MPT မှ ပျော်ရွှင်ကံထူးနှစ်သစ်ကူး ကံစမ်းမဲအစီအစဉ်၏ ကံထူးရှင်များကို ရွေးချယ်ကြေညာ

ရန်ကုန်၊ မြန်မာ၊ ၂၀၁၆ ခုနှစ် ဇန်နဝါရီလ ၁၂ ရက် – မြန်မာနိုင်ငံ၏ ဦးဆောင်ဆက်သွယ်ရေးအော်ပရေတာဖြစ်သော မြန်မာ့ဆက်သွယ်ရေးလုပ်ငန်း (MPT)မှ ပြီးခဲ့သောအပတ်က ပျော်ရွှင်ကံထူးနှစ်သစ်ကူး ကံစမ်းမဲအစီအစဉ်၏ နောက်ဆုံးကံထူးရှင်များကို ရန်ကုန်မြို့ Junction Square တွင် ပျော်ရွှင်ဖွယ်ရာ အစီအစဉ်များပြုလုပ်ရင်း ရွေးချယ်ကြေငြာခဲ့သည်။ MPT မှ ဆုမဲပေါင်း ၂ သောင်းကို MPT၏တန်ဖိုးထားလေးစားရသော အသုံးပြုသူများအား ရွေးချယ်ပေးခဲ့ပြီး ပွဲသို့ ကြွရောက်ကြသူများကိုလည်း အဆိုတော် Rဇာနည်၊ ဝေလ၊ နီနီခင်ဇော်တို့၏ဖျော်ဖြေမှုများနှင့်အတူ Jade Dragon အဖွဲ့၏ အကများဖြင့် ဖျော်ဖြေပေးခဲ့ကာ ကံထူးရှင်ရွေးချယ်ပွဲကို တိုက်ရိုက်ကြည့်ရှုနိုင်ခဲ့သည်။

MPT မှ ကံထူးရှင်ရွေးချယ်ခြင်း လုပ်ဆောင်မှုအဆင့်ဆင့်အား မှန်ကန်ပွင့်လင်းမှုရှိစေရန်အတွက် မြန်မာနိုင်ငံ၏ တိကျကျွမ်းကျင်မှုဖြင့် ဂုဏ်သတင်းကျော်ကြားသည့် လွတ်လပ်သော စာရင်းစစ်အဖွဲ့အစည်းတစ်ခုဖြစ်သည့် Win Thin & Associates အဖွဲ့က ကြပ်မတ်စီစဉ်ရွေးချယ်ပေးခဲ့သည်။ ဆုမဲပေါင်း ၂ သောင်းတွင် ဆုမဲ ၄၂ ခုမှာ ဆုကြီးများဖြစ်ပြီး ထိုဆုကြီးများ၏ ကံထူးရှင်များမှာ အောက်ပါအတိုင်း ဖြစ်သည်။

MPT မှ ကျန်ရှိနေသေးသော ငွေဖြည့်ကတ်ကံထူးရှင်များ၏ မိုဘိုင်းလ်ဖုန်းများထံသို့ ၅၀၀၀ တန် ကြိုတင်ငွေဖြည့်ကတ်များ ပေးပို့ခဲ့ပါသည်။ အဆိုပါ နှစ်သစ်ကူးကံစမ်းမဲအစီအစဉ်ကို ၂၀၁၅ခုနှစ် နိုဝင်ဘာ ၂၆ရက်က စတင်ခဲ့ပြီး ကံစမ်းမဲစုစုပေါင်း ရသောင်းကို အပတ်စဉ် စနေနေ့တိုင်းတွင် ကံစမ်းမဲဖောက်ပေးခဲ့သည်။ နောက်ဆုံးအပတ်ကံထူးသူများကို ဇန်နဝါရီ ၉ ရက် စနေနေ့တွင် တိုက်ရိုက်ဖုန်းခေါ်ဆို အသိပေးခဲ့ပြီး ကံထူးရှင်များ၏ နာမည်နှင့် ဖုန်းနံပါတ်များကို MPT ၏ တရားဝင် ဖေ့ဘွတ်စာမျက်နှာများနှင့် LINE အကောင့်များတွင်လည်း အသိပေးကြေငြာခဲ့သည်။ MPT မှ အဆိုပါနှစ်သစ်ကူးကံစမ်းမဲ အစီအစဉ်ကို ပါဝင်ခဲ့ ကြသူ အားလုံးတို့အား ကျေးဇူးအထူးတင်ရှိပြီး ကံထူးသူများမှလည်း စိတ်လှုပ်ရှားပျော်ရွှင်ခဲ့ကြမည်ဟု ယုံံကြည်ပါသည်။

ပြီးခဲ့သည့် အပတ်များတွင် ကံထူးခဲ့ကြသူများမှာ အောက်ပါအတိုင်းဖြစ်သည်။

ပထမပတ် ကံထူးသူစာရင်း (၂၀၁၅၊ ဒီဇင်ဘာ ၅ရက်)

ဒုတိယပတ် ကံထူးသူစာရင်း (၂၀၁၅၊ ဒီဇင်ဘာ ၁၂ရက်)

တတိယပတ် ကံထူးသူစာရင်း (၂၀၁၅၊ ဒီဇင်ဘာ ၁၉ရက်)

စတုတ္တပတ် ကံထူးသူစာရင်း (၂၀၁၅၊ ဒီဇင်ဘာ ၂၆ရက်)

ပဥ္ဓမပတ် ကံထူးသူစာရင်း (၂၀၁၅၊ ဇန်နဝါရီ ၅ရက်)