Balance Transfer Service ဆိုတာဘာလဲ?

သုံးစွဲသူများအနေဖြင့် မိုဘိုင်းဖုန်းအချင်းချင်း ဖုန်းဘေလ်လွှဲပြောင်းပေးနိုင်သည့် ၀န်ဆောင်မှု ဖြစ်သည်။

ဘယ်လိုအသုံးပြုရမလဲ?

mpt

Balance Transfer Service

ဘယ်လိုအလုပ်လုပ်လဲ?

ဝန်ဆောင်မှုကို အသုံးပြုရန် အောက်ပါ USSD code ကိုရိုက်ပြီး အသုံးပြုနိုင်ပါတယ်။
*223*လွှဲမည့်ငွေပမာဏ*ငွေလက်ခံရယူမည့်သူ၏ Mobile Phone နံပါတ်#[send]
ဥပမာ။ *223*1000*09456456456#[send]
ပေးပို့သူအနေဖြင့် လွှဲပြောင်းငွေ ပမာဏ၏ ၅% ကို ၀န်ဆောင်ခ အဖြစ် ပေးဆောင်ရမှာ ဖြစ်ပါတယ်။

တစ်ကြိမ်လျှင်ငွေ ၃၀၀ ကျပ်မှ၁၀၀၀၀ကျပ်အထိ ဖုန်းဘေလ်လွှဲပြောင်းဖြည့်သွင်းနိုင်ပါသည်။

တစ်နေ့တာအတွင်း အများဆုံး (၅) ကြိမ်အထိ ဖုန်းဘေလ် လွှဲပြောင်း၀န်ဆောင်မှုအား အသုံးပြု နိုင်ပါသည်။

တစ်ရက်တွင် အများဆုံး ၅၀၀၀၀ ကျပ်အထိ   လွှဲပြောင်းနိုင်ပါသည်။

ဝန်ဆောင်ခ ၅% နှုန်း နှင့် ကုန်သွယ်ခွန် ကောက်ခံမှုကို ( ၂၀၂၃ မတ်လ ၁၅ရက် )မှ စတင်ပြီး       ထပ်မံအကြောင်းကြား သည့်အချိန်ထိ ကောက်ခံသွားမည် ဖြစ်ပါသည်။

vas

တခါတလေမှာ ဖုန်း bill နည်းနည်းလေး ရုတ်တရက်လိုနေတာမျိုး ဖြစ်တတ်ပါတယ်။
အရေးတကြီးအချိန်တွေမှာ မိသားစုဝင် တယောက်ယောက်ကို ဖြစ်ဖြစ် သူငယ်ချင်းကို ဖြစ်ဖြစ်ခေါ်ဖို့လိုနေတာမျိုးတို့ ဒါမှမဟုတ်လဲ bill ဖြည့်ဖို့ ဘယ်လိုမှဆိုင်ရှာမတွေ့တဲ့ အချိန်မျိုးတို့ပေါ့။ ဘယ်လိုပဲဖြစ်ဖြစ် အဲဒီလိုမျိုး ရုတ်တရက်လိုအပ်ချိန်တိုင်းမှာ အဆင်ပြေဖို့ အချင်းချင်းငွေလွှဲတဲ့ Balance Transfer Service က ကျွန်တော့်အတွက် အလွန်အသုံးဝင်တာပေါ့ ။

အမေးများသောမေးခွန်းများ

၁။ Balance Transfer ဝန်ဆောင်မှုဆိုတာ ဘာပါလဲ။

MPT GSM/WCDMA မိုဘိုင်းဖုန်းများ၏ Prepaid စနစ်အသုံးပြုသူများသည် Prepaid စနစ်အသုံးပြုနေသော မည်သည့် MPTမိုဘိုင်းဖုန်းကိုမဆို Main Balance အတွင်းမှ ဖုန်းလက်ကျန်ငွေ လွှဲပြောင်းပေးနိုင်မည်ဖြစ်သည်။ MPT SIM Card စတင်အသုံးပြုချိန်မှ စ၍လက်ရှိအချိန်အထိ အနည်းဆုံး ဖုန်းဘေလ် ၃၀၀၀ ကျပ် အသုံးပြုပြီးသူများသည် Balance Transfer ဝန်ဆောင်မှုကိုအသုံးပြုနိုင်မည်ဖြစ်သည်။

၂။ Balance Transfer ဝန်ဆောင်မှုကိုဘယ်လိုအသုံးပြုရမှာပါလဲ။

  • ငွေလွှဲပြောင်းပေးရန်အတွက် –
  • *223*လွှဲမည့်ငွေပမာဏ*ငွေလက်ခံရယူမည့်သူ၏မိုဘိုင်းနံပါတ်#ကို ရိုက်နှိပ်ခေါ်ဆိုပါ။
  •  ဥပမာ *223*1000*09456456456#[call]
  • လွှဲမည့်ငွေပမာဏကို ငွေလွှဲသူ၏ Main Balance ဖုန်းလက်ကျန်ငွေထဲမှ လွှဲမည့်ငွေပမာဏအပြင် လွှဲပြောင်းငွေပမာဏ ၏ ၅%  ကို    ၀န်ဆောင်ခအဖြစ်နှင့် ကုန်သွယ်လုပ်ငန်းခွန် ၅% ဖြတ်တောက်သွားမည် ဖြစ်ပါသည်။ လက်ခံသူမှ လွှဲငွေအပြည့်အဝလက်ခံရရှိပါမည်။
  • ဥပမာ – (၁၀၀၀ + ၅%  ၀န်ဆောင်ခ= ၅၀ +  ၅%  ကုန်သွယ်လုပ်ငန်းခွန် = ၅၂ ကျပ်)     စုစုပေါင်း = ၁၀၅၂ ကျပ်
  • ဝန်ဆောင်ခ ၅% နှုန်း နှင့် ကုန်သွယ်ခွန် ကောက်ခံမှုကို ဖုန်းဘေလ်လွှဲပြောင်းခြင်း အကြိမ်တိုင်းအတွက် (၂၀၂၃ ၊မတ်လ ၁၅ရက်) မှ စတင်ပြီးထပ်မံအကြောင်းကြား သည့်အချိန်ထိ ကောက်ခံသွားမည် ဖြစ်ပါသည်။

၃။ “MPT SIM Card စတင်အသုံးပြုချိန်မှ စ၍လက်ရှိအချိန်အထိ အနည်းဆုံး ဖုန်းဘီလ်၃၀၀၀ကျပ် အသုံးပြုပြီးသူများသည် Balance Transfer ဝန်ဆောင်မှုကိုအသုံးပြုနိုင်မည်” ဆိုတာ ဘာကိုဆိုလိုတာ ပါလဲ။

Balance Transfer ဝန်ဆောင်မှုကိုအသုံးပြုရန်အတွက် သုံးစွဲသူသည် အခြေခံအားဖြင့် MPT SIM Card စတင်အသုံးပြုချိန်မှစ၍ လက်ရှိအချိန်အထိ အနည်းဆုံးဖုန်းဘီလ် ၃၀၀၀ ကျပ် အသုံးပြုထားရန် လိုအပ်ပါသည်။

၄။ တစ်ကြိမ်ငွေလွှဲပြောင်းပေးပါက အနည်းဆုံး/အများဆုံး လွှဲပြောင်းနိုင်သည့် ငွေပမာဏ ဘယ်လောက်ပါလဲ။

တစ်ကြိမ်လျှင် ငွေ ၃၀၀ ကျပ်မှ စတင်ပြီး ၁၀၀၀၀ ကျပ်အထိ ပမာဏကို မိုဘိုင်းဖုန်းအချင်းချင်း လွှဲပြောင်းဖြည့်သွင်းပေးနိုင်မည်ဖြစ်ပါသည်။

တစ်နေ့တာ(နေ့စဉ် မနက် 00:00နာရီမှ ည23:59နာရီ) အတွင်း အများဆုံး (၅) ကြိမ်အထိ လွှဲပြောင်းဖြည့်သွင်းပေးနိုင်ပါသည်။

  • တစ်ရက်တွင် အများဆုံး ပမာဏ၅၀၀၀၀ ကျပ်အထိ ဖုန်းဘေလ်  လွှဲပြောင်းနိုင်ပါသည်။
  • နေ့စဉ် (မနက် 00:00နာရီမှ ည23:59နာရီ) အတွင်း ဖုန်းဘေလ် လွှဲပြောင်း၀န်ဆောင်မှုအား အသုံးပြု နိုင်ပါသည်။

၅။ အပိုဆောင်းဆုရရှိထားသော လက်ကျန်ငွေ(Bonus) ကို အခြားMPT ဖုန်းနံပါတ်တစ်ခုထံသို့ လွှဲပေးနိုင်ပါသလား။

မရနိုင်ပါ။ Balance Transfer ဝန်ဆောင်မှုအတွက် မူရင်းလက်ကျန်ငွေထဲမှသာ လွှဲပြောင်းပေးနိုင်မည်ဖြစ်သည်။

၆။ ဘယ်သူတွေက Balance Transfer ဝန်ဆောင်မှုကိုသုံးပြီး မိတ်ဆွေများထံသို့ ငွေလွှဲပြောင်းပေးနိုင်မှာပါလဲ။

MPT GSM/WCDMA မိုဘိုင်းဖုန်းများ၏ Prepaid စနစ်အသုံးပြုသူများသည် Balance Transfer ကို အသုံးပြု၍ မိတ်ဆွေများထံသို့ ငွေလွှဲပြောင်းပေးနိုင်မည်ဖြစ်သည်။ ငွေလွှဲပြောင်းသူသည် MPT SIM Card စတင်အသုံးပြုချိန်မှ စ၍လက်ရှိအချိန်အထိ အနည်းဆုံး ဖုန်းဘီလ် ၃၀၀၀ကျပ် အသုံးပြုပြီးဖြစ်ရမည်ဖြစ်သည်။ ငွေလွှဲပြောင်းသူတွင် လွှဲပြောင်းပေးမည့်ပမာဏအတွက် လုံလောက်သော လက်ကျန်ငွေရှိရမည်ဖြစ်သည်။

၇။ ဘယ်သူတွေက Balance Transfer ဝန်ဆောင်မှုမှတစ်ဆင့် အခြားသူများထံမှ လွှဲပြောင်းငွေ လက်ခံရရှိနိုင်မှာပါလဲ။

  • MPT GSM/WCDMA မိုဘိုင်းဖုန်းများ၏ Prepaid စနစ်အသုံးပြုသူများအားလုံး(1-way block and 2-way block ဖြစ်နေသော သုံးစွဲသူများအပါအဝင်)သည် Balance Transfer ဝန်ဆောင်မှုမှတစ်ဆင့် အခြားသူများထံမှ လွှဲပြောင်းငွေလက်ခံရရှိနိုင်ပါသည်။ GSM/WCDMA အသုံးပြုသူများမှ CDMA နှင့် PSTN Prepaid အသုံးပြုသူများ ထံသို့ Balance Transfer ဖြင့် ငွေလွဲနိုင်သည်။
  • CDMA user များမှ Mobile User(GSM/WCDMA)  များထံသို့ Balance Transfer ဖြင့် ငွေလွဲနိုင်ပါသည်။

၈။ ဘယ်သူတွေက Balance Transfer ဝန်ဆောင်မှုကိုအသုံးမပြုနိုင်ပါသလဲ။

  • Postpaid အသုံးပြုသူများ Balance Transfer ဝန်ဆောင်မှုကိုအသုံးပြု၍ မရနိုင်ပါ။
  • MPT ဆင်းကတ်အသုံးကပြုချိန်မှစပြီး  ဖုန်းဘေလ်သုံးစွဲမှု ၃၀၀၀ ကျပ် အောက် Prepaid users (GSM/CDMA) အသုံးပြုထားသူများသည် Balance Transfer ဝန်ဆောင်မှုကိုအသုံးပြု၍ မရနိုင်ပါ။

၉။ CDMA အသုံးပြုသူဖြစ်ပါက Balance Transfer ဝန်ဆောင်မှုကိုအသုံးပြုနိုင်မှာပါလား။

CDMA (prepaid) ဖုန်းအသုံးပြုသူများသည် Balance Transfer ဝန်ဆောင်မှုကို CDMA မှ CDMA သို့ အချင်းချင်း အသုံးပြုနိုင်ပါသည်။

၁၀။ 1-way blockဖြစ်နေသော ဖုန်းသို့ငွေလွှဲပြောင်းပေးပါက မည်သို့ဖြစ်မည်နည်း။

1-way blockဖြစ်နေသော ဖုန်းသည် Balance Transfer ဝန်ဆောင်မှုမှတဆင့် ငွေလွှဲပြောင်းပေးခြင်းကိုလက်ခံရယူနိုင်ပါသည်။ ငွေဖြည့်ခြင်းလက်ခံရရှိပြီးသောအခါ အထွက်ခေါ်ဆိုမှုပြုလုပ်နိုင်ပြီး လက်ကျန်ငွေသက်တမ်းမှာ ရက် (၉၀)ဖြစ်သည်။ ၎င်းအနေဖြင့် လက်ကျန်ငွေသက်တမ်း ရက်(၉၀)အတွင်းမှာ ငွေထပ်မံဖြည့်သွင်းခြင်းမပြုလုပ်ပါက ရက်(၉၀)ကျော်လွန်သွားသောအခါ မူလအတိုင်း အထွက်ခေါ်ဆိုမှုပြန်လည် ပိတ်ခံရမည်ဖြစ်သည်။

၁၁။ 2-way blockဖြစ်နေသော ဖုန်းသို့ ငွေဖြည့်ပေးပါက မည်သို့ဖြစ်မည်နည်း။

2-way blockဖြစ်နေသော ဖုန်းသည် Balance Transfer ဝန်ဆောင်မှုမှတဆင့် ငွေလွှဲပြောင်းပေးခြင်းကို လက်ခံရယူနိုင်ပါသည်။ ငွေဖြည့်ခြင်းလက်ခံရရှိပြီးသောအခါ ဖုန်းကိုပုံမှန်အတိုင်း ဆက်လက်အသုံးပြုနိုင်မည်ဖြစ်ပြီး လက်ကျန်ငွေသက်တမ်းမှာ ရက်(၉၀)ဖြစ်သည်။ ၎င်းအနေဖြင့် လက်ကျန်ငွေသက်တမ်း ရက်(၉၀) အတွင်းမှာ ငွေထပ်မံဖြည့်သွင်းခြင်း မပြုလုပ်ပါက ရက်(၉၀)ကျော်လွန်သွားသောအခါ အထွက်ခေါ်ဆိုမှု အပိတ်ခံရမည်ဖြစ်သည်။

best operator in Myanmar