သြဂုတ်လ ၃၁ ရက်မှစတင်၍ MPT သုံးစွဲသူအားလုံး အင်္ဂလိပ်ပရီးမီးယားလိဂ်ပွဲစဉ်များအား ဝန်ဆောင်ခ ပေးရန်မလိုဘဲ တိုက်ရိုက်ကြည့်ရှုနိုင်ရန် ဆောင်ရွက်ပေးလိုက်ပြီဖြစ်

(ရန်ကုန်- ၂၀၁၉ ခုနှစ်၊ သြဂုတ်လ ၂၉ ရက်) မြန်မာနိုင်ငံ၏ ပထမဦးဆုံးနှင့် ဦးဆောင်ဆက်သွယ်ရေး အော်ပရေတာ ဖြစ်သည့် MPT သည် ၂၀၁၉-၂၀၂၀ ရာသီသစ် အင်္ဂလိပ်ပရီးမီးယားလိဂ်ပွဲစဉ်အားလုံးကို မြန်မာ ဘောလုံးချစ်ပရိသတ်များ မိုဘိုင်းလ်ဖုန်းပေါ်မှ ဝန်ဆောင်ခပေးရန်မလိုဘဲ တိုက်ရိုက်ကြည့်ရှုနိုင်ရန်အတွက် SkyNet နှင့် “Official Telecom Partner” အဖြစ် လက်တွဲဆောင်ရွက်လိုက်ပြီဖြစ်သည်။ MPT အနေဖြင့် ၎င်း၏ ဝန်ဆောင်မှု အသစ်ဖြစ်သော VoD (Video-On-Demand) မှတစ်ဆင့် စိတ်လှုပ်ရှားဖွယ်ရာများကိုလည်း ထပ်မံပေးအပ်သွားမည် ဖြစ်သည်။
အင်္ဂလိပ်ပရီးမီးယားလိပ် (EPL) သည် အအောင်မြင်ဆုံး၊ ယှဉ်ပြိုင်မှုအပြင်းထန်ဆုံးနှင့် ကမ္ဘာပေါ်ရှိ လူကြည့်အများဆုံး ပရော်ဖက်ရှင်နယ် ဘောလုံးပွဲစဉ်များဖြစ်ပြီး ဘောလုံးအားကစားနည်းကို စိတ်ပါ ဝင်စားသူများအားလုံးကို အတူတကွ စုစည်းညီညွတ်စေသည့် ဘောလုံးပွဲစဉ်များလည်း ဖြစ်ပါသည်။ MPT ၏ တန်ဖိုးထားရသော သုံးစွဲသူများသည် ဘောလုံး အားကစားကို စိတ်အားထက်သန်မှု အပြည့်ဖြင့် အားပေးကြသလို ၎င်းတို့ကြိုက်နှစ်သက်သည့် အင်္ဂလိပ်ပရီးမီးယားလိဂ်အဖွဲ့များကို ချစ်ခင်မှုဖြင့်ထောက်ခံ အားပေးနိုင်ရန်အတွက် SkyNet နှင့် MPT တို့ အတူတကွ ပူးပေါင်းပြီး တစ်မူထူးခြားသည့် မိုဘိုင်းလ်ဝန်ဆောင်မှုအသစ်ကို ပေးအပ်လိုက်ခြင်းဖြစ်သည်။
SkyNet နှင့် ပူးပေါင်းဆောင်ရွက်မှုအရ MPT သုံးစွဲသူများသည် တိုက်ရိုက်ထုတ်လွှင့်သည့် အင်္ဂလိပ်ပရီး မီးယားလိဂ်ပွဲစဉ်အားလုံးကို MPT မိုဘိုင်းလ်ကွန်ရက်မှတစ်ဆင့် ‘MPT Ballone’ အက်ပလီကေးရှင်းတွင် ကြည့်ရှုနိုင်မည်ဖြစ်သည်။ အင်္ဂလိပ်ပရီးမီးယားလိဂ်ပွဲစဉ်များအတွက် SkyNet Sports-6 သီးသန့်ရုပ်သံလိုင်း ကို ၂၄ နာရီ၊ ၇ ရက်ပတ်လုံး အက်ပလီကေးရှင်းပေါ်တွင် ကြည့်ရှုနိုင်မည်ဖြစ်သည်။ MPT သုံးစွဲသူများအနေဖြင့် SkyNet ၏ EPL အစီအစဉ်များမှ ပြီးခဲ့သည့် ပွဲစဉ်များနှင့် ပွဲစဉ်သုံးသပ်ချက်၊ တစ်ပတ်တာ အကောင်းဆုံး သွင်းဂိုးနှင့် ဂိုး highlight စသည်တို့ကိုလည်း MPT VoD ဝန်ဆောင်မှုမှတစ်ဆင့် ခံစားကြည့်ရှုနိုင်ပါသည်။
‘MPT Ballone’ app ကို ဘယ်လိုသုံးမလဲ။
အဆင့် (၁) : Google Play မှ ‘MPT Ballone’ စကားလုံးကိုရိုက်နှိပ်ရှာဖွေကာ ထည့်သွင်းနိုင်ပါသည်။ (သို့မဟုတ်) သုံးစွဲသူများအနေဖြင့် *2020# ကိုဖုန်းခေါ်ဆိုကာ links ကိုလည်း ရယူနိုင်သည်။
အဆင့် (၂) : app ကိုဖွင့်ကာ ကြည့်ရှုလိုသောပွဲစဉ်သို့မဟုတ် channel ကိုရွေးချယ်ပါ။ ‘MPT Ballone’ app သည် MPT မိုဘိုင်းလ်ကွန်ရက်တစ်ခုတည်းမှသာ ရယူနိုင်ပါသည်။
MPT-KSGM Joint Operations ၏ စီးပွားရေးဌာနကြီးမှ အရာရှိချုပ်ဖြစ်သူ Mr.Reizo Umeda က “ဒီနေ့မှာ ကျွန်တော်တို့ဟာ မြန်မာဘောလုံးပရိသတ်အားလုံးအတွက် ကျွန်တော်တို့ရဲ့ အံ့အားသင့်လောက်စရာ ဝန်ဆောင်မှုအသစ်ကို တရားဝင်ထုတ်ဖော်ပြောကြားခဲ့ပါတယ်။ ကျွန်တော်တို့ရဲ့ သုံးစွဲသူတွေအနေနဲ့ ပထမဆုံးအကြိမ်အဖြစ် ‘MPT Ballone App’ ကတစ်ဆင့် EPL ပွဲစဉ်အားလုံးကို စတင် ကြည့်နိုင်ပြီ ဖြစ်ပါတယ်။ MPTရဲ့ မိုဘိုင်းလ်ကွန်ရက်ကတစ်ဆင့် ပွဲစဉ်တွေကို ဝန်ဆောင်ခပေးဖို့မလိုဘဲ တိုက်ရိုက်ကြည့်ရှုနိုင်ဖို့ အတွက်လည်း တစ်မူထူးခြားတဲ့ ဝန်ဆောင်မှုအသစ်ကို ပေးအပ်ခဲ့တာကြောင့် သုံးစွဲသူတွေရဲ့ စိတ်ကျေနပ်မှုကို ဖြည့်ဆည်းပေးနိုင်မယ်လို့ ကျွန်တော်တို့ယုံကြည်ပါတယ်။” ဟုပြောကြားခဲ့သည်။
“ကျွန်တော်တို့နိုင်ငံက ကမ္ဘာပေါ်မှာ အင်္ဂလိပ်ပရီးမီးယားလိဂ် (EPL) ကို တကယ့်ကိုစွဲလမ်းအားပေးတဲ့ ပရိသတ်တွေရှိတဲ့ နိုင်ငံတစ်ခုဖြစ်တယ်။ အခုလို MPT နဲ့အတူ အောင်မြင်တဲ့ ပူးပေါင်းဆောင်ရွက်မှုက တစ်ဆင့် ကျွန်တော်တို့ မြန်မာနိုင်ငံတစ်ဝန်းက ဘောလုံးချစ်သူပရိသတ်တွေ EPL ရာသီသစ်ကို ဘယ်အချိန်၊ ဘယ်နေရာမှာမဆို ကြည့်နိုင်ဖို့ ကျွန်တော်တို့ ဆောင်ရွက်လိုက်နိုင်ခဲ့ပါပြီ။” ဟု ရွှေသံလွင်မီဒီယာကုမ္ပဏီလီမိတက်မှ၊ မန်နေဂျင်းဒါရိုက်တာ ဦးမင်းမင်းမှ ပြောကြားသွားခဲ့သည်။
အင်္ဂလိပ်ပရီးမီးယားလိဂ်ပွဲစဉ်များအတွက် MPT အသုံးပြုသူများသည် ဝန်ဆောင်ခ ပေးစရာမလိုဘဲ မိုဘိုင်းလ်ဖုန်းပေါ်မှ တိုက်ရိုက်ကြည့်ရှုနိုင်ရန်နှင့် VoD ဝန်ဆောင်မှုကို သြဂုတ်လ ၃၁ ရက်နေ့တွင် စတင် အသုံးပြုနိုင်မည်ဖြစ်ပြီး ‘MPT Ballone’ Android app မှ တစ်ဆင့် ဝင်ရောက် အသုံးပြုနိုင်မည်ဖြစ်သည်။ iOS app ကိုလည်း မကြာမီ အသုံးပြုနိုင်မည်ဖြစ်သည်။

MPT ၏ ထုတ်ကုန်များနှင့် ဝန်ဆောင်မှုများအတွက် ပိုမိုသိရှိလိုပါက ဖုန်းနံပါတ် ၁၀၆ သို့ ဖုန်းခေါ်ဆို၍ ဖြစ်စေ၊ MPT ၏ တရားဝင် facebook ဖြစ်သည့် https://www.facebook.com/mptofficialpage/ နှင့် MPT ၏ တရားဝင် ဝက်ဘ်ဆိုက်ဖြစ်သည့် www.mpt.com.mm တို့သို့ ဖြစ်စေ ဝင်ရောက်ကြည့်ရှု နိုင်ပါသည်။

#
SkyNet အကြောင်း

SkyNet သည်ရုပ်ရှင်ဇာတ်ကားများ၊ ကလေးများအတွက် အစီအစဉ်များ၊ အသိပညာဗဟုသုတ၊ ဘဝနေထိုင်မှုပုံစံ၊ သတင်းများ၊ဖျော်ဖြေရေး၊တေးဂီတ၊ အားကစား နှင့် ပြည်တွင်းရေးရာအစီအစဉ်များ စသည့် အမျိုး မျိုးသော ရုပ်သံအစီအစဉ်များကို ချယ်နယ်ပေါင်း (၁၀၀) ကျော် ဖြင့်တင်ဆက် နေသော မြန်မာနိုင်ငံ၏ ဦးဆောင် အခပေး ရုပ်မြင်သံကြားကွန်ရက် ဖြစ်ပါသည်။ ၂၀၁၀ ပြည့်နှစ်၊ နိုဝင်ဘာလတွင် စတင်ထုတ်လွှင့်ခဲ့သော SkyNet အမှတ်တံဆိပ်သည် ရွှေသံလွင်မီဒီယာကုမ္ပဏီလီမိတက်က ပိုင်ဆိုင်သော DTH စနစ် ရုပ်မြင်သံကြား ဝန်ဆောင်မှုပေးသည့် လုပ်ငန်းဖြစ်ပါသည်။ SkyNet သည် မြန်မာနိုင်ငံအတွင်း ရာနှုန်းပြည့် ရုပ်သံလှိုင်းလွှမ်းခြုံမှုရှိပြီး “ ပြည်သူ့အတွက် SkyNet ” ဆိုသည့် ဆောင်ပုဒ်မှာလည်း အသိအမှတ်ပြုခံထားရပြီး ဖြစ်ပါသည်။ ရုပ်မြင်သံကြားလှိုင်း ပျံ့နှံ့လွှမ်းခြုံနိုင်ခြင်းနှင့်အတူ SkyNet သည်ပြည်သူများအားလုံးအတွက်ယခင်က မရှိခဲ့ဘူးသေးသော ရုပ်မြင်သံကြားအတွေ့ အကြုံများကို တင်ဆက်ရရှိနိုင်စေခဲ့ပါသည်။ SkyNet သည်အမျိုးအစား ကျယ်ပြန့်စုံလင်သော နိုင်ငံတကာရုပ်သံလိုင်းများအပြင် Cartoon , World Movies, Asian Movies, HD Movies, Myanmar Movies၊ Myanmar Arts, International Drama, World Drama, Music, Knowledge, Education, Health, Agri/Livestocks, Home, Tine Yin Thar, Teen, Hadaya, Hluttaw နှင့် Buddha နှင့် အစရှိသည့် ချယ်နယ်ပေါင်း (၂၈)ခု ကိုလည်း ကိုယ်တိုင်စီစဉ်ဆောင်ရွက်ထုတ်လွှင့်လျက်ရှိပါသည်။

နှစ်စဉ်ကျင်းပသော အားကစားပွဲများဖြစ်ကြသည့် English Premier League, UEFA Champions League, UEFA Europa League, UEFA Nations League, Spain LaLiga, French Ligue 1, One Championship, WWE နှင့် လေးနှစ်တစ်ကြိမ်ကျင်းပသော အားကစားပွဲများဖြစ်ကြသည့် 2014 FIFA World Cup Brazil, 2018 FIFA WORLD CUP Russia, UEFA Euro 2012, UEFA Euro 2016, The London Olympic 2012, and Rio Olympic 2016 စသည့် အားကစားပြိုင်ပွဲကြီးများ အားလုံးကို SkyNet က တစ်ဦးတည်းမူပိုင် ထုတ်လွှင့် ပြသခဲ့သော အားကစားရုပ်သံလိုင်း (၈) ခုကိုလည်း အားကစားပရိသတ်များ ကြည့်ရှုခံစားနိုင်ကြပါသည်။ SkyNet သည် Up to Date ဟူသော မြန်မာနိုင်ငံတွင် (၂၄) နာရီထုတ်လွှင့်ပြသသည့် သတင်း ချယ်နယ်ကို လည်း ၂၀၁၁ ခုနှစ်မှစတင်ပြီး ထုတ်လွှင့်ပြသလျက်ရှိပါသည်။

MPT မှ Viu နှင့် ပူးပေါင်း၍ ထောင်ပေါင်းများစွာသောရုပ်ရှင်များနှင့်တီဗွီရှိုးအစီအစဉ်များကိုဝန်ဆောင်ခပေးရန်မလိုဘဲဝင်ရောက်ကြည့်ရှုနိုင်ရန် ဆောင်ရွက်လိုက်ပြီ

(ရန်ကုန်၊ ၂၀၁၉ခုနှစ် သြဂုတ်လ ၂၉ ရက်) – မြန်မာနိုင်ငံ၏ပထမဦးဆုံးနှင့်ဦးဆောင်ဆက်သွယ်ရေးအော်ပရေတာ ဖြစ်သည့် MPT သည် တရုတ်၊ ကိုရီးယား၊ အိန္ဒိယ၊ ထိုင်း၊ ဂျပန်နှင့် မြန်မာနိုင်ငံများမှ အကောင်းဆုံးရုပ်ရှင်များနှင့်ရုပ်သံအစီအစဉ်များကိုViuအက်ပလီကေးရှင်းနှင့် ဝက်ဘ်ဆိုက်တို့မှတစ်ဆင့် လွယ်ကူစွာဝင်ရောက် ကြည့်ရှုနိုင်ရန် ဆောင်ရွက်လိုက်ပြီဖြစ်သည်။ MPT သုံးစွဲသူများအနေဖြင့် ပြည်တွင်း၊ ပြည်ပမှ ရင်ခုန်စိတ်လှုပ်ရှားဖွယ်ရာထောင်ပေါင်းများစွာသောရုပ်ရှင်နှင့် တီဗွီရှိုးအစီအစဉ်များကို၁၀၀ ရာခိုင်နှုန်း မြန်မာစာတန်းထိုးဖြင့်Viuမိုဘိုင်းလ် အက်ပလီကေးရှင်း မှတစ်ဆင့် ဝန်ဆောင်ခပေးရန်မလိုဘဲပျော်ရွှင်စွာကြည့်ရှုနိုင်ပြီဖြစ်သည်။
“ကျွန်တော်တို့ဟာ မြန်မာနိုင်ငံကအိမ်ထောင်စုတိုင်းဆီကို ပြည်တွင်းနဲ့ပြည်ပကအထူးဖျော်ဖြေရေးအစီအစဉ်တွေကြည့်ပြီးပျော်ရွှင်မှုနဲ့ရယ်မောခြင်းတွေကိုယူဆောင်နိုင်စေဖို့Viuနဲ့တွဲဖက်လုပ်ကိုင်ခဲ့ပါတယ်။ကျွန်တော်တို့ရဲ့ပရိသတ်တွေအနေနဲ့အံ့အားသင့်ဖွယ်ရာအာရှကရုပ်ရှင်တွေကိုမိမိတို့ရဲ့မိုဘိုင်းလ်ဖုန်းတွေကနေအချိန်တိုင်း၊နေရာတိုင်းမှာကြည့်ရှုနိုင်တော့မှာဖြစ်ပါတယ်။ MPT ရဲ့နိုင်ငံအဝှမ်းကိုဖြန့်ကျက်ထားတဲ့မြန်နှုန်းမြင့် 3G/LTE+ ကွန်ရက်နဲ့အတူViuရဲ့အဆင့်မြင့်နည်းပညာတို့ရဲ့ပေါင်းစပ်မှုတွေကြောင့်သုံးစွဲသူတွေအနေနဲ့ရုပ်ရှင်နှင့် တီဗွီရှိုးများကိုကြည့်ရှုရာမှာအပြတ်အတောက်မရှိဘဲကောင်းမွန်ချောမွေ့စွာကြည့်ရှုနိုင်မယ့်အတွေ့အကြုံတွေကိုရရှိမှာဖြစ်တယ်”ဟုMPT-KSGM Joint Operations ၏ စီးပွားရေးဌာနကြီးမှ အရာရှိချုပ်ဖြစ်သူMr.Reizo Umeda မှပြောကြားခဲ့သည်။
MPT သုံးစွဲသူများသည် Viuအက်ပလီကေးရှင်းမှတစ်ဆင့် ထောင်ပေါင်းများစွာသောဖျော်ဖြေရေးရုပ်ရှင်များ၊ ရုပ်သံအစီအစဉ်များ၊ “Viuတွင်သာရရှိနိုင်သည့် ဇာတ်လမ်းတွဲ” များကိုမည်သည့်ထပ်ဆောင်းဝန်ဆောင်ခမျှ ပေးစရာမလိုဘဲရိုးရှင်းစွာဝင်ရောက်ကြည့်ရှုနိုင်ပါသည်။ “ငယ်ကျွန်” နှင့် “Dark Flight” စသည့် လူကြည့်များသောရုပ်ရှင်ဇာတ်ကားများအပြင် “The Last Empress”၊ “မင်္ဂလာရှိတဲ့ အရပ်” နှင့် “Naagin”ကဲ့သို့ဇာတ်လမ်းတွဲများကိုလည်းမည်သည့်အခကြေးငွေမျှ ထပ်မံပေးသွင်းစရာမလိုဘဲ ကြည့်ရှုနိုင်ပါသည်။ သုံးစွဲသူများသည် ဝယ်ယူထားပြီးသားအင်တာနက် ပက်ကေ့ချ် မှ သို့မဟုတ် သုံးသလောက်ကျသင့်သည့်အင်တာနက် အသုံးပြုခနှုန်းထားတို့ဖြင့် ကြည့်ရှုနိုင်မည်ဖြစ်သည်။MPT မိုဘိုင်းလ်အင်တာနက်ကိုအသုံးပြုရုံဖြင့် စာရင်းသွင်းရယူခြင်းကိုလုပ်ဆောင်ရန်မလိုအပ်ဘဲViu app ကိုဖွင့်၍ အကြိုက်ဆုံးရုပ်ရှင်ဇာတ်ကားများကိုလွယ်ကူစွာဖြင့် စတင်ကြည့်ရှုနိုင်ပါသည်။
“မြန်မာနိုင်ငံကများစွာသောသုံးစွဲသူတွေကဖျော်ဖြေရေးအတွက်စမတ်ဖုန်းကိုအဓိကမှီခိုနေကြပါတယ်။အဲဒါကြောင့်ကျွန်မတို့အနေနဲ့ဦးဆောင်ဆက်သွယ်ရေးအော်ပရေတာတစ်ခုဖြစ်တဲ့ MPT နဲ့ပူးပေါင်းလုပ်ဆောင်ဖို့အတွက်အလွန်ပဲစိတ်အားထက်သန်နေပါတယ်။ဒီလိုပူးပေါင်းဆောင်ရွက်မှုကတစ်ဆင့်ကျွန်မတို့ရဲ့ကတိကဝတ်ဖြစ်တဲ့ မြန်မာနိုင်ငံကသုံးစွဲသူတွေအတွက်အာရှနိုင်ငံတွေဖြစ်တဲ့ကိုရီးယား၊ထိုင်း၊အိန္ဒိယနဲ့မြန်မာနိုင်ငံကအကောင်းဆုံးနဲ့နောက်ဆုံးပေါ်ဖျော်ဖြေရေးအစီအစဉ်တွေကိုပိုမိုယူဆောင်လာနိုင်ဖို့အတွက် အထောက်အပံ့ဖြစ်စေမှာပါ။Viuအနေနဲ့ဘယ်သူ့ကိုမဆိုကောင်းမွန်တဲ့ရုပ်ရှင်အစီအစဉ်တွေကိုခံစားကြည့်ရှုစေချင်တဲ့အတွက် MPT နဲ့အတူပူပေါင်းဆောင်ရွက်ခြင်းကတစ်ဆင့် ဒါတွေကိုတကယ်ဖြစ်အောင်ဆောင်ရွက်နိုင်ပြီဖြစ်ပါတယ်။”ဟုViu Myanmar ၏ Senior Vice President and Country Manager ဖြစ်သူMs.LavinaTauroမှပြောကြားခဲ့သည်။

အာရှနိုင်ငံများမှ ထိပ်တန်းရုပ်ရှင်ထုတ်လုပ်သူများ၏ မတူညီသောရုပ်သံအမျိုးအစားများကို မြန်မာစာတန်းထိုးဖြင့် ကြည့်ရှုနိုင်ရန်အတွက် Viu မှ အကောင်းဆုံးရွေးချယ်ဆောင်ရွက်ပေးထားပါသည်။ ထို့အပြင် နောက်ဆုံးထွက်ရှိထားသည့် ကိုရီးယားဒရမ်မာ (K-drama) စီးရီးအချို့နှင့် Variety Show ပေါင်းများစွာကိုမူရင်းထုတ်လွှင့်မှုအပြီးနာရီအနည်းငယ်အတွင်းViuတွင်ကြည့်ရှုနိုင်ပါသည်။ MPTViuသုံးစွဲသူများသည် ဗွီဒီယိုများကိုViu app ထဲသို့ဒေါင်းလုတ် ရယူကာ offline ဖြင့် မိုဘိုင်းလ်ဖုန်းများနှင့်တက်ဘလက်များတွင်လည်း ကြည့်ရှုနိုင်သည်။ Viuအက်ပလီကေးရှင်းကိုဒေါင်းလုတ်ရယူရန် Google Play Store သို့မဟုတ် ဖော်ပြပါလင့်ခ်သို့ https://www.viu.com/ott/web/mm/viu.apkဝင်ရောက်နိုင်ပါသည်။
MPT ၏ထုတ်ကုန်များနှင့်ဝန်ဆောင်မှုများအတွက်ပိုမိုသိရှိလိုပါကဖုန်းနံပါတ်၁၀၆သို့ဖုန်းခေါ်ဆို၍ ဖြစ်စေ၊ MPT ၏တရားဝင်Facebook ဖြစ်သည့် https://www.facebook.com/mptofficialpage/ နှင့် MPT ၏တရားဝင်ဝက်ဘ်ဆိုက်ဖြစ်သည့် www.mpt.com.mm တို့သို့ ဖြစ်စေဝင်ရောက်ကြည့်ရှု နိုင်ပါသည်။

အရည်အသွေးမြင့် ဂိမ်းများကို အချိန်မရွေး စိတ်ကြိုက်ကစားနိုင်မည့် ရှယ်ဂိမ်း (Shal Game) ပေါ်တယ်ဝန်ဆောင်မှု

(ရန်ကုန်၊ ၂၀၁၉ ခုနှစ် သြဂုတ်လ ၂၂ ရက် ) – မြန်မာနိုင်ငံ၏ ပထမဦးဆုံးနှင့် ဦးဆောင် ဆက်သွယ်ရေး အော်ပရေတာဖြစ်သည့် MPT က မြန်မာနိုင်ငံမှ ဂိမ်းချစ်သူများကို အံ့အားသင့်သွားစေမည့် HTML 5 (web portal ကို အခြေခံထားပြီး) အသုံးပြုထားသည့် အရည်အသွေးမြင့် အွန်လိုင်း ဂိမ်းများကို တစ်နေရာထဲတွင် အသုံးပြုနိုင်မည့် ရှယ်ဂိမ်း (Shal Game) ပေါ်တယ်ဝန်ဆောင်မှုကို မိတ်ဆက်ပေးလိုက်ပြီ ဖြစ်ကြောင်း ယနေ့သတင်း ထုတ်ပြန်ကြေညာလိုက်သည်။ အဆိုပါဝန်ဆောင်မှုကို MPT နှင့် eTrade Myanmar Co., Ltd မှ နိုင်ငံတကာ မိုဘိုင်းလ်ဂိမ်း တီထွင်ဖန်တီးသော ပညာရှင်များနှင့် အကျိုးတူ ပူးပေါင်းစီစဉ်ဖန်တီးထားခြင်းဖြစ်သည်။

ရှယ်ဂိမ်း (Shal Game) ပေါ်တယ် ဝန်ဆောင်မှုတွင် HTML 5 (web portal ကို အခြေခံထားပြီး) အသုံးပြု ထားသည့် အရည်အသွေးမြင့် ဂိမ်းပေါင်း (၃၀၀) ကျော် ပါရှိသည့်အပြင် စိတ်ဝင်စားဖွယ်ရာ ဂိမ်းအသစ်ပေါင်း များစွာကိုလည်း လစဉ်ပုံမှန် ထည့်သွင်းပေးသွားမည် ဖြစ်သည်။ မိုဘိုင်းလ်ဂိမ်းချစ်သူများ အနေဖြင့် နာမည်ကျော်ကြားသော ပဟေဠိဉာဏ်စမ်း ဂိမ်းများ၊ အားကစား၊ စွန့်စားမှု နှင့် အက်ရှင်ဂိမ်းများ အစရှိသည့် အရည်အသွေးမြင့် ဂိမ်းကစားနည်းပေါင်း များစွာကို ရင်ခုန်စိတ်လှုပ်ရှားစွာဖြင့် ကစားနိုင်မည် ဖြစ်သည်။ MPT သုံးစွဲသူများ အနေဖြင့် ရှယ်ဂိမ်း (Shal Game) ပေါ်တယ် ဝန်ဆောင်မှုကို တစ်ရက်လျှင် ၁၄၉ ကျပ်နှုန်း ဖြင့် အလွယ်တကူ ရယူ အသုံးပြုနိုင်မည် ဖြစ်ပြီး ၎င်းဝန်ဆောင်မှုကို www.shalgame.com (သို့) https://lotaya.mpt.com.mm/landing/shal_game တွင်လည်း ရယူအသုံးပြုနိုင်မည်ဖြစ်သည်။ ထိုနည်းတူ 8636 သို့ “ON” ဟု စာတို (SMS) ပေးပို့၍လည်း ၎င်းဝန်ဆောင်မှုကို ရယူနိုင်မည်ဖြစ်သည်။

MPT-KSGM Joint Operations ၏ Chief Commercial Offier ဖြစ်သူ Mr. Reizo Umeda မှ “ကျွန်တော်တို့အနေနဲ့ ပြည်သူတွေရဲ့ဒီဂျစ်တယ် မိုဘိုင်းလ်အတွေ့အကြုံတွေကို ပိုမိုပြီးပြည့်စုံစေဖို့ ဆောင်ရွက်ရမည့် ကိစ္စဟာ ကျွန်တော်တို့ရဲ့ နေ့စဉ် လုပ်ငန်းလည်ပတ်ဆောင်ရွက်မှုအတွက် အထူး အရေးကြီးကိစ္စ ဖြစ်တယ်လို့ ယုံကြည်တာကြောင့် တန်ဖိုးထား လေးစားရတဲ့ ကျွန်တော်တို့ရဲ့ သုံးစွဲသူတွေအတွက် MPT ရဲ့ ဖျော်ဖြေရေးဆိုင်ရာ ဝန်ဆောင်မှု အသစ်တစ်ခုအနေနဲ့ ရှယ်ဂိမ်း (Shal Game) ပေါ်တယ် ဝန်ဆောင်မှုကို ဖန်တီးယူဆောင်ပေးနိုင်တဲ့အပေါ် အထူးပင် ဂုဏ်ယူဝမ်းမြောက် မိပါတယ်။ မိုဘိုင်းလ်ဂိမ်း ချစ်သူတွေအတွက် အကောင်းဆုံးသော ဂိမ်းဆော့ကစားခြင်း အတွေ့အကြုံတွေကို ဖုန်းအမျိုးအစား မျိုးစုံပေါ်မှာ ရရှိနိုင်ဖို့အတွက် Cross-Platform HTML 5 (web portal ကို အခြေခံထားပြီး) နည်းပညာကို အသုံးပြုဖန်တီးထားတာ ဖြစ်ပါတယ်။ မြန်မာနိုင်ငံရှိ ဂိမ်းအသိုင်းအဝိုင်း တစ်ခုလုံးကို အံ့အားသင့်သွားစေမယ့် ဝန်ဆောင်မှုတွေကိုလည်း မကြာခင် အနာဂတ်မှာ ယူဆောင်လာပေးဖို့ ရှိနေပါတယ်။” ဟု ပြောကြားသွားခဲ့ပါသည်။

MPT ၏ ထုတ်ကုန်များနှင့် ဝန်ဆောင်မှုများနှင့် ပတ်သက်၍ ပိုမိုသိရှိလိုပါက ဖုန်းနံပါတ် ၁၀၆ သို့ ဖုန်းခေါ်ဆို၍ သော်လည်ကောင်း၊ MPT ၏ တရားဝင် ဝက်ဘ်ဆိုက်ဖြစ်သည့် www.mpt.com.mm ၊ MPT ၏ တရားဝင် facebook ဖြစ်သည့် https://www.facebook.com/mptofficialpage/ သို့ ဝင်ရောက်ကြည့်ရှုနိုင်ပါသည်။[/vc_column_text]

“ရှယ်ဂိမ်း (Shal Game)” ပေါ်တယ်ဝန်ဆောင်မှု၏ ပင်မစာမျက်နှာနှင့် ဝန်ဆောင်မှု ကဏ္ဍများ

[/vc_column][/vc_row]

အင်္ဂလိပ်ပရီးမီးယားလိဂ်ပွဲစဉ်များကို တိုက်ရိုက်ကြည့်ရှုနိုင်ရေး MPT က SkyNet နှင့် ပူူးပေါင်းဆောင်ရွက်

(ရန်ကုန်၊ ၂၀၁၉ ခုနှစ်၊ သြဂုတ်လ ၂၀ ရက်) – မြန်မာနိုင်ငံ၏ ပထမဦးဆုံးနှင့် ဦးဆောင်ဆက်သွယ်ရေး အော်ပရေတာဖြစ်သည့် MPT သည် မြန်မာနိုင်ငံရှိ ဘောလုံးချစ်သူ ပရိသတ်များအတွက် အထူးအခွင့်အရေး တစ်ရပ်အနေဖြင့် အင်္ဂလိပ်ပရီးမီးယားလိဂ်ပွဲစဉ်များကို မိုဘိုင်းလ်ဖုန်းပေါ်မှ နေရာမရွေး စိတ်လှုပ်ရှားအံ့သြဖွယ်ရာ ခံစားမှုတွေနှင့်အတူ ရင်ခုန်ပျော်ရွှင်စွာ တိုက်ရိုက် ကြည့်ရှုခံစားနိုင်ရန် SkyNet နှင့် ပူးပေါင်းဆောင်ရွက်တော့မည်ဖြစ်ကြောင်း သတင်းထုတ် ပြန်လိုက်သည်။
အင်္ဂလိပ်ပရီးမီးယားလိဂ် (EPL) ဘောလုံးပြိုင်ပွဲသည် ကမ္ဘာပေါ်ရှိ ဘောလုံးကလပ်အသင်းပြိုင်ပွဲများတွင် အသင်းအစုံလင်ဆုံးနှင့် ယှဉ်ပြိုင်မှုအပြင်းထန်ဆုံးဘောလုံး ပြိုင်ပွဲတစ်ခုလည်း ဖြစ်ပါသည်။ မြန်မာနိုင်ငံ ရှိ ဘောလုံးပရိသတ် အားလုံးလိုလိုပင် အင်္ဂလိပ်ဘောလုံးကလပ်အသင်းများထဲမှ အနည်းဆုံးတစ်သင်းကို အားပေးလေ့ရှိကြပါသည်။ MPT အနေဖြင့် မိမိတို့တန်ဖိုးထားရသူသုံးစွဲသူများ၏ ဘောလုံး အားကစား အပေါ် ထားရှိသည့် ဝါသနာနှင့် စိတ်ခွန်အားတို့ကို အားပေးသည့်အနေဖြင့် SkyNet နှင့်အတူတကွ ပူးပေါင်းပြီး တစ်မူထူးခြားသည့် မိုဘိုင်းလ်ဝန်ဆောင်မှုအသစ်ကို ပေးအပ်လိုက်ခြင်းပင် ဖြစ်သည်။
MPT-KSGM Joint Operations ၏ စီးပွားရေးဌာနကြီးမှ အရာရှိချုပ် ဖြစ်သူ Mr.Reizo Umeda က “MPT အနေနဲ့ မိမိတို့တန်ဖိုးထားရတဲ့ သုံးစွဲသူတွေကို ဆန်းသစ်တီထွင်မှုရှိပြီး ပိုမိုကောင်းမွန်တဲ့ ဝန်ဆောင်မှုတွေကို ပေးစွမ်းနိုင်ဖို့ အမြဲကြိုးစားနေပါတယ်။ ဘောလုံးအားကစားဟာ ကျွန်တော်တို့ MPT သုံးစွဲသူတွေရဲ့ ဘဝမှာ အရေးပါတဲ့ အစိတ်အပိုင်းတစ်ခုဖြစ်တယ်။ ဒါကြောင့်လည်း ကျွန်တော်တို့ဟာ မြန်မာနိုင်ငံတစ်ဝှမ်းက အင်္ဂလိပ်ပရီးမီးယားလိဂ် ပရိသတ်တွေရဲ့ လိုအင်ဆန္ဒကို ဖြည့်ဆည်းနိုင်ဖို့ အခုလို SkyNet နဲ့အတူ ပူးပေါင်း ဆောင်ရွက်ခဲ့တာဖြစ်ပါတယ်။ ဒီပွဲစဉ်တွေရဲ့ စိတ်လှုပ်ရှားအံ့သြဖွယ်ရာ ခံစားမှုတွေကို ကျွန်တော်တို့ MPT သုံးစွဲသူတွေကို မကြာခင်မှာ ဝေမျှပေးနိုင်တော့မယ်လို့ ယုံကြည်ပါတယ်” ဟု ပြောကြားခဲ့သည်။
“SkyNet ကနေ တိုက်ရိုက်ထုတ်လွှင့်ပြသမယ့် အင်္ဂလိပ်ပရီးမီးယားလိဂ်ပွဲစဉ် ၂၀၁၉-၂၀၂၀ ရာသီသစ်အ တွက် MPT က Telecom Partner အဖြစ်ပါဝင်လာတာကို ကျွန်တော်တို့ SkyNet အနေနဲ့ ဂုဏ်ယူဝမ်းမြောက်စွာ ကြိုဆိုလိုက်ရပါတယ်။ SkyNet က မြန်မာနိုင်ငံမှာ အင်္ဂလိပ်ပရီးမီးယားလိဂ်ပွဲ စဉ်တွေအားလုံး တိုက်ရိုက်ပြသခွင့်ရှိတဲ့ ရုပ်သံလိုင်းတစ်ခု ဖြစ်ပါတယ်။ ကျွန်တော်တို့ကလည်း စိတ်ဝင်စားစရာကောင်းတဲ့ ဒီလိုပြိုင်ပွဲတွေအတွက် MPT နဲ့အတူ စိတ်အားထက်သန် နေပါတယ်။ ဒါကြောင့်ပဲ ကျွန်တော်တို့က မြန်မာနိုင်ငံရဲ့ဦးဆောင်ဆက်သွယ်ရေး အော်ပရေတာနဲ့အတူ ပူးပေါင်းဆောင်ရွက်ဖို့ ဆုံးဖြတ်ခဲ့တာပါ။ ကျွန်တော်တို့ရဲ့ ပူးပေါင်းအားထုတ်မှုကို မြန်မာနိုင်ငံက ဘောလုံးချစ်သူ ပရိသတ်တွေက အသိအမှတ်ပြုကြိုဆိုမယ်လို့ ယုံကြည်ပါတယ်။”ဟု ရွှေသံလွင်မီဒီယာ ကုမ္ပဏီလီမိတက် ၏ မန်နေဂျင်းဒါရိုက်တာဖြစ်သူ ဦးမင်းမင်း မှ ပြောကြားခဲ့သည်။ဝန်ဆောင်မှုနှင့်ပတ်သက်သည့် အသေးစိတ်အချက်အလက်များကို မကြာမီ ထုတ်ပြန် ကြေညာ သွားမည် ဖြစ်သည်။

MPT ၏ ထုတ်ကုန်များနှင့် ဝန်ဆောင်မှုများအတွက် ပိုမိုသိရှိလိုပါက ဖုန်းနံပါတ် ၁၀၆ သို့ ဖုန်းခေါ်ဆို၍ သော်လည်ကောင်း၊ MPT ၏ တရားဝင် facebook ဖြစ်သည့် https://www.facebook.com/mptofficialpage/ ၊ MPT ၏ တရားဝင် ဝက်ဘ်ဆိုက်ဖြစ်သည့် www.mpt.com.mm သို့လည်းကောင်း ဝင်ရောက်ကြည့်ရှုနိုင်ပါသည်။

MPT က နိုင်ငံတစ်ဝန်း ဒီဂျစ်တယ်ပညာရေးအစီအစဉ်၏ ၆ ကြိမ်မြောက် သင်တန်းဆင်းပွဲ အခမ်းအနား ကျင်းပ

(ရန်ကုန်၊ ၂၀၁၉ ခုနှစ်၊ သြဂုတ်လ ၈ ရက် ) – မြန်မာနိုင်ငံ၏ ပထမဦးဆုံးနှင့် ဦးဆောင်ဆက်သွယ်ရေး အော်ပရေတာ ဖြစ်သည့် MPT သည် “ရှေ့သို့လှမ်းချီ ဒီဂျစ်တယ်ပညာရေးဆီ” အစီအစဉ်ဖြင့် ကွန်ပျူတာနည်းပညာ ကျွမ်းကျင်မှုသင်တန်းများ၏ နောက်ဆုံးအသုတ်သင်တန်းများ အောင်မြင်စွာ ပြီးဆုံးသည့် အထိမ်းအမှတ်အဖြစ် သင်တန်းဆင်းပွဲ အခမ်းအနားကို ရန်ကုန်မြို့ရှိ၊ တော်ဝင်နှင်းဆီ စားသောက်ဆိုင်၌ ကျင်းပပြုလုပ်ခဲ့သည်။ ယခုအကြိမ် သင်တန်းဆင်းပွဲတွင် အောင်မြင်ခဲ့သည့် သင်တန်းသား စုစုပေါင်း ၂,၀၀၀ ကျော်ရှိခဲ့ကာ MPT အနေဖြင့် အင်တာနက်ချိတ်ဆက်ပေးခြင်းနှင့် ကွန်ပျူတာပြုပြင် စရိတ်များအပါအဝင် ယခုနှစ်အတွက် ကွန်ပျူတာ ဆရာဖြစ်သင်တန်းသားများကိုလည်း ဤအစီအစဉ်ပြီးမြောက်သွားသည့် ကျောင်းသား၊ ကျောင်းသူများအတွက် သင်တန်းများ ဆောင်ရွက်ပေး သွားမည် ဖြစ်သည်။

MPT ၏ “ရှေ့သို့လှမ်းချီ ဒီဂျစ်တယ်ပညာရေးဆီ” အစီအစဉ် ပြုလုပ်သည့် ရည်ရွယ်ချက်မှာ မြန်မာနိုင်ငံတစ်ဝန်းရှိ အခွင့်အလမ်းနည်းပါးလှသည့် လူငယ်လူရွယ်များကို ကွန်ပျူတာကျွမ်းကျင်မှု နည်းပညာရပ်များ သင်ကြားပို့ချပေးနိုင်ရန် ဖြစ်သည်။ ၂၀၁၆ ခုနှစ်တွင် စတင်ခဲ့သည့် ဤသင်တန်း အစီအစဉ်သို့ နိုင်ငံတစ်ဝန်းမှ သင်တန်းသူ၊ သင်တန်းသားပေါင်း ၃,၈၀၀ ကျော်တို့က မိမိတို့၏ ဘဝရှေ့ရေးအတွက် အရေးပါပြီး အထောက်အပံ့ဖြစ်စေနိုင်သည့် ကွန်ပျူတာ နည်းပညာများကို တက်ရောက် သင်ကြားခဲ့ကြပြီးဖြစ်သည်။ ဤသင်တန်းများအတွက် MPT အနေဖြင့် laptops ကွန်ပျူတာ အလုံး ၃၀၀၊ အင်တာနက် ကွန်ရက်ချိတ်ဆက်မှု၊ အင်တာနက်ချိတ်ဆက်မှုအတွက် လိုအပ်သည့် ဆက်စပ်ပစ္စည်းတို့အပြင် သင်တန်းသား အားလုံး လုံလောက်စွာသင်ကြားနိုင်ရန် သင်တန်းဆရာ၊ ဆရာမများကိုလည်း ပိုမိုတိုးမြှင့်ကာ ကူညီထောက်ပံ့ပေးခဲ့ပြီးဖြစ်သည်။
အဆိုပါ သင်တန်းများကို အောင်မြင်စွာ တက်ရောက်သင်ကြားပြီးဆုံးခဲ့သူများအနက်မှ စိတ်ပါဝင်စားသူ များအား မိမိတို့၏ သက်ဆိုင်ရာ ဒေသများ၌ အသိပညာ၊ အတတ်ပညာများကို မျှဝေပေးပြီး အနာဂတ်ခေါင်းဆောင်များကို တစ်ဖက်တစ်လမ်းမှ ကူညီမွေးထုတ်ပေးနိုင်ရန် ရည်ရွယ်ချက်ဖြင့် MPT သင်တန်းကျောင်း၌ ဆရာဖြစ်သင်တန်းများကိုလည်း ထပ်ဆောင်း ဖွင့်လှစ် သင်ကြားပေးလျက်ရှိသည်။ သင်တန်းတက်ရောက်သူ ဆရာ၊ ဆရာမများအနေဖြင့် ၎င်းတို့ တတ်မြောက်ထားသည့် ပညာရပ်များကို ပြန်လည် မျှဝေနိုင်ရန်အတွက် ထိရောက်စွာဖြင့် အပြန်အလှန်သင်ကြားပို့ချပေးနိုင်မည့် နည်းစနစ်များကို မည်သို့ ဖန်တီးရမည်ဆိုသည့် နည်းလမ်းများကို သေချာစွာနှင့် စနစ်တကျ လေ့ကျင့်သင်ကြားပေးနေခြင်း ဖြစ်သည်။ သင်တန်း ဆရာ၊ ဆရာမများအနေဖြင့် သင်ကြားပို့ချမှု နည်းစနစ်များကို စနစ်တကျ ဖန်တီးအသုံးချနိုင်မှသာ ယခုအစီအစဉ်အတွက် အနာဂတ်တွင် အကျိုးကျေးဇူးကောင်းများကို ခံစားနိုင်ကြမည်ဖြစ်သည်။ ယင်းမှာ အသိပညာ၊ အတတ်ပညာများကို မျှဝေပေးခြင်းဖြင့် တာဝန်သိတတ် မှုနှင့် ကြိုးစားအားထုတ်မှုတို့ကို ပြသနေသည့် ဥပမာကောင်းတစ်ခုပင် ဖြစ်သည်။ MPT ၏ “ရှေ့သို့လှမ်းချီ ဒီဂျစ်တယ်ပညာရေးဆီ”အစီအစဉ်ဖြင့် ဖွင့်လှစ်သင်ကြားပေးနေသည့် သင်တန်းများကို NLD ပညာရေးကွန်ရက်နှင့် ပူးပေါင်းစီစဉ် ဆောင်ရွက်ထားခြင်း ဖြစ်သည်။

“ပညာရေးဆိုတဲ့ လက်နက်ဟာ ကမ္ဘာပေါ်မှာ ရင်ဆိုင်နေရတဲ့ အခက်အခဲတွေကို တိုက်ဖျက်ကျော်လွှား နိုင်မယ့် အကောင်းဆုံးလက်နက်ဖြစ်တယ်လို့ ကျွန်တော်တို့ MPT အနေနဲ့ ယုံကြည်ထားပါတယ်။ ဒါ့ကြောင့်လည်း လူငယ်တွေအတွက် ပညာရေး ကဏ္ဍဟာ MPT အတွက်လည်း အလွန်အရေးပါတဲ့ လူမှု အကျိုးပြု ဆောင်ရွက်ချက်တွေထဲက ကဏ္ဍတစ်ခုပဲ ဖြစ်ပါတယ်။ အခု “ရှေ့သို့လှမ်းချီ ဒီဂျစ်တယ် ပညာရေးဆီ” အစီအစဉ်ဟာ မြန်မာနိုင်ငံတစ်ဝန်း ဒစ်ဂျစ်တယ်နည်းပညာ တတ်ကျွမ်းမှုပိုင်း ကွာဟနေ တာတွေကို လျှော့ချပေးနိုင်ရုံသာမက ပြည်တွင်း၊ ပြည်ပ အလုပ်အကိုင် ဈေးကွက်မှာ အရေးပါတဲ့ ကျွမ်းကျင်မှုအတတ်ပညာတွေကို ပေးစွမ်းနိုင်မှာဖြစ်ပါတယ်။ ဒါဟာ MPT ကနေ အနာဂတ် မျိုးဆက်သစ်တွေကို တစ်ဖက်တစ်လမ်းက ကူညီထောက်ပံ့ ပေးနေသလို နိုင်ငံလူမှုစီးပွား ကဏ္ဍစုံ ဖွံ့ဖြိုးတိုးတက်မှုအတွက် ကူညီထောက်ပံ့ပေးနေတာကိုလည်း ပြသနေတာပဲဖြစ်ပါတယ်။” ဟု MPT-KSGM Joint Operations ၏ လုပ်ငန်းလည်ပတ်မှုဌာနကြီးမှ အရာရှိချုပ် ဖြစ်သူ Mr. Yoshiaki Benino က ပြောကြားခဲ့သည်။

NLD မှ ဗဟိုအလုပ်အမှုဆောင်အဖွဲ့ဝင် ဒေါက်တာမျိုးညွန့်က “MPT အနေနဲ့ မြန်မာ လူငယ်တွေအတွက် ဒီဂျစ်တယ်ပညာရေး ဖွံ့ဖြိုးတိုးတက်ရေးကို တစ်ဖက်တစ်လမ်းကနေ တစိုက်မတ်မတ်နဲ့ ကူညီပံ့ပိုးနေ တဲ့အတွက် ကျေးဇူးတင်ပါတယ်။ ဒါ့အပြင် ပြည်တွင်း ဆက်သွယ်ရေး အော်ပရေတာတွေရဲ့ ပံ့ပိုးကူညီမှုနဲ့သာဆိုရင် နည်းပညာပိုင်း ဖွံ့ဖြိုးတိုးတက်မှုတွေကို အသုံးချပြီး စိန်ခေါ်မှုအားလုံး ကို အောင်မြင်စွာ ကျော်လွှားနိုင်တဲ့ ဒီဂျစ်တယ်နည်းပညာ မြန်မာနိုင်ငံတော်ကြီးကို တည်ဆောက် သွားနိုင်မယ်လို့ ယုံကြည်ပါတယ်။” ဟု ပြောကြားသွားခဲ့သည်။

“ဒီအစီအစဉ်ကတော့ ကျွန်တော့်အတွက် အရမ်းကို ကောင်းတဲ့အတွေ့အကြုံပါပဲ။ သင်တန်းဆရာ၊ ဆရာမတွေကလည်း အရမ်းတော်ကြပါတယ်။ ဒီထက်ကောင်းတဲ့ အတွေ့အကြုံမျိုး ရရှိဖို့တောင် ဖြစ်နိုင်မယ် မထင်ပါဘူး။ MPT နဲ့ NLD ပညာရေးကွန်ရက်တို့ ပူးပေါင်းဖွင့်လှစ် ပေးထားတဲ့ ဒီသင်တန်းတွေက ကွန်ပျူတာနည်းပညာပိုင်း ကျွမ်းကျင်မှုတင်မဟုတ်ဘဲ လူငယ်တွေအတွက် အလုပ်အကိုင် အခွင့်အလမ်းကောင်းတွေရရှိဖို့ များစွာအထောက်အပံ့ဖြစ်စေပါတယ်။ ဒီသင်တန်းကနေ ရရှိလာတဲ့ အသိပညာ၊ အတတ်ပညာတွေကြောင့် လက်တွေ့မှာ အလုပ်ရှာဖွေရတာ အများကြီး လွယ်ကူသွားပါတယ်။ အလုပ်မှာလည်း တတ်မြောက်ထားတဲ့ ပညာတွေကို အသုံးချပြီး ပိုမိုတိကျလျင်မြန်စွာနဲ့ လုပ်ဆောင်နိုင်တော့မှာဖြစ်လို့ အရမ်းပဲ စိတ်လှုပ်ရှားနေပါတယ်။” ဟု MPT ၏ “ရှေ့သို့လှမ်းချီ ဒီဂျစ်တယ်ပညာရေးဆီ” အစီအစဉ်မှ သင်တန်းဆင်းတစ်ဦး ဖြစ်သူ ကိုသားငယ်လွင် က စိတ်လှုပ်ရှားစွာ ပြောကြားခဲ့သည်။

MPT အနေဖြင့် ဒီဂျစ်တယ် နည်းပညာ တတ်ကျွမ်းမှု ကွာဟချက်လျော့ချရေးကို နည်းလမ်းမျိုးစုံဖြင့် တစိုက်မတ်မတ် ဆောင်ရွက်လျက်ရှိသည်။ ဥပမာအားဖြင့် မြန်မာနိုင်ငံ တစ်ဝန်းရှိ MPT Telecenter ပေါင်း ၁၅၀ ကျော်၌ လူအများအတွက် အသုံးဝင်ပြီး အကျိုးရှိသည့် သတင်းအချက်အလက်များ၊ ဆက်သွယ်ရေး ဝန်ဆောင်မှုများကိုလည်း မျှဝေပေးအပ်လျက်ရှိသည်။ ထို့အပြင် MPT ၏ မြန်မာလူငယ်နည်းပညာ စွန့်ဦးတီထွင်ဖွံ့ဖြိုးရေးအစီအစဉ်ဖြင့်လည်း မြန်မာ့လူငယ်စွန့်ဦးတီထွင်သူများအတွက် ဒီဂျစ်တယ် နည်းပညာများဖြင့် စီးပွားရေးလုပ်ငန်းများကို တည်ထောင်ပြီး မြန်မာနိုင်ငံ၏ ဒီဂျစ်တယ်လူမှုစီးပွားကဏ္ဍ ဖွံ့ဖြိုးရေးကို အထောက်အကူ ဖြစ်စေရန် ကူညီပေးလျက်ရှိသည်။

MPT အနေဖြင့် အနာဂတ်မျိုးဆက်သစ်လူငယ်များအတွက် အကျိုးဖြစ်ထွန်းစေရန် အဓိကကျသော လူမှုအကျိုးပြု လုပ်ငန်းဆောင်ရွက်မှုဆိုင်ရာ ကဏ္ဍကြီးများ ဖြစ်သည့် ပညာရေး၊ ကျန်းမာရေး၊ စွန့်ဦးတီထွင်နှင့် စီးပွားရေးလုပ်ငန်းငယ်များကို တစိုက်မတ်မတ် ဆောင်ရွက်လျက်ရှိသည်။ ဆက်သွယ်ရေး ကဏ္ဍတွင် ထိပ်ဆုံးမှ ရပ်တည်နေသည့် MPT သည် “နှလုံးသားထဲကမြန်မာ” အစီအစဉ်ဖြင့် MPT သုံးစွဲသူများနှင့် မြန်မာနိုင်ငံ၏ စီးပွားရေးနှင့် လူမှုပတ်ဝန်းကျင်ကို အထောက်အပံ့ပြု ဆောင်ရွက်လျက်ရှိ ပါသည်။

MPT ၏ လူမှုအကျိုးပြု လုပ်ငန်းဆောင်ရွက်မှုများနှင့် လူငယ်ဖွံ့ဖြိုးရေးအတွက် ဆောင်ရွက်ချက်များကို အသေးစိတ်သိရှိလိုပါက http://mpt.com.mm/en/about-home-en/csr-activities/ သို့ ဝင်ရောက် ကြည့်ရှုလေ့လာနိုင်ပါသည်။

MPT မှ မြန်မာနိုင်ငံ၏ သဘာဝပတ်ဝန်းကျင်ကို ထိန်းသိမ်းသွားရန်အတွက် ၂၀၁၉ ခုနှစ်အတွက် “စိမ်းလန်းစေဖို့ရှေ့ဆက်စို့” အစီအစဉ်ဖြင့် သစ်ပင်များတိုးတက်စိုက်ပျိုးသွားမည်

(ရန်ကုန် – ၂၀၁၉ ခုနှစ် သြဂုတ်လ ၂ ရက်) မြန်မာနိုင်ငံ၏ သစ်တောအရင်းအမြစ်များ ပြန်လည်ဖွံ့ဖြိုး လာစေရန်အတွက် ဇူလိုင်နှင့်သြဂုတ်လများမှာ သစ်ပင်များကို ပြန်လည်စိုက်ပျိုးသင့်သည့် ကာလတစ်ခုပင် ဖြစ်ပါသည်။ တာဝန်သိ ဒေသခံဆက်သွယ်ရေးလုပ်ငန်းတစ်ခုဖြစ်သည့် MPT အနေဖြင့် မိမိတို့လုပ်ငန်းဆောင်ရွက်သည့် လူမှုအသိုက်အဝန်းအတွက် အကျိုးဖြစ်ထွန်းစေမည့် လူမှုအကျိုးပြုလုပ်ငန်း အစီအစဉ်များကို ဆောင်ရွက်လျက်ရှိရာ နိုင်ငံအဝှမ်း သစ်ပင်စိုက်ပျိုး လှုပ်ရှားမှုမှာ ယင်းအထဲမှာ တစ်ခုပင် ဖြစ်ပါသည်။

MPT အနေဖြင့် ၂၀၁၇ ခုနှစ်မှစတင်၍ “စိမ်းလန်းစေဖို့ရှေ့ဆက်စို့” အစီအစဉ်ကို စတင်ခဲ့ပြီး၊ ရန်ကုန်မြို့တွင်သာမက မြန်မာနိုင်ငံအနှံ့ သစ်ပင်ပေါင်း များစွာကို စိုက်ပျိုးခဲ့ပြီး ဖြစ်ပါသည်။ မြန်မာနိုင်ငံ၏ ပထမဦးဆုံးနှင့် ဦးဆောင်ဆက်သွယ်ရေးအော်ပရေတာဖြစ်သည့် MPT အနေဖြင့် မြန်မာနိုင်ငံအနှံ့ အကျယ်ပြန့်ဆုံးကွန်ရက်ကို ဖြန့်ကျက်ထားသည့်အပြင် ယခုလို အကျယ်ပြန့်ဆုံးနှင့် အကြီးဆုံးသော သဘာဝပတ်ဝန်းကျင်ထိန်းသိမ်းရေးဆိုင်ရာ စုပေါင်းလှုပ်ရှားမှုကို နိုင်ငံနှင့်အဝှမ်း ဆောင်ရွက် နေသည့် တစ်ခုတည်းသော ဆက်သွယ်ရေးအော်ပရေတာလည်း ဖြစ်ပါသည်။ MPT အနေဖြင့် ယခုအစီအစဉ်မှတစ်ဆင့် လွန်ခဲ့သည့် ၂ နှစ်အတွင်း သစ်ပင်ပေါင်း ၁၀,၀၀၀ ကျော်ကို စိုက်ပျိုးနိုင်ခဲ့ပြီးဖြစ်ကာ ကနဦးအဖြစ် ၂၀၁၇ ခုနှစ်အတွင်းက အပင်ပေါင်း ၂,၅၀၀၊ ၂၀၁၈ ခုနှစ်တွင် တစ်နိုင်ငံလုံးအနှံ့ စိုက်ပျိုးမှုမှတစ်ဆင့် အပင်ပေါင်း ၈,၂၀၀ ကို ဆောင်ရွက်နိုင်ခဲ့ပါသည်။ ယခုနှစ်တွင်လည်း မြန်မာနိုင်ငံတစ်နံတစ်လျားတွင် စုစုပေါင်းအပင်ရေ ၇,၀၀၀ ကျော် ထပ်မံ စိုက်ပျိုးကာ သစ်ပင်ပေါင်း ၁၇,၇၀၀ အထိ ရှိသွားမည်ဖြစ်ပါသည်။
MPT အနေဖြင့် “စိမ်းလန်းစေဖို့ရှေ့ဆက်စို့” အစီအစဉ်ကို ယခုနှစ်တွင်လည်း ၃ နှစ်ဆက်တိုက် အဖြစ် ဆောင်ရွက်လျက်ရှိရာတွင် ဒေသခံလူမှုအဖွဲ့အစည်းများ၊ မြတ်နိဗ္ဗာန်သစ်ပင်စိုက်ပျိုးလှူဒါန်းရေးအဖွဲ့၊ ဌာနဆိုင်ရာများအပြင်၊ တက္ကသိုလ်နှင့် ကျောင်းများမှ ကျောင်းသားလူငယ်များအပါအဝင် စုံလင်လှသည့် လူမှုရေးအဖွဲ့များပူးပေါင်းပြီး ဆောင်ရွက်သွားမည်ဖြစ်ပါသည်။ ယခုနှစ်အတွက် စိုက်ပျိုးသွားမည့် အပင်ရေ ၇၀၀၀ ကျော်ကို သတ်မှတ်ထားသော တိုင်းဒေသကြီးနှင့်ပြည်နယ် နေရာများတွင် ပြီးစီးအောင်ဆောင်ရွက်ခြင်းမှတစ်ဆင့် ရေရှည်တည်တံ့မည့် သစ်ပင်များ စိုက်ပျိုးသွားနိုင်မည့်အပြင် အနာဂတ်တွင်လည်း လေထုညစ်ညမ်းမှုကို လျော့ချနိုင်စေကာ ပိုမိုစိမ်းလန်းသည့် မြန်မာနိုင်ငံသို့ ဖော်ဆောင်ရာတွင် ဒေသခံများအတွက်လည်း အလေ့အထ ကောင်းများကို ထူထောင်နိုင်စေမည်ဖြစ်ပါသည်။

ယခုဇူလိုင်နှင့် သြဂုတ်လများမှာ မိုးရာသီကာလများဖြစ်ပြီး မြန်မာနိုင်ငံအဝှမ်းရှိ တိုင်းနှင့်ပြည်နယ်အစုံမှ MPT ဝန်ထမ်းများ၊ မိတ်ဖက်အဖွဲ့အစည်းများ နှင့် အများပြည်သူတို့ စုပေါင်းပြီး ယခုလို သစ်ပင်စိုက်ပျိုးခြင်းအလေ့အထကောင်းကို ဖော်ဆောင်ရန်အတွက် အသင့်ဖြစ်နေကြပြီ ဖြစ်ပါသည်။ ယနေ့တွင် ရန်ကုန်တိုင်း၊ တနင်္သာရီတိုင်း၊ နေပြည်တော်၊ ကယားနှင့် ကရင်ပြည်နယ်တို့ရှိ စေတနာ့ဝန်ထမ်းများအနေဖြင့် သဘောဝတရားကို ပြန်လည်ဖြစ်ထွန်းလာစေမည့် လုပ်ဆောင်ချက်အဖြစ် စုပေါင်းသစ်ပင်စိုက်ပျိုးခြင်းကိုဆောင်ရွက်လိုက်ပြီဖြစ်ကာ ဆက်လက်ပြီး ကျန်ရှိသည့် တိုင်းနှင့်ပြည်နယ်များမှ နေရာများအပါအဝင် ဒေသ ၁၈ ခုတို့တွင် ပျိုးပင်များကို စိုက်ပျိုးကာ မြန်မာနိုင်ငံ၏ အနာဂတ်မျိုးဆက်သစ်များကို အကျိုးဖြစ်ထွန်းစေမည့် ရေရှည် တည်တံ့သော သစ်ပင်များ ကြီးထွားစေကြမည်ဖြစ်ပါသည်။

MPT-KSGM Joint Operations မှ လုပ်ငန်းလည်ပတ်မှုဌာနကြီး၏ ဒုတိယအရာရှိချုပ် ဖြစ်သူ ဦးမြင့်သိန်းထွန်းမှလည်း “စိမ်းလန်းစေဖို့ရှေ့ဆက်စို့” အစီအစဉ်နှင့်ပတ်သက်၍ သဘာဝ ပတ်ဝန်းကျင်ကို အကျိုးဖြစ်ထွန်းပုံကို ပြောရာ၌ ”လွန်ခဲ့တဲ့ ဆယ်စုနှစ်တွေအတွင်း ဖွံ့ဖြိုးတိုးတက်မှု တွေနဲ့ အခြားအကြောင်းရင်းတွေကြောင့် သစ်ပင်အရင်းအမြစ်တွေ အလွန်ပဲ လျော့နည်း ကျဆင်း ခဲ့ရပါတယ။် ကျန်းမာပြီးလုံခြုံမှုရှိတဲ့ လူမှုပတ်ဝန်းကျင်မှာ လူတွေနဲ့ လုပ်ငန်းတွေအတူတကွ တိုးတက်ဖွံ့ဖြိုး နိုင်တယ်ဆိုတာကို MPT အနေနဲ့ ယုံကြည်ထားပြီး၊ နှလုံးသားထဲကမြန်မာ လှုပ်ရှားမှု ရဲ့ အစိတ်အပိုင်းတစ်ခုအဖြစ် လွန်ခဲ့တဲ့ ၂၀၁၇ ခုနှစ်ကစလို့ “စိမ်းလန်းစေဖို့ရှေ့ဆက်စို့” အစီအစဉ် ကို ဆောင်ရွက်ခဲ့တာဖြစ်ပါတယ်။ နိုင်ငံအဝှမ်းက ဝန်ထမ်းပေါင်း ၈၀၀၀ ကျော်၊ မိတ်ဖက်အဖွဲ့အစည်းတွေနဲ့ မြန်မာနိုင်ငံက လူငယ်တွေရဲ့ စုပေါင်း စွမ်းအားနဲ့အတူ အခုလိုအခွင့်သာတဲ့ကာလမှာ ရည်ရွယ်ထားတဲ့ သစ်ပင်တွေကိုစိုက်ပျိုးပြီး သစ်တောတွေကိုပြန်လည်ထိန်းသိမ်း နိုင်ဖို့ MPT အနေနဲ့ ကြိုးပမ်းဆောင်ရွက် နေပါတယ်။ ဒါကမြန်မာနိုင်ငံကို စဉ်ဆက်မပြတ် ဖွံ့ဖြိုးတိုးတက်မှုစေနိုင်ဖို့အတွက် MPT ရဲ့ လုပ်ဆောင်ချက်ပဲ ဖြစ်ပါတယ်။ ကျွန်တော့်အနေနဲ့ လူတိုင်းကို၊ အထူးသဖြင့် လူငယ်တွေကို၊ သစ်ပင်စိုက်ပျိုးလှုပ်ရှားမှုတွေမှာပါဝင်ကြဖို့ တိုက်တွန်းလိုပြီး ကျွန်တော်တို့ရဲ့ တွဲလက်တွေနဲ့အတူ မြန်မာနိုင်ငံကိုရှေ့ကိုလှမ်းချီကြပါစို့လို ပြောလိုပါတယ်။” ဟု ပြောကြားခဲ့ပါ သည်။
ယခုလို စိုက်ပျိုးခဲ့သမျှ သစ်ပင်အားလုံး၏ ၇၀% ရာခိုင်နှုန်းအထိ ဆက်လက်ရှင်သင်အောင် ဆောင်ရွက်နိုင်ခဲ့သည့် ရလဒ် ကောင်းများရှိထားကြောင်းကိုလည်း ဒေသခံ MPT ဝန်ထမ်းများနှင့် မြတ်နိဗ္ဗာန်အဖွဲ့တို့၏ အချက်အလက်များအရ သိရှိပြီး MPT အနေဖြင့် ယခုစိုက်ပျိုးမည့် သစ်ပင်များသည် နောက်နှစ်ပေါင်းများစွာတိုင် ဆက်လက်ရှင်သန်သွားကာ၊ နိုင်ငံအတွင်းရှိ တိုးပွားလာသည့် မော်တော်ကားများနှင့် စက်ရုံများမှ ထွက်ရှိလာသည့် ကာဗွန် စွန့်ပစ်မှုများကြောင့် ဖြစ်ပေါ်လာသည့် သက်ရောက်မှုများကို လျော့ချနိုင်မည်ဟု မျှော်လင့်ထားပါသည်။ MPT အနေဖြင့် မျိုးစုံလင်လှသည့် သစ်ပင်များဖြစ်သည့် ကျွန်း၊ ပျဉ်းကတိုး၊ တမာ၊ အင်ကြင်း၊ ပိတောက်၊ ဗံဒါပင်အစရှိသည့် သစ်ပင်မျိုးများအပြင် အခြားသော အရပ်ရပင်နှင့် လေကာပင်များကို စိုက်ပျိုးသွား မည်ဖြစ်ပြီး စိုက်ပျိုးစားရိတ်နှင့် ပျိုးပင်ကုန်ကျစားရိတ်များအတွက် တာဝန်ယူသွားမည် ဖြစ်ကာ မိုးတွင်းကာလအတွင်းအပင်များ ရှင်သန်နိုင်ရေးအတွက်လည်း ဆောင်ရွက်သွားမည်ဖြစ်ပါသည်။
MPT အနေဖြင့် လာမည့်နှစ်များတွင်လည်း သစ်ပင်စိုက်ပျိုးခြင်းလှုပ်ရှားမှုများကို နိုင်ငံအဝှမ်းတွင် ဆောင်ရွက်သွားမည်ဖြစ်ပြီး MPT ၏ “စိမ်းလန်းစေဖို့ရှေ့ဆက်စို့” အစီအစဉ်နှင့်ပတ်သက်၍ ပိုမိုသိရှိလိုပါက MPT ၏တရားဝင် Facebook စာမျက်နှာဖြစ်သည့် https://www.facebook.com/mptofficialpage/ သို့မဟုတ် MPT ၏ တရားဝင်ဝက်ဘ်ဆိုက် စာမျက်နှာ www.mpt.com.mm သို့ ဝင်ရောက်ပြီး သိရှိနိုင်မည့်အပြင် သုံးစွဲသူများအနေဖြင့် MPT ၏ ထုတ်ကုန်နှင့်ဝန်ဆောင်မှုများအကြောင်းကို အသေး စိတ်သိရှိလိုပါက 106 သို့ဖုန်းခေါ်ဆို၍ လည်းလေ့လာနိုင်မည် ဖြစ်ပါသည်။