MPT သည် ပြည်သူများ တွေ့ကြုံနေရသော ရေပြတ်လပ်မှုအခက်အခဲများကို သက်သာစေရန် ရန်ကုန်မြို့၏ အချို့နေရာများတွင် သောက်သုံးရေလှူဒါန်းခြင်း လုပ်ငန်းများ စတင်ဆောင်ရွက်နေပြီဖြစ်

(ရန်ကုန်၊ ၂၀၂၂ ခုနှစ်၊ မတ်လ ၃၀ ရက်) –MPT သည် မြန်မာပြည်သူပြည်သားများအတွက် အရေးပါသော တယ်လီကွန်းဆက်သွယ်ရေး ဝန်ဆောင်မှုများပေးအပ်ရန် ခက်ခဲသောအခြေအနေများတွင် အကောင်းဆုံး ကြိုးပမ်းမှုများဖြင့် စဉ်ဆက်မပြတ် ပေးအပ်နေသည့်အပြင် “အတူလက်တွဲအမြဲရှိမည် MPT” ဟူသည့် ဆောင်ပုဒ်အတိုင်း လူမှုအသိုက်အဝန်းအတွက် လိုအပ်သောအကူအညီများကို တိုးချဲ့ကာ ပံ့ပိုးဆောင်ရွက်လိုက်ပြီ ဖြစ်သည်။ ယခုလိုကြိုးပမ်းမှုဖြစ်သည့် ရန်ကုန်မြို့အတွင်းရှိ လူမှုအဖွဲ့အစည်း အတွက် အရေးပါသော သောက်သုံးရေ ပေးဝေလှူဒါန်းမှုမှာ ယခုလိုကာလအတွင်း အထူးသဖြင့် ပူပြင်းသည့် နွေရာသီနှင့် ရေပြတ်လတ်မှုကိုခံစားနေရသူ ပြည်သူများအတွက် နေ့စဉ်လိုအပ်သည့် ရေအလှူကို လုပ်ဆောင်လိုက်ခြင်းပင်ဖြစ်သည်။

ရေပြတ်လပ်မှု ကြုံတွေ့နေရသည့် မြို့နယ်အချို့ နှင့် ရန်ကုန်မြို့ပတ်ဝန်းကျင်နေရာများတွင် ရေလှူဒါန်းမှုပြုရန် စီမံချက်သည် ၁၇ ရက်ခန့် ကြာမြင့်နိုင်မည်ဖြစ်ပြီး MPT အနေဖြင့် ရေဂါလံ ၁ ဒသမ ၁ သန်းကျော် ထောက်ပံ့နိုင်ရန် မျှော်လင့်ထားကာ ရန်ကုန်မြို့၏ မြို့နယ်အချို့ရှိ မိသားစုပေါင်း ၅၉,၄၀၀ ၏ ရေအခက်အခဲကို သက်သာရာရနိုင်ရန် မျှော်မှန်းထားပါသည်၊၊

အဆိုပါ ပံ့ပိုးကူညီမှုတွင် MPT သည် လိုအပ်သောနေရာများသို့ ရေဖြန့်ဝေပေးရန်အတွက် လူမှုကူညီရေးအဖွဲ့ (၆)ဖွဲ့နှင့်ပူးပေါင်းကာ လှိုင်သာယာ၊ ထန်းတပင်၊ အင်းစိန်၊ ရွှေပြည်သာ၊ သာကေတ၊ မရမ်းကုန်း၊ မြောက်ဥက္ကလာပ၊ တောင်ဥက္ကလာပ၊ တောင်ဒဂုံ၊ မြောက်ဒဂုံ၊ ဒဂုံဆိပ်ကမ်း၊ အရှေ့ဒဂုံ၊ ခရမ်း၊ သံလျင်၊ ကျောက်တန်း၊ သုံးခွ၊ ဒလ၊ ဆိပ်ကြီးခနောင်တို၊ ကော့မှူး၊ ကွမ်းခြံကုန်း နှင့် သင်္ဃန်းကျွန်းမြို့နယ်များ အပါအဝင် (၂၂) မြို့နယ်ခန့်ကို အထောက်အပံ့ပြု လှူဒါန်းနိုင်မည်ဟု ရည်ရွယ်ထားပါသည်။

ရေလှူဒါန်းမှုစီမံချက်ကို ၂၀၂၂ ခုနှစ် မတ်လ ၂၈ ရက်မှ စတင်ခဲ့ကာ ၁၇ ရက်ခန့်အထိ ကြာမြင့်မည်ဖြစ်ပြီး ယခုလို ပူပြင်းသောနွေရာသီတွင် သောက်သုံးရေ၊ ချက်ပြုတ်ရေးနှင့် အခြားနေ့စဉ်အသုံးပြုမှုများအတွက် ရေလိုအပ်နေသော မြို့နယ်များကို ပေးဝေလှူဒါန်းသွားမည်ဖြစ်ကာ ပြည်သူများမှကြုံတွေ့နေရသော အခက်အခဲများကို သက်သာရာရစေရန် မျှော်မှန်းထားပါသည်။ ရေလှူဒါန်းမှုစီမံချက်လှုပ်ရှားမှု ဓာတ်ပုံအချို့ကို အောက်ပါအတိုင်း ကြည့်ရှုနိုင်ပါသည်။

တောင်ဉက္ကလာပမြို့နယ်အတွင်း ရေပေးဝေ လှူဒါန်းနေစဉ်

ဒလမြို့နယ်အတွင်း ရေပေးဝေ လှူဒါန်းနေစဉ်

မရမ်းကုန်းမြို့နယ်အတွင်း ရေပေးဝေ လှူဒါန်းနေစဉ်

ဒဂုံဆိပ်ကမ်းမြို့နယ်အတွင်း ရေပေးဝေ လှူဒါန်းနေစဉ်

MPT ၏ များပြားလှသော CSR လှုပ်ရှားမှုများအကြောင်း ပိုမိုသိရှိလိုပါက http://mpt.com.mm/en/about-home-en/csr-activities/ သို့လည်းဝင်ရောက်ကြည့်ရှုနိုင်ပါသည်၊၊

သုံးစွဲသူများသည် MPT အကြောင်းကို အသေးစိတ်သိရှိလိုပါက MPT တရားဝင် ဝက်ဘ်ဆိုက်ဖြစ်သော www.mpt.com.mm သို့ ဝင်ရောက်ကြည့်ရှုနိုင်ပြီး 106 Call Center သို့ ခေါ်ဆိုမေးမြန်းနိုင်သည့်အပြင် မိမိသိရှိလိုသည်များကိုလည်း တိုက်ရိုက်တုံ့ပြန် ဖြေကြားပေးမည့် Chatbot ဝန်ဆောင်မှုများကို MPT Viber MPT Telegram MPT4U အက်ပလီကေးရှင်း နှင့် MPT တရားဝင် ဝက်ဘ်ဆိုက်တို့တွင် စုံစမ်းမေးမြန်းနိုင်ပါသည်။

MPT က ကိုဗစ်-၁၉ ရောဂါကုသရေးဌာန (မန္တလေး) ၌ မြန်နှုန်းမြင့် ဖိုင်ဘာအင်တာနက် ချိတ်ဆက်မှုများ ဆောင်ရွက်ပေးခြင်းဖြင့် မြန်မာနိုင်ငံတစ်ဝန်း ကိုဗစ်-၁၉ ရောဂါ ကာကွယ်တိုက်ဖျက်ရေး လုပ်ငန်းကို ဆက်လက်ပံ့ပိုးကူညီလျက်ရှိ

(မြန်မာနိုင်ငံ၏ ဦးဆောင်ဆက်သွယ်ရေး အော်ပရေတာအနေဖြင့် ကိုဗစ်-၁၉ ရောဂါ ဖြစ်ပွားနေသည့် ကာလအတွင်း၌ မြန်မာပြည်နှင့် အတူရှိနေမည့် MPT ဆိုသည့် ကတိကဝတ်အတိုင်း ဆောင်ရွက်လျက်ရှိနေ)

(ရန်ကုန်၊ ၂၀၂၀ ပြည့်နှစ်၊ နိုဝင်ဘာလ ၅ ရက်) –တာဝန်သိ ပြည်တွင်းဆက်သွယ်ရေး အော်ပရေတာ တစ်ခုဖြစ်သည့် MPT အနေဖြင့် “မြန်မာပြည်နှင့်အတူရှိနေမည့် MPT” ဆိုသည့် ကတိကဝတ်အတိုင်း ကိုရိုနာဗိုင်းရပ်စ်ရောဂါ (ကိုဗစ်-၁၉) ဒုတိယလှိုင်း ဖြစ်ပွားနေသည့် ကာလအတွင်း မန္တလေးမြို့၊ မန္တလာသီရိအားကစားကွင်း၌ လတ်တလောတွင် ဆောက်လုပ်ထားသည့် ကိုဗစ်-၁၉ ရောဂါကုသရေးဌာန၊ ဧရာဝတီစင်တာ(မန္တလေး) တွင် မြန်နှုန်းမြင့် B2B ဖိုင်ဘာအင်တာနက် ဝန်ဆောင်မှုနှင့် Wi-Fi ချိတ်ဆက်မှုများ တပ်ဆင်ပေးခြင်းဖြင့် လိုအပ်သည့် ဆက်သွယ်ရေးဆိုင်ရာ အထောက်အပံ့များကို လုပ်ဆောင်လျက်ရှိကာ ယခုအပတ်အတွင်းပြီးစီးအောင် ဆောင်ရွက်ပေးသွားမည်ဖြစ်သည်။

မြန်မာတစ်နိုင်ငံလုံး အတိုင်းအတာဖြင့် ကိုဗစ်-၁၉ ရောဂါကာကွယ်၊ ထိန်းချုပ်၊ ကုသရေး လုပ်ငန်းစဥ်များ၏ တစ်စိတ်တစ်ဒေသအဖြစ် ကိုဗစ်-၁၉ ရောဂါ ကုသရေးဌာနသစ် ဧရာဝတီစင်တာ(မန္တလေး) ကို ကျန်းမာရေးနှင့် အားကစား ဝန်ကြီးဌာန (MOHS) မှ ဧရာဝတီဖောင်ဒေးရှင်း၏ ပံ့ပိုးကူညီမှုဖြင့် တည်ဆောက်ခဲ့ခြင်းဖြစ်သည်။ ဤစင်တာတွင် အထူးကြပ်မတ်ကုသမှုအတွက် ICU ကုတင် (၁၀၀) အပါအဝင် အတည်ပြုလူနာအရေအတွက် အယောက် (၂၀၀) ဦးကို လက်ခံကုသပေးနိုင်မည် ဖြစ်ပြီး ကျန်းမာရေးဝန်ထမ်းများနှင့် စေတနာ့ဝန်ထမ်းများ အတွက်လည်း လိုအပ်သည့် အသုံးအဆောင်နှင့် နေရာထိုင်ခင်းများ ပါဝင်မည်ဖြစ်သည်။

မြန်မာနိုင်ငံ၏ ပထမဆုံးနှင့် ဦးဆောင် ဆက်သွယ်ရေး အော်ပရေတာဖြစ်သည့် MPT သည် ပြည်နယ်နှင့် တိုင်းဒေသကြီး အသီးသီးရှိ ကိုဗစ်-၁၉ ရောဂါ ကုသရေးစင်တာနှင့် အသွားအလာ ကန့်သတ်ဆောင်ရွက်မှု နေရာ (၆၀) ကျော်၌ မြန်နှုန်းမြင့်အင်တာနက် ဆက်သွယ်မှုများကို ထောက်ပံ့ပေးခြင်း အပြင် ငွေသားနှင့် အခြားသော လှူဒါန်းမှုများကို ဆောင်ရွက်လျက်ရှိကာ COVID-19 ရောဂါ ကာကွယ်၊ထိန်းချုပ်၊ ကုသရေး လုပ်ငန်းကို ရှေ့တန်းမှဆောင်ရွက်နေကြသည့် ကျန်းမာရေးဝန်ထမ်းများ၊ စေတနာ့၀န်ထမ်းများ၊ မရှိမဖြစ်လိုအပ်သည့် ကျန်းမာရေး ၀န်ဆောင်မှု လုပ်ငန်းများနှင့် မြန်မာပြည်သူပြည်သားများအား တစ်ဖက် တစ်လမ်းက ကူညီထောက်ပံ့ပေးလျက် ရှိသည်။

MPT-KSGM JO မှ စီးပွားရေးဌာနကြီး၏ အရာရှိချုပ်ဖြစ်သူ Mr. Tetsunori Nagashima က “အခု မန္တလေးမြို့မှာ အသစ်ဖွင့်လှစ်မယ့် ကိုဗစ်-၁၉ ရောဂါကုသရေးဌာနသစ်ဖြစ်တဲ့ ဧရာဝတီစင်တာ အတွက် မြန်နှုန်းမြင့် ဖိုင်ဘာအင်တာနက် ချိတ်ဆက်မှုကို ကူညီပံ့ပိုးပေးခြင်းဟာ ကျွန်တော်တို့ MPT ရဲ့ နိုင်ငံတစ်ဝန်း ကိုဗစ်-၁၉ ရောဂါ ကာကွယ်၊ ထိန်းချုပ်၊ ကုသရေး လုပ်ငန်းများအတွက် လိုအပ်သလို ကူညီထောက်ပံ့ ပေးသွားမယ်ဆိုတဲ့ သန္နိဌာန်ကို ဆက်လက်ပြီးတော့ အကောင်အထည်ဖော်လိုက်ခြင်းပဲ ဖြစ်ပါတယ်။ လက်ရှိမှာ ဖြစ်ပွားနေတဲ့ ကိုဗစ်-၁၉ ရောဂါ အခြေအနေတွေကြောင့် စိတ်ချယုံကြည်ရတဲ့ အင်တာနက် ချိတ်ဆက်မှု ရရှိနိုင်ရေးဟာ မြန်မာနိုင်ငံအတွက် အရင်ကထက် ပိုပြီးတော့ အရေးကြီးတဲ့ ကိစ္စရပ်တစ်ခု ဖြစ်လာတယ်ဆိုတာကို ကျွန်တော်တို့ နားလည် သဘောပေါက်ပါတယ်။ ဒါ့ကြောင့်လည်း MPT အနေနဲ့ နိုင်ငံတစ်ဝန်းမှာ သက်ဆိုင်ရာ အစိုးရ အဖွဲ့အစည်းတွေ၊ ကျန်းမာရေးဌာနတွေ၊ လူမှုအဖွဲ့အစည်းတွေ အပြင် မြန်မာ့ လူမှုအသိုက်အဝန်း တစ်ခုလုံးနဲ့ အတူတကွရပ်တည်ပြီး အခုလို ခက်ခဲတဲ့အချိန်ကာလအတွင်းမှာ အားလုံးအတွက် မရှိမဖြစ် လိုအပ်တဲ့ ကူညီထောက်ပံ့မှုတွေကို ဖြည့်ဆည်း ဆောင်ရွက်လိုက်တာပဲ ဖြစ်ပါတယ်” ဟု ပြောကြားသွား ခဲ့သည်။

MPT သည် ကိုဗစ်-၁၉ ပထမလှိုင်း ကာလအတွင်း SMS ဖြင့် ပေးပို့လှူဒါန်းနိုင်သည့် အစီအစဥ်မှ MPT သုံးစွဲသူများထံမှ လက်ခံရရှိသည့် လှူဒါန်းငွေကျပ် သိန်း (၂၀၀) ကျော်နှင့် အတူ MPT မှ ထပ်ဆောင်း အလှူအဖြစ် ငွေကျပ်သိန်း (၁,၀၀၀) ကို ကိုရိုနာဗိုင်းရပ်စ် (ကိုဗစ်-၁၉) ရောဂါ ကာကွယ်၊ ထိန်းချုပ်၊ ကုသရေး အမျိုးသားအဆင့်ဗဟိုကော်မတီထံသို့ လှူဒါန်းခဲ့ပြီး ဖြစ်သည်။ ထို့အပြင် တိုင်းဒေသကြီးနှင့် ပြည်နယ် အသီးသီးရှိ အသွားအလာကန့်သတ် ဆောင်ရွက်ထားရှိသော စင်တာများသို့ MPT ဖုန်းငွေဖြည့်ကတ်များ လှူဒါန်းခြင်းနှင့် မြန်မာနိုင်ငံတစ်ဝန်းရှိ မိဘမဲ့ကလေး စောင့်ရှောက်ရေးဂေဟာများသို့ အခြေခံ စားသောက်ကုန်များ ထောက်ပံ့လှူဒါန်းခြင်း တို့ကိုလည်း ပြုလုပ်ခဲ့သည်။ ထို့အပြင် ကိုဗစ်-၁၉ ရောဂါ တားဆီးကာကွယ် တိုက်ဖျက်ရေး လုပ်ငန်းစဉ်များတွင် လှူဒါန်းလိုသူ MPT သုံးစွဲသူ ပြည်သူများအတွက် SMS ဖြင့် ပေးပို့လှူဒါန်းနိုင်သည့် အစီအစဉ်ကို အောက်တိုဘာလ (၃) ရက်နေ့မှ စတင်၍ ပြန်လည်ဖွင့်လှစ် ထားပြီးလည်း ဖြစ်သည်၊၊

MPT အနေဖြင့် နိုင်ငံတစ်ဝန်းရှိ မိမိတို့၏ လုပ်ငန်းဌာနများအားလုံးတွင် လုံခြုံစိတ်ချရသော လုပ်ငန်းလည်ပတ်မှုများကို စဉ်ဆက်မပြတ် ဆက်လက်ဆောင်ရွက်လျက်ရှိကာ မိမိတို့၏ လုပ်ငန်းစဥ်များ အားလုံးကို အပြည့်အဝလည်ပတ် လုပ်ဆောင်နိုင်ရန်အတွက်လည်း ပြင်ဆင်ဆောင်ရွက်ထားပြီးဖြစ်သည်။ MPT သုံးစွဲသူများအနေဖြင့် မိုဘိုင်းလ်ဖုန်းကို အသုံးပြုကာ မိမိတို့၏ အကောင့်များနှင့် ဝန်ဆောင်မှုများကို MPT4U အက်ပလီကေးရှင်းကို အသုံးပြုပြီး အဆင်ပြေချောမွေ့စွာ ဆောင်ရွက်နိုင်ပါသည်။ အသေးစိတ် ထပ်မံသိရှိလိုပါက Hotline ဖုန်းနံပါတ် 106 သို့ခေါ်ဆို၍သော် လည်းကောင်း၊ MPT ၏ ဝက်ဘ်ဆိုက်ဖြစ်သော www.mpt.com.mm သို့မဟုတ် MPT ၏ တရားဝင် လူမှုကွန်ရက်စာမျက်နှာ ဖြစ်သည့် www.facebook.com/mptofficialpage တို့တွင် ဝင်ရောက်ကြည့်ရှု လေ့လာနိုင်ပါသည်။

MPT ၏ နိုင်ငံတစ်ဝန်းလူမှုအကျိုးပြုလုပ်ငန်း ဆောင်ရွက်မှုများနှင့်ပတ်သက်သည့် သတင်းအချက်အလက် များအား ပိုမိုသိရှိလိုပါက http://mpt.com.mm/en/about-home-en/csr-activities/ သို့ ဝင်ရောက်လေ့လာ ကြည့်ရှုနိုင်ပါသည်။

COVID-19 ရောဂါ ကာကွယ်၊ ထိန်းချုပ်၊ ကုသရေး လုပ်ငန်းစဉ်များတွင် အထောက်အပံ့ပြုလှူဒါန်းလိုသူ MPT သုံးစွဲသူများအနေဖြင့် SMS မှတစ်ဆင့် လှူဒါန်းနိုင်မည့် အစီအစဉ်ကို MPT မှ ပြန်လည်ဖွင့်လှစ်

COVID-19 ရောဂါ ကာကွယ်၊ ထိန်းချုပ်၊ ကုသရေး လုပ်ငန်းစဉ်များတွင် အထောက်အပံ့ပြုလှူဒါန်းလိုသူ MPT သုံးစွဲသူများအနေဖြင့်
SMS မှတစ်ဆင့် လှူဒါန်းနိုင်မည့် အစီအစဉ်ကို MPT မှ ပြန်လည်ဖွင့်လှစ်

(ရန်ကုန်၊ ၂၀၂၀ ပြည့်နှစ်၊ အောက်တိုဘာလ ၃ ရက်) – မြန်မာနိုင်ငံ၏ ပထမဆုံးနှင့် ဉီးဆောင်ဆက်သွယ်ရေး အော်ပရေတာ ဖြစ်သည့် MPT က မြန်မာနိုင်ငံအတွင်း COVID-19 ရောဂါ ကူးစက်မှု အရှိန်အဟုန် မြင့်တက်နေခြင်းနှင့်အတူ COVID-19 ရောဂါ ကာကွယ်ထိန်းချုပ်ကုသရေးလုပ်ငန်းများတွင် အထောက်အပံ့ပြု လှူဒါန်းလိုသူ MPT သုံးစွဲသူ ပြည်သူများအနေဖြင့် SMS (စာတို) ပေးပို့ခြင်းမှတစ်ဆင့် လှူဒါန်းနိုင်မည့် အစီအစဉ်ကို အောက်တိုဘာလ (၃) ရက်နေ့မှ စတင်၍ ပြန်လည်ဖွင့်လှစ်လိုက်ပြီဖြစ်ပါသည်၊၊ ယခုအစီအစဉ်ကို COVID-19 ပထမလှိုင်းဖြစ်ပွားစဉ် ကာလအတွင်း COVID-19 ရောဂါ ကာကွယ်၊ ထိန်းချုပ်၊ ကုသရေး လုပ်ငန်းစဉ်များတွင် အထောက်အပံ့ပြုနိုင်စေရန် ရည်ရွယ်၍ လွန်ခဲ့သည့် ဧပြီလမှ မေလအတွင်း အကောင်အထည်ဖော် ဆောင်ရွက်ခဲ့ ပြီး ရရှိခဲ့သည့် လှူဒါန်းငွေများအားလုံးကို Corona Virus Disease 2019 (COVID-19) ကာကွယ်၊ ထိန်းချုပ်၊ ကုသရေး အမျိုးသားအဆင့်ဗဟိုကော်မတီသို့ လွှဲပြောင်းလှူဒါန်းခဲ့ပြီးဖြစ်ပါသည်၊၊

ယခု အစီအစဥ်တွင် ပါဝင်လှူဒါန်းလိုသူ MPTသုံးစွဲသူ ပြည်သူများအနေဖြင့် 9900 သို့ 500 ဟုရိုက်နှိပ်ပြီး SMS(စာတို) ပေးပို့ခြင်းဖြင့် တစ်ကြိမ်လျှင် အလှူငွေကျပ် ၅၀၀ ကို အကြိမ်အရေအတွက် ကန့်သတ်ထားခြင်းမရှိဘဲ မိမိတို့ ဖုန်းဘေလ်ရှိသလောက် ပါဝင် လှူဒါန်းနိုင်မည်ဖြစ်ကာ မည်သည့်ဝန်ဆောင်ခမျှကျသင့်ခြင်းမရှိပါ၊၊ GSM/WCDMA စနစ်ကို အသုံးပြုသည့် ကြိုတင်ငွေဖြည့်စနစ်ကို သုံးစွဲသူ ဖြစ်စေ၊ အသုံးပြုပြီးမှ ငွေပေးချေသည့်စနစ်ကို သုံးစွဲသူဖြစ်စေ မည်သူမဆို ပါဝင်လှူဒါန်းနိုင်ပါသည်၊၊ အသုံးပြုပြီးမှ ငွေပေးချေသည့်စနစ်ကို သုံးစွဲသူများအတွက် လှူဒါန်းလိုက်သည့် ငွေပမာဏကို ငွေတောင်းခံလွှာတွင် ထည့်သွင်း ကောက်ခံသွားမည် ဖြစ်ပြီး ကြိုတင်ငွေဖြည့်စနစ် အသုံးပြုသူများအတွက်မူ ငွေဖြည့်သွင်းထားသည့် ပမာဏထဲမှနုတ်ယူသွားမည်ဖြစ်ပါသည်၊၊

“မြန်မာ့ဆက်သွယ်ရေးလုပ်ငန်း အနေနဲ့ မြန်မာနိုင်ငံမှာ COVID-19 ရောဂါ စတင်ဖြစ်ပွားချိန်ကစပြီး အများပြည်သူတွေကို ဆက်သွယ်ရေးဆိုင်ရာ ဝန်ဆောင်မှုတွေ အဆက်မပြတ်ပေးအပ်နိုင်ဖို့ ကြိုးပမ်းဆောင်ရွက် နိုင်ခဲ့ရုံသာမက COVID-19 ရောဂါ ကာကွယ်၊ထိန်းချုပ်၊ ကုသရေး လုပ်ငန်းစဉ်တွေမှာလည်း အကူအညီ ဖြစ်စေဖို့အတွက် လိုအပ်တဲ့လှူဒါန်းမှုတွေနဲ့ ဆက်သွယ်ရေးဆိုင်ရာ အထောက်အပံ့ တွေကို ဆောင်ရွက် ပေးခဲ့ပါတယ်။ COVID-19 ပထမလှိုင်းအတွင်း SMS (စာတို) ပေးပို့လှူဒါန်းခြင်းအစီအစဉ် ကနေ MPTသုံးစွဲသူများရဲ့ လှူဒါန်းငွေကျပ်သိန်း ၂၀၀ ကျော်ကိုလည်း COVID-19 အမျိုးသားအဆင့်ဗဟိုကော်မတီကို အောင်မြင်စွာ လွှဲပြောင်း လှူဒါန်းနိုင်ခဲ့ပြီး ဖြစ်ပါတယ်၊၊ ဒါ့အပြင် MPT အနေနဲ့ ငွေကျပ် သိန်း(၁,၀၀၀) ကို လည်းထပ်မံလှူဒါန်း နိုင်ခဲ့ပါတယ်။ အခုလို ကူးစက်ပျံ့ပွားမှု ပြန်လည်မြင့်တက် လာချိန်မှာ MPT သုံးစွဲသူအများပြည်သူတွေအဖို့ ကိုရိုနာဗိုင်းရပ်စ်ရောဂါ ကာကွယ်၊ ထိန်းချုပ်၊ ကုသရေးလုပ်ငန်းစဉ်တွေမှာ တစ်တပ်တစ်အားပါဝင်လှူဒါန်းနိုင်ဖို့အတွက် အခုလို SMS စနစ်နဲ့ လှူဒါန်းနိုင်မယ့် အစီအစဥ်ကို ပြန်လည်ဖွင့်လှစ်ပေးလိုက်တာဖြစ်ပါတယ်၊၊” ဟု MPT-KSGM Joint Operations မှ လုပ်ငန်းလည်ပတ်မှုဌာနကြီး၏ ဒုတိယ အရာရှိချုပ် ဖြစ်သူ ဉီးမျိုးသန်းက ပြောကြားခဲ့ပါသည်၊၊

တာဝန်သိပြည်တွင်းဆက်သွယ်ရေး အော်ပရေတာတစ်ခုဖြစ်သည့် MPT သည် “မြန်မာပြည်နှင့်အတူ ရှိနေမည်” ဟူသည့်ဆောင်ပုဒ်နှင့်အညီနိုင်ငံတစ်ဝန်း COVID-19 ရောဂါကာကွယ်၊ ထိန်းချုပ်၊ ကုသရေးလုပ်ငန်းစဉ်များတွင် ဘက်ပေါင်းစုံမှ ဆက်လက်ကာ ကူညီပံ့ပိုးလျက်ရှိပါသည်၊၊ ဆက်သွယ်ရေးဆိုင်ရာကူညီထောက်ပံ့မှုများအဖြစ် ဖိုင်ဘာအင်တာနက် ချိတ်ဆက်ပေးခြင်း၊ အော်တိုတယ်လီဖုန်းလိုင်းများ တပ်ဆင်ပေးခြင်း ၊ဆင်းမ်ကတ်နှင့် ငွေဖြည့်ကတ်များလှူဒါန်းခြင်း၊ သုံးစွဲသူပြည်သူများသို့ နှာခေါင်းစည်းလှူဒါန်းခြင်းနှင့် နိုင်ငံတစ်ဝန်းရှိ မိဘမဲ့ဂေဟာများသို့ အခြေခံစားသောက်ကုန် လှူဒါန်းခြင်းတို့ကို ဆောင်ရွက်ပေးခဲ့ပါသည်။

ထို့အပြင် မကြာသေးမီကလည်း ဖောင်ကြီး COVID-19 ကုသရေးစင်တာအတွက် လိုအပ်သော မြန်နှုန်းမြင့် ဖိုင်ဘာအင်တာနက်လိုင်းများ တိုးချဲ့ ဆောင်ရွက်ပေးခဲ့ပြီး ဖြစ်ပါသည်၊၊ အလားတူပင် ဧရာဝတီဖောင်ဒေးရှင်းနှင့် ကျန်းမာရေးနှင့်အားကစားဝန်ကြီးဌာန တို့ပူးပေါင်းဆောင်ရွက်ထားသော COVID-19 အရေးပေါ် ကုသရေးဌာန ဧရာဝတီစင်တာ (သုဝဏ္ဏ) တွင် အင်တာနက် ရရှိ အသုံးပြုနိုင်ရန် လိုအပ်သော ဆက်သွယ်ရေးဆိုင်ရာ ကူညီထောက်ပံ့မှုများအဖြစ် မြန်နှုန်းမြင့် ဖိုင်ဘာအင်တာနက်လိုင်းများ၊ ဝိုင်ဖိုင် နှင့်ဆက်စပ် ပစ္စည်းများ ကို ထောက်ပံ့ ဆောင်ရွက် လျက်ရှိပါသည်၊၊

မြန်မာ့ဆက်သွယ်ရေးလုပ်ငန်း MPT မှ COVID-19 ကာကွယ်၊ထိန်းချုပ်၊ ကုသရေး လုပ်ငန်းစဉ်များအတွက် ဆောင်ရွက်ပေးနေသည်များနှင့် MPT ၏ လူမှုအကျိုးပြုလုပ်ငန်းဆောင်ရွက်မှုများနှင့်ပတ်သက်၍ အသေးစိတ် သိရှိလိုပါက https://www.mpt.com.mm/mm သို့မဟုတ် MPT ၏ တရားဝင်လူမှုကွန်ရက်စာမျက်နှာဖြစ်သော https://web.facebook.com/mptofficialpage နှင့် MPT ၏ လိုတရ စာမျက်နှာ http://mptcsr.foc.lotayamm.com/mptyouth တို့တွင်ဝင်ရောက် ကြည့်ရှုနိုင်ပါသည်။

MPT အနေဖြင့် COVID-19 ကာကွယ်၊ထိန်းချုပ် ကုသရေး လုပ်ငန်းစဉ် များတွင် ဖိုင်ဘာ အင်တာနက်များချိတ်ဆက်ဆောင်ရွက်လှူဒါန်းပေးခြင်းဖြင့် ဆက်သွယ်ရေး အထောက်အပံ့များ တိုးချဲ့ဆောင်ရွက်

MPT အနေဖြင့် COVID-19 ကာလအတွင်း မရှိမဖြစ်လိုအပ်သည့် ဆက်သွယ်ရေးဆိုင်ရာ အထောက်အပံ့များ ဖြစ်သော ဖိုင်ဘာအင်တာနက် ဝန်ဆောင်မှုနှင့် ဖုန်းလိုင်းဆက်သွယ်မှုများကို လွန်ခဲ့သည့် ဧပြီလမှ စတင်ပြီး ဖောင်ကြီး COVID-19 ကုသရေးစင်တာ အပါအဝင် တိုင်းဒေသကြီး/ပြည်နယ်အသီးသီးမှ အသွားအလာကန့်သတ် ဆောင်ရွက်ထားသည့် နေရာ ၆၀ ကျော်ကို ချိတ်ဆက်ဆောင်ရွက်ပေးခဲ့ပြီးဖြစ်ကာ ယခုလိုရောဂါပိုးတွေ့ရှိမှု များပြားလာသည့် အချိန်တွင် ဖောင်ကြီး COVID-19 ကုသရေး စင်တာအတွက် ထပ်မံလိုအပ်လျက် ရှိသော ဖိုင်ဘာအင်တာနက်လိုင်း ၃ လိုင်းကို ယခင်အပတ်ကပင် တိုးချဲ့ဆောင်ရွက်ပေးခဲ့ပြီးဖြစ်သည်။

ဆက်လက်၍လည်း ကျန်းမာရေးနှင့်အားကစားဝန်ကြီးဌာနနှင့် ဧရာဝတီဖောင်ဒေးရှင်းတို့ပူးပေါင်း ဆောင်ရွက်ထားသော အတည်ပြုလူနာ ၄၁၆ နှင့် ကျန်းမာရေးဝန်ထမ်းနှင့် စေတနာ့ဝန်ထမ်း (၁၀၀) ဉီးတို့နေထိုင်နိုင်မည့် Covid-19 အရေးပေါ်ရောဂါကုသရေးဌာန (သုဝဏ္ဏ)တွင် အင်တာနက် ရရှိအသုံးပြုနိုင်ရန် လိုအပ်သော ဆက်သွယ်ရေးဆိုင်ရာ ကူညီထောက်ပံ့မှုများအဖြစ် ဖိုင်ဘာအင်တာနက်လိုင်းနှင့် Wi-Fi စနစ်တပ်ဆင်ခြင်းနှင့်ဆက်စပ်ပစ္စည်းများကို MPT မှထောက်ပံ့ဆောင်ရွက်ပေးလျက်ရှိပါသည်။
ယခုလို COVID-19 ကူးစက်မှုမြင့်မားလာသည့်ကာလအတွင်းတွင် MPT အနေဖြင့် မြန်မာပြည်သူများနှင့် လူမှုအသိုင်းအဝိုင်းတို့အတွက် လိုအပ်သည့် အထောက်အပံ့များကို ဆောင်ရွက်လျက်ရှိပြီး လွန်ခဲ့သည် ဧပြီလမှ စတင်ကာ MPT အနေဖြင့် တိုင်းနှင့်ပြည်နယ် အသီးသီးတွင် COVID-19 ရောဂါ ကာကွယ်၊ ထိန်းချုပ်၊ ကုသရေးလုပ်ငန်းစဉ်များ အတွက်လိုအပ်သည့် အခြားသော လှူဒါန်းမှုများကိုလည်း ဆောင်ရွက်ခဲ့ပါသည်။

#မြန်မာပြည်နှင့် အတူရှိနေမည့် MPT

MPT မှ မြန်မာ့နှစ်သစ်ကူးအထိမ်းအမှတ်အဖြစ် မြန်မာ့ရိုးရာဓလေ့ကို ထိန်းသိမ်းခြင်းနှင့်အတူ နိုင်ငံအဝှမ်းလှူဒါန်းမှုများ ဆောင်ရွက်သွားမည်

(ရန်ကုန်၊ ၂၀၁၉ ခုနှစ်၊ ဧပြီလ ၂ ရက်) – မြန်မာနိုင်ငံ၏ ပထမဦးဆုံးနှင့် ဦးဆောင်ဆက်သွယ်ရေး အော်ပရေတာဖြစ်သည့် MPT သည် ဆက်သွယ်ရေး ဝန်ဆောင်မှုများကို ဖြည့်ဆည်းပေးခြင်းနှင့်အတူ မြန်မာ့လူမှုအဖွဲ့အစည်းသို့လည်း လိုအပ်နေသော အကူအညီများ ကို ထောက်ပံ့ဆောင်ရွက်ပေးလျက်ရှိကာ လွန်ခဲ့သောလေးနှစ်တာ ကာလအတွင်းတွင် လူမှုရေး လုပ်ငန်းများဆောင်ရွက်ခြင်းမှ တစ်ဆင့် မြန်မာကျပ်ငွေ သန်းပေါင်း ၆,၀၀၀ ကျော်အထိ ကူညီထောက်ပံ့ပေးနိုင်ခဲ့ပြီး ဖြစ်သည်။

လူမူအသိုက်အဝန်းအတွင်း တာဝန်သိလူမှုအကျိုးပြုလုပ်ငန်းများကို အလေးထားဆောင်ရွက်နေသည့် အဖွဲ့အစည်းဖြစ်သော MPTအနေဖြင့် ပညာရေး၊ ကျန်းမာရေး၊ စွန့်ဦးတီထွင်နှင့်စီးပွားရေးလုပ်ငန်းငယ် စသည့် အဓိက မဏ္ဍိုင်ကြီး သုံးရပ်တွင် မြန်မာနိုင်ငံကို ရှေ့သို့လှမ်းချီစေမည့် အနာဂတ်လူငယ်များကို အထောက်အပံ့ ဖြစ်စေရန် အထူးအလေးထားပြီး စိတ်အားထက်သန်စွာဖြင့် နိုင်ငံအနှံ့လှုပ်ရှား ဆောင်ရွက် နေပါသည်။

ယခုနှစ်အတွက် မြန်မာနှစ်ကူးမဟာသြင်္ကန်အထိမ်းအမှတ်အဖြစ် မြန်မာ့ရိုးရာဓလေ့ထုံးတမ်း အစဉ်အလာများကို ဆက်လက်ထိန်းသိမ်းကာ နှစ်သစ်ကူးအခါသမယအတွင်း တစ်နိုင်ငံလုံး အတိုင်းအတာဖြင့် လှူဒါန်းမှုများကို ကျယ်ကျယ်ပြန့်ပြန့် လုပ်ဆောင်သွားမည် ဖြစ်ကြောင်းကို ထုတ်ပြန်ကြေညာလိုက်ပါသည်။ လာမည့် ဧပြီလ ၄ ရက် နှင့် ၅ ရက် တို့တွင် MPT ၏ အကြီးတန်းအရာရှိများအပါအဝင် တိုင်းနှင့်ပြည်နယ်အသီးသီးရှိ ဌာနအသီးသီးတွင် တာဝန် ထမ်းဆောင်နေကြသော ဝန်ထမ်းများအနေဖြင့် နိုင်ငံအဝှမ်းရှိ ဘိုးဘွားရိပ်သာများ၊ ကျောင်းများ၊ ဘုန်းတော်ကြီးသင်ပညာရေးကျောင်းများ၊ မိဘမဲ့ဂေဟာများ အစရှိသည့် လူမှုအကျိုးပြု အဖွဲ့အစည်းများ ရှိသည့် နေရာဒေသ ၄၈ ခုတွင် လှူဒါန်းမှုများကို ဆောင်ရွက်သွားမည်ဖြစ်ကာ စုစုပေါင်း မြန်မာကျပ်ငွေ သိန်းပေါင်း ၁,၀၀၀ ကို တစ်နိုင်ငံလုံး အတိုင်းအတာဖြင့် အသုံးပြု ဆောင်ရွက် သွားမည်ဖြစ်သည်။

MPT၏ ဦးဆောင်ညွှန်ကြားရေးမှူး (MPT-KSGM Joint Operations ၏ ဒုတိယအမှုဆောင် အရာရှိချုပ်) ဖြစ်သည့် ဦးခင်မောင်ထွန်းမှ ယခုနှစ်ပြုလုပ်မည့် သြင်္ကန်နှစ်ကူး လူမှုအကျိုးပြုအစီအစဉ်များနှင့်ပတ်သက်၍ “ ကျွန်တော်တို့ MPT အနေနဲ့ မြန်မာတို့ရဲ့ထုံးတမ်းအစဉ်အလာတစ်ခုဖြစ်တဲ့ နှစ်သစ်ကူးအလှူကို ဆောင်ရွက်နိုင်တဲ့ အတွက် အထူးပဲ ကျေနပ်ဝမ်းမြောက်မိပါတယ်။ အခုလို နှစ်သစ်ကူး အခါသမယတိုင်းမှာ နှစ်ကူးအလှူကို ဆောင်ရွက်ပေးနေတာဟာ ကျွန်တော်တို့မြန်မာ့ဆက်သွယ်ရေး လုပ်ငန်းရဲ့ ပြုလုပ်နေကျ လက္ခဏာတစ်ခုပဲ ဖြစ်ပါတယ်။ ကျွန်တော်တို့ အနေနဲ့ အမှန်တကယ်အကူအညီ လိုအပ်နေတဲ့နေရာတွေကို ဦးတည်ထားပြီး ဆောင်ရွက်နေတာဖြစ်သလို တကယ်လိုအပ်နေတဲ့ နေရာတွေကို အထောက်အပံ့ ဖြစ်စေတဲ့အတွက် အထူးပဲ ဝမ်းသာပီတိ ဖြစ်ရပါတယ်။ ရှေ့ဆက်ပြီးတော့လည်း အနာဂတ်မျိုးဆက်သစ် လူငယ်တွေရဲ့ ဦးဆောင်မှုကို လက်ဆင့်ကမ်းပေးတဲ့ အနေနဲ့ ကျွန်တော်တို့ရဲ့ နိုင်ငံအဝှမ်းက ဝန်ထမ်းတွေနဲ့ မိတ်ဖက်အဖွဲ့အစည်းတွေနဲ့အတူ အဓိက ကဏ္ဍကြီး (၃) ရပ်မှာ လူမှုအကျိုးပြုလုပ်ငန်းတွေကို ဆောင်ရွက် သွားဦးမှာပဲဖြစ်ပါတယ်။
အခုလိုနှစ်သစ်အခါသမယမှာ မြန်မာတစ်နိုင်ငံလုံးက မိဘပြည်သူတွေ စိတ်ချမ်းသာ ကိုယ်ကျန်းမာ ပါစေကြောင်းနဲ့ ကျွန်တော်တို့ရဲ့ သုံးစွဲသူတွေဆီ အကောင်းဆုံးသော ဝန်ဆောင်မှုတွေကို ဆက်လက်ပြီး ဆောင်ကျဉ်း ပေးသွားမယ် ဆိုတာကိုလည်း MPT က ကတိပြုလိုပါတယ်။ အားလုံးပဲ ပျော်ရွှင်စရာ နှစ်သစ် မင်္ဂလာ ဖြစ်ပါစေလို့ ဆန္ဒပြုလိုက်ပါတယ်” ဟုပြောကြားခဲ့ပါသည်။

MPT အနေဖြင့် အောက်ပါနေရာဒေသများသို့ ဧပြီလ ၄ ရက် နှင့် ၅ ရက်များတွင် လှူဒါန်းသွားမည် ဖြစ်ပါသည်။

<
စဉ် ပြည်နယ် / တိုင်းဒေသကြီး နေရာ
၁။ရန်ကုန် တိုင်းဒေသကြီး ချမ်းမြေ့ရိပ်သာကျောင်း ၊ မိုးကုန်ဝိပဿနာ တရားစဉ် နှင့် လုပ်ငန်းစဉ် ပြန့်ပွားရေးအသင်းချုပ် ၊ မသန်စွမ်းသက်ငယ်သင်တန်းကျောင်း
၂။ မန္တလေးတိုင်းဒေသကြီး အဝါရောင်မျိုးဆက်သစ်လူငယ် ပရဟိတအသင်း နှင့် မန္တလေးတောင် ဘိုးဘွားရိပ်သာ
၃။ စစ်ကိုင်းတိုင်းဒေသကြီး ရွှေဘိုသီရိမင်္ဂလာ ဘိုးဘွားရိပ်သာ
၄။ မကွေးတိုင်းဒေသကြီး ရွှသာသနာ့ဂုဏ်ရည် သီလရှင်ကျောင်းနှင့် မြတ်ရတနာ နာရေးကူညီမှုအသင်း ပဲခူးတိုင်းဒေသကြီး (အရှေ့ပိုင်း)
၅။ ပဲခူးတိုင်းဒေသကြီး (အရှေ့ပိုင်း) ခေါင်းဆေးကန်ဘုန်းတော်ကြီးသင်ပညာရေးကျောင်း ဥဿမြို့သစ်
၆။ ပဲခူးတိုင်းဒေသကြီး ခရတနာမဉ္ဇူရီ မိဘမဲ့ကျောင်း (ပြည်မြို့) နှင့် အဝါရောင်မျိုးဆက်သစ်လူငယ် ပရဟိတအသင်း မိုးညိုမြို့
၇။ ဧရာဝတီတိုင်းဒေသကြီ အဝါရောင်မျိုးဆက်သစ်လူငယ် ပရဟိတအသင်း
၈။ တနင်္သာရီတိုင်းဒေသကြီ OHC သက်ကြီးစောင့်ရှောက်ရေး(ထားဝယ်)၊ ဇေယျဘူမိ ဘုန်းတော်ကြီးသင်ပညာရေးကျောင်း(ထားဝယ်)၊ အရိုးဆေးကန် ဘုန်းတော်ကြီးသင်ပညာရေးကျောင်း (ထားဝယ်)
၉။ နေပြည်တေ စမတောင် မိဘမဲ့ကလေးကျောင်း နှင့် ကရုဏာကမ္ဘာ ဘိုးဘွားရိပ်သာ
၁၀။ ကချင်ပြည်နယ် ပေးဆပ်သူလူမှုကူညီရေးအသင်း (အံတော်ရှင်)၊ မျက်မမြင်ကျောင်း (ဂျာမိုင်းကောင်း)၊ မျှော်လင့်ခြင်းအသစ် မိသားစုဂေဟာ နှင့် မျှော်လင့်ခြင်း ဂေဟာ
၁၁။ ကယားပြည်နယ် ပရွှေလွိုင်ကော် ပရဟိတအဖွဲ့၊ ထီးပွင့်ကန် ဘုန်းတော်ကြီးကျောင်း နှင့် ချမ်းမြေ့သိဒ္ဓိ ဒေါတမကြီး ဘုန်းတော်ကြီးကျောင်
၁၂။ ကရင်ပြည်နယ် ပချမ်းကလေး ဘက ဘုန်းတော်ကြီးသင်ပညာရေးကျောင်း နှင့် ပေးဆပ်သူ လူမှုကယ်ဆယ်ရေး အဖွဲ
၁၃။ ချင်းပြည်နယ် ပသာသနာပြန့်ပွားရေးသီလရှင်ကျောင်း၊ ဇိုင်ယွန် နှစ်ခြင်းမိဘမဲ့ဂေဟာ၊ ဟားခါး နှစ်ခြင်းမိဘမဲ့ဂေဟာ၊ Baytayle နှစ်ခြင်းဘိုးဘွားရိပ်သာ နှင့် ဟက်ပီး ယူစီပီ မိဘမဲ့ဂေဟာ
၁၄။ မွန်ပြည်နယ် ပကျောက်ကလာပ် ဘုန်းတော် ကြီးသင်ပညာရေးကျောင်း၊ ကျိုက်ထို ဘိုးဘွားရိပ်သာ၊ ကျိုက်ထို ဘုန်းတော်ကြီးသင်ပညာရေးကျောင်း ၊ ညောင်ပင်ဆိပ် ဘုန်းတော်ကြီးသင်ပညာရေးကျောင်းနှင့် ဘိုဘိုဝင်းမော်လမြိုင်လူမှုရေးအဖွဲ့အစည်း
၁၆။ ရှမ်းပြည်နယ် (အရှေ့ပိုင်း) ဗုဒ္ဓဥယျာဉ်ဘုန်းတော်ကြီးကျောင်း နှင့် ကျောင်းထိုင်သင်တန်းကျောင်း
၁၇။ ရှမ်းပြည်နယ် (တောင်ပိုင်း) ပ ပညာဥယျာဉ် ဘုန်းတော်ကြီးသင်ပညာရေးကျောင်း နှင့် တောင်ကြီးမသန်စွမ်း ကျောင်း
၁၈။ ရှမ်းပြည်နယ် (မြောက်ပိုင်း) လူမျိုးဘာသာမရွေးစောင့်ရှောက်မှုအသင်း ကျောက်ကပ်ဌာန (လားရှိုး)၊ မိုးကောင်းသီလရှင်ကျောင်း၊ ဆင်းရွှေလီ ဘိုးဘွားရိပ်သာ(လားရှိုး) နှင့် ကရုဏာ လူမှုအဖွဲ့အစည်း

မြန်မာနိုင်ငံအတွင်းရှိ လူမှုအသိုင်းအဝန်းအတွက် အကျိုးအမြတ်ကောင်းများကို ဖော်ဆောင်ပေးနိုင်ရန်အတွက် MPT အနေဖြင့် လူမှုအကျိုးပြုလုပ်ငန်းများကို ဆောင်ရွက်ရာတွင် အဓိကကဏ္ဍ သုံးရပ်ဖြစ်သော ပညာရေး၊ ကျန်းမာရေး၊ စွန့်ဦးတီထွင်နှင့်် စီးပွားရေးလုပ်ငန်းငယ်များကို ဦးတည်ထားကာ ဆောင်ရွက်နေပြီး ဥပမာအနေဖြင့် ပညာရေးကဏ္ဍတွင် MPT သည် “ ရှေ့သို့လှမ်းချီဒီဂျစ်တယ်ပညာရေးဆီ” အစီအစဉ် ကို NLD ပညာရေး ကွန်ရက်နှင့်အတူ လူငယ်များအတွက် ကွန်ပျူတာအခြေခံ သင်တန်းများကိုပေးအပ်ကာ လက်တွဲဆောင်ရွက်ခဲ့ပြီး ကျန်းမာရေးကဏ္ဍအတွက် သန့်ရှင်းပြည့်ဖြိုး ရေအကျိုး အစီအစဉ်ကို NAG နှင့် BAJ စသည့် NGO တို့နှင့်အတူ ပူးပေါင်းပြီးလည်းကောင်း၊ အနာဂတ်မျိုးဆက်သစ် လူငယ်များအား ပျိုးထောင်ပေးနိုင်ရန် “ မြန်မာလူငယ် နည်းပညာ စွန့်ဦးတီတွင် ဖွံ့ဖြိုးရေးအစီအစဉ်” ကို မြန်မာနိုင်ငံကွန်ပျူတာအသင်းချုပ်နှင့် အတူတကွ ပူးပေါင်း၍ လည်းကောင်းအသီးသီး အကောင်အထည်ဖော် ဆောင်ရွက်ခဲ့ပြီး ဖြစ်သည်။
ထို့အပြင် အခြားသော လူမှုအကျိုးပြု အစီအစဉ်များဖြစ်သည့် ပတ်ဝန်းကျင်သန့်ရှင်းရေး အစီအစဉ်များ၊ သွေးလှူဒါန်းခြင်းများ၊ သစ်ပင်စိုက်ပျိုးခြင်းများ စသည့် အကျိုးပြုလုပ်ငန်းများတွင်လည်း ဒေသခံပြည်သူများနှင့် ပရဟိတအဖွဲ့များနှင့်အတူ MPT ဝန်ထမ်းများစုပေါင်း၍ တစ်နိုင်ငံလုံးအတိုင်းအတာဖြင့် ပါဝင် ဆောင်ရွက်လျက် ရှိသည်။
MPT ၏ လူမှုအကျိုးပြုလုပ်ငန်းများအကြောင်းကို ဖော်ပြသည့် ရုပ်သံဗွီဒီယိုများကို အောက်ပါ လိုတရ ဝက်ဘ်ပေါ်တယ်တွင်ဝင်ရောက်ပြီး MPT ၏ မိုဘိုင်းဖုန်းဖြင့် ဖုန်းဘေလ် ကုန်ကျမှုမရှိဘဲ လေ့လာနိုင်ပါသည်။
https://lotaya.mpt.com.mm/service/mptcsr

အလားတူပင် MPT ၏ လူမှုအကျိုးပြုလှုပ်ရှားမှုများနှင့် ပတ်သက်သည့် အချက်အလက်များ အပြင်၊ MPT ၏ အခြားသော စိတ်ဝင်စားဖွယ် ဝန်ဆောင်မှုနှင့် အရောင်းမြှင့်တင်မှု ဆောင်ရွက်ချက်များအား ပိုမိုသိရှိလိုပါလျှင် ၁၀၆ သို့ ဖုန်းခေါ်ဆို၍ဖြစ်စေ၊ www.mpt.com.mm သို့ဝင်ရောက်၍ဖြစ်စေ၊ MPT ၏ တရားဝင် Facebook page https://www.facebook.com/mptofficialpage သို့ ဝင်ရောက်၍ဖြစ်စေ လေ့လာနိုင် မည် ဖြစ်ပါသည်။

အသက်ပေါင်းများစွာကို ကယ်တင်နိုင်ရန်အတွက် MPT ၏ (၇) ကြိမ်မြောက် နိုင်ငံအဝှမ်း စုပေါင်းသွေးလှူဒါန်းပွဲတွင် ပါဝင်လှူဒါန်းနိုင်ရန် အများပြည်သူတို့ကို ဖိတ်ခေါ်

(ရန်ကုန် – ၂၀၁၉ ခုနှစ်၊ မတ်လ ၈ ) သန့်စင်၍ အသက်ကယ်နိုင်သော သွေးကို ဆေးဝါးကုသမှုတွင် အသုံးချခြင်း၏ အရေးပါမှု နှင့် နိုင်ငံအဝှမ်းသွေးလှူဒါန်းခြင်း၏ အရေးပါမှုတို့အား အများပြည်သူတို့အကြား သိရှိနားလည်မှု မြင့်မားလာစေရေးအတွက် မြန်မာနိုင်ငံ၏ အကြီးမားဆုံးနှင့် ဦးဆာင် ဆက်သွယ်ရေးအော်ပရေတာ ဖြစ်သည့် MPT အနေဖြင့် ၎င်း၏ ပုံမှန်ဆောင်ရွက်နေသော တစ်နိုင်ငံလုံးအနှံ့ သွေးလှူဒါန်းခြင်းကို ယခုနှစ် မတ်လ ၁၅ ရက်နေ့တွင် ထပ်မံပြီး ဆောင်ရွက်သွား မည် ဖြစ်ပါသည်။ ယခု လိုလှူဒါန်းခြင်းကို ရန်ကုန်မြို့ရှိ အမျိုးသားသွေးဌာနတွင် ကျင်းပသွားမည် ဖြစ်သကဲ့သို့၊ နိုင်ငံတစ်ဝှမ်းလုံး အတိုင်းအတာအဖြစ် ဆေးရုံ/သွေးဌာန ၁၇ ခု ၌ တစ်ပြိုင်တည်း ကျင်းပသွားမည် ဖြစ်ပါသည်။

MPT အနေဖြင့် လူမှုအသိုက်အဝန်းအား ကူညီထောက်ပံ့မှုဆိုင်ရာ ပင်မတန်ဖိုးများအဖြစ် ၎င်း၏ “နှလုံးသားထဲကမြန်မာ” ဟူသည့် ဆောင်ပုဒ်နှင့်အညီ ဆောင်ရွက်လျက်ရှိပြီး ယခု သွေးလှူဒါန်းခြင်းသည် MPT က (၇) ကြိမ်မြောက် အဖြစ် ဦးဆောင်လှုပ်ရှားခြင်းလည်း ဖြစ်ပါသည်။ ပြီးခဲ့သည့် (၆) ကြိမ်အတွင်း MPT အနေဖြင့် တစ်နိုင်ငံလုံးအနှံ့ သွေးလှူဒါန်းခြင်းကို ဆောင်ရွက်ခဲ့ရာတွင် ပါဝင်လှူဒါန်းသူပေါင်း ၃,၀၀၀ ကျော်ဖြင့် စံချိန်တင်ထားနိုင်ခဲ့ပြီး MPT ၏ ဝန်ထမ်းများနှင့် အများပြည်သူများ၏ ပါဝင်လှူဒါန်းမှုများကြောင့် မြန်မာတစ်နိုင်ငံ လုံးရှိ သွေးလှူဘဏ်များနှင့် ဆေးရုံများအတွက် လိုအပ်လျက်ရှိသော သွေးလိုအပ်ချက်အားစေတနာ့ ဝန်ထမ်းများ၏ စွမ်းအားဖြင့် ဖြည့်ဆည်းပေးနိုင်ခဲ့ပါသည်။
သွေးလှူရှင်အရေအတွက်သည် နှစ်စဉ်နှင့်အမျှ တိုးတက်လာနေသော်လည်း ၊ မြန်မာနိုင်ငံ တွင် သွေးလှူဒါန်းခြင်းမှာ နည်းပါးနေလျက် ရှိခြင်းကြောင့် ယခုကျင်းပမည့် (၇) ကြိမ်မြောက် သွေးလှူဒါန်းခြင်း အစီအစဉ်တွင် ပြည်သူများ ပိုမိုပါဝင်လာ နိုင်ရန် MPT အနေဖြင့် မျှော်လင့်လျက် ရှိပါသည်။ တန်ဖိုးရှိသည့် သွေးများ ပိုမိုရရှိနိုင်ပါက နိုင်ငံအဝှမ်းရှိ ပြည်သူများ၏ အသက်များကို ပိုမိုကယ်တင်နိုင်မည် ဖြစ်ခြင်းကြောင့် သွေးလှူရှင်အရေအတွက် ပိုမိုတိုးတက်လာစေရန် လိုအပ်လျက် ရှိပါ သည်။

MPT-KSGM Joint Operations မှ လုပ်ငန်းလည်ပတ်မှုဌာနကြီး၏အရာရှိချုပ်ဖြစ်သူ Mr. Yoshiaki Benino ကလည်း “ကျွန်တော်တို့အနေနဲ့ ကျန်းမာသန်စွမ်းတဲ့မိဘပြည်သူတွေကိုမတ်လ ၁၅ ရက်နေ့မှာ တစ်နိုင်ငံ လုံးမှာရှိတဲ့ သတ်မှတ်ထားတဲ့ ဆေးရုံတွေ ၊ သွေးဌာနတွေမှာ သွေးအနည်းငယ်လောက် လာရောက် လှူဒါန်းပေးနိုင်ဖို့ကို အထူးပဲ ဖိတ်ခေါ်လိုပါတယ်။ကျွန်တော်တို့ MPT က ဝန်ထမ်းတွေနဲ့ အတူ ပူးပေါင်းပြီး မြန်မာပြည်သူလူထု အနေနဲ့ ကျန်းမာပြီး အသက်ရှည်စွာနေထိုင်နိုင်ရေးအတွက်အကျိုး အမြတ်ကောင်း တွေ ဖြစ်လာစေဖို့ပါဝင်ပူးပေါင်းကြစေချင်ပါတယ်” ဟု ပြောကြားခဲ့သည်။

“ကျွန်တော့်အနေနဲ့ ဒီသွေးလှူဒါန်းမှုမှာ ပါဝင်ကြဖို့ ပြင်ဆင်နေကြသူတွေအပေါ် ကျေးဇူးတင်တဲ့အကြောင်း ကြိုတင် ပြောကြားလိုပါတယ်။ ကိုယ်ရဲ့ နိုင်ငံသားတွေအပေါ် ထားတဲ့ သူတို့ရဲ့ ဂရုစိုက်မှု၊ ထောက်ပံ့ကူညီမှုတွေ အတွက်ပါ။မိမိတို့ရဲ့မိသားစုဝင်တွေ၊ မိတ်ဆွေတွေကိုလည်း ဒီလိုပဲ ကူညီပေးကြဖို့ ဝိုင်းဝန်းတိုက်တွန်းပေးစေ လိုပါတယ်။ကျွန်တော်တို့ရဲ့စေတနာ့ဝန်ထမ်း စိတ်ဓါတ်ကနေတစ်ဆင့် မြန်မာ့လူမှု အသိုက်အဝန်းကို ပိုမိုကောင်းမွန်တဲ့၊ ပိုမိုမေတ္တာထားတတ်တဲ့ အသိုက်အဝန်းအဖြစ် အတူတကွ တည်ဆောက်နိုင်ကြမှာပါ” ဟုဆက်လက် ပြောကြားသွားခဲ့ပါသည်။

မတ်လ ၁၅ ရက်နေ့တွင် ကျင်းပမည့် MPT ၏ (၇) ကြိမ်မြောက် သွေးလှူဒါန်း ပွဲတွင် ပါဝင်လှူဒါန်းလိုကြသူများ အနေဖြင့် မိမိတို့ဒေသတွင်ရှိသည့် MPT ရုံးများတွင် စာရင်းပေးသွင်းရမည်ဖြစ်ပြီး ၊ ရန်ကုန်မြို့မှ လှူဒါန်းလိုသူများအနေဖြင့် ဖုန်းနံပါတ် ၀၉၈၆၃၀၀၅၀ သို့ ဆက်သွယ်စာရင်းပေးသွင်းနိုင်မည် ဖြစ်ပါသည်။
သွေးလှူဒါန်းမှု ဆောင်ရွက်မည့် နေရာများအား အောက်ပါဇယားတွင် ဖော်ပြပေးထားပါသည်။

သွေးလှူဒါန်းပွဲကျင်းပမည်ဖြစ်သော မတ်လ ၁၅ ရက်နေ့တွင် အကြောင်းအမျိုးမျိုးကြောင့် လာရောက်လှူဒါန်းနိုင်ခြင်း မရှိသော စေတနာရှင်များအနေဖြင့် အမျိုးသားသွေးဌာန၏ website ဖြစ်သော https://www.donatebloodmyanmar.org/ တွင် စာရင်းပေးသွင်းပြီး မိမိတို့ အဆင်ပြေသော အချိန်တွင် သွားရောက်လှူဒါန်းနိုင်ပါသည်။

အမျိုးသားသွေးဌာနသည် ဆေးရုံများအတွက် သွေးလိုအပ်ချက်ကို ဖြည့်ဆည်းပေးလျက်ရှိပြီး အရေးပေါ် အခြေအနေများအတွက်လည်း သွေးများပံ့ပိုးပေးလျက်ရှိပါသည်။

MPT ၏ အခြားသော စိတ်ဝင်စားဖွယ် ဝန်ဆောင်မှုနှင့် အရောင်းမြှင့်တင်ရေးဆောင်ရွက်ချက်များနှင့် ပတ်သက်၍ ၁၀၆ သို့ ဖုန်းခေါ်ဆို၍၎င်း၊ www.mpt.com.mmhttps://books.mpt.com.mm/ web page များသို့ ဝင်ရောက်လေ့လာခြင်းဖြင့်၎င်း၊ MPT ၏ တရားဝင် Facebook page ဖြစ်သည့် https://www.facebook.com/mptofficialpage သို့ဝင်ရောက်လေ့လာခြင်းဖြင့်၎င်း သိရှိနိုင်မည် ဖြစ်ပါသည်။

မြန်မာနိုင်ငံ၏ အောင်မြင်သော စီးပွားရေးလုပ်ငန်းရှင်များ ဖြစ်လာစေမည့် မြန်မာလူငယ်နည်းပညာစွန့်ဦးတီထွင်ဖွံ့ဖြိုးရေးအစီအစဉ် ၂၀၁၉ ၏ အရွေးချယ်ခံအသင်းများ သဘောတူညီမှု စာချွန်လွှာလက်မှတ်ရေးထိုး

(ရန်ကုန် – ၂၀၁၉ ခုနှစ်၊ မတ်လ ၁ ရက်) မြန်မာနိုင်ငံ၏ ဦးဆောင် ဆက်သွယ်ရေးအော်ပရေတာ ဖြစ်သည့် MPT နှင့် မြန်မာနိုင်ငံ၏ ရှေ့ဆောင် ICT အဖွဲ့ချုပ်ဖြစ်သည် MCF တို့ ပူးပေါင်းကျင်းပလျက်ရှိသည့် မြန်မာလူငယ်နည်းပညာစွန့်ဦးတီထွင်ဖွံ့ဖြိုးရေးအစီအစဉ် ၂၀၁၉ တွင် အနိုင်ရရှိသည့် အသင်း ၃ သင်း အနေဖြင့် စိတ်လှုပ်ရှားဖွယ်ရာ အပြောင်းအလဲများဖြင့် ပြည့်နှက်နေသည့် ICT စီးပွားရေးနယ်ပယ်အတွင်းသို့ အရေးပါသည့် ပထမဦးဆုံးခြေလှမ်းများကို လှမ်းတက်နိုင်ခဲ့ကြပြီဖြစ်ပြီး ယခုအခါ ၎င်းတို့၏ အိပ်မက်များကို အမှန်တကယ် အကောင်အထည် ဖော်နိုင်ကြရန် ခြေလှမ်းသစ်များကို စတင်နိုင်ခဲ့ကြပြီလည်း ဖြစ်ပါသည်။

သဘောတူညီမှုစာချွန်လွှာ လက်မှတ်ရေးထိုးခြင်း အခမ်းအနားကို ရန်ကုန်မြို့၊ MICT Park၊ အဆောင် ၁၄၊ Kanaung Hub ၌ မတ်လ ၁ ရက် ၂၁၀၉ ခုနှစ်တွင် ကျင်းပပြီး၊ အနိုင်ရရှိခဲ့သော အသင်းများသည် ဆုကြေးအဖြစ် တစ်သင်းစီအတွက် ကျပ်သိန်း ၈၀ အား ကနဦးရင်းနှီးမြှုပ်နှံငွေအဖြစ် ရရှိမည့်အပြင် MCF ၏ နည်းပညာ နှင့် စီးပွားရေးဆိုင်ရာ ဌာနတစ်ခုဖြစ်သည့် Kanaung Hub တွင်လည်း ၆ လ အခမဲ့ ရုံးခန်းဖွင့်လှစ် အသုံးပြုနိုင်ခွင့်ကိုပါ ရရှိကြမည် ဖြစ်ပါသည်။ ထို့အပြင် အနိုင်ရရှိသည့် အသင်းများသည် စီးပွားရေးနှင့် နည်းပညာဆိုင်ရာ အခက်အခဲများအတွက် အကြံပြုချက်များ၊ လမ်းညွှန်မှုများကိုလည်း မြန်မာနိုင်ငံကွန်ပျူတာအသင်းချုပ် (MCF)၊ မြန်မာနိုင်ငံကွန်ပျူတာပညာရှင်အသင်း (MCPA) နှင့် မြန်မာနိုင်ငံကွန်ပျူတာလုပ်ငန်းရှင်အသင်း (MCIA) တို့မှ အသင်းဝင်များ အပါအဝင် ဝါရင့်စွန့်ဦးတီထွင်သူများ၊ အောင်မြင်သည့် startup လုပ်ငန်းများ၏ တည်ထောင်သူများထံမှ ရရှိနိုင်ကြမည် ဖြစ်ပါသည်။
အနိုင်ရရှိသောအသင်းများအနေဖြင့် ၎င်းတို့၏ ကောင်းမွန်ထက်မြက်သော လုပ်ငန်းစီမံမှုအဆိုပြုချက်များအား ယခုအခါ အမှန်တကယ်အကောင်အထည် ဖော်နိုင်လာကြတော့မည်ဖြစ်ပြီး၊ လက်ရှိဈေးကွက်အတွင်းတွင် ယှဉ်ပြိုင်နိုင်စွမ်းရှိသော အရေးပါသည့် စွမ်းဆောင်နိုင်စွမ်းရှိသည့် လုပ်ငန်းရှင်များ ဖြစ်လာကြလိမ့်မည်ဟု အစီအစဉ်အား ပူးပေါင်း ဆောင်ရွက်ခဲ့ကြသည့် MPT နှင့် MCF တို့မှ ကောင်းစွာ ယုံကြည်လျက် ရှိပါသည်။
အနိုင်ရရှိသောအသင်းများ၊ ဆန်ခါတင်စာရင်းဝင် အသင်းများနှင့် ၎င်းတို့၏ စီးပွားရေးအကြံဉာဏ်များကို အောက်တွင် ဖော်ပြပေးထားပါသည်။
Team Idea Capsule မှ တင်ပြလာသည့် Lottery Palace အမည်ရှိ အောင်ဘာလေကို အွန်လိုင်း အသုံးပြု ရောင်းချသည့် စနစ်သည် စမ်းသပ်သုံးစွဲမှုကာလတစ်လျှောက် စိတ်ဝင်စားဖွယ်ရာ မှတ်ချက်များ အမြောက်အများ ရရှိခဲ့ပြီး၊ ထီလက်မှတ်အစောင်ရေ အများအပြား ရောင်းချနိုင်ခဲ့သည့်အပြင်၊ ထီပေါက်သူ ၆ ဦးကိုလည်း စမ်းသပ် ကာလအတွင်း ထွက်ပေါ်အောင်ဆောင်ကျဉ်းပေးနိုင်ခဲ့ပါသည်။ အခြားအနိုင်ရရှိသူအသင်းဖြစ်သည့် WMM မှလည်း Waste Managing Machine (WMM) project ကို တင်သွင်းခဲ့ရာ၊ WMM ၏ အမှိုက်စီမံခန့်ခွဲမှုစက်သည် သဘာဝပတ်ဝန်းကျင်ဆိုင်ရာ အထောက်အပံ့ သတ်မှတ်ချက်များကို ဆောင်ရွက်နိုင်စွမ်းရှိပြီး၊ လက်ရှိအသုံးပြုလျက် ရှိသည့် မြို့ပြဖွံ့ဖြိုးတိုးတက်မှု အစီအမံများတွင် လက်ငင်းချက်ချင်း အသုံးချနိုင်စွမ်းလည်း ရှိပါသည်။ အဆိုပါစက်မှာ စနစ်တကျအမှိုက်စီမံခန့်ခွဲမှု အလေ့အထကို တွန်းအားပေးဆောင်ရွက်စေရန် ရည်ရွယ်၍ ကိုက်ညီမှုရှိအောင် ဖန်တီးထားသည့်အတွက် စက်ကိုအသုံးပြုပြီး အမှိုက်ပစ်ကြသူများအနေဖြင့် တယ်လီဖုန်းအသုံးပြုခ top-up ငွေများကို ဆုကြေးအဖြစ် ပြန်လည်ရရှိစေနိုင်မည့် လုပ်ဆောင်ချက်အားလည်း ထည့်သွင်းဖန်တီးထားခြင်း ဖြစ်ပါသည်။ နောက်ထပ်အနိုင်ရရှိသူ အသင်းတစ်သင်းဖြစ်သည့် Team Blue Frog ၏ တိုင်းရင်းသားဘာသာစကားများ သင်ယူမှုအတွက် LEL (Learning Ethic Languages) App သည်လည်း လူအချင်းချင်း ရင်းနှီးခင်မင်မှုများ တိုးပွားလာစေရန်အတွက် AR/VR နည်းပညာကို အသုံးပြုကာ တီထွင်ဆန်းသစ်ထားမှုတစ်ရပ် ဖြစ်ပါသည်။ အဆိုပါ App သည် ကရင်ဘာသာစကား ဖြင့် ကနဦးစတင်ထားပြီး တိုင်းရင်းသားလူမျိုးများ၏ ယဉ်ကျေးမှု၊ ဘာသာစကားနှင့် ဒေသဆိုင်ရာ ဗဟုသုတများကို အသုံးပြုသူများအနေဖြင့် လေ့လာသင်ယူနိုင်စေရန် ထောက်ပံ့ပေးထားခြင်း ဖြစ်ပါသည်။
MPT-KSGM Joint Operations ၏ လုပ်ငန်းလည်ပတ်မှုဌာနကြီး၏ အရာရှိချုပ်ဖြစ်သူ Mr. Yoshiaki Benino ကလည်း “အနိုင်ရရှိသွားတဲ့ အသင်းတွေရဲ့ ထုတ်ကုန်အဆိုပြုချက်တွေဟာ ကျွန်တော်တို့ဘဝတွေရဲ့ စိတ်ဝင်စားဖို့ကောင်းတဲ့ အစိတ်အပိုင်းတွေကို အဖြေရှာပေးထားကြတာ ဖြစ်ပါတယ်။ အခုဆိုရင် ဒီအစိတ်အပိုင်းတွေက ပြဿနာတွေကို နည်းပညာက လက်တွေ့ကျကျ၊ အခက်အခဲမရှိ၊ ဖြေရှင်းပေးနိုင်နေပြီး၊ ကျွန်တော်တို့ဘဝတွေရဲ့ မရှိမဖြစ် အစိတ်အပိုင်း ဖြစ်လာနေပါပြီ။ ဈေးကွက်ထဲမှာ ဒီထုတ်ကုန်တွေဟာ အောင်မြင်နိုင်စွမ်းရှိလာမယ်လို့ ကျွန်တော်တို့အကောင်းဆုံး ရှုမြင်ထားပြီး၊ ပိုအရေးကြီးတဲ့ အချက်အနေနဲ့ ကျွန်တော်တို့ရဲ့ လူမှုအဖွဲ့အစည်းအတွက်ပါ သက်ရောက်မှုကောင်းတွေ ဖြစ်လာစေနိုင်မယ့် အပြင် လူတစ်ချင်းစီအတွက်ရော၊ နိုင်ငံတော်အတွက်ပါ ပြည်သူပြည်သားတွေရဲ့ ဘဝတွေကို ပိုမို ကောင်းမွန်အောင် လုပ်ဆောင်ပေးနိုင်လိမ့်မယ်လို့ မျှော်လင့်ထားပါတယ်”ဟု ပြောကြားသွားခဲ့ပါသည်။

မြန်မာနိုင်ငံကွန်ပျူတာအသင်းချုပ်ဥက္ကဋ္ဌ ဦးမင်းဇေယျာလှိုင်ကလည်း “ကျွန်တော်တို့ရဲ့ လူငယ်တွေဟာ စိတ်ကူးစိတ်သန်းတွေနဲ့ ပြည့်လျှံနေသလို၊ သူတို့က နည်းပညာနဲ့ပတ်သက်ပြီး ယဉ်ပါးတဲ့ မျိုးဆက်လည်း ဖြစ်ပါတယ်။ တကယ်လို့ ကျွန်တော်တို့က သူတို့ရဲ့အတွေးအခေါ်တွေကို ပြသနိုင်မယ့် နေရာတစ်ခု ဖန်တီးပေးနိုင်မယ်ဆိုရင်၊ ဒီအတွေးအခေါ်တွေကို နည်းပညာပိုင်း၊ ငွေကြေးပိုင်းအရ ထောက်ပံ့နိုင်မယ်ဆိုရင်၊ သူတို့အတွေးအခေါ်တွေ ဘယ်လောက်မြင့်မြင့်မားမား တွေးခေါ်နိုင်ကြမယ်ဆိုတာကို ပြောလိုရနိုင်မှာတောင် မဟုတ်ပါဘူး”ဟု ပြောကြားခဲ့ကာ “ကျွန်တော်တို့က အခုဆိုရင် သူတို့ရဲ့ ထုတ်ကုန်တွေအတွက် အမှတ်တံဆိပ်တွေကို မှတ်ပုံတင်တဲ့ လုပ်ငန်းစဉ်ကို စတင်ခဲ့ပြီးဖြစ်ပါတယ်။ ဒီလိုဆောင်ရွက်ပေးတာကြောင့် သူတို့အနေနဲ့ သူတို့ကိုယ်သူတို့ တကယ့်လုပ်ငန်းရှင် စီးပွားရေးသမားတွေအဖြစ် ဂုဏ်ယူနိုင်နေကြမှာ ဖြစ်သလို၊ နောက်လာမယ့် အဆင့်တွေအတွက် ပိုပိုပြီးကောင်းအောင် လုပ်ချင်စိတ်တွေကိုလည်း မြှင့်တင်ပေးနိုင်မှာဖြစ်ပါတယ်။”ဟု ထပ်လောင်း ပြောကြားခဲ့ပါသည်။

အနိုင်ရရှိသည့်အသင်းများမှ အသင်းခေါင်းဆောင်များမှလည်း ယခုကဲ့သို့ ရွေးချယ်ခံရမှုအတွက် ၎င်းတို့၏ ဂုဏ်ယူဝမ်းမြောက်ကျေးဇူးတင်စကားများကိုလည်း အသီးသီးပြောကြားခဲ့ကြပြီး၊ ၎င်းတို့၏ ထုတ်ကုန်များ၏ အကျိုးရလဒ်များအား ဂုဏ်ယူမှုအပြည့်ဖြင့် ရှင်းလင်းတင်ပြခဲ့ကြပါသည်။

Idea Capsule အဖွဲ့၏ခေါင်းဆောင်ဖြစ်သူ ကိုမြတ်လင်းသူမှ “ကျွန်တော်တို့ ပရောဂျက်ရဲ့ အိုင်ဒီယာက လမ်းပေါ်မှာ လှည်းနဲ့ထီရောင်းနေတဲ့သူဆီကနေ စရလာတာပါ။ အဲဒီကမှ ဒီအိုင်ဒီယာကို အကောင်အထည်ဖော်ဖြစ်တာပါ။ အခုဆိုရင် ဒီ app သုံးတဲ့သူ ၇၀၀ ကျော်ရှိပြီး၊ ထီပေါက်တဲ့သူလည်း ၆ ယောက်ရှိသွားပါပြီ။ ဒါက စမ်းသပ်ကာလအစကနေစလို့ အခုအထိပါ။ မန္တလေးဈေးကွက်ကို ဝင်ရောက် နိုင်ဖို့ဆိုတာက ကျွန်တော်တို့ရဲ့ ထိပ်တန်းဦးစားပေးရည်မှန်းချက်တစ်ခုဖြစ်တဲ့အတွက် ကျွန်တော်တို့အခုက စပြီး ဒီဈေးကွက်အတွက် ဈေးကွက်သုတေသနတွေ စလုပ်နေပါပြီ”လို့ ပြောသွားခဲ့ပါသည်။

Blue Frog အသင်းမှ ခေါင်းဆောင်ဖြစ်သူ ကိုစောလဲယဝေါ်မှလည်း “လက်ရှိမှာ ကျွန်တော်တို့ App အတွက် ကရင်ဘာသာစကားကို စဉ်ဆက်မပြတ် ဆက်လုပ်နေပါတယ်။ AR/VR နည်းပညာတွေသုံးပြီးတော့ပါ။ အခုဆိုရင် နေ့စဉ်သုံးစကားရပ်တွေအတွက် ရာခိုင်နှုန်းတော်တော်များများ သုံးလို့ရနေပါပြီ။ ရှေ့လုပ်ငန်းစဉ်အတွက်တော့ ရှမ်းနဲ့ ရခိုင်ဘာသာစကားတွေကို မကြာခင်ဆက်လုပ်သွားမှာပါ။ အသုံးပြုမှုပမာဏတိုးလာအောင်လည်း လုပ်နေပြီး၊ တိုင်းရင်းသားလူမျိုးတိုင်းအတွက် အသုံးဝင်မှုရှိလာအောင် လုပ်ဆောင်သွားမှာပါ”လို့ ပြောခဲ့ပါသည်။

WMM အသင်းမှ အဖွဲ့ဝင်တစ်ဦးဖြစ်သူ မနန်းစပယ်ဖြူမှလည်း “လက်ရှိမှာတော့ အသုံးပြုတဲ့သူတွေရဲ့ လိုအပ်ချက်တွေ၊ သုံးတဲ့အခါ ကြုံရတဲ့အခက်အခဲတွေကို လေ့လာနေပါတယ်။ လက်တွေ့မှာ ဒါကလူတိုင်းအတွက် နေ့စဉ်လိုအပ်ချက်တွေပါ။ ဒါပေမယ့် စိန်ခေါ်မှုတွေကတော့ အသုံးပြုတဲ့စက်ရဲ့ စက်လည်ပတ်မှုစနစ်တွေ ဖြစ်ပါတယ်။ အသုံးဝင်မှုဘယ်လောက်ရှိမယ်ဆိုတာကို စစ်ဆေးတာတွေကို App အမှန်တကယ် ဖြန့်ချိမှုမလုပ်ခင် ထပ်ပြီးလုပ်ဆောင်သွားဖို့ စီစဉ်ထားပါတယ်။ ကနဦးခြေလှမ်းတွေကတော့ လူဦးရေထူထပ်တဲ့နေရာတွေကို ဦးစားပေးပြီး ဆောင်ရွက်သွားမှာပါ”ဟု ပြောခဲ့ပါသည်။

လူမှုအသိုက်အဝန်းအတွင်း တာဝန်ယူမှုကိုအလေးပေး ထားရှိသည့် အဖွဲ့အစည်းတစ်ရပ်အနေဖြင့် MPT သည် မိမိတို့နှင့် ထိစပ်လျက်ရှိသည့် မည်သည့်နေရာဌာန၊ ကဏ္ဍတွင်မဆို လူငယ်မျိုးဆက်သစ်များ ဖွံ့ဖြိုးတိုးတက်မှုအတွက် အာရုံစိုက်လုပ်ဆောင်လျက် ရှိနေပြီး၊ များပြားလှသည့် ဆောင်ရွက်မှုများ အကြားတွင် ရည်မှန်းချက်များချမှတ်ပြီး ခြေလှမ်းများ လှမ်းချီလျက်ရှိပါသည်။ ယခုလို စွန့်ဦးတီထွင်ဖန်တီးသူမျာကို မြေတောင် မြှောက်ပေးသည့် စီအစဉ်သည် MPT မှ အာရုံစိုက်လုပ်ဆောင်နေသည့် ကဏ္ဍများအနက် ပင်မထောက်တိုင်တစ်ခုဖြစ်ပြီး၊ နည်းပညာနယ်ပယ်မှ စွန့်ဦးတီထွင်သူများကို လေ့ကျင့်ပေးခြင်း၊ ဖွံ့ဖြိုးတိုးတက်စေရန် ထောက်ပံ့ကူညီခြင်းများဖြင့် မြန်မာနိုင်ငံရှိ ပြည်သူပြည်သားတိုင်း၏ နေ့စဉ်ဘဝများကို ပိုမိုလွယ်ကူကောင်းမွန်လာစေရန် ထောက်ပံ့ကူညီနေခြင်း ဖြစ်ပါသည်။

MPT ၏ လူမှုအကျိုးပြုလှုပ်ရှားမှုများနှင့် ဝန်ဆောင်မှုနှင့် ပတ်သက်သည့် အချက်အလက်များ အပြင်၊ MPT ၏ အခြားသော စိတ်ဝင်စားဖွယ် ဝန်ဆောင်မှုနှင့် အရောင်းမြှင့်တင်မှု ဆောင်ရွက်ချက်များအား ပိုမိုသိရှိလိုပါလျှင် ၁၀၆ ကို ဖုန်းခေါ်ဆို၍ဖြစ်စေ၊ www.mpt.com.mm သို့ဝင်ရောက်၍ဖြစ်စေ၊ MPT ၏ တရားဝင် Facebook page https://www.facebook.com/mptofficialpage သို့ ဝင်ရောက်၍ဖြစ်စေ လေ့လာနိုင်မည် ဖြစ်ပါသည်။

MPT-MCF မြန်မာလူငယ်နည်းပညာစွန့်ဦးတီထွင်ဖွံ့ဖြိုးရေးအစီအစဉ် ၂၀၁၉ ၏ နောက်ဆုံးအဆင့် ပြိုင်ပွဲမှ မြန်မာနိုင်ငံ၏ အနာဂတ်မျိုးဆက်သစ် နည်းပညာစွန့်ဦးတီထွင်လူငယ်များ ပေါ်ထွန်းလာ

(ရန်ကုန်၊ ၂၁၀၉ ခုနှစ် ဖေဖော်ဝါရီလ ၁၁ ရက်) MPT နှင့် မြန်မာနိုင်ငံကွန်ပျူတာအသင်းချုပ် (MCF) တို့ ပူးပေါင်းဆောင်ရွက်လျက်ရှိသော မြန်မာလူငယ်နည်းပညာ စွန့်ဦးတီထွင် ဖွံ့ဖြိုးရေးအစီအစဉ် ၂၀၁၉ အတွက် အနိုင်ရရှိသူများကို ဂုဏ်ယူဝမ်းမြောက်စွာဖြင့် ကြေညာနိုင်ခဲ့ပြီ ဖြစ်သည်။ မြန်မာတစ်နိုင်ငံလုံးရှိ ရာပေါင်းများစွာသော ရည်မှန်းချက်ကြီးမားသူများထဲမှ နောက်ဆုံးအဆင့်သို့တက်လှမ်းနိုင်ခဲ့သော ပြိုင်ပွဲဝင် အဖွဲ့ (၁၀) ဖွဲ့ သည် ၎င်းတို့၏ စီးပွားရေးအဆိုပြုချက်များအား တတ်သိပညာရှင်များဖြစ်သည့် အကဲဖြတ်ဒိုင်လူကြီးများ၏ ရှေ့တွင် ခိုင်မာကျစ်လစ်သည့် စီးပွားရေးအမြင်များနှင့် ထူးခြားသည့် ထုတ်ကုန်အဆိုပြုချက်များအား တင်ပြနိုင်ခဲ့ကြပြီးနောက် အနိုင်ရရှိသူများအဖြစ် အဖွဲ့ (၃) ဖွဲ့ကို ရွေးချယ်ခဲ့ပြီး ဖြစ်သည်။

အနိုင်ရရှိသော အဖွဲ့ (၃) ဖွဲ့မှာ Idea Capsule ၊ WMM နှင့် Blue Frog အဖွဲ့များ ဖြစ်သည်။ Idea Capsule အဖွဲ့သည် အွန်လိုင်းမှတစ်ဆင့် ထီလက်မှတ်ရောင်းချသည့် Lottery Palace App ကိုတင်ပြခဲ့ပြီး ယှဉ်ပြိုင်မှုကာလတစ်လျှောက်တွင်လည်း စိတ်ဝင်တစားအားပေးမှုကို ရရှိခဲ့ကြသည်။ ယှဉ်ပြိုင်မှုကာလ အတွင်း ထီလက်မှတ်များစွာကိုလည်း ယင်း Lottery Palace အက်ပလီကေးရှင်း မှတစ်ဆင့် ရောင်းချခဲ့ပြီး ထီဆုဆွတ်ခူးသူ ၆ ဦးထိ ရှိထားပြီးလည်းဖြစ်သည်။ နောက်ထပ်ဆုရအဖွဲ့တစ်ဖွဲ့ဖြစ်သော WMM အဖွဲ့၏ ပရောဂျက်သည် ၎င်းတို့ ၏နာမည်အတိုင်း စွန့်ပစ်ပစ္စည်း စီမံခန့်ခွဲမှုစက် ထုတ်လုပ်ခြင်း (WMM) ပင်ဖြစ်သည်။ မြို့ပြဒေသများတွင် စွန့်ပစ်အမှိုက်များအား သဘာဝပတ်ဝန်းကျင် ထိန်းသိမ်းရေး ရည်ရွယ်ချက်ဖြင့် ပြန်လည်အသုံးချနိုင်စေမည့် စွန့်ပစ်ပစ္စည်း စီမံခန့်ခွဲမှုစက် ထုတ်လုပ်ခြင်း စက်ကိရိယာ ဖြစ်ပြီး လက်ရှိလုပ်ဆောင်နေသော မြို့ပြသန့်ရှင်းရေးလုပ်ငန်းများတွင် အသုံးချနိုင်သည်။ ၎င်းစက်ကိရိယာကို အသုံးပြု၍ အမှိုက်စွန့်ပစ်သူများအတွက်လည်း မိမိတို့စွန့်ပစ်သည့် ပမာဏ အလိုက် တယ်လီဖုန်းငွေပြန်ဖြည့်သွင်းပေးသည့် လုပ်ဆောင်ချက်ပါဝင်ပြီး စည်းကမ်းတကျ အမှိုက်စွန့်ပစ်သည့် အလေ့အကျင့်ကိုလည်း အထောက်အပံ့ဖြစ်စေမည်ဖြစ်သည်။ Blue Frog အဖွဲ့သည် AR/VR စနစ်ဖြင့် တိုင်းရင်းသားစာပေများကို လေ့လာသင်ယူသည့် LEL (Learning Ethic Language) အက်ပလီကေးရှင်းကို တင်ပြခဲ့ပြီး နိုင်ငံသားများအချင်းချင်း ပိုမိုနီးကပ်လာစေရန် အထောက်အပံ့ပေးထားသည်။ ၎င်းအက်ပလီကေးရှင်းကို သုံးစွဲသူများအနေဖြင့် တိုင်းရင်းသားလူမျိုုးများ၏ ဘာသာစကားများ ၊ ယဉ်ကျေးမှုဓလေ့များကို ယင်းအက်ပလီကေးရှင်းမှတစ်ဆင့် လေ့လာနိုင်သည်။

ယခုအစီအစဉ်တွင် နိုင်ငံအဝှမ်းမှ မတူကွဲပြားသော စီပွားရေးဆိုင်ရာ အတွေးအခေါ်များ နှင့် ထုတ်ကုန်သစ်များကို အဖွဲ့ (၁၁၀) ဖွဲ့မှ တင်ပြခဲ့ကြပြီး အထက်မြန်မာပြည်နှင့် အောက်မြန်မာပြည်တို့မှ အဖွဲ့ပေါင်း (၃၀) သည် ဆန်ခါတင် အဆင့်သို့ရောက်ရှိခဲ့ကြသည်။ ထိုမှတစ်ဆင့် အထက်မြန်မာပြည်နှင့် အောက်မြန်မာပြည်မှ အဖွဲ့ (၅) ဖွဲ့ စီ ၊စုစုပေါင်း (၁၀) ဖွဲ့ အား စိစစ်ရွေးချယ်ပြီး ၎င်းတို့၏ တင်ပြလာသော ဖျော်ဖြေရေး၊ လူမှုနည်းပညာ၊ စိုက်ပျိုးရေး၊ ကျန်းမာရေး၊ လူမှုရေး၊ ပညာရေးနှင့် ကွန်ရက်ချိတ်ဆက်ထုတ်ကုန်နည်းပညာ (IoT) ဆိုင်ရာ ပရောဂျက်များကို သက်ဆိုင်ရာတတ်သိ ပညာရှင်များ၏ လမ်းညွှန်ချက်များဖြင့် အထောက်အကူရရှိစေရန် စီစဉ်ပေးခဲ့သည်။

MPT သည် နယ်ပယ်ကဏ္ဍအသီးသီး တွင်ရှိသော မျိုးဆက်သစ်လူငယ်များဖွံ့ဖြိုးတိုးတက်ရေးအတွက် အဓိကပံ့ပိုးပေးလျက်ရှိပြီး ယခု နည်းပညာစွန့်ဦးတီထွင် ဖွံ့ဖြိုးရေးအစီအစဉ်သည် MPT မှ အထူးအလေးထား ဆောင်ရွက်နေသော နည်းပညာကဏ္ဍတွင် စွန့်ဦးတီထွင်နှင့် စီးပွားရေးလုပ်ငန်းငယ်များ ပိုမိုဖွံ့ဖြိုးတိုးတက် လာစေရေးနှင့် နေ့စဉ်လူနေမှုဘဝများ ပိုမိုချောမွေ့ လာစေရန် လုပ်ဆောင်နေမှုများအတွက် အဓိက ကျသော ဒေါက်တိုင်တစ်ရပ်အဖြစ်ပါ ဝင်ပါသည်။

MPT-KSGM Joint Operations ၏ Chief Operating Officer ဖြစ်သူ Mr. Yoshiaki Benino က “လျောက်လွှာတွေ စတင်လက်ခံခဲ့တဲ့နေ့ကနေစပြီး အနိုင်ရရှိသူကိုရွေးချယ်တဲ့ အဆင့်အထိ ပြိုင်ပွဲဝင် အားလုံးအနေနဲ့ တကယ့်ခရီးရှည်ကြီးကို ဖြတ်သန်းလာခဲ့ကြရပါတယ်။ ထူးခြားတဲ့အကြံဉာဏ်တွေ ကနေတစ်ဆင့် နိုင်ငံတော်တည်ဆောက်ရေးမှာ ပါဝင်ကူညီရင်း၊ လူမှုအဖွဲ့အစည်းကို ပိုမိုကောင်း မွန်အောင် လုပ်ဖို့ ပြင်းပြတဲ့ဆန္ဒကို ပြသခဲ့ကြတဲ့ ဒီလူငယ်တွေရဲ့ အရည်အချင်း၊ ကြိုးစားအားထုတ်မှု၊ တစိုက်မတ်မတ် လုပ်ဆောင်မှုတွေကို MPT အနေနဲ့ အသိအမှတ်ပြုပါတယ်”ဟု ပြောကြားခဲ့သလို “MPT အနေနဲ့ သူတို့ရဲ့ အရည်အချင်းတွေကို အပြည့်အဝထုတ်ဖော်နိုင်ဖို့နဲ့ စီးပွားရေးအရ အောင်မြင်မှုရှိလာစေဖို့ အတွက် အကူအညီပေးသွားမှာပါ” ဟုလည်း ထပ်မံ ပြောကြားသွားခဲ့သည်။

ယခုနှစ် အစီအစဉ်တွင် နောက်ဆုံးအဆင့် ရွေးချယ်မှုအတွက် အကဲဖြတ်ဒိုင်လူကြီးများအဖြစ် ထိပ်တန်းစွန့်ဦးတီထွင် နည်းပညာရှင်များ၊ နယ်ပယ်အသီးသီးမှ ထင်ရှားသူများ၊ စီးပွားရေးနယ်ပယ် အသီးသီးမှ ဦးဆောင်သူများ ဖြစ်သော ဒေါက်တာထွန်းသူရသက် ( ဒု ဥက္ကဌ MCF ) ၊ ဒေါ်ဝင်းဝင်းတင့် ( ဥက္ကဌ ၊ မြန်မာနိုင်ငံ လက်လီရောင်းချသူများအသင်း) ၊ ဦးအောင်ကျော်မိုး ( ဒု ဥက္ကဌ ၊ မြန်မာနိုင်ငံ ကွန်ပျူတာလုပ်ငန်းရှင်များအသင်း) ၊ ဒေါ်ခင်သက်မော် ( တွဲဖက်အတွင်းရေးမှူး ၊ မြန်မာအမျိုးသမီး စွန့်ဦးတီထွင်လုပ်ငန်းရှင်များအသင်း) ၊ ဒေါ်ချိုသီရိမောင် ( CEC ၊ မြန်မာအမျိုးသမီး စွန့်ဦးတီထွင်လုပ်ငန်းရှင်များအသင်း ) ၊ ဒေါက်တာမေပြည့်စုံကြွယ် ( CEC နှင့် Regional Committee Chair မြန်မာအမျိုးသမီး စွန့်ဦးတီထွင်လုပ်ငန်းရှင်များအသင်း ) နှင့် ဦးအောင်အောင် ( EC ၊ MCPA ) တို့က ဆောင်ရွက်ခဲ့ကြသည်။

မြန်မာနိုင်ငံကွန်ပျူတာအသင်းချုပ်၏ ဥက္ကဌ ဦးမင်းဇေယျာလှိုင်မှလည်း “ဒါဟာ ကျွန်တော်တို့အဖွဲ့နဲ့ MPT တို့ ပူးပေါင်းပြီး နည်းပညာစွန့်ဦးတီထွင်အစီအစဉ်ကို လုပ်ခဲ့တာ ဒုတိယမြောက်နှစ်ပါ။ လူငယ်တွေဆီက တကယ့်စစ်မှန်တဲ့ အရည်အချင်းတွေကို ဖော်ထုတ်ခွင့်ရတဲ့ စိတ်လှုပ်ရှားမှုဟာ တကယ့်ကို ကြီးမားပါတယ်။ တကယ်လို့သာ ဒီလမ်းကြောင်းပေါ်မှာ ဆက်ပြီး အာရုံစိုက်သွားကြမယ်ဆိုရင် ကျွန်တော်တို့နိုင်ငံ ရဲ့ တောက်ပတဲ့အနာဂတ်ကို ခန့်မှန်းလို့ရလာမှာပါ။ MCF အနေနဲ့ MPT နဲ့ ပူးပေါင်းပြီး၊ အခုလို ပြိုင်ပွဲတွေက နေတစ်ဆင့် ထူးချွန်သူတွေ ဆက်လက်မွေးထုတ်သွားမယ်၊ လူငယ်တွေရဲ့ စွမ်းအားကို ဆက်လက်ရယူသွားမယ်ဆိုရင် လက်ရှိမျိုးဆက်၊ အနာဂတ်မျိုးဆက်တွေအတွက် ရေရှည်မှာ အပြုသဘောဆောင်တဲ့ သက်ရောက်မှုတွေကို ဖန်တီးပေးနိုင်မယ့်နေရာတစ်ခုကို ကျွန်တော် တို့ ပေးလိုက်နိုင်မှာပါ”ဟု ပြောကြားခဲ့သည်။

၎င်းတို့၏ ကြိုးပမ်းချက်များအတွက် အဖွဲ့ (၃) ဖွဲအနေဖြင့် ရင်းနှီးမြှပ်နှံငွေအဖြစ် ငွေကျပ်သိန်း ၈၀ ကို လက်ခံရရှိနိုင်မည့်အပြင်၊ MCF ၏ စီးပွားရေးလုပ်ငန်းဖွံ့ဖြိုးတိုးတက်ရေး အထောက်အကူပြု စင်တာဖြစ်သော Kanaung Hub တွင် အလုပ်လုပ်ကိုင်ရန်အတွက် အခမဲ့ရုံးခန်းနေရာကိုလည်း (၆) လတာအတွက် အသုံးပြုခွင့် ရရှိမည် ဖြစ်သည်။ နောက်ဆုံးအဆင့်သို့တက်လှမ်းခဲ့သည် ကျန်ရှိသော အဖွဲ့ (၇) ဖွဲ့အနေဖြင့် ဆုကြေးငွေ အဖြစ် ကျပ် (၅) သိန်းနှင့် ဂုဏ်ပြုလက်မှတ်များရရှိခဲ့ပါသည် ။

ဆုရရှိခဲ့သော အသင်း (၃) သင်းထဲမှ Blue Frog ၏ ခေါင်းဆောင်ဖြစ်သူ ကိုစောလဲယဂေါ် က “ ဒီပြိုင်ပွဲမှာ ဆုရရှိခဲ့တဲ့အတွက် အတိုင်းမသိ ဝမ်းသာပါတယ်။ ပွဲကိုစီစဉ်ပေးတဲ့ Organizer တွေ ၊ ဆုချီးမြှင့်ပေးတဲ့ ဒု ဝန်ကြီး ၊ အတူတူပြိုင်ပွဲဝင်ခဲ့ကြတဲ့သူငယ်ချင်းတွေ ၊ သင်ကြားပြသပေးခဲ့ကြတဲ့ ဆရာတွေ အားလုံးကို ကျေးဇူးတင်ပါတယ်။ နောက်ပြီး အခုလိုအခွင့်အလမ်းတွေကိုဖြစ်ပေါ်စေတဲ့ ဘုရားသခင်ကို လည်း ကျေးဇူးတင်ပါတယ်။ အခု လတ်တလောမှာ လုပ်လက်စဖြစ်တဲ့ ကရင် ဘာသာစကား ကို AR/VR နည်းပညာတွေနဲ့လေ့လာနိုင်အောင် ကြိုးစားနေပြီး ရှမ်း ၊ ရခိုင် ဘာသာစကား တို့ကိုလည်း ဆက်ပြီး လုပ်သွားဖို့ရှိပါတယ်။ တိုင်းရင်းသားအားလုံးအတွက်အကျိုးရှိစေမယ့် အက်ပလီကေးရှင်း တစ်ခုဖြစ်အောင် လုပ်ဆောင်သွားမှာပါ “ ဟုပြောကြားခဲ့သည်။

သန့်ရှင်းပြည့်ဖြိုးရေအကျိုး အစီအစဉ်မှတစ်ဆင့် ပိုမိုများပြားသည့် လူမှုအသိုက်အဝန်းများ အတွက် သန့်ရှင်းသော သောက်သုံးရေကို MPT က ဖြည့်ဆည်းပေး

(ရန်ကုန်၊ ၂၀၁၉ ခုနှစ် ဇန်နဝါရီ ၂၉ ) – မြန်မာ့ဦးဆောင်ဆက်သွယ်ရေးအော်ပရေတာ MPT က မိတ်ဖက် လူမှုအဖွဲ့အစည်းများဖြစ်သော Network Activities Group (NAG) ၊ Bridge Asia Japan (BAJ) တို့နှင့်အတူ လက်တွဲပူးပေါင်း၍ သောက်သုံးရေရရှိရန် အခက်အခဲကြုံနေရသည့် ဒေသများမှ လူမှုအသိုက်အဝန်းများအတွက် “သန့်ရှင်းပြည့်ဖြိုးရေအကျိုးအစီအစဉ်” ကို ဆောင်ရွက်ခြင်းဖြင့် သန့်ရှင်းသော သောက်သုံးရေရရှိစေရန် ဆောင်ရွက်ပေးခြင်းနှင့် ၎င်းဒေသအတွင်းရှိပြည်သူများ ကျန်းမာရေးပိုမိုတိုးတက် ကောင်းမွန်လာစေရန် ဆောင်ရွက်နေကြောင်း သတင်းထုတ်ပြန်လိုက်သည်။ ယခုအစီအစဉ်တွင် စက်ရေတွင်းများတူးဖော်ခြင်းနှင့် တည်ဆောက်ခြင်း အစီအစဉ်များပါဝင်မည်ဖြစ်ရာ လူပေါင်း ၄,၅၀၀ ကျော် အတွက် သန့်စင်သော သောက်သုံးရေကို ထောက်ပံ့နိုင်မည်ဖြစ်သည်။

မြန်မာနိုင်ငံအတွင်းရှိ အချို့သောဒေသများတွင် ရေရှားပါးပြတ်လပ်မှု (သို့) ရေအရင်းမြစ်လုံလောက်စွာ မရရှိမှုများ စသည့် အခက်အခဲများနှစ်စဉ် ဖြစ်ပွားလျက်ရှိပြီး အထူးသဖြင့် ပူပြင်းသောနွေရာသီတွင် ကျေးလက် ဒေသများ၌ နေထိုင်ကြသူများ၏ ဘဝအသက်ရှင်ရပ်တည်ရေးအတွက် အဓိက အဟန့်အတားဖြစ်စေသည့် အကြောင်းအရင်းတစ်ခုလည်းဖြစ်သည်။ အနီးအနားရှိ ရေရရှိနိုင်သည့် အရင်းအမြစ်များမှာလည်း ခက်ခဲလှသောကြောင့် ယင်းဒေသရှိ အချို့သောမိသားစုများမှာ ခြောက်သွေ့သော ကာလအတွင်း ရေသိုလှောင်ခြင်းနှင့် သုံးစွဲခြင်းတို့ကိုဆောင်ရွက်နိုင်ရန်အတွက် ကြိုတင် စီစဉ်မှုကိုလည်း တာဝန်တစ်ခုအဖြစ် ဆောင်ရွက် နေကြရပါသည်။ ယခု MPT ၏ အစီအစဉ်ဖြင့် စက်ရေ တွင်းနှင့် မြေသားရေကန်ပေါင်း ၂၅ ခု ကို ဆောက်လုပ်လှူဒါန်းပေးနိုင်ခဲ့ရာ လူဦးရေ ၅၀,၀၀၀ ခန့်နှင့် ၎င်းဒေသနှင့် ဆက်စပ်လျက်ရှိသည့် ကျေးရွာများအတွက် သန့်ရှင်းသောရေကို ရယူအသုံးပြုနိုင်နေပြီ ဖြစ်သည်။ ရေတွင်း တူးဖော်ရန် လိုအပ်သည့် လုပ်ငန်းစဉ်နည်းလမ်းများနှင့် ကုန်ကျစရိတ်မြင့်မားမှုကြောင့် ယင်းဒေသများတွင် မြေအောက်မှ ရေကို ထုတ်ယူသုံးစွဲရန် အခက်အခဲရှိခဲ့သော်လည်း MPT နှင့် မိတ်ဖက်အဖွဲ့အစည်းများ၏ ပူးပေါင်းမှု ကြောင့် ဒေသခံပြည်သူများ၏ အဓိကမျှော်လင့်ချက်နှင့် အရေးကြီးဆုံးသော အရင်းအမြစ်ကို ထောက်ပံ့ပေးနိုင်ခဲ့ ပြီလည်းဖြစ်ပါသည်။

အသစ်စတင်လိုက်သည့် စက်ရေတွင်းတူးဖော်ခြင်းလုပ်ငန်းများမှာ ဆောင်ရွက်နေပြီဖြစ်ပြီး အောက်ဖော်ပြပါ နေရာများတွင် ယခုနှစ် မတ်လအတွင်း အပြီးသတ် တည်ဆောက် ဆောင်ရွက်သွားမည်ဖြစ်သည်။
စဉ် တိုင်း မြို့နယ် ကျေးရွာ
၁. မန္တလေး မြင်းခြံ ကန်နီ/ဒူလဘို
၂ မန္တလေး ညောင်ဦး ရွာပုလဲ
၃ မကွေး ရေနံချောင်း သစ်မြင့်တော
၄ မကွေး ချောက် မြေပဒုံ
၅ စစ်ကိုင်း မုံရွာ ပေါက်ငယ်တော

MPT-KSGM Joint Operations ၏ လုပ်ငန်းလည်ပတ်မှုဌာနမှ အရာရှိချုပ်ဖြစ်သူ Mr. Yoshiaki Benino က “MPT အနေနဲ့ လူမှုအဖွဲ့အစည်းရဲ့ နေ့စဉ်ဘဝမှာ သန့်ရှင်းတဲ့ သောက်သုံးရေကို စိတ်ချလက်ချနဲ့ အဆင်ပြေပြေ ရရှိနိုင်စေဖို့အတွက် “သန့်ရှင်းပြည့်ဖြိုးရေအကျိုးအစီအစဉ်”ကို ဆောင်ရွက်ခဲ့တာဖြစ်ပြီး သူတို့ရဲ့ဘဝမှာ သိသာတဲ့ ပြောင်းလဲမှုကို ဖြစ်စေမှာဖြစ်ပါတယ်။ ရေရဖို့ကို တစ်နေရာကနေတစ်နေရာ အဝေးကြီးသွားလာ ကြရတဲ့ နှစ်ရှည်လများ ရေပြတ်လတ်မှုဒဏ်ကို ခံစားနေကြရသူ ဒေသခံတွေအတွက် ကျွန်တော်တို့ရဲ့ မိတ်ဖက် အဖွဲ့အစည်းတွေဖြစ်တဲ့ NAG နဲ့ BAJ တို့နဲ့အတူတူ ဆက်လက် လက်တွဲပြီး သန့်စင်ပြီး ကျန်းမာရေးနဲ့ညီညွတ်တဲ့ ရေအရင်းမြစ်ကို သူတို့ လိုအပ်သလောက်ရရှိစေဖို့ ရေရှည်တည်တံ့စေမယ့် နည်းလမ်းတွေနဲ့အတူ လုပ်ဆောင်နေတာ ဖြစ်ပါတယ်။ သန့်စင်တဲ့ရေဟာ သူတို့ရဲ့တစ်ကိုယ်ရည်သန့်ရှင်းရေး အတွက်ကိုသာမက ကျန်းမာရေးအတွက်ကိုလည်း များစွာအကျိုးဖြစ်ထွန်းစေနိုင်ပါတယ်။ ဒီထောက်ပံ့ကူညီမှုဟာ ကျွန်တော်တို့ရဲ့ “နှလုံးသားထဲကမြန်မာ” ဆောင်ပုဒ်အောက်ကနေ လူမှုအကျိုးပြုလုပ်ငန်းတစ်ခုအဖြစ် ဆောင်ရွက်တဲ့ လုပ်ငန်းတစ်ခု အဖြစ်သာမက ကျေးလက်နေပြည်သူတွေရဲ့ ဘဝနေထိုင်မှုအပြောင်းအလဲအတွက် များစွာ အရေးပါပြီး အပြုသဘောဆောင်တဲ့ အကျိုးကျေးဇူးတွေ ဖြစ်ထွန်းစေမှာလည်းဖြစ်ပါတယ်” ဟုပြော ကြားသည်။

Network Activities Group ၏ စီအီးအိုဖြစ်သူ ဦးဘော်ဘီက “ဒီနှစ်ဟာဆိုရင် MPT နဲ့ BAJ တို့အတူ လက် တွဲပြီး ရေရှားပါးပြတ်လပ်တဲ့ဒေသက ပြည်သူတွေအတွက် သန့်ရှင်းတဲ့ သောက်သုံးရေရရှိစေရေး ဆောင်ရွက်ခဲ့တာဟာ သုံးနှစ်မြောက် အချိန်ကာလထဲကို ဝင်ရောက် လာပါပြီ။ အခုလို သန့်ရှင်းပြည့်ဖြိုးရေအကျိုး အစီအစဉ် ကနေကတစ်ဆင့် ကျွန်တော်တို့က သူတို့ဘဝတွေအတွက် ခွန်အားဖြည့် မြှင့်တင်ဆောင်ရွက် ပေးနိုင်ခဲ့သလို ကမ္ဘာ့ကုလသမဂ္ဂဖွံ့ဖြိုးရေးအစီအစဉ်များထဲ က စဉ်ဆက်မပြတ် ဖွံ့ဖြိုးတိုးတက်ရေး ပန်တိုင် နံပါတ် ၆ အရ ရေနှင့်သန့်ရှင်းမှု ဖြစ်စေမယ့်အထောက်အပံ့ကိုလည်း ဒီအစီအစဉ်က တစ်ဆင့် ပံ့ပိုးလုပ်ဆောင်ပေးနိုင်ခဲ့ပြီ ဖြစ်ပါတယ်။ ကျွန်တော်တို့အနေနဲ့ ၂၀၁၇ခုနှစ်မှာဆိုရင် ကျေးရွာပေါင်း ၁၃ရွာ (အိမ်ခြေပေါင်း ၈,၄၀၀ ကျော်နဲ့ လူဦးရေ ၃၈,၀၀၀နီးပါး) နဲ့ ၂၀၁၈ခုနှစ်မှာဆိုရင်လည်း ကျေးရွာပေါင်း ၁၃ ရွာ (အိမ်ခြေပေါင်း ၂,၀၀၀ နီးပါးနဲ့ လူဦးရေ ၈,၄၀၀) ကို သန့်စင်တဲ့ရေရရှိဖို့ MPT ရဲ့ အထောက်အပံ့နဲ့အတူ လုပ်ဆောင် ပေးနိုင်ခဲ့ပါပြီ။ ကျွန်တော်တို့အနေနဲ့ကတော့ ကျေးရွာရဲ့ ရေထိန်းသိမ်းကြီးကြပ်ရေးကော်မတီအဖွဲ့ဝင်တွေနဲ့ အမြဲတမ်းဆက် သွယ်ပြီး သူတို့အတွက် အခက်အခဲနဲ့ကြုံတာမျိုး၊ လိုအပ်ချက်တစ်စုံတစ်ရာ ထပ်ရှိတာမျိုးတွေကို ဖြည့်ဆည်းပေး နိုင်ဖို့ ဆက်လက်လုပ်ဆောင်သွားမှာလည်းဖြစ်ပါတယ်။ ဒီနေရာမှာ MPT ရဲ့ ကူညီထောက်ပံ့မှုသာ မရှိခဲ့ဘူးဆိုရင် ကျွန်တော်တို့အနေနဲ့လည်း ဒီအခက်အခဲကို ထိထိရောက်ရောက် ဖြေရှင်းနိုင်မှာ မဟုတ်ပါဘူး” ဟုပြောကြားသည်။

BAJ မြန်မာ၏ ဌာနေကိုယ်စားလှယ်ဖြစ်သူ Ms. Akiko Mori က “သေရေးရှင်ရေးကိစ္စကြီးမဟုတ်ဘူးဆိုရင်တောင် နိစ္စဓူဝလုပ်ဆောင်နေကြရတဲ့ ဟင်းချက်တာ၊ သန့်ရှင်းရေးလုပ်တာ၊ မွေးမြူရေးကဏ္ဍအတွက် အစာကျွေးတာ စတဲ့ ကိစ္စတွေအတွက် သန့်ရှင်းတဲ့ရေမရရှိနိုင်တဲ့အခါ စိတ်သောကရောက်ရကြရတယ်ဆိုတာ ကျွန်မတို့အနေနဲ့ နားလည်ပြီးသားဖြစ်ပါတယ်။ ကျွန်မတို့အနေနဲ့ ဒီအစီအစဉ်ကို မိတ်ဖက်အဖွဲ့အစည်းတွေနဲ့ စတင်အကောင် အထည်ဖော်ပြီး လည်ပတ်ဆောင်ရွက်ချိန်ကစလို့ အဲ့ဒီဒေသက လူတွေဟာ သန့်ရှင်းတဲ့ရေ ရဖို့ ဝေးဝေးလံလံတွေကိုသွားပြီး ရေခပ်နေစရာမလိုတော့ဘဲ သူတို့ဘဝတွေအတွက် ပိုကောင်းတဲ့ အနေအထားတစ်ခုကို ရရှိပိုင်ဆိုင် သွားကြပါပြီ။ ဒါကိုကြည့်မယ်ဆိုရင် ကျွန်မတို့ လူနေမှုပတ်ဝန်းကျင်အတွက် ရေရှည်တည်တံ့ပြီး အကျိုးဖြစ်ထွန်း စေတဲ့ အစီအစဉ်တစ်ခုဆိုတာတွေ့မြင်နိုင်သလို ဒီလိုအစီအစဉ်မျိုးမှာ ပါဝင်ခွင့်ရတဲ့အတွက်လည်း ကျွန်မတို့အနေ နဲ့ များစွာဂုဏ်ယူပါတယ်။” ဟုပြောကြားသည်။

အောက်ပါဒေသများမှာ ပြီးခဲ့သည့်နှစ်များတွင် စက်ရေတွင်းတူးဖော်လှူဒါန်းမှု ဆောင်ရွက်ပြီးစီးခဲ့သည့် နေရာများ ဖြစ်ပြီး အဆိုပါဒေသတွင်းရှိ နေထိုင်သူလူဦးရေပေါင်းများစွာမှာ ၎င်းတို့၏ နေ့စဉ်နေ့ထိုင်လှုပ်ရှားမှုဘဝများ အတွက် စိတ်ချရသည့် သန့်ရှင်းသောရေကို ရယူနိုင်ခဲ့ကြပြီဖြစ်သည်။
စဉ် ဒေသ မြို့နယ် ကျေးရွာ လူဦးရေ မှတ်ချက်
၁။ ဧရာဝတီ ကျောင်းကုန်း အမှတ် ၂ အခြေခံပညာ မူလတန်းကျောင်း ၅၇၈၈ စက်ရေတွင်း
၂။ ပဲခူး (အနောက်) ပေါက်ခေါင်း နွားလန်တောင် ၂၅၇ ရေသွယ်တန်းခြင်း
၃။ မင်းလှ ဆားချောင်းလေး ၃၅၀ စက်ရေတွင်း
၄။ ကရင် ကြာအင်းဆိပ်ကြီး အလယ်တံခွန်တိုင် ၅၀၀၈ စက်ရေတွင်း
၅။ ဘားအံ ဘန်ဘွေးကုန်း ၅၉၀ စက်ရေတွင်း
၆။ မန္တလေး ကျောက်ဆည် ကျောက်ဆောက်ကုန်း ၁၂၂၅ စက်ရေတွင်း
၇။ ကျောက်ပန်းတောင်း အိုင်မ ၅၇၆ စက်ရေတွင်း
၈။ ပျော်ဘွယ် ချိုင် ၄၆၃ စက်ရေတွင်း
၉ ။ ညောင်ဦး လက်ပန်ပင်တဲစု ၁၉၅၇ စက်ရေတွင်း
၁၀။ မကွေး မကွေး ရွာဟောင်းကန် ၁၆၀၂ စက်ရေတွင်း
၁၁။ ချောက် တောင်နောက် (ဂွေးချို) ၁၁၄၆ စက်ရေတွင်း
၁၂။ မကွေး လင့်မြင့် ၁၄၅၀ စက်ရေတွင်း
၁၃။ ဂန့်ဂေါ ပြစ်မ ၁၀၀၆ စက်ရေတွင်း
၁၄။ မွန် သံဖြူဇရပ် ပင ၁၅၀၀၉ စက်ရေတွင်း
၁၅။ မုဒုံ ကျိုက္ကာ ၆၀၅ စက်ရေတွင်း
၁၆။ စစ်ကိုင်း အင်းတော် မဲဇာ (ပိန်းအင်း) ၃၇၈ ရေသွယ်တန်းခြင်း
၁၇။ ကလေး နတ်ချောင်း ၅၆၃၉ စက်ရေတွင်း
၁၈။ ယင်းမာပင် ကြပ် ၅၆၀ စက်ရေတွင်း
၁၉။ မုံရွာ သာယာစု ၄၄၇ စက်ရေတွင်း
၂၀။ ရန်ကုန် ကျောက်တန်း သနပ်ပင် ၅၃၄ မြေသားကန်
၂၁။ ကျောက်တန်း သုခအောင် ၂၇၀ မြေသားကန်
၂၂။ ခရမ်း ဘိုကလေး ၁၂၀၀ ရေလှောင်ကန်ကာရံခြင်း
၂၃။ ခရမ်း ညောင်ပင်ကြီးတဲစု ၄၀၀ မြေသားကန်
၂၄။ ကွမ်းခြံကုန်း ကုလားပင်သောင်း ၂၅၀ မြေသားကန်
၂၅။ ကွမ်းခြံကုန်း ကန်ဝိုင်း ၃၃၄ မြေသားကန်
စက်ရေတွင်းတူးဖော်လှူဒါန်းမှုများနှင့် MPT ၏ လူမှုအကျိုးပြုလုပ်ငန်းများအကြောင်း ထပ်မံသိရှိလိုပါက ဖုန်းနံပါတ် ၁၀၆ သို့ခေါ်ဆိုခြင်း (သို့) MPT ၏ တရားဝင်ဝက်ဘ်ဆိုက် www.mpt.com.mm နှင့် တရားဝင်ဖေ့စ်ဘွတ်စာမျက်နှာ www.facebook.com/mptofficialpage သို့ ဝင်ရောက်လေ့လာနိုင်ပါသည်။

မြန်မာတစ်ဝန်းရှိ ဒေသ ၁၈ ခုတွင် ဒုတိယအကြိမ်အဖြစ် ပြုလုပ်မည့် “ သန့်ရှင်းခေတ်မီရှေ့သို့ချီ” နိုင်ငံအဝှမ်းစုပေါင်း သန့်ရှင်းရေးလှုပ်ရှားမှု၌ ပြည်သူလူထုမှ အတူပူးပေါင်းပါဝင်နိုင်ရန် MPT က ဖိတ်ခေါ်

(ရန်ကုန်၊ ၂၀၁၈ခုနှစ် ဒီဇင်ဘာ ၁၈ ရက်) – မြန်မာ့ဦးဆောင်ဆက်သွယ်ရေး အော်ပရေတာ MPT က မြန်မာ နိုင်ငံတစ်ဝှမ်းရှိ ဒေသ ၁၈ ခုတွင် ဒီဇင်ဘာလ ၂၂ ရက်နေ့၌ MPT ဝန်ထမ်းများ၊ မိသားစုဝင်များ၊ ယင်းတို့၏ မိတ်ဆွေများနှင့် ပြည်သူအများ အတူစုပေါင်း၍ တိုင်းနှင့် ပြည်နယ် အသီးသီးရှိ ထင်ရှားသည့် နေရာများ၊ ဘုရားစေတီများနှင့် အများပြည်သူတို့သွားလာရာ အထင်ကရ နေရာများတွင် အမှိုက်ကင်းစင်စေရေး အတွက် ဆောင်ရွက်သွားမည်ဖြစ်သည်။ ယခုလို လူအများစုပေါင်းပါဝင်သည့် လှုပ်ရှားမှု၏ အဓိကရည်ရွယ်ချက်မှာ မိမိတို့နေ့ထိုင်ရာ ပတ်ဝန်းကျင်ကို သန့်ရှင်းစေရေးနှင့် ကျန်းမာသည့် နေထိုင်မှုအလေ့အထများ လူမှုအသိုက်အဝန်းအတွင်း ဖြစ်ထွန်းလာစေရေးမှာ အရေးကြီးကြောင်း အများပြည်သူများအနေဖြင့် ပိုမိုသိရှိလာစေရန်အတွက် လူထောင်ပေါင်းများစွာ ပါဝင်ခြင်းဖြင့် အင်တိုက် အားတိုက် ဆောင်ရွက်လိုက်ခြင်းပင် ဖြစ်ပါသည်။

သန့်ရှင်းခေတ်မီ ရှေ့သို့ချီ စုပေါင်းသန့်ရှင်းရေးလှုပ်ရှားမှုအစီအစဉ်များကို နိုင်ငံတစ်ဝန်းရှိ အောက်ဖော်ပြပါနေရာ များတွင် ကျင်းပသွားမည်ဖြစ်ပါသည်။

MPT ၏ဒုတိယအကြိမ်မြောက်စုပေါင်းသန့်ရှင်းရေးလှုပ်ရှားမှု

 

စဉ် တိုင်း ပြည်နယ် နေရာ
၁။ ကချင်ပြည်နယ် ဧရာဦးပန်းခြံဆိပ်ကမ်း(မင်းရပ်ရပ်ကွက်)မှ ဝန်းသိုဘုန်းကြီးကျောင်း ဆိပ်ကမ်း(ရှမ်းစုမြောက်ရပ်ကွက်)အထိ (မြစ်ကြီးနား)
၂။ ကယားပြည်နယ် သီရိမင်္ဂလာဈေး (လွိုင်ကော်)
၃။ ကရင်ပြည်နယ် ကန်သာယာပတ်ဝန်းကျင် (ဘားအံ)
၄။ ချင်းပြည်နယ် ပြည်သူ့ဆေးရုံကြီး (ဟားခါး)
၅။ မွန်ပြည်နယ် သီရိမြိုင်ရပ်ကွက်၊(ပင်စင်စား) ဝန်ထမ်းအိမ်ယာ တစ်လျှောက် (မော်လမြိုင်)
၆။ ရခိုင်ပြည်နယ် ပွိုင့် ကမ်းခြေ (စစ်တွေ)
၇။ ရှမ်းပြည်နယ်(အရှေ့) နောင်တုံကန်ပတ်လမ်း (ကျိုင်းတုံ)
၈။ ရှမ်းပြည်နယ်(တောင်)                 အနာက်မြို့ပတ်လမ်း၊ ကျောက်တလုံး၊ ကက္ကူသွားလမ်း (တောင်ကြီး)
၉။ ရှမ်းပြည်နယ်(မြောက်) သူနာပြုနှင့် သားဖွားသင်တန်းကျောင်း မြို့မဈေးနှင့် လားရှိုး ပြည်သူ့ဆေးရုံကြီး (လားရှိုး)
၁၀။ ရန်ကုန်တိုင်းဒေသကြီး ရန်ကုန်ပြည်သူ့ဆေးရုံကြီး၊ အင်းယားကန်ဘောင်(ကမ္ဘာအေးလမ်းမကြီး)
၁၁။ မန္တလေးတိုင်းဒေသကြီး သုဓမ္မာဇရပ်များတလျောက်(မန္တလေးမြို့ ကျုံးမြောက်ဖက်)၊၁၂ – ၆၆လမ်းနှင့် ကျောက်တော်ကြီးဘုရားကြီး(မန္တလေး)
၁၂။ မကွေးတိုင်းဒေသကြီး မြသလွန်စေတီတော် (မကွေး)
၁၃။ စစ်ကိုင်းတိုင်းဒေသကြီး ကန်သာယာ။ ကွေ့ကြီးရပ်ကွက် (မုံရွာ)
၁၄။ ပဲခူးတိုင်းဒေသကြီး (အရှေ့) မဟာစေတီဘုရား (ပဲခူး)
၁၅။ ပဲခူးတိုင်းဒေသကြီး (အနောက်) ကမ်းနားလမ်းတစ်လျှောက် (ပြည်)
၁၆။ ဧရာဝတီတိုင်းဒေသကြီး ဦးပါရဲဘုရားဝန်း (ဟင်္သာတ)
၁၇။ တနင်္သာရီတိုင်းဒေသကြီး နေရာ ၁ – ထားဝယ်ပညာရေးကောလိပ်မှ ရေးလမ်းထောင့်လမ်းဆုံထိ

နေရာ ၂ – ထားဝယ်ပညာရေးကောလိပ်မှ အာဇာနည်လမ်းအထိ (ထားဝယ်)

၁၈။ နေပြည်တော် မြို့မဈေး နှင့် ကားဂိတ် (နေပြည်တော်)

MPT-KSGM Joint Operations ၏ လုပ်ငန်းလည်ပတ်မှုဌာနမှ အရာရှိချုပ်ဖြစ်သူ Mr. Yoshiaki Benino က “ အခုပြုလုပ်တဲ့ နိုင်ငံတစ်ဝှမ်း စုပေါင်းသန့်ရှင်းရေးလှုပ်ရှားမှုက ဒုတိယအကြိမ်မြောက်ဖြစ်ပြီးဒီတစ်ခေါက်မှာ အရင်ကထက်စာရင် စေတနာ့ဝန်ထမ်းတွေပိုပြီး ပါဝင်လာတာကို တွေ့ရခြင်းက ကျွန်တော်တို့ MPT ဝန်ထမ်း တွေသာမကပဲ ပြည်သူလူထုတွေကပါ ဒီအစီအစဉ်ကို ပါဝင်ဖို့ စိတ်အားထက်သန်နေတာကို ပြသလိုက်တာ ဖြစ်ပါတယ်။ မြန်မာနိုင်ငံရဲ့ အကြီးဆုံးဆက်သွယ်ရေး အော်ပရေတာ တစ်ခုအနေနဲ့ အများပြည်သူနဲ့ ဝန်ထမ်းပေါင်း ၆,၀၀၀ ကျော် က ထင်ရှားတဲ့နေရာတွေမှာ ဝိုင်းဝန်းသန့်ရှင်းအောင်ကူညီခြင်းနဲ့ ပါဝင်ကြမှာ ဖြစ်ပါတယ်။ လူတွေ နေ့စဉ်ဖြတ်သန်း သွားလာနေကြတဲ့ ထင်ရှားတဲ့ နေရာမျိုးတွေမှာ အမှိုက်သရိုက်တွေစွန့် ပစ်တာမျိုးနဲ့ တံတွေးထွေးတာလိုမျိုး စတဲ့လုပ်ရပ်တွေ လုပ်နေကြတာကို တွေ့ရပါတယ်။ အဲလို အပြုအမူတွေက လှပတဲ့နေရာ ပတ်ဝန်းကျင်ကို ညစ်နွမ်းစေရုံသာမကဘဲ ကျန်းမာရေးကိုလဲ ထိခိုက်စေနိုင်ပါတယ်။ ဒါကြောင့် လဲလူတိုင်းအတွက် သန့်ရှင်းပြီး ကျန်းမာစေတဲ့ နေရာတွေဖြစ်အောင် ထိန်းသိမ်းကြဖို့ အကြံပေးချင် တာလဲ ဖြစ်ပါတယ်။” ဟုပြောကြားခဲ့သည်။

ဆက်လက်၍ Mr. Yoshiaki Benino က “ နှလုံးသားထဲကမြန်မာ ဆောင်ပုဒ်နဲ့အညီ ကောင်းမွန်တဲ့ ဝန်ဆောင်မှု တွေကို သာမကဘဲ လိုအပ်တဲ့နေရာတွေမှာ ဒေသတွင်းအစိုးရနဲ့ အစိုးရမဟုတ်တဲ့အဖွဲ့အစည်းတွေ၊ လူမှုအဖွဲ့အစည်းတွေ နဲ့ အတူပူးပေါင်းပြီး တစ်နိုင်ငံလုံး အတိုင်းအတာနဲ့ ပါဝင် ပံ့ပိုးပေးနိုင်တဲ့ တစ်ခုတည်းသော အော် ပရေတာတစ်ခု ဖြစ်ခွင့်ရတဲ့ အတွက်အရမ်းဂုဏ်ယူမိပါတယ်။ အားလုံး အတူတူ ဝိုင်းဝန်းပြီး ပါဝင်တဲ့ သန့်ရှင်းရေး ပြုလုပ်ခြင်းနဲ့ ကောင်းမွန်တဲ့နေ့လေးတစ်ရက်ဖြစ်ဖို့ ကျွန်တော်တို့ မျှော်လင့်ပါတယ်။” ဟု ပြောကြား သည်။

နိုင်ငံတစ်ဝှမ်း သန့်ရှင်းရေးလှုပ်ရှားမှုကို MPT ၏ ဝန်ထမ်းအင်အားနှင့် ပြင်ပမှ စေတနာရှင် စုစုပေါင်း ၆,၀၀၀ ကျော်မှ ပြည်နယ်နှင့် တိုင်းဒေသကြီး အသီးသီးရှိ ပြည်သူများ၏ လူမှုဝန်းကျင်သာယာလှပ စေရေးအတွက် စိတ်အားထက်သန်စွာဖြင့် ပူးပေါင်းပါဝင်သည့် ထူးခြားအောင်မြင်သော ပွဲတစ်ခု ဖြစ်သည်။ ယခုအားထုတ်မှုမှတစ်ဆင့် မိမိနေထိုင်ရာ ပတ်ဝန်းကျင် သာယာလှပမှုကို ထိန်းသိမ်းသွားနိုင်မည်လည်း ဖြစ်ပါသည်။ ၎င်းမှာရေရှည်အတွက် စီးပွားရေးနှင့် လူမှုရေးဆိုင်ရာများတွင် MPT၏ ရည်မှန်းချက်များဖြစ်သော ကျန်းမာရေး၊ ပညာရေး နှင့် စီးပွားရေးကဏ္ဍများ တွင်လည်းအကျိုးပြုသွားနိုင်မည် ဖြစ်ပါသည်။ ကျန်းမာသော ပတ်ဝန်းကျင်တစ်ခု ၌ နေထိုင်ခြင်းဖြင့် အထူးသဖြင့် အနာဂတ်မျိုးဆက်သစ်လူငယ်များအတွက် ကျန်းမာရေး ကိုထိခိုက်စေနိုင်သော အန္တရာယ်ရှိသော အကျိုးဆက်များမှ ကာကွယ်နိုင်မည် ဖြစ်ပါသည်။