MPT Myanmar | Moving Myanmar Forward MPT Club အစီအစဥ် - သီးသန့်စည်းကမ်းသတ်မှတ်ချက်များ - MPT Myanmar | Moving Myanmar Forward
×

MPT Club အစီအစဉ်‌ - သီးသန့်စည်းကမ်းသတ်မှတ်ချက်များ

ဤဝန်ဆောင်မှုကို ရယူခြင်း သို့မဟုတ် သုံးစွဲခြင်းဖြင့် သုံးစွဲသူသည် ဤသီးသန့်စည်းကမ်းသတ်မှတ်ချက် များတွင် ပါဝင်သည့် စည်းကမ်းသတ်မှတ်ချက်များအပြင် MPT ၏ အထွေထွေစည်ကမ်းသတ်မှတ်ချက် များအား ဖတ်ရှု၍ အပြည့်အဝနားလည်ကြောင်း အသိအမှတ်ပြုပြီး ၎င်းတို့တွင်ဖော်ပြထားသော စည်းမျဉ်း စည်းကမ်းများနှင့် သတ်မှတ်ချက်များ အားလုံး၏ စည်းနှောင်မှုကို ခံယူပါသည်။  

၁။ အဓိပ္ပာယ်သတ်မှတ်ချက်များ

၁.၁ ဤ “သီးသန့်စည်းကမ်းသတ်မှတ်ချက်များ” (“သီးသန့်စည်းကမ်းချက်များ”) အား အဆိုပါ သီးသန့်သတ်မှတ်ချက်များ၏ တစ်စိတ် တစ်ပိုင်းအဖြစ်ပါဝင်မည့် MPT ၏ “အထွေထွေစည်းကမ်းသတ်မှတ်ချက်များ” (“အထွေထွေစည်းကမ်းချက်များ”) နှင့် MPT ၏ “ပုဂ္ဂိုလ်ရေးဆိုင်ရာ သတင်းအချက်အလက်ထိန်းသိမ်းမှု မူဝါဒ” (“အချက်အလက်ထိန်းသိမ်းမှု မူဝါဒ”) တို့နှင့် ယှဉ်တွဲ၍ ဖတ်ရှု ရပါမည်။

၁.၂ သီးသန့်စည်းကမ်းချက်များနှင့် အထွေထွေစည်းကမ်းချက်များအကြား ကွဲလွဲမှုတစ်စုံတစ်ရာ ရှိပါက သီးသန့်စည်းကမ်းချက်များ၏ ပြဋ္ဌာန်းချက်များက အထွေထွေစည်းကမ်းချက်များ၏ ပြဋ္ဌာန်းချက်များအား ကွဲလွဲမှုများ၏ အတိုင်းအတာအထိ လွှမ်းမိုးမည် ဖြစ်သည်။

၁.၃ အောက်တွင် အဓိပ္ပာယ်မသတ်မှတ်ထားသော်လည်း “သီးသန့်စည်းကမ်းချက်များ” တွင်ပါဝင်သည့် “___” ဖြင့်ရေးသားထားသော မြန်မာဘာသာဖြင့် အသုံးအနှုန်းများနှင့် အက္ခရာအကြီးဖြင့်ရေးထားသော အင်္ဂလိပ်ဘာသာဖြင့် အသုံးအနှုန်းများသည် “အထွေထွေ စည်းကမ်းချက်များ” တွင် ဖော်ပြထားသည့် အဓိပ္ပာယ်များနှင့် တူညီသော အဓိပ္ပာယ် ရှိရမည်။

“အကောင့်” ဆိုသည်မှာ အလုပ်လုပ်ပုံနည်းလမ်းများ (Mechanics) တွင် သတ်မှတ်ထားသည့် နည်းဟန်အတိုင်း ဝန်ဆောင်မှုကို ရယူသည့် သုံးစွဲသူ၏ အကောင့်ကို ရည်ညွှန်းပါသည်။ ထို့အပြင် “အကောင့်” ဆိုသည့် ဝေါဟာရတွင် “အထွေထွေ စည်းကမ်း ချက်များ” တွင် အဓိပ္ပာယ် ဖွင့်ဆိုထားသည့် “အကောင့်” လည်းပါဝင်သည်ဟု အလားတူ မှတ်ယူရမည်။

“စတင်အသုံးပြုသည့်နေ့” ဆိုသည်မှာ သုံးစွဲသူက အပိုဒ် ၃.၂ တွင်ဖော်ပြထားသည့် ဝန်ဆောင်မှု ရယူသည့် နေ့ရက်ကို ဆိုလိုသည်။

“ပတ်သက်ဆက်နွယ်သူ” ဆိုသည်မှာ “အထွေထွေစည်းကမ်းချက်များ” တွင်ဖော်ပြထားသည့် အဓိပ္ပာယ်ဖွင့်ဆိုချက်အပြင် ထိုအထဲ တွင် MPT Money နှင့် MPT နှင့် ပူးတွဲလုပ်ငန်းဆောင်ရွက်သည့် မိတ်ဖက်တို့လည်း ပါဝင်သည်။

“သတိပေးချက်များ (Alerts)” ဆိုသည်မှာ ကြော်ငြာနှင့် အရောင်းမြှင့်တင်မှုဆိုင်ရာ ကြော်ငြာချက်များ၊ စစ်တမ်းကောက်ယူမှု များနှင့် ဝန်ဆောင်မှု အကြောင်း ထုတ်လွှင့်ပေးပို့သည့် အခြားသော စာတိုများကို ရည်ညွှန်းပါသည်။

“လျှောက်လွှာပုံစံ” ဆိုသည်မှာ သုံးစွဲသူက ဝန်ဆောင်မှု ရယူရန်အတွက် ဖြည့်စွက်သည့် စာရွက် သို့မဟုတ် အီလက် ထရောနစ် လျှောက်လွှာပုံစံကို ရည်ညွှန်းပါသည်။

“ဆက်သွယ်မှုအထောက်အကူပစ္စည်းများ” ဆိုသည်မှာ ဝန်ဆောင်မှုနှင့် အလုပ်လုပ်ပုံနည်းလမ်းများဆိုင်ရာ သတင်းအချက် အလက်များ ပါဝင်သော အချက်အလက်များနှင့် ဆော့ဖ်ဝဲလ်စင်္ကြံများကို ရည်ညွှန်းပါသည်။ “ဆက်သွယ်မှု အထောက်အကူ ပစ္စည်းများ” တွင် ဆုကြေးဆိုင်ရာ လက်ကြမ်းကြော်ငြာများ၊ ပူးပေါင်းဆောင်ရွက်သည့်လုပ်ငန်း ကတ်တလောက်၊ MPT4U ကဲ့သို့သော ဆော့ဖ်ဝဲလ် အက်ပလီ ကေးရှင်းများ၊ https://www.mpt.com.mm/en/mpt-club-en/ တွင်ရှိသော MPT Club ၏ landing page အပါအဝင် ဝက်ဘ်ဆိုက်များနှင့် ရရှိနိုင်သော ဆုကြေးများစာရင်း၊ discount ကူပွန်များ၊ အလုပ်လုပ်ပုံ နည်းလမ်း များအကြောင်း အသေးစိတ် ရှင်းလင်းဖော်ပြမှုများပါဝင်သည့် ၎င်းနှင့် သက်ဆိုင်ရာ မကြာခဏမေးလေ့ရှိသော မေးခွန်းများ (FAQs) စသည့်တို့ ပါဝင်သည်။

“သတ်မှတ်ချက်ပြည့်မီသည့် ဝန်ဆောင်မှုများ” ဆိုသည်မှာ အပိုဒ် ၁.၁ တွင်ဖော်ပြထားသည့် အဓိပ္ပာယ်ရှိသည်။

“အထွေထွေ စည်းကမ်းချက်များ” ဆိုသည်မှာ အပိုဒ် ၁.၁. တွင်ဖော်ပါထားသည့် အဓိပ္ပာယ်ရှိသည်။

“အလုပ်လုပ်ပုံ နည်းလမ်းများ” ဆိုသည်မှာ အတိအကျသတ်မှတ်ထားသော အလုပ်လုပ်ပုံနည်းလမ်းများနှင့် အသေးစိတ် လုပ်ငန်း ဆောင်ရွက်မှု သတ်မှတ်ချက်များဖြစ်ပြီး ၎င်းတို့အရ ဝန်ဆောင်မှုကိုသုံးစွဲသူထံသို့ ပံ့ပိုးပေးပြီး ၎င်းတို့အရ ဝန်ဆောင်မှုကို ဆောင်ရွက်ပါသည်။ ဝန်ဆောင်မှု၏ အလုပ်လုပ်ပုံ နည်းလမ်းများကို “ဆက်သွယ်မှု အထောက်အကူပစ္စည်းများ” ထဲတွင် ပါဝင်သော ကမ်းလှမ်းမှုများ၊ အရောင်းမြှင့်တင်မှုများနှင့် ကြေညာချက်များတွင် တွေ့နိုင်ပါသည်။ သံသယကင်းရှင်းရန်ဆိုရလျှင် ဝန်ဆောင်မှု၏ အလုပ်လုပ်ပုံနည်းလမ်းများမှာ အချိန်နှင့်အမျှ ပြောင်းလဲနိုင်ပါသည်။ MPT အနေဖြင့် ၎င်းမှ အခါအားလျော်စွာ ထုတ်ပြန်သော “ဆက်သွယ်မှု အထောက်အကူပစ္စည်းများ” မှ တစ်ဆင့် အဆိုပါ ပြောင်းလဲမှုများအား သုံးစွဲသူထံသို့ အကြောင်း ကြားပေးသွားပါမည်။

“MPT Money” ဆိုသည်မှာ MPT Money Company Limited ကိုရည်ညွှန်းပါသည်။

“Notification” ဆိုသည်မှာ “အကောင့်” နောက်ဆုံး အခြေအနေ၊ အတည်ပြုစာများ၊ ဆုကြေးများနှင့် ပတ်သက်၍ မှားယွင်း ပေးပို့သည့်စာများ၊ သို့မဟုတ် အကောင့်နှင့်စပ်လျဉ်၍ လက်ခံရရှိသော ဆုကြေးဆိုင်ရာ Notification များအပါအဝင် ယင်းတို့ ချည်းသာမက ဝန်ဆောင်မှုနှင့် ဆက်စပ်၍ သုံးစွဲသူထံပေးပို့သည့် စာများကို ဆိုလိုသည်။

“ပူးပေါင်းဆောင်ရွက်သည့် လုပ်ငန်း” ဆိုသည်မှာ ဝန်ဆောင်မှုတွင် ပါဝင်ပြီး “ဆက်သွယ်မှု အထောက်အကူပစ္စည်းများ” တွင် သတ်မှတ်ထားသော အလုပ်လုပ်ပုံနည်းလမ်းများအရ လျှော့ဈေးများ နှင့်/သို့မဟုတ် အရောင်းမြှင့်တင်မှုဆိုင်ရာ ပစ္စည်းများ အပါအဝင် အခြားအရာများကို သုံးစွဲသူထံသို့ ပံ့ပိုးသည့် တတိယပုဂ္ဂိုလ် လုပ်ငန်းများဖြစ်သည်။

“ရမှတ်များ” ဆိုသည်မှာ ဝန်ဆောင်မှုများ၏ အလုပ်လုပ်ပုံ နည်းလမ်းများအရ သုံးစွဲသူက ရရှိနိုင်ပြီး သုံးစွဲသူ၏ အကောင့် ထဲသို့ ထည့်ပေးသည့် MPT Points များကို ရည်ညွှန်းပါသည်။

“ဆုကြေး” ဆိုသည်မှာ MPT သို့မဟုတ် ပူးပေါင်းဆောင်ရွက်သည့်လုပ်ငန်း(များ)က သုံးစွဲသူများထံ “ဆက်သွယ်မှု အထောက်အကူ ပစ္စည်းများ” တွင် ပါဝင်သည့် အလုပ်လုပ်ပုံနည်းလမ်းများအရ ပံ့ပိုးပေးသည့် ထုတ်ကုန်ပစ္စည်းများ နှင့် ဝန်ဆောင်မှုများ ဖြစ်သည်။

“ဝန်ဆောင်မှု သို့မဟုတ် MPT Club အစီအစဉ်” ဆိုသည်မှာ MPT Club အစီအစဉ်ကို ရည်ညွှန်းပါသည်။ သံသယကင်းရှင်းစေရန် ဆိုရလျှင် MPT အစီအစဉ်တွင် “အထွေထွေစည်းကမ်းသတ်မှတ်ချက်များ” ထဲတွင် အဓိပ္ပာယ်ဖွင့်ဆိုထားသော ဝန်ဆောင်မှုလည်း ပါဝင်သည်ဟု မှတ်ယူရမည်။

“ဝန်ဆောင်မှု ကာလ” ဆိုသည်မှာ ဝန်ဆောင်မှု၏ ကြာမြင့်ချိန် သို့မဟုတ် သက်တမ်း တစ်ခုလုံးကို ရည်ညွှန်းပါသည်။

“ဝန်ဆောင်မှု ပံ့ပိုးသည့် စင်္ကြံ” သို့မဟုတ် “SDP” ဆိုသည်မှာ ဝန်ဆောင်မှုအတွက် (ဝန်ဆောင်မှု ဖန်တီးခြင်း၊ session control နှင့် protocol ကဲ့သို့) ဝန်ဆောင်မှု ပံ့ပိုးသည့် ဖွဲ့စည်းပုံစနစ်ကို ထောက်ပံ့ပေးသည့် အစိတ်အပိုင်းများ အစုတစ်ခု ဖြစ်သည်။

“သီးသန့် စည်းကမ်းချက်များ” သည် အပိုဒ် ၁.၁ တွင် ဖော်ပြထားသည့် အဓိပ္ပာယ် ရှိရမည်။

“စည်းကမ်းသတ်မှတ်ချက်များ” သည် “အထွေထွေစည်းကမ်းချက်များ”၊ “အချက်အလက်ထိန်းသိမ်းမှု မူဝါဒ” နှင့် “သီးသန့် စည်းကမ်းချက်များ” တို့ကို စုပေါင်း၍ ရည်ညွှန်းပါသည်။

၁.၄ ဤ”သီးသန့်စည်းကမ်းသတ်မှတ်ချက်များ” ကို MPT အနေဖြင့် အခါအားလျော်စွာ မွမ်းမံပြင်ဆင်နိုင်ပါပြီး MPT အနေဖြင့် မွမ်းမံ ပြင်ဆင်မှု တစ်ရပ်ရပ် ရှိပါက သုံးစွဲသူအား အကြောင်းကြားနိုင်ပါသည်။ အခြားနည်းဖြင့်ဖော်ပြထားခြင်းမရှိပါက ဤ “သီးသန့် စည်းကမ်းချက်များ” သုံးစွဲသူ၏ ဝန် ဆောင်မှု ဆက်လက်အသုံးပြုမှုသည်

၂။ ဝန်ဆောင်မှု ဖော်ပြချက်

၂.၁ MPT Club အစီအစဉ် (“ဝန်ဆောင်မှု”) သည် စည်းကမ်းသတ်မှတ်ချက်များအရ သုံးစွဲသူများ၏ MPT နှင့် သို့မဟုတ် ပူးပေါင်းဆောင်ရွက်သည့်လုပ်ငန်းများ၏ ဝန်ဆောင်မှုများ အသုံးပြုသည့် အပေါ်မူတည်၍ သုံးစွဲသူများအား ဆုကြေး ထောက်ပံ့ ပေးသည့် MPT ၏ စွဲမြဲစွာသုံးစွဲမှု အစီအစဉ် (loyalty program) ဖြစ်ပါသည်။

၃။ သတ်မှတ်ချက် ပြည့်မီခြင်းနှင့် မှတ်ပုံတင်ခြင်း

၃.၁ လက်ရှိအသုံးပြုလျက်ရှိသော Postpaid နှင့်/သို့မဟုတ် Prepaid MPTအကောင့်များကိုင်ဆောင်ထားသည့် သုံးစွဲသူများသည် ဝန်ဆောင်မှုကို ရယူနိုင်ပါသည်။

၃.၂ သုံးစွဲသူသည် ဝန်ဆောင်မှုကို အောက်ပါနည်းဖြင့် ရယူနိုင်ပါသည် –

၃.၂.၁ USSD (*345#) နှင့် SMS (၃၄၅) သို့ စာပေးပို့ခြင်း၊
၃.၂.၂ ပြည့်စုံစွာဖြည့်စွက်ထားသည့် လျှောက်လွှာကို MPT သို့ လူကိုယ်တိုင်ပေးပို့၍သော်လည်းကောင်း သို့မဟုတ် MPT4U ကဲ့သို့ SDP မှ တစ်ဆင့်သော်လည်းကောင်း
၃.၂.၃ အလုပ်လုပ်ပုံနည်းလမ်းများတွင် ဖော်ပြထားသည့် သက်ဆိုင်ရာ လုပ်ထုံးလုပ်နည်းနှင့် အညီဆောင်ရွက်ခြင်း။

၃.၃ အပိုဒ် ၃.၂ ကိုဆောင်ရွက်ရာတွင် သုံးစွဲသူအနေဖြင့် သုံးစွဲသူက MPT အား ပေးပို့သည့် အချက်အလက်များအားလုံးသည် သုံးစွဲသူ အကောင်းဆုံးသိရှိသည့်အလျောက် စစ်မှန်၊ မှန်ကန်ပြီး ပြည့်စုံသည်ဟု အာမခံ၍ ကိုယ်စားပြုပါသည်။

၃.၄ သုံးစွဲသူသည် MPT ၏ customer care ကို ဖုန်းခေါ်ဆိုမှုပြုလုပ်ခြင်းဖြင့် စာရင်းသွင်းခြင်းမှ ရပ်စဲပြီး ဝန်ဆောင်မှုကို ရပ်တန့် နိုင်ပါသည်။

၄။ ဝန်ဆောင်မှုကာလ

၄.၁ ဝန်ဆောင်မှုကာလသည် အသက်ဝင်သည့်နေ့မှ စတင်မည်ဖြစ်ပြီး သုံးစွဲသူမှ အပိုဒ် ၃.၄ နှင့်အညီ ရပ်တန့်သည့်အချိန် သို့မဟုတ် အပိုဒ် ၁၁ အရ ဝန်ဆောင်မှု ရပ်စဲသည့်အချိန်အထိ ဆက်လက်တည်ရှိမည် ဖြစ်သည်။

၅။ ရမှတ်များ စုဆောင်ခြင်း

၅.၁ ရမှတ်များကို သုံးစွဲသူမှ အလုပ်လုပ်ပုံ နည်းလမ်းများတွင် သတ်မှတ်ထားသည့် စည်းကမ်းသတ်မှတ်ချက်များနှင့်အညီ စုဆောင်း/ရရှိနိုင်မည် ဖြစ်သည်။

၅.၂ ရမှတ်များကို အလုပ်လုပ်ပုံနည်းလမ်းများတွင် သတ်မှတ်ထားသည့် စည်းကမ်းသတ်မှတ်ချက်များနှင့်အညီ သုံးစွဲသူ၏ အကောင့်ထဲသို့ ထည့်သွင်းပေးသွားမည် ဖြစ်သည်။

၆။ ရမှတ်များလဲလှယ်ခြင်း

၆.၁ သုံးစွဲသူအနေနှင့် သုံးစွဲသူ၏ အကောင့်တွင် ထည့်သွင်းပေးထားသော ရမှတ်များအား အလုပ်လုပ်ပုံနည်းလမ်းများတွင် ဖော်ြပထားသည့် စည်းကမ်းသတ်မှတ်ချက်များနှင့်အညီ လဲလှယ်နိုင်မည် ဖြစ်သည်။

၆.၂ သက်ဆိုင်ရာ အလုပ်လုပ်ပုံနည်းလမ်းများကို ထောက်ရှုလိုက်နာလျက် သုံးစွဲသူများသည် “ဆက်သွယ်မှု အထောက်အကူ ပစ္စည်းများ” ၌ ပြသထားသည့် ဆုကြေးများကိုသာ လဲလှယ်နိုင်မည် ဖြစ်သည်။

၆.၃ ရမှတ်များကို ငွေသားနှင့် လဲလှယ်၍ ရနိုင်မည်မဟုတ်ဘဲ အတိုးရရှိမည်လည်း မဟုတ်ပါ။

၆.၄ လဲလှယ်ရန် တောင်းဆိုချက်များမှာ အပြီးသတ်ဖြစ်ပြီး ပြန်လည်ရုပ်သိမ်းနိုင်မည် မဟုတ်ပါ။

၆.၅ ဆုကြေးများနှင့် ဆုကြေးများလဲလှယ်ရန် လိုအပ်သည့် ရမှတ်အရေအတွက်တို့သည် ကြိုတင် အသိပေးခြင်းမရှိဘဲ ပြောင်းလဲနိုင်ပါသည်။

၆.၆ ဆုကြေးများသည် ရရှိနိုင်မှုအပေါ် မူတည်ပါသည်။

၇။ “ဆက်သွယ်မှု အထောက်အကူပစ္စည်းများ”

၇.၁ MPT အနေနှင့် ၎င်းက ဝန်ဆောင်မှု ဆက်စပ်၍ ထုတ်ဝေသည့် မည်သည့်သတင်းအချက်အလက်မဆိုသည် ၎င်းသိရှိသမျှ တိကျမှန်ကန်မှု ရှိစေရန် စီးပွားရေးအရ အကျိုးအကြောင့်သင့်လျော်သည့် ကြိုးစားအားထုတ်မှု ပြုလုပ်ရမည်။ သံသယ ကင်းရှင်းစေရန် ဆိုရလျှင် “ဆက်သွယ်မှု အထောက်အကူပစ္စည်းများ” ရှိ ဖော်ပြချက်များသည် ပူးပေါင်း ဆောင်ရွက် သည့် လုပ်ငန်းများက ပေးအပ်ထားသည့် အချက်အလက်များအပေါ် မူတည်ပါသည်။

၇.၂ သုံးစွဲသူများမှ ရရှိသော ဆုကြေးများ၏ ရုပ်ထွက်အပြင်အဆင်သည် “ဆက်သွယ်မှု အထောက်အကူပစ္စည်းများ”တွင် ပါဝင် သည့် ရုပ်ပုံနှင့် ဗွီဒီယိုများနှင့် အနည်းငယ် ကွာခြားမှု ရှိနိုင်ပါသည်။

၈။ Notification များနှင့် သတိပေးချက်များ

၈.၁ ဝန်ဆောင်မှုကို ရယူခြင်းအားဖြင့် သုံးစွဲသူမှ အောက်ပါတို့ကို လက်ခံရရှိရန် သဘောတူပါသည် –

၈.၁.၁ အခါအားလျော်စွာ MPT ထံမှ သင့်လျော်သည့် Notification များ။

၈.၁.၂ အခါအားလျော်စွာ MPT ထံမှ သင့်လျော်သည့် သတိပေးချက်များ။ သုံးစွဲသူအနေဖြင့် သတိပေးချက်များ လက်ခံရရှိခြင်း ကို 9800 သို့ OFF ဟု စာတိုပေးပို့ခြင်းအားဖြင့် ရပ်တန့်နိုင်ပြီး ပြန်လည် လက်ခံရရှိရန် 9800 သို့ ON ဟု စာတို ပေးပို့နိုင်ပါသည်။

၉။ မှတ်တမ်းထားရှိခြင်း – ရမှတ်များ၏ သက်တမ်း

၉.၁ သုံးစွဲသူ၏ အကောင့်ထဲတွင် ရရှိထားသော ရမှတ်များသည် အလုပ်လုပ်ပုံနည်းလမ်းများတွင် ဖော်ပြထားသည့် ကာလအတွက် သက်တမ်းရှိပါသည်။

၉.၂ သုံးစွဲသူအနေနှင့် ၎င်း၏ အကောင့်ထဲတွင် ရရှိထားသော ရမှတ် အရေအတွက်များကို မှတ်သားထားရန် သို့မဟုတ် မည်သို့ အသုံးပြုထားသည်ကို သိရှိထားရန် တာဝန်ရှိပါသည်။ MPT သည် သုံးစွဲသူ၏ အကောင့်ထဲ၌ ရရှိထားသော ရမှတ်များ စုစုပေါင်းကို အသိပေးခြင်း သို့မဟုတ် ထိုရမှတ်များ သက်တမ်းကုန်ဆုံးခါနီးပြီ ဖြစ်ကြောင်း သို့မဟုတ် သက်တမ်း ကုန်ဆုံးသွားပြီဖြစ်ကြောင်း အသိပေးခြင်းတို့ကို ၎င်း၏ သဘောဆန္ဒဖြင့် ပြုလုပ်နိုင်ပါသည်။

၁၀။ သုံးစွဲသူအချက်အလက်နှင့် ပုဂ္ဂိုလ်ရေးဆိုင်ရာသတင်းအချက်အလက်များ

၁၀.၁ သုံးစွဲသူသည် ဝန်ဆောင်မှုကို သဘောတူစတင်ခြင်းအားဖြင့် MPT ၏ အထွေထွေစည်းကမ်းချက်များ၏ အပိုဒ် ၁၁ နှင့် ပုဂ္ဂိုလ်ရေးဆိုင်ရာသတင်းအချက်အလက် ထိန်းချုပ်မှု မူဝါဒ အပြင် အောက်ပါတို့ကို သဘောတူညီပြီး ခွင့်ပြုချက်ပေးပါသည် –

၁၀.၁.၁ ဝန်ဆောင်မှုပေးအပ်ရန် အလို့ငှာ ၎င်း၏ ပုဂ္ဂိုလ််ရေးဆိုင်ရာသတင်းအချက်အလက်များကို ပတ်သက်ဆက်နွှယ်သူများ၊ ပူးပေါင်းဆောင်ရွက်သည့်လုပ်ငန်းများ နှင့်/သို့မဟုတ် တတိယပုဂ္ဂိုလ်များထံသို့ ဖွင့်ဟ ထုတ်ဖော်ခြင်း၊

၁၀.၁.၂ (၁) ဝန်ဆောင်မှုနှင့် ဆက်စပ်သည့် သို့မဟုတ် (၂) ပြင်ပဝန်ဆောင်မှုများနှင့် ပူးပေါင်း၍ ပြုလုပ်သည့် အရောင်း မြှင့်တင်မှုနှင့် ဈေးကွက်မြှင့်တင်မှုဆိုင်ရာ လုပ်ငန်းများအလို့ငှာ ၎င်း၏ ပုဂ္ဂိုလ််ရေးဆိုင်ရာ သတင်းအချက် အလက်များကို ပတ်သက်ဆက်နွှယ်သူများ၊ ပူးပေါင်းဆောင်ရွက်သည့်လုပ်ငန်းများ နှင့်/သို့မဟုတ် တတိယ ပုဂ္ဂိုလ်များထံသို့ ဖွင့်ဟ ထုတ်ဖော်ခြင်း၊

၁၀.၁.၃ သုံးစွဲသူ မည်သူမည်ဝါဖြစ်ကြောင်းကို မည်သည့်နည်းနှင့်မျှ ထုတ်ဖော်ခြင်းမရှိသည့်နည်းလမ်းဖြင့် စုဆောင်းထားသည့် သို့မဟုတ် အမည်ဖော်ပြထားခြင်းမရှိသည့် အချက်အလက်များ၊ အစီရင်ခံစာများနှင့် စာရင်းအင်းများ ပြုစုရန် အလို့ငှာ ၎င်း၏ ပုဂ္ဂိုလ််ရေးဆိုင်ရာ သတင်းအချက်အလက်များကို ပတ်သက်ဆက်နွှယ်သူများ၊ ပူးပေါင်းဆောင်ရွက်သည့် လုပ်ငန်းများ နှင့်/သို့မဟုတ် တတိယပုဂ္ဂိုလ်များထံသို့ ဖွင့်ဟ ထုတ်ဖော်ခြင်း၊

၁၀.၁.၄ ၎င်း၏ ပုဂ္ဂိုလ်ရေးဆိုင်ရာသတင်းအချက်အလက်များကို ဝန်ဆောင်မှုနှင့် စပ်လျဉ်း၍ MPT၊ ၎င်း၏ ပတ်သက် ဆက်နွှယ်သူများ၊ ပူးပေါင်းဆောင်ရွက်သည့် လုပ်ငန်းများ၊ နှင့်/သို့မဟုတ် တတိယပုဂ္ဂိုလ်များမှ MPT ကိုယ်စား အသုံးပြုခြင်း၊

၁၀.၁.၅ ပုဂ္ဂိုလ်ရေးဆိုင်ရာသတင်းအချက်အလက်များကို MPT၊ ၎င်း၏ ပတ်သက်ဆက်နွှယ်သူများ၊ ပူးပေါင်းဆောင်ရွက်သည့် လုပ်ငန်းများ၊ နှင့်/သို့မဟုတ် တတိယပုဂ္ဂိုလ်ကန်ထရိုက်များမှ အောက်ပါတို့အတွက် အသုံးပြုခြင်း –

က) သုံးစွဲသူ၏ အကောင့်ကို စီမံခန့်ခွဲရန်၊ ဝန်ဆောင်မှုနှင့် စပ်လျဉ်း၍ သုံးစွဲသူမှ MPT ထံသို့ ပြုလုပ်သည့် ဖုန်းခေါ်ဆိုမှုများ၊ အီးမေးလ်များ သို့မဟုတ် စာတိုပေးပို့မှုများကို စောင့်ကြည့်လေ့လာခြင်းအပါအဝင် သုံးစွဲသူဝန်ဆောင်မှု လုပ်ငန်းများ ဆောင်ရွက်ရန်၊

ခ)တတိယ ပုဂ္ဂိုလ်ပတ်သက်ဆက်နွှယ်သူများမှ ကမ်းလှမ်းချက်များ အပါအဝင် ကျွန်ုပ်တို့၏ ဝန်ဆောင်မှုများနှင့် ကမ်းလှမ်းချကက်များကို စိစစ်ရန်နှင့် အဆင့်မြှင့်တင်ရန်။

၁၀.၁.၆ ၎င်း၏ ပုဂ္ဂိုလ်ရေးဆိုင်ရာသတင်းအချက်အလက်များကို MPT ၏ ပတ်သက်ဆက်နွှယ်သူများ၊ ပူးပေါင်းဆောင်ရွက်သည့် လုပ်ငန်းများ၊ နှင့်/သို့မဟုတ် တတိယပုဂ္ဂိုလ်တို့မှ ဝန်ဆောင်မှုများ ပေးအပ်ခြင်း၊ ဈေးကွက်မြှင့်တင်ခြင်း၊ ဒေတာ စုစည်းခြင်း၊ ဈေးကွက်ခွဲခြမ်းစိတ်ဖြာလေ့လာခြင်းနှင့် အခြားသော အလားတူရည်ရွယ်ချက်များအလို့ငှာ MPT အနေနှင့် လက်ခံရရှိခြင်း။

၁၁။ ရပ်စဲခြင်း

၁၁.၁ MPT သည် ဝန်ဆောင်မှုရှိ သုံးစွဲသူ၏ မှတ်ပုံတင်ထားမှု၊ သုံးစွဲသူ၏အကောင့်၊ နှင့်/သို့မဟုတ် မည်သည့် ဆုကြေးမဆိုကို အောက်ပါအကြောင်းရင်းများအတွက် မည်သည့်ပေးရန်တာဝန်မျှ ကျသင့်ခြင်းမရှိဘဲ ငြင်းပယ်ခြင်း၊ ရပ်ဆိုင်းခြင်း သို့မဟုတ် ရပ်စဲခြင်းတို့ ပြုလုပ်ရန် အခွင့်အရေးရှိပါသည် –

၁၁.၁.၁ သုံးစွဲသူမှ စည်းကမ်းသတ်မှတ်ချက်များ နှင့်/သို့မဟုတ် အလုပ်လုပ်ပုံနည်းလမ်းများကို ချိုးဖောက်ဖောက်သည်ဟု MPT က ထင်မြင်ပါက၊ နှင့်

၁၁.၁.၂ ဝန်ဆောင်မှု နှင့်/သို့မဟုတ် ဆုကြေးများကို ခွင့်ပြုချက်မရှိဘဲ၊ မလျော်ကန်စွာ သို့မဟုတ် တရားမဝင် အသုံးပြုပါက။

၁၂။ ရပ်စဲခြင်း၏ နောက်ဆက်တွဲ ရလဒ်များ

၁၂.၁ ဝန်ဆောင်မှုကို အပိုဒ် ၁၁.၁ အရ ရပ်စဲပါက သုံးစွဲသူသည် သုံးစွဲသူ၏ အကောင့်ထဲတွင် ရရှိထားသော ရမှတ်များအားလုံးကို ဆုံးရှံးမည် ဖြစ်သည်။

၁၃။ အငြင်းပွားမှုများ

၁၃.၁ သုံးစွဲသူ၏ ဝန်ဆောင်မှုကို ရယူနိုင်မှု နှင့်/သို့မဟုတ် ရမှတ်များ ရယူစုဆောင်ခြင်း နှင့်/သို့မဟုတ် လဲလှယ်ခြင်းတို့နှင့် ပတ်သက်၍ MPT နှင့် အငြင်းပွားမှု ဖြစ်ပေါ်သည့် မည်သည့်သုံးစွဲသူမဆိုသည် အငြင်းပွားမှု ဖြစ်ပေါ်စေသည့် ဖြစ်ရပ်မှ ရက်ပေါင်း ကိုးဆယ် (၉၀) အတွင်း MPT ထံသို့ စာဖြင့်ရေးသားထားသည့် အကြောင်းကြားစာပေးပို့၍ အငြင်းပွားမှုဖြစ်ပေါ်စေသည့် အကြောင်းရင်းများနှင့် သက်သေခံစာရွက်စာတမ်း အထောက်အထားများကို ပေးပို့ရမည်။ MPT မှ ထိုသို့သော အငြင်းပွားမှု အပေါ် စေ့စပ်သေချာပြီး ဘက်လိုက်မှုမရှိသော စိစစ်လေ့လာချက်တစ်ရပ် ဆောင်ရွက်သွားမည်ဖြစ်ပြီး သုံးစွဲသူထံသို့ ထို အကြောင်းကြားစာ ရရှိသည့်အချိန်မှ သင့်လျော်သည့်ကာလအတွင်း အကြောင်းပြန်ကြားသွားမည် ဖြစ်ပါသည်။

၁၃.၂ မည်သည့်ကိစ္စတွင်မဆို MPT နှင့် သုံးစွဲသူအကြား ဝန်ဆောင်မှုများ ပေးအပ်ခြင်းမှ ဖြစ်ပေါ်သည့် မည်သည့်အငြင်းပွားမှုမဆိုသည် “အထွေထွေ စည်းကမ်းချက်များ”တွင် ဖော်ပြထားသည့်အတိုင်း အငြင်းပွားမှုဖြေရှင်းခြင်းနှင့် စပ်လျဉ်းသည့် သက်ဆိုင်သည့် စည်းမျဉ်းစည်းကမ်းများကို လိုက်နာရမည်ဖြစ်သည်။