MPT ၏ ဒေတာဝန်ဆောင်မှုအခက်အခဲဖြစ်ပေါ်ရခြင်းနှင့် ပြန်လည်ပြင်ဆင်ပြီးကြောင်းကို သုံးစွဲသူများသို့ အသိပေးခြင်း (အဆင်မပြေမှုများအတွက် နိုင်ငံတစ်ဝန်းရှိ MPT သုံးစွဲသူအားလုံးအတွက် MPT Club ၃၀၀ ပွိုင့် လက်ဆောင်ကို ပေးအပ်လျက်ရှိ)

MPT သည် ကရင်ပြည်နယ်ရှိ မြဝတီ နှင့် ကော့ကရိတ်မြို့နယ်ကြား ဖိုင်ဘာဆက်ကြောင်း ပြတ်တောက်မှုနှင့် ဧရာဝတီတိုင်းဒေသကြီးရှိ ပုသိမ် နှင့် ငွေဆောင်မြို့နယ်ကြား ပင်လယ်ရေအောက် (SE-ME-WE- 5) ဓာတ်အားကြိုးပြတ်တောက်မှုကို ပြန်လည်ပြင်ဆင်ခဲ့ပြီးဖြစ်ပါသည်။ သို့ဖြစ်ပါ၍ သြဂုတ်လ (၁၀) ရက်မှ (၁၂) ရက်အတွင်း ဖြစ်ပွားခဲ့သည့် ဖိုင်ဘာ ဆက်ကြောင်း ပြတ်တောက်မှုများကို ပြင်ဆင်ပြီးဖြစ်ပါသောကြောင့် သုံးစွဲသူများအနေဖြင့် ၂၀၂၂ ခုနှစ်၊ သြဂုတ်လ ၁၂ ရက် ည ၈း၂၅ နာရီ အချိန်မှစ၍ ဒေတာဝန်ဆောင်မှုများကို မူလအတိုင်း ပြန်လည်အသုံးပြုနိုင်ပြီ ဖြစ်ပါသည်။

ဖိုင်ဘာဆက်ကြောင်းပြတ်တောက်မှုကာလအတွင်း အဆင်မပြေမှုများဖြစ်ပေါ်ခဲ့သည့်အတွက် MPT က အနူးအညွတ်တောင်းပန်သည့်အနေဖြင့် MPT သည် သုံးစွဲသူများအား MPT Club ပွိုင့် ၃၀၀ ပွိုင့်ကို ၂၀၂၂ ခုနှစ် သြဂုတ်လ ၁၄ ရက်မှ ၂၀ ရက်အထိ လက်ဆောင်ပေးအပ်လျက်ရှိပြီး MPT Club အစီအစဉ်တွင် စာရင်းသွင်းရယူထားသော သုံးစွဲသူများအနေဖြင့် *2006# သို့ခေါ်ဆို၍ MPT Club ပွိုင့် ၃၀၀ ကို ရရှိနိုင်မည် ဖြစ်သည်။ MPT Club အစီအစဉ်သို့ စာရင်းသွင်းရယူရန် https://www.mpt.com.mm/mm/mpt-club-mm/ သို့ ဝင်ရောက် ကြည့်ရှုနိုင်ပါသည်။

MPT သုံးစွဲသူများသည် MPT Club ပွိုင့်များကို အသံ၊ ဒေတာနှင့် စာတို (SMS) အစရှိသည့် MPT မိုဘိုင်းလ်ဝန်ဆောင်မှုအမျိုးမျိုးနှင့် စိတ်တိုင်းကျ လဲလှယ်နိုင်သည့်အပြင် MPT၏ မိတ်ဖက်အဖွဲ့အစည်းများ၏ ဝန်ဆောင်မှုများဖြင့်လည်း လဲလှယ်နိုင်မည် ဖြစ်ပါသည်။
MPT အနေဖြင့် သုံးစွဲသူများအတွက် ပိုမိုကောင်းမွန်သည့် ဝန်ဆောင်မှုများကို စဉ်ဆက်မပြတ် ပေးအပ်လျက်ရှိပြီး ဖိုင်ဘာဆက်ကြောင်းပြတ်တောက်မှုကာလအတွင်း အင်တာနက်ဒေတာအသုံးပြုမှု အမြန်နှုန်းကျဆင်းခဲ့စဉ် MPT သုံးစွဲသူများ အဆင်မပြေမှုများဖြစ်ပေါ်ခဲ့ခြင်းအတွက် MPT မှ အနူးအညွတ်တောင်းပန်အပ်ပါသည်။

MPT က ၂၀၂၃ ခုနှစ် ဇန်နဝါရီလမှစ၍ တစ်ဦးချင်းသုံး Post-paid နှင့် FTTH ဝန်ဆောင်မှု သုံးစွဲသူများအားလုံးအတွက် ဒီဂျစ်တယ်ငွေတောင်းခံလွှာ (E-invoice) ကိုသာ အသုံးပြု သွားမည်

(ရန်ကုန်၊ ၂၀၂၂ ခုနှစ်၊ သြဂုတ်လ ၁၅ ရက်) – MPT သည် Post-paid နှင့် FTTH ဝန်ဆောင်မှု သုံးစွဲသူများအားလုံး လွယ်ကူအဆင်ပြေစေရန်နှင့်  ကာဗွန်အသုံးပြုမှုကို လျှော့ချရန် ကြိုးပမ်းဆောင်ရွက်မှု တစ်စိတ်တစ်ပိုင်းအဖြစ် ဒီဂျစ်တယ်ငွေတောင်းခံလွှာ (E-invoice) စနစ်ကို ၂၀၂၀ ပြည့်နှစ်က စတင်မိတ်ဆက်ခဲ့ပါသည်။ ယခုအခါ ထပ်မံတိုးချဲ့ခြင်းအနေဖြင့် Post-paid နှင့် FTTH ဝန်ဆောင်မှု သုံးစွဲသူများအားလုံး (တစ်ဦးချင်း သုံးစွဲသူများသာ) သည် ငွေတောင်းခံလွှာ စာရွက်များအစား ဒီဂျစ်တယ်ငွေတောင်းခံလွှာ (E-invoice) စနစ်ကို SMS (စာတို) သို့မဟုတ် အီးမေးလ်ဖြင့် လက်ခံရရှိမည် ဖြစ်ပြီး ငွေတောင်းခံလွှာ စာရွက်များ ပေးပို့ခြင်းကို ၂၀၂၃ ခုနှစ် ဇန်နဝါရီမှစတင်၍ ရပ်ဆိုင်းသွားမည် ဖြစ်ပါသည်။ ထို့အပြင် ဒီဂျစ်တယ် ငွေတောင်းခံလွှာများကို MPT4U အက်ပလီကေးရှင်းနှင့် USSD နည်းလမ်း *260# သို့ ခေါ်ဆိုခြင်းမှတစ်ဆင့်လည်း ရရှိနိုင်မည် ဖြစ်ပါသည်။

MPT သည် သုံးစွဲသူများ ဒီဂျစ်တယ်နည်းလမ်းဖြင့် အဆင်ပြေချောမွေ့စွာ ဒီဂျစ်တယ်ငွေတောင်းခံလွှာ (E-invoice) ဝန်ဆောင်မှုကို စာရင်းသွင်းရယူရန် နှိုးဆော်တိုက်တွန်းလိုက်ရပါသည်။ E-invoice ကို စာရင်းသွင်းရယူခြင်းဖြင့် သုံးစွဲသူများသည် တစ်လ ၅၀၀ ကျပ်နှုန်းဖြင့် ၅ လ ဆက်တိုက် စုစုပေါင်း ကျပ် ၂,၅၀၀  သက်သာခွင့်ကို ၂၀၂၂ ခုနှစ် ဒီဇင်ဘာလကုန်အထိရရှိမည် ဖြစ်ပါသည်။

MPT သုံးစွဲသူများသည် အခကြေးငွေထပ်မံပေးရန်မလိုဘဲ မိမိ၏ သတင်းအချက်အလက် (ဖုန်းနံပါတ် နှင့် Email လိပ်စာ) များကိုဖြည့်သွင်းပြီး အောက်ပါနည်းလမ်းများမှတစ်ဆင့် ဒီဂျစ်တယ်ငွေတောင်းခံလွှာ (E-invoice) ကို စာရင်းသွင်း နိုင်မည် ဖြစ်ပါသည်။

၁) သတင်းအချက်အလက်များကို https://www.mpt.com.mm/mm/e-invoice-registration-mm/ မှတစ်ဆင့် စာရင်းသွင်းခြင်း။

၂) မိမိနှင့် နီးစပ်ရာ MPT ၏ ငွေလက်ခံကောင်တာများ (TRA/Commercial Office ရုံး) သို့ သွားရောက်၍ စာရင်းသွင်းခြင်း။

၃) စာရင်းသွင်းရယူနိုင်ရန် MPT အသုံးပြုသူများ Call Center (106) ခေါ်ဆို၍ သော်လည်းကောင်း အခြားအော်ပရေတာသုံးစွဲသူများအနေဖြင့် ၀၁-၂၃၉၉၁၀၆ သို့လည်းကောင်း ဖုန်းခေါ်ဆို၍ စာရင်းသွင်းခြင်း။

၄) MPT4U အက်ပလီကေးရှင်းမှတစ်ဆင့် စာရင်းသွင်းရယူခြင်း။

စာရင်းသွင်းရယူပြီးနောက် သုံးစွဲသူများသည် ဒီဂျစ်တယ်ငွေတောင်းခံလွှာ (E-invoice) ကို မိမိကြိုက်နှစ်သက်သည့် နည်းလမ်းဖြင့် အတည်ပြုရယူနိုင်ရန် SMS (စာတို) သို့မဟုတ် အီးမေးလ်ကို လက်ခံရရှိမည် ဖြစ်ပါသည်။

MPT4U အက်ပလီကေးရှင်းမှတစ်ဆင့် E-invoice ကို စာရင်းသွင်းရယူသည့်နည်လမ်း

အဆင့် ၁။ မိမိ ဖုန်းမှ တစ်ဆင့် MPT4U အက်ပလီကေး ရှင်းသို့ ဝင်ရောက်ပြီး Home Menu မှတစ်ဆင့် Service Menu ကိုရွေးချယ်ပါ။

အဆင့် ၂။ Service Menu မှ Manage Account အောက်ရှိ အခြားဘေလ်များကိုရွေးချယ်ပါ။

အဆင့် ၃။ မှတ်ပုံတင်သည်ကို နှိပ်ပါ။

အဆင့် ၄။ လိုအပ်သည့်အချက်အလက် များကို ဖြည့်စွက်ပြီး မှတ်ပုံတင်သည်ကို နှိပ်ပါ။

အဆင့် ၅။ ဖြည့်စွက်ထားသော အချက်အလက် များအား စိစစ်ပြီးပါက မှတ်ပုံတင်ခြင်း ပြီးမြောက် ခြင်းအား အောက်ပါအတိုင်း မြင်တွေ့နိုင်ပါသည်။

အဆင့် ၆။ မှတ်ပုံတင်ခြင်း ပြီးမြောက်ပါက မှတ်ပုံတင်ထားသော ဝန်ဆောင်မှု၏ “Real-time Balance” အား အခြားဘေလ်များ Menu အောက်တွင် ပုံပါအတိုင်းမြင်တွေ့နိုင်ပါသည်။

အဆင့် ၇။ သုံးစွဲသူများမှ MPT4U အက်ပလီကေးရှင်း တွင် (၆) လစာ အထိ ဘေလ်များနှင့် ငွေပေးဆောင် ထားသော အခြေအနေအား ကြည့်ရှုနိုင်ပါသည်။

MPT4U သည် Android နှင့် iOS အသုံးပြုသူများအတွက် အခကြေးငွေကုန်ကျမှုမရှိဘဲ အသုံးပြုနိုင်သည့် MPT အက်ပလီကေးရှင်းတစ်ခုဖြစ်ပြီး သုံးစွဲသူများသည် ၎င်းတို့၏ MPT ဝန်ဆောင်မှု အသုံးပြုမှုမှတ်တမ်းများနှင့် ကုန်ကျစရိတ်များကို အဆင်ပြေလွယ်ကူစွာ စစ်ဆေးနိုင်ရန်၊ လစဉ်ငွေတောင်းခံလွှာများ ပေးချေရန် နှင့် MPT က ပေးအပ်သည့် ဝန်ဆောင်မှုများစွာကို စီမံခန့်ခွဲရန် ဆောင်ရွက်နိုင်ပါသည်။ အဆိုပါ အက်ပလီကေးရှင်းဖြင့် Post-paid သုံးစွဲသူများသည် နောက်ဆုံးထွက်ရှိထားသည့် ၆ လစာ ငွေတောင်းခံလွှာများ နှင့် ငွေပေးချေမှုဆိုင်ရာ အချက်အလက်များကို ကြည့်ရှုစစ်ဆေးနိုင်သကဲ့သို့ မိမိသိရှိလိုသော အကြောင်းအရာများ နှင့် အခြားဝန်ဆောင်မှုများကို လွယ်ကူစွာ ရှာဖွေနိုင်သည့်အပြင် အနီးနားရှိ MPT အရောင်းဆိုင်များကိုလည်း အလွယ်တကူ ရှာဖွေနိုင်မည်ဖြစ်ပါသည်။

ဒီဂျစ်တယ်ငွေတောင်းခံလွှာ (E-invoice) စနစ်ဖြင့် MPT သုံးစွဲသူများသည် ယခင် စာရွက်ငွေတောင်းခံလွှာ များထက် ပိုမိုစောလျင်စွာ နှင့် အချိန်မှန် လက်ခံရရှိနိုင်ခြင်း ၊ ငွေတောင်းခံလွှာများကို ဒီဂျစ်တယ်နည်းလမ်းဖြင့် စစ်ဆေးနိုင်ခြင်း၊ သုံးစွဲသူ၏ ဖုန်း (သို့မဟုတ်) ကွန်ပျူတာထဲတွင် ငွေတောင်းခံလွှာများကို သိမ်းဆည်းနိုင်ခြင်း၊ လွယ်ကူစွာ ငွေပေးချေခြင်း နှင့် ပရိုမိုးရှင်းအစီအစဉ်များကို ရယူနိုင်ခြင်းစသည့် အကျိုးကျေးဇူးများကို ရရှိခံစားနိုင်မည် ဖြစ်ပါသည်။ ထို့အပြင် သုံးစွဲသူများသည် ဒီဂျစ်တယ်ငွေတောင်းခံလွှာ (E-invoice) များကို သုံးစွဲခြင်းအားဖြင့် စက္ကူစာရွက်များ သုံးစွဲမှုကို လျော့ချပေးနိုင်ရုံသာမက သုံးစွဲသူများ၏ လူနေမှုဘဝကို ပိုမိုလွယ်ကူ စေမည်ဖြစ်သည်။

MPT သုံးစွဲသူများသည် ဒီဂျစ်တယ်ငွေတောင်းခံလွှာ (E-invoice) အတွက် ငွေပေးချေခြင်းကို MPT Pay နှင့် KBZ Bank၊ AYA Bank နှင့် CB Bank တို့၏ I-Banking/ Mobile Banking တို့မှတစ်ဆင့် ဆောင်ရွက်နိုင်ပါသည်။ ထို့အပြင် သုံးစွဲသူများသည် ငွေပေးချေသည့်ကောင်တာများ ဖြစ်သည့် MPT TRA ၊ စာတိုက်နှင့် အေးဂျင့်များတွင် SMS (စာတို) သို့မဟုတ် အီးမေးလ်ဖြင့် လက်ခံရရှိထားသည့် ဒီဂျစ်တယ်ငွေတောင်းခံလွှာ (E-invoice) ကို ပြ၍လည်း ငွေပေးချေနိုင်ပါသည်။ နည်းလမ်းမျိုးစုံဖြင့် ငွေပေးချေနိုင်သည့် သတင်းအချက်အလက် အသေးစိတ်ကို https://www.mpt.com.mm/mm/payment-through-bank-channel-mm/ တွင် ဝင်ရောက်ကြည့်ရှုနိုင်ပါ သည်။
MPT ၏ ဝန်ဆောင်မှုများကို အစဉ်တစိုက်သုံးစွဲလျက်ရှိသည့် သုံးစွဲသူ တစ်ဦးတစ်ယောက်ချင်းစီတိုင်းကို ကျေးဇူးတင်ရှိပါသည်။ MPT ၏ ဒီဂျစ်တယ်ငွေတောင်းခံလွှာ (E-invoice) ဝန်ဆောင်မှုအကြောင်းကို အသေးစိတ် သိရှိလိုပါက https://www.mpt.com.mm/mm/business-home-mm/ သို့ ဝင်ရောက်ကြည့်ရှု ခြင်းဖြင့် လည်းကောင်း၊ 106 Call Center သို့ ခေါ်ဆိုမေးမြန်းခြင်းဖြင့်လည်းကောင်း၊ တိုက်ရိုက်တုံ့ပြန် ဖြေကြားပေးမည့် Chatbot ဝန်ဆောင်မှုများကို MPT4U အက်ပလီကေးရှင်း၊ MPT Viber နှင့် MPT တရားဝင် ဝက်ဘ်ဆိုက်တို့တွင် စုံစမ်းမေးမြန်းခြင်းဖြင့်လည်းကောင်း သိရှိနိုင်ပါသည်။

လေးစားရပါသော သုံးစွဲသူမိဘပြည်သူများခင်ဗျာ

ဖိုင်ဘာဆက်ကြောင်း ပြတ်တောက်မှုများကို ပြန်လည်ပြင်ဆင်ခဲ့ပြီး ဖြစ်ပါသဖြင့် ဒေတာဝန်ဆောင်မှုများကို မူလအတိုင်း သုံးစွဲနိုင်ပြီ ဖြစ်ပါကြောင်း အသိပေးအပ်ပါသည်။ အဆင်မပြေမှုများဖြစ်ပေါ်ခဲ့သည့်အတွက်လည်း အနူးအညွတ်တောင်းပန်အပ်ပါသည်။

ခေတ်မီအိတ်ချိန်းစက်များ လဲလှယ်ပြီးဖြစ်ပါသဖြင့် အော်တိုတယ်လီဖုန်း နံပါတ်များအား ပြောင်းလဲပါမည်

(ရန်ကုန်၊ ၂၀၂၂ ခုနှစ်၊ သြဂုတ် ၁၂ ရက်) – မြန်မာ့ဆက်သွယ်ရေးလုပ်ငန်း (MPT) အနေဖြင့် ပိုမိုကောင်းမွန်သည့် အရည်အသွေး နှင့် ခေတ်မီဝန်ဆောင်မှုများကို ပေးနိုင်ရန်အတွက် အောက်ဖော်ပြပါ တိုင်းဒေသကြီးနှင့် ပြည်နယ်များရှိ အိတ်ချိန်းများကို ခေတ်မီအိတ်ချိန်းစက်များနှင့် ပြောင်းလဲတပ်ဆင်ပြီး ကေဘယ်လ်ကွန်ရက်စနစ် (Copper Cable Network) အား မြန်နှုန်းမြှင့် သတင်းအချက်အလက် ဝန်ဆောင်မှုပေးနိုင်သည့် ဖန်ကြိုးမျှင် (Fiber Cable) စနစ် နှင့် ကြိုးမဲ့စနစ်သုံး (Fixed Wireless) တယ်လီဖုန်းများဖြင့် အောက်ပါအတိုင်း ပြောင်းလဲသွားမည် ဖြစ်ပါသည်။

နယ်မြေအိတ်ချိန်းMigration စတင်ပြုလုပ်
မည့် ရက်စွဲ
လက်ရှိအသုံးပြု
နေသော ဖုန်းနံပါတ်
အသစ်ပြောင်းလဲ မည့်ဖုန်းနံပါတ်
ကချင်ပြည်နယ်ပင်းဘော အိတ်ချိန်း၂၉-၈-၂၀၂၂၀၇၄-၆၆xxx၀၇၄-၄၇၆၆xxx
ရန်ကုန်တိုင်းဒေသကြီးကော့မှူး အိတ်ချိန်း၁-၉-၂၀၂၂၀၁-၂၆၄xxx၀၁-၈၂၆၄xxx
ရခိုင်ပြည်နယ်ဘူးသီးတောင် အိတ်ချိန်း၅-၉-၂၀၂၂၀၄၃-၅၃xxx၀၄၃-၄၇၅၃xxx
ရှမ်းပြည်နယ် (မြောက်ပိုင်း)ကွမ်းလုံ အိတ်ချိန်း၅-၉-၂၀၂၂၀၈၂-၇၀xxx၀၈၂-၄၆၇၀xxx
နမ့်ဆန် အိတ်ချိန်း၉-၉-၂၀၂၂၀၈၂-၈၉xxx၀၈၂-၄၆၈၉xxx

နံပါတ်အဟောင်းမှ နံပါတ်အသစ်သို့ ပြောင်းလဲစဉ်ကာလအတွင်းတွင် မြန်မာ့ဆက်သွယ်ရေးလုပ်ငန်းမှ မိမိတို့၏ ဝန်ဆောင်မှုကို အသုံးပြုနေသူများ ဆက်သွယ်မှုအဆင်ပြေစေရန် Call Forward ဝန်ဆောင်မှုကို ပြောင်းလဲတပ်ဆင်သည့်နေ့မှစ၍ (၃) လအထိ အခမဲ့ပေးထားမည်ဖြစ်ပြီး သုံးစွဲသူများသည် နံပါတ်အသစ်သို့ ပြောင်းလဲနေစဉ်ကာလအတွင်းတွင် လက်ရှိနံပါတ် (သို့မဟုတ်) နံပါတ်အသစ်သို့ ခေါ်ဆိုနိုင်မည် ဖြစ်ပါသည်။

MPT သုံးစွဲသူ မိဘပြည်သူများသို့ အသိပေးအကြောင်းကြားခြင်း

ဖိုင်ဘာဆက်ကြောင်း ပြတ်တောက်မှုများကြောင့် အင်တာနက်ဒေတာ အသုံးပြုမှု အမြန်နှုန်း အနည်းငယ်ကျဆင်းလျက် ရှိပါသည်။ သက်ဆိုင်ရာ အင်ဂျင်နီယာအဖွဲ့အနေဖြင့် နဂိုအတိုင်း ပြန်လည်ကောင်းမွန်စေရန်အတွက် ပြင်ဆင်မှုများကို အမြန်ဆုံးကြိုးပမ်းလုပ်ဆောင်နေပါသည်။ အဆင်မပြေမှုများအတွက် အနူးအညွတ်တောင်းပန်အပ်ပါသည်။

MPT က ပထမဆုံး One Stop Cloud ဝန်ဆောင်မှုကို မိတ်ဆက်

(ရန်ကုန်၊ ၂၀၂၂ ခုနှစ်၊ သြဂုတ်လ ၂ ရက်) – MPT က သတင်းအချက်အလက်နည်းပညာဆိုင်ရာ Infrastructure တစ်ခုလုံးကို အကောင်းဆုံး ဖြစ်စေရန်အတွက် ယုံကြည်စိတ်ချရသော Cloud ဝန်ဆောင်မှုကို ပေးအပ်ရန် ရည်ရွယ်၍ ပထမဆုံး One Stop Cloud ဝန်ဆောင်မှုကို  လုပ်ငန်းရှင်များနှင့်  B2B ဝန်ဆောင်မှု အသုံးပြုသူများ အတွက် မိတ်ဆက်လိုက်ပြီ ဖြစ်ပါသည်။

MPT B2B Cloud ဝန်ဆောင်မှု အသစ်သည် စီးပွားရေးလုပ်ငန်းစုများနှင့် ကိုက်ညီသော စည်းမျဉ်း၊ စည်းကမ်းများ၊ သုံးစွဲသူများ၏ ကိုယ်ရေးကိုယ်တာ အချက်အလက်များနှင့် အခြားသော ဒေတာအချက်အလက်များကို လုံခြုံစွာ သိမ်းဆည်းပေးခြင်း နှင့် ဒေတာအချက်အလက်များကို ပြောင်းရွှေ့ခြင်း (သို့မဟုတ်) ပြန်လည်ရယူခြင်းတို့ကို ဆောင်ရွက်ပေးခြင်းဖြစ်ပါသည်။

MPT B2B Cloud ဆိုသည်မှာ အင်တာနက်ပေါ်တွင် စီမံခန့်ခွဲသည့် IaaS (Infrastructure as a Service) ဝန်ဆောင်မှုတစ်ခု ဖြစ်ပြီး ဆာဗာများရှိရာနေရာသို့ အင်တာနက်ပေါ်မှတစ်ဆင့် ထိန်းချုပ်ဆောင်ရွက်နိုင်သည့် ကွန်ရက်ကိုအသုံးပြုပြီး အင်တာနက်ပေါ်တွင် ‌‌ဒေတာအချက်အလက်များကို သိမ်းဆည်းခြင်း၊ ဒေတာ စီမံခန့်ခွဲ ခြင်းနှင့် လုပ်ငန်းဆောင်ရွက်ခြင်း တို့ကို ပြည်တွင်း၌ပင် ဝန်ဆောင်မှုပေးခြင်း ဖြစ်ပါသည်။

MPT B2B Cloud ဝန်ဆောင်မှုတွင် Virtual Network ၊ Virtual Machine ၊ Virtual Storage နှင့် OS License ဝန်ဆောင်မှုများကို ပေးအပ်လျက်ရှိပါသည်။

MPT B2B Cloud ဝန်ဆောင်မှု ဒေတာစင်တာကို မြန်မာနိုင်ငံတွင်ထားရှိပြီး B2B သုံးစွဲသူများအတွက် လုပ်ငန်းစနစ်များ အကောင်အထည်ဖော်ဆောင်ရွက်ခြင်း၊ လုပ်ငန်းလည်ပတ်ခြင်းနှင့် ပြုပြင်ထိန်းသိမ်းခြင်း လုပ်ငန်းများကို ပြည်တွင်း၌ပင် ဆောင်ရွက်ပေးခြင်းဖြစ်ပါသည်။ အဆိုပါ ဝန်ဆောင်မှုဖြင့် B2B သုံးစွဲသူများသည် ၎င်းတို့၏ လုပ်ငန်းလည်ပတ်မှု တာဝန်များကို လျှော့ချနိုင်ခြင်း၊ မြင့်မားသောကွန်ရက်စွမ်းဆောင်ရည်ကို ရရှိနိုင်ခြင်း၊ ဒေတာများ လျင်မြန်ချောမွေ့စွာရယူနိုင်ခြင်း၊  ဝန်ဆောင်မှုများကို တစ်နေရာတည်းတွင် ရယူနိုင်ခြင်း နှင့်   သုံးစွဲသူများအတွက် ၉၉.၉ % ယုံကြည်စိတ်ချရသော Cloud ဝန်ဆောင်မှု စသည့် အကျိုးကျေးဇူးများကို ရရှိ ခံစားနိုင်မည် ဖြစ်ပါသည်။

ထို့အပြင် MPT B2B Cloud ဝန်ဆောင်မှုတွင် Basic Operation Service ကို အပိုကုန်ကျစရိတ်မရှိဘဲ ပံ့ပိုး ဆောင်ရွက်ပေးထားပါသည်။ Basic Operation Service တွင် Virtual Machine များကို စောင့်ကြည့် စစ်ဆေးပေးခြင်း၊ ပြဿနာများ ဖြေရှင်းပေးခြင်း၊ ပြုပြင်ထိန်းသိမ်းခြင်းနှင့် ဝန်ဆောင်မှုများကို စီမံခန့်ခွဲခြင်းများ စသည့် ဝန်ဆောင်မှုများ ပါဝင်ပါသည်။

MPT သည် သုံးစွဲသူများ၏ လိုအပ်ချက်ပေါ်မူတည်၍ MPT B2B Cloud ဝန်ဆောင်မှုကို ပေးအပ်လျက်ရှိပြီး အဆိုပါဝန်ဆောင်မှုများကို ကြိုတင်စာရင်းသွင်းခြင်းပြုလုပ်၍ လစဉ်ငွေပေးချေမှုပုံစံဖြင့် ကောက်ခံသွားမည် ဖြစ်သည်။ အသေးစိတ်သိရှိလိုပါက MPT သုံးစွဲသူများအတွက် အခမဲ့ဆက်သွယ်နိုင်သည့် B2B Hotline ဖြစ်သော 0800 800 9990 သို့မဟုတ် ၀၉၄၂၆၀၀၀၃၂၃ (အခြားအော်ပရေတာသုံးစွဲသူများအတွက်) (သို့) ၁၀၆ (သို့) 01- 2399106 နှင့် [email protected] သို့ ဆက်သွယ်စုံစမ်းနိုင်ပါသည်။
MPT သည် B2B ဝန်ဆောင်မှုများ ပေးအပ်ခြင်းကို စဉ်ဆက်မပြတ် တိုးချဲ့ဆောင်ရွက်လျက်ရှိပြီး စီးပွားရေး လုပ်ငန်းများအတွက် ရည်ရွယ်၍ မြန်နှုန်းမြင့်ဖိုင်ဘာအင်တာနက် ဝန်ဆောင်မှုများ အပါအဝင် fixed lines ဝန်ဆောင်မှုများကဲ့သို့သော စီးပွားရေးသုံး မိုဘိုင်းလ်ဝန်ဆောင်မှုများကိုလည်း ကျယ်ပြန့်စွာ ကြိုးပမ်း ဆောင်ရွက်လျက်ရှိပါသည်။ MPT သည် ကော်ပိုရိတ်သုံးစွဲသူအားလုံးအတွက် Close User Group (CUG)၊ B2B Data Plans၊ Data Only SIM၊ Mobile Remote Access၊ Business Allowance နှင့် Business Bundle ဝန်ဆောင်မှုအစရှိသည့် စျေးနှုန်းသက်သာသော စီးပွားရေးသုံး မိုဘိုင်းလ်ဝန်ဆောင်မှုများကို ပေးအပ်လျက် ရှိပါသည်။ Fixed Line ဝန်ဆောင်မှုများအတွက်မူ Dedicated Fiber Internet ၊ Business Premium/ Eco ၊ SME Broadband ၊ IP-VPN၊ Domestic Private Lead Circuit (DPLC) ၊ International Private Lead Circuit (IPLC) ၊ MPT Auto Phone (PSTN) နှင့် Toll-Free Call အစရှိသည့် ဝန်ဆောင်မှုများကို MPT က ပေးအပ်လျက်ရှိပါသည်။

MPT ၏ ဝန်ဆောင်မှုများကို အစဉ်တစိုက်သုံးစွဲလျက်ရှိသည့် သုံးစွဲသူ တစ်ဦးတစ်ယောက်ချင်းစီတိုင်းကို ကျေးဇူးတင်ရှိပါသည်။ မြန်မာနိုင်ငံရှိ စီးပွားရေးလုပ်ငန်းများ၊ ဌာနဆိုင်ရာများ နှင့် လုပ်ငန်းအသီးသီးအတွက် MPT ၏ ဝန်ဆောင်မှု အသေးစိတ်အချက်အလက်များနှင့်ပတ်သက်၍ https://www.mpt.com.mm/en/business-home/ သို့ ဝင်ရောက်ကြည့်ရှုလေ့လာနိုင်ပါသည်။

အလန်းစား Friday အစီအစဉ်မှ သောကြာနေ့တိုင်းအတွက် အထူးလက်ဆောင်များ ယူဆောင်လာ

(ရန်ကုန်၊ ၂၀၂၂ ခုနှစ်၊ ဇူလိုင်လ ၂၂ ရက်)- မြန်မာ့ဦးဆောင်ဆက်သွယ်ရေး အော်ပရေတာ MPT သည် “အလန်းစား Friday” ပရိုမိုးရှင်း အစီအစဉ်ကို Data Carry Plus ပက်ကေ့ချ် ဝယ်ယူသူတိုင်းအတွက် အပိုလက်ဆောင် များရရှိမည့် အစီအစဉ်ကို ယခု မိတ်ဆက်လိုက်ပြီဖြစ်သည်။ ဇူလိုင်လ ၂၂ ရက်မှစတင်၍ သောကြာနေ့တိုင်းတွင် သုံးစွဲသူများသည် ၉၇၉ ကျပ် နှင့်အထက် Data Carry Plus ပက်ကေ့ချ်များ (Auto-renewal ပက်ကေ့ချ်များ အပါအဝင်) ဝယ်ယူမှုတိုင်းအတွက် Friday အထူးအပိုလက်ဆောင် ၅၅၅ ကျပ် ပြန်အမ်းငွေကို ရယူနိုင်မည် ဖြစ်သည်။ အဆိုပါပရိုမိုးရှင်းဖြင့် MPT သုံးစွဲသူများသည် စနေ၊ တနင်္ဂနွေ အားလပ်ရက်များအတွင်း မိမိတို့၏ မိသားစုများ၊ မိတ်ဆွေများနှင့် ပိုမိုဆက်သွယ်နိုင်မည်ဖြစ်သည်။
MPT prepaid/postpaid GSM/WCDMA သုံးစွဲသူများအနေဖြင့် အပိုထပ်ဆောင်းစာရင်းသွင်းရန်မလိုဘဲ “အလန်းစား Friday” ပရိုမိုးရှင်းကို ရယူနိုင်ပါသည်။ Friday အပိုလက်ဆောင် ပြန်အမ်းငွေ ကို MPT အချင်းချင်း ဖုန်းခေါ်ဆိုခြင်း၊ စာတိုပေးပို့ခြင်းနှင့် ဒေတာအသုံးပြုမှုများအတွက် သုံးသလောက်ပေးနှုန်းထားဖြင့် (၅) ရက်အတွင်း အသုံးပြုနိုင်မည်ဖြစ်သည်။
ဒေတာအသုံးပြုသူများကြားတွင် MPT ၏ ရေပန်းအစားဆုံး ဒေတာပက်ကေ့ခ်ျဖြစ်သည့် Data Carry Plus ပက်ကေ့ချ်များ (Auto-renewal ပက်ကေ့ချ်များ အပါအဝင်) ကို ဝယ်ယူရန်အတွက် သုံးစွဲသူများသည် *777# ကိုခေါ်ဆိုပြီး ကြိုက်နှစ်သက်ရာ ပက်ကေ့ခ်ျကိုရွေးချယ်ပြီး ဒေတာများကို ရက်ပေါင်း ၃၀ အထိ သုံးစွဲနိုင်မည် ဖြစ်သည့်အပြင် အသုံးမပြုရသေးသည့် ဒေတာများကိုလည်း သက်တမ်းကုန်ဆုံးပြီးနောက် (၇)ရက်အတွင်း နောက်ထပ်ပက်ကေ့ချ်တစ်ခု အသစ်ထပ်မံ ဝယ်ယူလိုက်ပါက အဆိုပါလက်ကျန်များကို ပက်ကေ့ချ် သက်တမ်း အတိုင်း ဆက်လက်သယ်ဆောင်အသုံးပြုနိုင်မည်ဖြစ်သည်။ ထို့အပြင် သုံးစွဲသူများသည် ပက်ကေချ့်ဝယ်ယူခြင်းဖြင့် “ထိပေါက်” chance ရရှိမည်ဖြစ်ပြီး MPT4U App တွင် ထိပေါက် ဂိမ်းကစားပြီး 200GB အထိ ကံထူးရယူနိုင်ပါသည်။ Data Carry Plus ပက်ကေ့ချ်များ၏ အသေးစိတ်အချက်အလက်များကို အောက်ပါဇယားတွင် ကြည့်ရှုနိုင်ပါသည်။

ပက်ကေ့ချ်
ေးနှုန်း - MMK
(ကုန်သွယ်ခွန်အပါအဝင်)
မူလဒေတာ ပမာဏ
(ရက် ၃၀ သက်တမ်း)
အလန်းစား Friday ပြန်အမ်းငွေ
(သက်တမ်း (၅) ရက်)
ထပ်ဆောင်းအကျိုး ခံစားခွင့်များမှတ်ချက်

Data Carry Plus
(Auto Renewal)
၉၇၉ ကျပ်
470 MB


၅၅၅
200GB အထိ ကံထူးရယူနိုင်မည့် ထိပေါက်ကစားခွင့်သောကြာနေ့တိုင်း အကြိမ်အကန့်အသတ်မရှိဝယ်ယူပြီး Friday အလန်းစားအပိုလက်ဆောင်ခံစားခွင့် ကို အကန့်အသတ်မရှိရယူနိုင်မည်။
၁၂၇၉ ကျပ်
615 MB
၁၇၇၉ ကျပ်
860 MB
၂၆၆၉ ကျပ်
1290 MB

Data Carry Plus
(Normal)
၉၉၉ ကျပ်
470 MB
၁၂၉၉ ကျပ်
615 MB
၁၇၉၉ ကျပ်
860 MB
၂၆၉၉ ကျပ်
1290 MB
၄၄၉၉ ကျပ်
2160MB
၈၉၉၉ ကျပ်
4330MB
၁၇၉၉၉ ကျပ်
8660MB
၂၆၉၉၉ ကျပ်
13030MB

* Data Carry Plus ပက်ကေ့ချ်များအတွက် ဒေတာပမာဏအားလုံးသည် နောက်ဆုံးဝယ်ယူလိုက်သော ပက်ကေ့ချ်၏ သက်တမ်းသို့ ပေါင်းစည်းသွားမည်ဖြစ်သည်။
Regular Data Carry Plus ပက်ကေချ့်များကို MPT4U App မှတဆင့်ဖြစ်စေ၊ *777# မှဖြစ်စေ လက်ဆောင်ပေးပို့ နိုင်ပါသည်။ သောကြာနေ့တွင် Data Carry Plus ပက်ကေချ့်များကို လက်ဆောင်ပေးပို့ပါက လက်ခံရရှိသူသည် Data Carry Plus ဒေတာ ပမာဏ နှင့်အတူ Friday အပိုလက်ဆောင် ပြန်အမ်းငွေ ၅၅၅ ကျပ် ကိုပါ ရရှိမည် ဖြစ်သည်။
MPT သည် သုံးစွဲသူများအတွက် အဆင်ပြေဆုံး နှင့် အကောင်းဆုံးဝန်ဆောင်မှုများကို ပေးအပ်ရန်အတွက် နည်းလမ်းများကို စဉ်ဆက်မပြတ် ရှာဖွေနေပြီး ၎င်းတို့၏နေ့စဉ်လူမှုဘဝများ ပိုမိုတိုးတက်စေရေးအတွက် အကောင်းဆုံး ဆောင်ရွက်လျက်ရှိပါသည်။ MPT ၏ ဝန်ဆောင်မှုများကို အစဉ်တစိုက်သုံးစွဲလျက်ရှိသည့် သုံးစွဲသူ တစ်ဦးတစ်ယောက်ချင်းစီတိုင်းကို ကျေးဇူးတင်ရှိပါသည်။ MPT အကြောင်းကို အသေးစိတ်သိရှိလိုပါက MPT ၏ တရားဝင် ဝက်ဘ်ဆိုက်ဖြစ်သော www.mpt.com.mm သို့ ဝင်ရောက်ကြည့်ရှုနိုင်ပြီး 106 Call Center သို့ ခေါ်ဆိုမေးမြန်းနိုင်သည့်အပြင် မိမိသိရှိလိုသည်များကိုလည်း တိုက်ရိုက်တုံ့ပြန် ဖြေကြားပေးမည့် Chatbot ဝန်ဆောင်မှုများကို MPT4U အက်ပလီကေးရှင်း၊ MPT Viber နှင့် MPT တရားဝင် ဝက်ဘ်ဆိုက်တို့တွင် စုံစမ်းမေးမြန်းနိုင်ပါသည်။

ခေတ်မီအိတ်ချိန်းစက်များ လဲလှယ်ပြီးဖြစ်ပါသဖြင့် အော်တိုတယ်လီဖုန်း နံပါတ်များအား ပြောင်းလဲပါမည်

(ရန်ကုန်၊ ၂၀၂၂ ခုနှစ်၊ ဇူလိုင်လ ၂၀ ရက်) – မြန်မာ့ဆက်သွယ်ရေးလုပ်ငန်း (MPT) အနေဖြင့် ပိုမိုကောင်းမွန်သည့် အရည်အသွေး နှင့် ခေတ်မီဝန်ဆောင်မှုများကို ပေးနိုင်ရန်အတွက် အောက်ဖော်ပြပါ တိုင်းဒေသကြီး နှင့် ပြည်နယ်ရှိ အိတ်ချိန်းများကို ခေတ်မီအိတ်ချိန်းစက်များနှင့် ပြောင်းလဲတပ်ဆင်ပြီး ကေဘယ်လ်ကွန်ရက်စနစ် (Copper Cable Network) အား မြန်နှုန်းမြှင့် သတင်းအချက်အလက် ဝန်ဆောင်မှုပေးနိုင်သည့် ကြိုးမဲ့စနစ်သုံး (Fixed Wireless) တယ်လီဖုန်းများဖြင့် အောက်ပါအတိုင်း ပြောင်းလဲသွားမည် ဖြစ်ပါသည်။

နယ်မြေအိတ်ချိန်းMigration စတင်ပြုလုပ်
မည့် ရက်စွဲ
လက်ရှိအသုံးပြု
နေသော ဖုန်းနံပါတ်
အသစ်ပြောင်းလဲ မည့်ဖုန်းနံပါတ်
ရှမ်းပြည်နယ် (မြောက်ပိုင်း)ကြူကုတ် အိတ်ချိန်း၂၅-၇-၂၀၂၂၀၈၂-၆၆xxx၀၈၂-၄၆၆၆xxx
နမ့်ဖတ်ကာ အိတ်ချိန်း၁-၈-၂၀၂၂၀၈၂-၆၇xxx၀၈၂-၄၆၆၇xxx
* ပဲခူးတိုင်းဒေသကြီး (အရှေ့ပိုင်း)* ပျဥ်ပုံကြီး အိတ်ချိန်း၁-၈-၂၀၂၂၀၅၂-၇၀xxx၀၅၂-၄၇၇၀xxx

* ယခင်ထုတ်ပြန်ထားပြီးဖြစ်ကာ လုပ်ငန်းဆောင်ရွက်သည့်ရက် ပြင်ဆင်ထားသည့်နေရာ
နံပါတ်အဟောင်းမှ နံပါတ်အသစ်သို့ ပြောင်းလဲစဉ်ကာလအတွင်းတွင် မြန်မာ့ဆက်သွယ်ရေးလုပ်ငန်းမှ မိမိတို့၏ ဝန်ဆောင်မှုကို အသုံးပြုနေသူများ ဆက်သွယ်မှုအဆင်ပြေစေရန် Call Forward ဝန်ဆောင်မှုကို ပြောင်းလဲတပ်ဆင်သည့်နေ့မှစ၍ (၃) လအထိ အခမဲ့ပေးထားမည်ဖြစ်ပြီး သုံးစွဲသူများသည် နံပါတ်အသစ်သို့ ပြောင်းလဲနေစဉ်ကာလအတွင်းတွင် လက်ရှိနံပါတ် (သို့မဟုတ်) နံပါတ်အသစ်သို့ ခေါ်ဆိုနိုင်မည် ဖြစ်ပါသည်။

MPT Club က အဖွဲ့ဝင်များနှင့်အတူ လူသားချင်း စာနာထောက်ထားမှုဆိုင်ရာအဖွဲ့အစည်းများမှ တစ်ဆင့် မြန်မာအမျိုးသမီးများသို့ ပံ့ပိုးကူညီခဲ့

(ရန်ကုန်၊ ၂၀၂၂ ခုနှစ်၊ ဇူလိုင်လ ၁၄ ရက်)- မြန်မာနိုင်ငံရှိ အမျိုးသမီးများ၏ဘဝများကို တစ်ထောင့်တစ်နေရာကနေ ပံ့ပိုးပေးနိုင်ရန် ရည်ရွယ်၍ MPT Club က အပြည်ပြည်ဆိုင်ရာ အမျိုးသမီးများနေ့ ပရိုမိုးရှင်းအစီအစဉ်နှင့် အမေများနေ့ ပရိုမိုးရှင်းအစီအစဉ်ဟု အမည်ပေးထားသော အထူးပရိုမိုးရှင်း အစီအစဉ်များကို ၂၀၂၂ ခုနှစ် မတ်လ နှင့် မေလတို့တွင် အသီးသီး ဆောင်ရွက်ခဲ့ပါသည်။ အဆိုပါ ပရိုမိုးရှင်းအစီအစဉ်များမှတစ်ဆင့် MPT Club သည် အဖွဲ့ဝင်များ လဲလှယ်လိုက်သော ပွိုင့်၏ တန်ဖိုး ၅၀% နှင့်ညီမျှသည့်ပမာဏ စုစုပေါင်း ကျပ် ၄၇ သိန်းကို MPT Club အဖွဲ့ဝင်များကိုယ်စား မြန်မာနိုင်ငံရှိ အမျိုးသမီးများအတွက် အကူအညီပေးနေသည့် အဖွဲ့အစည်းများသို့ ပံ့ပိုးကူညီခဲ့ပါသည်။

MPT Club သည် အပြည်ပြည်ဆိုင်ရာ အမျိုးသမီးများနေ့ ပရိုမိုးရှင်းအစီအစဉ်မှတစ်ဆင့် ကျပ် ၁၅ သိန်းကို ပြည်သူ့ကျန်းမာရေး ဖောင်ဒေးရှင်း (PHF) အဖွဲ့အစည်းသို့ ၂၀၂၂ ခုနှစ် ဧပြီလ ၂၂ ရက်တွင် ပံ့ပိုးကူညီခဲ့ပြီး ဖြစ်ပါသည်။ အဆိုပါ ပံ့ပိုးကူညီမှု၏ အမှတ်တရ ဗွီဒိယိုမှတ်တမ်းကို https://www.youtube.com/watch?v=eynuq8j1iJc
တွင် ဝင်ရောက်ကြည့်ရှုနိုင်ပါသည်။

ထို့အပြင် MPT Club သည် အမေများနေ့ ပရိုမိုးရှင်းအစီအစဉ်မှတစ်ဆင့် ကျပ် ၃၂ သိန်းကို ပြည်သူ့ကျန်းမာရေး ဖောင်ဒေးရှင်း (PHF) အဖွဲ့အစည်းသို့ ၂၀၂၂ ခုနှစ် ဇူလိုင်လ ၁၃ ရက်တွင် ပံ့ပိုးကူညီခဲ့ပါသည်။ အဆိုပါ ပံ့ပိုးကူညီမှု၏ အမှတ်တရ မှတ်တမ်းဓာတ်ပုံများကို အောက်ပါအတိုင်း ကြည့်ရှုနိုင်ပါသည်။

 

 

ပြည်သူ့ကျန်းမာရေး ဖောင်ဒေးရှင်း (PHF) သို့ MPT Club အဖွဲ့ဝင်များကိုယ်စား သွားရောက်လှူဒါန်းခဲ့စဉ်

MPT Club အဖွဲ့ဝင်များ၏ လိုအပ်ချက်များကို ဖြည့်ဆည်းပေးနိုင်ရန်အတွက် အစဉ်အမြဲ ကြိုးစားလျက်ရှိသော MPT Club သည် ပရိုမိုးရှင်းအစီအစဉ်များကို လစဉ် ဆောင်ရွက်သွားမည် ဖြစ်ပြီး ၎င်း၏ ဆောင်ရွက်မှု တစ်စိတ်တစ်ပိုင်း အဖြစ် မြန်မာအမျိုးသမီးများကို ပံ့ပိုးကူညီသွားမည် ဖြစ်သည်။ MPT Club ပရိုးမိုးရှင်း အစီအစဉ်များကို ရယူခံစားနိုင်ရန် MPT သုံးစွဲသူများသည် MPT Club သို့ အဖွဲ့ဝင်ရန်လိုအပ်ပြီး MPT Club ၏ အကျိုးကျေးဇူးများ ဖြစ်သည့် MPT နှင့် MPT ၏ မိတ်ဖက်အဖွဲ့အစည်းများမှ လျှော့စျေးများ (သို့မဟုတ်) အထူးလက်ဆောင်များကို ခံစားနိုင်မည် ဖြစ်သည်။ MPT Club သို့ အဖွဲ့ဝင်ရန် အောက်ပါအတိုင်း ဆောင်ရွက်နိုင်ပါသည်။
• MPT4U App ကို ဒေါင်းလုတ်ရယူပြီး ဒေတာ၊ ဖုန်းခေါ်ဆိုမှု၊ စာတိုပေးပို့မှု၊ ဖုန်းဘေလ် မိုဘိုင်းလ် ဆုလက်ဆောင်များအတွက် ပွိုင့်များဖြင့် လဲလှယ်နိုင်ပါသည်။
• *345# ကို ခေါ်ဆို၍ အခမဲ့ စာရင်းသွင်းနိုင်ပါသည်။
• အမျိုးသားအတွက် “Reg M” (သို့မဟုတ်) အမျိုးသမီးအတွက် “Reg F” ကို “345” သို့ SMS ပေးပို့၍ အဖွဲ့ဝင်နိုင်ပါသည်။

MPT Club သို့ စာရင်းသွင်းပြီးနောက် MPT Club အဖွဲ့ဝင်များသည် ကြိုဆိုလက်ဆောင်အဖြစ် MPT Club ပွိုင့် ၅၀ ရရှိမည်ဖြစ်သည်။ ထို့အပြင် MPT Club အဖွဲ့ဝင်များသည် MPT Club ပွိုင့်များရရှိပါက MPT၏ မိတ်ဖက်အဖွဲ့အစည်းများ ထုတ်ကုန်များ သို့မဟုတ် ဝန်ဆောင်မှုများတွင် MPT Club ပွိုင့်များဖြင့် လဲလှယ်နိုင်သည့် အပြင် MPT ၏ Lucky5 မိတ်ဖက်အဖွဲ့အစည်းများထံမှ လစဉ် ၅ ရက်၊ ၁၅ ရက်၊ ၂၅ ရက်များတွင် လျှော့စျေးများ သို့မဟုတ် ပရိုမိုးရှင်းအစီအစဉ်များကို ရယူခံစားနိုင်ပါသည်။ MPT Club ၏ မိတ်ဖက် အဖွဲ့အစည်းများကို https://www.mpt.com.mm/mm/mpt-club-mm/ တွင် ဝင်ရောက်ကြည့်ရှုနိုင်ပါသည်။

MPT ဝန်ဆောင်မှုများကို အစဉ်တစိုက်သုံးစွဲလျက်ရှိသည့် မိဘပြည်သူများအား အထူးပင် ကျေးဇူးတင်ရှိပါသည်။
သုံးစွဲသူများအနေဖြင့် MPT အကြောင်းကို အသေးစိတ်သိရှိလိုပါက MPT ၏ တရားဝင် ဝက်ဘ်ဆိုက်ဖြစ်သော www.mpt.com.mm သို့ ဝင်ရောက်ကြည့်ရှုနိုင်ပြီး 106 Call Center သို့ ခေါ်ဆိုမေးမြန်းနိုင်သည့်အပြင် မိမိသိရှိလိုသည်များကိုလည်း တိုက်ရိုက်တုံ့ပြန် ဖြေကြားပေးမည့် Chatbot ဝန်ဆောင်မှုများကို MPT4U အက်ပလီကေးရှင်း၊ MPT Viber နှင့် MPT တရားဝင် ဝက်ဘ်ဆိုက်တို့တွင် စုံစမ်းမေးမြန်းနိုင်ပါသည်။

ခေတ်မီအိတ်ချိန်းစက်များ လဲလှယ်ပြီးဖြစ်ပါသဖြင့် အော်တိုတယ်လီဖုန်း နံပါတ်များအား ပြောင်းလဲပါမည်

(ရန်ကုန်၊ ၂၀၂၂ ခုနှစ်၊ ဇူလိုင်လ ၁၁ ရက်) – မြန်မာ့ဆက်သွယ်ရေးလုပ်ငန်း (MPT) အနေဖြင့် ပိုမိုကောင်းမွန်သည့် အရည်အသွေး နှင့် ခေတ်မီဝန်ဆောင်မှုများကို ပေးနိုင်ရန်အတွက် အောက်ဖော်ပြပါ ပြည်နယ်ရှိ အိတ်ချိန်းကို ခေတ်မီအိတ်ချိန်းစက်နှင့် ပြောင်းလဲတပ်ဆင်ပြီး လက်ရှိအသုံးပြုနေသော အော်တိုတယ်လီဖုန်းနံပါတ်ကို ဂဏန်း (၇) လုံးပါရှိသည့် အော်တိုတယ်လီဖုန်းနံပါတ်အသစ်ဖြင့် ၂၀၂၂ ခုနှစ်၊ ဇူလိုင်လ ၃၀ ရက် မှစတင်၍ အောက်ပါအတိုင်း ပြောင်းလဲသွားမည် ဖြစ်ပါသည်။

နယ်မြေအိတ်ချိန်းလက်ရှိအသုံးပြု
နေသော ဖုန်းနံပါတ်
အသစ်ပြောင်းလဲ မည့်ဖုန်းနံပါတ်
ကချင်ပြည်နယ်တနိုင်း အိတ်ချိန်း၀၇၄-၄၆xxx၀၇၄-၂၅၄၆xxx

နံပါတ်အဟောင်းမှ နံပါတ်အသစ်သို့ ပြောင်းလဲစဉ်ကာလအတွင်းတွင် မြန်မာ့ဆက်သွယ်ရေးလုပ်ငန်းမှ မိမိတို့၏ ဝန်ဆောင်မှုကို အသုံးပြုနေသူများ ဆက်သွယ်မှုအဆင်ပြေစေရန် Call Forward ဝန်ဆောင်မှုကို ပြောင်းလဲတပ်ဆင်သည့်နေ့မှစ၍ (၃) လအထိ အခမဲ့ပေးထားမည်ဖြစ်ပြီး သုံးစွဲသူများသည် နံပါတ်အသစ်သို့ ပြောင်းလဲနေစဉ်ကာလအတွင်းတွင် လက်ရှိနံပါတ် (သို့မဟုတ်) နံပါတ်အသစ်သို့ ခေါ်ဆိုနိုင်မည် ဖြစ်ပါသည်။