MPT သုံးစွဲသူများအနေဖြင့် Go|Games အက်ပလီကေးရှင်းမှ တစ်ဆင့် ဂိမ်းအမျိုးအစားပေါင်းများစွာကို ရယူနိုင်ပြီ

(ရန်ကုန်၊ ၂၀၁၈ခုနှစ် အောက်တိုဘာလ ၄ ရက်) – MPT က သုံးစွဲသူများထံသို့ Go|Games ဝန်ဆောင်မှုမှတစ်ဆင့် စိတ်ဝင်စားစရာကောင်းသည့် ဂိမ်းအမျိုးအစားပေါင်း ၄၀၀ ကျော်ကို တစ်နေ့လျှင် ၂၀၀ ကျပ်နှုန်းဖြင့် သယ်ဆောင်လာပေးတော့မည်ဖြစ်ကြောင်း ယနေ့သတင်းထုတ်ပြန်သည်။ ယခုဝန်ဆောင်မှုကို Android မိုဘိုင်းလ်ဖုန်းများတွင် ရယူအသုံးပြုနိုင်မည်ဖြစ်ပြီး ဝန်ဆောင်မှုရယူသူတိုင်းက မြန်မာနိုင်ငံ၏ အကျယ်ပြန့်ဆုံး ကွန်ရက်ပေါ်မှတစ်ဆင့်် တိုက်ခိုက်ရေးဂိမ်းများ၊ ဉာဏ်စမ်းပဟေဠိအဖြေရှာရသောဂိမ်းများ၊ ကားမောင်းပြိုင်ပွဲဂိမ်းများ၊ ဗျူဟာကျကျဖြေရှင်းရသည့်ဂိမ်းများ၊ အပျော်တမ်းဂိမ်းများနှင့် အားကစားဂိမ်း အစရှိသည်တို့ကို မည်သည့်အချိန်တွင်မဆို ဆော့ကစားနိုင်မည်ဖြစ်သည်။

အဆိုပါဂိမ်းများတွင် နာမည်ကြီးဂိမ်းအမျိုးအစားများဖြစ်သော Colin McRae Rally၊ Ice Rage၊ Cut The Rope၊ Stupid Zombies 3 နှင့် Talking Tom ၊ Gold Run အစရှိသည်တို့ပါဝင်သည်။

Go|Games ဝန်ဆောင်မှုကို ရယူလိုသူများအနေဖြင့် MPT ဆင်းမ်ကတ်ကို အသုံးပြု၍ MPT ၏ လိုတရ Portal ဖြစ်သည့် http://gg.lotayamm.com/ (သို့) Go|Games Portal http://mm.gogamesapp.com တို့တွင် Go|Games အက်ပလီကေးရှင်းကို မိမိတို့၏ Android ဖုန်းများအတွင်းသို့ ဒေါင်းလုတ်ရယူနိုင်မည် ဖြစ်သည်။ ဒေါင်းလုတ်ပြုလုပ်၍ ဝန်ဆောင်မှုအတွင်းဝင်ရောက်ပြီးသည်နှင့် မာတိကာမှ Join Club သို့ ကလစ်နှိပ် ဝင်ရောက်ခြင်း (သို့) ဂိမ်းတစ်ခုကို စတင်ထည့်သွင်းရန် ဖုန်းတွင်ပြသမည့် လမ်းညွှန်ချက်များအတိုင်း လိုက်ပါဆောင်ရွက်ရမည်ဖြစ်သည်။

ဝန်ဆောင်မှုကိုစာရင်းသွင်းရယူပြီးသည်နှင့် တစ်ပတ်တာ အခမဲ့အသုံးပြုခွင့်ကို ရရှိမည်ဖြစ်ပြီး စိတ်လှုပ်ရှားဖွယ် ရာဂိမ်းအမျိုးအစားများကို ၇ ရက်တာအတွင်း ကုန်ကျမှုမရှိဘဲ စမ်းသပ်ဆော့ကစားနိုင်မည်ဖြစ်သည်။ တစ် ပတ်တာ အခမဲ့ပေးအပ်ချိန်ကုန်ဆုံးသည့်နောက်တွင် သုံးစွဲသူများ၏ ဖုန်းဘီလ်အတွင်းမှ တစ်ရက်လျှင် ၂၀၀ ကျပ်နှုန်းဖြင့် ဝန်ဆောင်ခကို ကောက်ခံသွားမည် ဖြစ်သည်။

MPT-KSGM Joint Operations ၏ စီးပွားရေးဌာနကြီးမှ အရာရှိချုပ်ဖြစ်သူ Mr. Reizo Umeda က “အခုခေတ်မှာ ဘယ်နေရာကိုမဆို ကြည့်လိုက်မယ်ဆိုရင် လူတိုင်းက သူတို့ရဲ့ဖုန်းလေးတွေနဲ့ မိုဘိုင်းလ်ဂိမ်း တွေကို စိတ်ဝင်တစားဆော့ကစားနေတာတွေ့ရမှာပါ။ အခုမိတ်ဆက်လိုက်တဲ့ Go|Games မှာဆိုရင် စိတ်ဝင်စားဖို့ကောင်းတဲ့ ဂိမ်းပေါင်း ၄၀၀ ကျော်ကို ဝန်ဆောင်ခတစ်နေ့ ၂၀၀ ကျပ်ထဲနဲ့ အချိန်အကန့်အသတ်မရှိ ဂိမ်းဆော့နိုင်ကြပါပြီ။ နိုင်ငံရဲ့ ဦးဆောင်အော်ပရေတာဖြစ်တဲ့ MPT ရဲ့ မြန်နှုန်းမြင့် 3G နဲ့ LTE+ ကွန်ရက်ပေါ်ကနေတစ်ဆင့် ဂိမ်းဆော့တဲ့အခါမှာ အထစ်အငေါ့မရှိ စိတ်ချမ်းသာစွာ ဆော့ကစားနိုင်ကြပါပြီ” ဟုပြောကြားသည်။

Go|Games (Goama) သည် အာရှနိုင်ငံတွင်းက ဂိမ်းကစားသူအများဆုံး တစုတစည်းထဲရှိနေသည့် ဂိမ်း ဝန်ဆောင်မှုတစ်ခုဖြစ်ပြီး မြန်မာ၊ ဘင်္ဂလားဒေ့ရှ်၊ သီရိလင်္ကာ၊ မလေးရှား၊ အင်ဒိုနီးရှား၊ အိန္ဒိယ၊ ကမ္ဘောဒီးယား အစရှိသည့် အာရှနိုင်ငံ (၇)နိုင်ငံတွင် ရယူဆော့ကစားနိုင်ကာ လာမည့်နှစ်အတွင်း ဖိလစ်ပိုင်၊ ဗီယက်နမ် နှင့် ထိုင်းနိုင်ငံတို့တွင် ဝန်ဆောင်မှုဖြန့်ကျက်နိုင်ရန် ရည်ရွယ်ထားရှိသည်။

Go|Games ၏ CEO ဖြစ်သူ Mr. Taro Araya က “ MPT နဲ့အတူလက်တွဲပြီး ကျွန်တော်တို့ရဲ့ဝန်ဆောင်မှုကို မြန်မာနိုင်ငံဆီကို ခေါ်ဆောင်လာနိုင်ခဲ့တဲ့အတွက် Go|Games အနေနဲ့ များစွာဂုဏ်ယူဝမ်းမြောက်မိပါတယ်။ MPT ကိုသုံးစွဲနေသူတွေက ကမ္ဘာ့အကောင်းဆုံးမိုဘိုင်းလ်ဂိမ်းတွေကို အထစ်အငေ့ါ မရှိ၊ ကြော်ငြာတွေမပါဘဲ ဈေးကွက်ထဲမှာ သက်သာတဲ့နှုန်းထားနဲ့ ဆော့ကစားရတာကို ကြိုက်နှစ်သက် ကြတယ်ဆိုတာ ကျွန်တော်တို့ သိရှိထားပါတယ်။” ဟု ပြောကြားသည်။

MPT တွင်ရရှိမည့် Go | Games ဝန်ဆောင်မှုနှင့်ပတ်သက်၍ အသေးစိတ်သိရှိလိုပါက www.mpt.com.mm သို့မဟုတ် MPT ၏ လိုတရ Portal http://gg.lotayamm.com/ တွင် ဝင်ရောက်လေ့လာနိုင်ပါသည်။

MPT ၏ မြန်နှုန်းမြင့် LTE+ ကွန်ရက်ကို ၂၀၁၈ ခုနှစ် စက်တင်ဘာလအကုန်တွင် မြို့နယ်ပေါင်း ၂၀၀ ကျော်အထိ တိုးချဲ့ဖြန့်ကျက်နိုင်ခဲ့

(ရန်ကုန်၊ ၂၀၁၈ ခုနှစ် အောက်တိုဘာလ ၃ ရက်) – မြန်မာ့ဦးဆောင်ဆက်သွယ်ရေးအော်ပရေတာ MPT က ၎င်း၏ မြန်နှုန်းမြင့် LTE+ ကွန်ရက်ကို စက်တင်ဘာလအကုန်တွင် မြို့နယ်ပေါင်း ၂၀၀ ကျော်အထိ အလျင်အမြန် ဖြန့်ကျက်ပေးနိုင်ခဲ့ပြီဖြစ်ကြောင်း သတင်းထုတ်ပြန်ကြေညာလိုက်သည်။

MPT-KSGM Joint Operations ၏ စီးပွားရေးဌာနကြီးမှ အရာရှိချုပ်ဖြစ်သူ Mr. Reizo Umeda က “ကျွန်တော်တို့ရဲ့ နောက်ဆုံးပေါ် LTE+ ကွန်ရက်ကို လျင်လျင်မြန်မြန်နဲ့ တိုးချဲ့ဖြန့်ကျက်လာနိုင်ခဲ့တာ အရင်လ အကုန်ထိဆိုရင် မြို့နယ်ပေါင်း ၂၀၀ ကျော်အထိ ဖြန့်ကျက်ချိတ်ဆက်နိုင်ခဲ့ပြီဖြစ်ပါတယ်။ အခုဆိုရင် မိုဘိုင်းလ် ဖုန်းသုံးစွဲသူတွေဟာ 4×4 MIMO နည်းပညာသုံး အဆင့်မြင့်အင်တာနက်ကွန်ရက်ကို အသုံးပြုပြီး ပိုကောင်းတဲ့ အင်တာနက်စွမ်းဆောင်ရည်တွေကို ရရှိနိုင်ကြမှာဖြစ်လို့ အွန်လိုင်းကနေ Download၊ Upload လုပ်တာတွေ၊ ဖျော်ဖြေရေးဝန်ဆောင်မှုတွေကို အွန်လိုင်းကနေ တိုက်ရိုက်နားဆင်တဲ့အခါမှာဖြစ်စေ၊ အွန်လိုင်းဂိမ်းနဲ့ ဆိုရှယ် မီဒီယာအသုံးပြုမှုတွေမှာဖြစ်စေ အရင်နဲ့မတူတဲ့ အမြန်နှုန်းနဲ့လျင်မြန်မှုတွေကို ခံစားနိုင်တော့မှာပါ။ ဒါ့အပြင် ဈေးသက်သာတဲ့ Data Carry Plus ပက်ကေ့ချ်နဲ့ဆိုရင်လည်း MPT ရဲ့ သုံးစွဲသူတွေက မြန်နှုန်းမြင့် LTE+ ကွန်ရက်ပေါ်ကတစ်ဆင့် အကောင်းဆုံးသော အင်တာနက်အသုံးပြုမှုအတွေ့အကြုံတွေကို ရရှိအသုံးပြုနိုင်မှာ ဖြစ်ပါတယ်။” ဟု ပြောကြားသည်။

MPT အနေဖြင့် ကွန်ရက်ဖြန့်ကျက်နိုင်မှုကို ဆက်လက်ဆောင်ရွက်သွားမည်ဖြစ်ပြီး ယခု ၂၀၁၈ ခုနှစ်အကုန်တွင် နိုင်ငံတစ်ဝှမ်းရှိ မြို့နယ်ပေါင်း ၃၀၀ ကျော်အထိ ဖြန့်ကျက်သွားမည်ဖြစ်ပါသည်။

စက်တင်ဘာလတွင် မြန်နှုန်းမြင့် LTE+ ကွန်ရက်ကို မြို့နယ်ပေါင်း ၅၅ မြို့နယ်တွင် ထပ်မံတိုးချဲ့လိုက်ပြီဖြစ်ပြီး စုစုပေါင်း မြို့နယ်ပေါင်း ၂၁၆ မြို့နယ်အထိ ဖြန့်ကျက်ထားနိုင်ပြီဖြစ်သည်။ ကွန်ရက်စနစ်လွှမ်းခြုံထားနိုင်ပြီ ဖြစ်သည့် မြို့နယ်အသစ်မှ သုံးစွဲသူများအနေဖြင့် MPT ၏ အဆင့်မြင့်ကွန်ရက်နည်းပညာကို ခံစားအသုံး ပြုနိုင်ရန် 4G အထောက်အပံ့ပေးမည့် မိုဘိုင်းလ်ဖုန်းအတွင်း MPT ဆင်းမ်ကတ် ထည့်သွင်းအသုံးပြုရန်သာ လိုအပ်မည်ဖြစ်ပါသည်။

LTE+ ကွန်ရက်အသစ်ဖြန့်ကျက်သည့် နေရာအသစ်များ

တိုင်းနှင့်ပြည်နယ်များမြို့နယ်များ
 

ဧရာဝတီ

အင်္ဂပူ
ပန်းတနော်
ငပုတော
ဓနုဖြူ
မအူပင်
မော်လမြိုင်ကျွန်း
ကန်ကြီးထောင့်
 

ပဲခူး (အရှေ့)

ကျောက်တံခါး
အုတ်တွင်း
ကဝ
ထန်းတပင်
ညောင်လေးပင်
သနပ်ပင်
ပဲခူး (အနောက်)

 

 

နတ်တလင်း
ရွှေတောင်
မိုးညို
ပန်းတောင်း
ကြို့ပင်ကောက်
ပဲခူး (အနောက်)

 

မင်းလှ
အုတ်ဖို
သဲကုန်း
ကရင်ကြာအင်းဆိပ်ကြီး
 

မကွေး

သရက်
တောင်တွင်းကြီး
ဂန့်ဂေါ
ပေါက်
မန္တလေးမြင်းခြံ
မြစ်သား
 

မွန်

ကျိုက်မရော
သံဖြူဇရပ်
 

ရခိုင်

ပုဏ္ဏားကျွန်း
မြေပုံ
တောင်ကုတ်
 

စစ်ကိုင်း

မင်းကင်း
ခင်ဦး
ဘုတလင်
စစ်ကိုင်း
ဆားလင်းကြီး
တန့်ဆည်
ဒီပဲယင်း
အင်းတော်
ကသာ
ကောလင်း
ချောင်းဦး
ဝက်လက်
ရေဦး
ကန့်ဘလူ
ဖောင်းပြင်
တမူး
ကျွန်းလှ
ရှမ်းပြည် (မြောက်ပိုင်း)

 

ပင်းတယ
ကွန်ဟိန်း
 

ရှမ်းပြည် (တောင်ပိုင်း)

ကျောက်မဲ
သီပေါ
တန့်ယန်း

အထက်ပါအကြောင်းအရာနှင့်ပတ်သတ်၍ အသေးစိတ်ထပ်မံသိရှိလိုပါက ဖုန်းနံပါတ် 106 သို့မဟုတ် www.mpt.com.mm ၊ MPT ၏ တရားဝင်ဖေ့စ်ဘွတ်စာမျက်နှာဖြစ်သည့် https://www.facebook.com/mptofficialpage တို့တွင် ဝင်ရောက်ကြည့်ရှုနိုင်ပါသည်

Data Usage Web

ဒေတာကုန်ကျမှုပိုမိုသက်သာအောင်ဘယ်လိုလုပ်မလဲ

၁။ Facebook သုံးတဲ့အခါမှာ Video Auto Play ကို ပိတ်ထားမယ်ဆိုရင် ဒေတာ ကုန်ကျမှုကို ပိုမိုသက်သာစေမှာဖြစ်ပါတယ်။

  • အဆင့် (၁) – Facebook မှ Setting ထဲကိုဝင်ပါ။ ပြီးလျှင် “Media and Contacts” သို့ဝင်ပါ။
  • အဆင့် (၂) – Auto Play ကိုနှိပ်ပါ။
  • အဆင့် (၃) – On Wi-Fi Connections Only ကိုရွေးပါ။

၂။ ကိုယ့်ရဲ့ ဖုန်းမှာ Wifi Hotspot ဖွင့်သုံးတဲ့အခါမှာ Password ထည့်ထားမယ်ဆိုရင် ဒေတာကုန်ကျမှုကိုသက်သာစေမှာဖြစ်ပါတယ်။

– Wifi Hotspot Password မရှိတဲ့အခါ အခြားသူတွေက အလွယ်တကူ ချိတ်ဆက်အသုံးပြု နိုင်တဲ့အတွက်ဒေတာတွေပိုမို ကုန်ကျနိုင်ပါတယ်။

၃။ ကိုယ့်ရဲ့ ဖုန်းမှာ Game နဲ့အခြား Application တွေရဲ့ Auto Update တွေကို ဖြုတ်ထားမယ်ဆိုရင် ဒေတာ ကုန်ကျမှုကို ပိုမိုသက်သာစေမှာဖြစ်ပါတယ်။

– Game နဲ့အခြား Application တွေကို Auto Update လုပ်ထားမယ်ဆိုရင် သူ့အလိုအလျောက် Update လုပ်နိုင်တဲ့အတွက် ဒေတာတွေကို ပိုမိုကုန်ကျစေမှာပါ။

၄။ Youtube ကနေ Video တွေကိုကြည့်တဲ့အခါ ဗီဒီယိုကွာလတီကို 360p (သို့မဟုတ်) 480p ကိုရွေးချယ်ပြီး ကြည့်ခြင်းဖြင့် ဒေတာကုန်ကျမှုကို သက်သာစေမှာဖြစ်ပါတယ်။

– Youtube ကနေ Video တွေကိုကြည့်တဲ့အခါ ဗီဒီယိုကွာလတီ ကို လျှော့ချပြီးမကြည့်လျှင် ဒေတာများပိုမိုကုန်ကျနိုင်ပါသည်။

MPT ဝန်ထမ်းများအား ဂျပန်နိုင်ငံသို့ အထူးသင်တန်း တက်ရောက်နိုင်ရန်အတွက် ဒုတိယအကြိမ်မြောက်စေလွှတ်

(ရန်ကုန်၊ ၂၀၁၈ ခုနှစ် စက်တင်ဘာလ ၂၈ ရက်) – မြန်မာ့ဆက်သွယ်ရေးလုပ်ငန်း မှ ဝန်ထမ်းများ လုပ်ငန်းခွင်အတွင်း စွမ်းဆောင်ရည်ပိုမိုမြင့်တက်လာစေရန် နှင့် မြန်မာ့ဆက်သွယ်ရေးကဏ္ဍ ပိုမိုဖွံ့ဖြိုးတိုးတက် စေရန်ဟူသော ရည်ရွယ်ချက်ဖြင့် MPT မှ လက်တွဲဖော်အဖွဲ့အစည်းဖြစ်သည့် ဂျပန်နိုင်ငံ၏ အကြီးမားဆုံးသော ဆက်သွယ်ရေးအော်ပရေတာ KDDI နှင့်ပူးပေါင်းပြီး ဝန်ထမ်းများကို ဂျပန်နိုင်ငံသို့ ဒုတိယအကြိမ် မြောက်အဖြစ် တစ်နှစ်ကြာထပ်မံ စေလွှတ်သွားမည်ဖြစ်ကြောင်း ယနေ့ထုတ်ပြန်ကြေညာလိုက်သည်။ အဆိုပါသင်တန်း အတွက်ဝန်ထမ်းများကို လုပ်ငန်းဌာနအသီးသီးမှ ရွေးချယ်ခဲ့ခြင်းဖြစ်ပြီး စာတွေ့အပြင် လက်တွေ့ကွင်းဆင်း လေ့လာသင်ကြားမှုများလည်း ပါဝင်သွားမည် ဖြစ်သောကြောင့် လုပ်ငန်းခွင်အတွင်း ပြန်လည်အသုံးချနိုင်မည် ဖြစ်ပြီး ၎င်းတို့၏ သက်ဆိုင်ရာလုပ်ငန်းကဏ္ဍ အသီးသီးတွင် ကျွမ်းကျင်ပညာရှင် များအဖြစ် ဆက်လက်လုပ်ကိုင် သွားနိုင်မည်ဖြစ်သည်။

အဆိုပါ သင်တန်းအစီအစဉ်သည် MPT နှင့် ဂျပန်မိတ်ဖက်အဖွဲ့အစည်းများဖြစ်ကြသည့် KDDI Corporation နှင့် Sumitomo Corporation တို့ကြား ပူးပေါင်းဆောင်ရွက်မှု မှတစ်ဆင့် ဖြစ်ပေါ်လာသည့် အသီးအပွင့်များဖြစ်ပြီး ဂျပန်နိုင်ငံ၏ တိုးတက်ပြောင်းလဲနေသည့် နောက်ဆုံးပေါ် ဆက်သွယ်ရေးနည်းပညာများ ကို လေ့လာသင်ယူ ခွင့်ရရှိမည့် အခွင့်အလမ်းကောင်းတစ်ခုလည်း ဖြစ်ပါသည်။ ထို့အပြင် ၎င်းအစီအစဉ်မှတစ်ဆင့် မြန်မာနှင့်ဂျပန် နှစ်နိုင်ငံကြား နည်းပညာနှင့် ပူးပေါင်းဆောင်ရွက်မှုများ နှီးနှောဖလှယ်ခြင်းကို အရှိန်အဟုန်မြှင့် တင်ဆောင် ရွက်နိုင်မည်ဖြစ်သည်။

၂၀၁၈ ခုနှစ် အောက်တိုဘာလ မှ ၂၀၁၉ ခုနှစ် စက်တင်ဘာလ အတွင်း သင်တန်းသားများအနေနှင့် KDDI လုပ်ငန်းရှိ ကမ္ဘာ့တစ်ဝှမ်းမှ နည်းပညာဆိုင်ရာ ကျွမ်းကျင်ပညာရှင်များ နှင့် စက်မှုဆိုင်ရာကျွမ်းကျင်သူများ၏ သင်ကြားပြသမှုအောက်တွင် ဗဟုသုတများ၊ နည်းပညာများကို ကျယ်ကျယ်ပြန့်ပြန့် သိရှိလေ့လာနိုင် မည်ဖြစ်သည်။ သင်တန်းသားများအနေ နှင့် ပထမ (၃) လတွင် ဂျပန်ဘာသာစကားကို လေ့လာသင်ယူကြ ရမည်ဖြစ်ပြီး ယင်းနောက်တွင် သီအိုရီပိုင်း ဆိုင်ရာအသေးစိတ်အချက်အလက်များ၊ လက်တွေ့သင်ကြားမှုများကို KDDI ၏ ထူးချွန်ဝန်ထမ်းများမှ သက်ဆိုင်ရာကဏ္ဍအလိုက် အနီးကပ်သင်ကြားပို့ချသွားမည်ဖြစ်သည်။ အဆိုပါ သင်တန်းတွင် ပါဝင်သော သင်ကြားမှုဘာသာရပ်များမှာ Project management ၊ Marketing ၊ Finance ၊ Business skills and planning၊ လုပ်ငန်းလည်ပတ်မှုအတွက် နည်းပညာဆိုင်ရာကျွမ်းကျင်မှု သင်တန်းအစရှိသော KDDI ဌာနမှ ရွေးချယ်ထားသော သင်တန်းများကို တကယ့်လုပ်ငန်းခွင်အတွင်း သင်ကြားသွားရမည်ဖြစ်သည်။

အဆိုပါ စေလွှတ်သွားမည့် MPT မှ ဝန်ထမ်း ၅ ဦးမှာ Engineering Technical Department မှ ဦးမိုးမင်းစိုး နှင့် ဒေါ်ဇာလီဇင်သိန်း၊ Finance Department မှ ဒေါ်ဇင်မာ၊ Business Planning Commercial Department မှ ဦးဇင်မင်းဦး နှင့် Administrative Department မှ ဒေါ်ခိုင်ဇင်ဦးတို့ဖြစ်ပါသည်။

“ကျွန်မတို့အနေနဲ့ ဂျပန်နိုင်ငံရဲ့ထိပ်တန်း အော်ပရေတာ တစ်ခုဖြစ်တဲ့ KDDI ကိုသွားပြီး သူတို့ရဲ့ဖွံ့ဖြိုး တိုးတက်နေမှုတွေအပြင် ဈေးကွက်အခြေအနေတွေကိုပါ လေ့လာခွင့်ရရှိနိုင်မှာဖြစ်တဲ့အတွက် အရမ်းပဲဂုဏ်ယူ ဝမ်းသာမိပါတယ်။ ကျွန်မတို့အတွက်လည်း အတွေ့ကြုံကောင်းတွေ အများကြီးရမယ့်အပြင် အဲ့ဒီလိုရလာမယ့် အတွေ့ကြုံဗဟုသုတတွေကို ကျွန်မတို့ရဲ့ လုပ်ဖော် ကိုင်ဖက်တွေဆီ ပြန်ပြီးတော့လည်း မျှဝေပေးသွားမှာပါ” ဟု သင်တန်းသူတစ်ဦး ဖြစ်သည့် ဒေါ်ဇာလီဇင်သိန်း ကပြောကြားခဲ့ပါသည်။

မြန်မာ့ဆက်သွယ်ရေးလုပ်ငန်း၏ ဦးဆောင်ညွှန်ကြားရေးမှုးဖြစ်သူ ဦးခင်မောင်ထွန်း က “မြန်မာ့ ဆက်သွယ်ရေးကဏ္ဍ က တကယ့်ကို လျင်လျင်မြန်မြန်နဲ့ တိုးတက်နေသလို တစ်ချို့သော နောက်ဆုံးပေါ် နည်းစနစ်တွေကို ပညာရှင် တွေဆီကနေ လေ့လာ သင်ယူရ မယ့်အပိုင်းတွေ ရှိနေသေးတဲ့အတွက် အခုကျွန်တော်တို့ရဲ့ ဝန်ထမ်းတွေကို စေလွှတ်ရခြင်းဖြစ်ပါတယ်။ ကျွန်တော်တို့အနေနဲ့ အခုလိုသင်တန်း အစီအစဉ်ကို ဒုတိယအကြိမ် အဖြစ်ဆောင်ရွက်နိုင်ခဲ့တဲ့အတွက်အထူးပဲ ဝမ်းသာပီတိဖြစ်ရပါတယ်။ အခုလို အရည်အချင်းရှိသူ တွေအနေနဲ့ သူတို့ရဲ့ စွမ်းရည်တွေကို KDDI မှာအကောင်းဆုံး မြှင့်တင်နိုင်လိမ့်မယ်လို့လည်းကျွန်တော် ယုံကြည်ပါတယ်။ သူတို့ရဲ့ ခိုင်မာတဲ့ဆုံးဖြတ်ချက်နဲ့ ကြိုးစားပမ်းစား ဆောင်ရွက်မှုတွေကတစ်ဆင့် သိသိသာသာ တိုးတက်လာ ကြမှာဖြစ်ပြီး အသစ်ရရှိလာတဲ့ ကျွမ်းကျင်မှု ပညာရပ်တွေနဲ့အတူ MPT ရဲ့ လုပ်ငန်း လည်ပတ်မှုတွေမှာ အသုံးချနိုင်မယ့် အပြင် နိုင်ငံတိုးတက်မှုမှာလည်း အထောက်အပံ့ ဖြစ်စေနိုင်မှာဖြစ်ပါတယ်။ ကျွန်တော်တို့ စီမံခန့်ခွဲရေးအဖွဲ့တွေအနေနဲ့ သူတို့ အကောင်းဆုံး ဆောင်ရွက်နိုင်ပြီး တိုးတက်မှုတွေ ရရှိနိုင်ကြပါစေလို့ ဆန္ဒပြုလိုက်ရပါတယ်” ဟု ပြောကြားသည်။

MPT မှ ဆောင်ရွက်ခဲ့သည့် လူမှုအကျိုးပြုလုပ်ငန်းများ နှင့် အခြားလှုပ်ရှားမှုများ နှင့်ပတ်သက်၍ ပိုမိုသိရှိလိုပါက MPT ၏ တရားဝင် Facebook စာမျက်နှာ www.facebook.com/mptofficialpage/ တွင်ဝင်ရောက်လေ့လာနိုင်ပါသည်။