“ ဖတ်ညွှန်းဒိုင်ယာရီ” စာညွှန်းပြိုင်ပွဲသည် MPT နှင့် Wun Zinn Mobile Application တို့ပူးပေါင်းတင်ဆက်သည့် စာဖတ်ညွှန်းရေးသားမှုပြိုင်ပွဲ ဖြစ်ပါသည်။ စာရေးစာဖတ် ဝါသနာပါသူတိုင်း ပါဝင်ယှဉ်ပြိုင်နိုင်တဲ့ စာပေဖွံ့ဖြိုးရေး အစီအစဉ်တစ်ခုဖြစ်သလို၊ စာဖတ်သူမှ စာရေးသူအဖြစ်သို့ တက်လှမ်းနိုင်မယ့် ပေါင်းကူးတံတား ဆိုရင်လည်း မမှားပါဘူး။ ဒီအစီအစဉ်ကို ကျင်းပပြုလုပ်ရတဲ့ အဓိက ရည်ရွယ်ချက်ကတော့ စာဖတ်သူတိုးပွားရေးနဲ့  ရွက်ပုန်းသီးကလောင်သစ်တွေ ပေါ်ထွက်လာရေးတို့ပဲ ဖြစ်ပါတယ်။

မြန်မာနိုင်ငံသား မည်သူမဆို ပါဝင်ယှဉ်ပြိုင်နိုင်မှာဖြစ်ပါတယ်။  ပြိုင်ပွဲဝင်ရန် မည်သည့် အခကြေးငွေမှ မလိုအပ်ပါ။

ဖတ်ညွှန်းဒိုင်ယာရီ” စာညွှန်းပြိုင်ပွဲကြီးတွင် ပြိုင်ပွဲဝင်သူများအနေဖြင့် အောက်ပါအချက်များအတိုင်း ပြုလုပ်ဆောင်ရွက်ရမည်ဖြစ်ပါသည်။

(၁)  စာရေးဆရာ တစ်ယောက်ချင်းစီအလိုက် ရွေးချယ်ပေးထားသော စာအုပ်များထဲမှ မိမိကြိုက်နှစ်သက်သော စာအုပ်ကိုရွေးချယ်ပြီး မိမိ၏ကိုယ်ပိုင် အတွေးအမြင်ဖြင့်စာညွှန်းရေးသားရမည်ဖြစ်ပါသည်။ (စာညွှန်းရေးသားရာတွင် အများဆုံး ကန့်သတ်ထားသော စာလုံးအရေအတွက်မှာ ၂၀၀၀ ဖြစ်ပါသည်။)

(၂) ပြိုင်ပွဲဝင်များ သည် ဖတ်ညွှန်းများကို သက်ဆိုင်ရာHashtagများဖြင့်(#AuthorNameReviewDiary #WunZinnMPT)

မိမိ၏ ကိုယ်ပိုင် Facebook အကောင့် တွင် အောက်ဖော်ပြပါ အချိန်များအတွင်း public ဖြင့်တင်ရပါမည်။

Facebook Post တင်သောအချိန်တွက် စာအုပ်၏ဓာတ်ပုံအသုံးပြုလိုပါက Wun Zinn App ထဲရှိ စာအုပ်ပုံကို အသုံးပြုနိုင်ပါတယ် (သို့မဟုတ်) မိမိ၏ကိုယ်ပိုင်စာအုပ်ကို ဓါတ်ပုံရိုက်ပြီးလည်းတင်နိုင်ပါသည် (ထိုသို့ ဓါတ်ပုံရိုက်ထားသော စာအုပ်များ၏ မူပိုင်ခွင့်ကို Post တင်ထားသောသူကသာတာဝန်ယူရမည်ဖြစ်ပါသည်။) ဖတ်ညွှန်းတိုင်းရဲ့ အဆုံးမှာတော့ ပါဝင်ယှဉ်ပြိုင်သူရဲ့ အမည်ရင်း (သို့မဟုတ်) ကလောင်အမည်ကို ဖော်ပြရပါမယ်။

(၃) ထို့နောက် “ ဖတ်ညွှန်းဒိုင်ယာရီ စာညွှန်းပြိုင်ပွဲ” ၏ Facebook Group တွင်  http://bit.ly/ReviewDiaryFB အဖွဲ့ဝင်ဖြစ်အောင် Join ပေးရမည်ဖြစ်ပြီး Group ထဲတွင် တင်ထားသော Google Form တွင် ပြိုင်ပွဲဝင်အနေဖြင့် မေးထားသော အချက်အလက်များကို ပြည့်စုံစွာ ဖြည့်သွင်းပြီးပါက အောင်မြင်စွာ ပါဝင်ယှဉ်ပြိုင်ပြီးဖြစ်ပါပြီ။

(ကန့်သတ်ချက် ။  ။ပြိုင်ပွဲဝင်ဖတ်ညွှန်းများဟာ နိုင်ငံရေးနဲ့ ဘာသာရေး အရောင်ကင်းပြီး ပုဂ္ဂိုလ်ရေး ထိခိုက်ဝေဖန်မှုတို့ မပါဝင်တဲ့ ဖတ်ညွှန်းများဖြစ်ဖို့ လိုအပ်ပါတယ်။ ပြိုင်ပွဲဝင်ထားသော ဖတ်ညွှန်းများကို သတ်မှတ်ထားတဲ့ ပြိုင်ပွဲရက် မကျော်လွန်ခင်အတွင်း တည်းဖြတ်နိုင်ပါသော်လည်း ပြိုင်ပွဲရက် ကျော်လွန်မှ ပြင်ဆင်တည်းဖြတ်မှုများ ကိုမူ လက်ခံမည်မဟုတ်ပါ။)

ပြိုင်ပွဲကာလမှာ စုစုပေါင်း ရက်ပေါင်း ၄၀ ကြာမြင့်မည်ဖြစ်ပြီး အသေးစိတ်မှာ-

ရရှိနိုင်မည့်ဆုများကို အောက်ပါအတိုင်းခွဲခြားထားပါသည်။

မှတ်ချက်။           ။ ပြိုင်ပွဲကို အကြိမ်အရေအတွက် အကန့်အသတ်မရှိ ဝင်ပြိုင်နိုင်မည်ဖြစ်သော်လည်း ပွဲစဉ်တစ်ခုတွင် Popular Choice ဆုရရှိသည့် ပါဝင်ယှဉ်ပြိုင်သူ တစ်ဦးဦးသည် နောက်လာမည်ပွဲစဉ်အတွက် ထိုဆုကိုထပ်မံရရှိနိုင်မည် မဟုတ်ပါ။

ဆုရွေးချယ်မှုနှင့် ပတ်သတ်၍ဖြစ်စေ၊ စည်းမျဉ်း စည်းကမ်းနှင့် ပတ်သတ်၍ဖြစ်စေ  အငြင်းပွားဖွယ် တစ်စုံတစ်ရာပေါ်ပေါက်လာပါက MPT နှင့် Wun Zinn တို့၏ ဆုံးဖြတ်ချက်သာ အတည်ဖြစ်ပါသည်။

ပြိုင်ပွဲသက်မှတ်ကာလ အတွင်း ပေးပို့လာသော စည်းမျဉ်းစည်းကမ်းနှင့် ကိုက်ညီစွာ ရေးသားထားတဲ့ ဖတ်ညွှန်းများကို ဝန်ဇင်းမှသက်ဆိုင်ရာ ဒိုင်လူကြီးများ ကိုယ်တိုင် အကောင်းဆုံးဖတ်ညွှန်းများကို ရွေးချယ်သွားပြီး စာရေးဆရာတစ်ဦးချင်းစီအလိုက် ပထမဆု၊ ဒုတိယဆု၊ တတိယဆု တို့ကို အသီးသီးပေးအပ်သွားမှာဖြစ်ပါတယ်။

ပါဝင်ယှဉ်ပြိုင်သောဖတ်ညွှန်းများအနက်မှ စာရေးဆရာ တစ်ယောက်ချင်းစီအလိုက် Like and Share (Facebook Reaction) အများဆုံးရရှိသူ တစ်ဦးကိုသာ People Choice Award ပေးအပ်သွားမှာ ဖြစ်ပါတယ်။ People Choice Award အတွက် Facebook Reaction များကို မိမိကိုယ်တိုင် မိမိအကောင့်တွင် Public Post ဖြင့်တင်ထားသော Original Post မှ ကောက်ယူသွားမှာဖြစ်ပါတယ်။

စာရေးဆရာတစ်ယောက်ချင်းစီအလိုက် သတ်မှတ်ထားသောပြိုင်ပွဲကာလအပြီး တစ်ပတ်အတွင်း ပထမဆု၊ ဒုတိယဆု၊ တတိယဆု တွေကို Wun Zinn Team မှ အသီးသီးရွေးချယ်ပေးသွားမှာဖြစ်ပြီး အနိုင်ရရှိသူတွေကိုလည်း Wun Zinn နဲ့ MPT Official Facebook Page တွေမှာ ကြေငြာပေးသွားမှာဖြစ်ပါတယ်။

People Choice Award ကိုတော့ ပြိုင်ပွဲတစ်ခုချင်းစီအတွက် သတ်မှတ်ထားသော ပြိုင်ပွဲကာလ ပြီးဆုံးသောနေ့များတွင် Facebook Reaction Count များကို တွက်ချက်သွားမှာဖြစ်ပြီး Reaction အများဆုံးရရှိသူကိုသာ ဆုပေးသွားမှာဖြစ်ပါတယ်။

“ ဖတ်ညွှန်းဒိုင်ယာရီ” စာညွှန်းပြိုင်ပွဲကြီးတွင် ပြိုင်ပွဲ စည်းကမ်းချက်နှင့်ကိုက်ညီစွာ ဝင်ရောက် ယှဉ်ပြိုင်သော ပြိုင်ပွဲဝင်များအား Wun Zinn မှ “ ၁၀၀၀ ကျပ်တန် Wun Zinn Credit Code” အားပေးအပ်သွားမည်ဖြစ်ပါသည်။ အဆိုပါ Wun Zinn Credit Code များပေးအပ်သွားရန်အတွက် စာရေးဆရာတစ်ယောက်ချင်းစီအလိုက် သတ်မှတ်ထားသောပြိုင်ပွဲကာလအပြီး တစ်ပတ်အတွင်း Wun Zinn အဖွဲ့မှ ပြိုင်ပွဲဝင်တစ်ယောက်ချင်းစီ ကို ဆက်သွယ်ပေးမှာဖြစ်ပါတယ်။

Wun Zinn official Facebook page https://www.facebook.com/wunzinn  ( သို့မဟုတ် )

Phone Number –01 9339216, 106 သို့ ဆက်သွယ်စုံစမ်း မေးမြန်းနိုင်မှာဖြစ်ပါတယ်။