Month: ဖေ‌ဖော်ဝါရီ 2020

(ရန်ကုန်၊ ၂၀၂၀ ပြည့်နှစ် ဖေဖော်ဝါရီလ ၂၈ ရက်) – – မြန်မာနိုင်ငံ၏ ပထမဆုံးနှင့် ဦးဆောင်ဆက်သွယ်ရေး အော်ပရေတာ ဖြစ်သည့် MPT က အထူးအစီအစဉ်တစ်ခုအဖြစ် “ပျော်ရွှင်ကံထူး MPT Money နဲ့ မြူး” ကံစမ်းမဲအစီအစဉ်ကို စတင်လိုက်ပြီဖြစ်ကြောင်း ယနေ့သတင်းထုတ်ပြန် ကြေညာလိုက်သည်။ အပတ်စဥ်ပြုလုပ်မည့် အစီအစဉ်ကို လာမည့် မတ်လ ၁ ရက်မှ ဧပြီလ ၂၅ ရက်အထိ ပြုလုပ်သွားမည်ဖြစ်ပြီး MPT သုံးစွဲသူများအနေဖြင့် အပတ်စဉ် ကျပ် ၁ သန်း အထူးဆုကြီး ၁၀ ဆုနှင့် ကျပ် ၁ သိန်းဆု ၅၀ တို့ကို ကံထူး နိုင်မည်ဖြစ်သည်။

MPT ၏ ကြိုတင်ငွေဖြည့်စနစ် အသုံးပြုသည့် GSM နှင့် WCDMA ဆင်းမ်ကတ် သုံးစွဲသူများ အနေဖြင့်  ဖုန်းငွေဖြည့်သွင်းမှု စနစ်များဖြစ်သည့် USSD, E Top-up, DMS, SDP, MPT4U အက်ပလီကေးရှင်း နှင့်  Mobile Money တို့ထဲမှ တစ်မျိုးမျိုးကို အသုံးပြုပြီး အနည်းဆုံးငွေကျပ် ၁,၀၀၀ ဖိုး ဖြည့်သွင်းရုံဖြင့် စိတ်လှုပ်ရှားဖွယ်ရာ အဆိုပါကံစမ်းမဲ အစီအစဉ်၌ ပါဝင်ကံစမ်းခွင့် ရရှိနိုင်မည်ဖြစ်သည်။ သုံးစွဲသူများအနေဖြင့် ဖုန်းဘေလ်ဖြည့်သွင်းမှု ပမာဏနှင့် အသုံးပြုသည့် နည်းလမ်းပေါ်မူတည်၍ ပါဝင်ကံစမ်းခွင့် အကြိမ်အရေအတွက် ကွာခြားသွားမည်ဖြစ်သည်။ ဥပမာ – MPT Money ဖြင့် ငွေကျပ် ၂,၀၀၀ ဖိုး ဖုန်းဘေလ်ဖြည့်သွင်းပါက ပါဝင်ကံစမ်းခွင့် ၁၀ ကြိမ် ရရှိမည်ဖြစ်ပြီး ငွေကျပ် ၂၀,၀၀၀ ဖိုး ဖုန်းဘေလ်ဖြည့်သွင်းပါက ပါဝင်ကံစမ်းခွင့် အကြိမ် ၁၀၀ ရရှိမည်ဖြစ်သည်။ ထို့အပြင် MPT4U အက်ပလီကေးရှင်း အသုံးပြုသူများအနေဖြင့် MPT ထိပေါက် ဂိမ်း ကစားခွင့်အစီအစဥ်တွင် ပါဝင်ကံစမ်းပြီး Data နှင့် ထောဘီ ဖုန်းဘေလ် အပိုလက်ဆောင်များလည်း ရရှိနိုင်မည်ဖြစ်သည်။

MPT-KSGM Joint Operations ၏ စီးပွားရေးဌာနကြီးမှ အရာရှိချုပ် ဖြစ်သူ Mr. Reizo Umeda က “ကျွန်တော်တို့ MPT အနေနဲ့ သုံးစွဲသူတွေရဲ့ ဒီဂျစ်တယ် လူမှုဘဝတွေ ပိုမိုကောင်းမွန် ပြည့်စုံစေဖိုအတွက် စိတ်ဝင်စားဖွယ်ရာ အထူးအစီအစဥ်တွေ/ ဆန်းသစ်တဲ့ ပရိုမိုးရှင်းအစီအစဥ်တွေကို စဥ်ဆက်မပြတ် ပြုလုပ်ပေးနေပါတယ်။ MPT သုံးစွဲသူတွေ အနေနဲ့ ယခင်က ပြုလုပ်ခဲ့တဲ့ ကံစမ်းမဲ အစီအစဉ်တွေကိုလည်း အထူး သဘောကျနှစ်ခြိုက်တာကို တွေ့ရပါတယ်။ ဒါကြောင့်လည်း MPT အနေနဲ့ စိတ်လှုပ်ရှားဖို့ကောင်းပြီး ဆုမဲတွေ ပါဝင်တဲ့ ယခု အထူးကံစမ်းမဲ အစီအစဥ်ကို အသစ်ထပ်မံ ပြုလုပ်လိုက်ခြင်း ဖြစ်ပါတယ်။  ဒီ “ပျော်ရွှင်ကံထူး MPT Money နဲ့ မြူး” အထူးကံစမ်းမဲ အစဥ်မှာ ပါဝင်ဖို့ကလည်း အလွန်လွယ်ကူပြီး သုံးစွဲသူတွေအားလုံး အကြိုက်တွေ့မယ့် အစီအစဉ်ဖြစ်မယ်လို့ ယုံကြည်ပါတယ်။”  ဟုပြောကြားသွားခဲ့သည်။

ဤကံစမ်းမဲ အစီအစဉ်ကို မတ်လ ၁ ရက်မှ ဧပြီလ ၂၅ ရက်အထိ ပြုလုပ်သွားမည်ဖြစ်သည်။ MPT သုံးစွဲသူများ အနေဖြင့် ယခုအစီအစဥ်နှင့် အကျုံးဝင်သည့် ဖုန်းဘေလ်ဖြည့်သွင်းမှုတစ်ခု ပြုလုပ်ပြီးနောက် မိမိတို့၏ ကံစမ်းခွင့်အကြိမ် အရေအတွက်ကို *224# သို့ ခေါ်ဆိုပြီး သိရှိနိုင်မည်ဖြစ်သည်။ ဖုန်းဘေလ်ဖြည့်သွင်းမှုပုံစံ မျိုးစုံမှတစ်ဆင့် ရရှိလာသည့် ကံစမ်းခွင့်များ အားလုံးကို ပေါင်းစပ်ပေးထားမည်ဖြစ်သည်။  ထို့အပြင် Top-Up ဖြည့်သွင်းပေးခြင်း ပြုလုပ်မှုလည်း အကျုံးဝင်မည်ဖြစ်သည်။  ဖုန်းဘေလ်ဖြည့်သွင်းမှု ပမာဏကို ကန့်သတ်ထားခြင်း မရှိပါ။ ဖုန်းဘေလ်ဖြည့်သွင်းမှု ပမာဏများလေ ပါဝင်ကံစမ်းခွင့် အကြိမ်အ‌ရေအတွက် များများ ရရှိနိုင်မည် ဖြစ်သည်။ ဤအစီအစဉ်တွင် ဖုန်းဘေလ်လွှဲပြောင်းပေးခြင်း အတွက်မူ  အကျုံးဝင်ခြင်းမရှိပါ။

MPT4U အက်ပလီကေးရှင်းမှ အပ အခြားနည်းလမ်းများဖြင့် ဖုန်းဘေလ်ဖြည့်သွင်းမှု ပြုလုပ်ခြင်းအတွက် ရရှိမည့် အခွင့်အရေးများ  

MPT4U အက်ပလီကေးရှင်း အသုံးပြုပြီး ဖုန်းဘေလ်ဖြည့်သွင်းမှု ပြုလုပ်ခြင်း

“ပျော်ရွှင်ကံထူး MPT Money နဲ့ မြူး” ကံစမ်းမဲ အစီအစဥ်နှင့် သက်ဆိုင်သည့် စည်းမျဥ်း၊ စည်းကမ်းများကို MPT ၏  တရားဝင်ဝက်ဘ်ဆိုက်ဖြစ်သည့် www.mpt.com.mm တွင် ဖတ်ရှုလေ့လာနိုင်ပါသည်။

MPT ၏ ထုတ်ကုန်များနှင့် ဝန်ဆောင်မှုများအကြောင်း အသေးစိတ်သိရှိလိုပါက 106 သို့ ခေါ်ဆိုပြီး လည်းကောင်း၊ MPT ၏ တရားဝင် Facebook စာမျက်နှာ https://www.facebook.com/mptofficialpage/တွင် လည်းကောင်း လေ့လာနိုင်ပါသည်။

(ရန်ကုန်၊ ၂၀၂၀ ပြည့်နှစ်၊ ဖေဖော်ဝါရီလ ၂၅ ရက်) – မြန်မာနိုင်ငံ၏ ပထမဆုံးနှင့် ဦးဆောင်ဆက်သွယ်ရေး အော်ပရေတာဖြစ်သော MPT သည် တစ်နိုင်ငံလုံးအတိုင်းအတာဖြင့် မိတ်ဖက်လုပ်ငန်းများနှင့်ပူးပေါင်း၍ ကုန်ပစ္စည်းအမှတ်တံဆိပ် (၅၀)ကျော်ဖြင့် ချိတ်ဆက်ကာ MPT ကို အစဉ် တစိုက်သုံးစွဲသူများအတွက် ပိုမိုကောင်းမွန်သော အစီအစဉ်များ နှင့် ထူးအခွင့်အရေးများ ရရှိခံစားနိုင်စေရန် ပြန်လည်ဆန်းသစ် ထားသော “MPT Club” အစီအစဉ်အသစ်ကို မိတ်ဆက်လိုက်ပြီဖြစ်ကြောင်း ယနေ့ သတင်းထုတ်ပြန် ကြေညာလိုက်သည်။ ပြန်လည်ဆန်းသစ်တီထွင်ထားသော “MPT Club” အစီအစဉ်သစ်သည် သုံးစွဲသူများ၏ လူနေမှုဘဝကို ပိုမိုဖြည့်စွမ်းပေးနိုင်စေရန် အထူးကမ်းလှမ်းမှုများ၊ အထူးလျှော့‌ဈေးများနှင့် အခြားသော ခံစားခွင့်များကို အကောင်းဆုံး ဝန်ဆောင်မှုပေးသွားမည် ဖြစ်သည်။ “MPT Club” အဖွဲ့ဝင်များသည် ၎င်းတို့၏ အကျိုးခံစားခွင့်များကို အသုံးပြုနိုင်ရန်အတွက် မိမိအသုံးပြုသည့် ပမာဏအပေါ်မူတည်၍ ပွိုင့်များကို ရရှိနိုင်မည် ဖြစ်သည်။ ထို့အပြင် ယခုကဲ့သို့ “MPT Club” အစီအစဉ်အသစ်မိတ်ဆက်ခြင်း အထိမ်းအမှတ်အဖြစ် MPT မှ MPT Club အဖွဲ့ဝင်များအားလုံးအတွက် အထူးအစီအစဥ်အဖြစ် ကံစမ်းမဲဆုလက်ဆောင်များကိုလည်း မဲဖောက်ပေးသွားမည်ဖြစ်သည်။

MPT သည် သုံးစွဲသူများ၏ ဒီဂျစ်တယ်လူမှုဘဝများကို ပိုမိုကောင်းမွန်စေရန် ရည်ရွယ်၍ မိတ်ဖက်အဖွဲ့အစည်းများနှင့် ပူးပေါင်း၍ “MPT Club” အစီအစဉ်ကို ၂၀၁၈ ခုနှစ်တွင် အောင်မြင်စွာစတင်မိတ်ဆက်ခဲ့ပါသည်။ “MPT Club” ကို မိတ်ဆက်လိုက်ခြင်းသည် MPT သုံးစွဲသူများအား အသိမှတ်ပြု ကျေးဇူးတုံ့ပြန်သောအားဖြင့် အကျိုးခံစားခွင့်များကို အမြဲမပြတ်ပေးနိုင်ရန် ပြန်လည်ပေးအပ်သွားမည့် ဝန်ဆောင်မှု ခြေလှမ်းသစ်တစ်ခုပင် ဖြစ်သည်။ ယခုအစီအစဉ်သည် MPT Club အဖွဲ့ဝင်များအားလုံးအတွက် နာမည်ကျော်ကြားသော ကုန်ပစ္စည်း အမှတ်တံဆိပ်များကိုဝယ်ယူအသုံးပြုရာတွင် MPT Club အဖွဲ့ဝင်များ အားလုံးအတွက် နေ့စဥ်အမှတ်တရများနှင့် ပိုမိုကောင်းမွန်သော အတွေ့အကြုံများဖြင့် အပြန်အလှန်အကျိုး ပြုနိုင်စေမည် ဖြစ်သည်။

MPT အသုံးပြုသူများအနေဖြင့် နေ့စဉ်သုံးစွဲမှုနှင့် သုံးစွဲမှုပမာဏအဆင့်သတ်မှတ်ချက်ပေါ် မူတည်၍ အထူးအခွင့်အရေးများနှင့် အကျိုးအမြတ်များစွာကို ရရှိခံစားနိုင်မည်ဖြစ်သည်။ ဤအစီအစဉ်တွင် သုံးစွဲမှုပမာဏနှင့် မိတ်ဖက်အဖွဲ့အစည်းဆိုင်များတွင် ဝန်ဆောင်မှုရယူခြင်းများပေါ် အခြေခံကာပွိုင့်များကို နေ့စဥ် ပိုမိုရရှိနိုင်မည် ဖြစ်သည်။ ပြန်လည်ဆန်းသစ်ထားသော “MPT Club”အစီအစဉ်သစ်တွင် စာရင်းသွင်းသူများ၏ ၃လစာ သုံးစွဲမှုပမာဏကို ပျမ်းမျှတွက်ချက်ပြီး အဆင့်(၃)ဆင့် ခွဲခြား သတ်မှတ်ပေး သွားမည်ဖြစ်သည်။ အဆင့်သတ်မှတ်ချက်ကွာခြားမှုအလိုက် ပွိုင့်ရရှိမှုနှုန်းများ၊ အကျိုးအမြတ်များနှင့် ဆုလက်ဆောင်များလည်း ကွာခြားသွားမည်ဖြစ်ပါသည်။

Premium အဖွဲ့ဝင်အဆင့်သတ်မှတ်ချက် တစ်ကြိမ် ရရှိပါက အဆိုပါသုံးစွဲသူသည် အထူးရပိုင်ခွင့်များကို မဆုံးရှုံးသွားစေရန် သုံးလဆက်တိုက် Premium အဖွဲ့ဝင်အဖြစ် စာရင်းဝင်မည်ဖြစ်ပြီး MPT Club ခံစားခွင့်များကို အသုံးပြုနိုင်မည် ဖြစ်သည်။ “MPT Club” အဖွဲ့ဝင်များသည် ၎င်းတို့၏ ပွိုင့်များကို *345# သို့မဟုတ် “MPT4U”အက်ပလီကေးရှင်းတွင် စစ်ဆေး သိရှိနိုင်ပါသည်။

“ကျွန်တော်တို့ ပြန်လည်ဆန်းသစ်ထားတဲ့ MPT Club အစီအစဉ်အသစ်ကြောင့် သုံးစွဲသူတွေကို ကျေနပ်ပျော်ရွှင်စေမယ်ဆိုရင် တကယ်ကို ဝမ်းသာပီတိ ဖြစ်ရမှာပါ။ သုံးစွဲသူတွေရဲ့ တုံ့ပြန်မှုကောင်းတွေနဲ့ “နေ့ရက်တိုင်းမှာ စိုပြေမှာ MPT Club ရဲ့စေတနာ” ဆိုတဲ့ ဆောင်ပုဒ်အတိုင်း ကျွန်တော်တို့ရဲ့ MPT သုံးစွဲသူတွေကို ကျေးဇူးတုံ့ပြန်တဲ့အနေနဲ့ ပြန်လည်ဆန်းသစ်ထားတဲ့ “MPT Club” အစီအစဉ်ကနေ သုံးစွဲသူတွေကို အကျိုးခံစားခွင့်တွေပိုမိုရရှိစေဖို့ ကြိုးစားဆောင်ရွက်နေပါတယ်။ MPT Club က အားလုံးသော မိတ်ဖက်အဖွဲ့အစည်းတွေရဲ့ သက်ဆိုင်ရာ ဆိုင်တွေ၊ကုန်ပစ္စည်းအမှတ်တံဆိပ်တွေနဲ့ MPT ကို အသုံးပြု သူတွေကြားမှာ အကျိုးရှိစေပြီး ကောင်းမွန်တဲ့ ရေရှည်ဆက်ဆံရေး တစ်ခုကို တည်ဆောက်ပေးထားတာ ဖြစ်လို့ ကျွန်တော်တို့ရဲ့ ကြီးမားတဲ့အောင်မြင်မှုတစ်ခုအဖြစ် ဝမ်းသာဂုဏ်ယူမိပါတယ်” ဟု MPT-KSGM Joint Operations ၏ စီးပွားရေးဌာနကြီးမှ အရာရှိချုပ် ဖြစ်သူ Mr. Reizo Umeda က ပြောကြားခဲ့ပါသည်။

“MPT Club” အနေဖြင့် လက်ရှိတွင် MPT Club အဖွဲ့ဝင်များသို့ သာလွန်ကောင်းမွန်သော ဝန်ဆောင်မှုများ ပေးနိုင်ရန် ဆောင်ရွက်လျက်ရှိသည်။ MPT သည် Aureum Palace Hotel & Resort, Coffee Bean & Tea Leaf, IPPUDO Ramen Restaurant နှင့် Crystal Jade Chinese Restaurant စသော ဆိုင်များ အပါအဝင် ဟိုတယ်နှင့် စားသောက်ဆိုင်လုပ်ငန်းများ အပြင် နိုင်ငံတစ်ဝန်းရှိ လက်ရှိဈေးကွက်တွင် ထိပ်ဆုံးမှ ရပ်တည်နေသော မိတ်ဖက်အဖွဲ့အစည်း (၅၀)ကျော်ဖြင့် ချိတ်ဆက်ထားပြီး စွဲသူများကို အထူးလျှော့‌ဈေး ၅၀ ရာခိုင်နှုန်း အထိ ရရှိနိုင်စေမည် ဖြစ်ပါသည်။ ထို့အပြင် “MPT Club” ၏ အဖွဲ့ဝင်တိုင်းသည် လစဉ် (၅) ရက်၊ (၁၅)ရက် နှင့် (၂၅)ရက်များတွင် “Lucky5” ဆုလက်ဆောင်များကို ခံစားရယူနိုင်မည်။

ထိုသို့သော အကျိုးခံစားမှုများအပြင် MPT Club သုံးစွဲသူ အဖွဲ့ဝင်များအားလုံးကို ကျေးဇူးတုံ့ပြန်သောအားဖြင့် MPT က စိတ်လှုပ်ရှားဖွယ်ရာ ဆုလက်ဆောင်များအား ပါဝင်သည့် ကံစမ်းမဲအစီအစဉ်ကိုလည်း ၅ ပတ်ကြာ ဆောင်ရွက်သွားမည် ဖြစ်သည်။ Diamond အဆင့် “MPT Club” အဖွဲ့ဝင်များအနေဖြင့် ၁.၀ ကာရက်ရှိသော စိန်လက်စွပ်နှင့် Platinum အဆင့် အဖွဲ့ဝင်များ အနေဖြင့် ပလက်တီနမ်ဆွဲကြိုးကို ကံစမ်းနိုင်မည် ဖြစ်သည်။ အဆိုပါ ကံစမ်းမဲအစီအစဥ်၏ အထူးဆုကြီးများကို မတ်လ ၁၈ ရက်တွင် ရွေးချယ်ကြေညာသွားမည် ဖြစ်ပြီး “MPT Club” ၏ အဖွဲ့ဝင်တိုင်း ပါဝင်ကံစမ်းနိုင်မည် ဖြစ်သည်။

နောက်ဆုံးအဆင့် အထူးဆုများအား ကံထူးသူများသည် ကံထူးဆုများကို ရရှိမည့်အပြင် မိမိ၏ ကံထူးဆုနှင့် တူညီသော နောက်ထပ်ဆုတစ်ခုကိုပါ မိမိချစ်ရသောသူအတွက် ခံစားခွင့်ရရှိနိုင်မည်ဖြစ်သည်။ ထို့အပြင် အဖွဲ့ဝင်ထားသူတိုင်းသည် မိမိချစ်ရသောသူ ၃ ဦးနှင့်အတူ ပုဂံခရီးစဉ် သို့မဟုတ် “MPT Club” ၁၅၀၀ ပွိုင့်အား ပါဝင်ကံစမ်းနိုင်မည် ဖြစ်သည်။ “MPT Club” အဖွဲ့ဝင်များသည် ပရိုမိုးရှင်းအစီအစဥ်တွင် ပါဝင်နိုင်ရန် MPT4U အက်ပလီကေးရှင်း၊ USSD သို့မဟုတ် SMS မှ တစ်ဆင့် စာရင်းသွင်းရန်လိုအပ်ပါသည်။

MPT သည် အကြီးမားဆုံး 3G ကွန်ရက်နှင့် မြန်မာနိုင်ငံ၏အမြန်ဆုံးနှင့် အဆင့်မြင့်ဆုံး 4G/LTE+ ကွန်ရက်အပါအ၀င် နိုင်ငံတစ်၀န်းသုံးစွဲသူ ၂၆ သန်းကျော် ပိုင်ဆိုင်ထားကာ ကြိုးဖုန်းနှင့် မိုဘိုင်းလ် ဆက်သွယ်ရေးဝန်ဆောင်မှုများကို ပေးအပ်လျက်ရှိပါသည်။

MPT သုံးစွဲသူများ သည် 345 သို့ REG M/F (ဥပမာ- REG F) ဟု စာတို (SMS) ပေးပို့ခြင်းဖြင့် “MPT Club” အစီအစဉ်တွင် ပါဝင်နိုင်ပါသည်။ စိတ်လှုပ်ရှားဖွယ်ရာ “MPT Club” အထူးအစီအစဉ် အသစ် နှင့် ပတ်သက်၍ အသေးစိတ်သိရှိလိုပါက Hotline နံပါတ် ၁၀၆, MPT ၏ ဝက်ဘ်ဆိုက် သို့မဟုတ် MPT ၏ တရားဝင် ဖေ့စ်ဘုတ်ခ်စာမျက်နှာ ဖြစ်သော
www.facebook.com/mptofficialpage တွင် ဝင်ရောက်လေ့လာနိုင် ပါသည်။

(ရန်ကုန်၊ ၂၀၂၀ ပြည့်နှစ် ဖေဖော်ဝါရီလ ၂၄ ရက်) – မြန်မာနိုင်ငံ၏ ပထမဆုံးနှင့် ဦးဆောင်ဆက်သွယ်ရေး အော်ပရေတာ ဖြစ်သော MPT သည် MPT4U App သုံးစွဲသူများအတွက် “ထိတိုင်းထော” (ထောဘီ ထိပေါက်) ကံစမ်းမဲဂိမ်းကို ၂၀၂၀ ပြည့်နှစ် ဖေဖော်ဝါရီလ (၂၅)ရက်မှ စတင်အသုံးပြုနိုင်ပြီဖြစ်ကြောင်း သတင်းထုတ်ပြန် ကြေညာလိုက်သည်။ အဆိုပါ “ထိတိုင်းထော” ဂိမ်း ကံစမ်းရန် အခွင့်အရေး(၁)ကြိမ် ရရှိနိုင်ပြီး ထောဘီဖုန်းဘေလ် အဆပေါင်း ၁၀၀ ထိ ကံစမ်းနိုင်မည်ဖြစ်ပါသည်။ MPT4U App ကို MPT အသုံးပြုသူတိုင်း အခမဲ့ဒေါင်းလုတ်ဆွဲ၍ ဝင်ရောက်အသုံးပြုနိုင်ပါသည်။
ထောဘီပက်ကေ့ခ်ျများကို MPT4U App မှတစ်ဆင့် ဝယ်ယူနိုင်ပြီး MPT အချင်းချင်းဖုန်းခေါ်ဆိုမှု၊ MPT အချင်းချင်း SMS စာတိုပေးပို့မှုနှင့် pay as you go သုံးစွဲမှုအတိုင်း ကျသင့်သလောက်ပေး အင်တာနက်နှုန်းထားများအတွက် အံ့ဩဖွယ်ရာ သက်သာသော ထောဘီပက်ကေ့ချ်နှုန်းထားများဖြင့် အသုံးပြု နိုင်မည်ဖြစ်သည်။ ယခုနောက်ဆုံးထွက်ရှိထားသော ပရိုမိုးရှင်းအစီအစဉ်တွင် ပါဝင်ကံစမ်းနိုင်ရန် MPT4U App ကို ဒေါင်းလုတ်ဆွဲခြင်း သို့မဟုတ် နောက်ဆုံးဗားရှင်းအားရယူထားပြီး ထောဘီပက်ကေ့ခ်ျကို ဝယ်ယူကာ ကံစမ်းမဲအစီအစဉ်တွင် ပါဝင်နိုင်ပါသည်။ ထောဘီပက်ကေ့ခ်ျ ဝယ်ယူတိုင်း “ထိတိုင်းထော” ဂိမ်းထဲသို့ ဝင်ရောက်ဆော့ကစားရန် အခွင့်အရေး(၁)ကြိမ် ရရှိနိုင်ပြီး ထောဘီဖုန်းဘေလ် အဆပေါင်း ၁၀၀ ထိ ကံထူးနိုင်မည် ဖြစ်ပါသည်။ ကံစမ်းခွင့်ရရှိသော နေ့၏ ၀၀:၀၀:၀၀ နာရီတွင် သက်တမ်း ကုန်ဆုံးမည်ဖြစ်ပြီး နောက်နေ့သို့ သယ်ဆောင် အသုံးပြု၍ မရနိုင်ပါ။

“MPT ရဲ့ အခုနောက်ဆုံးထွက်ရှိတဲ့ ပရိုမိုရှင်းအစီအစဥ်အရ ကျွန်တော်တို့ရဲ့သုံးစွဲသူတွေကို MPT4U App နောက်ဆုံးဗားရှင်း အသုံးပြုအောင် တိုက်တွန်းချင်ပြီး မိုဘိုင်းလ်ဖုန်းအသုံးပြုမှုနဲ့ ပတ်သက်တဲ့ ကုန်ကျစရိတ် တွေ သက်သာစေဖို့၊ လွယ်ကူပြီးပျော်ရွှင်စေဖို့ရည်ရွယ်တာ ဖြစ်တယ်။ ကျွန်တော်တို့ဟာ တန်ဖိုးထားရတဲ့ MPT သုံးစွဲသူတွေအတွက် ပိုမိုကောင်းမွန်တဲ့ ဒီဂျစ်တယ်လူမှုဘဝကို ဖြည့်ဆည်းပေးနိုင်ဖို့အတွက် ဝန်ဆောင်မှု အသစ်တွေကို စဉ်ဆက်မပြတ် ကြိုးစားလုပ်ဆောင်ပေးလျက် ရှိပါတယ်။ ယခုလက်ရှိမှာတော့ ကျွန်တော်တို့ MPT4U App အသုံးပြုသူတွေအတွက် ထိပေါက်အင်တာနက်ပက်ကေ့ခ်ျ၊ ထိတိုင်းထော ဖုန်းဘေလ်ကံစမ်းမဲ အစီအစဉ်နဲ့ ဆုတွေထူးရှယ် ၂၀၂၀ စတဲ့ အစီအစဉ်တွေမှာပါဝင်ပြီး အထူးခံစားခွင့်တွေ ရရှိနိုင်မှာဖြစ်ပါတယ်။” ဟု MPT-KSGM Joint Operations ၏ Chief Commercial Officer ဖြစ်သူ Mr. Reizo Umeda က ပြောကြား ခဲ့ပါသည်။
MPT သုံးစွဲသူများအနေဖြင့် MPT4U App ကို Google Play Store မှသော်လည်းကောင်း၊ App Store မှသော်လည်းကောင်း ဒေါင်းလုတ်ဆွဲ၍ ရယူနိုင်သလို MPT ဖုန်းနံပါတ်မှ *4040# သို့ အခမဲ့ ခေါ်ယူပြီး လိုတရ ဝက်ဘ်ဆိုက်မှလည်း အခမဲ့ဒေါင်းလုတ်ဆွဲ၍ အသုံးပြုနိုင်ပါသည်။
MPT ၏ ထုတ်ကုန်အသစ်များ နှင့် ဝန်ဆောင်မှုများအကြောင်း ပိုမိုသိရှိလိုပါက ၁၀၆ သို့ ခေါ်ဆို၍ သော်လည်းကောင်း၊ MPT ၏ တရားဝင် ဖေ့စ်ဘွတ်ခ်စာမျက်နှာဖြစ်သော https://www.facebook.com/mptofficialpage/ သို့မဟုတ် MPT ၏ တရားဝင် ဝက်ဘ်ဆိုက် www.mpt.com.mm သို့ ဝင်ရောက်ကြည့်ရှုနိုင်ပါသည်။

(ရန်ကုန်၊ ၂၀၂၀ ပြည့်နှစ်၊ ဖေဖော်ဝါရီလ ၁၉ ရက်) – မြန်မာ့ဆက်သွယ်ရေးလုပ်ငန်း (MPT) အနေဖြင့် ပိုမိုကောင်းမွန်သည့် အရည်အသွေး နှင့် ခေတ်မီဝန်ဆောင်မှုများကို ပေးနိုင်ရန်အတွက် လက်ရှိအသုံးပြု နေသော အော်တိုတယ်လီဖုန်းနံပါတ်များကို ဂဏန်း (၇) လုံးပါရှိသည့် အော်တိုတယ်လီဖုန်းနံပါတ်အသစ်များ ဖြင့် ပြောင်းလဲတပ်ဆင်ပေးသွားမည် ဖြစ်ပါသည်။

ရှမ်းပြည်နယ်တောင်ပိုင်းနှင့် ပဲခူးတိုင်းဒေသကြီး (အရှေ့) ရှိ အိတ်ချိန်းများကို ခေတ်မီအိတ်ချိန်းစက်များနှင့် ပြောင်းလဲတပ်ဆင်ပြီးဖြစ်ပါသဖြင့် ၂၀၂၀ ပြည့်နှစ်၊ မတ်လ ၃၁ ရက် တွင် အော်တိုတယ်လီဖုန်းနံပါတ်များ အောက်ပါအတိုင်းပြောင်းလဲသွားမည် ဖြစ်ပါသည်

အောက်ပါဇယားတွင်ဖော်ပြထားသော မန္တလေးတိုင်းဒေသကြီးရှိ ကျပ်ပြင်အိတ်ချိန်းကိုလည်း ခေတ်မီအိတ်ချိန်းစက်များနှင့် ပြောင်းလဲတပ်ဆင်ပြီး ကေဘယ်ကွန်ရက်စနစ် (Cable Network) အားလည်း ယခုလက်ရှိ ကြေးနန်းကြိုး (Copper Cable) အသုံးပြုစနစ်မှ မြန်နှုန်းမြှင့် သတင်းအချက်အလက် ဝန်ဆောင်မှုပေးနိုင်သည့် ဖန်ကြိုးမျှင် (Fiber Cable) အသုံးပြုစနစ်သုံး တယ်လီဖုန်းများဖြင့် ပြောင်းလဲတပ်ဆင်မည်ဖြစ်ပါသဖြင့် အော်တိုတယ်လီဖုန်းနံပါတ်မှာ ၂၀၂၀ ပြည့်နှစ်၊ မတ်လ ၃၁ ရက်တွင် အောက်ပါအတိုင်း ပြောင်းလဲသွားမည် ဖြစ်ပါသည်။

နံပါတ်အဟောင်းမှ နံပါတ်အသစ်သို့ ပြောင်းလဲစဉ်ကာလအတွင်းတွင် မြန်မာ့ဆက်သွယ်ရေးလုပ်ငန်းမှ မိမိတို့၏ ဝန်ဆောင်မှုကို အသုံးပြုနေသူများ ဆက်သွယ်မှုအဆင်ပြေစေရန် Call Forward ဝန်ဆောင်မှုကို ၂၀၂၀ ခုနှစ် ဇွန်လအကုန်အထိ အခမဲ့ပေးထားမည်ဖြစ်ပြီး သုံးစွဲသူများသည် နံပါတ်အသစ်သို့ ပြောင်းလဲနေစဉ်ကာလအတွင်းတွင် လက်ရှိနံပါတ် (သို့မဟုတ်) နံပါတ်အသစ်သို့ ခေါ်ဆိုနိုင်မည် ဖြစ်ပါသည်။

(ရန်ကုန်၊ ၂၀၂၀ ပြည့်နှစ်၊ ဖေဖော်ဝါရီလ ၁၇ ရက်) မြန်မာနိုင်ငံ၏ ပထမဆုံးနှင့် ဦးဆောင်ဆက်သွယ်ရေး အော်ပရေတာဖြစ်သည့် MPT နှင့် East Boy Co., Ltd တို့မှ ထပ်မံပူးပေါင်းကာ တေးသံရှင်အသစ်များကို ထုတ်ဖော်မြေတောင်မြှောက်ပေးပြီး အရည်အချင်းပြည့်ဝသည့်အနုပညာရှင်အဖြစ် အသက်မွေး ဝမ်းကြောင်း စတင်ပြုနိုင်ရန်ရည်ရွယ်၍ မည်သူမဆို၀င်ရောက်ယှဥ်ပြိုင်နိုင်မည့် တစ်မူထူးခြားဆန်းသစ်သည့် “ရွှေမိုက်ခဲ” အွန်လိုင်းသီချင်းဆိုပြိုင်ပွဲကြီးကို မိတ်ဆက်ခဲ့ပါသည်။ “ရွှေမိုက်ခဲ” တေးသီချင်းဆိုပြိုင်ပွဲသည် MPT နှင့် တေးသံသာ Music App တို့မှ ပူးပေါင်းဆောင်ရွက်ထားသည့် တေးသီချင်းဆိုပြိုင်ပွဲဖြစ်ပါသည်။

မြန်မာ့တေးဂီတဝါသနာရှင်များအနေဖြင့် ဖေဖော်ဝါရီလ (၂၂)ရက်မှ စတင်၍ “ရွှေမိုက်ခဲ” တေးသီချင်း ဆိုပြိုင်ပွဲကို အွန်လိုင်းမှတစ်ဆင့်ဝင်ရောက် ယှဉ်ပြိုင်နိုင်မည်ဖြစ်ပြီး အကဲဖြတ်ဒိုင်များအဖြစ် ထင်ရှားကျော် ကြားသည့် တေးရေးဆရာများနှင့်တေးသံရှင်များဖြစ်ကြသည့် မြင့်မိုးအောင်၊ လီယိုနာဒ်မောင်မောင်လွင်၊ ဝေကြီး၊ ရေဗက္ကာဝင်း၊ ဂျူဝယ်တို့ က သုံးသပ်အကဲဖြတ်​ရွေးခြယ်ပေးမည်ဖြစ်သည်။ ပြိုင်ပွဲဝင်များသည် မိမိတို့ သီဆိုထားသည့် ဗွီဒီယိုရုပ်သံဖိုင်များကို ပေးပို့ ယှဥ်ပြိုင်ရမည်ဖြစ်သည်။

သီချင်းဆိုပြိုင်ပွဲကို အဆင့်သုံးဆင့်ဖြင့်ကျင်းပသွားမည်ဖြစ်ပြီး ပထမအဆင့်မှာ အွန်လိုင်း မှပေးပို့ယှဉ်ပြိုင် ရမည်ဖြစ်သည်။ Semi-final နှင့် Grand Final အား ပြင်ပတွင် On Stage Performance ဖြင့် ယှဥ်ပြိုင်ရမည်ဖြစ်ပြီး   MPT ၏ Official Facebook Page တွင် တိုက်ရိုက်ထုတ်လွှင့်ပေးသွားမည် ဖြစ်ပါသည်။ အနိုင်ရရှိသူများသည် ဆုကြေးငွေ စုစုပေါင်း မြန်မာကျပ်ငွေ သိန်း (၁၀၀) နှင့် ‘တေးသံသာ’ မှ အထူးသီးသန့်ကိုယ်ပိုင်သီချင်းတစ်ပုဒ် စီစဥ်ထုတ်လုပ်ပေးမည်ဖြစ်သည်။

ရှေးဦးစွာ “ရွှေမိုက်ခဲ” သီချင်းဆိုပြိုင်ပွဲတွင် ပါဝင်မည့်ပြိုင်ပွဲဝင်များသည် သတ်မှတ်ရွေးချယ်ပေးထားသော လူကြိုက်များထင်ရှားသည့် သီချင်းအပုဒ်ရေ (၄၀) အနက်မှ မိမိကြိုက်နှစ်သက်ရာ တေးသီချင်းတစ်ပုဒ်အား ရွေးချယ်သီဆိုနိုင်ပြီး အဆိုပါဗွီဒီယိုဖိုင်အား မိမိ၏ ကိုယ်ပိုင်ဖေ့စ်ဘွတ်အကောင့်တွင် Hashtag (#shwemickhae #taythantharMPT) ခေါင်းစဉ်ကို ရေးသားကာ public ဖြင့် တင်ရမည်ဖြစ်သည်။ ပြိုင်ပွဲသို့ အရည်အချင်း ပြည့်မီစွာ ပါဝင်ယှဉ်ပြိုင်နိုင်ရန် ပြိုင်ပွဲဝင်များသည် အဆိုပါတင်ထားသော post ၏ လင့်ခ်နှင့် အသေးစိတ် အချက်အလက်များဖြစ်သော ပြိုင်ပွဲဝင်အမည်၊ ဖုန်းနံပါတ် (MPT နံပါတ်တစ်ခုတည်းသာ) တို့အား “ရွှေမိုက်ခဲ” ‌ Facebook messenger ဖြစ်သော (m.me/shwemickhae) သို့ ပေးပို့ရမည်။

ပထမအဆင့်မှာ ပေးပို့လာသည့် video clip များကို ဒိုင်များမှ ပေးသောအမှတ်နှင့် မိမိအကောင့်တွင် တင်ထားသည့် Facebook Post မှ Like များကို အခြေခံကာ ဒုတိယအဆင့် ဆန်ခါတင်အတွက် (၁၀) ဦးကို စိစစ်ရွေးချယ်မည်ဖြစ်ပြီး၊ ဒုတိယအဆင့်မှာ ဆန်ခါတင် (၁၀)ဦးထဲကမှ (၄) ဦးကို ရွေးချယ်ကာ Grand Final အတွက်ထပ်မံသီဆိုယှဉ်ပြိုင်ရမည်ဖြစ်သည်။ တတိယအဆင့်ဖြစ်သည့် Grand Final တွင် ထို (၄)ဦးအား ယှဉ်ပြိုင်စေကာ  Winner နှင့် First Runner Up ဆု (၂) ဆုကို ချီးမြှင့်ပေးသွားမည်ဖြစ်သည်။

ပထမအဆင့် ယှဉ်ပြိုင်သူများထဲမှ မိမိသီဆိုထားသော သီချင်းဗွီဒီယိုဖိုင်အား “ရွှေမိုက်ခဲ” Facebook messenger သို့ ပထမဦးဆုံးပေးပို့လာသော အယောက်(၃၀) အား MPT ဖုန်းငွေဖြည့်ကတ် တစ်သောင်း ကျပ်တန်အား ပေးအပ်သွားမည် ဖြစ်ပါသည်။ ပထမအဆင့်ပြိုင်ပွဲဝင်အားလုံးသည် ကျပ် (၁၀၀,၀၀၀)တန်ဖိုး ရှိစိတ်လှုပ်ရှားဖွယ်ဆုများကိုရရှိရန်အတွက် ကံစမ်းမဲ​ဖြင့်ပါဝင့်ခွင့်ရရှိပါမည်။

“အခုလို “ရွှေမိုက်ခဲ” အွန်လိုင်းသီချင်းဆိုပြိုင်ပွဲကို မိတ်ဆက်လိုက်ခြင်းဟာ MPT ရဲ့ အစဉ်အလာအတိုင်း ရေရှည်တည်တံ့နေစေမယ့် ဆန်းသစ်တီထွင်မှုတွေကို ပြည်သူတွေအကြား ဦးဆောင်ဦးရွက်ပြုပြီး မြန်မာ ပြည်သူပြည်သားတွေ အားလုံးအတွက် ဒီဂျစ်တယ်လူမှုဘဝကို ပြည့်စုံစေဖို့ ရည်ရွယ်ခြင်းဖြစ်ပါတယ်။ ဒီပြိုင်ပွဲကို မြန်မာပြည်ရဲ့ ဘယ်နေရာကမဆို ပါဝင်ယှဉ်ပြိုင်နိုင်ပြီး အဆိုဝါသနာရှင်များအနေနဲ့ အသံစစ်ဆေး  ရွေးချယ်မှု ပထမဆုံးအဆင့်အတွက် ခရီးစရိတ်နဲ့ အခြားကုန်ကျစရိတ်တွေ ကုန်ကျမှုမရှိအောင် အွန်လိုင်း ကနေပါဝင်နိုင်ဖို့ တမင်လုပ်ဆောင်ပေးထားတာဖြစ်တယ်။ အနုပညာလောကထဲကို ထိုးဖောက်ဝင်ရောက် နိုင်အောင်လည်း သီချင်းသီဆိုမှုပိုင်းဆိုင်ရာကို ပြည်တွင်းမှာရှိတဲ့ ထိပ်တန်းအသံနည်းပြတွေက ကိုယ်တိုင် လေ့ကျင့်သင်ကြားပေးမှာဖြစ်တာကြောင့် မိမိတို့ရဲ့ အရည်အချင်းနဲ့ ပါရမီကို ထုတ်ဖော်ပြသဖို့ တစ်ကြိမ်တစ်ခါသာ ရရှိနိုင်မယ့် အထူးအခွင့်အရေးပဲ ဖြစ်ပါတယ်” ဟု MPT-KSGM Joint Operations ၏ Chief Commercial Officer ဖြစ်သူ Mr. Reizo Umeda က ပြောကြားခဲ့ပါသည်။

MPT ၏ ထုတ်ကုန်အသစ်များ နှင့် ဝန်ဆောင်မှုများအကြောင်း ပိုမိုသိရှိလိုပါက ၁၀၆ သို့ ခေါ်ဆို၍ သော်လည်းကောင်း၊ MPT ၏ တရားဝင် ဖေ့စ်ဘွတ်ခ်စာမျက်နှာဖြစ်သော  https://www.facebook.com/mptofficialpage/ သို့မဟုတ် MPT ၏ တရားဝင်ဝက်ဘ်ဆိုက် www.mpt.com.mm  သို့ ဝင်ရောက်ကြည့်ရှုနိုင်ပါသည်။

(ရန်ကုန်၊ ၂၀၂၀ ပြည့်နှစ် ဖေဖော်ဝါရီလ ၁၄ ရက်) – MPT Money မိုဘိုင်းလ်ငွေကြေးဝန်ဆောင်မှုလုပ်ငန်း သည် မြန်မာနိုင်ငံအတွင်း သန့်ရှင်းသာယာလှပစေရေးနှင့် အမှိုက်ကင်းစင်စေရေးအတွက် တာဝန်သိ လူမှုအကျိုးပြုလုပ်ငန်းတစ်ခုအဖြစ် “သန့်ရှင်းခေတ်မီရှေ့သို့ချီ” နိုင်ငံတစ်ဝန်း စုပေါင်းသန့်ရှင်းရေး လှုပ်ရှားမှုကို ဖေဖော်၀ါရီလအတွင်း ပြုလုပ်သွားမည်ဖြစ်ကြောင်း ယနေ့သတင်းထုတ် ပြန်ကြေညာ လိုက်သည်။ အဆိုပါ လှုပ်ရှားမှုကို ဖေဖော်၀ါရီလ (၁၅) ရက်မှ စတင်၍ နေပြည်တော်နှင့်  မွန်ပြည်နယ် မော်လမြိုင်မြို့တို့တွင် စတင်ပြုလုပ်သွားမည် ဖြစ်သည်။ မိမိတို့နေ့ထိုင်ရာ လူမှုပတ်ဝန်းကျင် သာယာလှပစေရေးအတွက် ပတ်ဝန်းကျင်အား အထောက်အပံ့ဖြစ်စေရန်နှင့် လူမှုအသိုက်အဝန်းအတွင်း ပြုပြင်ပြောင်းလဲမှုများ ဖြစ်ထွန်းလာစေရန် ရည်ရွယ်၍ လားရှိုးပြည်သူ့ဆေးရုံကြီး (ရှမ်းပြည်နယ်)၊ ရွှေမော်‌ဓောဘုရား (ပဲခူးတိုင်းဒေသကြီး) နှင့် စစ်တွေပွိုင့်ကမ်းခြေအနီးရှိ နေရာဒေသများအပါအဝင် မြန်မာနိုင်ငံတစ်ဝန်းလုံးရှိ တိုင်းဒေသကြီးနှင့် ပြည်နယ် (၁၈)ခုတို့တွင် MPT စေတနာရှင် ဝန်ထမ်းများ၊ မိသားစုဝင်များ၊ ဒေသခံ အဖွဲ့အစည်းများနှင့် ပြည်သူအများ စုပေါင်း၍ အတူတကွ ပူးပေါင်းဆောင်ရွက်သွားမည် ဖြစ်သည်။

ယခုနှစ်တွင် MPT Money ၏ ပဏာမခြေလှမ်းအဖြစ် ဦးဆောင်ကျင်းပသော “သန့်ရှင်း ခေတ်မီရှေ့သို့ချီ” နိုင်ငံတစ်ဝန်း စုပေါင်းသန့်ရှင်းရေးလှုပ်ရှားမှုတွင် စေတနာရှင်ဝန်ထမ်း ၇၀၀၀ ကျော်ပူးပေါင်းပါ၀င်နိုင်မည်ဟု မျှော်မှန်းထားသည်။ အဆိုပါလှုပ်ရှားမှုသည် ပြည်သူများအကြား သန့်ရှင်းသာယာပြီး စိမ်းလန်းစိုပြေသော ပတ်၀န်းကျင်၏ အရေးပါမှုကို ပိုမိုသိသာထင်ရှားလာစေရန် ရည်ရွယ်၍ ဆောင်ရွက်ခြင်း ဖြစ်ပါသည်။ ဖေဖော်၀ါရီလတွင် စုပေါင်းသန့်ရှင်းရေး လှုပ်ရှားမှုကို သတ်မှတ်ထားသော နေရာဒေသများ၌

ဒေသခံပြည်သူများ၊ အဖွဲ့အစည်းများ၊ MPT Money ကိုယ်စားလှယ်များ နှင့် MPT စေတနာရှင်၀န်ထမ်းများမှ ပါ၀င် ဆောင်ရွက်သွားမည် ဖြစ်ပါသည်။

“စည်းကမ်းမဲ့အမှိုက်စွန့်ပစ်ခြင်းဟာ ကျန်းမာရေး၊ တိရစ္ဆာန်များနှင့် သဘာဝပတ်ဝန်းကျင်ကို ဆိုးရွားစွာ ထိခိုက်စေနိုင်သည့်အပြင် တစ်နိုင်ငံလုံးအတိုင်းအတာဖြင့် သက်ရောက်နိုင်မယ့် ပြဿနာတစ်ခု ဖြစ်ပါတယ်။ ကျွန်တော်တို့ MPT Money ရဲ့ နိုင်ငံတစ်ဝန်းသန့်ရှင်းရေးလုပ်ဆောင်ချက်နှင့်အတူ ဒေသခံပြည်သူတွေကို မိမိတို့ပတ်ဝန်း ကျင်နဲ့ အများပြည်သူဆိုင်ရာနေရာတွေမှာ ဂုဏ်ယူစွာနဲ့ပူးပေါင်းပါဝင်စေချင်ပါတယ်။ အားလုံး အတူတကွ ပူးပေါင်းဆောင်ရွက်မယ်ဆိုရင် အမှိုက်စွန့်ပစ်မှုနှုန်းကို လျှော့ချနိုင်မှာဖြစ်သလို မြန်မာနိုင်ငံအတွင်း သန့်ရှင်းသာယာမှု အတွက် ပြည်သူလူထုကို အားပေးလှုံ့ဆော်နိုင်မယ်လို့ ယုံကြည်ပါတယ်” ဟု MPT Money Co., Ltd ၏ အုပ်ချုပ်မှုဒါရိုက်တာ ဖြစ်သူ ဦးခင်မောင်မြင့် မှ ပြောကြားခဲ့ပါသည်။

“သန့်ရှင်းခေတ်မီရှေ့သို့ချီ” နိုင်ငံတစ်ဝန်းစုပေါင်းသန့်ရှင်းရေးလှုပ်ရှားမှု အစီအစဉ်များကို အောက်ဖော်ပြပါ နေရာများတွင် ကျင်းပသွားမည်ဖြစ်သည်။

“သန့်ရှင်းခေတ်မီရှေ့သို့ချီ” နိုင်ငံတစ်ဝန်း စုပေါင်းသန့်ရှင်းရေး လှုပ်ရှားမှုအစီအစဉ်သည် ဒေသခံ အသိုင်းအဝန်းများနှင့်အတူ လက်တွဲကာ နိုင်ငံတစ်ဝန်းရှိ အထင်ကရနေရာများ၊ စေတီပုထိုးများ၊ အများပြည်သူဆိုင်ရာနေရာများတွင် တတ်အားသရွေ့ လူထောင်ပေါင်းများစွာ ပူးပေါင်းပါဝင်ခြင်းဖြင့် အင်တိုက်အားတိုက် ဆောင်ရွက်နိုင်စေရန် အဓိကရည်ရွယ်ထားပါသည်။

MPT Money ၏ “သန့်ရှင်းခေတ်မီရှေ့သို့ချီ” နိုင်ငံတစ်ဝန်း စုပေါင်းသန့်ရှင်းရေး လှုပ်ရှားမှုနှင့်ပတ်သက်၍ ထပ်မံသိရှိလိုပါက MPT Money ၏ တရားဝင်ဖေ့စ်ဘွတ်စာမျက်နှာ @MPTMoneyOfficial သို့ ဝင်ရောက်လေ့လာနိုင်ပါသည်။

(ရန်ကုန်၊ ၂၀၂၀ ပြည့်နှစ် ဖေဖော်ဝါရီလ ၆ ရက်)- ၂၀၂၀ ပြည့်နှစ်၊ ဖေဖော်ဝါရီလ ၉ ရက်တွင် Thuwunnabhumi Event Park ၌ ကျင်းပပြုလုပ်မည့် ၆ ကြမ်မြောက် ဂျပန် မြန်မာပွဲတော် ၂၀၂၀ ဖြစ်မြောက်ရေးအတွက် MPT က ယခုနှစ်တွင်လည်း ဆက်လက် ပံ့ပိုးကူညီသွားမည် ဖြစ်ကြောင်းသတင်းထုတ်ပြန်လိုက်သည်။

၂၀၁၄ ခုနှစ်ကတည်းက ကျင်းပဆောင်ရွက်ခဲ့သည့် ဂျပန် မြန်မာပွဲတော်သည် ဂျပန် မြန်မာ (၂) နိုင်ငံ ချစ်ကြည်ရေး အတွက် ယဥ်ကျေးမှုဖလှယ်သည့် ပွဲတော် တစ်ခုဖြစ်သည်။ “ဂျပန်-မြန်မာ တောက်ပတဲ့ အနာဂတ်ဆီသို့”ဟူသည့် ခေါင်းစဉ်အောက်တွင် ကျင်းပမည့် ၆ ကြိမ်မြောက် အခမ်းအနားမှာ ဂျပန်သံရုံး ၊ ဂျပန်ကုန်သည်များနှင့် စက်မှုလက်မှု လုပ်ငန်းရှင်များ အသင်း (မြန်မာ)၊ Yangon Japanese Association ၊ JIB ၊ NEP နှင့် Dream Vision Company တို့၏ လက်တွဲဆောင်ရွက်မှု ဖြစ်ပြီး တက်ရောက်လာကြသည့် ပရိသတ်များကို ဂျပန်အစားအစာများ၊ ဂျပန်ထုတ်ကုန် နှင့် ဂျပန်၊မြန်မာ အနုပညာရှင်များ၏ တိုက်ရိုက်ဖျော်ဖြေတင်ဆက်မှုများပါ၀င်သော ဂျပန်-မြန်မာပြန်ပွဲတော်ကို အခမ်းအနားနှင့်အတူ ပူးပေါင်းတင်ဆက်ရင်း ယခု ၂၀၂၀ ခုနှစ်တွင်လည်း နောက်ထပ် အောင်မြင်မှုများ ရရှိရန်မျှော်မှန်းထားပါသည်။

ယခုနှစ် ဂျပန် မြန်မာ ပွဲတော်တွင် ဂျပန်နိုင်ငံနှင့် မြန်မာနိုင်ငံမှ ထိပ်တန်းအနုပညာရှင်များက ဖျော်ဖြေတင်ဆက်သွားမည် ဖြစ်ပြီး ဂျပန်နိုင်ငံနှင့် မြန်မာနိုင်ငံမှ ကုမွဏီများ၊ စားသောက်ဆိုင်များမှ ၎င်းတို့၏ ကျွမ်းကျင်မှုများကို မိတ်ဆက်ခြင်းများလည်း ပါဝင်မည် ဖြစ်သည်။ ထိပ်တန်းအနုပညာရှင်များဖြစ်သည့် ပြည်တွင်းမှ ဖြူဖြူကျော်သိန်း၊ နီနီခင်ဇော်၊ ဆိုဖီယာအဲဗားရက်စ် နှင့် Project K တို့ ပါဝင်ဖျော်ဖြေမည် ဖြစ်ပြီး ဂျပန်နိုင်ငံမှ အနုပညာရှင် Hirahara Ayaka နှင့် Morisaki Win တို့က “တကယ်လို့” သီချင်းဖြင့် ဖျော်ဖြေတင်ဆက်မည် ဖြစ်သည့်အပြင် ၂၀၂၀ ပြည့်နှစ် ဖေဖော်ဝါရီလ ၉ ရက်၌ MNTV ရုပ်သံလိုင်းတွင်လည်း ညနေ ၇ နာရီမှစတင်၍ တိုက်ရိုက်ထုတ်လွှင့် ပြသသွားမည် ဖြစ်သည်။

“ကျွန်တော်တို့ ဂျပန်နိုင်ငံရဲ့ ယဥ်ကျေးမှုနဲ့ အလှတရားတွေကို မြန်မာပြည်သူတွေထံကို တင်ဆက်ပြသခွင့်ရမှာဖြစ်တဲ့အတွက် အရမ်းပဲ စိတ်လှုပ်ရှားနေပါတယ်။ MPT သုံးစွဲသူအားလုံးအနေနဲ့ ဒီပွဲတော်ကို အခမဲ့ လာရောက်ပြီး ဂျပန်နိုင်ငံရဲ့ အတွေ့အကြုံတွေ၊ ဂျပန်၊ မြန်မာ နှစ်နိုင်ငံရဲ့ ယဥ်ကျေးမှုတွေ၊ နာမည်ကျော်ကြားတဲ့ အနုပညာရှင်တွေရဲ့ ဖျော်ဖြေတင်ဆက်မှုတွေကို တွေ့ကြုံခံစားနိုင်စေဖို့ ဖိတ်ခေါ်လိုပါတယ်” ဟု MPT-KSGM Joint Operations ၏ လုပ်ငန်းလည်ပတ်မှုဌာနမှ အရာရှိချုပ်ဖြစ်သူ Mr. Koichi Kasuya က ပြောကြားသည်။

ယဥ်ကျေးမှု ဖလှယ်မှု တစ်စိတ်တစ်ပိုင်း အဖြစ် ပွဲတော်သို့လာရောက်မည့် ပရိသတ်များအနေဖြင့် ဂျပန်လူမျိုးများ၏ အစားအသောက်များ၊ ဖျော်ဖြေတင်ဆက်မှုများနှင့် ဂျပန်လူမျိုးများ၏ ရိုးရာ၊ ဓလေ့နှင့် ထုံးထမ်းအစဥ်အလာများ၊ ယဉ်ကျေးမှုများ နှင့် MPT Money ၀န်ဆောင်မှုများ၊ MPT ရဲ့ အရောင်းမြှင့်တင်ရေး နဲ့ပျော်ရွှင်စရာ ဂိမ်း အစီအစဉ်တွေလည်းပါဝင်တဲ့ အပြင် အလန်းစား ဖျော်ဖြေရေး အစီအစဉ်များ ကို ၂၀၂၀ ပြည့်နှစ်၊ ဖေဖော်ဝါရီလ ၉ ရက် Thuwunnabhumi Event Park ၌ နေ့လည် ၁၂ နာရီမှ ည ၁၀ နာရီအထိ အများပြည်သူများ အခမဲ့ လာရောက်ကြည့်ရှုနိုင်မည်ဖြစ်သည်။
ဂျပန် မြန်မာ ပွဲတော်နှင့် ပတ်သက်သည့် အသေးစိတ်အချက်အလက်များကို ထပ်မံသိရှိလိုပါက https://www.facebook.com/JapanMyanmarPweTaw/ သို့ ဝင်ရောက်၍ လေ့လာနိုင်ပါသည်။