MPT မှ Myanmar IDOL ပရိသတ်များအတွက် SMS Voting Packs နှင့် Portal mmidvote.com ကိုမိတ်ဆက်

(ရန်ကုန်၊ ၂၀၁၉ ခုနှစ်၊ အောက်တိုဘာ ၃၁ ရက်) – မြန်မာနိုင်ငံ၏ ပထမဆုံးနှင့် ဦးဆောင်ဆက်သွယ်ရေး အော်ပရေတာဖြစ်သော MPT သည် ကြိုက်နှစ်သက်ရာ ပြိုင်ပွဲ၀င်များကို လွယ်ကူစွာ မဲပေးနိုင်မည့် IDOL Special Voting Pack များကို မိတ်ဆက်ခဲ့ပါသည်။ Myanmar IDOL Season 4 ၏ ဆန်ခါတင် ရွေးချယ်ထားသော ပြိုင်ပွဲ၀င်အားလုံးသည် သူတို့၏ အရည်အချင်းများကို ပထမဦးဆုံး live round တွင် ထုတ်ဖော်ယှဉ်ပြိုင်ရမည့်အချိန်မှာ ယခုရောက်ရှိလာပြီဖြစ်သည်။ ပြိုင်ပွဲ၀င်များအနေဖြင့် ဒိုင်လူကြီးများနှင့် ပရိသတ်များရှေ့တွင် တိုက်ရိုက်တင်ဆက်ရမည်ဖြစ်ပြီး မဲပေးမှုများလည်းစတင်တော့မည်ဖြစ်သည်။

“ကျွန်တော်တို့ဟာ Official voting partner အနေနဲ့ မြန်မာနိုင်ငံက အောင်မြင်တဲ့ Myanmar IDOL အစီအစဉ်ရဲ့ တစ်စိတ်တစ်ပိုင်းအဖြစ်ဆက်လက်ပါ၀င်ခွင့်ရတဲ့အတွက် ၀မ်းသာပါတယ်။ ဒီ SMS Voting စနစ်နဲ့ PORTAL ကတစ်ဆင့် ပရိသတ်တွေဟာ သူတို့ကြိုက်နှစ်သက်တဲ့ပြိုင်ပွဲ၀င်တွေကို Myanmar IDOL မှာ အောင်အောင်မြင်မြင်နဲ့ champion ဖြစ်ဖို့အတွက် ကူညီနိုင်မှာပါ။   ကျွန်တော်တို့ရဲ့ Special Voting Packages က ၀င်ရောက်ယှဉ်ပြိုင်သူတွေကို မဲပေးခြင်းကနေတစ်ဆင့် ထောက်ခံအားပေးဖို့ ကူညီနိုင်ပြီး မဲပေးသူတွေအတွက်လည်း ရင်ခုန်စိတ်လှုပ်ရှားစရာတွေ ပေးစွမ်းနိုင်မှာပါ” ဟု MPT-KSGM Joint Operations ၏ Chief Commercial Officer ဖြစ်သူ Mr. Reizo Umeda က ပြောကြားခဲ့ပါသည်။

MPT သုံးစွဲသူများအနေဖြင့် Voting Packages ကို ပေါ်တယ်  mmidvote.com နှင့် 77700 သို့ SMS ပေးပို့ခြင်းမှ တစ်ဆင့်၀ယ်ယူနိုင်ပါသည်။ မဲပေးမှုများအတွက် ပထမဆုံးပြိုင်ပွဲကို ယနေ့ည ၁၁ နာရီတွင်စတင်မည်ဖြစ်ပြီး Myanmar IDOL Season 4 ၏နောက်ဆုံးအပိုင်းကိုတော့ ဒီဇင်ဘာလ ၂၈ ရက်နေ့တွင် တင်ဆက်သွားပါမည်။

Myanmar Idol Season 4 အတွက် Voting Packages မှာအောက်ပါအတိုင်းဖြစ်သည်။

PackCostNumber of Votes
Pack 1150 Ks5 Votes
Pack 2300 Ks10 Votes
Pack 3600 Ks20 Votes
Pack 41,500 Ks50 Votes
Pack 53,000 Ks100 Votes
Pack 615,000 Ks500 Votes
PAYG30 Ks/ VoteUp to 5 Votes/ Live Episode

 

SMS Voting အတွက် MPT သုံးစွဲသူတိုင်းသည် မိမိကြိုက်နှစ်သက်သည့်ပြိုင်ပွဲ၀င်နံပါတ်ကို ရိုးရှင်းစွာ ရိုက်နှိပ် ပြီးပေးပို့နိုင်သည်။ ဖော်ပြပါ Voting packages ကို MPT သုံးစွဲသူများသည် BUY 5, BUY 10, BUY 20, BUY 50, BUY 100, BUY 500 စသည်ဖြင့် ၀ယ်ယူမည့် မဲအရေအတွက်ကို မိုဘိုင်းလ်ဖုန်းများမှ 77701~11 သို့ SMS ပေးပို့၀ယ်ယူနိုင်ပါသည်။ တိုက်ရိုက်ယှဉ်ပြိုင်မူပွဲစဉ်များအတွင်း PAYG ဖြင့်လည်း (တိုက်ရိုက်ယှဉ်ပြိုင်မူ ပွဲစဉ်တစ်ခုအတွက် voting 5 ခုသာ) မဲပေးနိုင်ပါသည်။ လက်ကျန်မဲအရေအတွက်ကို mmidvote.com နှင့် 77700 သို့ BAL ဟုရိုက်နှိပ်ပြီး  ပေးပို့စစ်ဆေးနိုင်သည်။

ပြိုင်ပွဲ၀င် များ၏ Voting ကုတ်ဒ် များကိုအောက်တွင်ဖော်ြပပေးထားပါသည်။

NameVoting Number
Yaw Kee77701
Benjamin Sum77702
Naw Say Say Htoo77703
Tan Khun Kyaw77704
Chuu Sitt Han77705
Htet Izali77706
Hnin Ei Ei Lwin77707
Esther77708
Nay Linn Kyaw77709
Moo Ler77710
Aye Mya Phyu77711

Myanmar IDOL Voting Packs အကြောင်း ပိုမိုသိရှိလိုပါက ၁၀၆ သို့ ခေါ်ဆိုနိုင်ပြီး MPT ၏ တရားဝင် ဖေ့စ်ဘွတ်ခ် စာမျက်နှာ https://www.facebook.com/mptofficialpage/ သို့မဟုတ် MPT ၏ တရားဝင် ဝက်ဘ်ဆိုက် www.mpt.com.mm သို့ ဝင်ရောက်ကြည့်ရှုနိုင်ပါသည်။

မြန်မာနိုင်ငံ မှ ဂိမ်းဝါသနာရှင်များအားလုံး အံ့အားသင့်စေမည့် သက်သာသောနှုန်းထားဖြင့် MPT က PUBG Pack ကို မိတ်ဆက်

(ရန်ကုန်၊ ၂၀၁၉ ခုနှစ်၊ အောက်တိုဘာလ ၃၁ ရက်)
– မြန်မာနိုင်ငံ၏ ပထမဆုံးနှင့် ဦးဆောင်ဆက်သွယ်ရေး အော်ပရေတာဖြစ်သည့် MPT သည် PUBG MOBILE  နှင့် ပူးပေါင်း၍ ကြိုက်နှစ်သက်ရာ အင်တာနက် သုံးစွဲမှုတိုင်းအတွက် 900 MB ဒေတာပမာဏ ပါရှိသည့် PUBG Pack အသစ်ကို မိတ်ဆက်လိုက်ပြီ ဖြစ်ကြောင်း ယနေ့သတင်းထုတ်ပြန် ကြေညာလိုက်သည်။ PUBG Pack ကို သက်သာသောနှုန်းထားဖြစ်သည့် ၉၄၅ ကျပ် ဖြင့် ၀ယ်ယူနိုင်မည်ဖြစ်ပြီး ရက်ပေါင်း (၃၀) အတွင်း အသုံးပြုနိုင်မည် ဖြစ်ကာ MPT သုံးစွဲသူများ အနေဖြင့် အင်တာနက်အသုံးပြုမှုများကို မိမိတို့ ကြိုက်နှစ်သက်ရာအတွက် အသုံးပြုနိုင်မည် ဖြစ်သည်။

MPT သုံးစွဲသူများ အနေဖြင့် *8005# သို့ ခေါ်ဆို၍ PUBG Pack ကို ဝယ်ယူရရှိနိုင်မည်ဖြစ်သည့် အပြင် စိတ်ဝင်စားဖွယ် PUBG Exclusive (အထူးသီးသန့်) ဂိမ်း Item များဖြစ်သည့် Terror Scar-L ၊ Psychopath Set ၊ Gas Mask စသည့် ဂိမ်း Item များကို ကံထူးနိုင်မည့် အခွင့်အရေးများလည်း ရရှိမည်ဖြစ်သည်။ PUBG မိုဘိုင်းလ်ဂိမ်းကို Apple® App Store နှင့် Google® Play Store တို့တွင် ဒေါင်းလုတ်ပြုလုပ်၍ ရယူနိုင်မည် ဖြစ်သည်။ PUBG Mobile ဂိမ်းဝါသနာရှင်များအနေဖြင့် ဂိမ်းကစားရုံမက PUBG Exclusive (အထူးသီးသန့်) ဂိမ်း Item များကို အပိုထပ်ဆောင်းခ ပေးစရာမလိုဘဲ ကံထူးနိုင်မည်ဖြစ်သည်။

MPT ၏ PUBG Pack ကို ဝယ်ယူပြီး ကံထူးနိုင်သည့် PUBG Exclusive (အထူးသီးသန့်) ဂိမ်း Item များ

Scrap Coupon

Gas Mask

Psychopath Set


Terror Scar-L

 

“PUBG Mobile ဟာ မိုဘိုင်းလ်ဖျော်ဖြေရေးလောကကို မုန်တိုင်းတစ်ခုလိုပဲ လှုပ်ခတ်စေခဲ့တဲ့ အလွန်ထူးခြားတဲ့ ဂိမ်းတစ်ခုပဲ ဖြစ်ပါတယ်။ ဒါကြောင့် ကျွန်တော်တို့အနေနဲ့ MPT သုံးစွဲသူတွေရဲ့ လိုအပ်ချက်တွေကို ဖြည့်ဆည်းပေးနိုင်ဖို့အတွက် သက်သာတဲ့ နှုန်းထားနဲ့ PUBG Data Pack အသစ်တစ်ခုကို မိတ်ဆက်ပေးဖို့ ဆုံးဖြတ်ခဲ့တာ ဖြစ်ပါတယ်။ PUBG Pack ကို ဝယ်ယူ သုံးစွဲတဲ့သူတိုင်းဟာ PUBG Exclusive (အထူးသီးသန့်) ဂိမ်း Item တွေကို ကံထူးနိုင်မယ့် အခွင့်အရေးရရှိမှာ ဖြစ်ပြီး ဂိမ်းကစားသူတိုင်းအတွက် စိတ်လှုပ်ရှား ပျော်ရွှင်စရာကောင်းတဲ့ အတွေ့အကြုံတွေရရှိမယ်လို့ မျှော်လင့်မိပါတယ်။ မြန်မာနိုင်ငံရဲ့ မိုဘိုင်းလ်ဂိမ်းကဏ္ဍဟာ လျင်လျင်မြန်မြန်နဲ့ တိုးတက်လာတာနဲ့အတူ MPT အနေနဲ့ အထူးအစီအစဥ်တွေ ပြုလုပ်ပေးခြင်း၊ ဂိမ်းထုတ်လုပ်သူတွေနဲ့ ပူးပေါင်းဆောင်ရွက်ခြင်းတွေက နေတစ်ဆင့် တစ်ဖက်တစ်လမ်းကနေ အထောက်အကူပြု ဆောင်ရွက်ပေးနေပါတယ်” ဟု MPT-KSGM Joint Operations ၏ Chief Commercial Officer ဖြစ်သူ Mr. Reizo Umeda က ပြောကြားခဲ့သည်။

မိုဘိုင်းလ်ဂိမ်းကစားသည့် အတွေ့အကြုံများ တိုးတက်စေရန်နှင့် အီလက်ထရောနစ် အားကစားဏ္ဍ (E-Sport) များ ဖွံ့ဖြိုးတိုးတက်ရန် MPT အနေဖြင့် ရည်မှန်းချက်ထား ဆောင်ရွက်နေပါသည်။ MPT သည် ကမ္ဘာ့အကျော်ကြားဆုံး မိုဘိုင်းလ်ဂိမ်း ဖန်တီးထုတ်လုပ်သူများနှင့်မိတ်ဖက်အဖြစ် ပူးပေါင်းဆောင်ရွက်ပြီး MPT သုံးစွဲသူများအတွက် ပိုမိုထူးခြားကောင်းမွန်သည့် ဒီဂျစ်တယ်ဘဝများကို ရရှိစေရန် ဆောင်ရွက်လျက်ရှိ သကဲ့သို့ အီလက်ထရောနစ် ဖျော်ဖြေရေး (e-Entertainment) ကဏ္ဍတွင်လည်း လမ်းသစ်များ ဖောက်လုပ်ရန် ဆောင်ရွက်လျက်ရှိပါသည်။

PUBG Pack အသစ်နှင့် ပတ်သက်ပြီး အသေးစိတ် ထပ်မံသိရှိလိုပါက 106 သို့ ခေါ်ဆို၍သော် လည်းကောင်း၊ MPT ၏ တရားဝင် Facebook စာမျက်နှာဖြစ်သည့်

www.facebook.com/mptofficialpage/ 
နှင့် MPT ၏ တရားဝင် ဝက်ဘ်ဆိုက် ဖြစ်သည့် https://mpt.com.mm တို့တွင်လည်းကောင်း ဝင်ရောက်ကြည့်ရှု နိုင်ပါသည်။

နိုင်ငံတစ်ဝန်းမှ လူငယ်ကစားသမား ၅,၀၀၀ကျော် ပါဝင်ခဲ့သည့် MPT လူငယ်ဘောလုံးပွဲတော်များနှင့် အသက် ၁၄ နှစ်အောက် လူငယ်ဘောလုံးပြိုင်ပွဲများ အောင်မြင်စွာကျင်းပပြီးစီးခဲ့

(ရန်ကုန်၊ ၂၀၁၉ ခုနှစ် ၊ အောက်တိုဘာလ ၃၀ ရက်) – မြန်မာနိုင်ငံ၏ ပထမဦးဆုံးနှင့် ဦးဆောင်ဆက်သွယ်ရေးအော်ပရေတာ ဖြစ်သည့် MPT သည် မြန်မာနေရှင်နယ်လိဂ် (MNL)၊ မြန်မာနိုင်ငံဘောလုံးအဖွဲ့ချုပ် (MFF)၊ အခြေခံပညာဦးစီးဌာန၊ အားကစားနှင့် ကာယပညာ ဦးစီးဌာနတို့နှင့် အတူပူးပေါင်း၍ ၂၀၁၉ ခုနှစ် MPT လူငယ်ဘောလုံးပွဲတော်များနှင့် အသက် ၁၄ နှစ်အောက် လူငယ်ဘောလုံး ပြိုင်ပွဲများကို အောင်မြင်စွာ ကျင်းပပြုလုပ်နိုင်ခဲ့ပြီဖြစ်သည်။

မြန်မာလူငယ်ဘောလုံးကစားသမားများအတွက် အနာဂတ်အခွင့်အလမ်းကောင်းများ ပိုမိုယူဆောင်လာပေးနိုင် ရန်နှင့် မျိုးဆက်သစ်လူငယ်လူရွယ်များအကြား ကျန်းမာကြံ့ခိုင်သည့် လူနေမှုဘဝကိုရရှိစေရန်ရည်ရွယ်၍ နိုင်ငံအနှံ့ ဘောလုံးအားကစားပြိုင်ပွဲများကိုကျင်းပခဲ့ရာ ယခုနှစ်တွင် မြန်မာနိုင်ငံတစ်ဝန်းမှ လူငယ်ကစားသမား ၅,၀၀၀ ကျော် ပါဝင်ဆင်နွဲခဲ့သည်။

နိုင်ငံတစ်ဝန်းတွင် ကျင်းပခဲ့သည့် MPT လူငယ်ဘောလုံးပွဲတော်များနှင့် အသက် ၁၄ နှစ်အောက် ဘောလုံး ပြိုင်ပွဲများကို ၂၀၁၉ ဇူလိုင်မှ စတင်၍ တိုင်းနှင့် ပြည်နယ် ၁၀ ခု ဖြစ်သည့် ( မန္တလေး၊ မုံရွာ၊ ပဲခူး၊ မော်လမြိုင်၊ စစ်တွေ၊ ပုသိမ်၊ ရန်ကုန်၊ တောင်ကြီး၊ မကွေး နှင့် ကရင်) တို့တွင် ကျင်းပခဲ့ရာ အသင်းပေါင်း ၁၂၀ကျော် ပါဝင်ခဲ့ပြီး ပွဲစဉ်များအတွင်း ၎င်းတို့၏ ဘောလုံးစွမ်းရည်များကို ပြသနိုင်ခဲ့သည်။ ထို့အပြင် MPT က ဘောလုံးအခြေခံ အားကစားနည်း သင်ကြားရေး (Basic Football Skill Drills and Exercises) ရုပ်သံစီးရီးအစီအစဉ် ပါဝင်သည့် ဒီဗွီဒီအချပ်ရေ ရာပေါင်းများစွာကိုလည်း ယမန်နှစ်ကမပါဝင်သည့် နောက်ထပ် ပြည်နယ်နှစ်ခုတွင် ယခုနှစ်အတွင်း ထပ်မံဖြန့်ဝေခဲ့ခြင်းကြောင့် လူငယ်ဘောလုံး ကစားသမားများအနေဖြင့် ဒီဗွီဒီအခွေကို ကြည့်ရှုပြီး ဘောလုံး စွမ်းရည်များကို လက်တွေ့လေ့ကျင့်နိုင်မည့် အခွင့်အရေးများ ရရှိလာမည်ဖြစ်သည်။ MPT ၊ MNL နှင့် MFF တို့ ပူးပေါင်းထုတ်လုပ်ခဲ့သည့် ဘောလုံးအခြေခံ အားကစားနည်း သင်ကြားရေး ရုပ်သံစီးရီးအစီအစဉ်ကို လွန်ခဲ့သည့်နှစ်က တိုင်းဒေသကြီးနှင့် ပြည်နယ် ၈ ခုရှိ ကလေးများထံသို့ ဖြန့်ဝေပေးခဲ့ပြီး ဖြစ်သည်။

အဆိုပါ ဗွီဒီယိုကို MPT ၏ လိုတရပေါ်တယ်ရှိ https://lotaya.mpt.com.mm/service/mnl/training_video တွင် MPT ကွန်ရက်ကို အသုံးပြု၍ ဒေတာ အခမဲ့ဖြင့် ဝင်ရောက်ကြည့်ရှုနိုင်ပါသည်။

“ကျွန်တော်တို့ရဲ့ ဘောလုံးပွဲစဉ်တိုင်းမှာ ပါဝင်ခဲ့တဲ့ လူငယ်ကစားသမားအားလုံးကို ဒီကနေဂုဏ်ပြုလိုပါတယ်။ ငယ်ရွယ်တဲ့ အချိန်မှာ ဘောလုံးကစားခြင်းဟာ ကျွန်တော်တို့အားလုံးအတွက် ကိုယ်ကာယကျန်းမာကြံခိုင်စေတဲ့ အဓိကအချက်ပဲဖြစ်ပါတယ်။ လူငယ်တွေရဲ့ ဖွံ့ဖြိုးတိုးတက်မှုကို ရှေးရှုဆောင်ရွက်ခြင်းဟာ မြန်မာဘောလုံးလောက ဖွံ့ဖြိုးတိုးတက်ရေးအတွက်လည်း အထောက်အကူဖြစ်စေပါတယ်။ ဒီလိုဘောလုံးပွဲတော်တွေကတစ်ဆင့် မြန်မာနိုင်ငံတစ်ဝန်းလုံးမှာရှိတဲ့လူငယ်တွေအနေနဲ့ အခြေခံဘောလုံးစွမ်းရည်တွေကို လေ့လာနိုင်မှာဖြစ်ပြီး ဘောလုံးအားကစားကိုလည်း ပိုမိုချစ်ခင် လာလိမ့်မယ်လို့ ကျွန်တော်တို့တကယ့်ကိုပဲ ယုံကြည်မိပါတယ်” ဟု MPT-KSGM Joint Operations ၏ Chief Commercial Officer ဖြစ်သူ Mr. Reizo Umeda ကပြောကြားသည်။

MPT အနေဖြင့် “နှလုံးသားထဲက မြန်မာ” ဟူသော ဆောင်ပုဒ် အတိုင်း နိုင်ငံတစ်ဝန်းလုံးတွင် ဘောလုံးအားကစားဖွံ့ဖြိုး တိုးတက်စေရန်အတွက် လူငယ်ဘောလုံးပွဲတော်များ၊ လူငယ်နှင့် တက္ကသိုလ်အဆင့် ဘောလုံးပြိုင်ပွဲများကို ဆောင်ရွက်ကာ အနာဂတ်တွင် အရည်အချင်းရှိသည့်လူငယ်ဘောလုံးသမားများကို မွေးထုတ်ပေးနိုင်ရန်အတွက် MNL နှင့်အတူ လိုအပ်သည်များကို အထောက်အပံ့ပြုကာ တက်တက်ကြွကြွ ဆောင်ရွက်သွားရန် သန္နိဌာန်ချ လုပ်ဆောင်နေပါသည်။

ထို့အပြင် အဆိုပါပွဲများမှတစ်ဆင့် မြန်မာနိုင်ငံဘောလုံးအဖွဲ့ချုပ် (MFF) အနေဖြင့် တစ်နိုင်ငံလုံးရှိ ဘောလုံးစွမ်းရည် ပါရမီရှိသူများကို ဖော်ထုတ်စုဆောင်းနိုင်မည့် အခွင့်အရေးရရှိမည်ဖြစ်ပြီး အရည်အချင်းရှိသူများက နိုင်ငံ့ကိုယ်စားပြုအသင်းများအတွက် သက်တမ်းအလိုက် ပါဝင်နိုင်ခွင့် ရရှိလာမည် ဖြစ်သည်။ အလားတူပင် နည်းပြများနှင့် ထိုဘောလုံးပွဲတော်များတွင် လေ့ကျင့်သင်ကြားပေးသူများအနေဖြင့်လည်း ၎င်းတို့၏ အရည်အသွေးကို ပိုမိုကောင်းမွန်လာစေရန် မြှင့်တင်နိုင်မည့် အခွင့်အလမ်းတစ်ရပ်ဖြစ်ကာ နိုင်ငံတွင်းရှိ အခြားကျောင်းများမှ နည်းပြများနှင့်လည်း အတွေ့အကြုံ ဗဟုသုတများကို ဖလှယ်ခွင့်ရမည် ဖြစ်သည့်အပြင် မြန်မာဘောလုံးလောက၏ အနာဂတ်ကြယ်ပွင့်များ၏ အခြေခံအဆင့်အတွက်လိုအပ်သည့် ဘောလုံးစွမ်းရည် များကို ဝေမျှနိုင်မည်ဖြစ်သည်။

မြန်မာနေရှင်နယ်လိဂ်၏ Chief Executive Officer ဖြစ်သူ ဦးစိုးမိုးကျော်က “အခုနှစ်မှာ MPT နဲ့ ထပ်မံပြီးပူးပေါင်းဆောင်ရွက်ရတာဟာ MFF နဲ့ MNL တို့အတွက် အလွန်ကျေနပ်အားရစရာဖြစ်ပါတယ်။ ထောင်ပေါင်းများစွာသော လူငယ်ကစားသမားတွေအဖို့ သူတို့ရဲ့စွမ်းရည်ကို ထုတ်ဖော်ပြသနိုင်ဖို့ အခွင့်အရေး ရလာပြီးတော့ ကျွန်တော်တို့နိုင်ငံလက်ရွေးစင်အသင်းရဲ့ အဆင့်တွေတိုင်းမှာပါဝင်နိုင်ဖို့ အခွင့်အလမ်းကိုလည်း ရရှိနိုင်မှာ ဖြစ်ပါတယ်။ နိုင်ငံတစ်ဝန်းမှာ ကျင်းပနေတဲ့ MPT လူငယ်ဘောလုံးပွဲတော်တွေဟာ မြန်မာဘောလုံးလောကရဲ့ အနာဂတ်အတွက် တကယ့်ကိုအရေးပါပြီး MPT ရဲ့တစိုက်မတ်မတ် အားပေး ထောက်ပံ့မှုတွေအပြင် အားကစားသမားတွေ၊ အားကစားနည်းပြတွေ၊ လေ့ကျင့်ပေးသူတွေ၊ ဆရာတွေ၊ မိဘတွေနဲ့ ပံ့ပိုးပေးသူတွေအားလုံးကိုလည်း ကျေးဇူးအထူးတင်ရှိပါတယ်။” ဟု ပြောကြားခဲ့သည်။

MPT ၏ လူမှုအကျိုးပြု လုပ်ငန်းဆောင်ရွက်မှုများနှင့် လူငယ်ဖွံ့ဖြိုးရေးအတွက် ဆောင်ရွက်ချက်များကို အသေး စိတ်သိရှိလိုပါက MPT ၏ တရားဝင် Facebook စာမျက်နှာဖြစ်သော www.facebook.com/mptofficialpage/ နှင့် MPT ၏ တရားဝင် website ဖြစ်သည့် https://mpt.com.mm တို့တွင်လည်းကောင်း ဝင်ရောက်ကြည့်ရှု နိုင်ပါသည်။

ဂီတအနုပညာကို ချစ်မြတ်နိုးသော မြန်မာပရိတ်သတ်များအတွက် “တေးသံသာ” Music App ကို စတင်မိတ်ဆက်

(ရန်ကုန်၊ ၂၀၁၉ ခုနှစ်၊ အောက်တိုဘာလ ၂၆ ရက်) – မြန်မာနိုင်ငံ၏ ပထမဆုံးနှင့် ဦးဆောင်ဆက်သွယ်ရေး အော်ပရေတာ ဖြစ်သည့် MPT သည် East Boy Co., Ltd နှင့် ပူးပေါင်း၍ သုံးစွဲသူများအတွက် လူကြိုက်များသော မြန်မာတေးသီချင်းများကို ပိုမိုလွယ်ကူစွာ ရယူခံစားနားဆင်နိုင်စေရန် နှင့် အမျိုးအစား စုံလင်စွာ ရွေးချယ်နိုင်ရန်အတွက် “တေးသံသာ” Music App ကို မိတ်ဆက်လိုက်ပြီဖြစ်ကြောင်း ယနေ့သတင်းထုတ်ပြန် ကြေညာလိုက်သည်။ MPT သုံးစွဲသူများအနေဖြင့် “တေးသံသာ” ဂီတအက်ပလီကေးရှင်းတွင် မည်သည့် Media တွင်မှ မဖော်ြပရသေးသော မြန်မာတေးသီချင်းအသစ်များ၊ သီချင်းကောင်းများအား အထူးသီးသန့်အနေဖြင့် နားဆင်ခံစားနိုင်မည် ဖြစ်သည်။
“တေးသံသာ” Music App ကို Google Play Store (သို့မဟုတ်) Apple store တို့မှ ဒေါင်းလုတ်ရယူကာ တေးသီချင်းအတွေ့အကြုံသစ်များကို နားဆင်ခံစားနိုင်မည် ဖြစ်သည်။ အဆိုပါဝန်ဆောင်မှုတွင် Free User နှင့် Premium User ဟူ၍ အမျိုးအစားနှစ်မျိုး ခွဲခြားသတ်မှတ်ထားသည်။ Free User များအနေဖြင့် သတ်မှတ်ထားသော တေးသီချင်းများကိုသာ နားဆင်နိုင်မည်ဖြစ်ပြီး Premium User များအနေဖြင့် Premium account ဖြင့် နောက်ဆုံးထွက်ရှိထားသော တေးသီချင်းများကို တစ်ရက်လျှင် ၉၉ကျပ်နှုန်းဖြင့် နားဆင်ခံစားနိုင်မည်ဖြစ်သည်။ MPT သုံးစွဲသူများသည် အရည်အသွေးမြင့် တေးသီချင်းများကို ဒေါင်းလုတ်ဆွဲပြီး နားဆင်နိုင်မည် ဖြစ်သည့်အပြင် Mega Stars မှ ထွက်ရှိသော အနုပညာရှင်များ၏ အထူးသီးသန့် ဂီတဗွီဒီယိုစုစည်းမူများ၊ ဂီတဖျော်ဖြေပွဲ တိုက်ရိုက်ထုတ်လွှင့်မှုများကိုလည်း နားဆင်ခံစားနိုင်မည်ဖြစ်သည်။ Apple ဖုန်းအသုံးပြုသူများအတွက် Premium ဝန်ဆောင်မှုကို မကြာမီအသုံးပြုနိုင်မှာဖြစ်ပါတယ်။ တေးသံသာ အက်ပလီ ကေးရှင်းတွင်ပါဝင်သော Premium တေးသီချင်းများအား အခြားသော မည်သည့်ဝန်ဆောင်မှုတွင်မရရှိနိုင်ပါ။
“ဂီတအပေါ်ထားရှိတဲ့ မြတ်နိုးမှုတွေကို ကျွန်တော်တို့ရဲ့ တန်ဖိုးထားရတဲ့ သုံးစွဲသူတွေကို မျှဝေပေးရတာ အရမ်းဝမ်းသာ ပျော်ရွှင်မိပါတယ်။ အခုလိုမျိုး “တေးသံသာ” ဂီတဝန်ဆောင်မှုအသစ်တစ်ခုနဲ့ မိတ်ဖက်အဖြစ် လက်တွဲဆောင်ရွက်လိုက်ခြင်းအားဖြင့် ကျွန်တော်တို့အနေနဲ့ တီထွင်ဖန်တီးလိုတဲ့ မြန်မာအနုပညာရှင်တွေကို အားပေးကူညီရာရောက်သလို တေးသီချင်းချစ်သူတွေအားလုံးကလည်း သူတို့ကြိုက်တဲ့ အဆိုတော်တွေရဲ့ ဖန်တီးမှု တေးသီချင်းတွေကို အပြည့်အဝ နားဆင်ခံစားနိုင်မယ့် အခွင့်အရေး ပေးလိုက်နိုင်တာပဲဖြစ်ပါတယ်။ ကျွန်တော်တို့ရဲ့ သုံးစွဲသူတွေကို အသစ်ထွက်ရှိလာတဲ့တေးသီချင်းတွေနဲ့ ဂန္တဝင်သီချင်းတွေကို အကန့်အသတ်မရှိ နားဆင်နိုင်ခွင့် ပေးအပ်လိုက်ခြင်းက မြန်မာနိုင်ငံရဲ့ ဂီတနဲ့ ဖျော်ဖြေရေးလုပ်ငန်းတွေကို မြှင့်တင်ပေးတဲ့ နည်းလမ်းတစ်ခုလည်း ဖြစ်ပါတယ်။” ဟု MPT-KSGM Joint Operations ၏ Chief Commercial Officer ဖြစ်သူ Mr. Reizo Umeda က ပြောကြားသည်။
““တေးသံသာ” Music App ကို လုပ်မယ်လို့စဉ်းစားတဲ့အခါမှာ ကိုယ်တိုင်ကလည်း အနုပညာကို ဝါသနာပါတဲ့အချက်က အဓိက ဖြစ်ပါတယ်။ ဒါကြောင့် သူများတွေနဲ့ မတူအောင်လည်း ကြိုးစားထားပါတယ်။ ၁၀၀% မြန်မာနိုင်ငံသားပိုင် ဖြစ်ပြီးတော့ နိုင်ငံတကာက မြန်မာလူမျိုးတွေလည်း နားဆင်လို့ရအောင် ဆောင်ရွက်ထားပါတယ်။ ပထမဆုံးနဲ့ ဦးဆောင်ဆက်သွယ်ရေးအော်ပရေတာ ဖြစ်တဲ့ MPT နဲ့ သီးသန့် လက်တွဲခွင့်ရတဲ့အတွက် ဝမ်းသာမိပါတယ်။ ဒီ “တေးသံသာ” အက်ပလီကေးရှင်း ထဲမှာ ပရိသတ်တွေ အကြိုက်တွေ့စေမယ့် တေးသီချင်းတွေကို တင်ဆက်ထားပါတယ်။ ထပ်ပြီးတော့လည်း အသစ်အသစ်သော ရသမျိုးစုံ ပေးစွမ်းနိုင်တဲ့ သီချင်းအသစ်တွေကို တင်ဆက်နိုင်ဖို့ ဆောင်ရွက်ထားပါတယ်။ ဒီ အက်ပလီကေးရှင်း ဖြစ်မြောက်လာအောင် ဝိုင်းဝန်းကူညီပေးခဲ့ကြတဲ့သူတွေအားလုံးကို ကျေးဇူးတင်ပါတယ်။ ဆက်လက်ပြီးတော့ လည်း တစ်ထောင့်တစ်နေရာကနေပြီးတော့ ပါဝင်ကူညီပေးကြဖို့နဲ့ ဒီအက်ပလီကေးရှင်း အောင်အောင်မြင်မြင်ရပ် တည်နိုင်အောင် ကျွန်တော်တို့ဘက်မှ ကြိုးစားသွားပါ့မယ်” ဟု East Boy Co., Ltd ၏ CEO ဖြစ်သူ ဦးညီသူရ က ပြောကြားခဲ့သည်။
“တေးသံသာ” Music App ဝန်ဆောင်မှုသည် မြန်မာဂီတဝါသနာရှင်များအားလုံး၏ ဒီဂျစ်တယ်နည်းပညာဘဝကို တိုးတက်ကောင်းမွန်စေရန်၊ မြန်မာ့ဂီတနှင့် ဖျော်ဖြေရေးနယ်ပယ်ကို အားပေးအ‌ထောက်အကူပြုနိုင်ရန် ရည်ရွယ်ပါသည်။
MPT သုံးစွဲသူများ အနေဖြင့် “တေးသံသာ” Music App ၏ လုပ်ဆောင်ချက်အားလုံးကို သိရှိလိုပါက Google Play Store (သို့မဟုတ်) Apple Store တို့မှ ဝင်ရောက်၍ ဒေါင်းလုတ်ရယူ အသုံးပြုနိုင်ပါသည်။ သုံးစွဲသူများအနေဖြင့် အက်ပလီကေးရှင်းကို ဒေါင်းလုတ်ရယူပြီးပါက MPT ဆင်းမ်ကတ်နံပါတ်ဖြင့် စာရင်းသွင်းရန် လိုအပ်ပါသည်။ Preminum ဝန်ဆောင်မှုအား အသုံးပြုလိုပါက 8734 သို့ ON ဟု SMS (စာတို) ပေးပို့နိုင်ပါသည် (သို့မဟုတ်) တေးသံသာ အက်ပလီကေးရှင်းမှတစ်ဆင့် ရယူနိုင်ပါသည်။
MPT ၏ ထုတ်ကုန်အသစ်များနှင့် ဝန်ဆောင်မှုများအကြောင်း ပိုမိုသိရှိလိုပါက ၁၀၆ သို့ ခေါ်ဆိုနိုင်၍ သော်လည်းကောင်း၊ MPT ၏ တရားဝင် ဖေ့စ်ဘွတ်ခ် စာမျက်နှာ https://www.facebook.com/mptofficialpage/ သို့မဟုတ် MPT ၏ တရားဝင် ဝက်ဘ်ဆိုက် www.mpt.com.mm သို့ ဝင်ရောက်ကြည့်ရှုနိုင်ပါသည်။

ရှမ်းပြည်နယ်(အရှေ့ပိုင်း) တို့တွင် ခေတ်မီအိတ်ချိန်းစက်များ လဲလှယ်ပြီးဖြစ်ပါသဖြင့် အော်တိုတယ်လီဖုန်းနံပါတ်များအား ပြောင်းလဲပါမည်

(ရန်ကုန်၊ ၂၀၁၉ ခုနှစ်၊ အောက်တိုဘာလ ၂၅ ရက်) – မြန်မာ့ဆက်သွယ်ရေးလုပ်ငန်း (MPT) အနေဖြင့် ပိုမိုကောင်းမွန်သည့် အရည်အသွေး နှင့် ခေတ်မီဝန်ဆောင်မှုများကို ပေးနိုင်ရန်အတွက် လက်ရှိအသုံးပြု နေသော အော်တိုတယ်လီဖုန်းနံပါတ်များကို ဂဏန်း (၇) လုံးပါရှိသည့် VoIP တယ်လီဖုန်းနံပါတ်အသစ်များ ဖြင့် ပြောင်းလဲတပ်ဆင်ပေးသွားမည် ဖြစ်ပါသည်။ ရှမ်းပြည်နယ် (အရှေ့ပိုင်း) ရှိ အိတ်ချိန်းများကို ခေတ်မီအိတ်ချိန်းစက်များနှင့် ပြောင်းလဲတပ်ဆင်ပြီး ကေဘယ်ကွန်ရက်စနစ် (Cable Network) အားလည်း ယခုလက်ရှိ ကြေးနန်းကြိုး (Copper Cable) အသုံးပြုစနစ်မှ မြန်နှုန်းမြှင့် သတင်းအချက်အလက် ဝန်ဆောင်မှုပေးနိုင်သည့် ဖန်ကြိုးမျှင် (Fiber Cable) အသုံးပြုစနစ်သုံး VoIP တယ်လီဖုန်းများဖြင့် ပြောင်းလဲတပ်ဆင်မည်ဖြစ်ပါသဖြင့် ၂၀၁၉ခုနှစ်၊ နိုဝင်ဘာလ ၂၅ ရက်တွင် အော်တိုတယ်လီဖုန်းနံပါတ်များ အောက်ပါအတိုင်း ပြောင်းလဲသွားမည် ဖြစ်ပါသည်။

အိတ်ချိန်းနယ်မြေလက်ရှိအသုံးပြုနေသော ဖုန်းနံပါတ်အသစ်ပြောင်းလဲမည့် ဖုန်းနံပါတ်
ကျိုင်းတုံအိတ်ချိန်းရှမ်းပြည်နယ်

(အရှေ့ပိုင်း)

 

 

၀၈၄ – ၂၁xxxx၀၈၄ – ၂၀၂၁xxxx
၀၈၄ – ၂၂xxxx၀၈၄ – ၂၀၂၂xxxx
၀၈၄ – ၂၃xxxx၀၈၄ – ၂၀၂၃xxxx
၀၈၄ – ၂၄xxxx၀၈၄ – ၂၀၂၄xxxx
တာချီလိတ်အိတ်ချိန်း၀၈၄ – ၅၁xxxx၀၈၄ – ၂၀၅၁xxxx
၀၈၄ – ၅၂xxxx၀၈၄ – ၂၀၅၂xxxx
၀၈၄ – ၅၃xxxx၀၈၄ – ၂၀၅၃xxxx

တယ်လီဖုန်းနံပါတ်အဟောင်းမှ နံပါတ်အသစ်သို့ ပြောင်းလဲစဉ်ကာလအတွင်းတွင် မြန်မာ့ဆက်သွယ်ရေး လုပ်ငန်းမှ မိမိတို့၏ ဝန်ဆောင်မှုကို အသုံးပြုနေသူများ ဆက်သွယ်မှုအဆင်ပြေစေရန် Call Forward ဝန်ဆောင်မှုကို ၂၀၂၀ ခုနှစ် ဖေဖော်ဝါရီလအကုန်အထိ အခမဲ့ပေးထားမည်ဖြစ်ပြီး၊ သုံးစွဲသူများသည် နံပါတ်အသစ်သို့ ပြောင်းလဲနေစဉ်ကာလအတွင်းတွင် လက်ရှိနံပါတ် (သို့မဟုတ်) နံပါတ်အသစ်သို့ ခေါ်ဆိုနိုင်မည် ဖြစ်ပါသည်။

PUBG

PUBG Mobile Pack

MPT သုံးစွဲသူများအတွက် Game-item များကံထူးနိုင်မည့် ရင်ခုန်ဖွယ် ဒေတာပက်ကေ့ချ် အသစ် PUBG Mobile Pack ကို PUBG Mobile နှင့် ပူးပေါင်းပြီး MPT မှ မိတ်ဆက်ပေးလိုက်ပါပြီ။ ကြိုက်နှစ်သက်ရာ အင်တာနက်သုံးစွဲမှုတိုင်းအတွက် ဈေးနှုန်းသင့်တင့်စွာ ဝယ်ယူရင်း Game-item များကို ကံထူးရယူလိုက်ပါ။

PUBG Mobile Pack

ဒေတာပမာဏ395 MB (ကြိုက်နှစ်သက်ရာ အင်တာနက်သုံးစွဲမှုတိုင်းအတွက်)
အထူးအစီအစဉ်PUBG mobile pack ဂိမ်း Item များကံထူးခွင့်
သက်တမ်း၃၀ ရက်
ဈေးနှုန်း၉၄၅ ကျပ်

အဆင့် ၁: *8005# ကိုခေါ်ဆိုပြီး PUBG Mobile Pack ကို ဝယ်ယူပါ။

အဆင့် ၂: ကြိုက်နှစ်သက်ရာ အသုံးပြုနိုင်သော ဒေတာ 395 MB ရရှိမည် ဖြစ်ပြီး PUBG mobile pack ဂိမ်း Item ကံထူးပါက အကြောင်းကြားသည့် စာတိုကို လက်ခံရရှိမည် ဖြစ်ပါသည်။

PUBG Mobile Pack ဝယ်ယူပြီး ကံထူးနိုင်မည့် Game-item များ

စည်းကမ်းချက်များ

  • Base Tariff အသုံးပြုသူများနှင့် CDMA ဖုန်းအသုံးပြုသူများ အသုံးမပြုနိုင်ပါ။
  • ဝယ်ယူထားသော ဒေတာကို မိမိကြိုက်နှစ်သက်ရာဝန်ဆောင်မှုတွင် အသုံးပြုနိုင်ပါသည်။
  • MPT သုံးစွဲသူများသည် PUBG mobile pack ကို တစ်ကြိမ်ဝယ်ယူတိုင်း ဒေတာပမာဏ 395 MB (မည်သည့်ဒေတာမဆို) ရက် (၃၀) စာ နှင့် PUBG mobile pack game item များ ကံထူးခွင့် ရရှိမည် ဖြစ်ပါသည်။
  • ဝယ်ယူထားသော Data Pack အသုံးပြုပြီးနောက် (သို့) သုံးစွဲနိုင်သော ဒေတာသက်တမ်း ကျော်လွန်ပြီးနောက်တွင် ဝယ်ယူထားသော သက်ဆိုင်ရာ Data Pack (သို့မဟုတ်) သုံးသလောက်ပေးအင်တာနက်မှ ဖြတ်တောက်သွားပါမည်။
  • PUBG mobile Pack ကို အကြိမ်အရေအတွက် အကန့်သတ်မရှိ ဝယ်ယူရရှိနိုင်ပါသည်။
  • PUBG mobile Pack ဝယ်ယူသုံးစွဲသူအားလုံးအတွက် MPT မှ သတ်မှတ်ထားသော စည်းမျဉ်းစည်းကမ်းများကို http://mpt.com.mm/mm/about-home/terms-conditions-mm/ တွင် လေ့လာနိုင်ပါသည်။

မေးလေ့ရှိသော မေးခွန်းများ

၁။ PUBG Mobile Pack ဆိုတာဘာလဲ။

PUBG Mobile pack သည် ကြိုက်နှစ်သက်ရာ အင်တာနက် သုံးစွဲမှုတိုင်းအတွက် အသုံးပြုနိုင်သည့် ဒေတာ 395 MB ပါဝင်သည့် ပက်ကေ့ချ် တစ်ခုဖြစ်ပါသည်။ ဈေးနှုန်းမှာ ၉၄၅ ကျပ်ဖြစ်ပြီး ရက် (၃၀) အတွင်း အသုံးပြုနိုင်မှာဖြစ်ပါသည်။ အထူးအစီအစဉ်အနေဖြင့် PUBG Mobile Game-item များကို ကံထူးနိုင်မည် ဖြစ်ပါသည်။

၂။ PUBG Mobile Pack ကို ဘယ်သူတွေ ဝယ်နိုင်ပါသလဲ။

ဆွေသဟာ၊ ရှယ်ပြော၊ ရွှေစကား အစီအစဉ် ရယူထားသော GSM/WCDMA အသုံးပြုသူများ ဝယ်ယူနိုင်ပါသည်။ Base Tariff အသုံးပြုသူများ မဝယ်ယူနိုင်ပါ။

၃။ ဘယ်သူတွေက ကံထူးနိုင်မလဲ။

PUBG Mobile pack ကိုဝယ်ယူသူများသည် PUBG Mobile Game-item များ ကံထူးခွင့် ရရှိနိုင်မည်ဖြစ်ပါသည်။

၄။ Lucky draw မှ ဘယ်လို item တွေ ရနိုင်မလဲ။

Lucky draw မှ အောက်ပါ item တွေ ရနိုင်ပါတယ်။

Red Outfit – Extreme Climber Set

Red Gun – Hot Rod S686

Black Outfit – Alpine Climber Set

Yellow Gun – Feral Scavenger VSS

Supply Crate Coupon Scrap

Supply Crate Coupon

Classic Crate Coupon Scrap

၅။ ကံထူးသူများကို ဘယ်လို အကြောင်းကြားမှာလဲ။

ကံထူးသူများအား ကံထူးသည့် PUBG Mobile Game-item ကို (ရုံးဖွင့်ရက်)အတွင်း စာတိုပေးပို့၍ အကြောင်းကြားမည် ဖြစ်ပါသည်။

၆။ ပက်ကေ့ချ်ကို တစ်ခုထက်ပိုပြီး ဝယ်လို့ရပါသလား။

၀ယ်ယူနိုင်ပါသည်။ အကန့်အသတ်မရှိ ဒေတာပက်ကေ့ချ်ကို ဝယ်ယူနိုင်ပါသည်။ ဒေတာကျန်ရှိနေသေးပါက ဒေတာလက်ကျန်များပေါင်းစည်းသွားမှာ ဖြစ်ပြီး နောက်ဆုံး Pack ၏ သက်တမ်းကုန်ဆုံးရက်အတိုင်း သတ်မှတ်သွားမှာဖြစ်ပါသည်။

၇။ ကံထူးသည့် ဂိမ်း item ကို အသုံးပြုရန် အခက်အခဲ ရှိနေပါသည်။ ဘယ်လိုလုပ်ရမလဲ။

MPT call center 106 သို့ ဖုန်းခေါ်ဆို၍ ဆက်သွယ်နိုင်ပါသည်။

၈။ PUBG Mobile Pack သည် အခွန်အပါအဝင် (၉၄၅)ကျပ် ဖြစ်ပါသလား။

PUBG Mobile pack တန်ဖိုးတွင် အခွန် ပါဝင်ပြီး ဖြစ်ပါသည်။

၉။ Item ကုဒ်တွေကို ဘယ်အချိန်အထိ အသုံးပြုလို့ရပါသလဲ။

ကုဒ်လက်ခံရရှိပြီး (၆)လ အတွင်း အသုံးပြုနိုင်ပါသည်။

အံ့ဩဖွယ်ရာ တယ်လီကွန်းဆုလက်ဆောင်များရယူနိုင်မည့် MPT “ထိပေါက်” ကံစမ်းမဲအစီအစဉ် ပုံစံသစ်ကို ယနေ့ မိတ်ဆက်

(ရန်ကုန်၊ ၂၀၁၉ ခုနှစ်၊ အောက်တိုဘာလ ၂၄ ရက်) – မြန်မာနိုင်ငံ၏ ပထမဆုံးနှင့် ဦးဆောင်ဆက်သွယ်ရေး အော်ပရေတာ ဖြစ်သည့် MPT သည် သုံးစွဲသူများ MPT4U အက်ပလီကေးရှင်းကို ဒေါင်းလုတ်ရယူခြင်း (သို့မဟုတ်) အဆင့်မြှင့်တင်ခြင်း ပြုလုပ်ပြီး MPT4U အက်ပလီကေးရှင်းမှ တစ်ဆင့် မည်သည့်ပက်ကေ့ချ်ကိုမဆို ဝယ်ယူခြင်းဖြင့် တယ်လီကွန်းဆုများကို  ပါဝင်ကံစမ်းနိုင်မည့် “နယူးထိပေါက်” (MPT ၏ ထိပေါက် အစီအစဉ် ပုံစံသစ်) ကံစမ်းမဲအစီအစဉ်ကို မိတ်ဆက်လိုက်ပြီဖြစ်ကြောင်း ယနေ့သတင်းထုတ်ပြန်ကြေညာလိုက်သည်။ MPT သုံးစွဲသူများအနေဖြင့် ပက်ကေ့ချ်များကို များများဝယ်လေ ဆုလက်ဆောင်များ ကံစမ်းနိုင်သည့် အခွင့်အရေးများကို များများပိုရနိုင်မည် ဖြစ်သည်။ ကံစမ်းနိုင်သည့် အခွင့်အရေးများသည် တစ်နေ့တာ၏ ည ၀၀:၀၀:၀၀ အချိန်တွင် ကုန်ဆုံးမည် ဖြစ်သည်။

“နယူးထိပေါက်” ကံစမ်းမဲအစီအစဉ်သည် MPT4U အက်ပလီကေးရှင်း အသုံးပြုသူတိုင်းအတွက် MPT က ဂုဏ်ယူစွာဖြင့် ဆောင်ရွက်ထားသော အစီအစဉ်တစ်ခု ဖြစ်သည်။ သုံးစွဲသူများသည် MPT ကွန်ရက်ကိုအသုံးပြု၍ အင်တာနက်ဒေတာဖိုးကုန်ကျစရာမလိုဘဲ MPT4U ဝက်ဆိုက်ဖြစ်သည့် (https://my.mpt.com.mm/#/) မှတစ်ဆင့်လည်း ပါဝင်ကံစမ်းနိုင်မည် ဖြစ်သည်။

MPT သုံးစွဲသူများသည် MPT4U အက်ပလီကေးရှင်း အဆင့်မြှင့်ဗားရှင်းကို အသုံးပြု၍ မိမိကြိုက်နှစ်သက်သည့် မည်သည့်ပက်ကေ့ချ်ကိုမဆို ဝယ်ယူကာ “နယူးထိပေါက်” ကံစမ်းမဲအစီအစဉ်တွင် ပါဝင်နိုင်မည် ဖြစ်သည်။ ကံစမ်းမဲအစီအစဉ်တွင် ကံထူးရှင်များကို တယ်လီကွန်းဆုလက်ဆောင်များဖြစ်သည့် ဒေတာ၊ ဖုန်းခေါ်ဆိုခွင့်၊ ဖုန်းဘေလ် နှင့် စာတိုပေးပို့ခြင်း (SMS) များ သုံးစွဲနိုင်ရန် ပေးအပ်သွားမည် ဖြစ်သည်။ ဖုန်းဘေလ်လက်ကျန်များကို  MPT အချင်းချင်း ဖုန်းခေါ်ဆိုခွင့်၊ MPT အချင်းချင်း စာတို (SMS )ပေးပို့ခွင့်ကို (၇) ရက်အတွင်း အသုံးပြုနိုင်မည် ဖြစ်သည်။

နယူးထိပေါက် ကံစမ်းမဲအစီအစဉ်၏ တယ်လီကွန်း ဆုလက်ဆောင်များ
·                ဒေတာ –  100 GB အထိ

·                ဖုန်းဘေလ် –  ၁၀၀, ၀၀၀ ကျပ်အထိ

·                MPT အချင်းချင်း ဖုန်းခေါ်ဆိုခွင့် – မိနစ် ၅၀၀ အထိ

·                MPT အချင်းချင်း စာတို (SMS ) – အစောင်ရေ ၅၀၀ အထိ

“MPT အနေနဲ့ ကျွန်တော်တို့တန်ဖိုးထားရတဲ့ သုံးစွဲသူတွေရဲ့ ဒီဂျစ်တယ်လူနေမှုဘဝ အတွေ့အကြုံကောင်းတွေ ရရှိဖို့ အကောင်းဆုံးကြိုးစားအားထုတ်နေပါတယ်။ သုံးစွဲသူတိုင်းဟာ ကျွန်တော်တို့ရဲ့ အသုံးပြုရလွယ်ကူတဲ့ MPT4U အက်ပလီကေးရှင်းကို အသုံးပြုပြီး မိုဘိုင်းလ်ဖုန်းနဲ့ ပတ်သက်တဲ့ ကုန်ကျစရိတ်တွေကို ကောင်းမွန်စွာ စီမံခန့်ခွဲနိုင်မှာပါ။ “နယူးထိပေါက်” ကံစမ်းမဲအစီအစဉ်ကနေတစ်ဆင့် နောက်ဆုံးဗားရှင်းကိုအသုံးပြုပြီး လုပ်ဆောင်ချက်အသစ်တွေနဲ့ စိတ်လှုပ်ရှားစရာ ပရိုမိုးရှင်းအစီအစဉ်တွေကို ရယူ အသုံးပြုဖို့အတွက်တိုက်တွန်း ချင်ပါတယ်” ဟု MPT-KSGM Joint Operations ၏ Chief Commercial Officer ဖြစ်သူ Mr. Reizo Umeda က ပြောကြားခဲ့သည်။

MPT သုံးစွဲသူများအနေဖြင့် MPT4U အက်ပလီကေးရှင်းကို Google® Play Store မှသော်လည်းကောင်း Apple® App Store မှ သော်လည်းကောင်း ဒေါင်းလုတ်ဆွဲ၍ရယူနိုင်ပါသည်။ ထို့ပြင် သုံးစွဲသူများအနေဖြင့် MPTဖုန်းနံပါတ်ဖြင့် *4040# ကို ဖုန်းခေါ်ဆိုခြင်း (သို့မဟုတ်) လိုတရ ဝက်ဘ်ပေါ်တယ်မှတစ်ဆင့် MPT4U အက်ပလီကေးရှင်းကို ဒေါင်းလုတ် ပြုလုပ်ခြင်း(သို့မဟုတ်) အဆင့်မြှင့်တင်ခြင်းတို့ကို ပြုလုပ်နိုင်မည် ဖြစ်သည်။ (Android ဖုန်းအသုံးပြုသူများအတွက် အခမဲ့)

Google Play Store: http://PlayStore/MPT4U

Apple Store: http://AppStore/MPT4U

Lo Ta Ya – http:/FreeDownload/MPT4U

Android ဖုန်းအသုံးပြုသူများအတွက် အခမဲ့တိုက်ရိုက်ဒေါင်းလုတ်လင့်ခ် – bit.ly/FreeLuckyDraw4U

MPT ၏ ထုတ်ကုန်အသစ်များနှင့် ဝန်ဆောင်မှုများအကြောင်း ပိုမိုသိရှိလိုပါက ၁၀၆ သို့ ခေါ်ဆို၍ သော်လည်းကောင်း MPT ၏ တရားဝင် ဖေ့စ်ဘွတ်ခ် စာမျက်နှာ https://www.facebook.com/mptofficialpage/ သို့မဟုတ် MPT ၏ တရားဝင် ဝက်ဘ်ဆိုက် www.mpt.com.mm သို့ ဝင်ရောက်ကြည့်ရှု လေ့လာနိုင်ပါသည်။

ရန်ကုန်တိုင်းဒေသကြီးနှင့် ရှမ်းပြည်နယ်(တောင်ပိုင်း) တို့တွင် ခေတ်မီအိတ်ချိန်းစက်များ လဲလှယ်ပြီးဖြစ်ပါသဖြင့် အော်တိုတယ်လီဖုန်းနံပါတ်များအား ပြောင်းလဲပါမည်

(ရန်ကုန်၊ ၂၀၁၉ ခုနှစ်၊ အောက်တိုဘာလ ၂၂ ရက်) – မြန်မာ့ဆက်သွယ်ရေးလုပ်ငန်း (MPT) အနေဖြင့် ပိုမိုကောင်းမွန်သည့် အရည်အသွေး နှင့် ခေတ်မီဝန်ဆောင်မှုများကို ပေးနိုင်ရန်အတွက် လက်ရှိအသုံးပြု နေသော အော်တိုတယ်လီဖုန်းနံပါတ်များကို ဂဏန်း (၇) လုံးပါရှိသည့် အော်တိုတယ်လီဖုန်းနံပါတ်အသစ်များ ဖြင့် ပြောင်းလဲတပ်ဆင်ပေးသွားမည် ဖြစ်ပါသည်။ ရန်ကုန်တိုင်းဒေသကြီးနှင့် ရှမ်းပြည်နယ် (တောင်ပိုင်း) တို့ရှိ အိတ်ချိန်း များကို ခေတ်မီအိတ်ချိန်းစက်များနှင့် ပြောင်းလဲတပ်ဆင်ပြီး ကေဘယ်ကွန်ရက်စနစ် (Cable Network) အားလည်း ယခုလက်ရှိ ကြေးနန်းကြိုး (Copper Cable) အသုံးပြုစနစ်မှ မြန်နှုန်းမြှင့် သတင်းအချက်အလက် ဝန်ဆောင်မှုပေးနိုင်သည့် ဖန်ကြိုးမျှင် (Fiber Cable) အသုံးပြုစနစ်သို့ ပြောင်းလဲတပ်ဆင်မည်ဖြစ်ပါသဖြင့် ၂၀၁၉ခုနှစ်၊ နိုဝင်ဘာလ ၂၅ ရက်တွင် အော်တိုတယ်လီဖုန်းနံပါတ်များ အောက်ပါအတိုင်း ပြောင်းလဲသွားမည် ဖြစ်ပါသည်။

တယ်လီဖုန်းနံပါတ်အဟောင်းမှ နံပါတ်အသစ်သို့ ပြောင်းလဲစဉ်ကာလအတွင်းတွင် မြန်မာ့ဆက်သွယ်ရေး လုပ်ငန်းမှ မိမိတို့၏ ဝန်ဆောင်မှုကို အသုံးပြုနေသူများ ဆက်သွယ်မှုအဆင်ပြေစေရန် Call Forward ဝန်ဆောင်မှုကို ၂၀၂၀ ခုနှစ် မေလအကုန်အထိ အခမဲ့ပေးထားမည်ဖြစ်ပြီး၊ သုံးစွဲသူများသည် နံပါတ်အသစ်သို့ ပြောင်းလဲနေစဉ်ကာလအတွင်းတွင် လက်ရှိနံပါတ် (သို့မဟုတ်) နံပါတ်အသစ်သို့ ခေါ်ဆိုနိုင်မည် ဖြစ်ပါသည်။ ပြောင်းလဲသွားမည့် အော်တိုတယ်လီဖုန်းနံပါတ်များမှာ အောက်ပါအတိုင်း ဖြစ်ပါသည်။

MPT က ၂၀၁၉-၂၀၂၀ ခုနှစ်အတွက် Mobile Seminar ပွဲများကို နိုင်ငံတစ်ဝန်းတွင် ကျင်းပသွားမည်

(ရန်ကုန်၊ ၂၀၁၉ ခုနှစ်၊ အောက်တိုဘာလ ၂၂ ရက်)- မြန်မာနိုင်ငံ၏ ပထမဦးဆုံးနှင့် ဦးဆောင်ဆက်သွယ်ရေး အော်ပရေတာ ဖြစ်သည့် MPT သည် ၂၀၁၉-၂၀၂ဝ ခုနှစ်အတွက် Mobile Seminar များ ကျင်းပပြုလုပ်သွားမည်ဖြစ်ကြောင်း ယနေ့သတင်းထုတ်ပြန်ကြေညာလိုက်သည်။ အဆိုပါအစီအစဉ်၏ ရည်ရွယ်ချက်မှာ သုံးစွဲသူများအနေဖြင့် မိုဘိုင်းလ်ဖုန်းများကို ဘေးကင်းလုံခြုံစွာအသုံးပြုနိုင်သည့် အသိပညာ များ ပိုမိုသိရှိလာစေရန်နှင့် မိုဘိုင်းလ်ဝန်ဆောင်မှုများအပေါ်တွင် စိတ်ကျေနပ်မှုများ ပိုမိုရရှိစေရန်ဖြစ်ပါသည်။ အဆိုပါ Mobile Seminar များကို နိုင်ငံတစ်ဝန်းလုံးရှိနေရာဒေသ ၇၀ တွင် ၂၀၁၉ ခုနှစ်၊ အောက်တိုဘာလ မှ ၂၀၂၀ခုနှစ်၊ မတ်လ အထိ ကျင်းပပြုလုပ်သွားမည် ဖြစ်သည်။
မြန်မာနိုင်ငံတွင် တယ်လီကွန်းဆက်သွယ်ရေး နည်းပညာများနှင့် မိုဘိုင်းလ်ဖုန်းအသုံးပြုမှုများသည် အလျင်အမြန် ပြောင်းလဲတိုးတက်လျက်ရှိပြီး အဆိုပါ လက္ခဏာရပ်များသည် မြန်မာပြည်သူများ၏ လူမှုစီးပွား စံနှုန်းများ သိသိသာသာ မြင့်တက်လာသည့်အချက်ကို ဖော်ပြနေသကဲ့သို့ မိုဘိုင်းလ်ဖုန်းအသုံးပြုသူများ အကြားတွင် အလွဲသုံးစားပြုလုပ်ခြင်း၊ ဆိုက်ဘာပြစ်မှုများနှင့် အန္တရာယ်ရှိသည့် အခြေအနေများလည်း ပိုမိုတိုးပွားလာနိုင်ခြေ ရှိသည်။
MPT သည် အခမဲ့တက်ရောက်နိုင်သည့် Mobile Seminar များမှတစ်ဆင့် သုံးစွဲသူများအား သတင်းအချက် အလက်မျှဝေခြင်း၊ အန္တရာယ်ကင်းပြီး လုံခြုံစိတ်ချရသည့် အင်တာနက်လုပ်ဆောင်မှုများ၊ ဆိုက်ဘာပြစ်မှုနှင့် နှောင့်ယှက်ခြင်းများမှကာကွယ်ခြင်း၊ အင်တာနက်ကို ဘေးကင်းလုံခြုံစွာအသုံးပြုရေးဆိုင်ရာ အသိပညာပေး မျှဝေခြင်းများအပါအဝင် အင်တာနက်ပေါ်တွင်ကိုယ်ပိုင်အချက်အလက်များကို ကာကွယ်ရန် နှင့် မိုဘိုင်းလ် ဖုန်းသုံးစွဲရာတွင် သိထားသင့်သည့် အချက်အလက်များ စသည့်အကြောင်းအရာများကို မျှဝေရန် ရည်ရွယ် ပါသည်။ ထို့အပြင် Mobile Seminar များတွင် ဆွေးနွေးမည့် အခြားခေါင်းစဉ်များမှာ လူမှုကွန်ရက်၊ ကျန်းမာရေးနှင့်မိုဘိုင်းလ်အသုံးပြုမှု၊ မိုဘိုင်းလ်ဒေတာကို ထိရောက်စွာ အသုံးပြုခြင်း၊ MPT4U အက်ပလီကေးရှင်းအသုံးပြုခြင်း၊ MPT Club၊ MPT Money နှင့် သုံးစွဲသူဝန်ဆောင်မှုပေးရေး ဝန်ဆောင်မှုများ ပံ့ပိုးပေးခြင်း စသည့်တို့ဖြစ်ပါသည်။
“MPT အနေနဲ့ မိုဘိုင်းလ်အသုံးပြုမှုနဲ့ ဝန်ဆောင်မှုတွေကို မြန်မာနိုင်ငံသားအားလုံး ပိုမိုသိရှိလာစေဖို့ ဆက်လက်ကြိုးစားဆောင်ရွက်နေပါတယ်။ မိုဘိုင်းလ်အသုံးပြုမှု နဲ့ ဝန်ဆောင်မှုတွေဟာ မြို့ပြဒေသပြင်ပရှိ လူနေမှုအဆင့်အတန်းကို သိသိသာသာတိုးတက်စေနိုင်တာကြောင့် ဒီနှစ်မှာ ကျွန်တော်တို့အနေနဲ့ ကွဲပြားခြား နားတဲ့ လူမှုအသိုက်အဝိုင်းက မျိုးဆက်သစ်လူငယ်တွေအတွက် ပိုပြီးအဓိကထားဆောင်ရွက်သွား မှာဖြစ်ပါတယ်။ မိုဘိုင်းလ်နည်းပညာတွေကို ပိုမိုသိရှိနားလည်သဘောပေါက်ခြင်းနဲ့ ဝန်ဆောင်မှု ပိုမိုကောင်း မွန်ခြင်းဟာ သုံးစွဲသူတွေရဲ့ စိတ်ကျေနပ်မှုကိုရရှိစေဖို့ အထောက်အကူပြုနိုင်လိမ့်မယ်လို့ ကျွန်တော် ယုံကြည်ပါတယ်” ဟု MPT-KSGM Joint Operations ၏ စီးပွားရေးဌာနမှ ဒုတိယအရာရှိချုပ် ဖြစ်သူ ဦးကိုကိုအောင် ကပြောကြားခဲ့သည်။
အခမဲ့တက်ရောက်နိုင်သည့် Moible Seminar များကို ၂၀၁၉ ခုနှစ်၊ အောက်တိုဘာလ မှ ၂၀၂၀ ခုနှစ်၊ မတ်လအထိ မြန်မာနိုင်ငံတစ်ဝန်းရှိ နေရာဒေသ ၇၀ က အများပြည်သူဆိုင်ရာ နေရာများ၊ ကျောင်းများနှင့် တက္ကသိုလ်များတွင် ကျင်းပသွားမည်ဖြစ်သည်။
MPT Mobile Seminar များကို ၂၀၁၆ ခုနှစ်တွင် စတင်ကျင်းပခဲ့ပြီး နိုင်ငံတစ်ဝန်းတွင် ပွဲပေါင်း ၄၀၀ နီးပါး ကျင်းပနိုင်ခဲ့ပြီး မိုဘိုင်းလ်ဖုန်းအသုံးပြုသူ ၁၀၀,၀၀၀ ကျော် တက်ရောက်ခဲ့ကြပါသည်။ MPT သည် တစ်နိုင်ငံလုံးအတိုင်းအတာဖြင့် Mobile Seminar များ ကျင်းပပြုလုပ်ခြင်း သာမက ဒေတာသုံးစွဲမှုများနှင့် ပတ်သက်၍ အသိပညာမြှင့်တင်ရေးလှုပ်ရှားမှုများကိုလည်း လုပ်ဆောင်လျက်ရှိပါသည်။ အဆိုပါလှုပ်ရှားမှုများ မှာ “၂၀၁၈ ခုနှစ်တွင် မြန်မာ့ဆက်သွယ်ရေးအော်ပရေတာများ ပူးပေါင်း၍ မိုဘိုင်းလ်ဖုန်းအသုံးပြုသူများအတွက် အင်တာနက်အသုံးပြုမှု အသိပညာမြှင့်တင်ရေး လှုပ်ရှားမှု နှင့် ၂၀၁၉ ခုနှစ်တွင် မြန်မာနိုင်ငံရှိ တယ်လီကွန်းအော်ပရေတာများမှ မိုဘိုင်းလ်ဝန်ဆောင်မှုများ နှင့်ပတ်သက်၍ ပိုမိုသိရှိနားလည်စေရန် ပံ့ပိုးကူညီ” စသည့် လှုပ်ရှားမှုများကိုလည်း ဆောင်ရွက်ခဲ့ပါသည်။

Mobile Seminar ပွဲများနှင့်ပတ်သက်၍ ထပ်မံသိရှိလိုပါက MPT ၏ တရားဝင် ဝက်ဘ်ဆိုက် http://mpt.com.mm နှင့် MPT ၏ တရားဝင်ဖေ့စ်ဘွတ်စာမျက်နှာ https://www.facebook.com/mptofficialpage သို့ ဝင်ရောက်လေ့လာနိုင်ပါသည်။

၂၀၁၉ ခုနှစ် MPT – တက္ကသိုလ်များ ဘောလုံးပြိုင်ပွဲ၏ အထက်မြန်မာပြည် ပွဲစဉ်များ စတင်ယှဉ်ပြိုင်တော့မည်

(ရန်ကုန်၊ ၂၀၁၉ ခုနှစ်၊ အောက်တိုဘာလ ၁၀ ရက်) – ယမန်နှစ်က ကျင်းပပြုလုပ်ခဲ့သည့် ပြိုင်ပွဲကြီး၏ အောင်မြင်မှုကို အခြေခံပြီး MPT အနေဖြင့် မြန်မာနိုင်ငံဘောလုံးအဖွဲ့ချုပ် (MFF) ၊ မြန်မာနေရှင်နယ်လိဂ် (MNL)နှင့် ပညာရေးဝန်ကြီးဌာန၊ အဆင့်မြင့်ပညာဦးစီးဌာနတို့နှင့်ပူးပေါင်း စီစဉ်ကာ ၂၀၁၉ ခုနှစ် MPT- တက္ကသိုလ်များ ဘောလုံးပြိုင်ပွဲကြီး၏ အထက်မြန်မာပြည်ချန်ပီယံဆုအတွက် ပွဲစဉ်များကို အမျိုးသား၊ အမျိုးသမီး အသင်းပေါင်း ၁၁ သင်းဖြင့် မကြာမီတွင် စတင်ကျင်းပတော့မည်ဖြစ်ကာ ၂၀၂၀ ခုနှစ်တွင် ကျရောက်မည့် ရန်ကုန်တက္ကသိုလ်၏ နှစ်(၁၀၀)ပြည့် အကြိုအဖြစ်လည်း ဂုဏ်ယူဝမ်းမြောက်စွာ ကြိုဆို ကျင်းပ ပြုလုပ်သွားမည်ဖြစ်သည်။

MPT အနေဖြင့် ဘောလုံးအားကစား အရှိန်အဟုန်ဖြင့် တိုးတက်အောင်မြင်မှုရရှိစေရန် အခြေခံအဆင့်မှ စတင်ပြီး ကူညီထောက်ပံ့လျက်ရှိသည်နှင့်အညီ ယခုကဲ့သို့ MFF ၊ MNL နှင့် ပညာရေး ဝန်ကြီးဌာနတို့နှင့် ပူးပေါင်းစီစဉ် ကျင်းပပြုလုပ်သည့် ဘောလုံးပြိုင်ပွဲတွင် အနာဂတ်၏ ဘောလုံးအားကစား ကြယ်ပွင့်များ အနေဖြင့် ၎င်းတို့၏ ခြေစွမ်းခြေစများကို ထုတ်ဖော်ပြသပြီး ယှဉ်ပြိုင်သွားနိုင်မည် ဖြစ်သကဲ့သို့ အခြားတစ်ဖက် တွင်လည်း တက္ကသိုလ် ကျောင်းသူ၊ ကျောင်းသားများအကြား ချစ်ကြည်ရင်းနှီးစွာ နေထိုင်မှု၊ တက်ကြွကျန်းမာသည့် လူနေမှုပုံစံနှင့် အသင်းအဖွဲ့လိုက်စုစည်းပူးပေါင်းမှုစိတ်ဓါတ်၊ အားကစားစိတ်ဓါတ် စသည့် အခြေခံကောင်းများလည်း ရရှိစေနိုင်မည် ဖြစ်သည်။

MPT- တက္ကသိုလ်များ ဘောလုံးပြိုင်ပွဲကို လာမည့် အောက်တိုဘာလ ၁၁ ရက်နေ့မှ နိုဝင်ဘာလ ၂၂ ရက်အထိ ကျင်းပပြုလုပ်မည်ဖြစ်ပြီး အောက်မြန်မာပြည်ပွဲစဉ်များကို ရန်ကုန်မြို့၌ ပဒုမ္မာအားကစားကွင်းနှင့် တက္ကသိုလ် များ ဘောလုံးကွင်း၊ အထက်မြန်မာပြည်ပွဲစဉ်များကို မန္တလေးမြို့ မန္တလာသီရိ အားကစားကွင်းနှင့် တက္ကသိုလ်များ ဘောလုံးကွင်းတို့၌ ပြုလုပ်သွားမည် ဖြစ်သည်။ ပြိုင်ပွဲကို အမျိုးသားအသင်း ၆ သင်းနှင့် အမျိုးသမီးအသင်း ၅ သင်းပါ အထက်မြန်မာပြည်ပြိုင်ပွဲဇုံ ၆ ခုနှင့် အမျိုးသားအသင်း ၉ သင်းနှင့် အမျိုးသမီးအသင်း ၉ သင်းပါ အောက်မြန်မာပြည် ပြိုင်ပွဲဇုံ ၉ ခုတို့ဖြင့် ပြုလုပ်သွားမည်ဖြစ်သည်။

“MPT အနေနဲ့ မြန်မာလူငယ်များအကြားမှာ ဘောလုံးအားကစားနဲ့ ပတ်သက်ပြီး ဖွံ့ဖြိုးတိုးတက် လာစေဖို့အတွက် မြန်မာနိုင်ငံဘောလုံးအဖွဲ့ချုပ်၊ MNL နဲ့ ပညာရေး ဌာနတွေနဲ့ ပူးပေါင်း ဆောင်ရွက်လျက် ရှိပါတယ်။ အခုလို တက္ကသိုလ်များဘောလုံးပြိုင်ပွဲဟာ ဘောလုံးအားကစားကတစ်ဆင့် ရရှိနိုင်တဲ့ ပျော်ရွှင်မှု၊ စိတ်ဓာတ်ခွန်အားနဲ့ စည်းလုံးညီညွတ်မှုစတဲ့ ကောင်းမွန်တဲ့အချက်တွေကို ယူဆောင်ပေးလာမယ်လို့ ယုံကြည်ပါတယ်” ဟု MPT-KSGM Joint Operations ၏ Deputy Chief Operating Officer ဖြစ်သူ ဦးမြင့်သိန်းထွန်းက ပြောကြားသွားခဲ့သည်။

မြန်မာနေရှင်နယ်လိဂ်၏ Chief Executive Officer ဖြစ်သူ ဦးစိုးမိုးကျော်က – “ဒီပြိုင်ပွဲဟာ ဘောလုံးအားကစားရဲ့ အကျိုးကျေးဇူးတွေကို မြန်မာပြည်သူများ ရရှိခံစားနိုင်ရေးဆိုတဲ့ ကျွန်တော်တို့ရဲ့ ရည်မှန်းချက်နဲ့ အပြည့်အဝ ကိုက်ညီမှု ရှိပါတယ်။ ဒီပြိုင်ပွဲတွေကြောင့် ခြေစွမ်းထက် လူငယ်များစွာအတွက် ပြိုင်ပွဲကောင်းတွေကို ဖန်တီးပေးနိုင်ပြီး ကစားသမားသစ်တွေ ပေါ်ထွက်လာဖို့ကို များစွာအထောက်အကူ ဖြစ်စေပါတယ်။ ဒီပြိုင်ပွဲကနေ အနာဂတ် မြန်မာ့လက်ရွေးစင်အသင်းအတွက် အထောက်အပံ့ကောင်းတွေ ဖြစ်စေမယ်လို့လည်း ယုံကြည်ပါတယ်” ဟု ပြောကြားသွား ခဲ့သည်။

“ဒီ MPT- တက္ကသိုလ်များ ဘောလုံးပြိုင်ပွဲကြီးဟာ မြန်မာ့လူငယ် ဘောလုံးအားကစားကဏ္ဍကို အားပေးအား မြှောက် ပြုလုပ်ပေးမယ့် တစ်မူထူးခြားတဲ့ ပြိုင်ပွဲတစ်ခုပဲ ဖြစ်ပါတယ်။ မြန်မာနိုင်ငံတစ်ဝန်းက ကျောင်းသူ ကျောင်းသား လူငယ်မောင်/ မယ်တွေအားလုံးကို စုစည်းပေးနိုင်မယ့် နိုင်ငံတော်အဆင့် ပြိုင်ပွဲတစ်ခုလို့ ဆိုနိုင်ပါတယ်။ ဒါ့အပြင် MPT ရဲ့ ပံ့ပိုးမှုဖြင့် လူငယ် မောင်/ မယ် များ အတွက် ကိုယ်ကာယကြံ့ခိုင်မှုကို မြှင့်တင်ပေးနိုင်မယ့် ကောင်းမွန်တဲ့ နည်းလမ်းတစ်ခုလည်း ဖြစ်ပါတယ်။” ဟု ပညာရေးဝန်ကြီးဌာန၊ အဆင့်မြင့်ပညာဦးစီးဌာန၏ ဒုတိယညွှန်ကြားရေးမှူးချုပ် ဒေါက်တာဒေါ်သန်းသန်းဝင်းမှ ပြောကြားသွားခဲ့သည်။

MPT ၏ လူမှုအကျိုးပြုလုပ်ငန်းများနှင့် ပတ်သက်ပြီး အသေးစိတ် ထပ်မံသိရှိလိုပါက 106 သို့ ခေါ်ဆို၍သော် လည်းကောင်း၊ MPT ၏ တရားဝင် Facebook စာမျက်နှာဖြစ်သော www.facebook.com/mptofficialpage/ နှင့် MPT ၏ တရားဝင် website ဖြစ်သည့် https://mpt.com.mm တို့တွင် ဝင်ရောက်၍ လည်းကောင်း ကြည့်ရှု နိုင်ပါသည်။