MPT Myanmar | Moving Myanmar Forward faqs mpt product mm - MPT Myanmar | Moving Myanmar Forward
×

အမျိုးအစားလိုက် ရွေးရန်

အမေးများသောမေးခွန်းများ

MPT4U

၁။ MPT4U App ဆိုတာဘာလဲ။

MPT အသုံးပြုသူတို့အတွက် ဖုန်းငွေဖြည့်ခြင်း၊ပက်ကေ့ချ်ဝယ်ယူခြင်း၊ ဖုန်းဘေအသုံးပြုမှုမှတ်တမ်းစစ်ဆေးခြင်း အစရှိသော ဝန်ဆောင်မှုမျိုးစုံတို့ကို တစ်နေရာထဲမှာအသုံးပြုနိုင်တဲ့ Application တစ်ခုဖြစ်ပါသည်။MPT4U app ကို မြန်မာဘာသာဖြင့်အသုံးပြုလို့ရနိုင်ပါသည်။

၂။ MPT4U ကို မိုဘိုင်းဒေတာ (အင်တာနက်)မရပဲ အသုံးပြုနိုင်သလား။

ဟုတ်ကဲ့ Android ဖုန်းများတွင် အင်တာနက်မရပဲအသုံးပြုနိုင်ပါသည်။ အောက်ပါနည်းအတိုင်းပြုလုပ်ပါ.
i. MPT network ကို အသုံးပြုပါ
ii. မိုဘိုင်းဒေတာကိုဖွင့်ပါ
iii. VPN ကိုပိတ်ပါ
iv. ပြီးနောက် MPT4U အက်ပလီးကေးရှင်းကိုအသုံးပြူနိုင်ပါတယ်

၃။ ဆင်းမ်ကတ် မှတ်ပုံတင်ခြင်းကို MPT4U တွင်လုပ်ဆောင်လို့ရပါသလား။မည်သို့ပြုလုပ်ရမည်နည်း။

ဆင်းမ်ကတ် မှတ်ပုံတင်ခြင်းကိုMPT4U တွင်လုပ်ဆောင်လို့ရပါသည်။
MPT4U မှ” ကျွန်ုပ် ” ကိုနှိပ်၍ “ ကိုယ်ရေးအချက်အလက်” စာမျက်နှာတွင် သင်ရဲ့လိုအပ်သောအချက်လက်များကိုမှန်ကန်စွာဖြည့်သွင်းပြီး “ သိမ်းပါ” ကိုနှိပ်၍ ပြုလုပ်ရပါမည်။

၄။ဆင်းမ်ကတ် မှတ်ပုံတင်ခြင်းအချက်အလက်များကိုMPT4U တွင်ပြုပြင်လို့ရပါသလား။

ရပါသည်။ မိမိ၏ကိုယ်ရေးအချက်အလက်များကို ပြန်လည်စစ်ဆေးပြီ: မှန်ကန်မှုမရှိပါက ပြန်လည်ပြုပြင်ဖြည့်သွင်းနိုင်ပါသညါ။

၅။ MPT4U ကိုအသုံးပြုရန်VPN လိုအပ်ပါသလား။

အင်တာနက်မလိုဘဲMPT4U ကိုအသုံးပြုရန်အတွက် VPNမလိုအပ်ပါ။ VPNကို ပိတ်ထားပေးပါ။

၆။ အင်တာနက်မလိုဘဲMPT4U ကိုအသုံးပြုရန်အတွက် ဝန်ဆောင်ခပေးရန်လိုအပ်ပါသလား။

မလိုအပ်ပါ။ MPT4U ကို MPT ကွန်ရက်တွင်အသုံးပြုပါက အမြဲတမ်းအခမဲ့ အသုံးပြုနိုင်ပါသည်။

၇။ အင်တာနက်မလိုဘဲMPT4U ထိပေါက်ရော ဆော့လို့ရလား။

ဟုတ်ကဲ့ ပုံမှန်အတိုင်း ထိပေါက်ဆော့နိုင်ပါတယ်။ သို့သော် တခါတရံ တုံပြန်မှုနှေးနိုင်ပါတယ်။

၈။ အင်တာနက်မလိုဘဲMPT4U ကိုအသုံးပြုရာတွင် ဝန်ဆောင်မှုအားလုံးသုံးနိုင်မည်လား။

ယခုအချိန် အင်တာနက်မလိုဘဲသုံးနိုင်သော ဝန်ဆောင်မှုများမှာ
i. လက်ကျန်ငွေစစ်ဆေးခြင်း
ii. နေစဉ်အသုံးပြုမှုမှတ်တမ်းစစ်ဆေးခြင်း
iii. ငွေဖြည့်ကဒ်အသုံးပြု၍ ငွေဖြည့်နိုင်ခြင်း
iv. ပက်ခ်ျေ့ဝယ်ယူခြင်း
v. အထူးကမ်းလှမ်းချက်များ ဝယ်ယူခြင်း
vi. လက်ကျန်ချေးငွေရယူခြင်း
vii. လက်ကျန်ငွေလွဲပြောင်းခြင်း
viii. MPT Club ပွိုင့် စစ်ဆေး အသုံးပြုခြင်း
ix. ထိပေါက်ဆော့ခြင်း
x. ငွေဖြည့်မှတ်တမ်း နှင့် ပက်ခ်ျေ့ဝယ်ယူခြင်းမှတ်တမ်း စစ်ဆေးခြင်း
xi. ဖုန်းခေါ်ဆိုခြင်းဝန်ဆောင်မှုနှင့် အစီအစဉ်ပြောင်းခြင်း တို့အသုံးပြုနိုင်ပါသည်။

၉။ အင်တာနက်မလိုဘဲMPT4U ကိုအသုံးပြုရာတွင် ဘယ်ဝန်ဆောင်မှုများ မရနိုင်မည်နည်း။

အင်တာနက်မရှိဘဲ သုံးပါကအောက်ပါဝန်ဆောင်မှုများမရရှိပါ။
i. ဖျော်ဖြေရေးဝန်ဆောင်မှုများဖြစ်သော မဟာ၊Viu၊ Mobile Legends ၊ MPT recommended video၊ MNL, MPT Ballone တို့သုံး၍မရပါ။
ii. သတင်းအချက်အလက်နှင့်တခြားဝန်ဆောင်မှုများဖြစ်သော လိုတရ၊ တရားတော်များ၊ ဗေဒင် ၊ ကျန်းမာရေးအာမခံနှင့် ဉာဏ်စမ်းဝန်ဆာင်မှူတို့မရပါ။
iii. တခြားMPT၏လူမှုကွန်ရက်များ Viber, Line, Facebook တို့ အသုံးပြု၍မရပါ။

၁၀။ အသုံးပြုနေစဉ် ရုတ်တရက် “ဝန်ဆောင်မှုအချိန်ကုန်ဆုံးပါပြီ”(သို့) ဘာစာသားမှမပေါ်ပဲ အဖြူရောင်ချည်းပဲမြင်နေရသည်မှာ မည်သည့်အဓိပ္ပာယ်နည်း။

သင်ရွေးချယ်နှိပ်လိုက်သော ဝန်ဆောင်မှုသည် အင်တာနက်မရှိဘဲ အသုံးပြုနေချိန်တွင် မရရှိနိုင်သောဝန်ဆောင်မှုဖြစ်သည့်အတွက် ထိုသို့မြင်တွေနိုင်ပါသည်။

၁၁။ လက်ကျန်ငွေလွဲနေချိန် (သို့) ထိပေါက်ကစားဖို့ကြိုးစားနေချိန်တွင် ဖုန်းscreenတွင် ဘာမှမပေါ်လာပါ။ဘာကြောင့်ဒီလိုဖြစ်ပါသလဲ။

ဒီလိုပဲတချိန်လုံး ဘာမှမပေါ်လာပါက မိုဘိုင်းဒေတာဖွင့်ပါ ပြီးနောက် VPNပိတ်ထား မထားကို သေချာစွာထပ်မံစစ်ဆေးပေးပါ။ တခါတရံ အချိန်အနည်းငယ်ကြာပြီးမှ ဝန်ဆောင်မှုရနိုင်ပါတယ်။

၁၂။ အင်တာနက်မလိုဘဲ iPhone တွင် MPT4U ကိုဘယ်လိုသုံးရမလဲ။

မရသေးပါ။မကြာမီ iPhone ဖုန်းတွင် အသုံးပြုနိုင်အောင် ဆောင်ရွက်နေပါသည်။

၁၃။ အင်တာနက်မလိုဘဲ MPT4U web ကိုအသုံးပြုနိုင်မလား။

အင်တာနက်မရှိပဲ MPT4U web ကိုအသုံးပြုလို့ မရပါ။

၁၄။ MPT4U App ကိုဘယ်လို Download ရယူရမလဲ။

MPT4U App Download & Install လုပ်ပုံအဆင့်ဆင့်ကို ဒီလင့်ခ်မှတစ်ဆင့်ဝင်ရောက်ကြည့်ရှုပါ။
lotayamm.com/mpt4u#howtodownload
Android ဖုန်းများအတွက် *4040# ကိုခေါ်ဆို၍ သော်လည်းကောင်း ၊ လိုတရဝက်ဆိုက်ဒ်မှ သော်လည်ကောင်း အခမဲ့ ဒေါင်းလုတ်ဆွဲ၍ ရယူနိုင်ပါသည်။ IOS အသုံးပြုသူများအနေနဲ့ MPT4U APP ကို App Storeမှသာလျှင် download / update ဆွဲ၍ရယူနိုင်ပါသည်။ iOS အတွက် MPT4U App Download ကအခမဲ့မဟုတ်ပါ။ App Store မှအင်တာနက်ကုန်ကျမှုဖြင့်ရယူနိုင်ပါသည်။

၁၅။ MPT4U Appကိုဘယ်လိုUpgradeလုပ်နိုင်ပါသလဲ?

သုံးစွဲသူအနေဖြင့် Update Nowဆိုသော ခလုတ်ကိုနှိပ်၍ လိုတရ ဝက်ဘ်ဆိုက်မှတစ်ဆင့် (သို့) *4040# ကိုခေါ်ဆို၍လည်း အခမဲ့ဒေါင်းလုတ်ပြုနိုင်မှာပါ။ IOSအသုံးပြုသူများအနေဖြင့်မူ App Storeတစ်မျိုးတည်းမှသာ ဒေါင်းလုတ်ပြုလုပ်နိုင်မှာဖြစ်ပါတယ်။

၁၆။ MPT4U App ကိုဘယ်လိုအသုံးပြုရမလဲ။

MPT4U App ကို အသုံးပြုရန် အောက်ဖော်ပြပါ အတိုင်းတစ်ဆင့်ခြင်းလုပ်ဆောင်၍အသုံးပြုနိုင်ပါသည်။
(၁) ဖုန်း အင်တာနက်ဖွင့်ပါ။
(၂) ဖုန်းထဲရှိ MPT4U App ထဲသို့ဝင်ပါ။
(၃) App ၏ပင်မစာမျက်နှာသို့ရောက်ရှိပါမည်။
App ၏ပင်မစာမျက်နှာ တွင်မိမိအသုံးပြုလိုသောဝန်ဆောင်မှု့များကို ရွေးချယ်အသုံးပြုနိုင်ပါသည်။

၁၇။ MPT4U App ကနေ ဘာဝန်ဆောင်မှုတွေ ရနိူင် ရယူနိုင်သလဲ။

MPT4U app မှတစ်ဆင့် လက်ကျန်ငွေစစ်ဆေးခြင်း၊ဖုန်းဘေလ်ဖြည့်ခြင်း၊နေ့စဉ်အသုံးပြုသည့် ဖုန်းဘေလ်နှင့်ထပ်ဆောင်းဝန်ဆောင်မှု၏ဝန်ဆောင်ခများစစ်ဆေးခြင်း ၊ပက်ကေ့ခ်ဝယ်ယူခြင်း၊ဖုန်းဘေလ်ချေးယူခြင်း ၊ဖုန်းဘေလ်လွှဲပြောင်းခြင်း၊ ပက်ကေ့ချ် လက်ကျန် ပမာဏများ စစ်ဆေးနိုင်ခြင်း၊ ရယူထားသော ထပ်ဆောင်းဝန်ဆောင်မှုများကို စစ်ဆေးနိုင်ခြင်း၊ Call Service ဝန်ဆောင်မှု့များ ရယူနိုင်ခြင်း၊FAQ များ ဖတ်ရှု့နိုင်ခြင်း၊MPT Ring Tune ရယူခြင်း
၊MPT Club ပွိုင့်များ စစ်ဆေးနိုင်ခြင်း၊လိုတရ ပေ့ချ် သို့ဝင်ရောက်နိုင်ခြင်း၊ရှယ်ပြော၊ ရွှေစကား အစရှိသော ဝန်ဆောင်မှု များပြောင်းလဲနိုင်ခြင်း၊ MPT4U ဂိမ်း ဝန်ဆောင်မှု အစရှိတဲ့ဝန်ဆောင်မှုများ ရရှိနိုင်ပါသည်။

၁၈။ MPT4U App ကိုအခြားဘယ် Network နဲ့ မဆိုသုံးလို့ရနေပြီလား။

MPT Network သာမက အခြား Network နှင့်လည်းကောင်း၊ Wifi ဖြင့်လည်းကောင်းအသုံးပြုလို့ရပါသည်။ MPT Network ဖြင့်ဝင်ရောက်ပါက အင်တာနက် အခမဲ့ဖြစ်ပါသည်။

၁၉။ MPT4U Version အသစ်ကဘာလဲ။ Version အသစ်ကို အသုံးပြုရန် အနိမ့်ဆုံး Android နဲ့ iOS ဗားရှင်းကဘယ်လောက်ရှိရမှာလဲ။

IOS : 1.4.6 နှင့် Andorid : 4.3.6ဗားရှင်း ဖြစ်ပါတယ်။ Android ဗားရှင်း “ 6” ထက်နိမ့်ပြီး iOS ဗားရှင်း “ 10” ထက်နိမ့်လျှင် အသုံးပြုမရပါ။

၂၀။ သတ်မှတ်ထားသည့် version ထက်နိမ့်နေသော ဖုန်းများသည် MPT4U Versionအသစ်ကိုအသုံးပြုရန် ဒေါင်းလုတ်လုပ်ပြီးတပ်ဆင်နိူင်ပါသလား။

သတ်မှတ်ထားသည့် version ထက်နိမ့်နေသော ဖုန်းများတွင် အက်ပလီကေးရှင်းကို ​ဒေါင်းလုတ် လုပ် နိူင်သော်လည်း တစ်ချို့လုပ်ဆောင်မှုများကို အသုံးမပြုနိုင်ဘဲ အလိုအလျောက် အက်ပလီကေးရှင်းထဲမှထွက်သွားလိမ့်မည်။

၂၁။ မိမိဖုန်းတွင် MPT4U အက်ပလီကေးရှင်း ဗားရှင်းကိုဘယ်လိုစစ်ဆေးနိုင်မလဲ။

Side bar menu အောက်ရှိ Setting page မှာသွားရောက်စစ်ဆေးနိုင်ပါတယ်။

၂၂။ ဘာသာစကားကိုဘယ်လိုပြောင်းရမှာလဲ။

Side bar menu ထဲက -> Setting အောက်ရှိ Language ကိုရွေးပြီး ပြောင်းနိုင်ပါတယ်။

၂၃။ USSD ဖြင့်ပက်ကေ့ချ်များဝယ်ယူပြီးနောက် ရရှိသော ထိပေါက် chance များကို SMS မှတဆင့်ပေးပို့ပြီးသော်လည်း MPT4Uအက်ပလီကေးရှင်း ထဲတွင်ဘာကြောင့်မတွေ့ရှိရပါသလဲ။

MPT4U အက်ပလီကေးရှင်း ဗားရှင်းအသစ်ကို မိတ်ဆက်ပေးပြီးသည့်နော်ကတွင် USSD အပါအဝင် အခြား channel များမှပက်ကေ့ချ်ဝယ်ယူခဲ့ပါက ရရှိသော chance များသည် MPT4U အက်ပလီကေးရှင်းအသစ် ထဲသို့ တိုက်ရိုက်ရောက်ရှိသွားမှာဖြစ်သည့်အတွက် ဗားရှင်းအသစ်တွင်သာ သွားရောက်ကစားနိုင်မှာဖြစ်ပါတယ်။

၂၄။ မိမိဝယ်ယူထားသော ပက်ကေ့ချ်များ ဘေလ်လက်ကျန်များကို စစ်ဆေးလိုပါက MPT4U ဗားရှင်းအသစ်တွင် ဘယ်လို စစ်ဆေးနိုင်မလဲ။

Side bar menu ထဲက ->Account detail page မှာသွားရောက်စစ်ဆေးနိုင်ပါတယ်။

၂၅။ Home screen မှာ Icon ဘယ်နှခုထိ ထားလို့ရမလဲ။? အဲ့Icon လေးတွေကိုဘယ်လိုပြောင်းလို့ရမလဲ။

Icon (၁၁)ခုထိ ထားလို့ရပါတယ်။ Icon လေးတွေပြောင်းရွေ့ဖို့ရန်အတွက်Service ထဲမှာ edit ကို click လုပ်ပြီး Icon လေးတွေကို drag လုပ်၍ပြောင်းလို့ရပါတယ်။
မှတ်ချက်။ ။ အပေါ်ဆုံးမှာတွေ့မြင်ရမည့် icons ၄ ခုကိုတော့ ကိုယ်လိုချင်သလို ပြောင်းလို့ရမှာမဟုတ်ပါဘူး။ Default ထားထားခြင်းအတွက်ကြောင့် ဖြစ်ပါသည်။

၂၆။ Home screen မှာမြင်ရတဲ့ Privilegeအိုင်ကွန်လေးသည် မည်သည့်အတွက်ထားရှိထားတာပါလဲ?

Privilege icon သည် MPT Club နှင့်ပတ်သက်၍ ပိုမိုသိလိုပါက ၎င်း icon ကိုနှိပ်၍ ဝင်ရောက်ကြည့်ရှုနိုင်ရန်ဖြစ်ပါသည်။

၂၇။ Account Details တွင်ဖော်ပြထားသော Balance, Daily Usage, Top Up History, Order History များကို မည်သည့်ရက်ပေါင်းအတွင်း စစ်ဆေးလို့ရနိူင်မလဲ။

Account Details တွင် Balance ကို Real Time Balance အဖြစ် စစ်ဆေးနိုင်မည်ဖြစ်သည်။
Daily usage ကို ရက် ၉၀ ထိနှင့် လက်ရှိ အချိန်ထိစစ်ဆေးနိုင်ပြီး Top Up History နှင့် Package Purchase History များကို (၆) လစာစစ်ဆေးနိုင်မှာဖြစ်ပါတယ်။

၂၈။ ထိပေါက် ကစားပြီး ကံစမ်းမဲပေါက်ထားသည်များကို စစ်ဆေးလို့ရပါသလား။

ထိပေါက် ကစားပြီး ကံစမ်းမဲပေါက်ထားသည်များကို main page ရှိ Lucky Draw ကို နှိပ်ပြီးထိပေါက် Historyတွင် (၇)ရက်ထိစစ်ဆေးလို့ရပါတယ်။

၂၉။ My Profile မှာပါတဲ့ % ကဘာလဲ။

သုံးစွဲသူ၏မှတ်ပုံတင် သတင်းအချက်အလက်ရာခိုင်နှုန်းဖြစ်ပါတယ်။

၃၀ ။ Package Purchase page တွင်ပေါ်နေသော Gift icon ဆိုတာဘာလဲ။

MPT သုံးစွဲသူ အချင်းချင်း လက်ဆောင်ပေးလို့ရတဲ့ လုပ်ဆောင်ချက်ပါ။

၃၁ ။ VPN ချိတ်ဆက်ထားပြီး MPT4U APP ကို အသုံးပြုလို့ရပါသလား။

MPT4U APP ကို VPN ချိတ်ဆက်ထားပြီး အသုံးပြုလို့ရသလို မချိတ်ဆက်ထားရင်လည်း အသုံးပြုလို့ရပါတယ်။ သို့သော် VPN ချိတ်ပြီးအသုံးပြုရင် ပထမဆုံး အနေနဲ့ OTP တောင်းပါမယ် ။ ဒါအပြင် MPT4U APP တွင် ပါဝင်သော အချို့ services များ အသုံးပြုနေစဉ် တွင် လုပ်ဆောင်ချက် များမှာ ပုံမှန်ထက် နှေးကွေးမှုများ ကြုံတွေ့ရတတ်ပါသည်။
MPT4U APP ကို ပိုမိုမြန်ဆန်စွာအသုံးပြု ချင်ရင် VPN ကိုဖြုတ်ပြီး အသုံးပြုလို့ရပါတယ်။

၃၂ ။ MPT4U game ဝန်ဆောင်မှုဆိုတာဘာလဲ။ မည်သို့ကစားရမလဲ။

MPT4U ၏မူလစာမျက်နှာမှတစ်ဆင့် game icon အားနှိပ်၍ MPT4U game များကို ဆော့ကစားနိုင်သည့် ဝန်ဆောင်မှုဖြစ်ပါသည်။

၃၃ ။ MPT4U game ကို မည်သူတွေပါဝင်ကစားခွင့်ရှိပါသလဲ။

MPT4U App အား ဖုန်းတွင်ထည့်သွင်းထားသည့် MPT အသုံးပြုသူများ ပါဝင်ကစားခွင့်ရှိပါသည်။ MPT ကဒ်အသုံးပြုပြီး MPT4U App အားမထည့်သွင်းရသေးသူများ အနေဖြင့်လည်း အောက်ပါလင့်မှ တစ်ဆင့်သော်လည်းကောင်း *4040# အားခေါ်ဆို၍ ဒေါင်းလုတ်လင့်ရယူ၍လည်းကောင်း MPT4U App အားဖုန်းတွင် ထည့်သွင်း၍ ပါဝင်ကစားနိုင်ပါသည်။
ဒေါင်းလုတ်ရယူရန်လင့် – https://bit.ly/MPT4Ufree

၃၄ ။ MPT4U game မှာ game ဘယ်လောက်ပါဝင်မှာလဲ။

အနည်းဆုံး game ပေါင်း (၅) ခုပါဝင်မှာ ဖြစ်ပါတယ်။

၃၅ ။ Game တွေကို ကစားရင် ဒေတာဖိုး ကုန်ကျပါမည်လား။

MPT4U game များကစားရာတွင် မည်သည့်ဒေတာဖိုးမျှပေးရန် မလိုပဲ အခမဲ့ဒေတာဖြင့် ကစားနိုင်ပါသည်။

၃၆ ။ Game တွေကို ကစားရင် မည်မျှပေး၍ ကစားရမလဲ။

Game ကစားသူများသည် Game များကို အောက်ပါအခြေအနေနှစ်မျိုးနှင့် ကစားနိုင်ပါသည်။
အခမဲ့ပွဲစဉ်များ – ကစားသူများအနေဖြင့် မည်သည့်အခကြေးငွေပေးစရာမလိုပဲ အခမဲ့ကစားနိုင်ပါသည်။
ဝင်ကြေးပေးပွဲစဉ်များ – ကစားသူများအနေဖြင့် သတ်မှတ်ထားသည့် ဝင်ကြေးပေး၍ ကစားနိုင်ပါသည်။

၃၇ ။အခမဲ့ဂိမ်းတွေအတွက် ဆုလက်ဆောင်တွေပါမည်လား။

အခမဲ့ဂိမ်းများအတွက် ဆုလက်ဆောင်များပါဝင်မှာ ဖြစ်ပါတယ်။ ဝင်ရောက်ကစားသူများအတွက် ဒေတာ၊ ဖုန်းခေါ်ဆိုခွင့်၊ စာတိုမက်ဆေ့ အစရှိသည့် ဆုများအပြင် ဖုန်း၊ ရွှေဒင်္ဂါးပြားများစသည့် ဆုလက်ဆောင်များကို ကစားသမားများ၏ ရမှတ်များပေါ်မူတည်၍ အဆင့်သတ်မှတ်ချက်အတိုင်း ဆုလက်ဆောင်များ ရရှိမှာ ဖြစ်ပါသည်။

၃၈ ။ဂိမ်းကစားခြင်း၏ အဆင့်သတ်မှတ်ချက်မှာ အဘယ်နည်း။

သတ်မှတ်ထားသည့် ပွဲစဉ်အချိန်များအတွင်း အမှတ်အများဆုံး ရရှိသူသည် ပထမနေရာကို ရရှိမည် ဖြစ်ပြီး အခြားသော အဆင့်များကိုလည်း အမှတ်ပေါ်မူတည်၍ သတ်မှတ်သွားမှာ ဖြစ်ပါတယ်။ ကစားချိန်အတွင်း အမှတ်တူနေ ရှိနေပါက ရမှတ်ပထမဆုံး ရရှိသူသည့် အဆင့်ပိုမှာ ဖြစ်ပါတယ်။

၃၉ ။ဝင်ကြေးပေး၍ ကစားရသောဂိမ်းများအတွက် ဆုလက်ဆောင်ဟာ မည်သည့်အရာများဖြစ်သလဲ။ ဝင်ကြေး မည်မျှရှိမည်နည်း။

ဝင်ကြေးပေးရသော ဂိမ်းများအတွက် ဆုလက်ဆောင်များအဖြစ် MPT ဘေလ်များကို ရမှတ်နှင့်အဆင့်အလိုက် ရရှိမည်ဖြစ်ပြီး ဝင်ကြေးမှာ အနည်းဆုံး ၉၉ကျပ်မှ စတင်မည်ဖြစ်ပါသည်။

၄၀ ။ဆုရရှိသူများသည် မည့်သည့်အချိန်တွင် လက်ဆောင်များရရှိပါမည်နည်း။

ဆုရရှိသူများသည် ပွဲစဉ်ပြီးဆုံးသည့် အချိန်မှစတင်၍ ၁၀ရက်အတွင်း လက်ဆောင်ရရှိမည်ဖြစ်ပါသည်။

၄၁ ။ဆုရရှိသည့်အခါ စာတိုဖြင့် အကြောင်းကြားမည်လား။

ရရှိသည့်ဆုအား ပေးအပ်သည့်အခါတွင် စာတိုဖြင့် အကြောင်းကြားမည်ဖြစ်ပါသည်။
ကစားသမားများသည် မိမိရရှိသည့် အဆင့်နှင့်ဆုလက်ဆောင်များကို ပြိုင်ပွဲကျင်းပနေစဉ်သော်လည်းကောင်း၊ ပြီးဆုံးသွားသည့်သော်လည်းကောင်း ဂိမ်းစာမျက်နှာတွင် စစ်ဆေးကြည့်နိုင်ပါသည်။

၄၂ ။အကယ်၍ ဂိမ်းကစားသူသည် ယခုပြိုင်ပွဲများအပြင် ယခင်ပြိုင်ပွဲများတွင်ပါ တယ်လီကွန်းဆုများ ဆွတ်ခူးထားပါက ဆုလက်ဆောင်များ၏ သက်တမ်းကို မည်ကဲ့သို့ဖြတ်တောက်သွားမည်နည်း။

တယ်လီကွန်းဆုလက်ဆောင်များ၏ သက်တမ်းသည် ရက်(၇)ဖြစ်ပါသည်။
တယ်လီကွန်းဆုလက်ဆောင်အား အစောပိုင်းရရှိသည့် ဆုလက်ဆောင်အား စတင်ဖြတ်တောက်ပြီး အဆိုပါဆုလက်ဆောင်ကုန်သွား၍သော်လည်းကောင်း သက်တမ်းကုန်သွား၍သော်လည်းကောင်း အခြေအနေမှသာ နောက်ဆုံးရရှိသည့် ဆုလက်ဆောင်အား ဖြတ်တောက်သွားပါမည်။

၄၃ ။ MPT4U App ဂိမ်းပြိုင်ပွဲများတွင် ကစားသူများ နည်းလမ်းမှန်ကန်စွာဖြင့် ကစားပြီး ဆုလက်ဆောင်များ ရရှိအောင် ဘယ်လိုပြုလုပ်ထားပါသလဲ။

MPT4U App မှဂိမ်းဆော့ခြင်းမှ အမှတ်များရအောင်နှင့်အဆင့်ထိပ်ဆုံးများရအောင် ဂိမ်းဆော့ခြင်းမှမဟုတ်ပဲ အခြား Third Party Software များ၊ MPT4U ဂိမ်းပြင်ပ App များအသုံးပြုခြင်းကို ခွင့်မပြုပါ။ အသုံးပြုကြောင်း တွေ့ရှိပါက ကစားသူ၏ ဖုန်းနံပါတ်အား Blacklist သွင်း၍ နောက်ပိုင်း ဂိမ်းပြိုင်ပွဲများတွင် ပါဝင်ခွင့်ပိတ်ပင်သွားမည်ဖြစ်ပါသည်။ အထက်ပါနည်းလမ်းများဖြင့် ရရှိလာခဲ့သည့် ဆုလက်ဆောင်ကိုလည်း ပေးအပ်သွားမည်မဟုတ်ပါ။

MPT Club

၁။ MPT Club အစီအစဉ် ဆိုတာ ဘာပါလဲ။ MPT Club အစီအစဉ်မှာ ဘာ့ကြောင့် ပါဝင်သင့်ပါသလဲ။

MPT Club သည် MPT သုံးစွဲသူတိုင်း ဆုလက်ဆောင်များရရှိနိုင်မည့် အစီအစဉ်ဖြစ်ပါသည်။ MPT Club အစီအစဉ်တွင် ပါဝင်ထားသော MPTဖုန်းနံပါတ်သည် ဖုန်း အသုံးပြု မှု ပေါ်တွင်အခြေခံပြီး ၊ MPT၏ မိတ်ဖက်(partner) ဆိုင်များတွင် ဈေးဝယ်တိုင်း MPT Point များကို ထပ်ဆောင်းလက်ဆောင်အဖြစ် ရရှိနိုင်မည်ဖြစ်ပါသည်။

အဆိုပါ ရရှိထားသော MPT Pointများဖြင့် အထူးစီစဉ်ထားသော MPT ဝန်ဆောင်မှုများ၊ MPT မိတ်ဖက်(partner) ဆိုင်များမှ ဈေးဝယ်ကူပွန်များကို လဲလှယ်ရယူနိုင်မည်ဖြစ်သည်။

၂။ MPT Club အစီအစဉ်မှာ ဘယ်သူတွေပါဝင်နိုင်ပါသလဲ။

MPT SIM Card အသုံးပြုနေသူ (active customer) များအားလုံး MPT Club အစီအစဉ်တွင် ပါဝင်နိုင်ပါသည်။ ( GSM/WCDMA/CDMA ဖုန်းများ၏ Prepaid စနစ်(သို့) Postpaid စနစ်အသုံးပြုနေသူများအားလုံး)

၃။ MPT Club အစီအစဉ်မှာ ဘယ်လို ပါဝင်ရမှာပါလဲ။

အောက်ဖော်ပြပါနည်းလမ်းများအနက်မှ ကြိုက်နှစ်သက်ရာ တစ်မျိုးကိုသုံး၍ တစ်ကြိမ်လျှောက်ထားရုံဖြင့် MPT Club အစီအစဉ်တွင် ပါဝင်နိုင်ပါသည်။

(၁)                 USSD ကို အသုံးပြုခြင်းနည်းလမ်း – *345# ကို ရိုက်နှိပ်ခေါ်ဆိုခြင်း။

(၂)                SMS ကို အသုံးပြုခြင်းနည်းလမ်း – 345သို့ REG M/F ဟု စာတို(SMS)ပေးပို့ခြင်း။

(၃)   MPT4U app link

(၄)            Andriod : https://bit.ly/2z4ZhrJ

(၅)          IOS: http://apple.co/2yNZJWY

၄။ MPT Club အစီအစဉ်တွင် ပါဝင်ရန် အခကြေးငွေ ပေးရန်လိုအပ်ပါသလား(သို့) MPT Club အစီအစဉ်တွင် ပါဝင်ခြင်းကြောင့် ကုန်ကျစားရိတ် တစ်စုံတစ်ရာရှိမှာပါလား။

အခကြေးငွေပေးဆောင်ရန် လုံးဝမလိုအပ်ပါ။ အပိုဆောင်းကုန်ကျစားရိတ်လည်း ရှိမည်မဟုတ်ပါ။

၅။ MPT Club အစီအစဉ်ကို အသုံးပြုပါက လက်ရှိကျသင့်နေသော အသုံးပြုခနှုန်းထားများ (ဖုန်းခေါ်ဆိုခ နှုန်းထား၊ အင်တာနက်အသုံးပြုခနှုန်းထား၊ SMS ပေးပို့ခများ) ပြောင်းလဲသွားမှာပါလား။ Voice Package၊ Data Package တွေရော ဘာတွေပြောင်းလဲသွားမှာလဲ။

ပြောင်းလဲမှုမရှိပါ။ လက်ရှိ အသုံးပြုနေသော နှုန်းထားများအတိုင်းဆက်လက်အသုံးပြုနိုင်မည်ဖြစ်ပြီး MPT Point များကို ထပ်ဆောင်းလက်ဆောင်အဖြစ် ရရှိမည်ဖြစ်ပါသည်။

၆။MPT၏ မိတ်ဖက်(partner) ဆိုင်တွေက ဘယ်သူတွေပါလဲ။

( အချိန်နှင့်တပြေးညီ ပြောင်းလဲမှုရှိနိုင်ပါသည် )။ https://www.mpt.com.mm/en/mpt-club-en/   တွင် ကြည့်ရှူနိုင်ပါသည်။

၇။ MPT ကနေ ဘယ်လိုပုံစံနဲ့ MPT Point တွေ ရရှိနိုင်မှာပါလဲ။

နည်းလမ်း နှစ်မျိုးဖြင့် ရရှိနိုင်ပါသည်။

(၁) ယနေ့အသုံးပြုလိုက်သော ဖုန်းငွေ ပမာဏ အပေါ် မူတည် ၍ မိမိ ရောက်ရှိနေသော member level အလိုက်နောက်တနေ့ တွင်Point များကို ရရှိ သွားမည် ဖြစ်သည်။ မိမိ အသုံးပြု လိုက်သော ဖုန်းငွေပမာဏ သို့ Usage ဆိုသည် မှာ မိမိ ဖုန်းဘေလက်ကျန် ငွေမှ အသုံး ပြု လိုက် သော လုပ်ဆောင် မှူ အားလုံး ဆိုလိုပါသည်။ Pay as you go, Package, ချေးငွေ ရယူမှု နှင့် service subscription fees (SDP, IDD and VAS service) ဝယ်ယူ မှူ အားလုံး ကိုဆိုလိုပါသည်။

(၂) MPT ၏ မိတ်ဖက် ဆိုင်များတွင် ဈေးဝယ် တိုင်း MPT Point  များကို ထပ်ဆောင်း လက်ဆောင် အဖြစ် ရရှိမှာဖြစ်ပါသည်။

၈။ MPT၏ မိတ်ဖက်(partner) ဆိုင်တွေ ကနေ ဘယ်လိုပုံစံနဲ့ MPT Point တွေ ရရှိနိုင်မှာပါလဲ။

MPT၏ မိတ်ဖက်(partner) ဆိုင်များတွင် အသုံးပြုသော (ဈေးဝယ်ယူသော) ငွေပမာဏအလိုက် MPT Point များကို အဆိုပါ ဆိုင်က အောက်ဖော်ပြပါ နည်းလမ်းဖြင့် ပေးအပ်သွားမည်ဖြစ်သည်။

(၁) ငွေပေးချေပြီးပါက အလိုအလျောက်စနစ်ဖြင့် မိတ်ဖက်(partner) ဆိုင် မှ MPT Club Point ပေးအပ်ခြင်း။ စစ်ဆေးကြည့်လိုပါက 345 သို့ BAL ဟု စာတိုပေးပို့ပါ။

၉။ MPT Point ကို MPT ဝန်ဆောင်မှုတွေနဲ့ လဲလှယ်ဖို့ ဘာတွေလုပ်ဖို့လိုလဲ။

*345*3*1# ကို ရိုက်နှိပ်ခေါ်ဆိုပြီး လဲလှယ်ယူနိုင်သည့် MPT ဝန်ဆောင်မှုများကို စစ်ဆေးကြည့်နိုင်ပါ သည်။

မှတ်ချက်-မိမိလဲလှယ်ယူလိုသည့် ဝန်ဆောင်မှုအတွက် လုံလောက်သော MPT Point ရှိရန်လိုအပ်ပါ သည်။

၁၀။ MPT Point ကို MPT၏ မိတ်ဖက်(partner) ဆိုင်တွေမှာ လဲလှယ်ဖို့ ဘာတွေလုပ်ဖို့လိုလဲ။

*345*3*2# ကို ရိုက်နှိပ်ခေါ်ဆိုပြီး လဲလှယ်ယူနိုင်သည့် MPT၏ မိတ်ဖက်(partner) ဆိုင်များ၏ Cuponများကို စစ်ဆေးကြည့်နိုင်ပါသည်။

Product တစ်ခုကို ရွေးချယ်လိုက်ပါက Voucher Code ကို လက်ခံရရှိမည်ဖြစ်ပြီး MPT၏ မိတ်ဖက်(partner) ဆိုင်တွင် အဆိုပါ Vocher Codeကိုပြကာ ပစ္စည်းထုတ်ယူနိုင်မည် (သို့) discount ခံစားခွင့်ရရှိမည်ဖြစ်သည်။

သို့  MPT4U app မှ MPT Club icon ကို နှိပ်ပြီး redemption မှတဆင့် ပစ္စည်း များကိုရွေးချယ်နိုင်ပါသည်

မှတ်ချက်- (၁) မိမိလဲလှယ်ယူလိုသည့် ဝန်ဆောင်မှုအတွက် လုံလောက်သော MPT Point ရှိရန်လိုအပ်ပါ သည်။

(၂) မိမိ ရွေးချယ်လိုက်သော product ကို ပြန်၍ cancel လုပ်၍ ရမည် မဟုတ်ချေ။

၁၁။ ကျွန်တော်တို့မြို့မှာ MPT၏ မိတ်ဖက်(partner) ဆိုင်တွေမရှိပါဘူး။ ဘယ်လို လဲလှယ်ရမလဲ။

MPT Point များကို MPTဝန်ဆောင်မှုများနှင့်လည်း လဲလှယ်အသုံးပြုနိုင်မည်ဖြစ်သည်။ မြန်မာနိုင်ငံအနှံ့အပြားတွင် MPT၏ မိတ်ဖက်(partner) ဆိုင်များရှိနေစေရန်လည်း MPT မှ ကြိုးစားဆောင်ရွက်လျက်ရှိပါသည်။

၁၂။ MPT၏ မိတ်ဖက်(partner) ဆိုင်တွေက ရရှိထားတဲ့ MPT Point တွေကိုရော MPT ဝန်ဆောင်မှုတွေနဲ့လဲလှယ်နိုင်ပါသလား။ အပြန်အလှန်အားဖြင့် MPTက ရရှိထားတဲ့ MPT Point တွေကိုရော MPTမိတ်ဖက်(partner) ဆိုင်တွေမှာ လဲလှယ်နိုင်ပါသလား။ ဘယ်လိုသတ်မှတ်ချက်တွေရှိပါသလဲ။

လွတ်လပ်စွာလဲလှယ်နိုင်ပါသည်။ မည်သည့်နေရာမှမဆို ရရှိထားသော MPT Point များကို MPT ဝန်ဆောင်မှုအတွက်ဖြစ်စေ၊ မည်သည့် MPTမိတ်ဖက်(partner) ဆိုင်တွင်ဖြစ်စေ လဲလှယ်အသုံးပြုနိုင်ပါသည်။

၁၃။ MPT Point တွေရဲ့ သက်တမ်းက ဘယ်လောက်လဲ။ ( MPT Point တွေကို မသုံးဘဲ ဘယ်လောက်ကြာကြာသိမ်းထားနိုင်ပါသလဲ။

လက်ခံရရှိသောနေ့မှစ၍ ၃၆၅ရက်အထိ သိမ်းထားနိုင်ပါသည်။ ၃၆၅ရက်ပြည့်ပါက သက်တမ်းကုန်သွားမည်ဖြစ်ပြီး အဆိုပါ MPT Point ကို အသုံးပြုနိုင်မည်မဟုတ်ပါ။ MPT Point များကို သက်တမ်းတိုးနိုင်ခြင်းမရှိပါ။

၁၄။ မိမိမှာ ယနေ့ ဖုန်းအသုံးပြုသော ငွေ ပမာဏ ရှိသော် လည်း အဘယ်ကြောင့် Point များကို နောက်နေ့ တွင် လက်ခံ မရရှိ သနည်း။

ဖုန်းအသုံးပြု သောငွေပမာဏ အပေါ် Point များကို တွက်ချက် ထားပြီး 1 Point သို့ ရောက်ရှိ သည်မှ စ၍ Point ရရှိကြောင်း စာတို ရရှိ သွားမည် ဖြစ်သည်။

MPT Club - MPT Point Redemption Package

၁။MPT Point အရေအတွက် ဘယ်လောက်နဲ့ MPTရဲ့ ဘယ်လိုဝန်ဆောင်မှုတွေကို လဲလှယ်ရယူနိုင်မှာပါလဲ။

လူကြီးမင်းရရှိထားသော MPT Point များကိုသုံးပြီး အောက်ဖော်ပြပါများမှ ကြိုက်နှစ်သက်ရာ MPT ဝန်ဆောင်မှုများကို လဲလှယ်ရယူနိုင်ပါသည်။
ဥပမာ – ၁၉၉ MPT Pointဖြင့် MPT ဖုန်းများသို့ 300MB အင်တာနက်အသုံးပြုခွင့် (သို့မဟုတ်) MPT ဖုန်းများသို့ SMS အစောင် ၃,၀၀၀ ပေးပို့ခွင့် (သို့) ဖုန်းBill ၁၆၀ကျပ် တို့အနက်မှ ကြိုက်နှစ်သက်ရာ ဝန်ဆောင်မှုတစ်ခုကို လဲလှယ်ရယူနိုင်ပါသည်။
ဝန်ဆောင်မှုတစ်ခုစီ၏ သက်တမ်းမှာ လဲလှယ်ရယူပြီးချိန်မှစ၍ ရက်၃၀အထိဖြစ်သည်။

Point Mins MB SMS Balance
50 10 40 200 40
99 20 100 1000 80
199 60 300 3000 160
299 100 500 5000 260
399 160 800 8000 350
799 400 2000 20000 720

မှတ်ချက် – Voice သည် MPT အချင်းချင်းဖုန်းခေါ်ဆိုရန် ဖြစ်သည်။
SMS သည် MPT အချင်းချင်း စာတိုပေးပို့ရန် ဖြစ်သည်။
Balance သည် MPT အချင်းချင်းဖုန်းခေါ်ဆိုရန်နှင့် စာတိုပေးပို့ရန်၊ အင်တာနက်အသုံးပြုရန် တို့အတွက်ဖြစ်သည်။
ဖော်ပြပါနှုန်းထားများတွင် ကုန်သွယ်လုပ်ငန်းခွန်ပါဝင်ပြီး ဖြစ်ပါသည်။
Service package အလိုက် ခံစားခွင့်များမှာ အောက်ပါအတိုင်း ဇယား အတိုင်း ဖြစ်သည်။

Pack type GSM/WCDMA CDMA GSM “Base” tariff
Voice Y X Y
Data Y X X
SMS Y X Y
Airtime Y Y Y

IDD subscription fee ကို member level အားလုံး Points 499 Point ရှိရုံ ဖြင့် လဲလှယ် နိုင်ပြီ ဖြစ်ပါသည်

၂။ တစ်ရက်အတွင်းမှာ ဝန်ဆောင်မှုတွေ အများကြီး လဲလှယ်ရယူနိုင်ပါသလား။

လူကြီးမင်း၏ MPT Point များကို သုံးပြီး အကြိမ်အရေအတွက် အကန့်အသတ်မရှိ လဲလှယ်ရယူနိုင်ပါသည်။

၃။ MPT Point ကိုသုံးပြီး MPT ဝန်ဆောင်မှု Package ဖြစ်တဲ့ Voice(သို့) Balance Package ကို လဲလှယ်ရယူထားပါတယ်။ MPT မဟုတ်တဲ့ တခြား Operator နံပါတ်ကို ဖုန်းခေါ်ဆိုတဲ့အခါ ဘယ်လိုဖြစ်မှာပါလဲ။

(က) လူကြီးမင်းလက်ရှိအသုံးပြုနေသော အစီအစဉ် (Base Tariff(သို့)ဆွေသဟာ(သို့) ရှယ်ပြော၊ (သို့)ရွှေစကား) နှုန်းထားအတိုင်း ကျသင့်စေမည်ဖြစ်သည်။
(ခ) MPT Point များနှင့် လဲလှယ်ရယူထားသည့် ဝန်ဆောင်မှုများကို အောက်ဖော်ပြပါ ပုံစံများအတိုင်း အသုံးပြုနိုင်မည်ဖြစ်သည်။

အမျိုးအစား type On-net (including MPT mobiles, MPT fixed lines) Off-net (including Ooredoo/Telenor/MEC)
Voice X
SMS X
IDD Voice X X
Paid call center lines (e.g. 1876) X X
Purchase and use of VAS including CRBT, Call Forwarding, etc. X X
International SMS X X
Packages (Data) X X
Data

၄။ သတ်မှတ်ထားတဲ့ USSD Code ကို ရိုက်နှိပ်ပြီး MPT Point ကို MPT ဝန်ဆောင်မှုနဲ့ လဲလှယ်ပါတယ်။ ဒါပေမယ့် လဲလှယ်လို့မရပါဘူး။ ဘာဖြစ်လို့ပါလဲ။

(၁)          မိမိလဲလှယ်လိုသည့် MPT ဝန်ဆောင်မှုအတွက် လုံလောက်သော MPT Point မရှိပါက လဲလှယ်နိုင်မည်မဟုတ်ပါ။

(၂)           လူကြီးမင်း၏ ဖုန်းနံပါတ်သည် one-way blocked (သို့)two-way blocked ဖြစ်နေပါက လဲလှယ်နိုင်မည်မဟုတ်ပါ။

(၃)          ဖုန်းငွေဖြည့်ကာ ဖုန်းနံပါတ်ကို Active အဆင့်ရောက်အောင်ပြုလုပ်ခြင်း ပြီးမှ ပြန်လည်လဲလှယ်ပါ။

MPT Club - MPT Club Membership program

၁။ MPT Club member program ဆိုတာ ဘာလဲ။

MPT Club member program ဆိုတာ မူလ MPT Club ခံစားခွင့် များ ကို ထပ်မံ တိုးမြင့် ပြောင်းလဲပေးလိုက်ခြင်းဖြစ်သည်။

၂။ မိမိ ရောက်ရှိနေသော အခြေအနေ ရှိ ခံစားခွင့် ကိုမည်မျှ ကြာခံစား နိုင်သနည်း။

မိမိ ရောက်ရှိနေသော level ကို ရောက်ရှိသော လ မှ နောက် ၃ လ အထိ ခံစားနိုင် ခွင့်ရှိမည်ဖြစ်သည်။

၃။ နောက် member Level တက်ရန် မည်မျှ စောင့်ရမည်နည်း။

သက်မှတ် ထား သော Member Level တခု ခြင်းစီ၏ ငွေပမာဏ ပေါ် ပြည့်မှီ ခဲ့ပါက နောက် လတွင် member level  တိုးမြင့်ပြောင်းလဲ သွားမည် ဖြစ်သည်။

၄။ လက်ရှိ Member Level ၏ အသုံးစရိတ် ကို ထိန်းသိမ်း ထားနိုင်ခြင်း မရှိပါက ခံစားခွင့်များ မည်သို့ ပြောင်းလဲသွားမည်နည်း။

လက်ရှိ Member Level ၏ အသုံးစရိတ် ကို ထိန်းသိမ်း ထားနိုင်ခြင်း မရှိ ခဲ့ပါသော်လည်း  လက်ရှိ Member Level  ၏အကျိုး ခံစားမှူကို နောက် ၃ လ ကြာမြင့် သည်အထိ ခံစားခွင့် ရှိသည်။

၅။ Crown, Diamond, Platinum, Gold, Sliver ဆိုတာ ဘာလဲ။

Crown, Diamond, Platinum, Gold, Sliver ဆိုတာ အဖွဲ့ ဝင်များ မိမိရောက်ရှိနေသော အခြေအနေများကို ဖော်ပြထားခြင်းဖြစ်သည်။ မိမိရောက်ရှိနေသော အခြေအနေအလိုက် အခွင့်အရေးများကိုခံစားနိုင်သည်။

၆။ အဖွဲ့ ဝင် ၏ သက်တမ်းကာလမှာ မည်မျှနည်း။

အဖွဲ့ဝင်၏ သက်တမ်းကာလမှာ ၃လဖြစ်ပါတယ်။ အဖွဲ့ဝင် များ၏ Member Level ပြောင်းလဲ မှုရှိ ပါက သုံးသပ် ချက်များကို လတစ်လ ၏ ၁ ရက်နေ့ တွင် အသိပေးစာတို ရရှိမည် ဖြစ်သည်။

၇။ Membership level များကို မည်သို့ ပိုင်းခြား ထားသနည်း။

Member level ပိုင်းခြားမှုများကို အောက်ဖော်ပြပါ ဇယား အတိုင်း သိရှိနိုင် ပါသည်။
Member level ပိုင်းခြားမှုများကို အသုံးပြု သူ၏ ၃လ ပျမ်းမျှ အသုံးစရိတ် နှင့် MPT sim card အသုံးပြုမှု သက်တမ်း ပေါ်မူတည်၍ level များကို သတ်မှတ်ထားခြင်း ဖြစ်ပါသည်။

Tier Name Usage Range Point Rate
Diamond Crown Over 30,000 MMK or Diamond usage with Over 1 year MPT sim card) 2.00%
Diamond Over 30,000 MMK or Platinum usage with over 1 year MPT sim card 1.50%
Platinum 10,000 – 29,999 MMK or Gold usage with over 1 year MPT sim card 1.00%
Member -> Gold 5,000 – 9,999 MMK or silver usage with over 1 year MPT sim card 1.00%
Member -> Silver 0 – 4,999 MMK 0.50%

လိုတရ

၁။ လိုတရ သတင်းများကို ဖတ်ရှုနိုင်သည့် MPT4U အက်ပလီကေးရှင်းကို မည်သည့် ဖုန်းအမျိုးအစားများဖြင့် အသုံးပြုနိုင်ပါသလဲ။

လိုတရ သတင်းများကို ဖတ်ရှုနိုင်သည့် MPT4U အက်ပလီကေးရှင်းကို Android ဖုန်းတွင်သာမက iPhone များဖြင့်လည်း အသုံးပြုနိုင်ပါသည်။   (Android Version 5.0 နှင့်အထက် iOS Version 9.0 နှင့်အထက် ဖုန်းများသာ အသုံးပြုနိုင်သည်။)

၂။ MPT4U အက်ပလီကေးရှင်းတွင် လိုတရ သတင်းများကို Wifi သို့မဟုတ် တခြားကွန်ယက်များအသုံးပြု၍ ဖတ်ရှုနိုင်ပါသလား။

MPT4U အက်ပလီကေးရှင်းတွင် လိုတရ သတင်းများကို  Wifi သို့မဟုတ် တခြားမည်သည့်ကွန်ယက်များဖြင့် အသုံးပြုနိုင်သော်လည်း လိုတရ ၏ အထူးခံစားခွင့်များကို MPT မိုဘိုင်းကွန်ယက်ဖြင့်သာလျှင်ရယူနိုင်မည်။

၃။ လိုတရ သတင်းများကို ဖတ်ရှုနိုင်သည့် MPT4U အက်ပလီကေးရှင်းကို အသုံးပြုမှုအတွက် ကျသင့်ငွေပေးဆောင်ရန် လိုအပ်ပါသလား။

လိုတရ သတင်းများကို ဖတ်ရှုနိုင်သည့် MPT4U အက်ပလီကေးရှင်းကို MPT မိုဘိုင်းကွန်ယက်ဖြင့် အခမဲ့ အသုံးပြုနိုင်ပါသည်။

၄။ လိုတရ အက်ပလီကေးရှင်းတွင် မည်သည့် ဝန်ဆောင်မှုများရရှိနိုင်ပါသလဲ။

လိုတရ အက်ပလီကေးရှင်းတွင် နောက်ဆုံးရ သတင်းအစုံ၊ဂိမ်း၊ဗေဒင်၊တရားတော်၊မိုးလေဝသ သတင်းများ၊ ရှေးဦးပြုစုနည်းလမ်းများ၊ ကူပွန်၊ MPT ၏ အပိုထပ်ဆောင်ဝန်ဆောင်မူ၊ MNL ဘောလုံးသတင်းများ၊ သတင်းနှင့်ဖျော်ဖြေရေးအစီအစဉ်များ အချိန်နှင့် တပြေးညီ သိရှိနိင်ပါသည်။

၅။ လိုတရ အက်ပလီကေးရှင်းတွင် ဘယ်လိုဂိမ်းအမျိုးအစားများ ရနိုင်သနည်း။

လိုတရ အက်ပလီကေးရှင်းတွင် ဝက်ဆိုက်မှ တိုက်ရိုက်အခမဲ့ ဆော့နိုင်ပြီး နာမည်ကြီး အက်ပလီကေးရှင်းဂိမ်းအကြောင်းအရာများကိုလဲ ဖတ်ရှုနိုင်ပါသည်။

LTE+

1. LTE+ ဆိုတာဘာပါလဲ။

LTE+ ဆိုသည်မှာ 3G ထက်၁၀ဆအထိ ပိုမိုမြန်ဆန်တဲ့ အင်တာနက် အမြန်နှုန်းကိုပေး စွမ်းနိုင်သော မိုဘိုင်းဖုန်းဆက်သွယ်မှု နည်းပညာအသစ်ဖြစ််ပါတယ်။ LTE+ ဖြင့် လက်ကိုင်ဖုန်းနှင့်အခြားသော မိုဘိုင်းစက်ပစ္စည်း များပေါ်မှာ အင်တာနက်အသုံးပြုသည့်အခါ ယခင်ထက်ပိုမိုမြန်ဆန်သော အမြန်နှုန်းကို ခံစားနိုင်မှာဖြစ်ပါသည်။

2. MPT ၏ LTE+ က ဘာတွေအားသာချက်ရှိပါသလဲ။

LTE+ က လက်ရှိ 3G ထက် အလွန်မြန်ဆန်သည့်အတွက် သုံးစွဲသူတွေ မိုဘိုင်းဖုန်းမှတဆင့် ဝက်ဘ်ဆိုဒ်တွေ ဝင်ရောက်ကြည့်ရှုသည့်အခါ၊ video ဖုန်းခေါ်ဆိုသည့်အခါ၊ အရည်အသွေးမြင့် မိုဘိုင်းတီဗွီ၊ video နှင့် youtube များကြည့်သည့်အခါ၊ အွန်လိုင်းဂိမ်းအကြီး စားများဆော့ကစားသည့်အခါ၊ နှင့် အခြားအခြားသော အွန်လိုင်းမှ ဝန်ဆောင်မှုတွေရ ယူတဲ့အခါမှာ အထစ်အငေါ့မရှိ၊ အပြတ်အတောက်မရှိ ချောမွေ့သောအွန်လိုင်းအတွေ့အကြုံကိုခံစားနိုင်ပါလိမ့်မည်။

3.LTE+(4G) ကိုဖွင့်ထားပြီး LTE+အသုံးပြု၍မရသောနေရာများသို့သွားလျှင် ဒေတာအသုံးပြုရန်အတွက် 3G ပြန်ဖွင့်ရန်လိုပါသလား။

မလိုအပ်ပါ။ LTE+ network coverage မရှိသော နေရာများသို့ရောက်လျှင် အလိုအ လျောက် 3G Network သို့ချိတ်ဆက်ပေးမှာဖြစ်ပါသည်။ LTE+ သုံးနိုင်သော နေရာများသို့ ပြန်ရောက်လျှင် အလိုအလျာက် LTE+ အသုံးပြုနိုင်မှာဖြစ်ပါသည်။

4. LTE+ကိုဘယ်လိုအသုံးပြုရပါ့မလဲ။

  1. LTE+ အသုံးပြုရန် ရှယ်ပြော (သို့မဟုတ်) ဆွေသဟာအစီအစဉ်ကိုရယူထားဖို့ လိုအပ်ပါသည်။
  2. သင်၏ လက်ကိုင်ဖုန်းမှာ LTE(4G) အသုံးပြု၍ရသည့်ဖုန်းဖြစ်ရန်လိုအပ်ပြီး လှိုင်းနှုန်းစဉ် ၁၈၀၀ MHz အသုံးပြု၍ ရသော ဖုန်းဖြစ်ရပါမည်။
  3. သင်၏ SIM card သည်လည်း USIM ဖြစ်ရန်လိုပါသည်။ သင်၏ SIM card USIM ဖြစ်မဖြစ်ကိုသိရှိရန် *106*5# သို့ဖုန်းခေါ်ဆိုပြီးစစ်ဆေးကြည့်ပါ။

5. Base-tariff အသုံးပြုသူများ LTE+ ဝန်ဆောင်မှုကို အသုံးပြုနိုင်ပါသလား။

Base-tariff အသုံးပြုသူများသည် LTE+ ဝန်ဆောင်မှုကို အသုံးပြု၍ မရပါ။ base-tariff ၏ ဒေတာအား 256kbps (4ks/min) 128kbps (2ks/min) ဟု အမြန်နှုန်းအား ကန့်သတ် သတ်မှတ်ထားသည်ဖြစ်၍ LTE+ ဝန်ဆောင်မှုအားအသုံးပြု၍မရနိုင်ပါ။ MPT ၏ မြန်နှုန်းမြင့် LTE+ ဝန်ဆောင်မှုကို အသုံးပြုနိုင်ရန်အတွက် ရှယ်ပြော (dial*234*3#) သို့ ဆွေသဟာ (dial *234*2#) အစီအစဉ်ကိုရယူရမှာဖြစ်ပါသည်

6. ယခုအသုံးပြုနေသော SIM က USIM ဟုတ်မဟုတ်ကို ဘယ်လိုသိနိုင်မလဲ။

*106*5# သို့ လွယ်ကူစွာ ဖုန်းခေါ်ဆိုပြီး သင့် SIM card USIM ဟုတ်မဟုတ်သိနိုင်ပါပြီ။ အကယ်၍ မဟုတ်ခဲ့လျှင် နီးစပ်ရာ MPT branded ဆိုင်များသို့သွား၍ USIM ဖြင့်အခမဲ့လဲလှယ်နိုင်ပြီး သင်၏နံပါတ်လည်းပြောင်းလဲမည်မဟုတ်ပါ။ ဆိုင်နေရာများကို ဤလင့်တွင်ကြည့်ရှုနိုင်ပါသည်။ (http://bit.ly/2juQZ3O).

7. LTE+ အားမိမိဟန်းဆက်တွင် ဘယ်လိုဖွင့်ပြီးသုံးရပါ့မလဲ။

[For iPhone:]

Settings သို့သွားပါ။ cellular ကိုရွေးပါ။ ပြီးလျှင် cellular data options သို့သွား၍ “voice & data” ကိုရွေးပြီး LTE (4G), 3G, 2G ကိုရွေးချယ်နိုင်ပါသည်။

[For Samsung:]

Settings သို့သွားပါ။ mobile network ကိုရွေးပါ။ ပြီးလျှင် network mode သို့သွား၍ LTE/3G/2G ကိုရွေးချယ်နိုင်ပါသည်။

[For Huawei: ]

Settings သို့သွားပါ။ ပြီးလျှင် more သို့သွားပါ။ ထိုနေရာတွင် 4G ကိုရွေးချယ်နိုင်မည်ဖြစ်ပါ သည်။

[For Vivo: ]

Settings သို့သွားပါ။ Mobile Network ကိုရွေးပါ။ ပြီးလျှင် Network mode သို့သွား၍ 4G/3G/2G ကိုရွေးချယ်နိုင်ပါမည်။

[For other handsets: ]

Settings သို့သွားပါ။ tethering & networks သို့ဝင်ပါ။ ထို့နောက် mobile network သို့သွားပါ။ ပြီးလျှင် Network mode သို့သွား၍ 4G/3G/2G ကိုရွေးချယ်နိုင်ပါမည်။

How can I check my handset is 4G/LTE compatible?

Go to settings and Under Cellular Data Options or Mobile network, if there is 4G/LTE, the handset is 4G compatible. Please note that settings vary depending on the type of handset.

8. မိမိ ၏ဟန်းဆက်သည် LTE+ အသုံးပြု၍ရ မရ ဘယ်လိုသိနိုင်မလဲ။

settings သို့သွားပြီး Cellular Data Options သို့မဟုတ် Mobile network ၏အောက် တွင် 4G/LTE ဟုပါရှိပါက LTE(4G) အသုံးပြု၍ရသော ဟန်းဆက်ဖြစ်ပါသည်။

MPT Pay

1. MPT Pay ဆိုတာဘာလဲ။

MPT Pay ဆိုသည်မှာ မြန်မာပြည်အတွင်း အချိန်မရွေး နေရာမရွေး ငွေလွှဲပို့နိုင်သော ဝန်ဆောင်မှုဖြစ်ပါတယ်။ အသုံးပြုသူတွေ အနေနဲ့ အကောင့်အတွင်း ငွေသိမ်းဆည်းခြင်း၊ ငွေလွှဲခြင်း၊ ငွေလက်ခံခြင်းများကို MPT Pay အကောင့်မှတဆင့် ပြုလုပ်နိုင်ပါတယ်။

2. MPT Pay ကိုဘယ်သူတွေအသုံးပြုနိုင်ပါသလဲ။ မှတ်ပုံတင်ရန်အတွက် ဝန်ဆောင်ခဘယ်လောက်ပေးရပါ့မလဲ။

MPT, Telenor, Ooredoo နှင့် MyTel မည်သည့် ဆင်းကဒ်သုံးစွဲသူမဆို MPT Pay ကိုအသုံးပြုနိုင်ပါတယ်။ မှတ်ပုံတင်ကြေးကတော့အခမဲ့ပါ။

3. MPT Pay အကောင့်ထားရှိခြင်းရဲ့အားသာချက်တွေက ဘာလဲ။

MPT Pay အကောင့်ဖြင့် အောက်ပါ ဝန်ဆောင်မှုများကို အချိန်မရွေး နေရာမရွေး အသုံးပြုနိုင်ပါတယ်။ – MPT Pay အကောင့်အချင်းချင်းငွေလွှဲခြင်း (P2P) – ဖုန်းငွေဖြည့်ခြင်း (မိမိဖုန်း/ အခြားဖုန်း) – ဈေးဝယ်ခြင်းများ နှင့် စီးပွားရေးလုပ်ငန်းရှင်များ ငွေပေးချေခြင်း – ဘီလ်ကျသင့်ငွေများ ပေးချေနိုင်ခြင်း – ATM စက်မှ ငွေထုတ်ယူနိုင်ခြင်း – ငွေသွင်း/ ငွေထုတ် လုပ်နိုင်ခြင်း

4။ MPT Pay အကောင့်ကို ဘယ်လိုမှတ်ပုံတင်ရမလဲ။

“ MPT Pay အက်ပလီကေးရှင်းမှ

Step 1: Sign Up Now ကိုနှိပ်ပါ။

Step 2: အကောင့်ပြုလုပ်မည့် ဖုန်းနံပါတ်နှင့် အမည် ကို ဖြည့်ပါ။

Step 3: မှတ်ပုံတင်ရန်အကြောင်းကြားသည့် စာတို (SMS) မှ PIN နံပါတ်ဖြင့် အကောင့်ကို စတင်ပါ။

Step 4: အကောင့်ဖွင့်ပြီးကြောင်း အတည်ပြုသည့် စာတို (SMS) ရရှိပါက MPT Pay ဝန်ဆောင်မှုကို စတင် အသုံးပြုနိုင်ပါပြီ။

USSD Menu မှ

Step 1: *999# ကို နှိပ်၍ ခေါ်ဆိုပါ။

Step 2: ဘာသာစကားရွေးချယ်မှုပြုလုပ်ရန် မြန်မာဘာသာ အတွက် 1ကို နှိပ်ပါ။ အင်္ဂလိပ်ဘာသာအတွက် ဆိုပါက 2 ကို နှိပ်ပါ။

Step 3: မှတ်ပုံတင်ခြင်းကို အတည်ပြုရန် 1 ကို နှိပ်ပါ။

Step 4: သင်၏အမည်ကို အင်္ဂလိပ်လို ဖြည့်ပါ။

Step 5: အမည်မှန်ကြောင်းအတည်ပြုရန် 1 ကို နှိပ်ပြီးလျှင် မှတ်ပုံတင်ခြင်းကို အကြောင်းကြားသည့် စာတို (SMS) ရရှိပါလိမ့်မည်။

Step 6: အကောင့်စတင်အသုံးပြုရန် *999# ကို ခေါ်ဆို၍ ညွှန်ကြားချက်များကို လိုက်နာပါ။

Step 7: အကောင့်ဖွင့်ပြီးကြောင်း အတည်ပြုသည့် စာတို (SMS) ရရှိပါက MPT Pay ဝန်ဆောင်မှုကို စတင် အသုံးပြုနိုင်ပါပြီ။”

5 . PIN နံပါတ်မေ့သွားလျှင် ဘယ်ကိုဆက်သွယ်ရပါ့မလဲ။

MPT သုံးစွဲသူများသည် Customer Care နံပါတ် 999 ကို ခေါ်ဆို၍ သို့ Agent Care နံပါတ် 990 ကို ခေါ်ဆိုမေးမြန်း နိုင်ပါသည်။ အခြား မိုဘိုင်းဖုန်း သုံးစွဲသူများ မှ 012323990 သို့ခေါ်ဆိုမေးမြန်း နိုင်ပါသည်။

6 . IMPT Mobile Pay ဖွင့်ထားတဲ့ ဖုန်းနံပါတ်ကို ပြောင်းလဲလို့ရနိုင်ပါသလား။

ဟုတ်ကဲ့ ရပါတယ်။ သုံးစွဲသူတွေအနေနဲ့ MPT Mobile Pay အကောင့်ကို ဖွင့်ထားတဲ့ ဖုန်းနံပါတ်ကို ပြောင်းလဲချင်ပါက Customer Care 999 သို့ ဖုန်းခေါ်ဆိုပြီး ညွှန်ကြားချက်များအတိုင်း လိုက်နာလုပ်ဆောင်ပါ။ နံပါတ်ပြောင်းလဲမှု အတည်ပြုပြီးစီးပြီးနောက်တွင် SIM ကဒ်အသစ် သို့ အကောင့်ထဲတွင်ရှိသော ငွေများကို လွှဲပြောင်းပေးမှာဖြစ်ပါတယ်။

7. MPT Mobile Pay အကောင့်က မည်သည့်အတိုင်းအတာအထိ လုံခြုံစိတ်ချမှုရှိပါသလဲ။

ကျေးဇူးပြု ၍ Customer Care 999 သို့ ဖုန်းခေါ်ဆိုပြီး သင့်ရဲ့ ဖုန်းပျောက်ဆုံးကြောင်းကို အကြောင်းကြားပေးပါ။ Customer Care မှ တာဝန်ရှိသူက သင့် ရဲ့ အသေးစိတ်အချက်အလက်ကို အတည်ပြု ပြီး၊ သင့်ရဲ့ အကောင့်ကို ယာယီ အသုံးပြုခွင့် ရပ်နားထားမှာ ဖြစ်ပါတယ်။ သင့်အနေနဲ့ SIM ကဒ် အစားထိုးရရှိပြီးချိန်တွင် သင့်အကောင့်ကို ပြန်လည် အသုံးပြုနိုင်ရန် Customer Care ကို ဆက်သွယ်ပါ။

8. MPT Mobile Pay ရဲ့ကိုယ်စားလှယ်အနေနဲ့လုပ်ကိုင်လိုပါက မည်သူ့ထံဆက်သွယ်ရန်လိုအပ်ပါသလဲ။

ကျေးဇူးပြု၍ Customer Care 999 သို့ ဖုန်းခေါ်ဆိုပြီး သင့်ရဲ့ လုပ်ငန်းအသေးစိတ်ကြောင်းကို ပြောပြပါ။ သို့မဟုတ် MPT Mobile Pay Customer Care Teamရဲ့ Email ဖြစ်တဲ့ [email protected] သို့ သင့်ရဲ့ လုပ်ငန်းအသေးစိတ်အကြောင်း ကို ပေးပို့နိုင်ပါတယ်။ MPT Pay Sales & Distribution ဌာနက သင့်ထံ သို့ ပြန်လည် ဆက်သွယ်ပေးမှာဖြစ်ပါတယ်။

9. MPT Pay အကောင့်မရှိတော့လျှင် MPT Pay ကို ဆက်လက်အသုံးပြုနိုင်ပါသလား။

သင့်၏ နိုင်ငံသားစီစစ်ရေးကတ် သို့မဟုတ် နိုင်ငံကူးလက်မှတ် ဖြင့် MPT Pay ကိုယ်စားလှယ်နေရာများတွင် ငွေလွှဲခြင်း၊ ငွေထုတ်ခြင်းများ ပြုလုပ်နိုင်ပါသည်။

10. MPT Pay ကိုယ်စားလှယ် ဆိုတာဘာလဲ။

“ MPT Pay ကိုယ်စားလှယ် ဆိုသည်မှာ MPT Pay ဝန်ဆောင်မှုအကြောင်း ရှင်းလင်းပြောပြပေးနိုင်သူ ဖြစ်ပြီး အောက်ပါ ဝန်ဆောင်မှုများကို ပြုလုပ်ပေးနိုင်သူ ဖြစ်သည်။ – သင်၏ MPT Pay အကောင့်မှ ငွေသွင်းခြင်း၊ ငွေထုတ်ခြင်း၊ – ဘောက်ချာဖြင့် ငွေထုတ်ခြင်း၊ – ကိုယ်စားလှယ်မှ တဆင့် ငွေလွှဲခြင်း – သုံစွဲသူအကောင့် အဆင့်မြှင့်တင်ခြင်း”

11. MPT Pay ကုန်သည် ဆိုတာဘာလဲ။

MPT Pay ကုန်သည် ဆိုသည်မှာ ကုန်စည်ပစ္စည်းဝယ်ယူခြင်းများအတွက် MPT Pay ဖြင့် အီလက်ထရောနစ် ပိုက်ဆံကို လက်ခံပေးနိုင်သူ ဖြစ်သည်။

MPT IPTV Service

၀န်ဆောင်မှုအကြောင်း

၁။ MPT IPTV ၀န်ဆောင်မှုဆိုတာဘာလဲ။

MPT IPTV ၀န်ဆောင်မှုဆိုသည်မှာ ပြည်တွင်းပြည်ပ ရုပ်သံလိုင်းများ၊ ရုပ်ရှင်ဇာတ်လမ်းများ ပါ၀င်သော ဗွီဒီယို ၀န်ဆောင်မှုတစ်ခုဖြစ်သည်။

စတင်အသုံးပြုခြင်း

၂။ MPT IPTV ကိုမည်သို့ကြည့်ရှုနိုင်ပါသလဲ။

MPT IPTV ဝန်ဆောင်မှုကို Android application ၊ iOS application နှင့် မိုဘိုင်းလ် web version (Android မှ browser များဖြင့်သာ) များဖြင့်အသုံးပြုနိုင်ပါသည်။
• Android မှ တစ်ဆင့် အသုံးပြုလိုပါက Google Play Store တွင် “ MPT IPTV” ဟုရိုက်နှိက်ရှာဖွေကာ ရယူနိုင်ပါသည် (သို့မဟုတ်) https://play.google.com/store/apps/details?id=com.iptv.mpt.mm ဒီမှာ တစ်ဆင့် ဒေါင်းလုဒ်ရယူပါ။
• iOS application မှတစ်ဆင့် ဒေါင်းလုဒ်ရယူလိုပါက iOS app store တွင် “ MPT IPTV” ဟုရိုက်နှိက် ရှာဖွေကာ ရယူနိုင်ပါသည် (သို့မဟုတ်) ဒီမှ https://apps.apple.com/us/app/mpt-iptv/id1530893772 တစ်ဆင့် ဒေါင်းလုဒ်ရယူပါ။
• မိုဘိုင်း web မှတစ်ဆင့် အသုံးပြုလိုပါက ဒီမှာ https://iptv.mpt.com.mm/ နှိပ်ပါ။
• လိုတရ Portal မှတစ်ဆင့်ရယူလိုပါက http://lotaya.mpt.com.mm/event/260 (သို့မဟုတ်) *1717# ကို ခေါ်ဆိုပြီး application ကို ဒေါင်းလုဒ်ရယူနိုင်ပါသည်။

၃။ App/web ကိုအသုံးပြုပါက မဖြစ်မနေ subscribe လုပ်ဖို့လိုပါသလား။

ရုပ်သံလိုင်းများနှင့် ရုပ်ရှင်များကို App ကိုအသုံးပြု၍ ကြည့်ရှုရန် မဖြစ်မနေ subscribe လုပ်ရန် မလိုပါ။ MPT ဖုန်းအင်တာနက်ကိုအသုံးပြုပြီး non-subscriber အဖြစ်ကြည့်ရှုနိုင်ပါသည်။

(အချို့လုပ်ဆောင်မှုများကိုတော့ ကန့်သတ်ထားပါသည်။ ဥပမာ။ ။ ရုပ်ရှင်ဇာတ်ကားများကို ဒေါင်းလုဒ်ဆွဲခြင်းသည် subscription ဝန်ဆောင်မှုဖြင့်သာ အသုံးပြုနိုင်ပါသည် (subscription ဝန်ဆောင်မှုအား အသုံးပြုလို့ရအောင် လုပ်ဆောင်နေဆဲ ဖြစ်ပါသည်) ၊ အခြား အင်တာနက်လိုင်းများဖြင့်ကြည့်ရှုခြင်း နှင့် EPL ဝန်ဆောင်မှုကို MPT မိုဘိုင်းဒေတာဖြင့်သာ ကြည့်ရှုနိုင်ခြင်း တို့ဖြစ်ပါသည်။)

၄။ MPT IPTV ၀န်ဆောင်မှုကို မည်သို့ subscribe ပြုလုပ်ရမည်နည်း။

MPT ဖုန်းအင်တာနက်ကို အသုံးပြုသူဖြစ်ပါက App/web တွင် သင့်ဖုန်းနံပါတ်ကို အသုံးပြုပြီး အလိုလျောက်မှတ်ပုံတင်ပါလိမ့်မည်။ ထို့နောက် subscribe ပြုလုပ်စရာမလိုဘဲ ကြည့်ရှုနိုင်ပါလိမ့်မည်။ ထိုသို့ non-subscriber အဖြစ် အသုံးပြုပါက ရုပ်သံလိုင်းများနှင့် ရုပ်ရှင်များကို App ကိုအသုံးပြု၍ ကြည့်ရှုနိုင်ပါသည်။ အချို့လုပ်ဆောင်မှုများကိုတော့ ကန့်သတ်ထားပါသည်။ ဥပမာ။ ။ ရုပ်ရှင်ဇာတ်ကားများကို ဒေါင်းလုဒ်ဆွဲခြင်း၊ အခြား အင်တာနက်လိုင်းများဖြင့်ကြည့်ရှုခြင်း။
MPT ဖုန်းအင်တာနက် မဟုတ်ဘဲ အခြားအင်တာနက်ကွန်ယက်များကို အသုံးပြုပြီး MPT IPIV ဝန်ဆောင်မှုကို အသုံးပြုလိုပါက ဝန်ဆောင်မှုအား Subscribe ရယူရန်လိုအပ်ပါသည်။ MPT IPTV ၀န်ဆောင်မှုကို မိုဘိုင်းဖုန်းမှ စာရင်းပေးသွင်းခြင်းအတွက် ကျသင့်သည့်ပမာဏကို သင်၏ ဖုန်းဘေလ်မှ ကောက်ခံသွားမည်ဖြစ်ပါသည်။
MPT IPIV ဝန်ဆောင်မှုအား အခြားအင်တာနက်ကွန်ရက်များမှ တစ်ဆင့်အသုံးပြုရန် စာရင်းပေးသွင်းလိုပါက SMS (စာတို) မှ တစ်ဆင့် (သို့မဟုတ်) Web/App မှ တစ်ဆင့်ဝန်ဆောင်မှုအား စာရင်းပေးသွင်းနိုင်ပါသည်။
၁) SMS မှတစ်ဆင့် MPT IPTV ဝန်ဆောင်မှုအားရယူလိုပါက1717 ကို ON ဟု SMS (စာတို) ပေးပို့နိုင်ပါသည်။
၂) Web/App မှ MPT IPTV ဝန်ဆောင်မှုအားရယူလိုပါက
(က) ပထမဦးစွာ app သို့ “sign-in” ဝင်ပြီး မပြီးကို သေချာစစ်စေးရန် app/web ၏“ပရိုဖိုင်” သို့သွားပါ။
(၁) အကယ်၍ ပရိုဖိုင်တွင် မိမိ၏ဖုန်းနံပါတ်ပေါ်နေပါက မိမိသည် signed-in လုပ်ပြီးသားဖြစ်ပါသည်။
(၂) သို့မဟုတ် လက်မှတ်ထိုးဝင်ရန်တောင်းဆိုပါက ကျေးဇူးပြု၍“ လက်မှတ်ထိုးဝင်ပါ” ကိုနှိပ်ပါ၊ သင်၏ MPT မိုဘိုင်းလ်နံပါတ်ကိုထည့်ပါ၊ T&C ကိုလက်ခံပြီး OTP ဝင်လာပါက OTP ကို ရိုက်ထည့်ပြီး Sign in ပြုလုပ်နိုင်ပါသည်။
(ခ) App/web သို့“ sign-in” ဝင်သွားပြီဆိုလျှင် App/web ၏“ Account” စာမျက်နှာရှိ“ Subscription Management” ခလုတ်ကိုနှိပ်ပြီးရှေ့ဆက်နိုင်ပါသည်။
(ဂ) “ Subscribe” ခလုတ်ကိုနှိပ်ပါ
(ဃ) သင်၏ MPT မိုဘိုင်းလ်နံပါတ်ကိုဖြည့်ပြီး ဝန်ဆောင်မှုရယူရန်ခလုတ်ကိုနှိပ်ပါ
(င) 1717 shortcode မှ OTP code တစ်ခုလက်ခံရရှိပြီး စာရင်းပေးသွင်းခြင်းလုပ်ငန်းစဉ်အတွက်ထို OTP ကိုဖြည့်ပါ။
(စ) OTP မှန်လျှင် 1717 မှ“ ကျေးဇူးတင်ပါတယ်” ဟူသောစာကိုသင်လက်ခံရရှိပြီး MPT IPTV ၀န်ဆောင်မှုကို စတင်အသုံးပြုနိုင်ပါသည်။

၅။ မြန်မာနိုင်ငံပြင်ပမှ MPT IPTV ၀န်ဆောင်မှုကိုအသုံးပြုနိုင်ပါသလား။

MPT IPTV ၀န်ဆောင်မှုကို မြန်မာနိုင်ငံအတွင်းသာ အသုံးပြုနိုင်ပါသည်။

၆။ MPT IPTV ၀န်ဆောင်မှုကိုအသုံးပြုရန် အနည်းဆုံး မည့်သည့် Android (သို့) iOS ဗားရှင်းရှိရန်လိုပါသလဲ။ MPT IPTV အပလီကေးရှင်းအတွက်မည်သည့် browser ကိုသုံးရန် recommend ပေးပါသလဲ။

Android အသုံးပြုသူများအတွက် ဗားရှင်း 5.0 နှင့်အထက်
iOS အသုံးပြုသူများအတွက် ဗားရှင်း 9.0 နှင့်အထက်
Web version ကို အသုံးပြုပါက Chrome browser ကိုအသုံးပြုဖို့ recommend ပေးပါတယ်

၇။ MPT IPTV application တွင် မည်သည့် ရုပ်ထွက်ဖြင့်ကြည့်ရှုနိုင်ပါသလဲ။

ဖုန်းနှင့် အသုံ:ပြုသူများအတွက် 1K HD (1280*720P) & SD (720*576P) ရုပ်ထွက်များဖြင့်ကြည့်ရှုနိုင်ပါသည်။

၈။ MPT IPTV application အသုံးပြုရန်အတွက် သင့်တော်သော အင်တာနက်လိုင်းဆွဲအား မည်မျှရှိသင့်ပါသလဲ။

ဖုန်းနှင့်အသုံးပြုသူများအတွက် တည်ငြိမ်အားအကောင်းသောဖုန်းအင်တာနက်လိုင်း (သို့) 4 mbps လိုင်းဆွဲအားရှိသော wifi ဖြင့်အသုံးပြုသင့်ပါသည်။

ငွေပေးချေမှုပုံစံများ

၉။ ဖုန်းဖြင့် MPT IPTV ၀န်ဆောင်မှုအသုံးပြုရန်အတွက် မည်သို့သော အစီအစဥ်များရှိသလဲ။

သင်သည် MPT ဖုန်းအင်တာနက်ဖြင့်အသုံးပြုသော non-subscription အသုံးပြုသူဖြစ်ပါက ဒေတာအသုံးပြုမှုအတွက်သာလျှင် ကျသင့်မည်ဖြစ်ပါသည်။ ရုပ်ရှင်ဇာတ်ကားများကို ဒေါင်းလုဒ်ဆွဲခြင်းကိုတော့ ပြုလုပ်မရနိုင်ပါ။

သင်သည်အခြားဖုန်းအင်တာနက် (သို့) WIFI ကိုအသုံးပြုသူဖြစ်ပါက တစ်ရက်လျှင် ၉၉ ကျပ်ဖြင့် MPT IPTV ဝန်ဆောင်မှုအား subscribe ပြုလုပ်ပြီး အသုံးပြုနိုင်ပါသည်။ ထိုသို့အသုံးပြုရာတွင် ရုပ်ရှင်ဇာတ်ကားများကို ဒေါင်းလုဒ်ဆွဲပြီး ကြည့်ရှုနိုင်ပါသည်။ (ရုပ်ရှင်ဇာတ်ကားများ ဒေါင်းလုတ်ပြုလုပ်ခြင်းကို Application မှတစ်ဆင့်သာ အသုံးပြုလို့ရမှာဖြစ်ပြီး Website မှတစ်ဆင့် အသုံးပြုလို့မရပါ။)

၁၀။ MPT IPTV ၏ Subscription ဝန်ဆောင်မှုကို အသုံးပြုလိုပါက မည်သို့သော ငွေပေးချေမှုများရှိသလဲ။

(အခြားဖုန်းအင်တာနက် (သို့) WIFI ဖြင့် အသုံးပြုလိုသူများအတွက်သာ)

MPT IPTV ၀န်ဆောင်မှုကို မိုဘိုင်းဖုန်းမှ စာရင်းပေးသွင်းခြင်းအတွက် ကျသင့်သည့်ပမာဏကို သင်၏ ဖုန်းဘေလ်မှ ကောက်ခံသွားမည်ဖြစ်ပါသည်။ (မေးခွန်းနံပါတ် ၄ ၏ အဖြေ တွင် အသေးစိတ်ကြည့်ရှုနိုင်ပါသည်။)

၁၁။ MPT IPTV ၏ Subscription ဝန်ဆောင်မှုကို မည်သို့ရပ်ဆိုင်းနိုင်ပါသလဲ။ (အခြားဖုန်းအင်တာနက် (သို့) WIFI ဖြင့် အသုံးပြုလိုသူများအတွက်သာ)

MPT IPTV ၀န်ဆောင်မှုရယူထားခြင်းကို ရပ်ဆိုင်းရန် App နှင့် Web များတွင် “ပရိုဖိုင်” အောက်တွင်ရှိသော “ရယူထားသောအစီအစဥ်များကို စီမံသည်။” အောက်တွင် ပြုလုပ်နိုင်ပါသည် (သို့မဟုတ်) 1717 သို့ OFF ဟု SMS (စာတို) ပေးပို့၍လည်း ၀န်ဆောင်မှုကို ရပ်ဆိုင်းနိုင်ပါသည်။ (အခြားဖုန်းအင်တာနက် (သို့) WIFI ဖြင့် အသုံးပြုလိုသူများအတွက်သာ)

၁၁။ MPT IPTV ၏ Subscription ဝန်ဆောင်မှုကို မည်သို့ရပ်ဆိုင်းနိုင်ပါသလဲ။

(အခြားဖုန်းအင်တာနက် (သို့) WIFI ဖြင့် အသုံးပြုလိုသူများအတွက်သာ)

MPT IPTV ၀န်ဆောင်မှုရယူထားခြင်းကို ရပ်ဆိုင်းရန် App နှင့် Web များတွင် “ပရိုဖိုင်” အောက်တွင်ရှိသော “ရယူထားသောအစီအစဥ်များကို စီမံသည်။” အောက်တွင် ပြုလုပ်နိုင်ပါသည် (သို့မဟုတ်) 1717 သို့ OFF ဟု SMS (စာတို) ပေးပို့၍လည်း ၀န်ဆောင်မှုကို ရပ်ဆိုင်းနိုင်ပါသည်။ (အခြားဖုန်းအင်တာနက် (သို့) WIFI ဖြင့် အသုံးပြုလိုသူများအတွက်သာ)

ထုတ်ကုန်နှင့် ၀န်ဆောင်မှုများ

၁၂။ MPT IPTV ၀န်ဆောင်မှုတွင် ရုပ်သံလိုင်းနှင့် ရုပ်ရှင်ဇာတ်ကားများ မည်မျှပါ၀င်သနည်း။

ပြည်တွင်း ပြည်ပ ရုပ်သံလိုင်းစုစုပေါင်း (၁၈) လိုင်း ကိုကြည့်ရှုနိုင်ပါသည်။ ဒါ့အပြင် နာမည်ကြီး ရုပ်ရှင်များနှင့် တီဗီရှိုးများ နာရီပေါင်း ၁၀၀၀ ပါသောအစီအစဉ်ပေါင်း ၆၆၀ ကျော်ကိုလည်း ကြည့်ရှုနိုင်ပါသည်။

၁၃။ MPT IPTV ၀န်ဆောင်မှုတွင် မည်သည့်ရုပ်သံလိုင်းများ ကိုကြည့်ရှုနိုင်ပါသလဲ။

Local Channels
1) 5 Plus
2) Channel 9
3) MRTV Entertainment
4) Mahar TV
5) Fortune TV
6) Channel K
7) Mahar Bawdi
8) YTV

International Channels
1) Star Bharat
2) Star Gold
3) Star Plus
4) Star UTSAV
5) CGTN Documentary
6) Miao Mi
7) Blue Ant/Rock Entertainment
8) Blue Ant/Rock Extreme
9) Smithsonian
10) ZooMoo

၁၄။ MPT IPTV ၀န်ဆောင်မှုကို ဒေတာလက်ဆောင်ဖြင့် ကြည့်ရှုနိုင်ပါသလား။

MPT IPTV ၀န်ဆောင်မှုကို ဖုန်းဒေတာလက်ဆောင်ဖြင့် မကြည့်ရှုနိုင်ပါ။

App ၏လုပ်ဆောင်ချက်များ

၁၅။ တိုက်ရိုက်ကြည့်ရှုခြင်းတွင် ဗီဒီယို ရုပ်ထွက်ကိုမည်သို့ရွေးချယ်နိုင်ပါသလဲ။

App တွင် ဗီဒီယို ရုပ်ထွက်များကို အင်တာနက်ဆွဲအားပေါ်မူတည်ပြီး အလိုလျောက်ချိန်ညှိပေးပါသည်။

၁၆။ App တွင် ချိန်ညှိခြင်းများကို မည်သည့်နေရာတွင်ပြုလုပ်ရမည်နည်း။

App တွင် ချိန်ညှိခြင်းများကို “ပရိုဖိုင်” အောက်တွင် ပြုလုပ်နိုင်ပါသည်။

၁၇။ ရယူထားသော ၀န်ဆောင်မှုများကို မည်သည့်နေရာတွင် စီမံပြောင်းလဲနိုင်ပါသလဲ။

“ပရိုဖိုင်” အောက်တွင်ရှိသော “ရယူထားသောအစီအစဥ်များကို စီမံသည်။” အောက်တွင် ပြုလုပ်နိုင်ပါသည်။

၁၈။ App ၏ ဘာသာစကားပြောင်းလဲရန် မည်သည့်နေရာတွင် ပြုလုပ်နိုင်ပါသလဲ။

App ၏ ဘာသာစကားပြောင်းလဲရန် “ပရိုဖိုင်” အောက်တွင်ရှိသော “English/မြန်မာ” မှတဆင့် ပြုလုပ်နိုင်ပါသည်။

၁၉။ MPT IPTV application တွင် ရုပ်ရှင်ဇာတ်ကားများကို ဒေါင်းလုဒ်လုပ်နိုင်ပါသလား။

MPT IPTV application တွင် ရုပ်ရှင်ဇာတ်ကားများကို ဒေါင်းလုဒ်လုပ်နိုင်ပါသည်။ ဒေါင်းလုဒ်လုပ်ထားသော ရုပ်ရှင်ဇာတ်ကားများကို “စုစည်းမှု” အောက်မှ “ဒေါင်းလုဒ်လုပ်သည်။” တွင်ပြန်လည်ကြည့်ရှုနိုင်ပါသည်။ (subscription ဝန်ဆောင်မှုအသုံးပြုသူများသာ)

၂၀။ MPT IPTV ဖုန်း App ၀န်ဆောင်မှုတွင် ဒေါင်းလုဒ်လုပ်ထားသော ရုပ်ရှင်ဇာတ်ကားများကို မည်မျှကြာအောင် သိမ်းဆည်းထားနိုင်ပါသလဲ။

ဒေါင်းလုဒ်လုပ်ထားသော ရုပ်ရှင်ဇာတ်ကားများကို ဒေါင်းလုဒ်လုပ်ပြီး ရက် ၃၀ အတွင်း ပြန်လည်ကြည့်ရှုနိုင်ပါသည်။

၂၁။ ပြီ:ဆုံးသွားသော ရုပ်သံအစီအစဥ်များကို ပြန်လည်ကြည့်ရှုနိုင်ပါသလား။

၇ ရက်အတွင်းပြသထားသော ရုပ်သံလိုင်းများမှ အစီစဉ်များကို ပြန်ကြည့် (catch-up) function ဖြင့် ပြန်လည်ကြည့်ရှုနိုင်ပါသည်။

၂၂။ ပြီ:ဆုံးသွားသော ရုပ်သံအစီအစဥ်များကို မည်သည့်နေရာတွင် ပြန်လည်ကြည့်ရှုနိုင်ပါသလဲ။

ရုပ်သံလိုင်း တစ်ခုချင်းစီ၏ ဘေးတွင်ရှိသော မီနူး ကိုနှိပ်ပြီး ရုပ်သံအစီစဥ်များအသေးစိတ်တွင် ပြန်လည်ရှာဖွေကာ ကြည့်ရှုနိုင်ပါသည်။

နည်းပညာအကူအညီ

၂၃။ ကြည့်ရှုနေသော ရုပ်ရှင်ဇာတ်ကား ရပ်တန့်သွားပါက မည်သို့ပြုလုပ်ရမည်နည်း။

ဦးစွာ အင်တာနက်လိုင်းဆွဲအားကို စစ်ဆေးပါ။ App ကို အဖွင့်ပိတ်လုပ်ပါ။ မရပါက အသုံးပြုသူများ ၀န်ဆောင်မှုသို့ဆက်သွယ်ပါ။

၂၄။ ရုပ်သံများ ရုပ်ထွက်မကောင်းပါက မည်သို့ပြုလုပ်နိုင်မည်လဲ။

ရုပ်သံများ ရုပ်ထွက်မကောင်းခြင်းသည် အောက်ပါအချက်အလက်များကြောင့်ဖြစ်နိုင်ပါသည်။
• အင်တာနက်လိုင်းစွဲအား အားနည်းခြင်း
• App/web တွင် ရုပ်သံလိုင်းများ ကြည့်ရှုနေပါက ရုပ်ထွက်ကို HD သို့ပြောင်းလဲပြီး ကြည့်ရှုနိုင်ပါသည်။

၂၅။ MPT IPTV ၀န်ဆောင်မှုအသုံးပြုနေစဥ် နည်းပညာဆိုင်ရာ အခက်အခဲများဖြစ်ပေါ်လာပါက မည်သို့ပြုလုပ်ရမည်နည်း။

အသုံးပြုနေသော application သည် နောက်ဆုံးဗားရှင်း ဟုတ်မဟုတ်စစ်ဆေးပါ။ ဆက်လက်ဖြစ်နေပါက Error Code ကိုမှတ်ထားပြီး အသုံးပြုသူများ ၀န်ဆောင်မှုသို့ဆက်သွယ်ပါ။

၂၆။ MPT IPTV ၀န်ဆောင်မှုအသုံးပြုနေစဥ် အသံမကြားရပါက မည်သို့ပြုလုပ်ရမည်နည်း။

အသံဖွင့်ထားခြင်းရှိမရှိစစ်ဆေးပါ။ ဆက်လက်ဖြစ်နေပါက အသုံးပြုသူများ ၀န်ဆောင်မှုသို့ဆက်သွယ်ပါ။

၂၇။ MPT IPTV ၀န်ဆောင်မှုတွင် မျက်နှာပြင်အပြည့်နှင့် ကြည့်ရှုခြင်းကို မည်သို့ ပိတ်ရမည်နည်း။

IPTV App အတွက် Return ခလုပ်ကိုနှိပ်ပါ။

၂၈။ MPT IPTV ဝန်ဆေောင်မှုအား စာရင်းသွင်းပြီးနောက် Wifi သို့မဟုတ်အခြားကွန်ရက်များနဲ့ အသုံးပြုလို့မရရင်ဘယ်လိုလုပ်ရမလဲ။

ဒီလိုပြဿနာကြုံလာရင်ကျေးဇူးပြုပြီး မိမိ အသုံးပြုနေတဲ့ အင်တာနက် network ကိုပြောင်းပြီး IPTV ဝန်ဆောင်မှုကိုထပ်သုံးကြည့်ပါ။ ထိုပြဿနာသည် network တစ်ခုတည်းတွင်သာဖြစ်ပေါ်ပါက မိမိအသုံးပြုနေသော network service provider နှင့် ကျေးဇူးပြု၍ စစ်ဆေးပါ။
ဒါမှမဟုတ် အခြား network များအားလုံးတွင်ဖြစ်ခဲ့လျှင် ကျေးဇူးပြု၍ ၁၀၆ သို့ဆက်သွယ်နိုင်ပါသည်။

၂၉။ Web ကို အခုလက်ရှိအသုံးပြုနေတဲ့ browser ဖြင့် ဗီဒီယိုကိုမကြည့်နိုင်ရင် ဘယ်လိုလုပ်ရမလဲ။

သင်၏လက်ရှိအသုံးပြုနေတဲ့ browser ဖြင့်ဗီဒီယိုကိုမကြည့်နိုင်လျှင် ကျေးဇူးပြု၍ Chrome browser ကိုပြောင်းသုံးပါ။

ဆက်သွယ်ရန်

၁။ MPT IPTV ၀န်ဆောင်မှု အတွက် အကူအညီများကို မည်သို့ ရယူနိုင်ပါသလဲ။

MPT မိုလ်ဘိုင်းဖုန်း (သို့) ကြိုးဖုန်းများဖြင့်ခေါ်ဆိုလိုပါက ၁၀၆ (သို့) ၂၈၀၀ သို့ဆက်သွယ်ပါ။
MPT မဟုတ်သော မိုလ်ဘိုင်းဖုန်း (သို့) ကြိုးဖုန်းများဖြင့်ခေါ်ဆိုလိုပါက ၀၁-၂၃၉၉၁၀၆ (သို့) ၀၁-၈၆၅၂၈၀၀ သို့ဆက်သွယ်ပါ။
ဆက်သွယ်နိုင်သော အချိန်များကို အောက်ပါ MPT website လင့်ခ်တွင်ကြည့်ရှုနိုင်ပါသည်။
https://bit.ly/2NCAnYF