MNL အသင်းများ၏ နောက်ဆုံးရသတင်းများ၊ ဂိုးရလဒ်များနှင့် ပွဲစဉ်အခြေအနေများကို ဖော်ပြပေးမည့် အက်ပလီကေးရှင်းအသစ်ကို MPT စတင်မိတ်ဆက်”

MPT MNL Offer FAQs MM

MPT MNL Offer

၁။ MPT MNL application ဆိုသည်မှာဘာလည်း။

MPT MNL application ဆိုသည်မှာ Myanmar National League ဘောလုံးပွဲနဲ့ပက်သက်သော အကြောင်းအရာများ၊ ပွဲစဉ်များ၊ သတင်းများ၊ များ၊ တိုက်ရိုက်ပွဲများ နှင့် အကြိုခန့်မှန်းပြိုင်ပွဲများပါဝင်သော application တခုဖြစ်ပါသည်။

၂။ MPT MNL application ကိုဘယ်တော့စသုံးနိုင်မှာလည်း။

MPT MNL application ကို ၁ရက် ဇွန်လ ၂၀၁၈ မှစ၍အသုံးပြုနိုင်ပါသည်။

၃။ Application အသုံးပြုခ ပေးရမှာလား။

Application အသုံးပြုခပေးစရာမလိုပါ။ Application အသုံးပြုနေစဉ် Internet အသုံးပြုခသာ ပေးရမည် ဖြစ်ပါသည်။

၄။ ဒီ application ကို MPT customers/users များသာ အသုံးပြုလို့ရမှာလား။

MPT ၊ Telenor ၊ Ooredoo ၊ Mytel နှင့် WiFi users အားလုံးအသုံးပြုလို့ရပါသည်။

၅။ Application ကိုဘယ်ကနေ download လုပ်နိုင်ပါသလည်း။

Google play store, Apple store, MPT webpage, Lotaya application and USSD *3101# sms link မှ download လုပ်နိုင်ပါသည်။

၆။ Application မှာပါဝင်သော quiz & game အစီအစဉ် မှာဘာပါလည်း။

Quiz & Game အစီအစဉ်မှာ ဘောလုံး ပြိုင်ပွဲများအားလုံးကို ခန့်မှန်းသော အစီအစဉ် တခုဖြစ်ပါသည်။ အားလုံးမှန်မှအနိုင်ရရှိ၍ တပွဲမှားလျင်ရှုံးမည်ဖြစ်ပါသည်။
Quiz & Game အစီအစဉ်မှာ MPT ဆင်းကဒ် အသုံးပြုသူများ အတွက်သာအကျုံးဝင်ပါသည်။

၇။ ဘောလုံးပွဲများကို ဘယ်နေ့တွေမှာ ကျင်းပ ပါသလည်း။

ဘောလုံးပွဲများကို စနေ နှင့် တနင်္ဂနွေနေ့တွင်ကျင်းပပါသည်။

၈။ ဒီ application တွင် ဘောလုံး ဘယ်နှစ်သင်းပါဝင်ပါသလည်း။

၁၂သင်းပါဝင်ပါသည်။ အား
လုံးမှာ League 1 မှဖြစ်ပါသည်။

၉။ ခန့်မှန်းပြိုင်ပွဲကို ဘယ်အချိန် မှ ဘယ်အချိန်ထိ ဝင်ရောက်ရွေးချယ်နိုင်မလည်း။

ခန့်မှန်းပြိုင်ပွဲ အသင်းများကို တနင်္လာနေ့ ည ၁၂မှ စ၍ စနေနေ့ နေ့လည် ၁၂ ထိ ရွေးချယ်နိုင်ပါသည်။

၁၀။ ဆုရသူများကို ဘယ်လိုရွေးချယ်မှာလည်း။

Game winners များထဲမှ 4 ယောက်ကို ကံထူးရှင် ရွေးချယ်ဆုပေးသွားမည်ဖြစ်ပါသည်။ ပြိုင်ပွဲမှာ တပတ်စာ ၆ပွဲလုံး ခန့်မှန်းရပြီး အားလုံးမှန်မှ အနိုင်ရမည်ဖြစ်ပါသည်။

၁၁။ ဆုရသူစာရင်းကိုဘယ်လိုကြေငြာမှာလည်း။

ဆုရသူစာရင်းကို ဖုန်းခေါ်ပြီး Facebook တွင်လည်းကြေငြာပေးပါမည်။

၁၂။ ဘာဆုတွေ ပေးမှာဘာလည်း။

ဆုများမှာ ငွေကြေးမဟုတ်သော ဘောလုံး အင်္ကျီ ၊ MNL အမှတ်တရ ငွေဖြည့်ကဒ် နှင့်အခြားအဖိုးတန် ပစ္စည်းများဖြစ်ပါသည်။ ဆုပစ္စည်း များသည် အချိန်နှင့်အမျှ ပြောင်းလဲနိုင်ပါပြီး MPT Facebook တွင်အချိန်နှင့်အမျှဖော်ပြပေးသွားပါမည်။

၁၃။ ဆုကိုဘယ်လိုပေးအပ်မှာလည်း။

ဆုများကို တစ်လတစ်ခါ လကုန်ပိုင်းတွင်ပေးသွားပါမည် ကိုယ်တိုင်လာမယူနိုင်ပါက ဆုရရှိသူမှ ကိုယ်စားလှယ်လွှဲစာ နှင့် NRiC copy ကိုပြပြီး ထုတ်ယူနိုင်ပါသည်။