E-invoice ဆိုတာဘာလဲ?

E-invoice သည် လစဉ် ပေးပို့နေသော ငွေတောင်းခံလွှာများအား ပိုမို အဆင်ပြေ ချောမွေ့စွာ လက်ခံ ရရှိနိုင်ရန်အတွက် SMS နှင့် Email မှ တဆင့် ပေးပို့ခြင်း ဖြစ်ပါသည်။

ဘယ်သူတွေ စာရင်းပေးသွင်းနိုင်လဲ?

လစဉ်ငွေတောင်းခံလွှာ လက်ခံရရှိသော Postpaid service (PSTN, ADSL, GSM, CDMA, IPStar)နှင့် FTTH သုံးစွဲသူများအားလုံးသည် E-invoice အစီအစဉ်တွင် ဝန်ဆောင်ခ ထပ်မံပေးဆောင်ရန် မလိုဘဲ ပါဝင် လျောက်ထား နိုင်ပါသည်။

E-invoice ရဲ့ အားသာချက်တွေက ဘာလဲ?

• လစဉ်ငွေတောင်းခံလွှာ များအား ဒီဂျစ်တယ်နည်းလမ်းများဖြင့် ရယူခြင်းဖြင့် ယခင်စာရွက်ငွေတောင်းခံလွှာများထက် ပိုမိုစောလျင်စွာ နှင့် အချိန်မှန် လက်ခံရရှိနိုင်ခြင်း
• ဒီဂျစ်တယ်ငွေတောင်းခံလွှာတွင် သုံးစွဲသူများအနေဖြင့် မိုဘိုင်းဖုန်း (သို့မဟုတ်) ကွန်ပျူတာထဲတွင် အလွယ်တကူ သိမ်းဆည်းနိုင်ခြင်း၊ ငွေပေးချေမှု နှင့် အထောက်အထားများ အတွက်အသုံးပြုရန် အဆင်ပြေခြင်း
• စက္ကူအသုံးပြုမှုကိုလျှော့ချခြင်းသည်သစ်ပင်များကိုကယ်တင်ရန်၊ စွမ်းအင်နှင့်ပတ်ဝန်းကျင်ဆိုင်ရာစွန့်ပစ်ပစ္စည်းများကိုလျှော့ချရန်ကူညီနိုင်ခြင်း

ဘယ်လိုလျောက်ထားရမလဲ?

E-invoice လက်ခံ ရယူလိုသော ဖုန်းနံပါတ်နှင့် Email လိပ်စာ များအား အောက်ပါ နေရာ ၃ ခုအနက် ကြိုက်နှစ်သက်ရာနေရာတွင် စာရင်းပေးသွင်းနိုင်ပါသည်။

၁။  သုံးစွဲသူ ကိုယ်တိုင် စာရင်းပေးသွင်းရန် ဤ နေရာ ကိုနှိပ်၍ လည်းကောင်း

၂။ မိမိနှင့် နီးစပ်ရာ MPT ၏ ငွေလက်ခံကောင်တာ (TRA/Commercial Office ရုံး) များတွင်လည်းကောင်း

၃။ Call Center (၁၀၆) (သို့) ဝ၁- ၂၃၉၉၁၀၆ ကို ဖုန်းခေါ်ဆို၍သော်လည်းကောင်း စာရင်းပေးသွင်းနိုင်ပါသည်

သံရုံးနှင့် အစိုးရအဖွဲ့အစည်းများ၊ ကုမ္ပဏီဆိုင်ရာအဖွဲ့အစည်း (B2B) များမှ E-invoice လျှောက်ထားလိုပါက ဘာတွေလိုအပ်ပါသလဲ?

သံရုံးနှင့် အစိုးရအဖွဲ့အစည်းများ ၊ကုမ္ပဏီဆိုင်ရာအဖွဲ့အစည်း (B2B) များသည် သက်သာခွင့်အား ခံစားရရှိမည် မဟုတ်သော်လည်း  E-invoice အား လျောက်ထားလိုပါက လစဉ်ငွေတောင်းခံလွှာ လက်ခံရယူမည့် ဝန်ဆောင်မှု  နံပါတ်၊ SMS ရယူမည့် မိုဘိုင်းလ်ဖုန်းနံပါတ် ၊ Email လိပ်စာများနှင့် E-invoice ရယူလိုကြောင်းကို မိမိအဖွဲ့အစည်း၏ လျောက်ထားစာတွင် သေချာစွာ ဖော်ပြပြီး နီးစပ်ရာ TRA ငွေသွင်းကောင်တာ များ နှင့် Commercial ရုံးများတွင် လျောက်ထားနိုင်ပါသည်။

E-invoice စာရင်းပေးသွင်းရန်လမ်းညွှန်>>> Click