MPT က မျိုးဆက်သစ်မြန်မာဘောလုံးအားကစားသမားများအတွက် ပံ့ပိုးကူညီ

(ရန်ကုန်၊ ၂၀၁၈ ခုနှစ် ဇူလိုင် ၄ ရက်)- မြန်မာ့ဦးဆောင်ဆက်သွယ်ရေးအော်ပရေတာ MPT သည် မြန်မာနိုင်ငံဘောလုံး အဖွဲ့ချုပ်၏ ဦးဆောင်မှု၊ မြန်မာနေရှင်နယ်လိဂ်၊ အခြေခံပညာ ဦးစီးဌာန တို့၏ ပူးပေါင်း ကူညီမှုတို့ကို ရယူကာ ၂၀၁၈ ခုနှစ် MPT U-14 ဘောလုံးပြိုင်ပွဲ ဖွင့်ပွဲအခမ်းအနားကို မန္တလေးမြို့ ဗထူးဘောလုံးကွင်းတွင် စတင်ကျင်းပလိုက်ပြီ ဖြစ်ပါသည်။ ယခုလို အသက် ၁၄ နှစ်အောက် လူငယ် ဘောလုံးပြိုင်ပွဲ ဖွင့်ပွဲအခမ်းအနားနှင့်အတူ မြန်မာနိုင်ငံံတစ်ဝှမ်းရှိ အနာဂတ် မျိုးဆက်သစ် လူငယ်လူရွယ်များ အကြား ကျန်းမာကြံခိုင်သည့် လူနေမှုဘဝကို ရရှိလာစေရန် ရည်ရွယ်၍ MPT Grassroots ဘောလုံးအားကစားပွဲတော် ၂၀၁၈ ကိုလည်း ကျင်းပနေပါသည်။ လူငယ်ဘောလုံးအားကစားသမားများအတွက် အနာဂတ် အခွင့်အလမ်း ကောင်းများ ယူဆောင်ပေးလာရန် MPT အနေနှင့် မြန်မာနေရှင်နယ်လိဂ်နှင့် အတူပူးပေါင်း၍ ယခုလို ဘောလုံးအားကစားပွဲများကို ပံ့ပိုးကူညီပေးလျက်ရှိပြီး မြန်မာ့ဘောလုံးအားကစား ဖွံဖြိုးတိုးတက်ရေးကို အင်တိုက်အားတိုက် အားပေးဆောင်ရွက်နေခြင်းဖြစ်ကာ အဆိုပါ ဖွင့်ပွဲအခမ်းအနားသို့ MPT စီမံရေးရာဌာန အကြီးတန်းအရာရှိများ နှင့် ဒေသခံရုံးခွဲဝန်ထမ်းများလည်း တက်ရောက်ခဲ့ကြပါသည်။

MPT Grassroots ဘောလုံးအားကစားပွဲတော် ၂၀၁၈ ၏ အဓိကရည်ရွယ်ချက်မှာ ကလေးငယ်များ အနေဖြင့် ကိုယ်လက်လှုပ်ရှား အားကစားများတွင် ပိုမိုတက်ကြွစွာ ပါဝင်လာကြစေရန်ဖြစ်ပြီး အထူးသဖြင့် ဘောလုံးအား ကစားတွင် ဝါသနာရင့်သန်လာကြစေရန်လည်း ဖြစ်သည်။ အဆိုပါပွဲတော်တွင် အသက် ၆ နှစ်မှ ၁၂ နှစ်ကြား ကလေးငယ်များ အနေနှင့် ဘောလုံးကို အခြေခံမှစပြီးစနစ်တကျ သိရှိကစားတတ်ရန် အတွက် ပါဝင်ခွင့်ရရှိမည် ဖြစ်ပြီး ၎င်းတို့၏ ဘောလုံးစွမ်းရည်များ ကိုလည်း အများပြည်သူများရှေ့တွင် ပြသခွင့်ရရှိမည် ဖြစ်သည်။ ပွဲတော်ရက် မတိုင်မီကတည်းကပင် ပါဝင်လာသူ ကလေးငယ်များရှိသော ကျောင်းများရှိ ကာယ သင်တန်းဆရာများကိုလည်း အခြေခံ ဘောလုံးကစားနည်း အထူးလေ့ကျင့်မှုများကို နှစ်ရက်တာ တင်ကြို၍ လေ့ကျင့်သင်ကြားထားပေးပြီး ဖြစ်သည်။ ထို့အပြင် MPT အနေဖြင့် ဘောလုံး အားကစားဝတ်စုံများ၊ ဂိုးတိုင်များ၊ လေ့ကျင့်ရေး လုပ်ဆောင်ချိန် ဝတ်ဆင်သည့် အပေါ်ထပ်အင်္ကျီနှင့် ဘောလုံးကန် လေ့ကျင့်ရာတွင် အသုံးပြုသည့် ကတော့ချွန်ပုံ တိုင်ငယ်များ စသည်တို့ အပါအဝင် သက်ဆိုင်ရာကျောင်းများရှိ အသင်းအဖွဲ့များ အလိုက် လေ့ကျင့်ရေး သင်ထောက်ကူပစ္စည်း အပြည့်အစုံကိုလည်း ပံ့ပိုးကူညီပေးခဲ့သည်။ ယခု ကျင်းပပြုလုပ်သည့် မန္တလေးမြို့ရှိ ဖွင့်ပွဲနှင့်အတူ လာမည့် ၆ လအတွင်း ၂၀၁၈ ခုနှစ်အတွက် MPT Grassroots ဘောလုံးအားကစားပွဲတော်များကို မန္ကလေး၊ မုံရွာ၊ ပဲခူး၊ မော်လမြိုင်၊ စစ်တွေ၊ ပုသိမ်၊ ရန်ကုန် နှင့် တောင်ကြီး စသည့် ပြည်နယ်နှင့်တိုင်း ၈ ခုရှိ ဘောလုံးကွင်းများတွင် ကျင်းပပြုလုပ်သွားမည် ဖြစ်ပါသည်။

၂၀၁၈ ခုနှစ် MPT U-14 ဘောလုံးပွဲစဉ်များကို တိုင်းနှင့်ပြည်နယ် ၈ ခုတွင် ကျင်းပသွားမည်ဖြစ်ပြီး မန္တလေးတိုင်း ဒေသကြီးတွင် အသင်း ၁၂ သင်းက အုပ်စု ၄ စုခွဲကာ ဇူလိုင်လ ၅ ရက် မှ ၁၀ ရက် အတွင်း စတင်၍ အုပ်စု ပတ်လည် ခြေစွမ်းပြ ယှဉ်ပြိုင်သွားကြမည် ဖြစ်သည်။ အဆိုပါအုပ်စုတစ်စုချင်းစီမှ အနိုင်ရရှိသည့် အသင်းများက ဇူလိုင်လ ၁၂ ရက်တွင် ဆီမီးဖိုင်နယ်ပွဲစဉ်ကို ယှဉ်ပြိုင်ရမည်ဖြစ်ပြီး ဗိုလ်လုပွဲစဉ်နှင့် ကျန်ရှိနေသည့် အသင်း နှစ်သင်း၏ တတိယနေရာလုပွဲကို ဇူလိုင်လ ၁၄ ရက်နေ့တွင် ကျင်းပသွားမည်ဖြစ်သည်။

MPT-KSGM Joint Operations ၏ Chief Commercial Officer ဖြစ်သူ Mr. Reizo Umeda က “ ကျွန်တော်တို့ရဲ့ “ နှလုံးသားထဲကမြန်မာ” ဆိုတဲ့ ဆောင်ပုဒ်အတိုင်း စိတ်အားထက်သန်တဲ့ လူငယ် ကစားသမားလေးတွေအတွက် သူတို့ရဲ့ အကန့်အသတ်မဲ့ စွမ်းရည်တွေကို ဖော်ထုတ်ပြီး ကျွမ်းကျင်မှုပြည့်ဝတဲ့ ကစားသမားဖြစ်ရမယ်ဆိုတဲ့ အိပ်မက်တွေကို ဖြစ်ထွန်းအောင်မြင်နိုင်ဖို့အတွက် အခုလို အထောက်အပံ့ ပြုနိုင်လိုက်တဲ့အပေါ်မှာ အလွန်ပဲ ဂုဏ်ယူမိပါတယ်။ မြန်မာလူငယ်တွေရဲ့ ဘောလုံးစွမ်းရည်တွေ အနာဂတ်မှာ ပိုပိုပြီး ပြည့်ဝလာဖို့နဲ့ မြန်မာတို့ရဲ့ သည်းခြေကြိုက်ကစားပွဲတွေကို ပိုပြီး စိတ်လှုပ်ရှား တက်ကြွဖွယ်ရာ မြှင့်တင် လုပ်ဆောင်နိုင်ဖို့ ကျွန်တော်တို့အနေနဲ့ ဦးတည်ဆောင်ရွက်နေတာလည်း ဖြစ်ပါတယ်။” ဟု ပြောကြားသည်။

MNL ၏ အမှုဆောင်အရာရှိချုပ် ဦးစိုးမိုးကျော်က “Grassroots အဆင့်ရဲ့အဓိက အရေးကြီးဆုံးအပိုင်းက ကလေးငယ်တွေရဲ့ စိတ်ထဲမှာ ဘောလုံးကို ဘယ်လို ကစားရပါလား ဆိုတဲ့ အသိလေး သွင်းပေးတာ ဖြစ်ပါတယ်။ ပြောရရင် ဘောလုံးပိုး သွင်းပေးတာပေါ့။ ယူ-၁၄ အဆင့်ကတော့ လက်ရွေးစင် အသင်းအဆင့်ဆင့်နဲ့ အကယ်ဒမီတွေမှာ ကစားသမားမွေးမြူတဲ့ အဆင့်ဖြစ်ပြီး ဒီပြိုင်ပွဲကနေ အရည်အသွေးရှိတဲ့ ကစားသမားကောင်း လေးတွေ များစွာ ထွက်ပေါ်လာဖို့ ရည်ရွယ်ထားပါတယ်။ ၃နှစ်ကြာ MPT နဲ့ လက်တွဲပြီး အကောင်းဆုံး ကူညီပံ့ပိုးထားတဲ့ ပွဲတော်ကို ဦးစီးကျင်းပနိုင်လို့ အရမ်းပဲ ဝမ်းမြောက်မိပါတယ်။ MNL အနေနဲ့ MPT ကို လှိုက်လှိုက်လှဲလဲှ ကျေးဇူးတင်အသိအမှတ်ပြုပြီး လာမယ့် အနာဂတ်မှာ မြန်မာ့ဘောလုံးလောကရဲ့ တိုးတက်လာတဲ့ ပြယုဂ်ကို မြင်တွေ့ရနိုင်မှာဖြစ်ပါတယ်”ဟု ပြောကြားခဲ့သည်။

Grassroots ပွဲတော်တွင်ပါဝင်ခဲ့သည့် မန္တလေးရှိ အ.ထ.က (၁၈) မှ ၁၂ နှစ်အရွယ် ကျောင်းသားဖြစ်သူ မောင်နိုင်လင်းအောင်ကလည်း “ ခုလိုပါခွင့်ရတာကို အရမ်းကိုပျော်ရွှင်ပါတယ်။ ဘောလုံးကိုလဲ တကယ်ပဲ စိတ်ဝင်စားပါတယ်။ ကြီးလာရင်တော့ မြန်မာနိုင်ငံအသင်းမှာ ဝင်ပြီးတော့ ကန်ချင်ပါတယ် ” ဟု ပြောသည်။

ပြီးခဲ့သည့်နှစ် ဒီဇင်ဘာလမှစတင်၍ MPT မှ မြန်မာနေရှင်နယ်လိဂ်နှင့်အတူ ပူးပေါင်း၍ မြန်မာ့ဘောလုံး အားကစားကို ပိုမိုမြှင့်တင်ရန်နှင့် ဘောလုံးအားကစားသမားများအတွက် ထောက်ပံ့ကူညီမှုများကို လုပ်ဆောင်ခဲ့ ခြင်းဖြစ်သည်။ “ နှလုံးသားထဲကမြန်မာ” ဟူသော MPT ၏ ဆောင်ရွက်ချက်ထဲမှ အစိတ်အပိုင်း တစ်ခုအဖြစ် MPT မှ မြန်မာနေရှင်နယ်လိဂ် နှင့် ပူးပေါင်းကာ အရည်အချင်းရှိသည့် ကလေးငယ်များကိုဖော်ထုတ်ခြင်း၊ တက္ကသိုလ်ဘောလုံးပြိုင်ပွဲများ နှင့် မြန်မာနိုင်ငံတစ်ဝန်းမှ နိုင်ငံသားများအားလုံးအတွက် ကျန်းမာကြံ့ခိုင်သည့် လူနေမှုဘဝကို အထောက်အကူပြုစေမည့် ပြိုင်ပွဲများစွာကို ယခုလို သုံးနှစ်တာကာလအတွင်း ပူးပေါင်း လုပ်ဆောင်နေခြင်း ဖြစ်သည်။

သုံးစွဲသူများကို ကျေးဇူးတုံ့ပြန်သည့် MPT Club အစီအစဉ်အတွက် MPT က ကုန်အမှတ်တံဆိပ် ၃ခုနှင့် ထပ်မံပူးပေါင်း

(ရန်ကုန်၊ ၂၀၁၈ ခုနှစ် ဇူလိုင်လ ၃ရက်)- မြန်မာ့ဦးဆောင်ဆက်သွယ်ရေးအော်ပရေတာ MPT မှ MPT Club အစီအစဉ်အတွက် မင်္ဂလာရုပ်ရှင်ရုံ၊ rgo47၊ Yangon Waterboom တို့နှင့် ထပ်မံပူးပေါင်းလိုက်ပြီဖြစ်ကြောင်း ယနေ့တွင် သတင်းထုတ်ပြန်လိုက်သည်။ ထိုသို့ပူးပေါင်းမှုကြောင့် သုံးစွဲသူများအနေဖြင့် MPT Club မှ တစ်ဆင့် တန်ဖိုးရှိပြီး နှစ်သက်ဖွယ် ကောင်းသည့် ဆုလက်ဆောင်များကို ပိုမို ရရှိနိုင်တော့မည် ဖြစ်ပါ သည်။

MPT Club အဖွဲ့ဝင်များအနေဖြင့် နာမည်ကြီး အွန်လိုင်းစတိုး rgo47 တွင် ကျပ် ၁,၀၀၀ တန်ဖိုးနှင့်ညီမျှသည့် ပစ္စည်းဝယ်ယူမှုတိုင်းအတွက် ၈ ပွိုင့် ရရှိမည်ဖြစ်သည်။ ရေကမ္ဘာအပန်းဖြေဥယျာဉ်ကို နှစ်သက်ကြသည့် MPT သုံးစွဲသူများအတွက်မူ Yangon Waterboom တွင် လစဉ် ၅ရက်၊ ၁၅ရက်နှင့် ၂၅ရက်နေ့များ၌ ဝင်ခွင့်လက်မှတ် ၁၀စောင် ဝယ်ယူမှုတိုင်းအတွက် လက်မှတ်တစ်စောင်ကို အခမဲ့ ရရှိမည်ဖြစ်ပြီး မင်္ဂလာရုပ်ရှင်ရုံတွင်လည်း MPT Club အဖွဲ့ဝင်များအနေဖြင့် သရေစာမုန့်များနှင့် အအေးကူပွန်လက်မှတ်များကို အထက်ပါရက်များအတွင်း MPT ၏ Lucky Five ပရိုမိုးရှင်းအစီအစဉ်အဖြစ် ရရှိနိုင်ကြမည် ဖြစ်ပါသည်။

MPT-KSGM Joint Operations ၏ Chief Commercial Office ဖြစ်သူ Mr. Reizo Umeda က “MPT ရဲ့ ဆက်သွယ်ရေးဝန်ဆောင်မှုတွေအပြင် သုံးစွဲသူတွေရဲ့ လူနေမှုဘဝတွေ ပိုပိုပြီးတိုးတက်လာနိုင်မယ့် နည်းလမ်း တွေကို ကျွန်တော်တို့ အမြဲမပြတ် ရှာဖွေနေပါတယ်။ MPT Club ကို မိတ်ဆက်ပေးပြီးတဲ့ နှစ်လတာအတွင်းမှာ အခုလို တိုးချဲ့ဆောင်ရွက်နိုင်ခဲ့တဲ့အတွက်လည်း အရမ်းဝမ်းမြောက်မိပါတယ်။ မြန်မာပြည်က နာမည် ထင်ရှားတဲ့ အမှတ်တံဆိပ်တွေနဲ့ အခုလိုပူးပေါင်းလိုက်နိုင်တဲ့အတွက်လည်း စိတ်လှုပ်ရှားဝမ်းမြောက်မိပါတယ်။ မြန်မာပြည်ရဲ့ အကြီးမားဆုံး ဒီပူပေါင်းဆောင်ရွက်မှုမှတစ်ဆင့် ကျွှန်တော်တို့ရဲ့ ခိုင်မာတဲ့သုံးစွဲသူတွေကို ပျော်ရွှင်မှုတွေ ယူဆောင်လာပေးနိုင်သလို ပြည်တွင်းကုမ္ပဏီတွေအတွက်လည်း ပရိုမိုးရှင်းအသစ်တွေကို ဖော်ဆောင်ပေးနိုင်ခဲ့ပါပြီ”ဟု ပြောကြားခဲ့သည်။

ယခုနှစ် မေလတွင် မိတ်ဆက်ခဲ့သည့် MPT Club မှာ MPT သုံးစွဲသူများအတွက် ကျေးဇူးတင်တုံ့ပြန်သည့် အစီအစဉ်တစ်ခုလည်းဖြစ်သည်။ MPT Club အဖွဲ့ဝင်များအနေဖြင့် MPT ငွေဖြည့်ကတ်များကို အသုံးပြုတိုင်း နှင့် MPT မိတ်ဖက်ဆိုင်များမှ ထုတ်ကုန်နှင့် ဝန်ဆောင်မှုများကို ရယူတိုင်းတွင်လည်း ပွိုင့်များ ရရှိနိုင်မည်ဖြစ်သည်။

သုံးစွဲသူများသည် အခကြေးငွေပေးစရာမလိုဘဲ *345# ကို ခေါ်ဆို၍ MPT Club တွင် ပါဝင်နိုင်မည်ဖြစ်ပြီး ကနဦး ပွိုင့်များလည်း ရရှိမည်ဖြစ်သည်။

စိတ်လှုပ်ရှားဖွယ်ရာ ကျေးဇူးတုံ့ပြန်မှု အစီအစဉ် သို့မဟုတ် အခြားဝန်ဆောင်မှုများနှင့်ပတ်သက်၍ သိရှိလိုပါက Hot Line နံပါတ် ၁၀၆ သို့မဟုတ် MPT တရားဝင် Facebook စာမျက်နှာဖြစ်သည့် www.facebook.com/mptofficialpage တွင် ဆက်သွယ်မေးမြန်းနိုင်ပါသည်။

MPT က Facebook Bonus ပရိုမိုးရှင်းအသစ်ကို စတင်

(ရန်ကုန်၊ ၂၀၁၈ ခုနှစ်၊ ဇူလိုင်လ ၂ ရက်) – မြန်မာ့ဦးဆောင်ဆက်သွယ်ရေးအော်ပရေတာ MPT က Facebook bonus ပရိုမိုးရှင်းကို ယနေ့စတင် မိတ်ဆက်လိုက်ပြီ ဖြစ်ပါသည်။ E top-up သို့မဟုတ် ခဲခြစ်ငွေဖြည့်ကတ်ကို MPT4U အက်ပလီကေးရှင်းမှ တစ်ဆင့် ဖုန်းငွေဖြည့်သွင်းခြင်းဖြင့် သုံးစွဲသူများအနေဖြင့် Facebook ၊ Messenger ၊ Viber ၊ Line နှင့် Instagram အစရှိသည့် လူမှုကွန်ရက်အက်ပလီကေးရှင်းများ အသုံးပြုနိုင်မည့် အထူးဒေတာ လက်ဆောင်များ ရရှိမည်ဖြစ်ပါသည်။ ပရိုမိုးရှင်းကာလမှာ ယနေ့မှစ၍ ဇူလိုင်လ ၃၁ရက်နေ့အထိ အကျုံးဝင်မည် ဖြစ်သည်။

MPT ၏ ကြိုတင်ငွေဖြည့်စနစ်သုံး သုံးစွဲသူများအနေနှင့် အနည်းဆုံး ဖုန်းငွေ ကျပ် ၁,၀၀၀ ဖြည့်သွင်းရုံဖြင့် ဒေတာ လက်ဆောင်များကို ရရှိခံစားနိုင်မည် ဖြစ်သည်။ ရရှိလာမည့် ဒေတာလက်ဆောင်ပမာဏမှာ ဖြည့်သွင်းလိုက် သည့် ငွေပမာဏအပေါ်မူတည်၍ အပြောင်းအလဲ ရှိနိုင်မည်ဖြစ်သည်။ သုံးစွဲသူများအနေနှင့် တစ်ချိန်တည်းတွင် ၅ ကြိမ်အထိ အပိုလက်ဆောင်ကို ရရှိနိုင်မည်ဖြစ်ပြီး ရရှိထားသည့် ဒေတာလက်ဆောင်များကို အသုံးပြုပြီးနောက် သို့မဟုတ် သက်တမ်းကုန်ဆုံးသွားပြီး နောက်ပိုင်းတွင် ဖုန်းငွေဖြည့်သွင်းမှု ထပ်မံပြုလုပ်တိုင်း ဒေတာလက်ဆောင်များကို ထပ်မံ ရရှိခံစားနိုင်မည်ဖြစ်သည်။ ထို့အပြင် သောကြာနေ့တွင် E Top-up ဖြင့် ငွေဖြည့်သွင်းခြင်းဖြင့် Facebook Bonus အပြင် Happy Friday ငွေဖြည့်လက်ဆောင်ကိုပါ MPT သုံးစွဲသူများက ထပ်ဆောင်းရရှိမည် ဖြစ်သည်။

MPT-KSGM Joint Operations ၏ Chief Commercial Officer ဖြစ်သူ Mr. Reizo Umeda က “ကျွန်တော် တို့ရဲ့ နိုင်ငံအနှံ့ကျယ်ပြန့်တဲ့ LTE+ကွန်ရက်ကို အသုံးပြုပြီး သုံးစွဲသူတွေစိတ်ကြိုက် လူမှုကွန်ရက်မီဒီယာတွေကို ပိုမိုချိတ်ဆက်ပေးနိုင်လို့ အလွန်ပဲစိတ်လှုပ်ရှားမိပါတယ်။ မြန်မာနိုင်ငံက အင်တာနက်ကို အမြဲအသုံးပြုနေသူ မိဘ ပြည်သူတွေအနေနဲ့ ဒီဂျစ်တယ်လူမှုဘဝတွေ ပိုမိုတိုးတက်ဖွံ့ဖြိုးလာကြတာနဲ့အညီ ကျွန်တော်တို့ရဲ့ သုံးစွဲသူတွေကို ကမ္ဘာ့နေရာအနှံ့အပြားက သူတို့ရဲ့ မိတ်ဆွေ၊ မိသားစုတွေဆီကို လူမှုကွန်ရက် တွေကနေတစ်ဆင့် ရရှိလာတဲ့ ဒေတာလက်ဆောင်တွေကို သုံးပြီး ပိုပိုပြီးချိတ်ဆက်သွားနိုင်ဖို့ ဆောင်ရွက်ပေး နေတာပဲ ဖြစ်ပါတယ်” ဟုပြောကြားသည်။

MPT ၏ GSM/WCDMA ကြိုတင်ငွေဖြည့်စနစ် (ဆွေသဟာ၊ ရှယ်ပြော၊ ရွှေစကား) သုံးစွဲသူများအားလုံး အဆိုပါ Facebook Bonus အစီအစဉ်တွင် အကျုံးဝင်မည် ဖြစ်သည်။ ရရှိလာမည့် ဒေတာလက်ဆောင်များကို လူမှုကွန်ရက် အက်ပလီကေးရှင်းများဖြစ်သည့် Facebook ၊ Messenger ၊ Viber ၊ Line နှင့် Instagram တို့တွင်သာ အသုံးပြုနိုင်မည် ဖြစ်သည်။ ၁,၀၀၀ ကျပ်အောက်လျော့နည်းသည့် ငွေဖြည့်ခြင်းများအတွက်မူ ဒေတာလက်ဆောင်များ ရရှိမည် မဟုတ်ပါ။ ရရှိလာသည့် ဒေတာလက်ဆောင်များကို ၃ရက်အတွင်း အသုံးပြုနိုင်မည် ဖြစ်သည်။

ဖြည့်သွင်းငွေ ပမာဏ (ကျပ်)ဒေတာလက်ဆောင် (MB)
ခဲခြစ်ကတ်

(MPT4Uမှတစ်ဆင့် ငွေဖြည့်ခြင်း)

E Top-up
၁,၀၀၀50 MB50 MB
၂,၀၀၀100 MB
၃,၀၀၀150 MB150 MB
၄,၀၀၀200 MB
၅,၀၀၀250 MB250 MB
၆,၀၀၀300 MB
၇,၀၀၀350 MB
၈,၀၀၀400 MB
၉,၀၀၀450 MB
၁၀,၀၀၀500 MB500 MB

MPT၏ Facebook bonus အစီအစဉ်အသစ်နှင့် အခြားသော ဝန်ဆောင်မှုများအကြောင်း ပိုမိုသိရှိလိုပါက MPT call center နံပါတ် ၁၀၆ သို့မဟုတ် MPT၏ တရားဝင် facebook page www.facebook.com/mptofficialpage/ သို့ ဆက်သွယ်မေးမြန်းနိုင်ပါသည်။

Coca Cola MPT Refresh Top Up FAQs MM

Coca Cola MPT Refresh Top Up

၁။ MPT brand shops တွေမှာ ဘယ်လို လက်ဆောင်ရနိုင်ပါသလဲ။

Coca Cola မိသားစုဝင်ထုတ်ကုန်တွေရဲ့ဘူးအဖုံးခွံ (၃)ခုကို ယူဆောင်ပြီး ရန်ကုန် နှင့် မန္တလေး ရှိ သတ်မှတ်ထားတဲ့ MPT branded shops ဆိုင် တွေ မှာ e top up နှင့် ငွေ ၅၀၀၀ ကျပ်ဖိုးဖြည့်ရင် (ကော်ဖီခွက်တစ်ခွက်)၊ ၈၀၀၀ကျပ်ဖိုးဖြည့်ရင်(ရေဘူး၁ဘူး)၊ ဆင်းကတ်၁ကတ်နှင့် e top up ၁၀၀၀၀ကျပ်ဖိုးတွဲ ဝယ်လျှင် (ထီးတစ်ချောင်း)၊ ဆင်းကတ်၁ကတ်နှင့် e top up ၂၅၀၀၀ကျပ်ဖိုးတွဲ ဝယ်လျှင် (မိုးကာတစ်ထည်) လက်ဆောင်တွေကိုရရှိမှာဖြစ်ပါတယ်။

ဒါ့အပြင်မိမိနှစ်သက်အားပေးတဲ့နိုင်ငံဘောလုံးအသင်းတွေရဲ့စတစ်ကာအလံတွေကိုပါအပိုထပ်ဆောင်း လက်ဆောင်ရဦးမှာဖြစ်ပါတယ်။

၂။ MPT brand shops တွေမှာ ဘယ်အချိန်ထိ လက်ဆောင်ရနိုင်ပါသလဲ။

ဇွန်လ ၁ရက်နေ့မှ ဇူလိုင်လ ၁၅ရက်နေ့ထိဖြစ်ပါတယ်။

၃။ MPT brand shops ဘယ်နေရာမှာ လက်ဆောင်ရနိုင်ပါသလဲ။

ရန်ကုန် နှင့် မန္တလေး ရှိ သတ်မှတ်ထားတဲ့ MPT branded shops ဆိုင်တွေမှာသာဖြစ်ပါတယ်။