MPT မှ မိုဘိုင်းဖုန်း သုံးစွဲသူများအတွက် ထပ်ဆောင်းဝန်ဆောင်မှုများကို ထပ်မံတိုးချဲ့ပေး
21 Dec 2015ရန်ကုန်၊ မြန်မာ၊ ၂၀၁၅ ခုနှစ် ဒီဇင်ဘာလ ၁၈ ရက် – မြန်မာနိုင်ငံ၏ ဦးဆောင်ဆက်သွယ်ရေးအော်ပရေတာဖြစ်သော မြန်မာ့ဆက်သွယ်ရေးလုပ်ငန်း (MPT) က သုံးစွဲသူများအတွက် ထပ်ဆောင်းဝန်ဆောင်မှုများ (Value Added Services)ကို ထပ်မံတိုးချဲ့ပြီးဝန်ဆောင်မှုပေးတော့မည်ဖြစ်ကြောင်း သတင်းထုတ်ပြန်ကြေညာလိုက်သည်။ ၂၀၁၅ ခုနှစ် ဒီဇင်ဘာလ ၂၀ ရက်နေ့မှ စ၍ MPT ၏ GSM နှင့် WCDMA သုံးစွဲသူများအားလုံးသည် MPT နှင့်ပူးပေါင်းလုပ်ဆောင်သည့် တွဲဖက်ကုမ္ပဏီများမှ ဝန်ဆောင်မှုအသစ်များကို ရယူနိုင်တော့မည်ဖြစ်သည်။
အဆိုပါထပ်ဆောင်းဝန်ဆောင်မှုများကို ရယူလိုပါက မိမိနှစ်သက်ရာဝန်ဆောင်မှုကိုရည်ညွှန်းထားသော service code ကိုရိုက်နှိပ်ကာ သက်ဆိုင်ရင် ၀န်ဆောင်မှုပေးသောကုမ္ပဏီသို့ short code အသုံးပြုကာ စာတိုပေးပို့ခြင်းဖြင့်ဝန်ဆောင်မှုကို ရယူနိုင်ပါသည်။ App တစ်ခုချင်းစီကို စတင်သုံးစွဲရန်အတွက် ဝန်ဆောင်ခနှုန်းထားမှာလည်း မိုဘိုင်းဖုန်းသုံးစွဲသူများကြိုက်နှစ်သက်သော စျေးနှုန်းသာကျသင့်မည်ဖြစ်ပါသည်။
“ ခုခေတ်မှာလူတွေက မိုဘိုင်းဖုန်းတစ်ခုထဲကို အမျိုးစုံအသုံးပြုနေကြပါတယ်၊ ဖုန်းခေါ်တယ်၊ စာပို့တယ်၊ အီးမေးလ် သုံးတယ်၊ ဓာတ်ပုံရိုက်တယ်၊ နှိုးစက်နာရီသုံးတယ်၊ မှတ်စုတွေရေးတယ်၊ အချိန်းအချက်တွေ ရက်တွေ မှတ်ကြတယ်၊ ဂိမ်းတွေဆော့ကြတယ်၊ ဒါကြောင့်လည်း မြန်မာ့ဆက်သွယ်ရေးအနေနဲ့ သုံးစွဲသူတွေ ပိုပြီး သုံးလို့ရမဲ့ ပျော်စရာကောင်းတဲ့ ရွေးချယ်မှုအသစ်တွေကို ထပ်ပေးချင်ပါတယ်၊ ဥပမာ- အိပ်မက်ကျမ်းလိုဟာမျိုးတို့၊ အသုံးအရမ်းတည့်တဲ့ အရေးပေါ် ရှေးဦးသူနာပြုစုနည်းတွေနဲ့ ကျန်းမာရေးဆိုင်ရာ အချက်အလက်တွေမျိုးတွေလည်း ပေးထားပါတယ်၊” ဟု MPT-KSGM Joint Operation မှ Chief Commercial Officer ဖြစ်သူ Mr.Koichi Kawase က ပြောသည်။
ဤထပ်ဆောင်းဝန်ဆောင်မှုများကိုပေးရန်အတွက် MPT သည် ပြည်တွင်းကုမ္ပဏီ ၃ ခုနှင့် ရွေးချယ်ထားပြီး အဆိုပါကုမ္ပဏီများမှာ Golden TMH Telecom Company Limited၊ Contents Hub Co., Ltd. နှင့် King Royal Technologies Company Limited တို့ ဖြစ်ကြသည်။ MPT မှ အဆိုပါထပ်ဆောင်းဝန်ဆောင်မှုများကို MPT ၏ ၀န်ဆောင်မှုကို အသုံးပြုသူများအတွက် နှစ်သက်ဖွယ်ရာ ခေါင်းစဉ်အမျိုးအစားပေါင်းများစွာကို ဆက်လက်ပြီး ၀န်ဆောင်မှုများ ပေးဆောင်သွားမှာ ဖြစ်ပါသည်။ အသေးစိတ်သိရှိလိုသူများ သက်ဆိုင်ရာ website များသို့ သွားရောက်ကြည့်ရှုနိုင်မည်ဖြစ်သည်။
| ကုမ္ပဏီအမည် | SMS နံပါတ် | Website | ၀န်ဆော်ငမှုစတင် မည့်နေ့ |
|---|---|---|---|
| King Royal Technologies Company Limited | 8503 | http://zapp.com.mm | 20th Dec |
| Golden TMH Telecom Company Limited | 8302 | http://www.clickhere.com.mm | 22nd Dec |
| Contents Hub Co., Ltd. | 8405 | http://www.contentshub.com/ | 21st Dec |
ဝန်ဆောင်မှုအကြောင်းများ
Golden TMH Telecom Company Limited
| အသက်မွေးဝမ်းကျောင်းမှုဆိုင်ရာနည်းလမ်းများ | အသက်မွေးဝမ်းကျောင်းမှုဆိုင်ရာ နည်းလမ်းများ (လက်ရှိအလုပ်တွင် တည်မြဲရေး သို့မဟုတ် အသစ်ရှာဖွေရေး) |
|---|---|
| ငွေကြေးဆိုင်ရာနည်းလမ်းများ | နေ့စဉ်ဝင်ငွေအပေါ်တွင် မည်သို့ခန့်ခွဲမည် မည်သို့စုဆောင်းမည် စသည့်လွယ်ကူသည့် နည်းလမ်းများ |
| ရှေးဦးသူနာပြုနည်းလမ်းများ | ထိခိုက်ဒဏ်ရာအမျိုးမျိုးနှင့် ဖျားနာမှုများအတွက် မည်သို့ပြုစုလုပ်ကိုင်ရမည်ဆိုသည့် လွယ်ကူသည့်နည်းလမ်းများ |
| ကျန်းမာရေးဆိုင်ရာနည်းလမ်းများ | ကျန်းမာစေရန်မည်သို့ နေထိုင်ရမည်ဆိုသည့် အထောက်အကူပြုနည်းလမ်းများ |
| ကြံ့ခိုင်ရေးဆိုင်ရာ နည်းလမ်းများ | အမှန်တကယ်ပျော်ရွှင်စရာဖြစ်ပြီး နေ့စဉ်လုပ်ဆောင်နိုင်မည့် ကျန်းမာရေးလေ့ကျင့်ခန်းများ |
| ချစ်မှုရေးရာကဏ္ဍ | ချစ်သူနှစ်ဦးကြားအဆင်ပြေစေရန် မည်သို့ပြုမူလုပ်ဆောင်ရမည်စသည့် ချစ်မှုရေးရာအကြံဉာဏ်များ |
| အိပ်မက်ကျမ်း | အိပ်မက်များကို အဓိပ္ပါယ်ပြန်ပေးနိုင်သည့် အိပ်မက်ကျမ်း |
Contents Hub Co., Ltd.
| မိုဘိုင်းဖုန်းပေါ်မှာမေးခွန်းလေး တွေဖြေရင်းခရီးထွက်မယ် | ခရီးသွားခြင်းဆိုင်ရာဗဟုသုတမေးခွန်းများကိုဖြေဆိုရင်းခရီးသွားဆု လက်မှတ်များ ရရှိနိုင်မည့်ဝန်ဆောင်မှုတစ်ခုဖြစ်ပါသည်။ |
|---|---|
| ဆရာဇင်ယော်နီ၏ဂဏန်းဗေဒင်နေ့စဉ်ဟောစာတမ်း | မိမိကံကြမ္မာကိုသိရှိလိုသောသူများအတွက် ဆရာဇင်ယော်နီ၏ ဗေဒင်ဟောစာတမ်း ဝန်ဆောင်မှုတစ်ခုဖြစ်ပါသည်။ |
| ဒေါက်တာစောယုနွယ်၏ရာသီခွင် ဟောစာတမ်း | မိမိကံကြမ္မာကိုသိရှိလိုသောသူများအတွက်ဆရာမဒေါက်တာဒေါ်စောယုနွယ်၏ဗေဒင်ဟောစာတမ်းဝန်ဆောင်မှု တစ်ခုဖြစ်ပါသည်။ |
| ဘဝနေထိုင်မှုအတွက်အကောင်း ဆုံး နည်းလမ်းများ | လူနေမှုဆိုင်ရာအသိပေးလမ်းညွှန်မှုများကိုကြိုက် နှစ်သက်သူများအ တွက်ဝန်ဆောင်မှုတစ်ခုဖြစ်ပါသည်။ |
| အနုပညာကြယ်ပွင့်များ နှင့် စူပါ မော်ဒယ်လ်များ၏ လတ်တလောလှုပ်ရှားမှုဗွီဒီယိုများ | အနုပညာကြယ်ပွင့်များ၏လတ်တလောအနုပညာလှုပ်ရှားမှုနောက်ဆုံးရသတင်းများအားဗွီဒီယို ဖိုင်များဖြင့်ရရှိနိုင်မည့်ဝန်ဆောင်မှုတစ်ခုဖြစ်ပါ သည်။ |
| တောင်သူများလက်စွဲမိုဘိုင်းသတင်းဝန်ဆောင်မှု | တောင်သူဦးကြီးများအားစိုက်ပျိုးရေးဆိုင်ရာ သတင်းအချက်အလက်များအားသိရှိနိုင်စေရန်ဝန်ဆောင်မှုပေးသွားမည်ဖြစ်ပါသည်။ |
| သက်ဝင်လှုပ်ရှားအားကစား ဝန်ဆောင်မှု | ပြည်တွင်း၊ပြည်ပမှအားကစားသတင်းများအားဝန်ဆောင်မှုပေးသွားမည် ဖြစ်ပါသည်။ |
King Royal Technologies Company Limited
| ZAPP | Zed မှ ပြုလုပ်ထားသည့် application များအားလုံးကို ရယူနိုင်မည့် app၊ အခမဲ့ရယူနိုင်သည့်အရာများ ဆုကြေးများစွာကိုလည်း ရယူနိုင်သည် |
|---|---|
| စီးပွားရေးဆိုင်ရာ အချက်အလက်များ | စီးပွားရေးဆိုင်ရာဝန်ဆောင်မှုများ (နည်းလမ်းများ၊ စီးပွားရေးအခွင့်အလမ်းများ၊ အသက်မွေးဝမ်းကြောင်းမှုသတင်းများ၊ အိမ်ခြံမြေသတင်းများ၊ ကား) |
| ဟာသ | မြန်မာနှင့်သက်ဆိုင်သော ဟာသများ အခြားနယ်ပယ်များမှ ဟာသများ |
| အဆိုအမိန့်များ | မြန်မာဘာသာပြန်ဆိုထားသည့် ဘာသာရေးဆိုင်ရာ အချစ်ရေးဆိုင်ရာနှင့် ကျော်ကြားသော အဆိုအမိန့်များနှင့် စကားပုံများ |
| MyFree | ရှိနေပြီးသား မိုဘိုင်းအချက်အလက်များကို အခမဲ့ဒေါင်းလုပ်ရယူနိုင်မည့် အခမဲ့ဝန်ဆောင်မှု၊ ဥပမာ- နောက်ခံပုံများ၊ ဖုန်းမြည်သံသီချင်းများ |
| သတင်း (အထွေထွေ) | မြန်မာနိုင်ငံရေးရာသတင်းများ၊ ပြည်တွင်းသတင်းများ၊ ဥပမာ- နိုင်ငံရေး၊ ပြည်တွင်းရေးရာ၊ နည်းပညာ၊ နိုင်ငံတကာဆက်ဆံရေး၊ ခရီးသွား |
| သတင်း (ဖျော်ဖြေရေး) | ပြည်တွင်းပြည်ပ ဖျော်ဖြေရေးသတင်းများ၊ ဥပမာ- အတွင်းရေးသတင်းများ၊ အနုပညာရှင်များ၏ နောက်ဆုံးသတင်းများ၊ နောက်ဆုံးထွက်သီချင်းများ ရုပ်ရှင်များ၊ ဖျော်ဖြေပွဲများ |
| သတင်း (အားကစား) | ပြည်တွင်းနှင့် နိုင်ငံတကာ ဘောလုံးအသင်းများမှ သတင်းများအပါအဝင် အားကစားသတင်းများ |
ထပ်ဆောင်းဝန်ဆောင်မှုများကိုု အသေးစိတ်သိရှိရန် ဤနေရာတွင်နှိပ်ပါ။