ရှမ်းပြည်နယ် လားရှိုး နှင့် တောင်ကြီး တွင် ခေတ်မီအိတ်ချိန်းစက်များ လဲလှယ်မည်ဖြစ်သဖြင့် အော်တိုတယ်လီဖုန်းနံပါတ်များအား ပြောင်းလဲမည်

ရန်ကုန်၊ မြန်မာ၊ ၂၀၁၆ ခုနှစ် ဇွန်လ ၀၁ ရက် – မြန်မာ့ဆက်သွယ်ရေးလုပ်ငန်း (MPT) က ပိုမိုကောင်းမွန်သည့် အရည်အသွေးနှင့် ခေတ်မီဝန်ဆောင်မှုများကိုပေးနိုင်ရန် ရှမ်းပြည်နယ် လားရှိးအိတ်ချိန်းနယ်မြေအတွင်းနှင့် တောင်ကြီးအိတ်ချိန်းနယ်မြေအတွင်းတွင် ခေတ်မီအိတ်ချိန်းစက်များနှင့် ပြောင်းလဲမည်ဖြစ်သဖြင့် အော်တို တယ်လီဖုန်းနံပါတ်များကို ပြောင်းလဲသွားမည်ဖြစ်ပါသည်။ ပြောင်းလဲမည့်နေ့ရက်နှင့် တယ်လီဖုန်းနံပါတ်များမှာ အောက်ပါအတိုင်း ဖြစ်ပါသည်။

ဇွန်လ ၁ရရက်၊ ၂၀၁၆ Continue reading “ ရှမ်းပြည်နယ် လားရှိုး နှင့် တောင်ကြီး တွင် ခေတ်မီအိတ်ချိန်းစက်များ လဲလှယ်မည်ဖြစ်သဖြင့် အော်တိုတယ်လီဖုန်းနံပါတ်များအား ပြောင်းလဲမည်”

MPT မှ သုံးစွဲသူ သန်း ၂၀ ပြည့်မြောက်ခြင်း အထိမ်းအမှတ်အဖြစ် ဆုလက်ဆောင်များပေးအပ်ကာ ကျေးဇူးတုံ့ပြန်

(ရန်ကုန်။ ၂၀၁၆ ခုနှစ် မေလ ၂၀ ရက်) – မြန်မာနိုင်ငံ၏ ဦးဆောင်ဆက်သွယ်ရေးအော်ပရေတာဖြစ်သော မြန်မာ့ဆက်သွယ်ရေးလုပ်ငန်း (MPT) သည် ယခုအခါ သုံးစွဲသူပေါင်း သန်း ၂၀ ရှိပြီဖြစ်ပြီး ၄င်း အောင်မြင်မှုအတွက် သုံးစွဲသူတစ်ဦးချင်းစီအား ကျေးဇူးတုံ့ပြန်သောအားဖြင့် MPT သုံးစွဲသူအားလုံး အတွက် ကံစမ်းမဲအစီအစဉ်တစ်ခုကို စတင်တော့မှာဖြစ်ပါသည်။ မေလ ၂၀ ရက်နေ့မှ ဇွန်လ ၂ ရက်နေ့ အတွင်း ပြုလုပ်မည့် ထိုကံစမ်းမဲအစီအစဉ်ကို ပါဝင်သူတိုင်းသည် ငွေကျပ် ၂ သန်းဖိုး နှင့်ညီမျှသော ဖုန်းငွေဖြည့်ပေးခြင်းကို ရရှိပိုင်ဆိုင်နိုင်မည်ဖြစ်သည်။

ဤကံစမ်းမဲအစီအစဉ်သည် MPT သုံးစွဲသူ မိဘပြည်သူ သန်း၂ဝအတွက် “မိသားစု”ဆန်သော အောင်ပွဲခံခြင်းအထိမ်းအမှတ်ဖြစ်ပြီး သုံးစွဲသူတိုင်းက ကံထူးခွင့်ရရှိနိုင်မည့် အခွင့်အရေးလည်းဖြစ်သည်။ MPT ၏ ကြိုတင်ငွေချေစနစ်သုံးနှင့် ကျသင့်ငွေချေစနစ်သုံး GSM/WCDMA/CDMA သုံးစွဲသူတိုင်း အတွက် အကျုံးဝင်ပြီး SMS နံပါတ် ၂၂၂၂ သို့ “20”ဟု စာတိုပေးပို့လိုက်ရုံဖြင့် ဖုန်းငွေဖြည့်ပေးခြင်းကို ဆွတ်ခူးနိုင်မည့်ကံစမ်းမဲအစီအစဉ်သို့ ပါဝင်ခွင့် ရရှိမည်ဖြစ်သည်။ (အဝင်ဖုန်းခေါ်ဆိုမှု ပိတ်ခံထားရသော၊ သို့မဟုတ် အဝင်/အထွက် ဖုန်းခေါ်ဆိုမှုများ ပိတ်ခံထားရသော SIM ကတ်များလည်း ယခုကံစမ်းမဲအစီအစဉ်တွင် ပါဝင်နိုင်ရန် ငွေပြန်ဖြည့်၍ ပါဝင်နိုင်မည်ဖြစ်သည်)။

အခမဲ့ရရှိမည့် ဖုန်းလက်ကျန်ငွေသက်တမ်းများမှာ-

ဆုကြေးများ သက်တမ်း ဆုအရေအတွက်
ကျပ် ၂,၀၀၀,၀၀၀(MPT အချင်းချင်းဖုန်းခေါ်ဆိုမှု အတွက် ကျပ် ၁၀ သိန်းနှင့် ဖုန်းအင်တာနက်သုံးစွဲရန် ကျပ် ၁၀ သိန်း) ၅ နှစ် ၂၀
ကျပ် ၂၀၀,၀၀၀ (MPT အချင်းချင်းဖုန်းခေါ်ဆိုမှု အတွက် ကျပ် ၁ သိန်းနှင့် ဖုန်းအင်တာနက်သုံးစွဲရန် ကျပ် ၁ သိန်း) ရက်ပေါင်း ၃၆၀ ၂၀၀
ကျပ် ၂၀,၀၀၀ (MPT အချင်းချင်းဖုန်းခေါ်ဆိုမှု အတွက် ကျပ် ၁ သောင်းနှင့် ဖုန်းအင်တာနက်သုံးစွဲရန် ကျပ် ၁ သောင်း) ရက်ပေါင်း ၆၀ ၂,၀၀၀
ကျပ် ၂,၀၀၀ (MPT အချင်းချင်းဖုန်းခေါ်ဆိုမှု အတွက် ကျပ် ၁ ထောင်နှင့် ဖုန်းအင်တာနက်သုံးစွဲရန် ကျပ် ၁ ထောင်) ၁၀ ရက် ၂၀၀,၀၀၀
ကျပ် ၂၀၀ (MPT အချင်းချင်းဖုန်းခေါ်ဆိုမှုနှင့် ဖုန်းအင်တာနက်သုံးစွဲရန်) ၅ ရက် အခြားစာတိုပေးပို့ကံစမ်းသူများ

MPT-KSGM Joint Operations ၏ Chief Commercial Officer ဖြစ်သူ Mr. Koichi Kawase က “ပထမဆုံး အနေနဲ့ MPT ကို အစဉ်တစိုက်အားပေးနေကြတဲ့ သုံးစွဲသူတွေမိဘပြည်သူအားလုံးကို ကျေးဇူးတင်ပါတယ်။ MPT ဟာ မြန်မာပြည်ရဲ့ ပထမဆုံးနဲ့ သက်တမ်းအရှည်ကြာဆုံး အော်ပရေတာဖြစ်ပါတယ်၊ အခုဆိုရင် MPT ဟာ ဆက်သွယ်ရေးနယ်ပယ်မှာ ဆန်းသစ်တီထွင်မှုတွေနဲ့အတူ အသုံးပြုသူများအတွက် အကျိုးကျေးဇူးတွေ အများကြီးပါရှိနေပြီး စိတ်ဝင်စားစရာကောင်းတဲ့ အနေအထားမှာ ရှိနေပါပြီ။ ကျွန်တော်တို့ရဲ့ ရှေ့သို့လှမ်းချီမြန်မာပြည် ဆိုတဲ့ဆောင်ပုဒ်အတိုင်း ဖြစ်မြောက်အောင် ကူညီပံ့ပိုးခဲ့ကြတဲ့ သုံးစွဲသူတွေအတွက် ကျေးဇူးတုံ့ပြန်လိုပါတယ်၊ ဒါကြောင့်လည်း ဒီသုံးစွဲသူ သန်း ၂ဝလုံး ပါဝင်ခံစားနိုင်မယ့် ကံစမ်းမဲအစီအစဉ်ကိုပြုလုပ်ခြင်းဖြင့် ကျေးဇူးတုံ့ပြန်တာဖြစ်တဲ့အပြင် MPT မိသားစုဝင်တွေ ပိုမိုများပြားလာဖို့လည်း သုံးစွဲသူအသစ်တွေကို ကြိုဆိုနေပါတယ်” ဟု ပြောသည်။

ကရင်ပြည်နယ်၊ မွန်ပြည်နယ်နှင့် ပဲခူးတိုင်းဒေသကြီးများရှိ ဘုန်းတော်ကြီးသင်ပညာရေး ကျောင်းများအား MPT မှ မီးအလင်း ပေးနိုင်ခဲ့

[:en]ဆင်းရဲနွမ်းပါးသော ကျောင်းသားကလေးငယ်များထံသို ့ခေတ်မီ နေရောင်ခြည်စွမ်းအင်သုံးမီးအိမ်များ လှူဒါန်းမှုအစီအစဉ်ရောက်ရှိလာ

မွန်ပြည်နယ်၊ ကျိုက်ထိုနှင့် ကရင်ပြည်နယ်၊ ဘားအံ၊ (မေလ ၁ဝရက် ၂၀၁၆) – မြန်မာနိုင်ငံ၏ ဦးဆောင် တယ်လီဖုန်း ဆက်သွယ်ရေး အော်ပရေတာ ကုမ္ပဏီသည် ၎င်းတို ့၏ “ရှေ့သို ့လှမ်းချီ လင်းလက်စေမည်” အမည်ရှိ ထူးခြားကောင်းမွန်သည့် လူမှုအကျိုးပြု CSR အစီအစဉ်ဖြင့်မြန်မာနိုင်ငံရှိ ဘုန်းတော်ကြီးသင် ပညာရေး ကျောင်းများအား နေရောင်ခြည်စွမ်းအင်သုံး မီးအိမ်များ လှူဒါန်းပေးလျက်ရှိရာ ယင်းအစီအစဉ်၏ တစ်စိတ် တစ်ပိုင်းအဖြစ် မွန်ပြည်နယ်၊ ကျိုက်ထိုမြို ့ရှိ ပန်းတော့ဘုန်းတော်ကြီးကျောင်း နှင့် ကရင်ပြည်နယ် ဘားအံရှိ တောင်တန်းသာသနာပြု ဘုန်းတော်ကြီးကျောင်းတို့၌ နေရောင်ခြည်စွမ်းအင်သုံးမီးအိမ် ပေးအပ်လှူဒါန်းပွဲများ ကျင်းပခဲ့သည်။ အဆိုပါ လှူဒါန်းမှုများတွင် ကရင်ပြည်နယ်၊ မွန်ပြည်နယ်နှင့် ပဲခူးတိုင်းဒေသကြီးတို့ရှိ ဘုန်းတော်ကြီး စာသင်ကျောင်း များအား နေရောင်ခြည်စွမ်းအင်သုံးမီးအိမ် စုစုပေါင်း ၁၇၄ လုံးတိတိ သွားရောက်လှူဒါန်းခဲ့ပြီး စာသင်ခန်းများ အတွင်း၌ မီးအလင်းရောင်ရရှိစေကာ၊ ယင်းဒေသများရှိ ဆင်းရဲနွမ်းပါးသော ကျောင်းနေ ကလေးငယ်များ၏ စာသင်ကြားမှု အခြေအနေကို မြှင့်တင်ပေးနိုင်ခဲ့ပြီ ဖြစ်ပါသည်။

မွန်ပြည်နယ် ကျိုက်ထို၌ ကျင်းပခဲ့သော နေရောင်ခြည်စွမ်းအင်သုံးမီးအိမ်များ ပေးအပ်ပွဲတွင်၊ ဆိပ္ဖူးတောင် ဘုန်းတော်ကြီးသင်ပညာရေး ကျောင်း၏ ကျောင်းထိုင်ဆရာတော် အရှင်ဦးဇော်တိက က နေရောင်ခြည်စွမ်းအင်သုံး မီးအိမ်လှူဒါန်းမှုနှင့် ပတ်သက်၍ ၎င်း၏ ဝမ်းမြောက် ဝမ်းသာပီတိဖြစ်မှုအား ယခုလို မိန့်ကြားခဲ့ပါသည်။ “လျှပ်စစ်မီးမရှိရင် ဒီဒေသက ဘုန်းတော်ကြီးသင် ပညာရေးကျောင်းတွေဟာ ညနေပိုင်းနှင့် ရာသီဥတုဆိုးရွားချိန်တွေမှာ အလင်းရောင်ကင်းမဲ့မှုကြောင့် စာသင်ကြားရာမှာ အဆင်ပြေစေမယ့် နေရာရှာဖွေရတဲ့ အခက်အခဲနဲ့ ရင်ဆိုင်ရပါတယ်၊ MPT ရဲ့ ပူးပေါင်း လုပ်ဆောင်မှုဟာ ကျောင်းသားများကို ပညာရေးမှာ ပိုစိတ်ဝင်စားလာစေဖို့ လှုံ့ဆော်ပေးပြီး စာပေကိုကောင်းစွာ သင်ကြားနိုင်စေဖို့အတွက် တကယ့်ကို အကူအညီဖြစ်စေပါတယ်။ သူတို့ရဲ့ အခုလို အားစိုက်ထုတ်မှုအတွက် အထူးပဲ ကျေးဇူးတင်မိပါတယ်။” ဟု ဆရာတော်က မိန် ့ကြားခဲ ့သည်။

ကရင်ပြည်နယ်ရှိ ဘုန်းတော်ကြီးသင်ပညာရေးကျောင်း၏ ကိုယ်စားပြုသူဖြစ်သည့် ကျောင်းထိုင်ဆရာတော် ဦးဓမ္မကလည်း ကျောင်းသားများ၏ဘဝများကို ကောင်းမွန်သော ပြောင်းလဲမှုများဖြစ်စေသောကြောင့် MPT ကို ကျေးဇူးတင်ကြောင်းမိန့်ကြားခဲ့သည်။ “ဘုန်းတော်ကြီးစာသင်ကျောင်းများဟာဆင်းရဲနွမ်းပါးတဲ့ ကလေး သူငယ်များနှင့်လူငယ်များ ပုံမှန်ကျောင်းပညာရေးကို မရရှိနိုင်တဲ့ အခါမျိုးမှာ အကူအညီ ပေးနေကြတဲ့နေရာများ ဖြစ်ပါတယ်။ ပညာသင်ရာမှာ အဓိကကျတဲ့အရာဟာ စာသင်ခန်းတွေဖြစ်ပြီး ကျောင်းသားတွေဟာ စာသင်နှစ် တွေရဲ့ အချိန်တော်တော်များများကို စာသင်ခန်းထဲမှာပဲကုန်ဆုံးကြရပါတယ်။ ဒီနေရောင်ခြည်စွမ်းအင်သုံး မီးအိမ်တွေဟာ သူတို့ လေးတွေအတွက် ပိုမိုကောင်းမွန်တဲ့ ဝန်းကျင်ကောင်းရရှိအောင် ပံ့ပိုးပေးနိုင်တော့မှာ ဖြစ်ပါတယ်” ဟု မိန် ့ကြားခဲ့သည်။

ယခုနှစ်မှာလည်း “ရှေ့သို့လှမ်းချီလင်းလက်စေမည်” လုပ်ငန်းစဉ်ဖြင့် MPT မှ နေရောင်ခြည်စွမ်းအသုံးလျှပ်စစ် မီးအိမ်များကို အခြားဒေသ များရှိ ဘုန်းတော်ကြီးသင်ပညာရေးကျောင်းများသို့ ပေးပို့လှူဒါန်းသွားမည် ဖြစ်ပါသည်။ MPT မှ နေရောင်ခြည်စွမ်းအင်သုံး နေရောင်ခြည်စွမ်းအင်သုံးမီးအိမ်အလုံးရေပေါင်း (၂,၀၀၀)အား ဖြန့်ဝေပေးပြီး ပညာရေးအတွက် လိုအပ်နေသော ကျောင်းသား၊ ကျောင်းသူပေါင်း (၅၈,၀၀၀)ခန့်ကို အကူအညီအထောက်အကူပေးပြီး မြန်မာနိုင်ငံရှိ ကျောင်းပေါင်း (၆၃၂) ကျောင်းသို့ ပေးပို့လှူဒါန်းမည် ဖြစ်ပါသည်။ ယခုဆိုလာမီးအိမ် အလုံး(၂၀၀၀)ကျော်ကို ဘုန်းတော်ကြီးသင်ပညာရေးကျောင်းများ၌ သင်ကြားနေသော ကျောင်းသား၊ ကျောင်းသူများအား ပေးအပ်နိုင်ရခြင်းမှာ ၂၀၁၅ ခုနှစ်၊ ဒီဇင်ဘာလတွင် ကျင်းပခဲ့သော MPT ၏ နံပါတ်အလှများ လေလံတင်ရောင်းချပွဲမှရရှိသည့် ကျပ်ငွေပေါင်း (၂၉၂.၇)သန်းကို MPT အသုံးပြုသော ပြည်သူလူထုများမှ တစ်ဆင့် ရယူနိုင်ခဲ့ခြင်းဖြစ်ပါသည်။

နေရောင်ခြည်စွမ်းအင်သုံး လျှပ်စစ်မီးအိမ် များမှာ Panasonic အမျိုးအစားဖြစ်သော “Enelop Solar Storage” များဖြစ်ကြပါသည်။ ဤနေရောင်ခြည်စွမ်းအင်သုံး လျှပ်စစ်မီးအိမ်များမှာ လွယ်ကူစွာ သုံးစွဲနိုင်သော ပစ္စည်းများဖြစ်ပြီး နေရောင်ခြည်စွမ်းအင်သုံးလျှပ်စစ်ပြားနှင့် ဘထ္ထရီများပါဝင်ကာ နေ့ပိုင်းတွင် နေရောင်ခြည် စွမ်းအင်သုံး လျှပ်စစ်စွမ်းအင်မှတစ်ဆင့် အားဖြည့်သွင်းနိုင်ပြီး ထိုစွမ်းအင်ဖြင့် LED မီးလုံးနှစ်လုံးကို ည သို့မဟုတ် အလင်းရောင်းမရှိသော အချိန်များတွင် သုံးစွဲနိုင်ပါသည်။ သုံးစွဲမှုအတိုင်းအတာပေါ်မူတည်ပြီး ၆ နာရီခန့်အားသွင်းရုံဖြင့် ၂၄ နာရီခန့် သုံးစွဲနိုင်ပါသည်။ ထိန်းသိမ်းစရိတ်လုံးဝမရှိဘဲ လည်ပတ်ရန် အတွက်လည်း ငွေကုန်ကျမှု ရှိမည်မဟုတ်ပါ။ ထို့ပြင် ဤမီးအိမ်များဖြင့် ညအခါ အလင်းရောင် ကောင်းစွာရရှိနိုင်ပြီး USB ကြိုးမှ တစ်ဆင့် မိုလ်ဘိုင်းဖုန်းများကိုလည်း အားဖြည့်သွင်းနိုင်ခြင်းဖြင့် ဒေသခံအချင်းချင်း ဆက်သွယ်ရေးများ ပိုမိုကောင်းမွန်လာစေနိုင်မည့် အစီအစဉ်လည်းဖြစ်သည်။

မြန်မာ့ဆက်သွယ်ရေးလုပ်ငန်း၏ လူမှုရေးလုပ်ငန်းစဉ်များနှင့် ပတ်သက်သည့် အသေးစိတ်အချက်အလက် များကို လေ့လာလိုပါက
https://www.mpt.com.mm/en/whats-new/csr-activities/တွင် ဝင်ရောက် လေ့လာနိုင်ပါသည်။

MPT မှ သုံးစွဲသူများ စျေးနှုန်းချိုသာစွာ ဖုန်းခေါ်ဆိုနိုင်ရန် နာရီတိုင်းမှာငါးမိနစ်စာ အစီအစဉ်အား ဝယ်ယူနိုင်သော package အဖြစ်စတင်

(ရန်ကုန်။ ၂၀၁၆ ခုနှစ် မေလ ၉ ရက်) — မတ်လနှင့် မေလများတွင် ပြုလုပ်ခဲ့သော “နာရီတိုင်းမှာ ငါးမိနစ်စာ” အထူးအစီအစဉ်သည် အောင်မြင် လူကြိုက်များခဲ့သောကြောင့် ယခုအခါတွင် မြန်မာ့ဆက်သွယ်ရေးလုပ်ငန်း MPT မှ နာရီတိုင်းမှာငါးမိနစ်စာ package ကို စတင်လိုက်ပြီဖြစ်သည်။ ဤ package သည် နာရီတိုင်းမှာ ငါးမိနစ်စာကို နှစ်သက်ကြပြီး စျေးနှုန်းသက်သာစွာဖြင့် ဖုန်းခေါ်ဆိုမှုများကို ပြုလုပ်လိုသော သုံးစွဲသူများ၏ တောင်းဆိုမှုဖြင့် စတင်ခဲ့ခြင်းဖြစ်သည်။

နာရီတိုင်းမှာငါးမိနစ်စာ package ကို ရယူခြင်းအားဖြင့် MPT သုံးစွဲသူများသည် ယင်းအစီအစဉ်၏ သက်တမ်း၏ ရက်ပေါင်း ၃၀ အကျိုးခံစားရရှိမည်ဖြစ်သည်။ ယင်းအားသာချက်မှာ မည်သည့် လိုင်းဖုန်းသို့မဟုတ် မိုဘိုင်းဖုန်းသို့ ခေါ်ဆိုသည်ဖြစ်စေ ပထမဖုန်းခေါ်ဆိုချိန် ၅ မိနစ်စာအတွက်သာ ပုံမှန်ဖုန်းခေါ်ဆိုခနှုန်းထားအတိုင်း ပေးချေရပြီး ကျန်သည့်ခေါ်ဆိုချိန်များအတွက်မူ ၅၅ မိနစ်အထိ အခမဲ့ ပြောဆိုနိုင်မည်ဖြစ်သည်။ ဥပမာ- MPT သုံးစွဲသူတစ်ဦးသည် မိတ်ဆွေထံသို့ သူ၏ MPT ဖုန်းမှ (လိုင်းဖုန်း သို့မဟုတ် မိုဘိုင်း) ၄၅ မိနစ်ကြာဖုန်းခေါ်ဆိုမှုကို ပြုလုပ်ပါက ပထမဖုန်းခေါ်ဆိုချိန် ၅ မိနစ်စာ အတွက်ကျသင့်ငွေ ၁၁၅ ကျပ် (ဖုန်းငွေခွန်မပါ) ပေးရပြီး နောက်ထပ်ကျန်ရှိသော ကြာမြင့်ချိန် မိနစ် ၄၀ အတွက် (ဖုန်းငွေခွန်မပါ ၉၂၀ ကျပ်ဖိုး)ကို အခမဲ့ပြောဆိုနိုင်မည်ဖြစ်သည်။

ယခုတစ်ကြိမ်တွင်မူ နာရီတိုင်းမှာ ငါးမိနစ်စာ ခေါ်ဆိုမှုပုံစံအား MPT ဖုန်းအချင်းချင်းခေါ်ဆိုမှုတိုင်းအတွက် အကျုံးဝင်ပြီး ၂၄ နာရီပတ်လုံး ခေါ်ဆိုနိုင်မည်ဖြစ်သည် (ယခင် နာရီတိုင်းမှာ ငါးမိနစ်စာ အထူးအစီအစဉ် ပြုလုပ်ခဲ့စဉ်က ညနေ ၆ နာရီမှ ည ၁၀ နာရီအတွင်း ခေါ်ဆိုမှုများကို ပုံမှန်စျေးနှုန်းကောက်ခံမှုဖြင့် ကောက်ယူခဲ့သည်)။

MPT-KSGM Joint Operation ၏ Chief Commercial Officer ဖြစ်သူ Mr. Koichi Kawase က “အရင် ပထမတစ်ခါလုပ်ခဲ့တဲ့ နာရီတိုင်းမှာငါးမိနစ်စာ အထူးပရိုမိုးရှင်းအစီအစဉ်က အရမ်းကိုအောင်မြင်ခဲ့ပါတယ်၊ ဒီဟာကို လူကြိုက်များလွန်းတာကြောင့် ကျွန်တော်တို့က သုံးစွဲသူတွေ စျေးသက်သက်သာသာနဲ့ ကိုယ်ချစ်ခင်သူတွေနဲ့ ဖုန်းအကြာကြီးပြောလို့ရနိုင်အောင်ရယ် ကိုယ်ကြိုက်တဲ့အချိန်မှာ ပြောနိုင်အောင်ရယ် ဒီ package ကိုစတင်ခဲ့တာပါ၊ ဒီအစီအစဉ်ကို ရယူဖို့အတွက်ကတော့ သုံးစွဲသူတွေက သတ်မှတ်စျေးနှုန်းနဲ့ပေးချေပြီး subscribe ရယူရမှာပါ” ဟု ပြောသည်။

ဤ Package ကို ၂၀၁၆ ခုနှစ်၊ မေလ ၉ ရက်နေ့မှ ဇူလိုင် ၇ ရက်နေ့အထိ လျှောက်ထားရယူနိုင်မည်ဖြစ်ပြီး MPT ၏ GSM/WCDMA ဖြင့် ဆွေသဟာသုံးစွဲသူတိုင်းသည် *555# ကို ဖုန်းခေါ်ဆိုခြင်းဖြင့် package ကို ရယူနိုင်မည်ဖြစ်ကာ တစ်ခါရယူလျှင် ကျသင့်ငွေ ၁၅၀၀ ကျပ်ကို ပေးဆောင်ရမည်ဖြစ်သည်။

စတင်ရယူချိန်မှ ရက်ပေါင်း ၃၀ အတွင်း သုံးစွဲနိုင်မည်ဖြစ်ပြီး ဆက်လက်သုံးစွဲလိုသူများက Package ထပ်မံဝယ်ယူပြီး သက်တမ်းတိုးဆက်လက်သုံးစွဲနိုင်သည်။ အခြေခံဖုန်းခေါ်ဆိုစနစ်ကို သုံးစွဲနေသူများက ဤ package ကို ရယူလိုလျှင် ပထမဦးစွာ ဆွေသဟာစနစ်သို့ ပြောင်းလဲရမည်ဖြစ်သည်။ ဆွေသဟာသို့ ပြောင်းလဲရန် SMS နံပါတ် 1332 သို့ “SWE” ဟု စာတိုပေးပို့ကာ ပြောင်းလဲပြီး package ကို subscribe ရယူနိုင်သည်။

mpt1[:]

မိုဘိုင်းဖုန်းအသုံးပြုသူများ လုံခြုံစွာနှင့်အကျိုးရှိစွာ အသုံးချနိုင်ရန်အတွက် mobile seminar များကို တနိုင်ငံလုံးအနှံ့ MPT မှ ပြုလုပ်သွားမည်

(ရန်ကုန်။ ၂၀၁၆ ခုနှစ် မေလ ၂ ရက်) — မြန်မာနိုင်ငံ၏ ဦးဆောင်ဆက်သွယ်ရေးအော်ပရေတာဖြစ်သော မြန်မာ့ဆက်သွယ်ရေးလုပ်ငန်း MPT မှ ဖေဖော်ဝါရီလတွင်ပြုလုပ်ခဲ့သော မိုဘိုင်းဖုန်းပညာဆွေးနွေးပွဲများ၏ အောင်မြင်မှုကြောင့် ယခုအခါတွင် ဆွေးနွေးပွဲများကို တနိုင်ငံလုံးအနှံ့တွင်ပြုလုပ်သွားကာ သုံးစွဲသူပေါင်း ၂၃,၀၀၀ ကို ရည်ရွယ်ဦးတည်လျက်ရှိကြောင်း သတင်းထုတ်ပြန်ကြေညာလိုက်သည်။ ၂၀၁၆ ခုနှစ် မေလ ၁၆ ရက်နေ့မှ ဇူလိုင် ၁၇ ရက်အတွင်း မြို့နယ်ပေါင်း ၆၇ ခုတွင် စမတ်ဖုန်းများအသုံးပြုပုံနှင့် အင်တာနက်ကိုလုံခြုံစွာအသုံးပြုနိုင်ရန် ဦးတည် ရည်ရွယ်၍ ဆွေးနွေးပွဲများကိုပြုလုပ်သွားမည်ဖြစ်သည်။

အခမဲ့တက်ရောက်ခွင့်ရမည့် ဤပညာပေးဆွေးနွေးပွဲများကို မြန်မာတနိုင်ငံလုံးရှိ MPT အမှတ်တံဆိပ် သီးသန့်အရောင်းဆိုင်များတွင် ပြုလုပ်သွားမည်ဖြစ်ပြီး အထက်တန်းကျောင်းများ၊ တက္ကသိုလ်များနှင့် စက်ရုံအလုပ်ရုံများမှ ပညာပေးဆွေးနွေးပွဲများ ပြုလုပ်လိုကြောင်း တရားဝင်ဆက်သွယ်လာပါကလည်း ထိုနေရာများတွင် SPOT မိုဘိုင်းဆွေးနွေးပွဲများ စီစဉ်ကျင်းပသွားမည်ဖြစ်သည်။ ဆွေးနွေးပွဲပြုလုပ်ပေးစေလိုသူများအနေဖြင့် www.mpt.com.mm ဝက်ဆိုက်သို့သွားရောက်ကာ လျှောက်လွှာဖောင်ကို ဒေါင်းလုဒ်ရယူ ရမည်ဖြစ်ပြီး ထိုဖောင်ကိုဖြည့်သွင်း၍ အီးမေးလ်လိပ်စာ [email protected] သို့ ပြန်လည်လျှောက်ထားရမည်ဖြစ်သည်။ MPT ၏ Customer Care ဌာနမှ လျှောက်ထားသူထံသို့ ပညာပေးဆွေးနွေးပွဲပြုလုပ်မည့် နေ့ရက်နှင့် အချိန်နေရာအသေးစိတ်များကို အတည်ပြုပြန်လည် အကြောင်းကြားမည်ဖြစ်သည်။

ဆွေးနွေးပွဲများတွင် MPT မှဟောပြောပေးသူများက သုံးစွဲသူများအနေဖြင့် ၎င်းတို့၏ စမတ်ဖုန်းများကို ပိုမို အကျိုးရှိစွာ အသုံးပြုနိုင်ရန်နှင့် လုံခြုံစိတ်ချမှုအပြည့်ဖြင့် အသုံးဝင်သည့်နေရာတိုင်းတွင် အသုံးချနိုင်ရန်ရှင်းလင်းပြောကြား သွားမည် ဖြစ်သည်။

မြန်မာလူမျိုးတို့၏ ဘဝကိုမြှင့်တင်ပေးမည်ဟူသည့် MPT ၏ ခံယူချက်နှင့်အညီ MPT မှ စမတ်ဖုန်းများ၏ အသုံးဝင် ပုံများ၊ စမတ်ဖုန်းကို လွဲမှားစွာအသုံးပြုပါက ဖြစ်ပေါ်လာနိုင်သောပြဿနာရပ်များနှင့် MPT ၏ ဝန်ဆောင်မှုများအား အကောင်းဆုံးအသုံးပြုပုံများကို ရှင်းလင်းပြောကြားပေးမည်ဖြစ်သည်။ ထို့ပြင် မိုဘိုင်းဒေတာအသုံးပြုမှုများကို မည်သို့ ထိန်းချုပ်ရမည်၊ မရည်ရွယ်ဘဲ အသုံးပြုမှုမရှိစေရန် မည်သို့ပြုလုပ်ရမည် စသည့်အကြံပေးချက်များကိုလည်း ထည့်သွင်းပြောကြားမည်ဖြစ်သည်။

MPT-KSGM Joint Operation ၏ Chief Commercial Officer ဖြစ်သူ Mr.Koichi Kawase က “စမတ်ဖုန်းတွေ ရောင်းချရမှုဟာ မြင့်တက်လာပြီး ဖုန်းနဲ့အင်တာနက်အသုံးပြုမှုဟာလည်း ပိုမိုများပြားလာတဲ့အတွက် MPT အနေနဲ့ သုံးစွဲသူတွေကို အင်တာနက်လုံခြုံရေးနဲ့ ပတ်သက်ပြီး ပိုမိုသိရှိနားလည်လာစေဖို့ လိုလားပါတယ်၊ ဒါကြောင့်လည်း ကျွန်တော်တို့အနေနဲ့ သုံးစွဲသူတွေက တိုက်ရိုက်တောင်းဆိုလာတဲ့ ဒီမိုဘိုင်းအသိပညာပေးဆွေးနွေးပွဲတွေကို ထပ်ပြီး တိုးချဲ့စတင်လိုက်ဖို့ ဆုံးဖြတ်ခဲ့တာပါ၊ ဒီဆွေးနွေးပွဲတွေကို တနိုင်ငံလုံးအနှံ့လုပ်ဆောင်ခြင်းအားဖြင့် MPT အနေနဲ့ ပိုမို များပြားတဲ့သုံးစွဲသူတွေနဲ့ ထိတွေ့နိုင်လာပြီး ဖုန်းတွေဘယ်လိုအသုံးပြုရမယ်၊ အင်တာနက်လုံခြုံရေးတွေဘယ်လိုရှိတယ် ဆိုတာတွေ ရှင်းပြရင်း ကျွန်တော်တို့ ပေးထားတဲ့ ဝန်ဆောင်မှုတွေကို ဘယ်လိုအကောင်းဆုံးသုံးမလဲဆိုတာပါ မျှဝေနိုင်လာမှာဖြစ်ပါတယ်” ဟု ပြောသည်။

ယခုနှစ် အစောပိုင်းက ပြုလုပ်ခဲ့သော MPT ၏ မိုဘိုင်းဆွေးနွေးပွဲများမှ သုံးစွဲသူ ခုနှစ်ထောင် ကျော်အား အသိပညာများမျှဝေခဲ့ကြသည်။ ဖေဖော်ဝါရီနှင့် မတ်လတွင် MPT မှ ဧရာဝတီတိုင်းဒေသကြီးနှင့် မန္တလေးတိုင်းဒေသကြီးတို့ရှိ မြို့နယ် ၂၈ ခုတွင် ဆွေးနွေးပွဲပေါင်း ၅၆ ခု ပြုလုပ်ပေးခဲ့သည်။ ဆွေးနွေးပွဲများကို ဒေသခံ ကျောင်းများ၊ တက္ကသိုလ်များနှင့် စက်မှုဇုံများတွင် ပြုလုပ်ခဲ့ကာ MPT အဖွဲ့သားများမှ အကြံဉာဏ်များနှင့် နည်းစနစ်များကို ဝေမျှခဲ့ခြင်းဖြစ်သည်။

ယခုအခါတွင် MPT မှ အောက်ပါတိုင်းဒေသကြီးများရှိ မြို့နယ် ၆၇ ခုတွင် မိုဘိုင်းဆွေးနွေးပွဲများပြုလုပ်ရန် စီစဉ်ထားရှိသည်။ ပြည်နယ်နှင့် တိုင်းဒေသကြီးများမှာ – ပဲခူး၊ ချင်း၊ ကချင်၊ ကရင်၊ မကွေး၊ နေပြည်တော်၊ မွန်၊ ရခိုင်၊ စစ်ကိုင်း၊ ရှမ်းပြည်မြောက်ပိုင်း၊ ရှမ်းပြည်တောင်ပိုင်း၊ ရှမ်းပြည်အရှေ့ပိုင်း၊ တနင်္သာရီနှင့် ရန်ကုန် တိုင်းဒေသကြီးတို့ ဖြစ်ကြသည်။

MPT Mobile Seminar ကျင်းပရန် လိုအပ်ချက်များ

သင်၏ကျောင်း၊ ဌာန၊ အလုပ်ရုံတွင် MPT Mobile Seminar ဆွေးနွေးပွဲကို ကျင်းပနိုင်ရန် အောက်ဖော်ပြပါအချက်များနှင့် ကိုက်ညီရန် လိုအပ်ပါသည်။ MPT၏ဆွေးနွေးပွဲကိုလက်ခံပြုလုပ်ရန် အဆင့်သင့်ဖြစ်ပါက ဆွေးနွေးပွဲတောင်းခံလွှာကို တင်သွင်းပါ။ 


ဆွေးနွေးပွဲကြာမြင့်ချိန်                       – ၁ နာရီခွဲ

ဆွေးနွေးပွဲ ဝန်ဆောင်ခ               – အခမဲ ့

တက်ရောက်မည့်သူ                                 – အနည်းဆုံး ၁၀၀

ဆွေးနွေးပွဲအတွက်လိုအပ်သည့်အရာများ                     – ကျင်းပလိုသူမှ သင့်လျော်သော ခန်းမ၊ခုံများ စီစဉ်ရပါမည်။

တက်ရောက်မည့်သူအသက်ကန် ့သတ်ချက်                  – အသက်၁၅နှစ်နှင့်အထက်ဖြစ်ရမည်

# ဆွေးနွေးပွဲ၏အစီအစဉ်နဲ ့ပက်သက်ပြီး [email protected] သို ့ဆက်သွယ်ပြီးစုံစမ်းမေးမြန်းနိုင််ပါသည်။

Click here to download the registration form.

MPT မှ သုံးစွဲသူများအတွက် ပိုမိုလွယ်ကူအဆင်ပြေသော USSD Menu ကိုစတင်

[:en](ရန်ကုန်၊ ၂၀၁၆ ခုနှစ် ဧပြီလ ၈ ရက်) — မြန်မာနိုင်ငံ၏ ဦးဆောင်ဆက်သွယ်ရေးအော်ပရေတာဖြစ်သော မြန်မာ့ဆက်သွယ်ရေးလုပ်ငန်း (MPT) မှ သုံးစွဲသူများ ပိုမိုလွယ်ကူအဆင်ပြေစေရန်အတွက် ရိုးရှင်းသော USSD Menu ကို စတင်လိုက်ပြီဖြစ်သည်။ သုံးစွဲသူများအနေဖြင့် ဝန်ဆောင်မှုများရယူရန် များပြားလှသော မတူညီသည့် USSD Code များကို မှတ်သားထားစရာမလိုတော့ဘဲ မည်သည့်အချိန် မည်သည့်နေရာမဆို လွယ်ကူရိုးရှင်းသော USSD Menu ဖြင့် ဝန်ဆောင်မှုများကို ရွေးချယ်နိုင်တော့မည်ဖြစ်သည်။

ဤဝန်ဆောင်မှုအသစ်သည် MPT ၏ ကြိုတင်ငွေဖြည့်သုံးနှင့် ငွေရှင်းစနစ်သုံး GSM/WCDMA/CDMA သုံးစွဲသူတိုင်း အတွက်ဖြစ်ပြီး လက်ကျန်ငွေစစ်ဆေးခြင်း၊ လက်ကျန်ငွေဖြည့်ခြင်း၊ အင်တာနက်အစီအစဉ်များဝယ်ယူခြင်းနှင့် ထပ်ဆောင်းဝန်ဆောင်မှုများရယူခြင်းများ သို့မဟုတ် MPT အသုံးပြုသူများအတွက်ဝန်ဆောင်မှုများကို ရယူရန်အတွက် *106# [send] နံပါတ်တစ်ခုထဲကိုသာ မှတ်သားထားရန်လိုအပ်တော့မည် ဖြစ်သည်။

အသုံးပြုရန်လွယ်ကူရိုးရှင်းသော ပုံစံများဖြင့်ဒီဇိုင်းရေးဆွဲထားပြီး အောက်ပါဝန်ဆောင်မှုများအတွက် နံပါတ်များကို ပြသထားမည်ဖြစ်သည်။

၁။ မိမိစာရင်း

၂။ အင်တာနက်အစီအစဉ်

၃။ ထပ်ဆောင်းဝန်ဆောင်မှု (VAS)

၈။ ဆက်သွယ်ရန်

၉။ ဘာသာစကား

နံပါတ် ၁ ကို နှိပ်၍ send ခလုတ်နှိပ်လိုက်ပါက “မိမိစာရင်း” ထဲသို့ ဝင်ရောက်သွားမည်ဖြစ်ပြီး လက်ကျန်ငွေ စစ်ဆေးခြင်း၊ ဖုန်းငွေနည်းစဉ်သုံးရန်နှင့် လက်ကျန်ငွေဖြည့်ခြင်း စသည့် ဝန်ဆောင်မှု ၃ ခုကို ရယူနိုင်မည်ဖြစ်သည်။ ထိုနေရာတွင် လက်ကျန်ငွေစစ်ဆေးခြင်း၊ မိမိသုံးစွဲနေသော ဖုန်းနံပါတ်ကို ကြည့်ရှုခြင်းများအပြင် ငွေရှင်းစနစ်သုံးဝန်ဆောင်မှုသို့ ပြောင်းလဲလိုပါကလည်း ပြောင်းလဲနိုင်မည်ဖြစ်သည်။

နံပါတ် ၂ တွင် အင်တာနက်အစီအစဉ်များကို ရွေးချယ်နိုင်မည်ဖြစ်ပြီး နံပါတ် ၃ တွင်မူ MPT ၏ ထပ်ဆောင်းဝန်ဆောင်မှု များကို ကြည့်ရှုနိုင်ကာ ဖုန်းခေါ်ချိန်တွင်တစ်ဖက်မှ သီချင်းသံကြားရမည့် ခေါ်သူနားဆင်တေးသံစဉ် (CRBT) ဝန်ဆောင်မှုများ၊ ခေါ်ဆိုမှုဆိုင်ရာ ဝန်ဆောင်မှုInfotainment သို့မဟုတ် Back to my MPT ဝန်ဆောင်မှုများကို ရယူနိုင်မည်ဖြစ်သည်။

နံပါတ် ၈ တွင် “MPT သို့ ဆက်သွယ်ရန်” ဝန်ဆောင်မှုကိုရရှိမည်ဖြစ်ပြီး MPT Call Center, ဝက်ဆိုက်နှင့် Facebook စာမျက်နှာတို့မှ နောက်ဆုံးရသတင်းများကိုကြည့်ရှုနိုင်မည်ဖြစ်သည်။ နံပါတ် ၉ တွင်မူ အင်္ဂလိပ် မြန်မာ ၂ ဘာသာကို မိမိနှစ်သက်ရာရွေးချယ်ပြီး အဆိုပါဝန်ဆောင်မှုများအတွက် အခမဲ့ရွေးချယ်နိုင်မည်ဖြစ်သည်။

MPT-KSGM Joint Operations ၏ Chief Commercial Officer ဖြစ်သူ Mr.Koichi Kawase က ” MPT သုံးစွဲသူ မိဘပြည်သူတိုင်းအတွက် ဝန်ဆောင်မှုတွေကို တိုးမြှင့်ဖို့က ၂၀၁၆ ခုနှစ်အတွက် အဓိကရည်မှန်းချက်ပါ၊ USSD Menu အဖြစ် ရိုးရှင်းလွယ်ကူစွာ လုပ်ဆောင်ပေးခြင်းက သုံးစွဲသူတွေကို MPT account တွေကို လွယ်လွယ်ကူကူ ကြည့်ရှု လုပ်ဆောင်နိုင်စေဖို့ ကူညီနိုင်မှာဖြစ်ပါတယ်၊ ဒါ့အပြင် ရရှိနိုင်တဲ့ ဝန်ဆောင်မှုတွေကို ဖုန်းကနေတဆင့် သိအောင်မိတ်ဆက်ပေးတာလည်း ဖြစ်ပါတယ်” ဟု ပြောသည်။

ရွေးချယ်မှုတစ်ခုခြင်းစီနှင့် ဝန်ဆောင်မှုတစ်ခုခြင်းစီအတွက် မိမိရွေးချယ်ခဲ့သည့်ဝန်ဆောင်မှုများကို SMS မှတဆင့် အသိပေးအကြောင်းကြားစာ ပေးပို့ပေးမည်ဖြစ်သည်။ ရိုးရှင်းလွယ်ကူစေရန် အဓိကထားလုပ်ဆောင်ထားခြင်း ဖြစ်သည့် အတွက် မူလစာမျက်နှာသို့ ပြန်သွားကာ လုပ်ဆောင်မှုများအားလုံး အသစ်ပြန်စတင်နိုင်ရန်လည်း ထည့်သွင်း ပေးထားသည်။ MPT မှ ဤ USSD Menu ကို ထပ်မံအဆင့်မြှင့်တင်မွမ်းမံကာ ပိုမိုကောင်းမွန်သော ဝန်ဆောင်မှုများကို ပြုလုပ်ပေးသွားမည်ဖြစ်သည်။[:]

MPT မှ စိတ်လှုပ်ရှားဖွယ်ရာ အထူးအစီအစဉ် ၂ ခုု စတင်

[:en](ရန်ကုုန်၊ မတ်လ ၉ ရက်၊ ၂၀၁၆ ခုုနှစ်) — မြန်မာနိုုင်ငံ၏ ဦးဆောင်ဆက်သွယ်ရေးအော်ပရေတာဖြစ်သော မြန်မာ့ ဆက်သွယ်ရေးလုုပ်ငန်း MPT သည် ၎င်း၏လက်ရှိသုုံးစွဲနေသူ ၁၉ သန်းကျော်အတွက် စိတ်လှုပ်ရှားဖွယ်ရာ အထူးပရိုုမိုုးရှင်း အစီအစဉ် ၂ ခုုကိုု ၂၀၁၆ ခုုနှစ် မတ်လ ၁၁ ရက်နေ့ နံနက်ရနာရီက စတင်လိုုက်ပြီဖြစ်သည်။

လက်ရှိသုုံးစွဲနေသူ မိဘပြည်သူများအတွက် ၂၀၁၅ ခုုနှစ်တွင် အကျော်ကြားဆုုံးနှင့် လူကြိုက်အများဆုုံး အောင်မြင်ခဲ့သည့် “နာရီတိုုင်းမှာ ၅ မိနစ်စာ” အထူးအစီအစဉ်ကိုု နောက်တစ်ကြိမ် ပြန်လည်စတင်မည်ဖြစ်သည်။

မိနစ် ၆၀ ဆက်တိုက် ဖုန်းခေါ်ဆိုသူများသည် ပထမဆုံး ၅ မိနစ်အတွက်သာ တစ်မိနစ် ၂၃ ကျပ်နှုန်းဖြင့် ပေးဆောင်ရမည်ဖြစ်ပြီး ကျန်ခေါ်ဆိုချိန် ၅၅ မိနစ်ကို အခမဲ့ရရှိမည်ဖြစ်သည်။ မိနစ် ၆၀ ထက်ကျော်လွန်၍ ဖုန်းခေါ်ဆိုမှုများအတွက် မူလသတ်မှတ်စျေးနှုန်းဖြစ်သည့် တစ်မိနစ် ၂၃ ကျပ်ဖြင့် ဆက်လက်ကောက်ခံမည်ဖြစ်သည်။ ဖုန်းတစ်ကြိမ်ခေါ်ဆိုတိုင်း အခမဲ့ဖုန်းခေါ်ဆိုချိန်ကို ပထမဆုံး ၅ မိနစ်ခေါ်ဆိုပြီးမှသာ စတင်သတ်မှတ်မည်ဖြစ်ပြီး ဖုန်းခေါ်ဆိုမှုတစ်ကြိမ်အတွက် အများဆုံး ၅၅ မိနစ်စာအတွက်သာ အခမဲ့ရရှိမည်ဖြစ်သည်။

MPT-KSGM Joint Operations ၏ CEO ဖြစ်သူ Mr. Takashi Nagashima က “သုုံးစွဲသူတွေအကြားမှာ လူကြိုက်များခဲ့ တဲ့ ဒီအစီအစဉ်ကိုုပြန်ပြီး ထပ်မံကြိမ်ပြုလုုပ်ရတဲ့အတွက် အရမ်းကို ဝမ်းမြောက်မိပါတယ်၊ ပြီးခဲ့တဲ့နှစ်က ဒီအစီအစဉ်ကိုု လူတွေသဘောကျပြီး အသုုံးများခဲ့တာကိုု သိရတဲ့အတွက် အခုုလက်ရှိမှာ အသုုံးပြုနေသူတွေကိုုလည်း တစ်နာရီကြာတဲ့ထိ ဖုုန်းပြောတာတောင်မှ ၁၁၅ ကျပ်ပဲ ကျသင့်မယ့် ဒီအခွင့်အရေးကိုုထပ်ပေးချင်ပါတယ်” ဟုု ပြောသည်။

ဤအထူးအစီအစဉ်သည် MPT GSM/WCDMA ဆွေသဟာအစီအစဉ်အသုံးပြုသူတိုင်းအတွက် အလိုအလျောက် အကျုံးဝင်မည်ဖြစ်ပြီး မည်သည့် လျှောက်ထားမှုမျှပြုလုုပ်ရန်မလိုုပါ။ အခြေခံဖုုန်းခေါ်ဆိုုစနစ်ကိုု အသုုံးပြုသူများအနေဖြင့် ဤအစီအစဉ်ကိုုအသုုံးပြုလိုုပါက 1332 သိုု့ “SWE” ဟုု အခမဲ့စာတိုုပေးပိုု့ကာ လျှောက်ထားရယူနိုုင်ပြီး (postpaid အသုုံးပြုသူများအတွက်မူ “POSTSWE” ဟုုပေးပိုု့ရန်ဖြစ်သည်)။ ဤအစီအစဉ်ကိုု ၂၀၁၆ ခုုနှစ် ဧပြီလ ၁၆ ရက်နေ့အထိ အသုုံးပြုနိုုင်မည်ဖြစ်သည်။

ဤ အထူးအစီအစဉ်ဖြင့် (လိုုင်းဖုုန်းများအပါအဝင်) MPT နံပါတ်အချင်းချင်းသာခေါ်ဆိုနိုင်မည်ဖြစ်ပြီး pre-paid နှင့် post-paid နှစ်မျိုးစလုံးဖြင့် အသုံးပြုနိုင်သည်။ ဤအစီအစဉ်အတွက် ၅၅မိနစ်စာ အခမဲ့ ဖုန်းခေါ်ဆိုမှုကို ညနေ ၆ နာရီမှ ည ၁၀ နာရီအတွင်းကလွဲ၍ နေ့တစ်နေ့၏ ကျန်အချိန်များအတွင်းတွင် ခေါ်ဆိုနိုင်သည်။ ညနေ ၆ နာရီမှ ည ၁၀ နာရီအတွင်း ဖုန်းခေါ်ဆိုပါက မူလသတ်မှတ်စျေးနှုန်းဖြစ်သည့် တစ်မိနစ်၂၃ ကျပ်ဖြင့် ကောက်ခံမည်ဖြစ်သည်။ အခမဲ့ စကားပြောဆိုချိန်များ အတွက် တစ်ရက်လျှင် ဖုန်းခေါ်ဆိုမှုကို အကြိမ်အရေအတွက်ကန့်သတ်ထားခြင်းမရှိဘဲ သုံးစွဲသူစိတ်ကြိုက် ဖုန်းခေါ်ဆိုမှုများစွာ ပြုလုပ်နိုင်မည်ဖြစ်သည်။

လက်ရှိတွင် MPT မှ သုုံးစွဲသူ ၁၉ သန်းကျော်ရရှိနေပြီဖြစ်ပြီး အများစုုမှာ ဆွေသဟာအစီအစဉ်ကိုု သုုံးစွဲနေကြသူများ ဖြစ်သည်။ ဤ “နာရီတိုုင်းမှာ ၅ မိနစ်စာ”အစီအစဉ်ကြောင့် သုုံးစွဲသူများသည် တစ်မိနစ် ၂၃ ကျပ်ဖြင့် စျေးနှုန်းချိုသာစွာ ဖုုန်းခေါ်ဆိုုနိုုင်ပြီး အသံကြည်လင်မှုနှင့် အင်တာနက်သုုံးစွဲမှုမြန်ဆန်ရာတွင်လည်း အကောင်းဆုုံး 3G ဝန်ဆောင်မှုကိုု ရရှိနိုုင်မည် ဖြစ်သည်။

လက်ရှိသုုံးစွဲနေသူများအတွက် ဖုုန်းခေါ်ဆိုုမှုစျေးနှုန်းသက်သာစေရန်ပြုလုုပ်ပေးရုုံမျှမကဘဲ MPT သည် MPT SIM ကတ် အသစ်စတင် သုုံးစွဲမည့်သူများအတွက်ပါ “Welcome Offer” ကိုုပြုလုုပ်ပေးရင်း ဝန်ဆောင်ပေးမည်ဖြစ်သည်။

Welcome offer တွင် ဖုုန်းကတ်စတင်အသုုံးပြုချိန်တွင်ရရှိမည့် အပိုုဆောင်းငွေ၊ ပထမဆုုံးငွေဖြည့်သည့်အချိန်တွင် ရရှိမည့်အပိုုဆောင်းငွေနှင့် ထပ်ဆင့်အပိုုဆောင်းငွေများပါဝင်မည်ဖြစ်သည်။

MPT SIM ကတ်အသစ်တစ်ခုုကိုု စတင်အသုုံးပြုချိန်တွင် ဖုုန်းကတ်သစ်အသုုံးပြုမှုအတွက် အပိုုဆောင်းငွေ ၅၀၀ ကိုုရရှိမည် ဖြစ်ပြီး ထိုုလက်ကျန်ငွေဖြင့် မည်သည့်ဝန်ဆောင်မှုကိုုမဆိုု အသုုံးပြုနိုုင်မည်ဖြစ်သည်။ သုုံးစွဲသူတစ်ဦးသည် ဖုုန်းငွေဖြည့်ကတ်ဖြင့် လက်ကျန်ငွေဖြည့်သွင်းပါက ပထမဆုုံးငွေဖြည့်ချိန်တွင် ထည့်သွင်းသည့် ပမာပေါ်မူတည်ပြီး ပေးမည့် အပိုုဆောင်းငွေပေးမည်ဖြစ်ပြီး တစ်လတကြိမ် လက်ကျန်ငွေဖြည့်သွင်းပါက အပိုဆောင်းငွေကိုု ၄လ ဆက်တိုုက်ရရှိမည် ဖြစ်သည့်အတွက် စျေးသက်သာစွာဖုုန်းခေါ်ဆိုုအသုုံုးပြုနိုုင်မည်ဖြစ်သည်။

ဤအထူးအစီအစဉ်သည် မတ်လ ၁၁ ရက်နောက်ပိုုင်း SIM ကတ်ကိုုအသစ်စတင်သုုံးစွဲသူများသာ ရရှိခံစားနိုုင်မည် ဖြစ်သည်။ Welcome Offer ကို ခံစားနိုုင်ရန် အသုုံးပြုသူတစ်ဦးသည် နံပါတ်အသစ်စတင်ချိန်မှ ရက် ၃၀ အတွင်း အနည်းဆုုံး လက်ကျန်ငွေ ၁၀၀၀ ကျပ်စတင်ဖြည့်ရမည်ဖြစ်ပြီး ထိုုသုုိ့ ဖုုန်းငွေဖြည့်မှသာလျှင် ပထမဆုုံးငွေဖြည့်မှုအတွက် ထည့်သွင်းပေးမည့် ပထမဆုံး အကြိမ်အပိုုဆောင်းငွေကိုုရရှိမည်ဖြစ်သည်။ ပထမဆုုံးလက်ကျန်ငွေဖြည့်ချိန်တွင် ငွေမပမာဏများလေလေ နောက်ထပ် ၄ လဆက်တိုုက်ရရှိမည့်အပိုုဆောင်းငွေ ပမာဏ များလေလေဖြစ်မည်ဖြစ်သည်။

အပိုုဆောင်းငွေ ၄ ခုုစလုုံးကိုုရရှိရန် သုုံးစွဲသူတစ်ဦးသည် (ပထမဆုုံးငွေဖြည့်ချိန်မှ ရက်ပေါင်း ၁၂၀ အတွင်း) ရက် ၃၀ တိုုင်းတွင်တစ်ခါ လက်ကျန်ငွေဖြည့်ရမည်ဖြစ်သည်။ ထပ်ဆင့်အပိုုဆောင်းငွေများရရှိရန်အတွက်မူ မိမိအဆင်ပြေသည့် လက်ကျန်ငွေကို ဒုတိယအကြိမ်ထပ်မံဖြည့်သွင်းနိုင်သည့်အပြင် ပထမဆုုံး စတင်ဖြည့်သွင်းသည့် လက်ကျန်ငွေပမာဏေ ပါ်မူတည်ပြီး အပိုုဆောင်းငွေရရှိနိုုင်မည်ဖြစ်သည်။ အပိုုဆောင်းငွေများအား ရက် ၃၀ အတွင်း MPT ဖုုန်းအချင်းချင်းခေါ်ဆိုုမှု၊ MPT ဖုုန်းအချင်းချင်းစာတိုုပေးပိုု့မှုနှင့် PayAsYouGo ဒေတာအသုုံး ပြုမှုအတွက် အသုုံးပြုနိုုင်မည်ဖြစ်သည်။

ထပ်ဆင့်အပိုုဆောင်းငွေများကိုု စစ်ဆေးရန်အတွက် 1331 သိုု့ “BAL”ဟုု စာတိုုပေးပိုု့ကာ စစ်ဆေးနိုုင်သည်။ လက်ကျန်ငွေ ဖြည့်သွင်းမှုကိုု ငွေဖြည့်ကတ်များဖြင့်ဖြစ်စေ၊ e-top up စနစ်ဖြင့် ဖြစ်စေဖြည့်သွင်းနိုုင်ပြီး နံပါတ်သစ်တစ်ခုုလျှင် “Welcome bonus set” တစ်ခုုသာ ရရှိမည်ဖြစ်သည်။ ထိုုအထူးအစီအစဉ်ကို ၂၀၁၆ ခုုနှစ် မတ်လ ၁၁ ရက်နေ့မှစတင်မည်ဖြစ်ပြီး ပြီးဆုုံးမည့်အချိန်ကာလကိုုမူ MPT မှ ထပ်မံကြေငြာပေးသွားမည်ဖြစ်သည်။

ပထမဆုုံးငွေဖြည့်သွင်းမှုမှ ရရှိမည့်ထပ်ဆင့်အပိုုဆောင်းငွေများအတွက် အသေးစိတ်ကိုု အောက်ပါပုုံတွင် ကြည့်ရှုနိုုင်ပါသည်။

mptdata1[:]

MPT မှ သင်္ကြန်ကာလကိုု ရန်ကုုန်နှင့် မန္တလေးတွင် ပေါ့ပ် နှင့် ရော့ခ်ဂီတဖြင့် ဆင်နွှဲမည်

[:en](ရန်ကုုန်၊ မတ်လ ၈ ရက်၊ ၂၀၁၆ ခုုနှစ်) — မြန််မာနိုုင်ငံ၏ အကြီးမားဆုုံးသောကွန်ရက်ကိုု ပေးနေသည့် MPT မှ ၂၀၁၆ သင်္ကြန်ပွဲတော်ကို ဖျော်ဖြေရေးအစီအစဉ်များဖြင့် ဆင်နွှဲသွားမည်ဖြစ်သည်။ မန္တလေးရှိ MPT ရေကစားမဏ္ဍပ်တွင် နာမည်ကျော် Iron Cross ဂီတအဖွဲ့မှ ဖျော်ဖြေသွားမည်ဖြစ်ပြီး၊ ရန်ကုုန်ရှိ MPT ရေကစားမဏ္ဍပ်တွင်မူ Lucky Hand ဂီတအဖွဲ့မှ ဖျော်ဖြေပေးသွားမည်ဖြစ်ကြောင်း ယနေ့သတင်းထုုတ်ပြန်ကြေညာလိုုက်သည်။

ပရိတ်သတ်များ သင်္ကြန်ပွဲတော်ကာလ တစ်လျှောက်လုုံးတွင် ရော့ခ်ဂီတ၊ ပေါ့ပ်ဂီတ၊ အကများ၊ ဖျော်ဖြေမှုများနှင့်အတူ စီးမျောခံစားနိုုင်ရန်အတွက် ဂီတအဖွဲ့များမှ သင်္ကြန်ရက်အတွင်း နေ့စဉ် ဖျော်ဖြေပေးသွားမည်ဖြစ်သည်။

MPT-KSGM Joint Operations ၏ Chief Commercial Officer ဖြစ်သူ Mr. Koichi Kawase က “သင်္ကြန်ပွဲတော်ဟာ မြန်မာလူမျိုးတိုု့အတွက် ပျော်စရာအကောင်းဆုုံးနဲ့ အထင်ကရအဖြစ်ဆုုံးပွဲတော်တစ်ခုုပါ၊ သုုံးစွဲသူ ၁၉သန်းကျော်ရှိနေတဲ့ မြန်မာနိုုင်ငံရဲ့ အကြီးဆုုံးဆက်သွယ်ရေးကုုမ္ဗဏီအနေနဲ့ ရန်ကုုန်နဲ့မန္တလေးမှာ အကောင်းဆုုံးတေးဂီတအဖွဲ့တွေနဲ့ ပြည်သူအများကိုု ဖျော်ဖြေနိုုင်အောင် စီစဉ်ပေးနိုုင်တဲ့အတွက် ကျေနပ်မိပါတယ်”ဟုု ပြောသည်။

မန္တလေးမြို့၊ ကျုံးမြောက်ဘက်တွင် တည်ဆောက်ထားမည့် MPT ရေကစားမဏ္ဍပ်မှနေ၍ မြန်မာနိုုင်ငံ ၏ ထင်ရှားကျော်ကြားသော ရော့ခ်ဂီတအဖွဲ့ဖြစ်သည့် Iron Cross မှ ပင်တိုုင်အဆိုုတော် လေးဖြူ၊ အငဲ၊ မျိုးကြီး၊ ဝိုုင်ဝိုုင်းတိုု့ သည် လိဂစ်တာ ချစ်စမ်းမောင်၊ ဘေ့စ်ဂစ်တာ ခင်မောင်သန့်၊ ကီးဘုုတ် ဗညားနိုုင်နှင့် ဒရမ် ခရမ်းတိုု့နှင့်အတူ ပရိတ်သတ်အား ဖျော်ဖြေသွားမည်ဖြစ်သည်။

ရန်ကုုန် ပြည်လမ်းပေါ်ရှိ MPT ရေကစားမဏ္ဍပ်တွင်မူ Lucky Hand တီးဝိုင်းအဖွဲ့နှင့်အတူ ပေါ့ပ် ရော့ခ်အဆိုုတော်များ ဖြစ်ကြသည့် ဝိုုင်းစုုခိုုင်သိန်း၊ ချစ်ကောင်း၊ မေခလာ၊ အောင်ထက်၊ ဂရေဟမ်နှင့် နုုနုုစိန်တိုု့က ဖျော်ဖြေပေးသွားမည်ဖြစ်သည်။

သင်္ကြန်အကြိုရက်ဖြစ်သည့် ဧပြီ ၁၂ ရက်နေ့ (အင်္ဂါနေ့) ညနေပိုုင်း မဏ္ဍပ်ဖွင့်ပွဲပြုလုုပ်ချိန်မှစပြီး သင်္ကြန်ပွဲတော်ရက်များဖြစ်သည့် ဧပြီ ၁၃ (ဗုုဒ္ဓဟူးနေ့) မှ ဧပြီ ၁၆ (စနေနေ့) အထိ မနက် ၉ နာရီမှ ညနေ ၆ နာရီတိုုင်အောင် နေ့လည်စာစားချိန်သာခဏတာနားပြီး နေ့စဉ်ဖျော်ဖြေပေးသွားမည်ဖြစ်သည်။

သင်္ကြန်ပွဲတော်ဆင်နွှဲသူများအနေဖြင့် မိမိတိုု့နှစ်သက်သောအဆိုုတော်များ၏ ဖျော်ဖြေမှုများကိုု အခမဲ့ ကြည့်ရှုခံစားရင်း အပူဒဏ်ကိုုရေကစားဆင်နွှဲကာ ကျော်ဖြတ်နိုုင်မည်ဟုု MPT မှယုုံကြည်ပါသည်။

[:]

FLOOD WARNING

FLASH FLOOD WARNING: TAKE ACTION (NYAUNG TONE TAR)

Water-level is 2 feet above critical point. Possible to reach 2.5 feets above critical point within 3 days. (PYAY)

Water-level is 1.5 feet above critical point. Possible to reach 0.5 feets below critical point within 2 days. (Pha-An)

Water-level is 4 feet above critical point. Possible to reach below critical point within 3 days. (Mon Ywa)

Water-level is 3.5 feet above critical point. Possible to reach 4 feet above critical point within 3 days. (Hinthada)

The water level at Ayawaddy is 15 cm until it reaches the overflow limit.
This measurement was recorded at 09:30 A.M. on 04/08/2015.

Flooding is possible to occur within 24 hours in the low-lying plains of Chauk Township,
especially on riverbanks, and low-lying plains.

Please be prepared, and be safe.
‪#‎SaveMyanmar‬

Source: Ministry of Information

MPT နှင့် LINE တို့ ပူးပေါင်းမည်

ပထမဆုံးပရိုမိုးရှင်းအစီအစဉ် MPT သုံးစွဲသူများကနောက်ဆုံးပေါ် instant messaging application
ကို အင်တာနက်အသုံးပြုခပေးရန်မလိုဘဲ စက်တင်ဘာ ၃၀ အထိသုံးနိုင်မည်။

ရန်ကုန်၊ မြန်မာ၊ ဇူလိုင် ၂၉၊ ၂၀၁၅။

မြန်မာနိုင်ငံ၏ ဦးဆောင်ဆက်သွယ်ရေးအော်ပရေတာတစ်ဦးဖြစ်သော မြန်မာ့ဆက်သွယ်ရေးလုပ်ငန်း (MPT) က LINE messenger (“LINE”) ၏ အဓိကအသုံးပြုမှုများနှင့် application download ပြုလုပ်မှုများအတွက် အင်တာနက်အသုံးပြုမှုကို ၄င်း၏ ဆွေသဟာအစီအစဉ်တွင် အခမဲ့ဒေတာ
အသုံးပြုခွင့်ပေးမည်ဟု ယနေ့ထုတ်ပြန်ကြေညာလိုက်သည်။
ဇူလိုင်လ ၂၉ ရက်နေ့မှစ၍ စက်တင်ဘာလ ၃၀ ရက်အထိMPT ဆွေသဟာအစီအစဉ်ကိုအသုံးပြုသူများအားလုံးသည်
အင်တာနက်အသုံးပြုခပေးရန်မလိုဘဲ LINE application ကိုdownload ရယူ၍ အသုံးပြုနိုင်မည်ဖြစ်သည်။ MPT မှ
ဝန်ဆောင်မှုပေးသည့် အခမဲ့ဒေတာဖြင့် အသုံးပြုနိုင်မည့် လုပ်ဆောင်ချက်များမှာအောက်ပါအတိုင်းဖြစ်သည်။

• Chatting

• စတစ်ကာများပေးပို့ခြင်းနှင့် လက်ခံခြင်း

• ဓာတ်ပုံဝေမျှခြင်း

• မိမိ၏ ပင်မစာမျက်နှာနှင့် ကိုယ်ပိုင်စာမျက်နှာများကို update လုပ်ခြင်း

• VOIP ဖုန်းခေါ်ဆိုခြင်းဖုန်းလက်ခံခြင်းများ (အသုံးပြုသူတစ်ဦးကိုတစ်လလျှင် 50 MB အထိအခမဲ့ အသုံးပြု
ခွင့်ပေးထားသည်။)

၂၀၁၅ခုနှစ်၊ ဇူလိုင်လ ၂၉ရက်၊ ဗုဒ္ဓဟူးနေ့နံနက်က Park Royal ဟိုတယ်တွင် ကျင်းပခဲ့သည့် သတင်းစာရှင်းလင်းပွဲတွင်
MPTက အဆိုပါအထူးအစီအစဉ်နှင့် ပတ်သက်သောအသေးစိတ်အချက်အလက်များကိုကြေညာခဲ့ပြီး၊ MPT နှင့် LINE
တို့အတူပူးပေါင်း၍ မြန်မာနိုင်ငံရှိသုံးစွဲသူများအကြားရေပန်းစားနေသော messaging application ကိုအသုံးပြုနိုင်ရန်နှင့်
မြန်မာနိုင်ငံ၏ အင်တာနက်အသုံးပြုမှုပိုမိုတိုးမြင့်လာစေရန် ရည်ရွယ်လုပ်ဆောင်ခြင်းဖြစ်ကြောင်းသိရသည်။ LINE သည်
ကမ္ဘာပေါ်ရှိလူကြိုက်အများဆုံးသောလူမှုကွန်ယက် application များထဲတွင် တစ်ခုအပါအဝင်ဖြစ်ပြီးတစ်ကမ္ဘာလုံးတွင်
အသုံးပြုသူပေါင်းသန်း ၅၆၀ ရှိနေသည်။ အထူးသဖြင့် အာရှဒေသတွင် လူကြိုက်များနေပြီးဂျပန်၊ ထိုင်းနိုင်ငံနှင့်
အခြားသောနိုင်ငံများတွင် နံပါတ် ၁ နေရာတွင် ရှိနေသော application တစ်ခုဖြစ်သည်။
“မြန်မာပြည်ရဲ့ ဦးဆောင်ဆက်သွယ်ရေးအော်ပရေတာတစ်ဦးအနေနဲ့ LINE ကိုအသုံးပြုခြင်းဖြင့် သုံးစွဲသူတွေမှာ
ကောင်းကျိုးတွေရရှိအောင် ပံ့ပိုးပေးရင်းမြန်မာပြည်သူပြည်သားတွေနဲ့ အခုလိုကမ္ဘာတစ်ဝန်းလူကြိုက်များနေတဲ့
application တစ်ခုကိုမိတ်ဆက်ပေးဖို့ဆိုတာ ကျွန်တော်တို့ရဲ့ တာဝန်တွေထဲက တစ်ခုဖြစ်တယ်လို့ ကျွန်တော်တို့
အားလုံးလက်ခံယုံကြည်ထားပါတယ်။ ကျွန်တော်တို့ရဲ့ ရည်မှန်းချက်က မြန်မာပြည်ကသုံးစွဲသူတွေအတွက်
အသုံးပြုမှုအသစ်တွေ ဝန်ဆောင်မှုအသစ်တွေ ဆက်ပြီးပေးစွမ်းနိုင်ဖို့ပါ”ဟု MPT နှင့် အကျိုးတူ ပူးပေါင်း
ဆောင်ရွက်ထားသော KSGM (KDDI Summit Global Myanmar Co., Ltd) မှ Marketing Director ဖြစ်သူ
Mr. Takashi Shigeno ကပြောပါသည်။
“LINE ကိုမြန်မာလူမျိုးအများအပြားစိတ်ဝင်စားကြတဲ့အတွက် မြန်မာပြည်ဟာ LINE အတွက်အလားအလာကောင်းသော
စျေးကွက်တစ်ခုဖြစ်ပါတယ်။ ဒီနှစ်အစောပိုင်းအကြိုမိတ်ဆက်ပွဲပြုလုပ်ပြီးချိန်မှာအသုံးပြုသူ ၃၀၉% တိုးတက်လာတာ
တွေ့ရပါတယ် စမတ်ဖုန်းသုံးစွဲမှု တိုးတက်လာတာတွေ၊ အင်တာနက်အသုံးပြုသူများပြားလာတာတွေ၊တစ်နိုင်ငံလုံးအနှံ့
ဆက်သွယ်ရေးကောင်းမွန်လာတာတွေနဲ့အတူ LINE နှင့် ၄င်း၏ application တွေကို မြန်မာစျေးကွက်မှာရှိတဲ့
သုံးစွဲသူတွေရဲ့ လိုအပ်ချက်တွေနဲ့ကိုက်ညီအောင် ဖော်ဆောင်သွားမှာဖြစ်ပါတယ်။ အခု MPT နဲ့ ပူးပေါင်းခြင်းဟာလည်း
မြန်မာပြည်ကသုံးစွဲသူတွေကိုပိုကောင်းမွန်တဲ့ဝန်ဆောင်မှုတွေပေးနိုင်ဖို့နဲ့ မြန်မာနိုင်ငံနှင့်ကိုက်ညီသော အကြောင်းအရာလေးတွေကိုပိုမိုချဲ့ထွင်နိုင်ဖို့ဆိုတဲ့ နည်းလမ်းတွေကိုအတူဖော်ဆောင်သွားချင်တာကြောင့်ဖြစ်ပါတယ်။” ဟု LINE
Myanmar ၏ အထွေထွေမန်နေဂျာ Mr. Darin Hwang က ပြောသည်။
LINE တွင် MPT Official Account ကိုလည်းဇူလိုင်လ ၂၉ ရက်နေ့၌ စတင်ဖွင့်လှစ်မိတ်ဆက်မည်ဖြစ်ပြီး LINE
အသုံးပြုသူများက၄င်း account ကို subscribe လုပ်ထားပါက MPT ၏ နောက်ဆုံးသတင်းများနှင့်
အထူးအစီအစဉ်များကိုအချိန်နှင့်တပြေးညီသိရှိနိုင်မည်ဖြစ်သည်။ ထို့အပြင် MPT အတွက် အထူးထုတ်လုပ်ထားသည့်
sticker များကိုလည်းမကြာမီအချိန်အတွင်းဒေါင်းလုဒ်ရယူအသုံးပြုနိုင်တော့မည်ဖြစ်သည်။
ဤအထူးအစီအစဉ်အတွက် အချိန်ကာလမှာ ၂ လဖြစ်ပြီးဇူလိုင်လ ၂၉ ရက်နေ့မှ စတင်ကာစက်တင်ဘာလ ၃၀ ရက်နေ့
တွင် ကုန်ဆုံးမည်ဖြစ်သည်။ LINE ကို www.line.me/my တွင် ဒေါင်းလုဒ်ရယူနိုင်ပါသည်။