ခေတ်မီအိတ်ချိန်းစက်များ လဲလှယ်ပြီးဖြစ်ပါသဖြင့် အော်တိုတယ်လီဖုန်းနံပါတ်များအား ပြောင်းလဲပါမည်

(ရန်ကုန်၊ ၂၀၂၁ ခုနှစ်၊ နိုဝင်ဘာလ ၂၆ ရက်) – မြန်မာ့ဆက်သွယ်ရေးလုပ်ငန်း (MPT) အနေဖြင့် ပိုမိုကောင်းမွန်သည့် အရည်အသွေး နှင့် ခေတ်မီဝန်ဆောင်မှုများကို ပေးနိုင်ရန်အတွက် အောက်ဖော်ပြပါ ပြည်နယ်ရှိ အိတ်ချိန်းများကို ခေတ်မီအိတ်ချိန်းစက်များနှင့် ပြောင်းလဲတပ်ဆင်ပြီး လက်ရှိအသုံးပြုနေသော အော်တိုတယ်လီဖုန်းနံပါတ်များကို ဂဏန်း (၇) လုံးပါရှိသည့် အော်တိုတယ်လီဖုန်းနံပါတ်အသစ်များဖြင့် အောက်ပါအတိုင်း ပြောင်းလဲသွားမည် ဖြစ်ပါသည်။

နယ်မြေအိတ်ချိန်းMigration စတင်ပြုလုပ်မည့် ရက်စွဲလက်ရှိအသုံးပြု
နေသော ဖုန်းနံပါတ်
အသစ်ပြောင်းလဲ မည့်ဖုန်းနံပါတ်
ရခိုင်ပြည်နယ်မြောက်ဦး အိတ်ချိန်း၃-၁၂-၂၀၂၁၀၄၃-၅၀xxx၀၄၃-၂၀၅၀xxx
ကျောက်တော် အိတ်ချိန်း၅-၁၂-၂၀၂၁၀၄၃-၇၀xxx၀၄၃-၂၀၇၀xxx

နံပါတ်အဟောင်းမှ နံပါတ်အသစ်သို့ ပြောင်းလဲစဉ်ကာလအတွင်းတွင် မြန်မာ့ဆက်သွယ်ရေးလုပ်ငန်းမှ မိမိတို့၏ ဝန်ဆောင်မှုကို အသုံးပြုနေသူများ ဆက်သွယ်မှုအဆင်ပြေစေရန် Call Forward ဝန်ဆောင်မှုကို ပြောင်းလဲတပ်ဆင်သည့်နေ့မှစ၍ (၃) လအထိ အခမဲ့ပေးထားမည်ဖြစ်ပြီး သုံးစွဲသူများသည် နံပါတ်အသစ်သို့ ပြောင်းလဲနေစဉ်ကာလအတွင်းတွင် လက်ရှိနံပါတ် (သို့မဟုတ်) နံပါတ်အသစ်သို့ ခေါ်ဆိုနိုင်မည် ဖြစ်ပါသည်။

MPT သုံးစွဲသူ မိဘပြည်သူများသို့ အကြောင်းကြားခြင်း 

ချင်းပြည်နယ်၊ မန္တလေးတိုင်းဒေသကြီး၊ မကွေးတိုင်းဒေသကြီးနှင့် စစ်ကိုင်းတိုင်းဒေသကြီးရှိ တယ်လီကွန်းဆက်သွယ်ရေးဝန်ဆောင်မှု အခက်အခဲကို ပြင်ဆင်ပြီးဖြစ်ပါသဖြင့် ဝန်ဆောင်မှုများကို နဂိုအတိုင်း သုံးစွဲနိုင်ပြီ ဖြစ်ပါကြောင်း အသိပေးအပ်ပါသည်။ အဆင်မပြေမှုများဖြစ်ပေါ်ခဲ့သည့်အတွက်လည်း အနူးအညွတ်တောင်းပန်အပ်ပါသည်။

MPT သုံးစွဲသူ မိဘပြည်သူများသို့ အသိပေးအကြောင်းကြားခြင်း

စစ်ကိုင်းတိုင်း မုံရွာမြို့မှ မြင်းမူမြို့နှင့် မကွေးတိုင်း ရေစကြိုမြို့တို့ အကြားတွင် ချိတ်ဆက်ထားသည့် ဖိုင်ဘာဆက်ကြောင်း ပြတ်တောက်မှု ဖြစ်ပွားခဲ့ပါသဖြင့် ချင်းပြည်နယ်၊ မန္တလေးတိုင်းဒေသကြီး၊ မကွေးတိုင်းဒေသကြီး နှင့် စစ်ကိုင်းတိုင်းဒေသကြီးတို့ရှိ နေရာအချို့တွင် တယ်လီကွန်း ဆက်သွယ်ရေး ဝန်ဆောင်မှု အခက်အခဲအချို့ ဖြစ်ပေါ်လျက် ရှိပါသည်။ သက်ဆိုင်ရာ အင်ဂျင်နီယာအဖွဲ့အနေဖြင့် နဂိုအတိုင်း ပြန်လည်ကောင်းမွန်စေရန်အတွက် ပြင်ဆင်မှုများကို အမြန်ဆုံးကြိုးပမ်းလုပ်ဆောင်နေပါသည်။ အဆင်မပြေမှုများအတွက် အနူးအညွတ်တောင်းပန်အပ်ပါသည်။

ခေတ်မီအိတ်ချိန်းစက်များ လဲလှယ်ပြီးဖြစ်ပါသဖြင့် အော်တိုတယ်လီဖုန်းနံပါတ်များအား ပြောင်းလဲပါမည်

(ရန်ကုန်၊ ၂၀၂၁ ခုနှစ်၊  နိုဝင်ဘာလ ၁၆ ရက်) – မြန်မာ့ဆက်သွယ်ရေးလုပ်ငန်း (MPT) အနေဖြင့် ပိုမိုကောင်းမွန်သည့် အရည်အသွေး နှင့် ခေတ်မီဝန်ဆောင်မှုများကို ပေးနိုင်ရန်အတွက် အောက်ဖော်ပြပါ တိုင်းဒေသကြီးနှင့် ပြည်နယ်များရှိ အိတ်ချိန်းများကို ခေတ်မီအိတ်ချိန်းစက်များနှင့် ပြောင်းလဲတပ်ဆင်ပြီး ကေဘယ်လ်ကွန်ရက်စနစ် (Copper Cable Network) အား မြန်နှုန်းမြှင့် သတင်းအချက်အလက် ဝန်ဆောင်မှု ပေးနိုင်သည့် ကြိုးမဲ့စနစ်သုံး (Wireless) တယ်လီဖုန်းများဖြင့် အောက်ပါအတိုင်း ပြောင်းလဲသွားမည် ဖြစ်ပါသည်။

နယ်မြေအိတ်ချိန်းMigration စတင်ပြုလုပ်မည့် ရက်စွဲလက်ရှိအသုံးပြုနေသော ဖုန်းနံပါတ်အသစ်ပြောင်းလဲမည့်
ဖုန်းနံပါတ်
တနင်္သာရီတိုင်းဒေသကြီးကျွန်းစု အိတ်ချိန်း၂၆-၁၁-၂၀၂၁၀၅၉-၆၂xxx၀၅၉-၄၇၆၂xxx
မကွေးတိုင်းဒေသကြီးငဖဲ အိတ်ချိန်း


၁၅-၁၂-၂၀၂၁
၀၆၅-၂၅၀xxx၀၆၅- ၄၇၅၀xxx
မွန်ပြည်နယ်လမိုင်း အိတ်ချိန်း၀၅၇-၅၄xxx၀၅၇-၄၆၅၄xxx
မုပ္ပလင် အိတ်ချိန်း၀၅၇-၆၃xxx၀၅၇-၄၆၆၃xx
ရှမ်းပြည်နယ် (မြောက်ပိုင်း)မဘိမ်း အိတ်ချိန်း၀၈၂-၄၈xxx၀၈၂-၄၆၄၈xxx
အုမ္မသီး အိတ်ချိန်း၀၈၂-၇၅xxx၀၈၂-၄၆၇၅xxx
ရှမ်းပြည်နယ် (တောင်ပိုင်း)ကာလိ အိတ်ချိန်း၀၈၁-၈၅xxx၀၈၁-၄၇၈၅xxx
ရွာငံ အိတ်ချိန်း၀၈၁-၆၈xxx၀၈၁-၄၇၆၈xxx

နံပါတ်အဟောင်းမှ နံပါတ်အသစ်သို့ ပြောင်းလဲစဉ်ကာလအတွင်းတွင် မြန်မာ့ဆက်သွယ်ရေးလုပ်ငန်းမှ မိမိတို့၏ ဝန်ဆောင်မှုကို အသုံးပြုနေသူများ ဆက်သွယ်မှုအဆင်ပြေစေရန် Call Forward ဝန်ဆောင်မှုကို ပြောင်းလဲ တပ်ဆင်သည့်နေ့မှစ၍ (၃) လအထိ အခမဲ့ပေးထားမည်ဖြစ်ပြီး သုံးစွဲသူများသည် နံပါတ်အသစ်သို့ ပြောင်းလဲနေစဉ်ကာလအတွင်းတွင် လက်ရှိနံပါတ် (သို့မဟုတ်) နံပါတ်အသစ်သို့ ခေါ်ဆိုနိုင်မည် ဖြစ်ပါသည်။

“Binge Watch and Win the Prize” Campaign Frequently Asked Questions mm

MPT နှင့် Viu တို့မှ ပြုလုပ်သည့် “ဆက်တိုက်ကြည့်ပြီး ဆုတွေယူ” အစီအစဉ် မေးလေ့ မေးထရှိသည့် မေးခွန်းများ

၁။ ‘‘ဆက်တိုက်ကြည့်ပြီး ဆုတွေယူ’’ အစီအစဉ် ဆိုတာ ဘာလဲ။

‘‘ဆက်တိုက်ကြည့်ပြီး ဆုတွေယူ’’ အစီအစဉ် သည် MPT အသုံးပြုသူများအတွက် Viu နှင့် MPT တို့မှ ပြုလုပ်ပေးသော အစီအစဉ်ကောင်းလေးတစ်ခုဖြစ်ပြီး ကံထူးနိုင်မည့်သူများအနေဖြင့် Viu မှ ဇာတ်ကားများကြည့်ရှုနိုင်သည့် အများဆုံး MPT ဒေတာ 1GB အထိ(Viu App အတွက်သာ) ဆုလက်ဆောင်များ အပြင် တခြားဆုလက်ဆောင်များကိုပါ ရရှိနိုင်မည်ဖြစ်ပါသည်။

၂။‘‘ဆက်တိုက်ကြည့်ပြီး ဆုတွေယူ’’ အစီအစဉ် ကာလ ဘယ်လောက်ကြာမြင့်မှာလဲ။

‘‘ဆက်တိုက်ကြည့်ပြီး ဆုတွေယူ’’ အစီအစဉ် ကို ၂၀၂၁ နို၀င်ဘာလ ၁၁ရက် မှ ၂၀၂၁ နို၀င်ဘာလ ၂၅ ရက်နေ့ ထိကျင်းပမည်ဖြစ်ပါသည်။

၃။ ‘‘ဆက်တိုက်ကြည့်ပြီး ဆုတွေယူ’’ အစီအစဉ် မှာ မည်သူတွေ ပါဝင်နိုင်သလဲ။

MPT ဒေတာ 1GB အထိ ကံထူးခွင့်ကို MPT အသုံးပြုသူများအားလုံးအတွက် အကျုံး၀င်မည်ဖြစ်ပါသည်။
ဆုလက်ဆောင် ကံထူးခွင့် ပိုမိုရရှိရန် အသုံးပြုသူများ အနေနဲ့ Viu တွင် MPT ဒေတာဖြင့် Campaign ကာလအတွင်းကြည့်ရှုပါ။

၄။ Campaign ကာလအတွင်း အသုံးပြုသူများအနေနဲ့ မည်သည့်ဆုလက်ဆောင်များ ရရှိနိုင်မည်နည်း။

ဆုလက်ဆောင် အနေနဲ့ Viu ဇာတ်ကားများ ကြည့်ရှုနိုင်ရန် ၅ ရက်အတွင်းအသုံးပြုနိုင်သည့် အများဆုံး MPT ဒေတာ 1GB အထိ (Viu App အတွက်သာ)အပြင် တခြားဆုလက်ဆောင်များ(Viuတံဆိပ်ထီး နှင့် PenthHouse-3 Drama လက်မှတ်ပါ ပိုစတာ) ကံထူးရရှိမည်ဖြစ်သည်။

၅။ ‘‘ဆက်တိုက်ကြည့်ပြီး ဆုတွေယူ’’ အစီအစဉ် တွင် ကံထူးကြောင်း ဘယ်လိုသိနိုင်မလဲ။

MPT ဒေတာ ကံထူးသူများ အနေနဲ့ SMS မှတဆင့် ဒေတာလက်ဆောင်များ ကိုပေးပို့သွားမည်ဖြစ်ပြီး ဆုလက်ဆောင် ဒေတာကို MPT-Viu မှတဆင့် လက်ခံရရှိမည်ဖြစ်ပါသည်။ ဆုလက်ဆောင် ဒေတာများကို ၁၁ရက် နိုဝင်ဘာလ ၊ ၁၈ရက် နိုဝင်ဘာလ နှင့် ၂၅ရက် နိုဝင်ဘာလ များတွင် အသီးသီး လက်ခံရရှိနိုင်မည် ဖြစ်ပါသည်။
ဆုလက်ဆောင်ဒေတာကို *224# (သို့) MPT 4U app တွင်ကြည့်ရှု စစ်ဆေးနိုင်ပါသည်။

တခြားဆုလက်ဆောင်များ(Viuတံဆိပ်ထီး နှင့် PenthHouse-3 Drama လက်မှတ်ပါ ပိုစတာ) အတွက်ကိုမူ Viu မှ တဆင့် ကံထူးသူများထံ ဖုန်းခေါ်ဆိုဆက်သွယ် ပေးလာပါလိမ့်မည်။

၆။ အသေးစိတ်ကို သိရှိလိုပါက ဘယ်ကို ဆက်သွယ်မေးမြန်းနိုင်ပါသလဲ။

အသေးစိတ်အချက်အလက်များအား Viu Facebook page နှင့် MPT website https://www.mpt.com.mm/mm/viu-mm/ စာမျက်နှာများတွင် ၀င်ရောက်ကြည့်ရှုနိုင်ပြီး
MPT call center – ၁၀၆ သို့လည်း ဆက်သွယ်စုံစမ်းမေးမြန်းနိုင်ပါသည်။

Binge Watch and Win the Prize mm

MPT စည်းကမ်းသတ်မှတ်ချက်များ - Binge Watch and Win the Prize

ဤစာမျက်နှာသည် ‘‘ဆက်တိုက်ကြည့်ပြီး ဆုတွေယူ” (“ပ႐ိုမိုးရွင္း”) တွင် ပါဝင်ရာ၌ လူကြီးမင်း လိုက်နာရန် သဘောတူရမည့် စည်းကမ်းချက်များကို ရှင်းလင်းဖော်ပြထားပါသည်။ ပရိုမိုးရှင်းကို မြန်မာ့ ဆက်သွယ် ရေးလုပ်ငန်း (“MPT”, “ကျွနု်ပ်တို့”, “ကျွနု်ပ်တို့ကို”, “ကျွနု်ပ်တို့၏”) ၏ ဝန်ဆောင်မှုများ မှတဆင့် ရယူနိုင်ပါသည်။

ပရိုမိုးရှင်းတွင် ပါဝင်ခြင်းဖြင့် လူကြီးမင်းသည် ဤစည်းကမ်း သတ်မှတ်ချက်များနှင့် ၎င်းတို့နှင့် ဆက်စပ် သည့် အခြားသောသက်ဆိုင်ရာ စည်းမျဉ်းများ၊ မူဝါဒများ နှင့် စည်းကမ်းချက်များ (စုပေါင်း၍ “စည်းကမ်းချက်များ” ဟု ခေါ်ဆိုရန်) ကိုဖတ်ရှု၊ နားလည်ကြောင်း နှင့် ၎င်းတို့ကို လိုက်နာဆောင်ရွက်ရန် သဘောတူကြောင်း သဘောဆောင်ပါသည်။

စည်းကမ်းချက်များသည် အချိန်အခါမရွေးပြောင်းလဲမှုရှိနိုင်ပါသည်။ ထိုကဲ့သို့သောပြောင်းလဲမှုတစ်ရပ်ရပ် ပြုလုပ်ပြီးနောက် လူကြီးမင်း၏ ပရိုမိုးရှင်းတွင် ဆက်လက်ပါဝင်ခြင်းသည် ပြောင်းလဲပြီးဖြစ်သော စည်း ကမ်းချက်များကို လူကြီးမင်းအနေဖြင့် လက်ခံခြင်း မြောက်ပါသည်။

၁။ ပရိုမိုးရှင်း

၁.၁ စည်းကမ်းချက်များတွင် လူကြီးမင်းအား အတိအလင်း အပ်နှင်းထားခြင်းမရှိသည့် အခွင့်အရေး အားလုံးကို ကျွနု်ပ်တို့က သို့မဟုတ် ကျွနု်ပ်တို့၏ အသုံးပြုခွင့်ပေးသူများ၊ ထောက်ပံ့သူများ၊ ထုတ်ဝေသူများ၊ အခွင့်အရေးကိုင်ဆောင်သူများနှင့် အခြားသော အကြောင်းအရာပံ့ပိုးသူများက သီးသန့် ရယူထိန်းသိမ်းထားပါသည်။ လူကြီးမင်းအနေဖြင့် စည်းကမ်းချက်များနှင့် ဥပဒေတွင် ခွင့်ပြုသည့်အတိုင်းသာ ပရိုမိုးရှင်းတွင်ပါဝင်နိုင်ပြီး အခြားသောအသုံးပြုခံစားမှုအားလုံးကို တင်း ကျပ်စွာ တားမြစ်ထားပါသည်။

၁.၂ MPT သည် MPT ၏ တစ်ဦးတည်းဆုံးဖြတ်ချက်ဖြင့် အကြောင်းပြချက်တစ်ရပ်ရပ် သို့မဟုတ် အကြောင်းပြချက်မရှိဘဲ လူကြီးမင်း၏ ပရိုမိုးရှင်းအားရယူမှု သို့မဟုတ် ၎င်းတွင်ပါဝင်မှုအား အကြောင်းကြားမှုနှင့် တာဝန်မရှိဘဲ အမြဲတမ်း သော်လည်းကောင်း၊ ယာယီသော်လည်းကောင်း ရပ်စဲခြင်း၊ ဆိုင်းငံ့ခြင်း သို့မဟုတ် အခြားနည်းဖြင့် ခွင့်ပြုရန်ငြင်းပယ်ခြင်းများ ပြုလုပ်နိုင်ပါသည်။ ထိုသို့ပြုလုပ်သည့်အခါတွင် စည်းကမ်းချက်များသည် ဤတွင် ဖော်ပြထားသော ဆက်လက် တည်ရှိနေမည့်စည်းကမ်းချက်များကို ဖြည့်ဆည်းရန် လိုအပ်သောအတိုင်းအတာအထိ လူကြီး မင်းအပေါ် ဆက်လက်စည်းနှောင်မှုရှိရမည်။

၁.၃ လူကြီးမင်း၏ ပရိုမိုးရှင်းတွင်ပါဝင်မှုသည် ကြိုတင်စီစဉ်ထားသောနှင့် ကြိုတင်စီစဉ်ထားခြင်းမရှိ သော ဝန်ဆောင်မှု အဆက်ပြတ်ခြင်းများပေါ် မူတည်နိုင်သည်။ ပရိုမိုးရှင်း၏ အဆက်ပြတ်ခြင်း၊ (စီစဉ်ထားသည်ဖြစ်စေ၊ စီစဉ်မထားဘဲဖြစ်စေ) ချို့ယွင်းမှုဖြစ်ပေါ်ခြင်း သို့မဟုတ် မဝင်ရောက် နိုင်ခြင်း တစ်ခုခုအတွက် MPT သည် လူကြီးမင်းအပေါ် သို့မဟုတ် မည်သည့်တတိယပုဂ္ဂိုလ်များ အပေါ်မဆို တာဝန်ရှိမည် မဟုတ်သည်ကို လူကြီးမင်းအနေဖြင့် သဘောတူပါသည်။

၁.၄ လူကြီးမင်း၏ ပရိုမိုးရှင်းတွင်ပါဝင်မှု သို့မဟုတ် အလွဲသုံးစားပြုမှု၊ လူကြီးမင်း၏ အခြားအသုံးပြု သူများနှင့် မည်သည့်အပြန်အလှန်ဆက်သွယ်ဆောင်ရွက်မှုများအတွက်မဆို သို့မဟုတ် ပရိုမိုးရှင်း နှင့်စပ်လျဉ်း၍ လူကြီးမင်း၏ အခြားဆောင်ရွက်မှု သို့မဟုတ် လိုက်နာရန်ပျက်ကွက်မှု တစ်ရပ်ရပ် အတွက် MPT တွင် တာဝန်မရှိစေရ။

၂။ ကျွန်ုပ်တို့၏ ပိုင်ဆိုင်မှုအခွင့်အရေးများ

Viu သို့မဟုတ် အခြားတတိယပုဂ္ဂိုလ်တစ်ဦးဦးမှ အခြားနည်းဖြင့် တရားသဖြင့် ပိုင်ဆိုင်ခြင်းမှ လွဲ၍ သက်ဆိုင်မှုရှိသည့်အတိုင်း ဤ ပရိုမိုးရှင်း နှင့်စပ်လျဉ်းသော ဆော့ဖ်ဝဲ၊ ရုပ်ပုံများ၊ စာသား၊ ဂရပ်ဖစ် များ၊ သရုပ်ဖော်မှုများ၊ လိုဂိုများ၊ တီထွင်မှုမူပိုင်ခွင့်များ၊ ကုန်အမှတ်တံဆိပ်များ၊ ဝန်ဆောင်မှု အမှတ် တံဆိပ်များ၊ မူပိုင်ခွင့်များ၊ ဓာတ်ပုံများ၊ အသံ၊ ဗီဒီယိုများ၊ ဂီတနှင့် အကြောင်းအရာ အပါအဝင် ၎င်းတို့ချည်းသာ မဟုတ်သော (စုပေါင်း၍ “အကြောင်းအရာ”) MPT ၏ ပိုင်ဆိုင်မှုအချက်အလက် တစ်ခုခုနှင့် ၎င်းတို့နှင့် သက်ဆိုင်သော ဉာဏပစ္စည်းအခွင့်အရေးများ အားလုံးမှာ MPT နှင့် ၎င်း၏ အသုံးပြုခွင့်ပေးသူများ (licensors)၊ ထောက်ပံ့သူများ၊ ထုတ်ဝေသူများ၊ မူပိုင်ခွင့်ကိုင်ဆောင်သူများ၏ သီးသန့်ပစ္စည်းဖြစ်သည်။ ဤတွင်အတိအလင်း ဖော်ပြထားသည်မှလွဲ၍ ဤစည်းကမ်းချက်၏ မည်သည့် အရာကမျှ ဉာဏပစ္စည်းဆိုင်ရာအခွင့်အရေးများ တစ်ခုခုတွင်ရှိသော သို့မဟုတ် ထိုအောက်တွင်ရှိသော အသုံး ပြုခွင့်တစ်ခု သို့မဟုတ် အခွင့်အရေးတစ်ခု ဖန်တီးသည်ဟု မမှတ်ယူရ။ ပရိုမိုးရှင်းတွင် ဝင်ရောက် အသုံးပြုနိုင်သော အချက်အလက်များတစ်ခုခု သို့မဟုတ် အကြောင်းအရာတစ်ခုခုမှ ဆင့်ပွားရရှိလာ သော လက်ရာများကို ရောင်းချခြင်း၊ အသုံးပြုခွင့်ပေးခြင်း၊ ငှားရမ်းခြင်း၊ ပြုပြင်ခြင်း၊ ဖြန့်ချိခြင်း၊ ကူးယူခြင်း၊ ဆင့်ပွားကူးယူခြင်း၊ ထုတ်လွှင့်ခြင်း၊ လူအများ မြင်သာစေရန် ပြသခြင်း၊ လူအများ မြင်သာစေရန် ဖျော်ဖြေခြင်း၊ ထုတ်ဝေခြင်း၊ သင့်လျော်သလို ပြင်ဆင်အသုံးပြုခြင်း၊ တည်းဖြတ်ခြင်း သို့မဟုတ် ဖန်တီးခြင်းများကို သင့်အနေဖြင့် မပြုလုပ်ရန် သဘောတူပါသည်။ စည်းကမ်းချက်များမှ အတိအလင်း ခွင့်ပြုမထားသော မည်သည့်ရည်ရွယ်ချက်အတွက်မဆို အကြောင်းအရာအား အသုံးပြုခြင်းကို တင်းကျပ်စွာ တားမြစ်ထားပါသည်။

၃။ ပရိုမိုးရှင်း ကာလ

ပရိုမိုးရှင်းကာလမှာ ၂၀၂၁ နို၀င်ဘာလ ၁၁ရက် မှ ၂၀၂၁ နို၀င်ဘာလ ၂၅ ရက်နေ့ ထိဖြစ်ပါသည်။

၄။ ပါဝင်နိုင်သူများ

၄.၁ ဤ ပရိုမိုးရှင်းအား အသက်ဆယ့်သုံး(၁၃)နှစ်နှင့် အထက်ရှိ Viu ၀န်ဆောင်မှုကို အသုံးပြုသော (MPT SIM အသုံးပြုနေသော) MPT သုံးစွဲနေသူများ (“ပါဝင်သူ”) အတွက်သာ သီးသန့် ရည်ရွယ်ပါသည်။ အကယ်၍ သင်သည် အသက်ဆယ့်ရှစ် (၁၈)နှစ် အောက်ဖြစ်ပါက အုပ်ထိန်းမှုအောက်မှ ကင်းလွှတ်ပြီး ကိုယ်ပိုင် ဆုံးဖြတ်ချက်ချနိုင်သူ၊ ဥပဒေအရ မိဘအုပ်ထိန်းမှု သို့မဟုတ် အုပ်ထိန်းသူခွင့်ပြုချက် ရရှိထားပြီး စည်းကမ်းချက်များ တွင် ဖော်ပြထားသည့် စည်းကမ်းချက်များ၊ သတ်မှတ်ချက်များ၊ တာဝန်များ၊ ကတိပြုခြင်းများ၊ ကိုယ်စားပြုခြင်းများနှင့် အာမခံခြင်းများကို သဘောတူညီရန်နှင့် စည်းကမ်းချက် များကို လိုက်နာရန် စွမ်းဆောင်ရည်နှင့် အရည်အချင်း အပြည့်အဝရှိမှသာ ပရိုမိုးရှင်းတွင် ပါဝင်နိုင်ပါသည်။

၅။ ဆုများ
၅.၁ ပရိုမိုးရှင်းကာလ အတွင်းတွင် ပါ၀င်သူ ၄သိန်းနီးပါးအနက် MPT မှ ကျပန်းရွေးချယ်မည်ဖြစ်ပြီး MPT ဒေတာ အများဆုံး 1GB အထိ (Viu အတွက်သာ အသုံးပြုနိုင်သော) ကံထူး ရရှိနိုင်မည်ဖြစ်သည်။

(က) ရရှိထားသော ဆုသည် ၅ရက်အတွင်း အသုံးပြုနိုင်မည်ဖြစ်သည်။
(ခ) ရရှိထားသောဆုသည် Viu ၏ ပရီမီယံဇာတ်ကားများကိုကြည့်ရှုနိုင်မည်ဖြစ်သည်။
(ဂ) MPT ဒေတာ ကံထူးသူများ အနေနဲ့ SMS မှတဆင့် ဒေတာလက်ဆောင်များကို ပရိုမိုးရှင်းကာလအတွင်း ပေးပို့သွားမည်ဖြစ်ပြီး MPT-Viu မှတဆင့် လက်ခံရရှိမည်ဖြစ်ပါသည်။
(ဃ) ဆုလက်ဆောင်ဒေတာကို *224# (သို့) MPT 4U app တွင်ကြည့်ရှု စစ်ဆေးနိုင်ပါသည်။

၅.၂ ဆုရရှိမည့်ပါဝင်သူများ ရွေးချယ်ခြင်းအတွက် စံသတ်မှတ်ချက်များသည် MPT ၏ တဦးတည်း ဆုံးဖြတ်ခွင့်ဖြစ်သည်။

၅.၃ ပါဝင်သူများသည် တခြားဆုလက်ဆောင်များ(Viuတံဆိပ်ထီး နှင့် PenthHouse-3 Drama လက်မှတ်ပါပိုစတာ) ကံထူးနိုင်မည်ဖြစ်ပြီး Viu မှ တာ၀န်ရှိသူများ ကိုယ်တိုင်ကံထူးသူများထံ ဆက်သွယ် ပေးလာပါလိမ့်မည်။

၆။ ဆုများကို အသုံးပြုခြင်း

ဆုများအားလုံးကို ဖော်ပြသည့်အတိုင်း ရယူရမည်ဖြစ်ပြီး အကယ်၍ ကံထူးရှင်က ဆု ကို ဖော်ပြသည့်အတိုင်း အသုံးမပြုနိုင်ပါက မည်သည့်အစားထိုးလျော်ကြေးကိုမှ ပေးမည် မဟုတ်ပါ။

ဆုများအားလုံးကို လဲလှယ်ခြင်း၊ လွှဲပြောင်းခြင်း၊ ခန့်အပ်ပေးအပ်ခြင်း၊ သို့မဟုတ် ငွေသား နှင့်လှဲလှယ်ခြင်း ပြုလုပ်၍မရပါ။

အပိုဒ် ၆ ၅(ဆုများ)တွင် ဖော်ပြထားသည့်အချက်များမှ လွှဲ၍ အခြားသောကုန်ကျစရိတ်များ သည် ကံထူးရှင်တစ်ဦးချင်းစီနှင့် သူ/သူမတို့၏ guests အနေဖြင့် သုံးစွဲသူများ၏ သီးသန်နှင့် အကြွင်းမဲ့ တာဝန်ဖြစ်သည်။

ဆုအမျိုးအစား နှင့် ကံထူးရှင်ရွေးချယ်မှုအပါအဝင် ယင်းတို့ချည်းသာမက ပရိုမိုးရှင်း၏ အစိတ်အပိုင်းအားလုံးနှင့် ဆက်စပ်သည့် MPT ၏ ဆုံးဖြတ်ချက်ကို မည်သည့်အခြေအနေ တွင်မဆို နောက်ဆုံးနှင့်အပြီးသတ် ဖြစ်သည်ဟုမှတ်ယူရမည်။ မည်သည့် အယူခံချက်၊ စုံစမ်းမေး မြန်းမှု နှင့်/သို့မဟုတ် စာအဆက်အသွယ်များကိုမှ ဆောင်ရွက်ပေးမည် မဟုတ်ပါ။

၇။ ကံထူးရှင်အဖြစ်မှ ထုတ်ပယ်ခြင်း

MPT သည် ပုံမှန်မဟုတ်သော သို့မဟုတ် မသင်္ကာစရာဖြစ်သော ဆောင်ရွက်မှုများ ပြုလုပ်နေသည့် သို့မဟုတ် ယင်းတို့နှင့်ဆက်စပ်နေသည်ဟု ၎င်းက သံသယရှိသော ပါဝင်သော တစ်ဦးကို ကြိုတင်အကြောင်းကြားစရာမလိုပဲ သို့မဟုတ် မည်သည့်အကြောင်းပြချက်မှ ပေးစရာမလိုပဲ ထုတ်ပယ်နိုင်သည်။

၈။ ဈေးကွက်ရှာဖွေခြင်းနှင့် အရောင်းမြှင့်တင်ခြင်း

MPT အနေဖြင့် ပရိုမိုးရှင်းအတွက် လိုအပ်သော သို့မဟုတ် ၎င်းနှင့် ကျိုးကြောင်းဆီလျော်စွာ ဆက်စပ် သော ကိစ္စရပ်များအတွက်လည်းကောင်း MPT ၏ ကုန်ပစ္စည်းများ သို့မဟုတ် ဝန်ဆောင်မှုများကို ဈေးကွက်ရှာဖွေရန်၊ ကြော်ငြာရန် နှင့်/သို့မဟုတ် အရောင်းမြှင့်တင်ရန် ရည်ရွယ်ချက်များအတွက် ပါဝင် သူများ၏ ဗီဒီယိုများ နှင့်/သို့မဟုတ် ဓာတ်ပုံများကို ကြော်ငြာရန်ရည်ရွယ်ချက်များအတွက် အပါဝင် ပါဝင်သူများ၏ ကိုယ်ရေးအချက်အလက်များ ကောက်ခံခြင်း၊ အသုံးပြုခြင်း၊ ဖွင့်ဟထုတ်ဖော်ခြင်းနှင့် ၎င်းတို့ အကြား ဝေမျှခြင်းတို့ပြုလုပ်ခြင်းနှင့် MPT၏ တရားဝင်ခွင့်ပြုထားသော ဝန်ဆောင်မှုပေးသူများနှင့် သက်ဆိုင်ရာ တတိယပုဂ္ဂိုလ်များထံ ထိုကဲ့သို့သော ကိုယ်ရေး အချက်အလက်များ ဖွင့်ဟထုတ်ဖော် ခြင်းကို ပါဝင်သူများ အနေဖြင့် သဘောတူညီပြီး ခွင့်ပြုပါသည်။

၉။ တာဝန်ခံမှုမှ ကင်းလွတ်စေခြင်း

လူကြီးမင်းသည် MPT နှင့် ၎င်း၏ လက်အောက်ခံကုမ္ပဏီများ၊ ပူးတွဲလုပ်ငန်းဆောင်ရွက်သူ၊ အေးဂျင့်များ၊ မန်နေဂျာများ နှင့် အခြားဆက်စပ်ကုမ္ပဏီများ၊ နှင့် ၎င်းတို့၏ ဝန်ထမ်းများ၊ ကန်ထရိုက်တာများ၊ အေး ဂျင့်များ၊ အရာထမ်းများ၊ ဒါရိုက်တာများအား (၁) လူကြီးမင်းထုတ်လွှတ်လိုက်သော သို့မဟုတ် ရရှိသော ဒေတာ သို့မဟုတ် အကြောင်းအရာတစ်ခုခုအပါအဝင် လူကြီးမင်း၏ ပရိုမိုးရှင်းအသုံးပြုခြင်းနှင့် ဝင် ရောက်ခြင်း (၂) ဤတွင်ပါဝင်သော ကိုယ်စားပြုတင်ပြခြင်းများနှင့် အာမခံချက်များတစ်ခုခုကို ချိုး ဖောက်ခြင်း အပါအဝင် ယင်းတို့ချည်းသာမဟုတ်သော စည်းကမ်းချက်များ၏ စည်းကမ်းတစ်ခုခုအား ချိုးဖောက်ခြင်း (၃) ပုဂ္ဂိုလ်ဆိုင်ရာလွတ်လပ်မှု အခွင့်အရေး တစ်စုံတစ်ရာ၊ လူတစ်ဦးတစ်ယောက်၏ ကျော်ကြားမှုကိုယ်ပိုင်လက္ခဏာများအား အလွှဲသုံးစားပြုခြင်းကို ကာကွယ်သည့် အခွင့်အရေးများ (Publicity Rights) သို့မဟုတ်၊ ဉာဏပစ္စည်းဆိုင်ရာ အခွင့်အရေးများအပါအဝင် ၎င်းတို့ချည်းသာ မဟုတ် သော တတိယပုဂ္ဂိုလ်အခွင့်အရေးတစ်ခုခုကို လူကြီးမင်းအနေဖြင့် ချိုးဖောက်ခြင်း၊ (၄) လူကြီးမင်း၏ ပြည် ထောင်စုသမ္မတမြန်မာနိုင်ငံတော် သို့မဟုတ် အခြားနိုင်ငံတစ်နိုင်ငံ၏ ဥပဒေ၊ နည်းဥပဒေ သို့မဟုတ် စည်းမျဉ်း တစ်ခုခုကိုချိုးဖောက်ခြင်း၊ (၅) ပရိုမိုးရှင်းမှတစ်ဆင့် လူကြီးမင်းတင်ပြသော သို့မဟုတ် ရရှိသော အချက်အလက်တစ်ခုခု၏ ရလဒ်တစ်ခုကြောင့် တောင်းဆိုမှု သို့မဟုတ် နစ်နာမှုတစ်စုံ တစ်ရာ ဖြစ်ခြင်း သို့မဟုတ် (၆) လူကြီးမင်း၏ ဖုန်းနံပါတ် (စာရင်းသွင်းထားသည်ဖြစ်စေ၊ စာရင်းမသွင်းထား သည်ဖြစ်စေ)၊ ဟန်းဆက်၊ သို့မဟုတ် အခြားသော ကိရိယာမှတစ်ဆင့် အခြားပုဂ္ဂိုလ်တစ်ဦးဦး၏ ပရိုမိုးရှင်းသို့ ဝင်ရောက် မှုနှင့် အသုံးပြုမှုတို့မှ ပေါ်ပေါက်လာသော တောင်းဆိုမှုများ၊ နစ်နာမှုများ၊ တာဝန်ဝတ္တရားများ၊ ဆုံးရှုံးမှုများ၊ တာဝန်ခံမှုများ၊ ကုန်ကျမှုများ သို့မဟုတ် ကြွေးမြီနှင့် အသုံးစရိတ်များ (ရှေ့နေ့ခများအပါအဝင်ဖြစ်သော် လည်း ယင်းတို့ချည်းသာမက) တစ်ရပ်ရပ်နှင့် အားလုံးထံမှနှင့် ၎င်းတို့ကိုဆန့်ကျင်၍ ကာကွယ်ပေးရန်၊ တာဝန်ခံမှုမှ ကင်းလွတ်စေရန်နှင့် လွှတ်ငြိမ်းစေရန် သဘောတူပါသည်။

၁၀။ အာမခံချက်များ၏ မသက်ဆိုင်ကြောင်း ရှင်းလင်းချက်များနှင့် တာဝန်ခံမှုကန့်သတ်ချက်

ပရိုမိုးရှင်းတွင်ပါဝင်သော သို့မဟုတ် ပရိုမိုးရှင်းမှတဆင့်အခြားနည်းဖြင့် လူကြီးမင်း အသုံးပြု နိုင်ရန် ပြုလုပ်ထားသော သတင်းအချက်အလက်၊ အကြောင်းအရာ၊ အချက်အလက်များ၊ ထုတ်ကုန်များ (ဆော့ဖ်ဝဲအပါအဝင်)နှင့် အခြားသောဝန်ဆောင်မှုများကို ဤနေရာ၌ “ရှိသည့် အတိုင်း” နှင့် “ရှိနိုင် မည့်အတိုင်း” ရနိုင်သောစနစ်ဖြင့်ပံ့ပိုးခြင်းဖြစ်သည်။ MPT သည် ပရိုမိုးရှင်း လည်ပတ်ခြင်း သို့မဟုတ် ပရိုမိုးရှင်းတွင်ပါဝင်သော သို့မဟုတ် ပရိုမိုးရှင်းမှတဆင့် အခြားနည်း ဖြင့် လူကြီးမင်း အသုံးပြုနိုင်ရန်ပြုလုပ်ထားသော ၎င်း၏တိကျမှု အပါအဝင် သတင်း အချက် အလက်၊ အကြောင်းအရာ၊ အချက်အလက်များ၊ ထုတ်ကုန်များ (ဆော့ဖ်ဝဲ အပါအဝင်) သို့မဟုတ် အခြားသောဝန်ဆောင်မှုများကို မည်သည့်အမျိုးအစားမဆိုဖြစ်သော အတိအလင်းဖြစ်စေ၊ တိုက်ရိုက်မဟုတ်သည်ဖြစ်စေ ကိုယ်စားပြုတင်ပြခြင်းများ သို့မဟုတ် အာမခံချက်များမပြုလုပ်ပါ။ လူကြီးမင်း၏ ပရိုးမိုးရှင်း အသုံးပြုမှုသည် ဖြစ်ပေါ်လာနိုင်ချေရှိသောအန္တရာယ်ကို မိမိဘာသာ တာဝန်ယူသည်ဟု လူကြီးမင်းက အတိအလင်း သဘောတူပါသည်။

MPT သည် လူကြီးမင်း၏ ပရိုမိုးရှင်း အသုံးပြုခြင်း သို့မဟုတ် ပရိုမိုးရှင်းတွင် ပါဝင်သော သို့မဟုတ် ပရိုမိုးရှင်းမှတဆင့်အခြားနည်းဖြင့် လူကြီးမင်းအသုံးပြုနိုင်ရန်ပြုလုပ်ထားသော သတင်းအချက်အလက်၊ အကြောင်းအရာ၊ အချက်အလက်များ၊ ထုတ်ကုန်များ (ဆော့ဖ်ဝဲ အပါ အဝင်) သို့မဟုတ် အခြားသော ဝန်ဆောင်မှုများမှ ပေါ်ပေါက်လာသော မည်သည့် အမျိုးအစား မဆို ဖြစ်သည့် တိုက်ရိုက်ဖြစ်သော၊ တိုက်ရိုက်မဟုတ်သော၊ ဆက်စပ်၍ဖြစ်သော၊ ပြစ်ဒဏ်အရ ဖြစ်သော နှင့် / သို့မဟုတ် အကျိုးဆက်အားဖြင့်ဖြစ်သော နစ်နာမှုများအပါအဝင်ဖြစ်သော်လည်း ယင်းတို့ချည်းသာဟု ကန့်သတ်မထားသော နစ်နာမှု တစ်စုံတစ်ရာအတွက် တာဝန်ရှိမည် မဟုတ်ပါ။

လူကြီးမင်းအနေဖြင့်အနေဖြင့် ပရိုမိုးရှင်းတွင် ပါဝင်ရာတွင် မည်သည့်အကြောင်း အရင်းကြောင့် ဖြစ်စေ၊ ပရိုမိုးရှင်းနှင့် ဆက်စပ်၍ တိုက်ရိုက်ဖြစ်စေ၊ အကျိုးဆက်အရ ဖြစ်စေ ဖြစ်ပေါ်လာသော မည်သည့်သဘောသဘာဝ သို့မဟုတ် အမျိုးအစားမဆိုရှိသည့် ဆုံးရှုံးမှု၊ ထိခိုက်အနာတရဖြစ်မှု၊ ထိခိုက်မှု သို့မဟုတ် ပေးရန်တာဝန်ရှိမှုနှင့် အကျိုးဆက်များ တစ်ခုခု နှင့်အားလုံးမှသော် လည်းကောင်း၊ MPT ကို ထိုသို့ဖြစ်နိုင်ခြေအား အသိပေးပြီးသည့်တိုင် ပြိုင်ပွဲတွင် ပါဝင်စဉ် အတွင်း သို့မဟုတ် ကံထူးဆုအား အသုံးပြုခံစားခြင်းမှပေါ်ပေါက်လာသော သို့မဟုတ် ၎င်းနှင့် ဆက်စပ်သော မည်သည့် ပုဂ္ဂိုလ်များအပေါ်မဆို ထိခိုက်အနာတရဖြစ်မှု တစ်ရပ်ရပ် သို့မဟုတ် ပိုင်ဆိုင်မှုတစ်ရပ်ရပ်အပေါ် ဖြစ်ပေါ်လာသည့်ထိခိုက်မှုတစ်ရပ်ရပ် အပါအဝင်ဖြစ်သော်လည်း ယင်းတို့ချည်းသာဟု ကန်သတ်မထားဘဲ ၎င်းတို့မှပေါ်ပေါက်လာသောနှင့် ၎င်းတို့ကို အကြောင်း ပြုသော တောင်းခံမှုများ၊ တောင်းဆိုမှုများ၊ အခွင့်အရေးများ၊ တရားစွဲဆိုရန် အကြောင်းတို့မှ MPT အား ကင်းလွတ်စေရန်နှင့် ရာသက်ပန် လွတ်ငြိမ်းစေရန် သဘောတူညီပါသည်။

သက်ဆိုင်ရာဥပဒေများမှ ခွင့်ပြုနိုင်သည့် အများဆုံးအတိုင်းအတာအလျောက် MPT သည် ရည်ရွယ်ချက်တစ်ခုအတွက် ကုန်သွယ်မှုနှင့် ရောင်းချနိုင်စွမ်း၏ တိုက်ရိုက်မဟုတ်သော အာမခံ ချက်များ အပါအဝင်ဖြစ်သော်လည်း ယင်းတို့ချည်းသာဟု ကန့်သတ်မထားသော အတိအလင်း ဖော်ပြထားသည့် သို့မဟုတ် တိုက်ရိုက်မဟုတ်သည့် အာမခံချက်များအားလုံးကို မသက်ဆိုင် ကြောင်း ငြင်းဆိုပါသည်။

ပရိုမိုးရှင်း တွင်ပါဝင်သော သို့မဟုတ် ပရိုမိုးရှင်းမှတဆင့်အခြားနည်းဖြင့် လူကြီးမင်း အသုံးပြု နိုင်ရန် ပြုလုပ်ထားသော သတင်းအချက်အလက်၊ အကြောင်းအရာ၊ အချက်အလက်များ၊ ထုတ်ကုန်များ (ဆော့ဖ်ဝဲအပါအဝင်) သို့မဟုတ် အခြားသောဝန်ဆောင်မှုများတွင် MPT ဆာဗာ များ သို့မဟုတ် MPTမှ ပို့သောအီလက်ထရောက်နစ် ဆက်သွယ်မှုများသည် ဗိုင်းရပ်များ သို့မဟုတ် အခြားသော အန္တရာယ်ရှိသည့် အစိတ်အပိုင်းများမှ ကင်းလွတ်ပါသည်ဟု MPT က အာမခံခြင်း မပြုပါ။

၁၁။ တတိယပုဂ္ဂိုလ်အကြောင်းအရာ
ပရိုမိုးရှင်းတွင် တတိယပုဂ္ဂိုလ်များမှ ရရှိသော သို့မဟုတ် ၎င်းတို့က ပံ့ပိုးပေး ထားသောအကြောင်း အရာ (“တတိယပုဂ္ဂိုလ်၏အကြောင်းအရာ”) တို့ပါဝင်နိုင်ပါသည်။ သို့ဖြစ်ပါ၍ အဆိုပါတတိယပုဂ္ဂိုလ်၏ အကြောင်းအရာ သို့မဟုတ် တတိယပုဂ္ဂိုလ်၏အကြောင်းအရာနှင့်ဆက်စပ်သည့် ချိတ်ဆက်ထားသော ဝက်ဘ်ဆိုဒ်တစ်ခုခုအတွက် MPTတွင် တာဝန်ရှိမည်မဟုတ်ပါ။ တတိယ ပုဂ္ဂိုလ်များ၏ သတင်း အချက်အလက်၊ ထုတ်ကုန်များ သို့မဟုတ် ဝန်ဆောင်မှုများတစ်ခုခုအား ရည်ညွှန်းချက် သည် MPT က ထောက်ခံမှု၊ ကမကထပြုမှု သို့မဟုတ် အကြံပြုမှု မဟုတ်ပါ သို့မဟုတ် ထိုသို့သွယ်ဝိုက်ဆိုလိုခြင်း မဟုတ်ပါ။

၁၂။ အထွေထွေ

တတိယပုဂ္ဂိုလ်တစ်ဦးဦး၏ စည်းကမ်းသတ်မှတ်ချက်များသည် သက်ဆိုင်မှုရှိလျှင် ပရိုမိုးရှင်း အပေါ် သက်ရောက်မှုရှိပါမည်။
စည်းကမ်းချက်များသည် http://mpt.com.mm/mm/about-home/terms-conditions-mm/ တွင် ဖတ်ရှုနိုင်သည့် MPT ၏ အထွေထွေစည်းကမ်းသတ်မှတ်ချက်များ (“GTC”) အရဖြစ်ရပါမည်။ ဤစည်းကမ်းချက်၏ စည်းကမ်းများနှင့် GTC အကြား ပဋိပက္ခတစ်စုံတစ်ရာ ဖြစ်ပေါ်ခဲ့ပါက ဤစည်း ကမ်းချက်များ၏ စည်းကမ်းများက လွှမ်းမိုးရမည်။

စည်းကမ်းချက်များသည် ပြည်ထောင်စုသမ္မတမြန်မာနိုင်ငံတော်၏ ဥပဒေများ နှင့် တရားရုံး သို့မ ဟုတ် စီရင်ပိုင် ခွင့်ရှိသော အဖွဲ့တစ်ခုမှ ထုတ်ပြန်ထားသည့် စည်းမျဉ်း၊ အမိန့်ကြော်ငြာစာ၊ ညွှန်ကြား ချက် သို့မဟုတ် လမ်းညွှန်ချက် တစ်ခုခုအရဖြစ်ရပါမည်။

COVID-19 စစ်ဆေးတွေ့ရှိမှုအတွက် အသိပေးခြင်း 

(ရန်ကုန်၊ ၂၀၂၁ ခုနှစ်၊ နိုဝင်ဘာလ ၁၂ ရက်)- မြန်မာ့ဆက်သွယ်ရေးလုပ်ငန်း၏ ကချင်ပြည်နယ် မြစ်ကြီးနားမြို့တွင် တာဝန်ထမ်းဆောင်နေသော ဝန်ထမ်း (၂)ဦး တွင် ကိုဗစ်-၁၉ ရောဂါပိုး စစ်ဆေးတွေ့ရှိရကြောင်း MPT က အတည်ပြု ထုတ်ပြန်လိုက်ပါသည်။

ယခုကဲ့သို့ ကိုဗစ်-၁၉ ရောဂါပိုးတွေ့ရှိရသည့်ဖြစ်ရပ်အတွက် မိမိတို့အနေဖြင့် သက်ဆိုင်ရာရုံးများအတွင်း ဆေးဖြန်းခြင်း နှင့် ထိတွေ့ခဲ့သူများအား စုံစမ်းစစ်ဆေးပြီး လိုအပ်သော ကာကွယ်မှုအစီအစဉ်များကိုလျင်လျင်မြန်မြန်ထိထိရောက်ရောက် ဆောင်ရွက်လျက်ရှိပါသည်။ ကိုရိုနာ ဗိုင်းရပ်စ် (ကိုဗစ်-၁၉) ရောဂါ စတင်ပြန့်ပွားချိန်ကပင်စတင်ပြီး တိကျခိုင်မာသော ကြိုတင်ကာကွယ်ရေး စီမံဆောင်ရွက်ချက်များကို ဆောင်ရွက်လျက်ရှိကာ မိမိတို့၏ သုံးစွဲသူများနှင့် ဝန်ထမ်းများ၏ ကျန်းမာရေးနှင့် လုံခြုံစိတ်ချမှုတို့အတွက် ကျယ်ကျယ်ပြန့်ပြန့် အကောင်အထည်ဖော် ကျင့်သုံးလျက်ရှိပါသည်။

မိမိတို့အနေဖြင့် လုပ်ငန်းခွင်အတွင်းနှင့်လုပ်ငန်းခွင်ပြင်ပသို့ ရောဂါပိုးပျံ့နှံ့ကူးစက်မှုမရှိစေရန်အတွက် အကောင်းဆုံး ဆက်လက်ဆောင်ရွက်သွားမည်ဖြစ်သည့်အပြင် ယခုကဲ့သို့ ကိုဗစ်-၁၉ ကူးစက်မှုအရေးပေါ်အခြေအနေတွင် မြန်မာပြည်သူများအတွက် အရေးပါသော အခန်းကဏ္ဍဖြစ်သည့် ဆက်သွယ်ရေးဝန်ဆောင်မှုများကို စဉ်ဆက်မပြတ် ဆောင်ရွက်နိုင်ရေးကိုလည်း လုပ်ဆောင်သွားမည် ဖြစ်ပါသည်။

ယခုကဲ့သို့ဖြစ်ရပ်များအတွက် မိမိတို့၏ ဝန်ဆောင်မှုကိုသုံးစွဲသူများနှင့် စီးပွားဖက်လုပ်ငန်းများတွင် အဆင်မပြေမှုများ ဖြစ်ပေါ်ခဲ့သည့်အတွက် တောင်းပန်အပ်ပါသည်။ နားလည်မှုပေးသည့်အတွက်လည်း ကျေးဇူးတင်ရှိပါသည်။

MPT ၏ တိုက်ရိုက်တုံ့ပြန်ဖြေကြားပေးသည့်Live Chatbot ဝန်ဆောင်မှုများဖြစ်သည့် “တူတူChat” က သုံးစွဲသူများ၏ နေ့စဉ် ဆက်သွယ်ရေး လိုအပ်ချက်များကို ပိုမိုအဆင်ပြေချောမွေ့စွာ ဆောင်ရွက်နိုင်ရန် ကူညီပေးနိုင်မည်

(ရန်ကုန်၊ ၂၀၂၁ ခုနှစ်၊ နိုဝင်ဘာလ ၁၀ ရက်)- MPT သည် ၎င်း၏ နိုင်ငံတစ်ဝန်းရှိ 2G, 3G နှင့် 4G/ LTE ကို အသုံးပြု၍  သုံးစွဲသူများ၏ နေ့စဉ် ဆက်သွယ်ရေး လိုအပ်ချက်များကို ပိုမိုအဆင်ပြေချောမွေ့စွာ ဆောင်ရွက်နိုင်ရန်  MPT4U အက်ပလီကေးရှင်း နှင့် တရားဝင် ဝက်ဘ်ဆိုက်စာမျက်နှာတို့တွင် တိုက်ရိုက်တုံ့ပြန်ဖြေကြားပေးမည့် Live Chatbot ဝန်ဆောင်မှုဖြစ်သည့် “တူတူChat” နှင့်  အလိုအလျောက် အပြန်အလှန် ဖြေကြားပေးသည့် IVR စနစ်များကို ဆောင်ရွက်ထားပြီး ဖြစ်သည်။

ပြည်တွင်းဆက်သွယ်ရေး အော်ပရေတာ ဖြစ်သည့် MPT သည် မြန်မာပြည်သူ ပြည်သားများအတွက် အကောင်းဆုံး ဝန်ဆောင်မှုများကို ပေးစွမ်းရန် ရည်ရွယ်ချက်ဖြင့် မရှိမဖြစ် လိုအပ်သည့် တယ်လီကွန်း ဆက်သွယ်ရေး ဝန်ဆောင်မှု များကို ဆန်းသစ်တီထွင်မှုနှင့်အတူ မိမိတို့၏ သန္နိဌာန်ဖြစ်သော “အတူလက်တွဲ အမြဲရှိမည် MPT” ဟူသည့်  ဆောင်ပုဒ်ဖြင့်  အတူလက်တွဲ၍ စုပေါင်းစွမ်းအားဖြင့် ဆောင်ရွက်သွားမည်ဖြစ်ကြောင်း ကတိပြုပါသည်။

တူတူChat” ဟု အမည်ပေးထားသည့် MPT ၏ တိုက်ရိုက်တုံ့ပြန်ဖြေကြားပေးသည့် Live Chatbot ဝန်ဆောင်မှုဖြင့် သုံးစွဲသူများသည် အမျိုးမျိုးသော ဝန်ဆောင်မှုများဖြစ်သည့် ဒေတာနှင့် အသံပက်ကေ့ချ်များ၊ အထူးကမ်းလှမ်းချက်များ ဝယ်ယူခြင်း၊ ထပ်ဆောင်းဝန်ဆောင်မှုများ (VAS) ပယ်ဖျက်ခြင်း၊ လက်ကျန်ဖုန်းဘေလ် စစ်ဆေးခြင်းများအပြင်  ဆင်းမ်ကတ်မှတ်ပုံတင်ခြင်း ၊ MPT Club ဝန်ဆောင်မှုများ နှင့် MPT ၏ ပရိုမိုးရှင်းများကို အချိန်မရွေး စုံစမ်းမေးမြန်းအသုံးပြုနိုင်ပါသည်။ Chatbot ဝန်ဆောင်မှုများသည် သုံးစွဲသူများအား မိုဘိုင်းလ် ဝန်ဆောင်မှုများသာမက အိမ်သုံးဖိုင်ဘာ အင်တာနက် (FTTH) နှင့် စီးပွားရေး လုပ်ငန်း(B2B)သုံး ဝန်ဆောင်မှုများအတွက် လိုအပ်သော အချက်အလက်များကိုပါ ပံ့ပိုးပေးနိုင်ရန် ကူညီပေးပါသည်။ အဆိုပါဝန်ဆောင်မှုများအပြင် MPT ၏ သုံးစွဲသူ ဝန်ဆောင်မှု ဌာနသည် သုံးစွဲသူများ အဆင်ပြေ ချောမွေ့စေရန်အတွက် တူညီသောလမ်းကြောင်းဖြင့် သုံးစွဲသူများကို  အကောင်းဆုံး ကူညီပေးသွားမည် ဖြစ်သည်။

သုံးစွဲသူများသည် MPT4U အက်ပလီကေးရှင်းရှိ တူတူChat Chatbot ဝန်ဆောင်မှုအသစ်တွင် ဒီဂျစ်တယ် အတွေ့အကြုံသစ်များကို အောက်ပါအတိုင်း တွေ့ကြုံခံစားအသုံးပြုနိုင်ပါသည်။

 

အဆင့် ၁: ပင်မ စာမျက်နှာတွင် တူတူChat ကိုရွေးချယ်ပါ။

အဆင့် ၂: ဘာသာစကား ရွေး ချယ်ပါ။

အဆင့် ၃: မိမိသိရှိလိုသည့် ဝန်ဆောင်မှုကို ရွေးချယ်ပါ။

 

* အဆင့် ကို ဆောင်ရွက်ပြီးနောက် သုံးစွဲသူများသည် ၎င်းတို့၏လိုအပ်ချက်များကို ရွေးချယ်နိုင်ပါသည်။ MPT ဝန်ဆောင်မှုများ အကြောင်း မေးမြန်းရန်အတွက် MPT Chatbot လမ်းညွှန်ချက်အတိုင်းဆောင်ရွက်နိုင်ပါသည်။

သုံးစွဲသူများအနေဖြင့် MPT4U အက်ပလီကေးရှင်းတွင် တိုက်ရိုက်တုံ့ပြန်ဖြေကြားပေးသည့် “တူတူChat”  ဝန်ဆောင်မှုကို အသုံးပြုနိုင်ရန်အတွက် MPT4U အက်ပလီကေးရှင်းကို iOS အသုံးပြုသူများအတွက် App Store တွင်လည်းကောင်း၊ Android အသုံးပြုသူများအတွက် http://bit.ly/DataFreeApp (သို့) https://lotaya.mpt.com.mm/event/191 (သို့)  *4040#  သို့ တိုက်ရိုက်ခေါ်ဆို၍ လည်းကောင်း ဒေတာအခမဲ့ဖြင့် ဒေါင်းလုတ် ရယူနိုင်မည်ဖြစ်သည်။    MPT4U အက်ပလီကေးရှင်းသည် MPT သုံးစွဲသူများအတွက် တစ်နေရာတည်းတွင် ဝန်ဆောင်မှုအားလုံး ရရှိနိုင်သည့် အက်ပလီကေးရှင်းတစ်ခုဖြစ်ပြီး နိုင်ငံတစ်ဝန်းရှိ သုံးစွဲသူများအတွက် ငွေဖြည့်သွင်းခြင်း၊ ပက်ကေ့ချ်များဝယ်ယူခြင်း၊ မိမိ၏ နေ့စဉ်အသုံးပြုမှုများကို စစ်ဆေးခြင်းနှင့် အခြားစိတ်ဝင်စားစရာများနှင့် ဖျော်ဖြေရေးများ စသည့် အကြောင်းအရာများအပါအဝင် ထုတ်ကုန်များနှင့် ဝန်ဆောင်မှုများကို အဆင်ပြေ လွယ်ကူစွာ အသုံးပြုနိုင်ရန် ဆောင်ရွက်ထားပါသည်။

MPT ၏ 106 Call Center မှာ စတင်ဖွင့်လှစ်ပြီးချိန်မှစ၍ နိုင်ငံတစ်ဝန်းရှိ သုံးစွဲသူများအား အမြဲကူညီပေးလျက်ရှိပြီး အမျိုးမျိုးသော ပံ့ပိုးမှုများကို နေ့စဉ်နှင့်အမျှ ဆောင်ရွက်ပေးလျက်ရှိပါသည်။ ယခု IVR စနစ်သစ်သည် ဖုန်းခေါ်ဆိုသူနှင့် အပြန်အလှန် အလိုအလျောက် ဖြေကြားပေးနိုင်သည့် အသံတုံ့ပြန်မှု စနစ်တစ်ခုဖြစ်သည်။ ဖုန်းခေါ်ဆိုသူသည် IVR စနစ်၏ လိုရာရွေးချယ်နိုင်သည့် အချက်များကို နားထောင်ပြီး ၎င်း၏ဖုန်းပေါ်ရှိ  နံပါတ်ပြားမှ ဆိုင်ရာနံပါတ်ကို နှိပ်ရုံဖြင့် ယင်းစနစ်မှတစ်ဆင့် သက်ဆိုင်သည့်တုံ့ပြန်မှုကို ပြုလုပ်ပေးမည် ဖြစ်သည်။ ဖုန်းခေါ်ဆိုသူ၏ အဖြေပေါ်မူတည်၍ IVR စနစ်သည် သုံးစွဲသူများအား ဝန်ထမ်းများ၏ အကူအညီမလိုအပ်ဘဲ မိမိတို့ လိုအပ်ချက်များကို လွတ်လပ်စွာ ဆောင်ရွက်နိုင်ရန် အကူအညီပေးပါသည်။  အထူးသဖြင့် အချို့သော ဒေတာပက်ကေ့ချ်များ၊ အသံပက်ကေ့ချ်များနှင့် အခြားသော ပက်ကေ့ချ်များ  ဝယ်ယူခြင်း၊ ဆင်းမ်ကတ် မှတ်ပုံတင်ခြင်း၊ လက်ကျန်ဖုန်းဘေလ်စစ်ဆေးခြင်း၊ MPT Club အစရှိသည့် ဝန်ဆောင်မှုများကို ပိုမိုမြန်ဆန်စွာ ဆောင်ရွက်စေနိုင်ပြီး အချိန်ကုန်သက်သာစေမည်ဖြစ်သည်။

IVR နှင့် Chatbot ဝန်ဆောင်မှုနှစ်မျိုးလုံးသည် ဒီဂျစ်တယ်နည်းလမ်းဖြင့် ကူညီပေးသည့် စနစ်အဖြစ် နယ်ပယ် အသီးသီးတွင် လူသိများကာ သုံးစွဲသူများ၏ ဝန်ဆောင်မှုများကို ပိုမိုမြန်ဆန်စေရန်အတွက် သုံးစွဲသူများနှင့် ဝန်ဆောင်မှုပေးသူ အဖွဲ့အစည်းအကြား လွယ်ကူသော တိုက်ရိုက်ဆက်သွယ်ဖြေကြား ပြောဆိုနိုင်သည့် ကြားခံတစ်ခုအဖြစ် ဆောင်ရွက်ပေးသည့် အထောက်အကူပြု ကိရိယာများ ဖြစ်ပါသည်။

MPT သည် ခက်ခဲသော ကာလများအတွင်း ဆက်သွယ်ရေး ဝန်ဆောင်မှုများကို စဉ်ဆက်မပြတ် ပေးစွမ်းနိုင်ရန်နှင့် ဝန်ဆောင်မှုသုံးစွဲသူများ၏ ဒီဂျစ်တယ်လူမှုဘဝများပိုမိုတိုးတက် လာစေရန်အတွက် အမြဲကြိုးပမ်း ဆောင်ရွက်လျက် ရှိပါသည်။ တစ်ချိန်တည်းမှာပင် MPT အနေဖြင့် သုံးစွဲသူများ၏ ဝန်ဆောင်မှုအားလုံး စဥ်ဆက်မပြတ် တိုးတက်ကောင်းမွန်လာစေရန်အတွက် မိမိတို့ ဌာနများအားလုံး လုံခြုံစိတ်ချစွာ လုပ်ငန်း လည်ပတ်မှုဆောင်ရွက်ခြင်း၊ ဌာနတွင်း မူဝါဒများနှင့် လုပ်ထုံးလုပ်နည်းများကို မြှင့်တင်ဆောင်ရွက်ခြင်းများကို ဆက်လက် လုပ်ဆောင်နေပါသည်။

MPT ၏ ဝန်ဆောင်မှုများနှင့် ပတ်သက်ပြီး အသေးစိတ် သိရှိလိုပါက Hotline နံပါတ် 106 သို့ခေါ်ဆို၍လည်းကောင်း သို့မဟုတ် MPT ၏ ဝက်ဘ်ဆိုက်ဖြစ်သော www.mpt.com.mm တွင်လည်းကောင်း ဝင်ရောက်ကြည့်ရှု လေ့လာနိုင်ပါသည်။ ထို့အပြင် MPT4U အက်ပလီကေးရှင်း နှင့် တရားဝင်ဝက်ဘ်ဆိုက်စာမျက်နှာတို့တွင် MPT၏ တိုက်ရိုက်တုံ့ပြန်ဖြေကြားပေးသည့် Live Chatbot ဝန်ဆောင်မှုကိုအသုံးပြုပြီးလည်း စုံစမ်းမေးမြန်းမှုများ ပြုလုပ်နိုင်ပြီး 106 Call Center သို့လည်း ခေါ်ဆို ဆက်သွယ်နိုင်ပါသည်။